Adventure in Asia: Alycia Smith's Life Abroad 

ᓄᓇᕐᔪᐊᖅ ᖃᐅᔨᒪᙱᑕᓕᒫᑦᑎᓐᓂ, ᐊᓖᓯᐊ ᓯᒥᑦ ᐃᓅᓯᓕᒫᒧᑦ ᐃᖏᕐᕋᕙᓪᓕᐊᕗᖅ. ᔅᒥᑦ ᐱᕈᖅᓴᓚᐅᖅᑐᖅ ᐅᐃᓂᐹᒡᒥ ᐊᖏᕐᕋᕆᓂᕋᖅᖢᒍᓗ ᑭᓯᐊᓂ ᐊᕐᕌᒍᓄᑦ ᑎᓴᒪᓄᑦ ᓇᑉᐸᕐᒧᓪᓗ ᓄᓇᖃᖅᓯᒪᓕᖅᑐᖅ ᓈᓐᔨᖕ, ᓴᐃᓇᒥ. ᐃᓕᓴᐃᖃᑦᑕᖅᑐᖅ ᐃᓕᓐᓂᐊᕐᕕᐊᓗᒻᒥ ᑲᓇᑕᒥ ᓯᓚᕐᔪᐊᒥ ᐃᓕᓐᓂᐊᕐᕕᐅᔪᒥ ᐊᒻᒪᓗ ᓯᕗᓂᐊᒍᑦ, ᐃᓕᓴᐃᓚᐅᖅᑐᖅ ᓄᓇᕐᔪᐊᕐᒥ ᐃᓕᓐᓂᐊᕐᕕᒻᒥ ᐲᔨᖕᒥ. 

ᓯᒥᑦ ᓅᓚᐅᖅᑐᖅ ᓴᐃᓇᒧᑦ ᐅᑭᐅᖃᖅᖢᓂ 25−ᓂᑦ ᕿᓂᖅᖢᓂ ᐊᓯᔾᔨᖅᑐᒥᑦ, ᐅᐃᓂᐹᒡᒥᑦ. ᑲᓇᑕᐅᑉ ᓯᓚᑖᓂ ᓄᓇᖃᕐᓂᖅ ᖃᓂᒻᒪᒍᑕᐅᕙᓪᓕᐊᑎᓪᓗᒍ ᑭᓱᑐᐃᓐᓇᐅᓯᒪᔪᖅ ᑭᓯᐊᓂ ᓂᑲᓇᖅᑑᓯᒪᔪᖅ. ᑖᓐᓇ ᐃᓅᓯᖅ ᐊᓯᔾᔨᕐᔪᐊᓚᐅᕐᒪᑦ ᑐᓴᕈᒥᓇᖅᑐᓂᒃ.

"ᐸᕐᓇᐃᓪᓚᕆᓚᐅᙱᑦᑐᖓ; ᖃᐅᔨᓴᓚᐅᙱᑦᑐᖓ ᖃᐅᔨᒪᓪᓚᑦᑖᖅᖢᖓᓗ ᖃᓄᐃᓕᐅᖕᒪᖔᕐᒪ."

ᐊᖏᔪᐊᓗᒻᒥᒃ ᓅᓐᓂᖃᕐᓂᖅ ᐃᓱᒪᑖᕈᑕᐅᓚᐅᖅᑐᖅ ᓯᒥᑦᒧᑦ. ᓅᓵᖅᑎᓪᓗᒍ, ᐱᕕᖃᙱᖦᖢᓂ ᓴᖅᑭᑎᑦᑎᓂᕐᒥᒃ ᐱᐅᔪᒥᒃ ᑭᓯᐊᓂ ᐱᓪᓚᑦᑖᖅᑐᒥᒃ ᐃᓱᒪᒥᒃ, ᐅᒡᒍᐊᕈᑎᒋᔭᖓ. ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᓅᑉᐸᓪᓕᐊᔪᑦ ᐊᖏᕐᕋᒥᓂᒃ ᑕᐅᑐᓪᓗᐊᑕᕐᓗᑎᒃ ᐃᓱᒪᒥᒃ, ᐋᖅᑭᒃᓯᓗᑎᒃ ᐊᒃᓱᓪᓘᓐᓃᑦ ᐊᑕᐅᓯᕐᒥᒃ ᑐᑭᖃᑦᑎᐊᖅᑐᒥᒃ ᐃᓄᖕᒥᒃ ᐱᖃᑎᖃᕐᓂᕐᒥᒃ ᑲᑎᙵᖃᑎᖃᐃᓐᓇᕐᓗᓂᓗ ᐃᓄᖕᓂᒃ ᐊᖏᕐᕋᖏᓐᓂ. ᐃᓕᖅᑯᓯᐅᔪᖅ ᖁᐊᖅᓵᓇᓚᐅᖅᑐᖅ ᔅᒥᑦᒥ, ᐊᒻᒪᓗ ᐱᓕᕆᓂᖅᓴᐅᔪᒪᓚᐅᖅᑐᖅ ᐸᕐᓇᒍᒪᓪᓗᓂ ᐃᖏᕐᕋᓂᕆᓂᐊᖅᑕᒥᓂᒃ. 

"ᐃᓕᓴᐃᔪᒪᐃᓐᓇᐅᔭᖅᑐᖓ ᒥᑭᑦᑐᑯᓘᑎᓪᓗᖓ.  ᐅᑎᖅᑕᕋᐅᔭᖅᐸᓚᐅᖅᓯᒪᔪᖓ ᐃᓅᓯᓐᓄᑦ ᖃᓄᐃᓕᐅᕈᒪᔭᓐᓄᑦ, ᐃᓕᓴᐃᒃᑲᓐᓂᓕᓲᖑᓪᓗᖓᓗ, ᑕᐃᒪᐃᑦᑕᓯᓐᓇᓕᓚᐅᖅᑐᖓ."

ᔅᒥᑦ ᖃᓪᓗᓈᑎᑐᑦ ᐊᒻᒪ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᓚᐅᖅᑐᖅ ᐅᐃᓂᐹᒡᒥᑦ, ᐊᒻᒪ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᓕᓐᓂᐊᕐᓂᓕᕆᓂᕐᒧᑦ. ᓯᕗᓪᓕᖅᐹᒥ ᐃᖅᑲᓇᐃᔮᖃᓚᐅᖅᑐᖅ ᐃᓕᓴᐃᓪᓗᓂ ᐅᖃᓕᒫᕐᕕᖕᒥ ᓄᓇᖃᖅᑳᖅᓯᒪᔪᓂ ᐃᓕᓐᓂᐊᖅᑎᓪᓗᐊᑕᐅᓪᓗᓂ, ᐱᕕᒃᓴᓕᐅᖅᖢᓂ ᓇᖕᒥᓂᖅ ᐱᕈᖅᐸᓪᓕᐊᓂᕐᒧᑦ. ᐊᕐᕌᒍᑦ ᖃᔅᓯᐊᕐᔪᐃᑦ ᐊᓂᒍᖅᑎᓪᓗᒋᑦ, ᓄᑖᒥᒃ ᐆᒃᑐᕈᒪᓕᓚᐅᖅᑐᖅ ᓅᖦᖢᓂᓗ ᓄᓇᕐᔪᐊᓕᒫᒥ. 

"ᐃᓱᒪᒋᔪᒪᓇᔭᖅᑕᕋ ᒫᓐᓇ 30-ᓂᒃ ᐅᑭᐅᖃᓕᕈᒪ, 15-ᓂᒃ ᐅᑭᐅᖃᓕᕈᒪ."

ᐅᑉᐱᕈᓱᓐᖏᓗᐊᖃᑦᑕᓚᐅᕐᒪᑦ ᐊᓯᔾᔩᓂᐊᕆᐊᒃᓴᖅ ᑕᐃᒪᓐᓇ. ᓯᒥᑦ ᐊᒃᓱᕈᓚᐅᖅᑐᖅ ᐃᒻᒥᓂᒃ ᐅᐱᒋᑦᑎᐊᙱᖦᖢᓂ, ᓇᖕᒥᓂᖅ ᐱᐅᓗᐊᙱᖦᖢᓂ, ᐊᒻᒪ ᓂᑲᓪᓗᖓᓐᓇᖅᖢᓂ ᓯᓚᑦᑐᖅᓴᕐᕕᒡᔪᐊᖓᓂ ᐊᕐᕌᒍᓂ. ᐃᑲᔪᖅᑕᐅᕐᔪᐊᓚᐅᖅᑐᖅ ᒪᒥᓴᕐᓂᕐᒥᑦ ᒪᒃᑯᒃᖢᓂ ᐊᒻᒪᓗ ᐃᑲᔪᖅᑕᐅᔪᒪᑦᑎᐊᕐᖢᓂ ᓴᐃᓇᒥᑦ. ᒫᓐᓇᓕ, ᔅᒥᑦ ᑕᐅᑐᓪᓗᐊᑕᖅᑐᖅ ᐱᐅᔪᒃᑯᑦ ᓇᖕᒥᓂᖅ−ᑲᒪᒋᓂᕐᒥᒃ ᓇᖕᒥᓂᕐᓗ−ᐃᓱᒪᒃᓴᖅᓯᐅᕈᑎᖃᕐᓂᕐᒥᒃ ᖃᓄᖅ ᐃᒃᐱᖕᓂᐊᓂᖏᑦ ᐱᔨᑦᑎᕋᕐᒪᖔᑦ. ᐃᓱᒪᖓ ᑕᐅᑐᒃᖢᓂᐅᒃ ᖃᐅᔨᒪᑦᑎᐊᕐᓇᕐᓂᖓᓂᒃ ᐊᑐᕐᓂᑯᖏᓐᓄᑦ ᐃᓱᒪᒥᐅᑕᕆᓪᓗᓂᐅᒡᓗ ᓈᒻᒪᒋᙱᖦᖢᓂᐅᒃ ᐃᖕᒥᓂᒃ.

ᑖᓐᓇ ᐃᓱᒪᖓ ᐃᑲᔪᓚᐅᖅᑐᖅ ᐊᑐᕐᖢᓂ ᓄᓇᕐᔪᐊᒥᑦ ᖃᓂᒪᓂᖅ ᓴᐃᓇᒥᑦ, ᑭᒡᓕᖃᖅᖢᓂ ᖃᓄᐃᓕᐅᕈᓐᓇᖕᒪᖔᑦ ᐃᓱᒪᑦᑎᐊᕐᖢᓂ ᖃᓄᖅ ᐃᓱᒪᒥᓂᒃ ᐋᖅᑭᒃᓯᔪᓐᓇᖕᒪᖔᑦ ᐊᑐᕐᓯᒪᔭᒥᓂᒃ. ᑐᓂᓯᒪᑦᑎᐊᕐᖢᓂ ᐱᐅᔪᒥᒃ ᖃᐅᔨᓪᓗᓂᓗ ᖃᓄᐃᔾᔪᑎᖓᓂᒃ ᐱᐅᓂᖅᓴᐅᓂᖓᓂᒃ ᐊᓂᑦᑕᐃᓕᑎᓪᓗᒍ ᑭᖑᓂᐊᒍᑦ. ᓯᒥᑦ ᖃᐅᔨᓚᐅᖅᑐᖅ ᐃᑲᔫᑎᖃᐃᓐᓇᐅᔭᕐᓂᖓᓂᒃ, ᓯᓂᒡᕕᒃᓴᖃᐃᓐᓇᖅᖢᓂ ᐊᒻᒪ ᐊᓐᓄᕌᖅᓯᒪᐃᓐᓇᖅᐸᒃᖢᓂ ᖃᐅᑕᒫᑦ ᐃᖅᑲᓇᐃᔭᕐᓂᐊᕈᓂ.

ᐅᓪᓚᖃᑕᐅᓚᐅᖅᑐᖅ treadmill−ᒥ ᐊᒻᒪ ᔫᒐᓕᐅᖅᖢᓂ ᖃᕋᓴᐅᔭᒃᑯᑦ ᐃᓕᓐᓂᐊᓯᒋᐊᓚᐅᙱᓐᓂᖓᓂ zoom−ᑯᑦ. ᓯᒥᑦ ᕿᒥᕐᕈᓚᐅᖅᑐᖅ ᓂᕿᓕᐅᕐᓂᕐᒥᒃ ᐆᒃᑐᕋᐃᓂᕐᒥᒡᓗ ᐃᒐᒥᑦ ᓄᑖᓂᒃ ᐃᒐᔭᒃᓴᓂᒃ. ᑕᐅᑐᖃᑎᒌᒃᓗᓂ ᐃᑲᔪᕐᖢᓂ ᖃᐅᔨᒪᐃᓐᓇᕐᓂᕐᒥᒃ, ᐃᓚᐅᓪᓗᑎᒃ zoom ᐱᓕᕆᖃᑎᒌᑦ ᐋᖅᑭᒃᓯᒪᐃᓐᓇᖅᑎᓪᓗᒋᑦ ᑕᐅᑐᒃᓗᑎᒃ ᑕᐅᑐᒃᓗᑎᒃ ᑮᓇᖏᓐᓂ ᐃᓄᐃᑦ ᐱᒻᒪᕆᐅᓚᐅᖅᑐᑦ ᑖᔅᓱᒧᖓ. ᐱᓇᓱᐊᕈᓯᑦ 9 ᐊᓂᒍᖅᑎᓪᓗᒋᑦ ᐊᖏᕐᕋᖅᓯᒪᓕᖅᑎᓪᓗᒍ ᐃᓕᓐᓂᐊᕐᕕᖕᒧᑦ ᐅᑎᕈᓐᓇᖅᓯᓚᐅᖅᐳᖅ ᑕᑯᒃᑲᓐᓂᖅᖢᓂᓗ ᐃᓄᖕᓂᒃ ᐅᐸᒍᑎᔪᓂᒃ. 

"Mindset is important. ᐃᓕᖕᓂᒃ ᓄᖅᑲᖓᑎᑦᑎᓂᐊᖅᑐᖅ ᐅᕝᕙᓘᓐᓃᑦ ᓄᖅᑲᖓᓚᐅᑲᒡᓗᑎᑦ. ᖃᓄᑐᐃᓐᓇᖅ ᖃᓄᐃᓕᖓᓂᖃᕋᓗᐊᕈᕕᑦ, ᐃᓱᒪᒥᐅᑕᖃᕐᓂᖅ ᐱᓪᓗᐊᑕᐅᖏᓐᓇᐅᔭᖅᐳᖅ."

ᐃᒻᒥᓂᒃ−ᐅᖃᓪᓚᖕᓂᖅ ᓈᒻᒪᙱᒃᑳᖓᑦ, ᓯᒥᑦ ᐊᑐᖅᐸᒃᐳᖅ cedar−ᒥᒃ sweetgrass−ᓂᒡᓗ smudge−ᒥᒃ ᐃᓚᐅᕙᒃᖢᓂᓗ ᖁᔭᓕᓂᕐᒧᑦ ᐱᓕᕆᓂᕐᒥᒃ. ᐱᓕᕆᐊᖃᓪᓗᐊᑕᖅᐳᖅ ᖁᔭᓕᔾᔪᑎᒋᔭᕆᐊᖃᖅᑕᒥᓂᒃ, ᐅᒃᐱᕈᓱᖁᓪᓗᒍ ᓇᒦᒻᒪᖔᖅ, ᐃᖅᑲᓇᐃᔮᖃᕐᓗᓂ ᐊᒻᒪ ᑲᑎᖃᑎᖃᕈᓐᓇᕐᓗᓂ ᐃᓄᓐᓂᒃ ᓯᓚᕐᔪᐊᕐᒥᑦ, ᐃᓕᑕᕆᓗᒍ ᑕᒪᓐᓇ ᐱᔪᓐᓇᐅᑎᐅᔪᖅ. ᑕᐃᒪᓕ, ᐃᓄᐃᑦ ᑲᔪᖏᖅᓴᐃᓕᖃᑦᑕᖅᑐᑦ ᓯᒥᑦᒥᑦ, ᐃᓚᒥᓂᒃ, ᐱᖃᓐᓇᕆᔭᒥᓂᒃ ᐃᓕᓐᓂᐊᖅᑎᖏᓐᓄᑦ. ᖁᕕᐊᒋᔭᖃᖅᑐᖅ ᑕᑯᔭᕆᐊᒃᓴᖅ ᐃᓕᓐᓂᐊᖅᑎᖁᑎᒥᓂᒃ ᐊᒃᓱᕈᖅᑐᓂᒃ ᐊᒻᒪᓗ ᐃᓱᒪᑦᑎᐊᕐᓂᒃᑯᑦ. ᐃᓕᓐᓂᐊᖅᑕᖏᑦ ᐊᔭᐅᖅᑐᐃᕗᑦ ᐊᒃᓱᕈᒃᑲᓐᓂᖁᔨᓪᓗᑎᒃ ᐱᕕᒃᓴᓕᐅᕋᓱᒃᖢᑎᒃ ᐱᕈᖅᐸᓪᓕᐊᖁᓪᓗᒋᑦ ᐊᒻᒪᓗ ᐃᒻᒥᓂᒃ ᐅᖃᐅᓯᖃᕈᓐᓇᖅᓯᓗᑎᒃ.

"ᓄᑕᖅᑲᑦ ᐃᓱᒪᑦᑎᐊᖅᑎᑦᑎᔪᓐᓇᖅᑐᑦ, ᒥᑭᑦᑐᑯᓗᐃᓪᓗ ᐱᓕᕆᐊᕆᖃᑦᑕᖅᑕᖏᑦ ᐅᖃᖅᑕᖏᓪᓘᓐᓃᑦ, ᐊᒻᒪᓗ ᐊᑲᐅᒋᔭᕐᓂᒃ ᐃᒃᐱᒍᓱᒃᑎᑦᑎᑐᐃᓐᓇᖅᖢᓂ."

ᐱᓕᕆᐊᖃᓚᐅᖅᑎᓪᓗᒋᑦ ᖃᓄᐃᓕᐅᕈᓘᔭᕐᓂᕐᒥᒃ, ᔅᒥᑦ ᐅᖃᐅᔾᔨᒋᐊᕐᓂᖓ ᐊᓯᒥᓄᑦ ᑕᐃᒪᐃᖁᔨᔪᖅ ᐊᔾᔨᖓᓂᒃ ᑎᓕᐅᕆᓂᐅᕗᖅ, "ᐃᖅᑲᐅᒪᓗᒍ ᐃᓱᒪᖓ ᐋᖅᑭᒡᓗᒍᓗ ᐃᓱᒪᖓ ᐱᓪᓚᑦᑖᖑᓗᓂ, ᖁᕕᐊᒋᑐᐃᓐᓇᕐᓗᒍᓗ. ᓇᒧᒃᑭᐊᖅ ᓅᑦᑐᓐᓇᕈᕕᑦ, ᐊᓯᐊᓅᕐᓗᑎᑦ, ᐊᓯᐊᓅᕐᓗᑎᑦ. ᐄᑦᑎᐊᖅ. ᐱᐅᔪᐊᓘᕗᖅ."

ᐊᓖᓯᐊ ᓯᒥᑦ ᐸᕐᓇᒃᑐᖅ ᐅᑎᓛᕐᓂᕐᒧᑦ ᐊᖏᕐᕋᒧᑦ ᖃᓄᐃᓕᐅᓚᐅᖅᑎᓪᓗᒍ ᐃᓅᓯᓕᒫᒧᑦ ᑭᓯᐊᓂ ᐅᒡᒍᐊᕐᓂᖃᙱᖦᖢᓂ. "ᓈᒻᒪᒃᓯᓯᒪᓕᖅᑐᖅ, ᑭᓯᐊᓂ ᑖᒃᑯᐊ ᐊᕐᕌᒍᑦ ᐊᓂᒍᖅᑎᓪᓗᒋᑦ ᑕᐅᖅᓰᖃᑎᒋᓚᐅᖅᓯᒪᙱᖦᖢᒋᑦ ᑭᓱᑐᐃᓐᓇᕐᒧᑦ, ᐊᑦᑎᒃᓯᓯᒪᔪᐃᓐᓇᐅᓪᓗᑎᒃ ᐊᒻᒪ ᖁᕝᕙᓯᒃᑑᓪᓗᑎᒃ," ᖁᖓᖦᖢᓂ. ᓄᓇᕐᔪᐊᖅ ᕿᒪᐃᓯᒪᔪᖅ ᓱᓇᑐᐃᓐᓇᕐᒥᑦ ᖃᐅᔨᒪᔪᒥᑦ, ᐃᓅᓚᐅᖅᑎᓪᓗᒍ ᐊᒥᓱᓄᑦ ᖃᓂᒻᒪᓐᓇᕐᒧᑦ, ᐆᒻᒪᑎᖓ ᐊᑯᓂᑦ ᐅᐃᓂᐹᒡᒧᑦ ᐊᖏᕐᕋᒧᓪᓗ. ᒫᓐᓇ ᑭᓯᐊᓂ ᐸᕐᓇᐅᑎᖃᕐᓂᐊᖅᑐᖅ!  

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.