ᓯᕗᓪᓕᖅᐹᒥ ᐃᓕᓴᐃᔨᐅᔪᒪᓚᐅᖅᑐᖅ, ᑭᓯᐊᓂ ᐃᓕᓐᓂᐊᖅᑕᖓ ᐊᓯᐊᓂᒃ ᐱᔾᔪᑎᖃᓕᓚᐅᖅᑐᖅ... ᐆᒻᒪᑎᖓᓗ ᐊᒥᕋᖅᑖᖅᑎᖦᖢᓂᐅᒃ. ᐋᓕᓴᓐ ᓴᕗᐃ ᐊᑎᑐᖃᖓ ᕋᑦ ᕘᑎᓇᓪ ᐊᕐᓇᐅᔪᖅ ᐃᓚᒋᔭᐅᓪᓗᓂᓗ ᑎᕆᒐᓂᐊᒧᑦ. ᐱᕈᖅᓴᓚᐅᖅᑐᖅ ᒫᓐᓇᓗ ᐃᖅᑲᓇᐃᔭᓕᖅᖢᓂ ᓯᐅᓪᑰᒃᒥ, ᐅᐃᓂᐹᒡᒥ ᓄᓇᖃᓚᐅᑲᒃᑲᓗᐊᖅᖢᓂ. ᐊᑖᑕᖓᑕ ᓴᓂᐊᓃᑦᑐᖅ, ᐊᒃᑐᐊᓂᖃᖅᑐᖅ ᐱᒍᕆᔅ ᓄᓇᖃᖅᑳᖅᓯᒪᔪᓄᑦ ᐊᓈᓇᖓᓗ ᑕᕆᐅᑉ ᐊᑭᐊᓂᙶᖅᑐᖅ. ᓴᕗᐃ ᐃᖅᑲᓇᐃᔭᖃᑦᑕᖅᑐᖅ ᐃᓄᓕᕆᔨᐅᓪᓗᓂ ᓗᐊᑦ ᓯᐅᓪᑰᒃ ᐃᓕᓐᓂᐊᕐᕕᒻᒥ, ᐃᖅᑲᓇᐃᔮᖓ ᑐᑭᖃᖅᑐᓂ ᐊᒥᓱᓂᒃ ᓇᓴᖅᓯᒪᓪᓗᓂ.

ᑲᔪᖏᖅᓴᐃᔨ ᓇᓗᓇᐃᖅᓯᓚᐅᖅᑐᖅ ᐃᖅᑲᓇᐃᔮᒥᑦ "ᐊᓈᓇᐅᔪᖅ" ᑭᓯᐊᓂ ᐃᒻᒥᓂᒃ ᑕᐃᔪᒪᓂᖅᓴᐅᔪᖅ "ᐊᑦᑕᑎᐅᓂᕋᕐᓗᓂ". ᐃᓅᓯᓕᕆᖃᑦᑕᖅᑐᖅ, ᑲᑎᖃᑎᖃᖃᑦᑕᖅᑐᖅ ᐊᖓᔪᖅᑳᕆᔭᐅᔪᓂᑦ ᐊᒻᒪ ᐃᓚᒌᓂᑦ, ᐃᓪᓗᕈᓯᕐᒥᑦ ᐱᓕᕆᐊᖃᖃᑦᑕᖅᑐᖅ, ᐊᒻᒪ ᐃᓕᓴᐃᔨᐅᓪᓗᓂ ᐃᓚᒋᔭᐅᑦᓱᓂ ᐱᓕᕆᕝᕕᐅᑉ ᐊᖏᖃᑎᒌᒍᑎᖏᓐᓄᑦ ᐱᓕᒻᒪᑦᓴᕐᓂᕐᒧᑦ ᐱᕙᒌᔭᐅᑎᓄᑦ. ᐃᓱᒪᓕᐅᓕᓚᐅᖅᑐᖅ ᐃᖅᑲᓇᐃᔮᕆᓛᕈᒪᔭᒥᓄᑦ ᓲᖃᐃᒻᒪ ᓇᒡᓕᒋᔭᐅᖏᓐᓇᐅᔭᕐᒪᑦ ᒪᒃᑯᖕᓂᖅᓴᓂᒃ ᐱᖃᑎᖃᖅᖢᓂ ᐱᙳᐊᑦᑎᐊᖏᓐᓇᐅᔭᖅᖢᓂᓗ. ᑭᓇᑐᐃᓐᓇᖅ ᓄᑕᕋᖅ ᐱᕈᖅᐸᓪᓕᐊᖏᓐᓇᐅᔭᖅᑐᖅ ᐊᒻᒪᓗ ᐊᓈᓇᖃᕐᖢᓂ ᐃᑲᔪᖅᑎᒥᒃ, ᐃᓱᒪᓕᕆᔨᒥᒃ ᐃᓗᐊᖅᓴᐃᔨᒥᒃ, ᐱᑎᑕᐅᓪᓗᓂ ᑕᐃᒪᓐᓇ ᐱᓕᕆᓪᓗᓂ.

ᐃᓕᑉᐸᓪᓕᐊᓂᑐᐃᓐᓇᖓᓄᑦ, ᓴᕗᐃ ᐃᓅᓯᓕᒫᒧᑦ ᐃᓕᓐᓂᐊᖅᑎᐅᕗᖅ ᖁᕕᐊᒋᔭᖃᖅᖢᓂᓗ ᐃᓕᑦᑎᕙᓪᓕᐊᓂᕐᒥᒃ ᐃᓄᖕᓂᒃ ᐊᕙᑎᖏᓐᓃᑦᑐᓂᒃ, ᐃᓐᓇᕐᓂ ᐱᖃᑎᖃᖅᐸᒃᖢᓂ, ᖃᐅᔨᒪᔪᓂᒃ ᐱᓯᒪᕙᒃᑐᓂᒃ ᐱᖃᓐᓇᕆᔭᒥᓂᒡᓗ. ᓈᓚᒋᐊᒃᓴᖅ ᐊᓕᐊᓇᐃᒋᑦᑎᐊᕐᒥᔭᖓ. ᐃᓕᓐᓂᐊᕐᓂᖓᓄᑦ, ᓄᑕᖅᑲᓂᒃ ᑲᒪᒋᔭᖃᖃᑦᑕᓚᐅᖅᐳᖅ ᐊᒻᒪ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒥᒃ ᐃᓕᓐᓂᐊᖅᖢᓂ, ᐱᒋᐊᓕᓚᐅᖅᖢᓂᓗ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᓂᓕᕆᓂᕐᒧᑦ ᓯᓚᑦᑐᖅᓴᕐᕕᒡᔪᐊᖓᓂ ᐅᐃᓂᐹᒡᒥ ᐱᔭᕇᖅᓯᓪᓗᓂᓗ ᒪᕐᕉᖕᓂᒃ ᐊᕐᕌᒎᖕᓂᒃ ᐃᓕᓐᓂᐊᖅᑎᓂᒃ ᐃᓕᓴᐃᓪᓗᓂ ᓄᖅᑲᖓᓯᒋᐊᓚᐅᙱᓐᓂᖓᓂ. ᐅᑕᖅᑭᓪᓗᓂ ᐱᖃᓐᓇᕆᔭᒥᓃᖦᖢᓂᓗ ᑭᓯᐊᓂ ᐅᑎᕋᒥ ᐊᓯᔾᔨᕐᖢᓂᓗ ᐊᖅᑯᑎᓂᒃ ᐱᕙᓪᓕᐊᓂᕐᒥ ᐃᓕᓐᓂᐊᕐᖢᓂ ᐱᔭᕇᕐᖢᓂᓗ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓴᓇᙳᐊᕐᓂᕐᒧᑦ. ᑭᖑᓂᐊᒍᑦ, ᐃᓄᓕᕆᔨᙳᓚᐅᖅᑐᖅ ᒫᓂᑑᐸ ᓯᓚᑦᑐᖅᓴᕐᕕᒡᔪᐊᖓᓂ. ᐃᓄᓕᕆᔨᐅᓪᓗᓂ ᐃᓕᓐᓂᐊᕐᕕᖕᓂ ᐱᐅᓛᓂᑦ ᓄᓇᕐᔪᐊᒥᑦ ᐱᐅᓛᓂᑦ ᑐᓂᓯᓚᐅᖅᐳᖅ.

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᐃᓕᓐᓂᐊᕆᐊᕈᒪᔪᓄᑦ ᓱᓕᔫᓗᓂ, ᐃᓕᖕᓂᒃ ᐃᓚᐅᓕᖅᑎᓪᓗᑎᑦ ᑲᑎᕝᕕᖕᓄᑦ, ᐃᓚᐅᖃᑕᐅᓕᕐᓗᑎᓪᓗ ᑲᑎᖃᑎᖃᕐᓗᓂᓗ ᓄᑖᓂᒃ ᐃᓄᖕᓂᒃ. ᐃᓚᖏᑦ ᐃᓕᓐᓂᐊᖅᑏᑦ ᐅᖃᐅᓯᕆᓚᐅᖅᑕᖏᑦ ᐃᓄᓐᓂᒃ ᐃᓯᖅᑎᑦᑎᖃᑦᑕᕐᓂᕋᖅᑐᑎᒃ ᑭᓯᐊᓂ ᑕᐃᒪᐃᒻᒪᑕ, ᐱᐅᓚᐅᖅᑐᖅ. ᐃᓕᖕᓂᒃ ᐅᒃᐱᕆᓗᑎᑦ ᑲᑉᐱᐊᓱᙱᓪᓗᑎᓪᓗ ᐃᑲᔪᖅᑕᐅᔪᒪᔭᕆᐊᒃᓴᖅ ᐃᓕᓐᓂᐊᖃᑎᒥᓄᑦ ᐃᓕᓴᐃᔨᓄᓪᓗ ᐊᓯᒋᓪᓗᓂᐅᒃ ᐅᖃᐅᔾᔪᐃᔾᔪᑎᒃᑲᓐᓂᐅᔪᖅ ᑐᓂᓚᐅᖅᑖ.

ᑐᓗᖅᑕᕈᑎᖃᓕᕌᖓᑦ, ᓴᕗᐃ ᐃᓕᓐᓂᐊᖁᔨᕗᖅ ᓄᒃᑕᑲᑕᒍᓐᓇᕐᓂᕐᒥᒃ ᐊᓂᒍᐃᔪᓐᓇᖁᓗᒋᑦ ᓄᒃᑕᕐᓂᕐᒧᑦ ᑐᓗᖅᑕᕈᑕᐅᕙᒃᑐᓂᒃ. ᐊᒻᒪᓗ, ᐃᓕᓐᓂᐊᕈᓐᓃᓚᐅᕋᓗᐊᖅᑎᓪᓗᒍ, ᐅᑎᕈᒪᓕᓚᐅᖅᑐᖅ. ᓴᐱᓕᖅᑕᐃᓕᓂᖅ ᓯᓐᓇᑦᑑᒪᒋᔭᕐᓂᒃ ᐊᒻᒪᓗ ᐃᒻᒥᓂᒃ ᐅᑉᐱᕈᓱᓐᓂᕐᒥᒃ ᐅᖃᐅᔾᔨᒋᐊᕈᑎᒋᔭᖓ ᐊᐳᖅᑕᕈᑎᖃᕐᓂᕐᒧᑦ ᑕᐃᒫᒃ. ᒫᓐᓇ ᐃᖅᑲᓇᐃᔭᖅᑎᓪᓗᒍ, ᑐᓵᓪᓗᓂ ᐊᔪᕐᓇᖅᑐᓂᒃ ᐅᓂᒃᑳᓂᒃ ᐊᑲᐅᙱᓕᐅᕈᑎᓂᒃᓗ ᐋᖅᑭᒃᓯᓂᕐᓂ ᐊᕙᑎᖏᓐᓂ ᐊᒃᓱᕈᕐᓇᕈᓐᓇᖅᑐᖅ ᐃᓕᑦᑎᔭᕆᐊᖃᕐᖢᓂ ᖃᓄᖅ ᐃᖕᒥᓂᒃ ᑲᒪᒋᑦᑎᐊᕈᓐᓇᕐᓂᕐᒥᒃ ᐅᐸᒍᑎᓗᓂᓗ ᖃᓄᐃᙱᑦᑎᐊᕐᓂᖓᓄᑦ.

ᑲᒪᒋᓪᓗᒍ ᖃᓄᐃᙱᑦᑎᐊᕐᓂᖓ ᐃᒻᒥᓂᒃ ᓂᑲᒍᓱᒃᓴᕋᐃᖅᑰᔨᔪᖅ ᑕᒻᒪᕐᓂᕐᒥᒃ, ᐃᓱᒪᒃᓴᖅᓯᐅᕐᓂᕐᒥᒃ, ᓯᓚᒦᓪᓗᓂ, ᐱᓱᒃᓗᓂ ᕿᒻᒥᒥᓂᒃ, ᐱᓱᒃᓗᓂ, ᐱᓂᐊᕐᓂᕋᕐᓗᓂ ᐅᓪᓗᕐᒧᑦ ᓯᓂᑦᑎᐊᕐᓗᓂᓗ. ᓴᕗᐃ ᐃᒥᑲᑕᒐᓱᓲᖅ ᐃᖃᐃᓕᓴᖅᐸᒃᖢᓂᓗ ᐆᒻᒪᓯᕆᓇᓱᒃᖢᓂ. ᐃᒡᓚᑲᑕᒍᒪᑦᑎᐊᓲᖅ ᐃᒡᓚᑲᑕᒃᐸᒃᖢᓂᓗ. "ᐃᖅᑲᐅᒪᓇᓱᖃᑦᑕᖅᑐᖓ ᐃᖏᕐᕋᓂᐅᑉ ᐃᓚᖓ ᑕᒻᒪᑲᑕᒋᐊᖃᕐᓂᑦᑎᓐᓂᒃ ᐃᓕᑦᑎᕙᓪᓕᐊᙱᖦᖢᑕᓗ ᑭᓯᐊᓂ ᑕᒻᒪᕈᑦᑕ... ᑕᒪᓐᓇ ᐃᓚᒋᔭᐅᑐᐃᓐᓇᖅᑐᒋᕙᕋ ᐃᓄᐃᑦ ᐊᑐᖅᑕᖏᓐᓄᑦ ᑕᒻᒪᖃᑦᑕᕐᓗᓂ ᐊᒻᒪ ᓈᒻᒪᙱᑦᑐᓂᒃ ᐅᖃᐅᓯᖃᖅᑐᓂ," ᓴᖅᑭᔮᖅᑎᑦᑎᔪᖅ.  

ᒪᒃᑯᖕᓂᖅᓴᒥᒃ ᑐᓴᖅᑎᑦᑎᔪᓐᓇᕈᓂ ᐃᒪᐃᑦᑑᓇᔭᖅᐳᖅ, "ᓈᒻᒪᒃᑲᕕᑦ, ᓯᓚᑐᔫᕗᑎᑦ, ᓈᒻᒪᒃᖢᑎᒡᓗ, ᐃᓱᒫᓗᙱᓪᓗᑎᓪᓗ ᓈᒻᒪᒐᓱᒋᐊᒃᓴᖅ, ᐅᕝᕙᓘᓐᓃᑦ ᑭᓇᑐᐃᓐᓇᐅᓇᓱᙱᓪᓗᑎᑦ ᑕᐃᒪᐃᙱᑕᕐᓂᒃ, ᑭᓯᐊᓂ ᓱᓕᑦᑎᐊᕐᓗᑎᑦ." ᓴᕗᐃ ᐅᖃᖅᖢᓂ, "ᐃᓱᒪᒌᓐᓇᐅᔭᖅᑕᕋ ᒥᐊ ᐊᖕᓘ ᐅᖃᖅᑕᖓ, ᓲᕐᓗ, ᓄᓇᖃᕋᕕᑦ, ᓇᒥᑐᐃᓐᓇᑦᑎᐊᖅ ᓄᓇᖃᕋᕕᑦ ᐊᒻᒪ ᐊᑕᐅᑦᑎᒃᑯᑦ, ᐊᒻᒪ ᓱᓕ, ᑭᓇᐅᒐᕕᑦ ᐊᒻᒪ ᐃᓄᐃᑦ ᐱᐅᒃᓴᙱᑉᐸᑕ, ᖃᓄᐃᙱᑦᑐᖅ, ᐃᓕᖕᓂᒃ ᐱᐅᒋᑐᐊᕈᕕᑦ."

ᐊᑯᓂᐅᓕᖅᑐᖅ, ᑭᓯᐊᓂ ᖁᕕᐊᓱᒃᑐᖅ ᓇᓃᓕᕐᓂᕐᒥᓂᒃ. ᑕᐃᒪᓕ ᑲᔪᖏᕐᓴᐃᓪᓗᓂ, ᓴᕗᐃ ᐅᖃᐅᓯᖃᖅᑐᖅ, "ᐃᑉᐱᒍᓱᑐᐃᓐᓇᕋᒪ ᓯᓚᑐᔫᒋᐊᖓᓂᒃ ᐃᓅᓱᒃᑐᐃᑦ ᐅᓪᓗᒥ ᐱᓯᒪᔭᖏᓐᓂᒃ ᐃᖅᑲᐅᒪᙱᑕᓐᓂᒃ ᑕᐃᒪᐃᒋᐊᖓᓂᒃ, ᐊᒃᓱᐊᓗᒃ ᑲᔪᖏᕐᓴᐃᓪᓚᕆᒃᑲᒪ. ᐃᒃᐱᒋᕙᒃᑲ ᐊᒥᓱᑦ ᐃᓕᓐᓂᐊᖅᑏᑦ ᑲᑎᖃᑦᑕᖅᑕᒃᑲ, ᐅᒃᐱᕈᓱᖕᒪᑕ ᐊᓯᔾᔩᔪᓐᓇᕐᓂᕐᒥᓂᒃ ᓄᓇᕐᔪᐊᕐᒥ ᐊᓯᔾᔩᔪᓐᓇᕐᓂᖏᓐᓂᒡᓗ." ᐊᓯᐊᒍᓪᓕ, ᐱᔪᒃᓯᑎᑕᐅᕗᖅ ᓄᓇᒦᑲᑕᒃᖢᓂ ᐊᒻᒪ ᓄᓇᒥᒃ ᑲᑎᙵᖃᑎᖃᖅᖢᓂ.

ᐅᖃᐅᔾᔪᐃᓂᖓᓄᑦ ᑭᓇᒧᒃᑭᐊᖅ ᐊᒃᓱᕉᑎᖃᖅᑐᒧᑦ ᑭᓱᒥᑭᐊᖅ, ᓴᕗᐃ ᐅᖃᕐᖢᓂ ᓇᓂᓯᓗᓂ ᑭᓇᒥᑭᐊᖅ ᐅᒃᐱᕆᔭᖓᓂᒃ, ᓂᕐᔪᑎᒥᒃᓘᓐᓃᑦ, ᐅᖃᖃᑎᖃᕐᓗᓂ ᒪᑐᐃᖓᓗᓂ ᕿᐊᓗᓂᓗ. "ᐃᓱᒪᒋᔭᕋ ᕿᐊᓱᖕᓇᓗᐊᕐᓂᖓᓂᒃ ᒪᒥᓴᕐᓂᕐᒥᒃ, ᓇᓂᓯᔪᓐᓇᙱᒃᑯᕕᓪᓗ ᐅᖃᓪᓚᒍᓐᓇᖅᑐᒥᒃ, ᓴᐱᓕᖅᑕᐃᓕᒋᑦ. ᑕᑯᓇᐃᓐᓇᕆᑦ, ᐅᐱᓐᓇᕋᓂ ᑭᓇᑐᐃᓐᓇᕐᒥᒃ ᑕᖅᑳᓂ ᓈᓚᑦᑐᖃᕐᓂᐊᕐᒪᑦ. ᐱᒻᒪᕆᐅᓇᓱᒋᔭᕋ," ᐃᓅᓯᓕᕆᔨ. ᐱᙳᐊᕐᓂᖅ ᐊᓯᒋᕚ, ᐃᖅᑲᐅᒪᓗᒍ ᖁᕕᐊᓇᖅᑐᖅ ᐃᒡᓚᕐᓂᕐᓗ, ᓇᓂᓯᓗᓂ ᓇᓕᒧᒌᒃᑐᒥᒃ ᐃᒡᓚᕐᓂᕐᒥᒃ ᕿᐊᓂᕐᒥᒃᓗ.  

ᐃᓄᐃᑦ ᑲᑎᖃᑎᒋᓗᒋᑦ ᐅᖃᐅᓯᐅᒃᑲᓐᓂᖅᐳᖅ ᓴᕗᐃ, ᒪᓂᒪᑎᑦᑎᓪᓗᓂ, "ᐃᓄᑦᑎᐊᕙᒻᒪᕆᐊᓗᐃᑦ ᑕᖅᑳᓃᑦᑐᑦ, ᐊᒻᒪ ᐃᓅᓪᓗᑕ, ᑕᒪᑦᑕ ᓈᒻᒪᙱᑦᑐᐃᓐᓇᐅᒐᑦᑕ. ᐱᔪᓐᓇᕐᓂᓕᒫᑦᑎᓐᓂᒃ ᐱᓇᓱᐊᖅᑐᒍᑦ ᓴᓇᕐᕈᑎᑦᑎᓐᓄᑦ. ᑭᓯᐊᓂ ᑕᐃᒃᑯᐊ ᐊᒃᑐᐊᓂᖃᖅᑐᑦ ᐊᓯᖏᓐᓄᑦ ᐃᓄᖕᓄᑦ ᐱᒻᒪᕆᐅᖕᒪᑕ, ᑕᐃᒪᓐᓇᓗ ᐃᑲᔪᓲᖑᕗᒍᑦ ᐊᒃᓱᕈᕐᓇᖅᑐᒃᑰᖅᑎᓪᓗᑕ, ᐊᓯᑦᑎᓐᓂᒃ ᐱᖃᑎᖃᕐᓗᑕ."

ᓯᕗᓪᓕᖅ ᓯᓐᓇᑦᑑᒪᓂᖅ ᐃᓕᓴᐃᓂᕐᒥᒃ, ᐋᓕᓴᓐ ᓴᕗᐃᐅᑉ ᐃᓕᓐᓂᐊᕐᓂᕐᒧᑦ ᐃᖅᑲᓇᐃᔮᖓᑦ ᐊᔾᔨᒋᙱᑕᖓᒍᑦ ᐊᑐᓕᓚᐅᖅᑐᖅ... ᐊᒻᒪᓗ ᐃᓄᓕᕆᓂᖓ ᒫᓐᓇ ᐆᒻᒪᑎᒥᑎᒍᑦ ᓂᑲᒍᓱᓕᕐᓇᖅᐳᖅ. "ᐊᑦᑕᑎ" ᐊᑐᖅᖢᓂ ᐊᒥᓱᓂᒃ ᓇᓴᕐᓂᒃ, ᓯᓚᑦᑐᖅᓴᕐᕕᒡᔪᐊᒥ ᐊᐅᓪᓚᖅᓯᒪᓪᓗᓂ, ᐅᑎᖅᖢᓂ ᐱᑐᐃᓐᓇᕆᐊᖃᓕᕋᒥ ᖃᐅᔨᓪᓗᓂᓗ ᐃᓂᒥᒃ ᓈᒻᒪᓛᖑᔪᒥᒃ ᐃᓕᓐᓂᐊᕐᕕᖕᒥ ᐊᑐᖅᐸᒃᑕᖓᓂ. ᐊᒥᖅᑳᖃᑎᖃᕐᓂᖅ ᓯᓚᑐᓂᕐᒥᓂᒃ ᐃᓕᓐᓂᐊᖅᑎᓄᑦ ᖃᑕᙳᑎᖏᓐᓄᓪᓗ, ᐊᓯᔾᔩᖃᑦᑕᖅᑐᖅ ᖃᐅᑕᒫᑦ, ᐱᔪᒃᓯᑎᑕᐅᓪᓗᓂ ᒪᒃᑯᒃᑐᓄᑦ ᖃᐅᔨᒪᔪᖅ ᑕᐃᒪᐃᓐᓂᐊᕐᓂᖓᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕋᕕᑦ ᑖᔅᓱᒥᖓ ᑎᑎᕋᖅᓯᒪᔪᒥᑦ!