ᐃᓕᑦᑎᓚᐅᖅᑐᖅ ᐱᓕᕆᓪᓗᓂ ᒫᓐᓇᓗ ᐃᑲᔪᓕᖅᑐᖅ ᓄᓇᖃᖅᑳᖅᓯᒪᔪᓂᒃ ᐃᓕᑦᑎᓂᕐᒥᒃ. ᔫᓪ ᒐᒫᓯ ᐅᖂᑕᒥᐅᑕᖅ, ᐋᓪᕘᑕᒥ ᑳᓪᒍᕆᐅᑉ ᓯᓚᑎᑦᑎᐊᖓᓂ ᐱᕈᖅᓴᓚᐅᖅᓯᒪᓪᓗᓂᓗ ᓘᕆᐊᐃ, ᒫᓂᑑᐸᒥ. ᐃᖅᑲᓇᐃᔭᖃᑦᑕᖅᑐᖅ ᐃᓕᓐᓂᐊᕐᓂᓕᕆᓂᕐᒧᑦ ᖃᐅᔨᒃᑲᐃᔨᐅᓪᓗᓂ ᑲᓇᑕᒥ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᑕᐃᔭᐅᔪᖅ ᐋᑐᐊ, ᑎᓕᐅᕆᓂᕐᒥᑦ ᓄᓇᖃᖅᑳᖅᓯᒪᔪᓂᑦ ᒪᒃᑯᑦᑐᓂᑦ STEM-ᒥ. ᐱᒋᐊᓚᐅᖅᓯᒪᔪᖅ ᐃᓕᓐᓂᐊᕐᓂᓕᕆᓂᖕᒥᑦ ᐃᓕᓴᐃᔨᐅᓪᓗᓂ 2015−ᒥᑦ ᐊᔭᐅᖅᑐᐃᓯᒪᓪᓗᓂᓗ ᐊᓪᓚᖓᔪᓕᕆᔪᓂᑦ ᐃᓕᓐᓂᐊᕐᑎᓂᑦ ᓄᓇᖃᖅᑳᖅᓯᒪᔪᓂᒡᓗ ᐃᓕᓐᓂᐊᕐᑎᓂᑦ. ᒫᓐᓇᐅᓕᖅᑐᕐᓕ, ᐃᖅᑲᓇᐃᔭᖅᐸᓕᖅᑐᖅ ᐃᓕᓐᓂᐊᕐᕕᓐᓂ.   

ᒐᐃᒪᓯ ᐅᐸᒃᓯᓕᓚᐅᖅᑐᖅ ᓲᖃᐃᒻᒪ ᑲᙳᓱᖃᑦᑕᖏᒻᒪᑦ ᐊᑐᖅᓯᒪᔭᒥᓂᒃ ᐊᒻᒪᓗ ᐱᕕᒃᓴᖃᕐᕕᒋᔭᒥᓂᒃ ᖃᐃᖅᑯᔭᐅᓯᒪᓪᓗᓂ. "ᐅᒃᐱᕈᓱᑦᑎᐊᖅᐳᖓ ᐱᔾᔪᑎᖃᕋᓱᒃᑲᑦᑕ, ᐊᒻᒪ ᐊᔾᔨᒌᙱᑦᑐᓂᒃ ᐱᕕᒃᓴᓂᒃ ᓴᖅᑭᑦᑐᖃᖃᑦᑕᕐᓂᐊᕐᓂᖓᓂᒃ ᐅᕙᑦᑎᓐᓄᑦ ᐱᕈᖅᐸᓪᓕᐊᑎᑦᑎᓗᑕ ᐅᕝᕙᓘᓐᓃᑦ ᐊᑭᓴᖅᑐᕐᓗᑕ ᐊᒻᒪ ᐱᒋᐊᕋᓱᖃᑦᑕᖅᐸᒃᑲ," ᑕᑯᒃᓴᐅᑎᑕᖓ. 

ᐃᓕᓐᓂᐊᖅᑎᐅᓪᓗᓂ, ᒐᒪᓯ ᐊᒃᓱᕈᓚᐅᖅᑐᖅ ᐅᖃᓕᒫᕐᓂᕐᒥᑦ ᑎᑎᕋᕐᓂᕐᒥᓪᓗ ᐊᒻᒪᓗ ᐃᓕᓐᓂᐊᕐᓂᕐᒧᑦ ᑭᒡᒐᖅᑐᐃᓂᕐᒥᑦ, ᐅᔾᔨᕈᓱᑦᑎᑦᓯᒐᓱᐊᖃᑦᑕᖅᑐᖅ ᐊᒥᓱᓂᑦ ᐊᓯᖏᓐᓂᑦ ᐃᓕᓐᓂᐊᖅᑏᑦ ᐃᓕᓐᓂᐊᕐᓂᖏᓐᓂᑦ ᐱᒋᐊᓪᓚᑦᑎᑦᓯᓂᕐᒥᓪᓗ ᐱᒻᒪᕆᐅᓂᖏᓐᓂᑦᑕᐅᖅ. ᐃᓕᓐᓂᐊᕐᓂᕐᒥᒃ ᐱᐅᒃᓴᓚᐅᙱᑦᑐᖅ ᐊᒻᒪ ᑭᒍᑕᐃᖅᓯᓪᓗᓂ ᐊᓂᒍᐃᓇᓱᒃᖢᓂ. ᒐᒪᓯ ᐃᓄᑑᖅᑰᔨᓚᐅᖅᑐᖅ ᐃᓕᓐᓂᐊᖅᑎᑕᐅᓂᖓᓗ ᐊᔪᖅᖢᓂ. ᐱᖃᓐᓇᕆᔭᒥᓂᒃ ᐊᐱᕆᓪᓗᓂ, ᐃᓚᖏᑦ ᐊᒃᑐᐊᓂᖃᕈᓐᓇᕐᒪᑕ ᖃᐅᔨᓚᐅᖅᖢᑎᒡᓗ ᐃᓕᑦᑎᕚᓪᓕᕐᓂᖏᓐᓂᒃ ᐊᓯᖏᑎᒍᑦᑕᐅᖅ. ᑕᒪᓐᓇ ᐃᓕᓴᐃᔨᕈᕈᑎᒋᔪᓐᓇᖅᓯᓚᐅᖅᐸᐅᒃ. ᑖᒃᑯᐊ ᑕᕝᕙ ᐊᑐᖃᑦᑕᖅᓯᒪᔭᖏᑦ ᐱᓕᕆᐊᕆᖃᑦᑕᓚᐅᖅᑕᖏᑦ ᑎᑎᕋᕐᕕᖕᒥᐅᓄᑦ ᐊᒻᒪ ᐃᓕᓐᓂᐊᕐᓂᕐᒧᑦ ᐃᑲᔪᖅᑎᐅᓪᓗᓂ.  

ᐃᓚᖓᑦ ᒐᐃᒪᓯᐅᑉ ᐃᓕᑉᐸᓪᓕᐊᓂᖅᓴᐅᓚᐅᖅᑐᖅ ᐊᒡᒐᒥᓄᑦ ᐊᒻᒪᓗ ᑕᐃᒪᐃᒻᒪᑦ ᓴᓇᔨᕈᕆᐅᔅᓴᓂᕐᒧᑦ ᐊᔪᐃᓐᓇᑲᓐᓂᓚᐅᖅᑐᖅ. ᐃᖅᑲᓇᐃᔭᓚᐅᖅᓯᒪᔪᖅ ᐊᑯᓂᑲᓪᓚᕈᓗᒃ, ᐊᐅᖅᑭᑦᑎᔨᐅᓪᓗᓂ, ᕿᑐᒻᒪᔅᓴᐃᓪᓗᓂ ᐊᒻᒪᓗ ᓴᓇᓪᓗᓂ. "ᐅᕙᖓ ᐅᖃᐅᓯᕆᔪᓐᓇᖅᓯᓚᐅᖅᐳᖓ. ᖁᕕᐊᓱᓕᓚᐅᖅᑐᖓ ᓴᓇᓪᓗᖓ ᕿᑦᑐᒐᐅᔭᓂᒃ, ᖃᐅᔨᒪᓪᓗᖓ ᐊᓯᖏᑦ ᐃᓄᐃᑦ ᐱᓯᒪᙱᑕᖏᓐᓂᒃ. ᑕᐃᒪᓕ, ᑕᒪᓐᓇ ᐃᓕᓐᓂᐊᖅᑎᒍᒪᖅᑲᐅᕙᕋ. ᐊᓯᒃᑲ ᐃᑲᔪᕈᒪᓚᐅᖅᑕᒃᑲ ᐃᒻᒥᓂᒃ ᐅᖃᐅᓯᕆᔪᓐᓇᖁᓪᓗᒋᑦ ᑕᐃᒫᒃᑕᐅᖅ ᐊᒃᓱᕈᕈᑎᒋᖃᑦᑕᓚᐅᖅᑕᓐᓄᑦ," ᐃᖅᑲᐅᒪᔪᖅ. ᐃᓅᔪᓐᓃᖅᑎᑕᐅᓚᐅᖅᑎᓪᓗᒍ ᑕᑯᔭᐅᓪᓗᓂ ᐅᓄᙱᓐᓂᖅᓴᐅᓪᓗᓂ ᓲᖃᐃᒻᒪ ᐃᓕᑦᑎᓚᐅᕐᒪᑦ ᐊᔾᔨᒋᙱᑕᖓᓂᒃ, ᐊᒃᓱᕈᓗᐊᓕᕐᖢᓂ ᖁᓱᙱᖦᖢᓂ. 

ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᕿᒪᐃᔪᒪᓪᓗᑎᒃ ᓄᓇᒥᓂᒃ ᐃᓕᓐᓂᐊᕐᓂᐊᕐᓗᑎᒃ ᓄᒃᑕᕈᒪᓗᑎᒡᓘᓐᓃᑦ, "ᐅᖃᕋᔭᖅᐳᖓ ᑕᐃᒪᐃᓕᐅᕐᓗᖓ. ᐃᓕᑦᑎᓚᐅᖅᑐᖓ ᑭᓇᐅᓂᓐᓂᒃ ᑭᓇᐅᔪᒪᓂᓐᓂᒃ ᑭᓇᐅᔪᒪᓂᓐᓂᒃ." ᐱᕈᖅᓴᓪᓗᓂ ᓄᓇᓕᕋᓛᖑᓂᖅᓴᒥ, ᓅᑦᑕᕆᐊᖃᓚᐅᖅᑐᖅ ᐃᑲᕐᕋᑦ ᐱᖓᓱᑦ ᐅᖓᑖᓄᑦ ᓯᓚᑦᑐᖅᓴᕐᕕᒡᔪᐊᓕᐊᖅᖢᓂ, ᕿᒪᐃᓪᓗᓂ ᐃᓕᖅᑯᓯᖃᑎᒌᙱᑦᑐᓂᒃ ᓄᓇᓕᖕᓂ ᓄᓇᖃᕆᐊᖅᑐᖅᖢᓂ ᓄᓇᓕᐸᐅᔭᕐᒥ. ᓅᑉᐸᓪᓕᐊᓪᓗᓂ ᐃᓅᓯᓕᒫᒧᑦ ᐱᖃᓐᓇᕇᒍᓯᕐᓄᑦ ᐊᒻᒪ ᐱᕈᖅᓰᕕᖕᓄᑦ ᐃᓅᓯᖅ urban ᐅᐃᓂᐹᒡᒧᑦ, ᐊᒃᓱᕉᑎᖃᖃᑦᑕᓚᐅᖅᐳᖅ ᖃᐅᔨᔾᔪᑎᒋᓪᓗᓂᒋᑦ ᓇᖕᒥᓂᖅ ᑭᓇᐅᓂᕐᒥᓂᒃ, ᑐᕌᒐᖏᓐᓂᒃ ᐊᒻᒪ ᐱᔾᔪᑎᖏᓐᓂᒃ. ᓄᑖᒥᒃ ᐃᓱᒪᑖᓚᐅᖅᑐᖅ. 

ᐅᐃᓂᐹᒡᒥᑦ, ᐅᑭᐅᖅᑕᖅᑐᒧᐊᓚᐅᖅᑐᖅ ᕝᓕᓐ ᕝᓛᓐᒧᑦ ᐃᓕᓐᓂᐊᒃᑲᓐᓂᕆᐊᖅᑐᖅᖢᓂ ᐃᓱᒪᑖᒃᑲᓐᓂᕈᒪᓪᓗᓂᓗ. ᐃᓕᑦᑎᓯᒪᔪᖅ ᖃᓄᑎᒋ ᐱᒻᒪᕆᐅᑎᒋᖕᒪᖔᑦ ᐊᐅᓪᓚᕐᓂᖅ. "ᐃᓕᖕᓂᒃ ᑕᑎᖃᓕᖅᐸᓪᓕᐊᓗᑎᑦ, ᐅᒃᐱᕈᓱᑐᐃᓐᓇᖅᖢᑎᓪᓗ ᐃᓂᖃᑦᑎᐊᕐᓂᕐᓂᒃ ᓈᒻᒪᓈᖅᑐᒃᑯᑦ. ᑭᓇᑐᐃᓐᓇᖅ ᐸᕐᓇᒍᑎᖃᑦᑐᖅ, ᐊᒻᒪᓗ ᑐᑭᒧᐊᑦᑎᑕᐅᓪᓗᑕ ᑕᐃᒫᒃ. 1000-2000 ᐃᓛᓐᓂᒃᑯᑦ ᐃᖢᕐᕆᓐᓇᙱᖦᖢᓂ ᖃᓄᐃᙱᑦᑐᖅ," ᑎᓕᐅᕆᔪᖅ. ᐅᖓᓯᒃᖢᓂ ᐊᖏᕐᕋᒥ ᐃᓕᑦᑎᓂᕐᓗ ᐊᔾᔨᒋᙱᖦᖢᓂᐅᒃ ᐊᓯᒥᓂᑦ, ᒐᒪᓯ ᐃᓕᑦᑎᔭᕆᐊᖃᖅᓯᒪᔪᖅ ᓇᓂᓯᓂᕐᒥᒃ ᓄᓇᓕᖕᒥ ᐊᒃᑐᐊᓂᖃᕈᓐᓇᖅᑐᒥᒃ.

ᓯᕗᓪᓕᖅᐹᒥ ᐃᖅᑲᓇᐃᔮᖃᖅᑎᓪᓗᒍ ᐃᓚᒌᓄᑦ ᐱᕈᖅᓰᕕᖕᒥ, ᑭᖑᓂᐊᒍᑦ ᐃᖅᑲᓇᐃᔭᓕᓚᐅᖅᑐᖅ ᐃᓅᓯᕐᒧᑦ ᓴᐳᔾᔨᔨᐅᓪᓗᓂ ᐊᒻᒪᐃᓛᒃ ᐃᓕᓴᐃᓪᓗᓂ ᐳᐃᔾᔪᕋᕐᓂᕐᒥᒃ ᐃᓕᑦᑎᓂᕐᒥᒃ, ᑕᒪᓐᓇᓗ ᐱᔪᒃᓯᑎᑦᑎᓪᓗᓂ ᐃᓕᓴᐃᓂᕐᒥᒃ. ᓴᓇᓪᓗᓂ ᓴᓇᑎᓪᓗᒍ ᐃᑲᔪᓚᐅᖅᑐᖅ ᐊᑭᓖᓪᓗᓂ ᓯᓚᑦᑐᖅᓴᕐᕕᔾᔪᐊᒧᑦ. ᐃᓕᓴᐃᔨᐅᓪᓗᓂ ᐊᓕᐊᓇᐃᒋᑦᑎᐊᓚᐅᖅᑕᖓ ᐊᒃᑐᐃᔪᒪᓪᓗᓂᓗ ᐃᓕᓐᓂᐊᕐᕕᓕᒫᒥᒃ ᓄᓇᓕᖕᓂ, ᑎᑎᕋᕐᕕᓕᕆᔪᓐᓇᖅᓯᓪᓗᓂ, ᓯᕗᓕᖅᑎᐅᓕᖅᖢᓂ ᐃᓕᓴᐃᔨᑦ ᐊᖓᔪᖅᑳᙳᖅᖢᓂ, ᐊᒻᒪᐃᓛᒃ ᐃᓕᓐᓂᐊᕐᕕᖕᒥ ᑲᑎᒪᔨᓄᑦ ᒫᓐᓇᓗ ᑲᓇᑕᓕᒫᒥ ᐱᓕᕆᓕᖅᖢᓂ.

ᒐᒪᓯ ᐱᓚᐅᖅᑐᖅ Master's Degree−ᒥᒃ ᐃᓕᓴᐃᑎᓪᓗᒍ ᐊᒻᒪ ᐱᓕᕆᑎᓪᓗᒍ ᐊᐅᓚᑦᑎᔨᐅᓪᓗᓂ, ᓂᕆᐅᒃᖢᓂ ᑖᒃᑯᐊ ᐃᔭᕈᕙᖏᑦ ᐃᓕᓐᓂᐊᖅᑕᒥᓂᒃ ᐊᓂᒍᐃᓂᕐᒧᑦ ᐃᓕᓐᓂᐊᖁᓪᓗᒋᑦ. "ᐃᓛᓐᓂᒃᑯᑦ ᐊᒃᓱᕈᕆᐊᖃᖃᑦᑕᕋᕕᑦ ᑕᒪᒃᑯᓂᖓ ᐊᑐᖃᑦᑕᖅᑐᓂᒃ ᖃᐅᔨᒪᓕᕈᒪᒧᑦ ᑭᓱᑦ ᐊᓯᔾᔨᕆᐊᖃᕐᒪᖔᑕ ᐲᑐᐃᓐᓇᙱᖦᖢᒋᑦ ᐅᖃᐅᓯᕆᑐᐃᓐᓇᙱᓪᓗᒍ ᐅᖃᕐᓗᑎᓪᓗ 'ᐃᓅᓚᐅᖅᑐᖓ ᐊᓯᔾᔨᕈᒪᒐᒃᑯᓗ ᐅᕙᓂ ᓲᖃᐃᒻᒪ'," ᓇᓗᓇᐃᖅᓯᓪᓗᓂ. 

"ᐃᓛᓐᓂᒃᑯᑦ ᐊᒃᓱᕈᕆᐊᖃᖃᑦᑕᕋᕕᑦ ᑖᒃᑯᓂᖓ ᐊᑐᖃᑦᑕᖅᑐᓂ ᖃᐅᔨᒪᓕᕐᓗᑎᑦ ᑭᓱᑦ ᐊᓯᔾᔨᕆᐊᖃᕐᒪᖔᑕ ᐲᑐᐃᓐᓇᙱᓪᓗᒋᑦ"

ᐊᖏᓛᑦ ᑐᓗᖅᑕᕈᑏᑦ ᐃᓕᑦᑎᕙᓪᓕᐊᓪᓗᓂ ᖃᓄᖅ ᐃᒻᒥᓂᒃ ᑭᒡᒐᖅᑐᕈᓐᓇᕐᒪᖔᑦ ᐅᖃᐅᓯᕆᓗᒋᓪᓗ ᐃᒃᐱᒋᔭᖏᑦ. ᒐᐃᒪᓯ ᐃᓕᑦᑎᔭᕆᐊᖃᓚᐅᖅᑐᖅ ᖃᓄᖅ ᐅᖃᐅᓯᖃᕆᐊᒃᓴᖅ ᑭᓱᓂᒃ ᐊᔪᕐᓇᖅᑐᖅᓯᐅᕈᑎᖃᕐᒪᖔᑦ ᐊᑐᕐᓗᓂᓗ ᓂᐱᖓᓂᒃ ᐊᐱᕆᓗᓂ ᑭᓱᓂᒃ ᐱᔭᕆᐊᖃᕐᒪᖔᑦ. ᐊᒃᓱᕈᖃᑦᑕᕐᒥᔪᖅ ᐃᓄᑑᓗᐊᒧᑦ ᕿᒪᒃᓯᓪᓗᓂ ᖃᑕᙳᑎᖏᓐᓂ, ᑭᓯᐊᓂ ᐅᑎᕋᔪᒃᑐᖅ ᐊᖏᕐᕋᒧᑦ. 

ᒪᒃᑯᓐᓂᖅᓴᐃᑦ ᓇᒻᒥᓂᖅ ᐅᖃᐅᔾᔨᒋᐊᕈᓐᓇᖅᐸᑕ ᓈᓚᓐᓂᖅᓴᐅᒐᔭᖅᐳᖅ. ᐱᕈᖅᓴᓪᓗᓂ, ᒐᒪᓯ ᐃᓱᒪᓚᐅᖅᑐᖅ ᐃᓕᑦᑎᔭᕆᐊᖃᕐᓂᕐᒥᓂᒃ ᐊᑐᕐᓂᒃᑯᑦ ᓱᓇᑐᐃᓐᓇᓂᒃ ᐊᒻᒪᓗ ᖃᐅᔨᓇᓱᒃᖢᓂ ᓇᖕᒥᓂᖅ ᐱᕚᓪᓕᕈᓐᓇᕐᓂᖅᓴᐅᓪᓗᓂ ᓈᓚᖕᓂᕐᒥᖕᓂᒃ ᐅᖃᐅᔾᔨᒋᐊᕈᑎᓂᒃ ᒪᓂᒪᑎᑕᐅᔪᓂᒃ ᑖᑉᓱᒧᙵ. ᐅᖃᐅᔾᔨᒋᐊᖅᐸᒃᑭᕗᖅ ᓇᒻᒥᓂᖅ ᓄᖅᑲᖓᑲᐃᓐᓇᖁᔨᓪᓗᓂ ᐊᒻᒪ ᑕᑯᓐᓇᓐᖑᐊᕐᓗᓂ ᐊᖏᔪᒥᑦ ᐋᖅᑮᙱᖔᕐᓗᓂ ᐊᑲᐅᙱᓕᐅᕈᑎᓂᒃ. 

ᐊᐃᑉᐸᖓᑦᑕᐅᖅ ᒑᒪᓯ ᐊᒃᓱᕈᖅᓯᒪᔪᖅ ᐃᑲᔪᖅᑕᐅᔪᒪᓪᓗᓂ ᐊᒻᒪᓗ ᐃᒃᐱᒍᓱᒃᖢᓂ ᓲᕐᓗ ᐃᓄᐃᑦ ᐃᑲᔪᕈᒪᖃᑦᑕᖅᓯᒪᔪᑦ ᐊᔪᕋᓱᒋᙱᖦᖢᑎᒃ. ᐅᖃᐅᑎᔪᒪᓇᔭᖅᑕᖓ ᒪᒃᑯᖕᓂᖅᓴᖅ ᐃᖕᒥᓂᒃ ᐅᒃᐱᕆᓗᓂᐅᒃ ᐅᖃᖅᑕᖓ, ᐅᑎᕆᐊᕐᓗᓂ ᐋᖅᑭᒃᓯᓇᓱᒃᓗᓂ ᖃᓄᑎᒋ ᐃᑲᔪᖅᑕᐅᔪᒪᖕᒪᖔᑦ ᐱᕙᒌᔭᖅᓯᒪᓗᓂᓗ ᐊᒃᓱᕈᕐᓇᖅᑐᓄᑦ ᐃᓅᓯᕐᒥ ᐃᓕᑦᑎᓂᕐᒧᑦ. 

ᐃᓱᒪᖓ ᖃᓄᐃᙱᑦᑎᐊᖏᓐᓇᖁᓪᓗᒍ, ᓯᓚᒦᑉᐸᒃᖢᓂ. ᐊᓪᓛᑦ ᓄᓇᓕᕐᔪᐊᖑᓂᖅᓴᓂ, ᑲᓲᒪᖃᑎᖃᓲᖅ ᕙᓯᒥᒃ ᐊᑕᐅᓯᕐᒥᒃ ᓇᐹᖅᑐᒥᒃ. ᒐᒪᓯ ᐃᒃᐱᒍᓱᓕᕌᖓᑦ ᐃᓅᖃᑎᒥᒃ ᐊᒃᓱᕈᓗᐊᖅᑰᔨᓕᕌᖓᒥ, ᐱᓱᒡᕕᖕᒦᑉᐸᒃᖢᓂ ᐃᒪᒃᑯᓪᓘᓐᓃᑦ. 

ᐱᔪᒃᓯᑎᑦᑎᓂᐊᕐᓗᓂ, ᒐᒪᓯ ᑕᐅᑦᑐᖃᖅᐳᖅ ᓄᑕᖅᑲᓄᑦ ᓲᕐᓗ ᐅᔪᕈᖏᑦ ᐅᔪᕈᖏᓪᓗ ᐊᒻᒪ ᐃᓱᒪᑐᓂᖏᑦ, ᐃᓕᑉᐸᓪᓕᐊᖏᓐᓇᐅᔭᕐᓂᖏᓐᓄᑦ. ᐱᔪᒃᓯᓂᖃᑦᑎᐊᕐᒥᔪᖅ ᖃᑕᙳᑎᖏᓐᓄᑦ, ᑕᐅᑐᒃᑕᖏᑎᒍᑦ, ᐃᖅᑲᓇᐃᔭᑦᑎᐊᕐᓂᒃᑯᑦ ᐊᒻᒪ ᐃᑲᔪᕈᒪᑦᑎᐊᕐᓂᒃᑯᑦ. ᐱᑎᑦᑎᔪᓐᓇᕐᓗᓂ ᖃᐅᒪᑎᑦᑎᓗᓂᓗ ᑭᓇᒥᑭᐊᖅ ᐅᓪᓗᕐᒥᒃ ᐊᑦᑎᒃᑐᒦᑎᓪᓗᒍ ᐃᑲᔪᖅᑐᖅ ᐊᑲᐅᓯᕚᓪᓕᕐᓂᕐᒥᒃᑕᐅᖅ. 

ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, ᒪᓂᒪᑎᑦᑎᔪᒪᕗᖅ ᐅᖃᐅᓯᕐᓂᒃ ᓯᓚᑐᓂᕐᒥᒃ, "ᖃᓄᑐᐃᓐᓇᖅ ᐃᒃᐱᒋᔭᖃᕋᓗᐊᕈᕕᑦ, ᐃᓄᑑᙱᑦᑐᑎᑦ. ᓄᓇᓕᑦᑕᖃᕐᖓᑦ ᑕᖅᑳᓂ. ᒥᑭᑦᑐᒦᙶᕋᓗᐊᕈᕕᑦ ᐅᕝᕙᓘᓐᓃᑦ ᐊᖏᔪᒥᒃ ᓄᓇᖃᕋᓗᐊᕈᕕᑦ, ᐊᓯᖏᑦ ᐃᓄᐃᑦ ᐊᔾᔨᒌᑲᓴᖕᒥᒃ ᐃᒃᐱᒍᓱᒃᑐᑦ, ᐊᓂᒍᐃᔪᓐᓇᖅᖢᑎᒡᓗ. ᐊᑐᒐᒃᓴᖅᑕᖃᖅᑐᖅ ᐃᓕᖕᓂᒃ ᐃᑲᔪᕈᓐᓇᕐᓂᕐᒥᒃ ᐊᑐᒐᒃᓴᖅᑕᖃᕐᖢᓂᓗ ᐱᓗᒍ ᐃᑲᔪᖅᑕᐅᓂᖅ. ᐊᖏᕐᓂᖅ ᑐᑭᖃᙱᑦᑐᖅ ᒥᑭᓐᓂᖅᓴᐅᓂᕐᓂᒃ. ᐊᔪᙱᑦᑐᑎᑦ. ᖃᐅᔨᙳᐊᕐᓗᑎᑦ ᖃᓄᖅ ᐃᓕᖕᓂᒃ ᐃᓂᖃᕈᒪᖕᒪᖔᖅᐱᑦ ᑕᕝᕙᓂ. ᖃᓄᐃᖏᑦᑐᖅ ᖃᐅᔨᒪᖏᒃᑯᕕᑦ." 

ᐃᓕᑦᑎᓚᐅᖅᑐᖅ ᐱᓕᕆᓪᓗᓂ ᒫᓐᓇᓗ ᐃᑲᔪᓕᖅᑐᖅ ᓄᓇᖃᖅᑳᖅᓯᒪᔪᓂᒃ ᐃᓕᑦᑎᓂᕐᒥᒃ. ᐊᒃᓱᕈᖅᖢᓂ ᐃᓕᓐᓂᐊᕐᓂᓕᕆᔾᔪᓯᒃᑯᑦ ᓴᓇᔭᐅᓯᒪᙱᖦᖢᓂ ᑖᔅᓱᒧᖓ, ᒐᒪᓯ ᓇᓂᓯᓪᓗᓂ ᐊᑐᒐᒃᓴᓂᒃ ᖁᕝᕙᕆᐊᕐᓂᕐᒧᑦ ᖁᓛᓂ ᐊᒥᖅᑳᕈᑎᖃᕐᖢᓂᓗ ᐃᓕᑕᖏᓐᓂᒃ ᐃᖅᑲᓇᐃᔮᖓᒍᑦ. ᐃᓕᑦᑎᓪᓗᓂ ᐊᒡᒐᒥᓂᒃ ᐆᒻᒪᑎᒥᓂᒡᓗ ᓯᕗᓕᖅᖢᓂ, ᐊᖅᑯᑎᓕᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᕐᑎᓄᑦ ᕿᒪᒃᑕᐅᑐᐃᓐᓇᕆᐊᓕᖕᓄᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.