ᓄᓇᖃᖅᑳᖅᓯᒪᔪᑦ ᐊᓈᓇᖏᑦ ᒪᓕᒐᕐᒥ: ᐊᓯᔾᔩᓂᖅ ᐊᒻᒪ ᓄᓇᓕᒃ

ᐋᓕᓴᓐ ᓇᓄᖅ, ᑕᑰᑕ ᐊᒻᒪ ᐊᓂᔅᓈᐱ ᐊᕐᓇᖅ, ᐊᓯᔾᔩᔪᒪᓚᐅᕐᒪᑕ ᓄᓇᕐᔪᐊᕐᒥ. ᐱᔪᒃᓯᑎᑕᐅᓚᐅᖅᑐᖅ ᐃᓕᓐᓂᐊᖁᔭᐅᓪᓗᓂ ᒪᓕᒐᖕᒥᑦ ᐸᑐᕆᓴ ᒪᓐᑐᒧᑦ, ᒧᕼᐊᒃ ᒪᓕᒐᓕᕆᔨ ᐊᒻᒪ ᐊᓈᓇᖓ ᓄᑕᕋᐅᑎᓪᓗᒋᑦ ᐱᖃᓐᓇᕆᔭᖓ. ᓇᓄᖅ 2020−ᒥ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᕕᖕᒥ ᐊᓂᒍᐃᓯᒪᔪᖅ ᐊᑎᓕᐅᓚᐅᖅᑐᖅ ᒪᑭᓱᒧᑦ, ᒪᓕᒐᓕᕆᔨᑦ ᓵᔅᑲᑑᓐᒥ. ᒪᓕᒐᓕᕆᔨᙳᕋᓱᓚᐅᖅᑐᖅ ᐊᒥᓱᓂᒃ ᑐᓗᖅᑕᕈᑎᖃᖅᖢᓂ ᐊᓂᒍᐃᓇᓱᒃᖢᓂ. 

"ᐊᓯᔾᔩᓂᐊᕈᒪ, ᒪᓕᒐᓕᕆᔨᐅᔪᒪᒐᒪ ᑕᑯᒐᒪ ᑖᒃᑯᓂᖓ ᐊᓯᖏᓐᓂᑦ ᓄᓇᖃᖅᑳᖅᓯᒪᔪᓂᑦ ᑭᒡᒐᖅᑐᐃᔨᓂᑦ ᑕᐃᒫᒃ ᐊᖅᑯᓵᖅᓯᖕᒪᑕ."

ᓇᓄᖅ ᐃᓕᓐᓂᐊᕆᐊᒃᑲᓐᓂᓕᓚᐅᖅᑐᖅ ᓛᖓᕋ ᓯᓚᑦᑐᖅᓴᕐᕕᖕᒥ ᕚᓐᑰᕙᒥ, ᑭᓯᐊᓂ ᓄᓇᓯᐅᑎᒃᑯᑦ ᐱᕐᕈᓗᐊᕿᓪᓗᓂ ᐊᖏᕐᕋᕆᐊᖃᓕᓚᐅᖅᖢᓂᓗ ᒪᒥᓴᕆᐊᖅᑐᖅᖢᓂ. ᑭᖑᓂᐊᒍᑦ, ᐱᔭᕇᖅᓯᓪᓗᓂ ᐃᓕᓐᓂᐊᕌᓂᒍᓯᐊᕐᒥᑦ ᓵᔅᑳᑦᓱᐊᓐᒥ ᓯᓚᑦᑐᖅᓴᕐᕕᔾᔪᐊᖓᓂ 2017−ᒥ, ᐱᓪᓗᓂ LSAT−ᒧᑦ ᖃᐅᔨᓴᕈᑎᒥᒃ ᐱᓇᔪᒃᖢᓂᓗ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᕕᖕᒥ. ᒥᑭᑦᑐᑯᓗᖕᓂ ᓄᓇᖃᖅᑳᖅᓯᒪᔪᓂ ᐃᓕᓐᓂᐊᖃᑦᑕᓚᐅᖅᐳᖅ ᐊᒻᒪ ᐃᓅᓯᓕᕆᓂᕐᒥᒃ ᐱᓕᕆᐊᖃᓪᓗᐊᑕᖅᖢᓂ. ᒪᓕᒐᓕᕆᓂᕐᒧᑦ ᐃᓕᓐᓂᐊᓚᐅᖅᑐᖅ UBC-ᒥ ᐊᒻᒪᓗ ᓵᔅᑳᑦᓱᐊᓐᒥ ᐊᒻᒪᓗ ᓂᕈᐊᕆᐊᖃᓚᐅᖅᑐᖅ. 

"ᐃᓅᓯᕋ ᓂᑲᒍᓱᖕᓂᑐᐃᓐᓇᐅᓯᒪᔪᖅ ᐃᓕᓐᓂᐊᕐᕕᖕᒥ ᐊᓈᓇᐅᓂᕐᒥᒡᓗ, ᐃᓕᓐᓂᐊᖅᑎᐅᓪᓗᖓᓗ ᐊᓈᓇᐅᓪᓗᖓᓗ."

ᐅᐸᒍᒪᓪᓚᕆᓚᐅᖅᑐᖅ UBC-ᑯᓐᓄᑦ, ᓯᓐᓇᑦᑑᒪᒥᓂᒃ ᐃᓕᓐᓂᐊᕐᕕᒻᒥ, ᐊᒻᒪᓗ ᒪᕐᕉᓐᓂᒃ ᕿᑐᕐᖓᒥᓂᒃ ᐅᓯᓪᓗᓂ ᕚᓐᑰᕗᒧᑦ. ᐃᑲᔪᖅᑕᐅᓂᖃᓚᐅᖏᑦᑐᖅ ᐊᒻᒪᓗ ᑭᓱᑐᐃᓐᓇᐃᑦ ᕿᓚᒥᒃᑯᑦ ᐱᒋᐊᓕᓚᐅᖅᑐᖅ ᑲᑉᐱᐊᓱᒍᓐᓃᖅᑐᓂ. ᐱᓇᓱᐊᕈᓯᑦ ᐱᖓᓱᑦ ᐊᓂᒍᖅᑎᓪᓗᒋᑦ ᐊᓈᓇᑦᑎᐊᖓ ᐱᕐᕈᓗᐊᕿᕐᔪᐊᓚᐅᖅᐳᖅ ᐊᖏᕐᕋᐅᓪᓗᓂᓗ ᓵᔅᑳᑦᓱᐋᓐᒧᑦ. ᐃᓕᑦᑎᓚᐅᖅᑐᖅ ᐱᒻᒪᕆᐅᔪᒥᒃ ᐃᓕᑦᑎᓂᕐᒥᒃ ᐱᒻᒪᕆᐅᓂᖓᓂᒃ ᖃᑕᙳᑎᒌᓄᑦ ᐃᑲᔪᖅᑕᐅᓂᖅ.

 "ᐱᒻᒪᕆᐅᖕᒪᑦ ᖃᓄᑐᐃᓐᓇᖅ ᐱᓕᕆᓇᓱᒃᑎᓪᓗᑎᑦ ᐃᑲᔪᖅᓱᐃᓂᕐᒧᑦ; ᐃᓚᒃᑲ, ᐊᓂᒃᑲ, ᐊᖓᔪᖅᑳᒃᑲ, ᐊᑦᑕᒃᑲ, ᐃᑲᔪᖅᑐᒻᒪᕆᐅᕙᒻᒪᑕ. ᐱᒻᒪᕆᐅᓚᐅᖅᑐᖅ ᑕᒫᓃᓪᓗᓂ."

ᑕᐃᒪᐃᒻᒪᑦ ᐅᒃᐱᕈᓱᒃᐳᖅ ᓇᓕᐊᑐᐃᓐᓇᖅ ᒪᒃᑯᒃᑐᖅ ᐊᖏᕐᕋᒥᓂᒃ ᕿᒪᐃᔪᒪᒍᓂ ᐃᖅᑲᓇᐃᔮᖅᑖᕈᒪᓗᓂ ᐅᕝᕙᓘᓐᓃᑦ ᓯᓚᑦᑐᖅᓴᕐᕕᖕᒥ ᑐᕌᒐᖃᓪᓗᐊᖅᐳᖅ ᐃᑲᔪᖅᑐᐃᔾᔪᑎᓂᒃ ᐃᓅᓯᖃᑦᑎᐊᖅᑐᓂᒃ ᐃᓄᖕᓂᒃ, ᐊᒻᒪ ᕿᓂᕐᓗᑎᒃ ᓯᓚᑦᑐᖅᓴᕐᕕᖕᒥ ᐱᓕᕆᔨᐅᖃᑎᒌᓂᒃ ᐱᖃᓐᓇᕆᔭᖅᑖᖁᓪᓗᒋᑦ.  ᐃᒪᐃᖁᔨᒻᒥᔪᖅᑕᐅᖅ ᑕᑯᓐᓇᒐᖃᖁᔨᓪᓗᓂ. ᓇᖕᒥᓂᖅ ᑕᐅᑐᖅᑰᖅᑕᖓᓄᑦ ᑲᑎᒪᔩᑦ ᑕᑯᒃᓴᐅᑎᑦᑎᕗᑦ Master's degree−ᒥᒃ ᕼᐋᕐᕗᑦ−ᒥ ᐊᒻᒪ ᐊᔾᔨᙳᐊᓂᒃ ᕚᓐᑰᕙᒥ.  ᐃᓚᒌᑦ ᐃᑲᔪᖅᑕᐅᙱᖦᖢᑎᒃ ᓄᑖᒥᒃ ᓄᓇᓕᖕᓂ ᐊᒃᓱᕈᕐᓇᓚᐅᖅᐳᖅ, ᑭᓯᐊᓂ ᑐᓗᖅᑕᕈᑎᑐᐊᖑᓚᐅᙱᑦᑐᖅ ᓇᓄᕐᒧᑦ. 

‍

‍

ᐋᓐᓂᕐᓃᑦ ᓄᓇᓯᐅᑎᒃᑯᑦ ᐱᕐᕈᓗᐊᕿᔪᓂᑦ ᐊᒃᓱᕈᕐᓇᕈᑕᐅᓕᕐᖢᑎᒃ ᓇᓄᕐᒧᑦ, ᐃᓚᐅᓪᓗᓂ ᐅᐸᖅᑳᕐᖢᓂᐅᒃ ᐊᓄᕆᒃᑯᑦ ᐃᔨᖃᕈᓐᓃᕐᖢᓂᓗ. ᕿᓄᐃᓵᕈᑎᖃᕐᖢᓂ ᓯᕘᕋᓂᕐᒥᓂᒃ, PTSD, ᐱᖖᒋᑦᑎᐊᖖᒋᖦᖢᓂ ᐊᒻᒪᓗ ᐃᖕᒥᓂᒃ ᖁᓱᖖᒋᖦᖢᓂ ᐃᒥᐊᓗᖕᒥᒃ ᑭᓯᐊᓂ ᓱᓐᓂᐅᒪᓕᕐᖢᓂ ᔪᓚᐃ 2013-ᒥ. Sobriety−ᑯᑦ ᐃᑲᔪᖅᑐᐃᓚᐅᖅᐳᑦ ᐱᐅᓂᖅᓴᓂᒃ ᐊᔪᙱᓐᓂᕐᓂᒃ ᐃᓕᓐᓂᐊᕐᕕᖕᒥ ᐃᑲᔪᖅᖢᓂᓗ ᐋᖅᑭᒃᓯᒪᓕᖅᑎᑦᑎᓂᕐᒥᒃ ᐊᑕᐅᓰᓐᓇᓕᓂᕐᒥᒃ. ᐊᐃᑉᐸᖓ ᓄᓇᓯᐅᑎᐅᑉ ᐱᕐᕈᓗᐊᕿᓪᓗᓂ ᑎᖑᖓ, ᑐᓕᒫᖏᑦ ᓯᖁᒥᖦᖢᓂᒋᑦ ᐲᖅᑕᐅᔭᕆᐊᖃᓕᕐᖢᓂᓗ ᕿᓕᖅᓯᓇᖓ. 

"ᐅᖃᐅᔾᔨᙱᑦᑐᖓ ᑭᓇᒥᑭᐊᖅ ᓄᖅᑲᕆᐊᖃᕐᓂᕐᒥᓂᒃ ᐃᒥᐊᓗᖃᑦᑕᕐᓂᕐᒥᒃ. ᑭᓯᐊᓂ ᐅᖃᑐᐃᓐᓇᖅᑐᖓ ᐅᕙᓐᓄᑦ ᐊᑑᑎᖃᖅᓯᒪᒻᒪᑦ, ᐊᒻᒪᓗ ᐅᕙᓐᓄᑦ ᐊᒻᒪᓗ ᕿᑐᕐᖓᓐᓄᑦ, ᑭᓱᑕᖃᕋᓂ ᑭᓯᐊᓂ ᐱᐅᔪᓂᒃ. ᒪᓕᒐᓕᕆᓂᕐᒧᑦ ᐃᓕᑕᕆᔭᐅᔾᔪᑎᑖᕈᓐᓇᕋᔭᖅᑰᓚᐅᙱᑦᑐᖓ ᐋᖓᔮᙱᒃᑯᒪ." 

ᐅᖃᐅᔾᔪᐃᓂᖓ ᒪᒃᑯᖕᓂᖅᓴᓄᑦ ᓇᖕᒥᓂᖅ "ᐃᓐᓇᕐᓄᑦ ᐃᑲᔪᖅᑕᐅᖃᑦᑕᕆᑦ ᑭᖑᕙᓗᐊᓚᐅᙱᓐᓂᖓᓂ. ᐱᖃᑎᒋᓂᖅᓴᐅᓗᒋᑦ. ᖃᐅᔨᒪᙱᑐᐃᓐᓇᖅᑐᑎᑦ ᖃᓄᑎᒋ ᐱᕕᖃᕐᒪᖔᑕ." ᓇᓄᕐᒥᒃ ᐃᓕᑦᑎᔪᒪᔪᖃᒻᒪᕆᓚᐅᖅᐳᖅ ᐊᓈᓇᑦᑎᐊᒥᓂᒃ ᐅᖃᐅᓯᐅᑉ ᐃᓕᖅᑯᓯᐅᓪᓗ ᒥᒃᓵᓄᑦ ᑭᓯᐊᓂ ᐃᓅᔪᓐᓃᓚᐅᖅᑐᖅ. ᐃᓱᒪᓪᓗᓂ ᐊᓈᓇᐅᓕᓵᖅᑐᓂᒃ ᐊᐃᑉᐸᖃᙱᑦᑐᓂᑦ, ᐅᖃᓚᐅᕐᒥᔪᖅ, "ᐱᔪᓐᓇᖅᑕᓕᒫᑎᑦ ᐱᓕᕆᔪᓐᓇᖅᑕᑎᑦ ᕿᑐᕐᖓᑎᑦ. ᖃᓄᐃᑦᑑᒐᓗᐊᖅᐸᑦ, ᑲᒪᒋᓂᐊᖅᑕᐃᑦ, ᐊᓂᒍᕐᓂᐊᖅᑕᐃᑦ." ᒪᕐᕉᖕᓂᒃ ᕿᑐᕐᖓᖅᑖᖅᖢᓂ ᐃᓄᑑᓪᓗᓂ ᐊᓈᓇᐅᓪᓗᓂ ᐊᒃᓱᕈᕐᓇᖅᓯᒪᔪᖅ ᑭᓯᐊᓂ ᓱᓕ ᓯᓐᓇᒃᑑᒪᔭᒥᓂᒃ ᐊᓂᒍᐃᓯᒪᔪᖅ. 

ᐊᒃᓱᕈᕐᓇᖅᑐᒃᑰᕋᓱᒃᓗᓂ ᓄᓇᕐᔪᐊᒥᑦ ᖃᓂᒪᓂᖕᒧᑦ, ᓇᓄᖅ ᐱᕙᒌᔭᕋᓱᓕᖃᑦᑕᖅᐳᑦ ᓴᓇᕙᒃᖢᑎᒡᓗ. ᐋᖅᑭᒃᓱᐃᒃᑲᓐᓂᕐᖢᓂ ᑐᙵᕕᖓᓂᒃ ᐋᖅᑭᒃᓯᓪᓗᓂᓗ ᐃᓚᖓᓂᒃ ᑐᙵᑦᑎᐊᖅᑐᒥᒃ ᐊᑐᒐᔪᒃᑕᖓᒍᑦ ᓱᓕ ᐱᕕᖃᖅᑎᑦᑎᓪᓗᓂ ᐊᓯᔾᔨᕈᓐᓇᕐᓂᕐᒥᒃ ᖁᕕᐊᓱᖕᓂᕐᒥᒃᓗ. ᑎᓕᐅᕆᔪᖅ ᐊᓯᒥᓂᒃ ᐊᒃᓱᕈᖅᑐᓂᒃ ᓂᕆᑦᑎᐊᖃᑦᑕᖁᓪᓗᒋᑦ ᐊᒻᒪᓗ ᐃᒻᒥᓂᒃ ᑲᒪᒋᑦᑎᐊᕐᓗᑎᒃ. ᐃᓕᓴᖅᓯᑎᓪᓗᒍ ᖁᕕᐊᓇᓐᖏᑦᑐᒃᑯᑦ ᖃᓄᐃᓕᒍᑕᐅᔪᓂᒃ ᑕᐃᒃᑯᓄᖓ ᐊᓐᓇᐅᒪᓚᐅᖏᑦᑐᓄᑦ, ᑐᓂᓯᓚᐅᖅᑐᖅ, "ᒫᓐᓇᐅᔪᖅ ᑐᓂᔭᐅᓯᒪᕙᓪᓚᐃᓕᖅᑐᖅ ᓱᒃᑲᐃᓪᓕᒋᐊᖅᑎᑕᐅᓪᓗᑕ." 

ᐸᓂᖓ ᐱᔪᒃᓯᑎᑦᑎᓚᐅᖅᑐᖅ ᓄᓇᕐᔪᐊᒥᑦ ᖃᓂᒻᒪᒍᑕᐅᕙᓪᓕᐊᔪᓂᑦ ᐃᖅᑲᓇᐃᔮᒥᓂᒡᓗ, ᐱᔪᒃᓯᑎᑦᑎᕗᖅ ᐃᓚᒌᖕᓂᑦ ᓯᕗᕚᖏᓐᓂᒡᓗ. "ᐃᓱᒪᒋᓪᓗᒋᑦ ᓯᕗᓕᕕᓂᒃᑲ ᖃᓄᐃᓕᐅᖃᑦᑕᖅᓯᒪᖕᒪᖔᑕ, ᐃᓱᒪᓪᓗᑎᒡᓗ ᐊᓈᓇᑦᑎᐊᒃᑯᒃᑲ ᖃᓄᐃᓕᐅᖃᑦᑕᖅᓯᒪᖕᒪᖔᑕ, ᐊᖓᔪᖅᑳᒃᑲᓗ ᖃᓄᐃᓕᐅᕆᐊᖃᓚᐅᕐᒪᖔᑕ, ᐊᒻᒪ ᐊᑐᕆᐊᖃᖅᑐᐃᓐᓇᐅᓪᓗᑎᒃ ᑕᒫᓃᒍᓐᓇᕐᓂᐊᕋᑦᑕ ᐅᓪᓗᒥᓗ ᐱᓯᒪᔪᓐᓇᕐᓂᐊᕋᑦᑕ, ᐱᔪᒃᓯᑎᑦᑎᑦᑎᐊᕐᓇᕐᒪᑦ ᐱᔪᒃᓯᑎᑦᑎᓐᓇᖅᖢᓂᓗ ᓲᖃᐃᒻᒪ ᑭᓇᑐᐃᓐᓇᖅ ᑲᔪᓯᔭᕆᐊᖃᕐᒪᑦ, "ᐅᖃᐅᓯᕆᓵᖅᑕᖓ. 

ᓇᓄᖅ ᐱᔪᒃᓯᑎᑕᐅᕙᒃᑭᕗᖅ ᒪᒃᑯᒃᑐᓂᑦ, ᐅᓂᒃᑳᖅᖢᓂ, "ᓯᕗᓂᒃᓴᕆᔭᐅᕗᑦ. ᐊᒻᒪᓗ ᑖᒃᑯᐊ ᒥᑭᔪᑦ, ᑲᔪᖏᖅᓴᖅᑕᐅᖏᒃᑯᔅᓯ ᖃᐅᔨᒪᓐᖏᓚᖓ ᑭᓱᒥᒃ ᑕᑯᓐᓇᕐᒪᖔᖅᐱᑦ." ᑕᑯᔪᒪᔪᖅ ᐃᓅᓯᖃᕐᓗᑎᒃ ᖃᓄᐃᙱᑦᑎᐊᕐᓗᑎᒃ ᐃᓅᓯᖃᕐᓗᑎᒃ ᐅᐃᕆᓯᒪᔭᖃᙱᓪᓗᑎᒃ ᐊᓯᖏᓐᓂᒃᓗ ᐊᒃᓱᕈᕐᓇᖅᑐᓂᒃ ᓄᓇᓕᖕᓂ.  

ᒪᓕᒐᓕᕆᔨᙳᕆᐊᖃᓚᐅᖅᑐᖅ ᐋᓕᓴᓐ ᓇᓄᕐᒥᑦ ᐊᐳᖅᑕᕈᑎᓂᑦ ᐊᕕᑦᑐᐃᒋᐊᖃᓚᐅᖅᑐᖅ ᓇᒻᒥᓂᖅ ᑲᔪᓯᔪᓐᓇᖁᓪᓗᒍ. ᒪᓕᒐᕐᓂᐊᖅᑎᐅᓂᕐᒧᑦ ᐃᓕᑕᕆᔭᐅᔾᔪᑎᑖᖅᓯᒪᔪᖅ, ᐱᑐᐃᓐᓇᕆᐊᖃᓕᖅᑐᖅ ᐊᕕᒃᓗᒋᑦ ᑐᓗᖅᑕᕈᑏᑦ ᕿᑐᕐᖓᖏᓐᓄᑦ ᒪᒃᑯᒃᑐᓄᓪᓗ ᖃᐅᒃᐸᑦ ᑲᔪᓯᑦᑎᐊᕈᓐᓇᕐᓂᐊᕐᒪᑕ. ᑖᓐᓇ ᑕᑰᑕ ᐊᒻᒪ ᐊᓂᔅᓈᐱ ᐊᕐᓇᖅ ᐊᓯᔾᔩᔪᒪᓚᐅᕐᒪᑦ ᓯᓚᕐᔪᐊᕐᒥ, ᐊᒻᒪ ᐃᓕᓐᓂᐊᕐᓂᖓᒍᑦ, ᐃᓕᖅᑯᓯᑐᖃᖓᓐᓂᑦ ᐊᒻᒪ ᖃᐅᔾᔨᑎᖏᓐᓂᑦ, ᑕᐃᒪᐃᑐᐃᓐᓇᕆᐊᖃᓕᖅᑐᖅ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.