ᖃᐅᔨᒪᔪᖅ ᖃᓄᐃᑦᑑᒻᒪᖔᖅ ᐃᑲᔪᖅᑕᐅᓪᓗᓂ ᐊᒻᒪᓗ ᒫᓐᓇ ᐃᑲᔪᖅᑎᐅᓕᖅᑐᖅ ᓄᓇᓕᖓᓂ. ᕙᓂᓴ ᕘᕐ ᐃᓅᓚᐅᖅᓯᒪᔪᖅ ᐱᕈᖅᓴᓪᓗᓂᓗ ᐅᐃᓂᐹᒡᒥ, ᒫᓂᑑᐸᒥ ᐊᒃᑐᐊᓂᖃᖅᖢᓂᓗ ᕉᓴ ᑰᖕᒧᑦ ᐋᓐᓯᓇᐱ ᓄᓇᖃᖅᑳᖅᓯᒪᔪᓄᑦ. ᐅᑭᐅᓂᒃ ᑕᓪᓕᒪᓂᒃ, ᐃᓄᓕᕆᔨᒃᑯᓐᓂ ᐃᖅᑲᓇᐃᔭᖃᑦᑕᕐᓯᒪᔪᖅ ᐊᒻᒪᓗ ᓯᕗᓂᐊᒍᑦ ᐊᓪᓚᕝᕕᓕᕆᖃᑦᑕᕐᓯᒪᓪᓗᓂ ᖃᐅᔨᓇᓱᐊᖅᑎᓪᓗᒍ ᖃᓄᐃᓕᐅᕈᒪᓂᕐᒥᓂᒃ ᐃᖅᑲᓇᐃᔭᕐᓂᐊᕐᓗᓂ. ᐅᓪᓗᒥᐅᓕᖅᑐᖅ ᐃᓄᓕᕆᔨᐅᔪᓐᓇᖅᓯᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᓄᓇᓕᖕᓂ ᓯᓚᑦᑐᖅᓴᕐᕕᖕᒥ ᒐᕙᒪᓕᕆᔨᒃᑯᑦ ᑐᓴᐅᒪᑎᑦᑎᔨᐅᓪᓗᓂ ᐊᒻᒪ ᓂᒋᓐ ᓯᓚᑦᑐᖅᓴᕐᕕᖕᒥ ᐊᑐᖅᑕᐅᔪᓂᒃ ᐱᓕᕆᔾᔪᑎᓂᒃ ᐃᓕᓐᓂᐊᒐᒃᓴᐅᓪᓗᓂ ᐱᔭᕆᐊᖃᓪᓚᕆᒃᑐᓄᑦ ᐃᓕᓴᐃᔨᐅᓪᓗᓂ.

ᐱᕈᖅᓴᓪᓗᓂ, ᕙᐃᐊ ᐅᐃᓂᐹᒡᒥ ᐃᓕᓐᓂᐊᕐᕕᒃᑰᓚᐅᖅᐳᖅ ᐃᓕᓐᓂᐊᓪᓚᑦᑖᕐᓂᖓᓄᑦ ᐊᒻᒪ ᐃᓕᓐᓂᐊᑦᑎᐊᕐᓂᖓᓄᑦ, ᐃᓕᖅᑯᓯᕐᒥᓂᒃ ᐱᓕᕆᖃᑎᖃᖅᖢᓂ, ᖁᕕᐊᓲᑎᖃᖃᑕᐅᓪᓗᓂ ᐊᒻᒪ ᐃᓕᓐᓂᐊᖃᑕᐅᓪᓗᓂ ᐃᓕᖅᑯᓯᓕᕆᓂᕐᒥᒃ ᐃᓕᓴᐃᓂᕐᒥᒃ. ᐃᓕᓐᓂᐊᖏᓐᓇᖅᑐᖅ ᑕᒪᐃᓐᓂᒃ ᐋᖅᑭᒃᓯᒪᑦᑎᐊᙱᑦᑐᓂᒃ ᐋᖅᑭᒃᓯᒪᔪᓂᒃ ᓇᖕᒥᓂᖅ ᐱᓕᕆᔨᒻᒪᕆᐅᓂᒃᑯᓪᓗ ᐱᕈᖅᐸᓪᓕᐊᓪᓗᓂ.

ᐃᓱᒪᒋᓪᓗᒍ ᑭᓱ ᐱᔪᒃᓯᓂᖃᕐᒪᖔᑦ ᐃᖅᑲᓇᐃᔮᕆᓛᕈᒪᔭᒥᓄᑦ, ᕖᐊ ᐊᒃᑐᐊᓂᖃᖅᑐᖅ ᓇᖕᒥᓂᖅ ᖃᑕᙳᑎᖏᑕ ᐃᓅᓯᖓᓂ ᖃᓄᕐᓗ ᑎᒍᐊᖅᑕᐅᓚᐅᕐᒪᖔᑦ ᒪᒃᑯᒃᑎᓪᓗᒍ. ᖃᐅᔨᒪᑦᑎᐊᖅᑐᖅ ᑎᒍᐊᙳᐊᖑᖃᑦᑕᖅᑐᓂᒃ ᐊᒻᒪᓗ ᐊᒃᓱᕈᕈᑎᒋᔪᓐᓇᖅᑕᖏᓐᓂᒃ. ᐊᓈᓇᙳᐊᖓ 20 ᐅᖓᑖᓂ ᕿᑐᕐᖓᖃᓚᐅᖅᑐᖅ ᐊᕐᕌᒍᓂᑦ ᐱᓕᕆᖃᑦᑕᓚᐅᖅᑐᖅ ᐱᓕᕆᔾᔪᓯᕐᒥᑦ ᐃᓚᒋᔭᐅᕐᔪᐊᓚᐅᖅᐳᖅ ᖃᓄᐃᒻᒪᑦ ᐃᓄᓕᕆᔨᒃᑯᓐᓂ ᐃᖅᑲᓇᐃᔭᕈᒪᖕᒪᖔᑦ. "ᓇᒡᓕᒍᓱᖕᓂᖅ, ᓇᒡᓕᒍᓱᖕᓂᖅ ᐃᑲᔪᖅᓱᐃᓂᕐᓗ ᐅᕙᓐᓂᒃ ᓂᑲᒍᓱᑦᑎᐊᓚᐅᖅᑐᖅ, ᐃᑲᔪᑐᐃᓐᓇᕈᒪᓕᓚᐅᖅᑐᖓ ᐃᓄᖕᓂᒃ, ᐱᔪᓐᓇᕐᓂᓕᒫᓐᓂᓪᓗ ᐱᓕᕆᑐᐃᓐᓇᖅᖢᖓ," ᐃᖅᑲᐅᒪᔪᖅ.

ᑭᓇᑐᐃᓐᓇᖅ ᐅᖃᖃᑎᖃᕈᒪᔪᖅ ᑲᑎᖃᑎᖃᕈᒪᒍᓂᓗ ᐃᓄᖕᓂᑦ, ᐃᓄᓕᕆᓂᖅ ᓈᒻᒪᓚᐅᖅᑐᖅ ᕘᕐᒧᑦ. "ᐃᓄᐃᑦ ᖃᐅᑕᒫᑦ ᑲᑎᖃᑦᑕᖅᑕᒃᑲ, ᑕᑯᕙᒃᖢᒋᑦ ᓴᙱᓂᖏᑦ, ᓴᐱᓕᖅᓴᕋᐃᙱᓐᓂᖏᑦ, ᑭᓱᓕᒫᑦ ᑕᐃᒪᓐᓇ. ᖃᐅᑕᒫᑦ ᐱᔪᒃᓯᑎᑦᑎᓂᑐᐃᓐᓇᐅᕗᖅ ᐅᕙᓐᓄᑦ ᐃᑲᔪᖅᖢᓂ," ᑲᔪᓰᓐᓇᖅᐳᖅ. ᑕᐅᑐᒃᖢᓂ ᑲᒪᒋᔭᖏᓐᓂ ᑲᔪᓯᑦᑎᐊᖅᑐᓂᒃ ᐊᓂᒍᐃᔪᓂᒃᓗ ᑐᓗᕈᑎᓂᒃ ᐱᔪᒪᓕᖅᑎᑦᑎᔾᔪᑎᐅᔪᖅ ᐃᓅᓯᖓᓂ.

ᐊᓯᔾᔨᖅᑐᒥᒃ ᑕᑯᙱᒃᑲᓗᐊᖅᖢᓂ, ᖃᐅᔨᒪᔪᖅ ᓱᓕ ᐊᔾᔨᒌᙱᓐᓂᖅᑕᖃᑐᐃᓐᓇᕆᐊᖃᕐᓂᖓᓂᒃ ᓄᓇᐅᑉ ᖄᖓᑕ ᐊᑖᓂ. "ᖁᕕᐊᓱᒃᑎᑦᑎᒋᕗᖓᑦᑕᐅᖅ ᖃᐅᔨᒪᑐᐃᓐᓇᖅᖢᖓ ᐃᖏᕐᕋᓂᐅᖕᒪᑦ ᐃᓄᖕᓄᑦ, ᐅᕙᓐᓄᑎᑐᑦ, ᐅᐱᒍᓱᑦᑎᐊᖅᐳᖓᓗ ᐱᓱᖃᑎᒋᔪᓐᓇᕋᒃᑭᑦ ᐃᓅᖃᑎᓕᒫᒃᑲ," ᐱᙳᐊᖃᑎᒋᖃᑦᑕᖅᑕᒃᑲ.

ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐃᓱᒪᓕᕌᖓᑕ ᓄᓇᒥᓂᒃ ᕿᒪᐃᔪᒪᓪᓗᑎᒃ, ᕘᕐ ᐅᖃᐅᔾᔪᐃᓂᖓ ᑐᙵᕕᖃᖅᖢᓂ ᐊᑐᖃᑦᑕᖅᓯᒪᔭᖏᓐᓂᒃ ᓅᑉᐸᖕᓂᖏᓐᓄᑦ ᐊᒥᐊᓕᒃᑲᓄᑦ ᐃᓕᓐᓂᐊᕐᕕᖕᒧᑦ 18−ᖑᖅᑎᓪᓗᒍ ᐱᖃᓐᓇᕆᔭᒥᓂᒃ ᐃᓚᒥᓂᒡᓗ ᑲᑎᖃᑎᖃᕋᓱᒃᐸᒃᖢᓂ. ᐅᖓᓯᒋᒐᓗᐊᕐᓗᒍ ᓴᙱᔪᒥᑦ ᑲᓱᖅᓯᒪᐃᓐᓇᕈᓐᓇᕋᓗᐊᖅᖢᓂ, ᑕᒪᓐᓇ ᐊᑐᒐᔪᒃᐸᐅᒃ ᐊᔪᙱᓐᓂᓕᒫᖕᓂᑦ ᐱᓇᓱᐊᖅᑎᓪᓗᑎᑦ. ᕿᓂᖁᔨᔪᖅ ᐃᑲᔫᑎᓂᑦ ᓲᕐᓗ ᐃᓕᓐᓂᐊᕐᕕᓯ ᓄᓇᖃᖅᑳᖅᓯᒪᔪᓄᑦ ᐅᐸᒐᖓᓂᑦ ᐊᒻᒪ ᐃᒻᒥᓂᒃ ᑲᒪᒋᑦᑎᐊᕐᓗᑎᑦ, ᐊᐅᓚᔾᔭᐸᓪᓕᐊᓂᖅ ᐃᓱᒪᓐᓄᑦ ᖃᓄᐃᒍᓐᓃᐸᓪᓕᐊᒍᓐᓇᕐᒪᑦ.

ᐊᓂᒍᐃᓂᖅ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒧᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᓂᒃ ᐱᓕᕆᐊᖑᓵᓕᓚᐅᖅᐳᖅ. ᐃᑲᔪᖅᑕᐅᓪᓗᓂ ᐃᑲᔫᑎᒃᓴᓂᒃ ᐊᒻᒪ ᖃᓄᐃᓕᐅᕈᑎᒃᓴᓂᒃ, ᒥᒃᖠᒋᐊᖅᑎᑦᑎᔪᓐᓇᖅᓯᒪᔪᖅ ᐊᒃᓱᕈᕐᓇᖅᑐᓂᒃ ᐊᒃᑐᐊᓂᓕᖕᓂᒃ ᑕᒪᒃᑯᓄᖓ ᐊᒃᓱᕈᕐᓇᖅᑐᓄᑦ. ᑮᓇᐅᔭᑎᒍᑦ ᐊᒃᓱᕈᕐᓇᖅᑐᖅᓯᐅᕈᑕᐅᓲᑦ ᓯᓚᑦᑐᖅᓴᕐᕕᖕᒥ ᐊᓂᒍᐃᔪᓐᓇᙱᖦᖢᑎᒃ, ᐅᓄᖅᑐᓂᒡᓗ ᐃᑲᔫᑎᒃᓴᖅᑕᖃᖅᖢᓂ ᖃᐅᔨᒪᓚᐅᙱᑕᒥᓂᒃ ᑭᓯᐊᓂ ᑭᖑᓂᐊᒍᑦ. ᐊᐱᖅᓱᑲᑕᒃᖢᓂ ᐊᒥᓱᓂᒃ, ᖃᐅᔨᔪᓐᓇᖅᓯᓚᐅᖅᐳᖅ ᑭᓱᓂᒃ ᐱᔭᕆᐊᖃᕐᒪᖔᑦ ᑲᔪᓯᑦᑎᐊᖁᓪᓗᒍ.

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᓄᑦ ᓇᖕᒥᓂᖅ ᐃᒪᐃᒃᑲᔭᖅᑐᖅ, "ᓱᓕᐃᓐᓇᕐᓗᑎᑦ ᑭᓇᐅᖕᒪᖔᖅᐱᑦ, ᑭᓇᐅᔪᒪᖕᒪᖔᓪᓗ ᐃᓅᓯᕐᓂ ᐊᖅᑯᑎᖕᓃᖏᓐᓇᕐᓗᑎᓪᓗ. ᐊᖅᑯᑎᐅᑉ ᐱᐅᒋᙱᒃᑯᕕᐅᒃ ᐊᓯᔾᔨᕐᓂᐊᖅᑕᐃᑦ. ᐃᓛᓐᓂᒃᑯᑦ ᐊᔾᔨᒌᙱᑦᑐᓄᑦ ᐃᓅᓯᕐᓄᑦ ᐃᓕᖕᓅᖅᑕᐅᔪᓐᓇᕋᕕᑦ ᓈᒻᒪᒐᔭᙱᖦᖢᓂ ᑕᐃᒪᐃᒃᑯᓂ, ᐃᓛᓐᓂᒃᑯᑦ ᖃᐅᔨᓇᓱᒃᐸᒡᓗᑎᑦ ᓱᓕᑐᐃᓐᓇᕐᓗᓂᓗ ᐱᓕᕆᐊᕆᔪᒪᓇᔭᖅᑕᕐᓄᑦ ᐃᓅᓯᕐᓂ ᐅᖃᐅᔾᔪᐃᓇᔭᖅᐳᖓ ᒪᒃᑯᖕᓂᖅᓴᓄᑦ."

ᐃᓱᒪᓂᖅ ᓴᓇᕐᕈᑎᓂᒃ, ᐅᐸᓗᖓᐃᔭᐅᑎᓂᒃ ᐊᒻᒪ ᑲᐳᔾᔭᕐᕕᖕᓂᒃ ᐊᑐᖃᑦᑕᖅᑕᖏᑦ ᓇᓕᒧᒌᒃᑎᓐᓇᓱᒃᖢᒋᑦ ᐃᓱᒪᖏᑦ ᖃᓄᐃᙱᑦᑎᐊᕐᓂᖏᓪᓗ, ᐃᓱᒪᒥᐅᑕᖃᑦᑎᐊᖁᔨᔪᖅ, ᐃᑲᔪᓲᖅ ᐃᖏᕐᕋᑎᓪᓗᒍ. ᐃᑲᔪᖅᑕᐅᓯᒪᒻᒥᔪᖅ ᐃᓅᓯᓕᕆᓂᕐᒥᑦ ᐊᒻᒪᓗ ᐃᓚᐅᖃᑕᐅᓂᕐᒥᑦ ᐃᖃᐃᓕᓴᕐᓂᕐᒥᑦ, 5-ᒥᓂᔅ 10-ᒥᓂᔅᑐᐃᓐᓇᐅᒐᓗᐊᖅᑲᑦ ᐱᓱᓪᓗᓂ ᐅᓪᓗᒥ ᐊᕕᒐᓱᐊᕐᓗᒍ. ᐃᓚᒥᓄᑦ ᐱᖃᓐᓇᕆᔭᒥᓄᓪᓗ ᐊᒃᑐᐊᖃᑎᒌᖏᓐᓇᕐᓂᖅ ᐊᒻᒪ ᐅᐸᒍᑎᖃᑦᑕᕐᓂᖅ ᐃᓅᓯᖓᓂ ᐊᓯᔾᔩᓯᒪᒋᕗᖅ.

ᑐᓴᖅᑎᑦᑎᔪᒪᔪᖅ ᑭᓇᒥᑭᐊᖅ ᐊᒃᓱᕉᑎᖃᑐᐃᓐᓇᕆᐊᓕᖕᒥᑦ ᐊᖅᑯᑎᒋᓂᐊᖅᑕᖓᓄᑦ ᐃᑲᔪᖅᑕᐅᔪᒪᓗᑎᒃ ᐃᑲᔪᖅᑎᒌᒃᓗᑎᒃ ᐃᓚᒥᓄᑦ, ᐱᖃᓐᓇᕆᔭᖏᓐᓄᑦ ᐅᕝᕙᓘᓐᓃᑦ ᖃᐅᔨᒪᙱᑕᖏᓐᓄᑦ ᐊᒻᒪ ᐃᒻᒥᓂᒃ ᐱᕕᒃᓴᖃᖅᑎᑉᐸᒡᓗᒋᑦ. "ᐃᓱᒪᒋᔭᕋ ᓇᖕᒥᓂᖅ ᑲᒪᒋᓂᖅ ᐃᓚᒋᔭᐅᕐᔪᐊᕐᓂᖓᓂᒃ ᖃᐅᔨᓗᓂ ᑭᓇᐅᖕᒪᖔᖅᐱᑦ ᐃᓅᓗᑎᑦ ᑭᓱᓗ ᐱᔪᒪᖕᒪᖔᖅᐱᐅᒃ," ᓇᓗᓇᐃᖅᓯᓪᓗᓂ, ᐱᖁᔨᓪᓗᓂ ᐱᒋᐊᕐᓗᓂ ᐊᑕᐅᓯᑐᐃᓐᓇᕐᒥ ᓇᖕᒥᓂᖅ ᑲᒪᒋᓗᒍ ᖃᓄᐃᓕᐅᕈᑎᒥᒃ ᐅᓪᓗᕐᒥ ᐱᒋᐊᕐᓗᓂ. ᐅᖃᕐᖢᓂ ᖃᐅᑕᒫᑦ ᐱᑦᑕᐃᓕᓗᒍ ᑕᖃᓇᖅᑐᖅ ᐃᓱᒪᑦᑎᐊᕐᓂᕐᒥ ᓯᕗᕙᓯᓗᐊᖅᑐᒥᒃ.

ᖃᐅᔨᒪᓪᓗᓂ ᖃᓄᐃᒻᒪᖔᖅ ᐃᑲᔪᖅᑕᐅᓪᓗᓂ ᕙᓂᓴ ᕘᕐ ᐃᑲᔪᖅᑎᕈᕐᓗᓂ ᓄᓇᓕᖓᓂ. ᐊᖏᖅᓯᒪᓂᖃᕐᓂᕐᒥᑦ ᐱᔨᑦᓯᕋᖅᑕᖏᓐᓄᑦ ᐱᓱᕋᔭᓐᓂᕐᒥᓪᓗ ᓴᓂᑦᑎᐊᖏᓐᓂᑦ ᐃᖏᕐᕋᓂᖏᓐᓂᑦ, ᓇᒻᒥᓂᖅ ᑲᒪᒋᑦᓯᐊᖃᑦᑕᖅᑐᖅ ᓴᙱᔪᒥᑦ ᑕᓯᐅᖅᑎᐅᒍᓐᓇᕐᓂᐊᕐᒪᑦ. ᓇᒡᓕᒍᓱᖕᓂᖅ ᐊᓈᓇᙳᐊᒥᒃ ᓴᖅᑭᑎᑦᑎᓪᓗᓂ ᓇᒡᓕᒍᓱᖕᓂᕐᒥᒃ ᐃᓅᖃᑎᒌᖕᓂᕐᒥᒃ ᐃᖅᑲᓇᐃᔮᕆᓛᕈᒪᔭᖃᕐᓂᕐᒧᑦ, ᖃᐅᔨᒪᒐᓗᐊᖅᖢᓂ ᐊᑐᖃᑦᑕᖅᑐᖅ ᐊᒃᓱᕈᕐᓇᖅᑐᖃᕐᓂᖓᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.