"ᐊᓕᐊᓇᐃᒍᓱᑦᑎᐊᕐᓂᖅ, ᐊᒻᒪ ᐊᒃᓱᕈᖅᖢᓂ ᐃᖅᑲᓇᐃᔭᖅᑎᐅᓪᓗᓂ ᐊᑭᓕᖅᓱᖅᑕᐅᑦᑎᐊᖅᓯᒪᔪᖅ," ᐅᖃᖅᑐᖅ ᑭᕗ ᑳᓕᓴᓐ, ᑕᓚᕖᓴᒃᑰᖃᑦᑕᓚᐅᖅᓯᒪᔪᖅ ᕼᐄᑕ ᒍᕙᐃᒥᑦ. Big Brother Canada-ᒦᓚᐅᖅᑐᖅ, ᐊᕐᕌᒍ 9-ᒥ, ᐱᓕᕆᓂᑯᖓ ᐱᒋᐊᖅᑎᑦᑎᓪᓗᓂ ᐃᖅᑲᓇᐃᔮᖓᓂᒃ MC-ᖑᓪᓗᓂ, ᐊᐅᓪᓚᑲᑕᒃᖢᓂ ᐱᓕᕆᑎᑦᑎᔭᖅᑐᖅᖢᓂ ᐊᔾᔨᒌᙱᑦᑐᓂᒃ ᓄᓇᓕᖕᓂ. ᒫᓐᓇ ᑎᐅᕆᔅᒥᑦ ᓄᓇᖃᓕᖅᑐᖅ, ᐳᕆᑎᔅ ᑲᓚᒻᐱᐊᒥᑦ. 

ᑳᓕᓴᓐ ᑉᕌᔅ−ᒦᓚᐅᖅᑐᖅ 2020−ᒥᑦ ᐱᓇᓱᐊᓚᐅᖅᑎᓪᓗᒍ. ᑕᒪᓐᓇ ᐊᒃᓱᕈᕐᓇᖅᑐᒻᒪᕆᐅᓚᐅᖅᑐᖅ ᑕᖅᑭᒐᓴᓐᓄᑦ. ᑕᐃᒪᓐᖓᑦ ᓱᕈᓯᐅᓚᐅᖅᑎᓪᓗᒍ, ᐅᖃᐅᔾᔨᓚᐅᕐᒪᑦ ᐃᓄᓐᓂᒃ ᑕᐃᑲᓂ ᑕᑯᒃᓴᐅᑎᑦᑎᖃᑕᐅᓂᐊᕐᓂᕋᑦᑐᓂ ᐊᒻᒪᓗ ᓵᓚᖃᖅᑐᓂ ᐅᓪᓗᕐᒥᒃ ᐊᑕᐅᓯᕐᒥᒃ, ᑕᑯᓐᓇᙳᐊᖅᑐᓂ ᐃᓄᓐᓂᒃ ᖁᕕᐊᓱᑦᑎᑦᑎᓪᓗᓂ ᐅᕕᓂᕈᕐᒥ ᐊᑎᕐᒥᓂᒃ ᐊᑐᕐᓗᓂ. "ᑕᒪᕐᒥᑦᑎᐊᖅ ᐅᖃᐅᓯᕆᑐᐃᓐᓇᖅᑕᕋ ᓄᓇᕐᔪᐊᕐᒧᑦ ᐱᓕᕆᐊᕆᓕᖅᖢᒍᓗ," ᓇᓗᓇᐃᖅᓯᓪᓗᓂ, ᐅᖃᐅᓯᖃᖅᖢᓂ ᖃᓄᖅ ᐃᓱᒪᖕᒪᖔᑦ. 

ᐱᓪᓚᑦᑖᖑᓂᖓ ᐊᒃᑐᐊᓂᖃᖅᖢᓂ ᐱᔨᑦᑎᕋᑦᑎᐊᖅᓯᒪᔪᖅ ᑕᑯᒃᓴᐅᑦᑎᐊᙱᖦᖢᓂᓗ. "ᑖᓐᓇ ᖃᐅᔨᒪᙱᑕᕋ ᐊᔪᙱᓐᓂᕋ ᐅᕙᖓᐅᑐᐃᓐᓇᕐᓗᖓ ᓱᓕᓗᖓᓗ. ᖃᐅᔨᕗᖓ, ᐅᕙᓐᓄᑦ, ᐊᒃᑐᖅᑕᐅᓴᕋᐃᑦᑐᓐᓇᖅᑐᑦ ᓈᓚᒃᑎᓄᑦ ᐃᓕᖕᓂᒃ ᑲᑎᖃᑎᖃᕈᓐᓇᖅᑎᑦᑎᓪᓚᕆᖕᒪᑕ. ᓵᓚᒃᓴᕈᓐᓇᕈᕕᑦ ᓈᓚᒋᐊᖅᑐᖅᓯᒪᔪᑦ ᐅᒃᐱᕆᔭᖏᓐᓂᒃ, ᓵᓚᒃᓴᕈᓐᓇᖅᑐᓯ ᖁᕕᐊᓱᖕᓂᕆᔭᖏᓐᓂᒃ ᓵᓚᒃᓴᕈᓐᓇᖅᑐᓯᓗ ᐅᓐᓄᖓᓂ ᐅᒃᐱᕈᓱᖕᒪᑕ ᐅᖃᐅᓯᕆᔭᕐᓂᒃ. ᐅᖃᓪᓚᒃᑯᕕᑦ ᐆᒻᒪᑎᒥᑦ ᓱᓕᔪᓂᒡᓗ ᐅᖃᓪᓚᒃᑯᕕᑦ, ᐊᔪᕐᓇᙱᑦᑐᑯᓘᕗᖅ ᑕᐃᒪᐃᓕᐅᕆᐊᒃᓴᖅ," ᑳᓕᓴᓐ ᓇᓗᓇᐃᖅᐳᖅ. 

ᓂᕆᐅᒋᔭᖃᖅᐳᖅ ᐱᕕᒃᓴᒃᑲᓐᓂᕐᓂᒃ, ᓄᑖᓂᒃ ᐊᑕᓂᕆᔭᐅᔪᓂᒃ, ᐱᕕᒃᓴᖃᕐᓂᖅᓴᐅᓗᓂᓗ ᓄᓇᖃᖅᑳᖅᑐᑦ ᐃᓄᖏᓐᓂᒃ ᑐᑭᓯᐅᒪᑦᑎᐊᒃᑲᓐᓂᕈᒪᓂᕐᒧᑦ ᖃᓄᖅ ᐃᓱᒪᒋᔭᖃᕐᒪᖔᑕ. "ᑕᑯᔪᓐᓇᖅᑕᕋ ᓄᓇᕐᔪᐊᖅ ᐊᓯᓐᓄᑦ ᐃᓄᖕᓄᑦ ᐃᔨᒃᑯᑦ ᐃᑲᔪᕐᔪᐊᖅᓯᒪᔪᖅ ᐃᖅᑲᓇᐃᔮᓐᓂ," ᐅᖃᖅᑐᖅ. 

"ᐅᓂᒃᑳᕋ ᐊᑐᖅᑕᐅᒐᔪᒃᑑᓇᓱᒋᔭᕋ, ᐅᓂᒃᑳᕋ ᐊᔾᔨᒋᙱᑕᖓᓂᒃ ᐅᖃᐅᓯᖃᕋᔭᖅᑰᓚᐅᖅᑐᖅ."

ᐱᕈᖅᐸᓪᓕᐊᓪᓗᓂ, ᑳᓕᓴᓐ ᐊᒃᓱᕈᓚᐅᖅᑐᖅ ᐃᓕᓐᓂᐊᕐᕕᖕᒥ, ᐃᓕᓐᓂᐊᖅᑕᒥᓂᒃ ᐊᓂᒍᐃᓪᓗᓂ ᐊᕐᕌᒍ ᐃᓱᓕᓕᖅᑎᓪᓗᒍ ᐃᓕᓐᓂᐊᕈᓐᓃᓚᐅᖅᑎᓪᓗᒋᑦ ᐊᒻᒪ ᐃᓕᓐᓂᐊᕈᑎᖏᑦ ᐊᓂᒍᐃᓚᐅᖅᑎᓪᓗᒋᑦ. ᒪᒃᑯᒃᖢᓂ, ᐊᖏᕐᕋᖏᓐᓂ ᐅᖃᖃᑦᑕᓚᐅᖅᐳᖅ ᐃᓚᒥᓂᒃ ᐊᒻᒪ ᓇᓗᓇᐃᖅᓯᔪᒪᑦᑎᐊᓚᐅᖅᖢᓂ ᑭᒃᑯᑐᐃᓐᓇᑦᑎᐊᓂᒃ ᑕᒻᒪᕐᓂᖓᓂᒃ. ᑕᒪᓐᓇ ᐱᔪᒃᓯᑎᑦᑎᓂᐅᔪᖅ ᐱᓚᐅᖅᑕᖓ ᐃᓕᓐᓂᐊᕐᕕᐊᓗᒻᒥ. ᐃᒻᒥᓂᒃ ᑲᒪᒋᓪᓗᓂ ᒪᒃᑯᒃᑑᓪᓗᓂ, ᐊᔪᕆᖅᓲᔾᔭᐅᑦᑎᐊᓚᐅᖅᑐᖅ ᐃᔾᔪᐊᒐᒃᓴᑦᑎᐊᕙᐅᓪᓗᓂ ᓄᓇᒥᓂ ᐃᑲᔪᖅᑐᐃᓚᐅᖅᑐᖅ ᐃᓅᓪᓗᓂ ᐊᒻᒪᓗ ᐱᔪᒪᓂᖃᑦᑎᐊᖅᖢᓂ ᒪᒃᑯᒃᑐᖅ ᐊᒃᓱᕈᓚᐅᖅᑐᖅ ᐃᑲᔪᖅᑕᐅᔪᒪᓪᓗᓂ. 

"ᐃᓄᖕᓂᒃ ᐃᓯᖅᑎᑦᑎᔪᓐᓇᖅᑐᓯ ᐊᒻᒪ ᐃᓕᖕᓂᒃ ᑕᓯᐅᖅᓯᔪᓐᓇᖅᖢᑎᒃ."

ᑕᐃᒪᓕ, ᑲᔪᓯᓚᐅᓐᖏᑦᑐᖅ ᓯᓚᑦᑐᓴᕐᕕᓐᓄᑦ. ᓄᓇᒥᓃᖏᓐᓇᓚᐅᖅᑐᖅ, ᐊᒃᓱᕈᓗᐊᖅᑰᔨᓪᓗᓂ ᓄᓇᓕᐸᐅᔭᕐᒧᑦ ᓅᑦᑐᒪᓪᓗᓂ. ᓴᐱᓕᖅᑲᐅᖏᒻᒪᑦ, ᑭᓯᐊᓂ. "ᖃᐅᔨᒪᓚᐅᖅᑐᖓ ᑐᕌᕐᕕᐅᓂᐊᕐᓂᓐᓂᒃ ᐱᓕᕆᑦᑎᐊᕋᓱᒃᓗᖓ, ᓲᖃᐃᒻᒪ ᐱᓕᕆᑦᑎᐊᖏᓐᓇᐅᔭᕋᒪ, ᑲᑉᐱᐊᓱᙱᖦᖢᖓᓗ ᐃᖅᑲᓇᐃᔭᕆᐊᒃᓴᖅ," ᐅᖃᖅᑐᖅ. ᐅᓪᓗᒥᐅᓕᖅᑐᖅ, ᑎᓕᐅᕆᖃᑦᑕᖅᐳᖅ ᒪᒃᑯᒃᑐᓂᒃ ᕿᒃᓵᐃᓐᓇᖃᑦᑕᖁᓪᓗᒋᑦ ᐊᒻᒪ ᓂᑲᒍᓱᐃᓐᓇᖁᓪᓗᒋᑦ, ᖃᐅᔨᒪᓗᑎᒃ ᐱᐅᔪᑦ ᓴᖅᑭᓛᓕᕐᓂᖏᓐᓂᒃ. MCing ᐅᖓᑖᓄᑦ, ᐊᓐᓄᕌᓂᒃ ᓂᐅᕕᐊᒃᓴᖃᓲᖅ ᐊᐅᓚᑦᑎᔨᖃᖅᖢᓂᓗ ᐊᔪᕆᖅᓲᔾᔨᓂᐊᖅᑐᒥᒃ. ᖃᐅᔨᒪᐃᓐᓇᓚᐅᓐᖏᒻᒪᑦ ᓇᒧᙵᕆᐊᔅᓴᖅ, ᑭᓯᐊᓂ.

"ᒪᕐᕈᐃᓕᖅᑲᖓᔫᒃ ᐊᖅᑯᑎᒋᔪᓐᓇᖅᑕᒃᑲ. ᖃᓄᑭᐊᖅ ᐃᑯᒪᒧᑦ ᐃᑭᑦᑏᓐᓇᖃᑦᑕᓚᐅᖅᑐᖓ. ᑕᐃᒪᐃᖃᑦᑕᖏᒻᒪᑦ ᐊᒥᓱᓄᑦ ᐃᓄᖁᑎᑦᑎᓐᓄᑦ ᐅᕙᖓᑎᑐᑦ, ᐱᔪᓐᓇᑎᐊᖅᑐᑦ, ᐅᖃᕈᓐᓇᕐᒥᔪᑦᑕᐅᖅ, ᐱᕕᖃᕆᐊᖃᑦᑐᑦ ᐅᕙᖓᑎᑐᑦ. ᐃᓱᒪᔪᖓ ᐊᒥᓱᓄᑦ ᓱᕈᓯᕐᓄᑦ, ᑕᐃᒃᑯᐊᖑᒐᒪ ᐊᒻᒪᓗ ᐅᕙᓐᓂᒃ ᑕᑯᕙᒃᑲᒪ. ᑕᑯᒐᒪ ᓯᕗᓂᒃᓴᑦᑎᐊᕙᒻᒥᒃ ᑖᒃᑯᓄᖓ. ᐊᒥᓱᓄᑦ ᓄᑕᖅᑲᓄᑦ, ᑕᒪᓐᓇ ᐊᔪᕐᓇᙱᑦᑐᑯᓘᕙᙱᓚᖅ ᑕᑯᔭᕆᐊᒃᓴᖅ," ᐃᖅᑲᐅᒪᕗᖅ... ᐃᖅᑲᐅᒪᔪᖅ ᖃᓄᖅ ᑕᓚᕖᓴᒃᑰᖅᑎᓪᓗᒍ, ᐃᓄᐃᑦ ᑕᑯᖃᑦᑕᓚᐅᖅᑕᖏᑦ ᐊᓯᔾᔨᖅᑎᓪᓗᒍ. ᒫᓐᓇᓕ, ᑕᐅᑐᓪᓗᐊᑕᖅᑐᖅ ᑐᓴᖅᑕᐅᖁᔭᒥᓂᒃ ᑐᓴᖅᑎᑦᑎᓪᓗᓂ, ᑲᑎᖃᑎᖃᕐᓗᓂ ᒪᒃᑯᒃᑐᓂᒃ ᐹᔅᑭᑦᐹᓪᒥᒃᓗ ᐴᖅᓯᑲᑕᒃᖢᓂ ᓇᖕᒥᓂᕆᔭᒥᓂᒃ ᐱᕈᖅᐸᓪᓕᐊᑎᓪᓗᒍ.

"ᐃᓘᓐᓇᑕ ᓇᓂᓯᔭᕆᐊᖃᖅᐳᒍᑦ ᓇᖕᒥᓂᖅ ᑎᓯᔪᒥᒃ ᑎᓯᔪᒥᒃ ᓇᓂᑐᐃᓐᓇᑦᑎᐊᖅ."

ᐅᖃᐅᔾᔨᒋᐊᕈᓐᓇᕈᓂ ᑭᓇᒧᒃᑭᐊᖅ ᐋᖅᑭᒃᓯᒪᓚᐅᙱᑦᑐᒥᒃ ᓯᕗᓂᒃᓴᖓᑕ ᒥᒃᓵᓄᑦ, ᐅᖃᕋᔭᖅᑐᖅ, "ᐊᑲᐅᒃᓴᕈᓐᓃᕐᓗᓂ ᐱᓕᕆᔭᕆᐊᒃᓴᖅ ᐊᑲᐅᖖᒋᓕᐅᕈᑎᓂᒃ... ᑕᐃᔭᐅᔪᖅ ᐱᓕᕆᐊᖅ. ᖁᕕᐊᓇᕐᓂᕋᖅᑕᐅᙱᑦᑐᖅ. ᑕᒪᑦᑕ ᐱᓕᕆᔭᕆᐊᖃᖅᐳᒍᑦ." ᐃᓕᓚᐅᖅᑐᖅ ᐅᓂᒃᑳᖃᑦᑕᓂᕐᒥᒃ ᐃᓅᓱᒃᑐᓂᒃ ᑲᓐᖑᓇᕐᓂᖓᓄᑦ. "ᑕᒻᒪᖅᓯᒪᔪᖓ ᓱᓕᓗ ᐱᐅᓗᐊᙱᑦᑐᖓ. ᓱᓕ ᐊᖅᑯᑎᒦᑉᐳᖓ ᓇᒡᓕᒍᓱᒃᖢᖓ ᐊᖑᒻᒥᒃ ᐊᓇᕐᕕᐅᑉ ᖄᖓᓃᖦᖢᓂ," ᑕᑯᒃᓴᐅᑎᖦᖢᒍ. ᐱᒻᒪᕆᐅᓂᖃᕐᒪᑦ ᑕᐃᑲᓃᖏᓐᓇᕐᓂᖅ ᐅᕝᕙᓘᓐᓃᑦ ᑲᔪᓯᓂᖅ, ᐊᒻᒪᓗ ᓂᕆᐅᒃᑐᖅ ᒪᒃᑯᒃᑐᑦ ᐃᒻᒥᓂᒃ ᐊᔪᕐᓇᖖᒋᓐᓂᖃᕐᓂᐊᕐᓂᖏᓐᓂᒃ. 

"ᐱᕕᒃᓴᖅ ᐱᒻᒪᕆᐅᓛᖑᔪᖅ ᑮᓇᐅᔭᕗᑦ ᐱᓯᒪᔭᕗᑦ, ᑮᓇᐅᔭᓂᒃ ᐊᑐᕈᓐᓇᖅᑐᑎᑦ, ᐅᑎᖅᑎᑦᑐᓐᓇᖅᑕᑦ. ᑭᓯᐊᓂ ᐱᕕᖃᖅᑎᓪᓗᑎᑦ, ᐅᑎᖅᑎᓚᐅᖅᓯᒪᙱᖦᖢᒍᓗ."

ᐃᓅᓯᖓᓂ, ᐃᒻᒥᓂᒃ−ᐱᔪᓐᓇᑦᑎᐊᕐᓂᖅ ᐅᒃᐱᕈᓱᖕᓂᕐᓗ ᐱᐅᔪᓂᒃ ᐱᔭᕆᐊᖃᓚᐅᙱᑦᑐᖅ ᑐᓗᖅᑕᕈᑎᓂᒃ ᐊᓂᒍᖅᑎᓐᓇᓱᒃᓗᒍ. ᐊᒃᓱᕈᖃᑦᑕᕐᒪᑦ ᓂᖓᖃᑦᑕᕐᓂᕐᒧᑦ ᐊᒻᒪᓗ ᐊᓯᒥᓄᑦ ᓂᖓᖃᑦᑕᕐᓂᕐᒧᑦ. ᑳᓕᓴᓐ ᑕᐅᑐᓪᓗᐊᑕᕋᓱᓲᖅ ᓴᐃᒻᒪᖅᑎᑦᑎᔾᔪᑎᓂᒃ ᓇᓂᓯᓇᓱᒃᖢᓂᓗ ᓄᓇᓕᖕᒥ ᓇᒧᑐᐃᓐᓈᕐᕕᒋᔭᖓᓂ. 

"ᐅᕙᓐᓂᒃ ᖃᐅᔨᒪᓗᐊᖅᑰᔨᙱᑦᑐᖓ, ᐃᓱᒪᒋᑐᐃᓐᓇᓕᖅᑕᒃᑲ ᓇᓂᑐᐃᓐᓇᑦᑎᐊᖅ ᐊᖏᕐᕋᓐᓂ." 

ᐅᖃᐅᔾᔨᒋᐊᕈᓐᓇᕈᓂ ᒪᒃᑯᓐᓂᖅᓴᒧᑦ ᓇᒻᒥᓂᖅ ᐃᓱᒪᒋᔪᓐᓇᐃᖅᑕᐅᓂᕐᒨᖓᒐᔭᖅᑐᖅ. "ᐅᕙᓐᓂᒃ ᐅᕿᓐᓂᖅᓴᐅᕌᕐᔪᒍᒪᓇᔭᖅᑐᖓ... ᐊᒻᒪᓗ ᐅᕙᓐᓂᒃ ᑲᒪᒋᑦᑎᐊᓂᖅᓴᐅᓗᖓ. ᐃᓱᒪᒥᒍᑦ ᐊᔪᕈᑎᓕᖕᓄᑦ ᐱᓱᒋᐊᕐᓗᑎᑦ, ᐱᙳᐊᒃᑲᓐᓂᕐᓗᑎᑦ ᐹᔅᑭᑦᐹᓪᒥᒃ, ᐅᓐᓄᐊᖅᓯᐅᑎᒥᒃ ᐊᓂᓗᑎᑦ, ᓯᓂᒋᐊᕐᓗᑎᑦ, ᐅᖃᐅᑎᑐᐃᓐᓇᕐᓗᒍ ᑭᓱᓕᒫᑦ ᖃᓄᐃᔾᔮᖏᓐᓂᖏᓐᓂᒃ. 15-ᖑᑎᓪᓗᖓ, ᐃᓱᒪᓚᐅᖅᓯᒪᙱᑦᑐᖓ ᐃᓅᓯᖃᕐᓂᐊᕋᓱᒋᓪᓗᖓ," ᐅᖃᖅᖢᓂ, ᐃᖅᑲᐅᒪᓪᓗᓂ ᖃᓄᖅ 35-ᖑᓂᐊᕋᓱᒋᙱᖦᖢᓂᐅᒃ.

"ᐊᒃᓱᕈᕐᓇᖅᑐᒻᒪᕆᐅᓚᐅᖅᑐᖅ ᐊᒻᒪ ᑖᖅᑐᐊᓘᖃᑦᑕᖅᑎᓪᓗᒍ. ᑭᓯᐊᓂ ᓴᓇᓚᐅᖅᑐᖓ ᐊᒻᒪᓗ ᓴᓇᓪᓗᖓ ᑖᔅᓱᒥᖓ ᐃᓅᓯᑦᑎᐊᕙᒻᒥᒃ ᐱᓯᒪᔭᓐᓂᒃ. ᐅᓪᓗᒥ 35-ᓂᒃ ᐅᑭᐅᖃᓕᕋᓗᐊᖅᑎᓪᓗᒍ, ᐊᒃᓱᕈᖅᑐᒻᒪᕆᐅᒻᒪᑕ, ᐊᒻᒪᓗ ᑕᒪᓐᓇ ᐃᓅᓂᑐᐃᓐᓇᐅᓱᒋᕙᕋ... ᐊᒥᓱᐊᖅᑎᖅᑐᖓ ᓴᐱᓕᕈᒪᖃᑦᑕᓚᐅᖅᑐᖓ. ᖁᔭᓐᓇᒦᒃ, ᑕᐃᒪᐃᓚᐅᙱᓐᓇᒪ, ᑕᒫᓃᑉᐳᖓᓗ, ᐊᒻᒪᓗ ᓂᑲᒍᓱᑦᑐᖓ, ᐊᒻᒪᓗ ᓂᑲᒍᓱᑐᐃᓐᓇᖅᑐᖓ, ᐊᒻᒪᓗ ᐱᐅᓂᖅᐹᒥᒃ ᓂᑲᒍᓱᑐᐃᓐᓇᖅᑐᖓ," ᑲᔪᓯᒻᒪᑦ.

ᐃᓱᒪᖓ ᖃᓄᐃᙱᑦᑎᐊᕐᓂᖓᓄᑦ, ᑳᓕᓴᓐ ᐱᐅᔪᓂᒃ ᐃᓱᒪᒥᐅᑕᖃᖃᑦᑕᖅᐳᖅ ᓄᓇᕐᔪᐊᕐᒧᑦ, ᓇᖕᒥᓂᖅ−ᑲᒪᒋᑦᑎᐊᓕᖅᖢᓂ ᓱᓕᓂᐊᕐᓂᕋᕈᑎᖃᖅᖢᓂ. ᑎᔅᓯᓈᕿᓂᕐᒥᒃ ᐃᙱᕐᓂᕐᒥᒡᓗ ᖁᕕᐊᒋᔭᖃᕐᒥᔪᖅ. ᐃᓄᑑᓪᓗᓂ ᐊᖅᑯᑎᒦᖦᖢᓂ ᒪᒥᓴᕐᓂᐅᕗᖅ ᑭᓯᐊᓂ ᖃᑕᙳᑎᖏᓐᓃᖦᖢᑎᒃ ᑕᕐᓂᖏᓐᓃᖦᖢᓂᑦᑕᐅᖅ. 

ᑲᔪᖏᖅᓴᐃᓂᕐᒧᑦ ᑕᑯᓐᓇᖅᑎᓂᑦ, ᑳᓕᓴᓐ ᐊᑐᐃᓐᓇᐅᑎᑦᓯᔪᖅ ᐅᖃᐅᓯᕐᓂᑦ ᓯᓚᑐᓂᕐᒥᑦ, ᐅᖃᕐᓂᕐᒥᑦ, "ᐃᓱᒪᒋᔪᓐᓇᐃᑲᓐᓂᕈᕕᑦ, ᖁᕕᐊᓱᓐᓂᖅᓴᐅᒐᔭᖅᑐᑎᑦ. ᐃᓱᒪᔪᖓᓕ ᓇᒻᒥᓂᖅ ᐊᑲᐅᖏᓕᐅᕈᑎᕗᑦ ᐅᕙᑦᑎᓐᓂᒃ ᐱᓕᕆᐊᖃᓗᐊᖅᑐᐊᓘᒻᒪᑕ ᐊᒻᒪᓗ ᐃᓗᐊᓂ ᐱᓕᕆᕙᒃᑭᓪᓗᑕ... ᐃᓅᑯᑖᒋᐊᖃᓕᕋᑦᑕ ᐃᓄᑐᖃᐅᓗᑕ... ᑕᒪᓐᓇ ᑐᕌᒐᕆᓇᓱᐊᖅᑕᕋ. ᐊᑐᐃᓐᓇᐅᓕᖅᑐᖓ ᐃᓐᓇᐅᓕᖅᑎᓪᓗᖓ, ᐃᓐᓇᐅᒐᒪ ᐃᓕᓐᓂᐊᕐᓗᖓ. ᐃᓱᒪᒋᔪᓐᓇᐃᑐᐃᓐᓇᕐᓗᑎᑦ ᑕᐃᑯᙵᕐᓗᑎᓪᓗ." 

ᖁᕕᐊᓇᖅ, ᐊᒻᒪᓗ ᐃᖅᑲᓇᐃᔭᒃᑲᐅᓪᓗᓂ ᐊᑭᓕᖅᓱᖅᑕᐅᓯᒪᒻᒪᕆᒻᒪᑦ ᑭᕗ ᑳᓕᓴᓐᒧᑦ. ᑉᕆᒡ ᑲᓇᑕᒥ ᐃᓪᓗᒦᙶᓚᐅᖅᐳᖅ ᐊᖏᕐᕋᖅᓯᒪᔫᓪᓗᓂ ᑲᓇᑕᓕᒫᒥ, ᓯᓐᓇᑦᑑᒪᒋᔭᒥᓂᒃ ᐅᖃᐅᓯᖃᖅᑐᓂ. ᑕᑯᒃᓴᐅᔪᒥᑦ ᕿᒡᒋᖅᑕᐅᓪᓗᓂᑦ, ᐱᓕᕆᐊᒃᓴᓕᒃ ᑐᓴᖅᑎᑦᑎᓪᓗᓂ ᓂᕆᐅᒃᖢᓂᓗ ᓯᕗᓂᒃᓴᑦᑎᐊᕙᖕᒧᑦ ᐃᓱᒪᒋᓚᐅᖅᓯᒪᙱᑕᒥᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᐅᐃᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᑦ