"ᐃᓅᓯᓐᓂ, ᐱᙳᐊᕐᓂᖅ ᐱᓪᓚᕆᐅᕗᖅ. ᖁᕕᐊᒋᑦᑎᐊᖅᑕᒃᑲ ᐊᒃᓱᕈᕐᓇᖅᑐᑦ. ᐃᖃᐃᓕᓴᕐᓂᖅ ᖁᕕᐊᒋᑦᑎᐊᖅᑕᕋ. ᐃᓂᑦᑎᐊᕙᐅᔪᖅ ᐃᒃᐱᒋᔭᒃᑲ ᐅᓚᕕᓴᐃᙱᖦᖢᑎᒃ ᖃᓄᑐᐃᓐᓇᖅ ᐃᓅᓯᓐᓂ. ᐃᖅᑲᖅᑐᐃᕕᒻᒦᑎᑐᐃᓐᓇᕈᓐᓇᖅᑕᐃᑦ," ᐋᓕᓴᓐ ᒪᑲᐃ. ᐱᕈᖅᓴᓚᐅᖅᑐᖅ ᑲᖏᖅᖠᓂᕐᒥ, ᓄᓇᕗᒻᒥ ᑭᓯᐊᓂ ᐃᓕᓐᓂᐊᕆᐊᓚᐅᖅᓯᒪᕗᖅ ᑳᕈᑕᓐ ᓯᓚᑦᑐᖅᓴᕐᕕᒡᔪᐊᖓᓂ ᐋᑐᕚᒥ ᐊᕐᕌᒎᒃ ᒪᕐᕉᒃ ᐊᓂᒍᖅᓯᒪᓕᖅᑑᒃ. ᐊᐅᓪᓚᑲᑕᐃᓐᓇᖃᑦᑕᕐᒥᔪᖅ ᐱᙳᐊᕐᓂᕐᒧᑦ ᓲᕐᓗ ᕚᓕᐹᕐᓂᕐᒧᑦ.

ᐃᓕᓐᓂᐊᕆᐊᕋᒥ, ᐃᓕᓐᓂᐊᓚᐅᖅᑐᖅ ᑐᕌᒐᖃᖅᖢᓂ ᓴᓇᔨᒻᒪᕆᙳᕋᓱᖕᓂᕐᒥᒃ, ᑭᓯᐊᓂ ᐃᓕᖅᑯᓯᓕᕆᔨᙳᕈᒪᓕᓚᐅᖅᑐᖅ ᓂᕈᐊᖅᑕᐅᓚᐅᖅᑎᓪᓗᒍ. ᐆᒃᑐᓚᐅᕐᒥᔪᖅ ᒐᕙᒪᓕᕆᓂᕐᒥᒃ, ᑭᓯᐊᓂ ᐃᓄᐃᑦ ᐃᓕᖅᑯᓯᖏᓐᓂᒃ ᖃᐅᔨᓴᕐᓂᖅ ᖁᕕᐊᒋᓂᖅᐹᕆᓚᐅᖅᐸᐅᒃ. ᐃᓕᓐᓂᐊᖅᑕᒥᓂᒃ ᖃᐅᔨᒪᑦᑎᐊᓚᐅᖅᑐᖅ ᖁᓱᙱᖦᖢᓂᓗ ᖃᓄᑎᒋ ᖃᐅᔨᓴᕈᓐᓇᕐᒪᖔᑦ ᐱᓕᕆᕝᕕᖕᒥ ᐊᒻᒪ ᖃᔅᓯᓂᒃ ᐊᔾᔨᒌᙱᑦᑐᓂᒃ ᑐᑭᒧᐊᒍᑎᒃᓴᓂᒃ ᕿᒥᕐᕈᔪᓐᓇᕐᒪᖔᑦ.

ᓅᑉᐸᓪᓕᐊᓂᖅ ᓯᓚᑦᑐᖅᓴᕐᕕᒡᔪᐊᒧᑦ ᐊᔪᕐᓇᓗᐊᓚᐅᙱᑦᑐᖅ ᓲᖃᐃᒻᒪ ᒪᑲᐃ ᐃᑲᔪᖅᓱᖅᑕᐅᕐᔪᐊᓚᐅᕐᒪᑦ ᐃᓕᓐᓂᐊᕐᕕᖕᒥᓂ. ᓈᓴᐅᓯᕆᓂᕐᒥᒃ ᖃᐅᔨᓴᖅᑐᓕᕆᓂᕐᒥᒡᓗ ᐃᓕᓐᓂᐊᕈᑎᑦᑎᐊᕙᐅᓚᐅᖅᐳᖅ ᐊᒻᒪ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖓ ᐃᑲᔪᓚᐅᖅᐳᖅ ᐊᐃᓯᒪᓂᕐᒥᓂᒃ ᐃᒃᐱᒍᓱᒃᖢᓂ. ᐋᖅᑭᒋᐊᕈᑎᐅᔪᖅ ᐆᒪᔪᖅ ᐊᒻᒪᓗ ᓄᓇᓕᐸᐅᔭᖅ ᐊᒃᓱᕈᕐᓇᓚᐅᖅᑐᖅ ᓯᕗᓪᓕᕐᒥ, ᐱᓗᐊᖅᑐᒥᒃ ᓅᓐᓂᖅ ᓄᓇᓕᕋᓛᒥᑦ ᐃᓄᒋᐊᓐᓂᖅᓴᐅᓕᖅᑐᒧᑦ ᓄᓇᓕᐸᐅᔭᕐᒧᑦ. ᐊᒃᓱᕈᕐᓇᖅᑐᖃᕋᓗᐊᖅᑎᓪᓗᒍ, ᐱᕕᒃᓴᖅᑕᖃᓚᐅᕆᕗᖅᑕᐅᖅ. ᒪᑲᐃ ᐱᖃᓐᓇᕆᔭᖅᑖᓚᐅᖅᑐᖅ ᐊᒻᒪᓗ ᓇᓂᓯᓪᓗᓂ ᐃᓄᖕᓂᒃ ᐃᑲᔪᕈᓐᓇᖅᑐᓂᒃ, ᑲᑎᖃᑎᖃᖅᖢᓂ ᐃᓕᓴᐃᔨᒥᒃ ᐃᖃᓗᖕᓂᒃ.

ᐊᐱᕆᔭᐅᒐᒥ ᐅᖃᐅᔾᔭᐅᔪᒪᓪᓗᓂ ᐃᓄᖕᓄᑦ ᐃᓕᓐᓂᐊᖅᑎᓄᑦ ᓄᓇᒥᓂᒃ ᐊᐅᓪᓚᖅᑐᓄᑦ ᐃᓕᓐᓂᐊᕆᐊᖅᖢᑎᒃ, ᒪᑲᐃ ᐅᖃᖅᖢᓂ, "ᑲᑉᐱᐊᓱᒃᑕᐃᓕᒋᑦ ᑭᓇᑐᐃᓐᓇᑦᑎᐊᒧᑦ ᖃᐅᔨᒋᐊᕆᐊᒃᓴᖅ. ᑭᒃᑯᑐᐃᓐᓇᑦᑎᐊᑦ ᐱᕙᒌᔭᖅᓯᒪᐃᓐᓇᐅᔭᖅᐳᑦ ᐃᓕᖕᓂᒃ ᐃᑲᔪᕆᐊᒃᓴᖅ ᓇᒧᙵᐅᒐᓗᐊᕈᕕᑦ. ᑕᐸᐃᖅᑐᒻᒪᕆᐅᓚᐅᖅᐳᖓ ᐃᓄᓐᓄᑦ ᐊᐱᖅᓱᖅᑐᒋᑦ. ᑕᒪᓐᓇ ᐊᓂᒍᕈᕕᐅᒃ, ᑭᓱᓕᒫᓂᒃ ᕿᓂᕐᓂᖅ ᐱᔭᕆᐊᑭᓪᓕᑎᑦᑎᒻᒪᑦ. ᐃᑲᔪᖅᑐᐃᔾᔪᑎᓪᓚᕆᖕᒥᑦ ᐊᑐᖅᐳᖅ, ᐃᓕᖕᓄᑦ ᐊᔪᕐᓇᙱᓐᓂᖅᓴᐅᓕᕐᓗᓂ."

ᑲᐅᕈᑕᓐ ᕋᕕᓐᔅ ᕚᓕᐹᖅᑎᓂᑦ, ᒪᑲᐃ ᐱᔭᕇᖅᓯᓯᒪᔪᒻᒪᕆᐅᕗᖅ. ᐱᙳᐊᑐᐃᓐᓇᖅᑎᓪᓗᒍ ᓯᕗᓪᓕᖅᐹᒥ ᐊᕐᕌᒍᒥ, ᑭᖑᓂᐊᒍᑦ ᐆᒃᑐᓕᓚᐅᖅᑐᖅ ᐃᓕᒌᓄᑦ ᖁᕕᐊᒋᓪᓗᓂᐅᒡᓗ ᐱᓕᕆᖃᑎᖏᑦ, ᐱᓕᒻᒪᒃᓴᕐᓂᖓ ᑲᒪᔨᖓᓗ. 84-ᖑᓚᐅᖅᐳᑦ ᐊᕐᓇᐃᑦ ᐱᓇᓱᐊᓚᐅᖅᑐᑦ ᐊᒻᒪ ᐃᓯᕈᒪᓪᓚᕆᑦᑎᓪᓗᒍ, ᑕᐱᕇᑦ ᕚᓕᕚᖃᑕᐅᓚᐅᖅᐳᑦ ᐃᓕᓐᓂᐊᕐᕕᒻᒥ ᐱᙳᐊᖅᑎᐅᙱᒃᑲᓗᐊᖅᑎᓪᓗᒋᑦ. ᐃᓚᖏᑦ ᐊᐅᓪᓚᑲᑕᓚᐅᖅᑐᑦ ᑭᓯᐊᓂ ᐊᑕᐅᑦᑎᒃᑯᑦ, ᐋᖅᑭᒃᓯᒪᓕᓚᐅᖅᑐᖅ. "ᐱᖁᔨᕗᖓ ᑭᓇᑐᐃᓐᓇᑦᑎᐊᒥᒃ ᐱᙳᐊᖃᑕᐅᔪᒥᒃ ᐆᒃᑐᕈᒪᔪᒥᒃ ᓇᓕᐊᖕᓄᑐᐃᓐᓇᖅ ᐃᓕᒌᓄᑦ ᐃᓕᓐᓂᐊᕐᕕᖕᒥ, ᐆᒃᑐᑐᐃᓐᓇᕐᓗᑎᒃ... ᑕᒪᓐᓇ ᓴᓂᐊᓃᓐᖏᒻᒪᑦ. ᑲᒪᓇᑦᑎᐊᖅᑐᖅ," ᑎᓕᐅᕆᔪᖅ. ᑖᓐᓇ ᓇᔭᖓᓗ ᑲᓇᑕᒥ ᐱᓐᖑᐊᕕᔾᔪᐊᕆᐊᖅᑐᕐᓂᐊᖅᑑᒃ ᓂᐅᕙᐅᓐᓛᓐᒥ ᑕᕝᕙᓂᔅᓴᐃᓐᓇᖅ ᐱᓐᖑᐊᕆᐊᖅᑐᖅᑐᑎᒃ.

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ, ᒪᑲᐃ ᐅᖃᖅᖢᓂ ᐅᖃᕋᔭᖕᓂᕋᖅᖢᓂ, "ᐊᑏᒎᖅ ᐅᖓᓯᖕᓂᕐᓴᖅ." ᑭᖑᒧᑦ ᑕᑯᓪᓗᓂ, ᐊᒃᓱᕈᒃᑲᓐᓂᖁᔨᕗᖅ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥᑦ ᓯᓚᑦᑐᖅᓴᕐᕕᒡᔪᐊᒥᑦ ᐱᐅᓂᖅᓴᒧᐊᖁᓪᓗᒍᑦ. ᐊᑐᓕᖁᔨᓇᔭᕐᒥᔪᖅ ᓇᖕᒥᓂᖅ ᑕᖅᑲᐅᖓᖅᓯᓗᓂ ᐃᓅᖃᑎᒌᖕᓂᒃᑯᑦ ᐱᖃᓐᓇᕆᔭᖅᑖᕐᓗᓂ ᐋᖅᑭᒃᓯᓗᓂᓗ ᓴᙱᓂᖅᓴᒥᒃ ᐃᑲᔪᖅᓱᐃᔾᔪᑎᒥᒃ ᐊᑐᖃᑦᑕᖅᑐᓂ.

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᖓᓗ, ᒪᑲᐃ ᓯᓚᑦᑐᖅᓴᕐᕕᓕᐊᖃᑦᑕᖅᑐᖅ ᕿᒥᕐᕈᔭᖅᑐᕐᖢᓂ ᓄᑖᒥᒃ ᓄᓇᓕᖓᓂᒃ, ᓂᕆᔭᖅᑐᕐᖢᓂ ᕿᒥᕐᕈᐊᒐᕐᓂᒡᓗ. ᐱᓱᔪᒍᒪᖃᑦᑕᖅᑐᖅ ᐊᒻᒪᓗ ᐱᓕᕆᖃᑎᖃᖅᑐᓂ ᐱᙳᐊᕐᕕᒻᒥ ᐃᓚᒋᔭᐅᔪᒥᒃ ᐃᓪᓗᒨᖅᑲᖅᑕᒥᓄᑦ. ᐊᑐᖃᑦᑕᕐᓂᖅ ᐃᓕᓐᓂᐊᕈᑎᓂᒃ ᐊᑭᓕᖅᑕᐅᕙᑦᑐᓂᒃ ᐃᓕᓐᓂᐊᕈᑎᑎᒍᑦ ᑕᒪᓐᓇ ᐊᑐᖁᔭᖓ.

ᐱᔪᒃᓯᑎᑦᑎᔪᒪᓕᕌᖓᑦ, ᒪᑲᐃ ᑕᐅᑐᒃᐳᖅ ᐊᓐᓂᕐᓇᕐᓂᕆᔭᒥᓂᒃ ᐊᖓᔪᖅᑳᒥᓂᒃ ᐃᓕᓚᐅᖅᓯᒪᔭᒥᓂᒃ ᓄᑕᕋᐅᓚᐅᖅᑎᓪᓗᒍ ᓲᕐᓗ ᐱᒻᒪᕆᐊᓘᓂᖓᓂᒃ ᖁᑦᑎᖕᓂᖅᓴᒥᒃ ᐃᓕᓐᓂᐊᖅᓯᒪᓂᕐᒥᒃ, ᐆᒻᒪᕆᐃᓐᓇᕐᓂᕐᒥᒃ, ᑲᔪᓯᑎᑦᑎᑦᑎᐊᕐᓂᕐᒥᒃ ᐃᓅᖃᑎᒌᖕᓂᕐᓂᒃ ᑲᔪᓯᑎᑦᑎᓂᕐᒥᒡᓗ ᐃᓚᒌᓂᒃ ᐊᒃᑐᐊᖃᑦᑕᐅᑎᓂᕆᔭᐅᕙᒃᑐᓂᒃ. "ᖃᓄᐃᓕᐅᖃᑦᑕᖅᑕᒃᑲ ᐃᓄᖕᓄᑦ ᐃᒃᐱᒋᑦᑎᐊᖅᑕᓐᓄᑦ ᐅᕙᓐᓄᓪᓗ," ᓱᓕᙱᖦᖢᓂ, ᐃᓱᒪᓪᓗᓂ ᖃᓄᖅ ᐃᓚᒌᑦ ᐱᔭᕆᐊᖃᕐᒪᖔᑕ. ᐃᓗᐃᑦᑐᒥᓕ, ᖁᕕᐊᒋᔭᖃᖅᑐᖅ ᖃᐅᔨᓇᓱᒃᖢᓂ ᐊᒻᒪ ᐃᒻᒥᓂᒃ ᐃᓕᑦᑎᕙᓪᓕᐊᓪᓗᓂ.

ᐱᙳᐊᖅᖢᓂ, ᐋᓕᓴᓐ ᒪᑲᐃ ᐃᓕᑦᑎᓯᒪᔪᖅ ᖁᕕᐊᓱᙱᖦᖢᓂ ᕚᓕᐹᕐᕕᖕᒥ. ᐃᓕᓐᓂᐊᑦᑎᐊᓕᓚᐅᖅᑐᖅ ᓯᕗᓪᓕᖅᐹᒥ ᐊᕐᕌᒍᒥ ᐊᒻᒪᓗ ᖁᕝᕙᓯᒃᓯᒋᐊᖅᑐᓂ ᐊᒻᒪᓗ ᐆᑦᑐᖅᑐᓂ ᕚᓕᐹᖅᑎᓂᑦ ᐊᐃᑉᐸᕆᓕᖅᑕᖓᓂ ᐊᕐᕌᒍᒥ. ᐃᒻᒥᓂᒃ ᐱᓕᕆᑦᓯᐊᕋᓱᐊᖅᑐᓂ ᐊᒻᒪᓗ ᐃᓚᒥᓄᑦ, ᑐᓱᓇᙱᑦᓯᐊᕐᒪᑦ ᑲᔪᓯᒍᒪᔭᒥᓂᒃ ᐊᒻᒪᓗ ᓯᓐᓇᑦᑑᒪᒋᔭᒥᓐᓂᒃ ᐋᑐᕚᒥ. ᐊᖏᕐᕋᒥᓂᒃ ᐅᖓᓯᑐᐃᓐᓇᕆᐊᓕᒃ, ᑭᓯᐊᓂ ᓄᓇᓕᖓ ᐆᒻᒪᑎᖓᓃᖏᓐᓇᐅᔭᖅᑐᖅ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.