"ᐃᓚᖓ ᐊᖏᓛᖑᔪᖅ ᐅᖃᖅᑕᓐᓄᑦ ᐃᓄᖕᓄᑦ ᒪᓕᑲᑕᐃᓐᓇᓵᕋᒪ ᐃᓗᐊᓂ ᑮᓇᐅᔭᑲᐅᑎᓐᓂᒃ ᐱᑎᖦᖢᓂᖓ ᑭᖑᓪᓕᕐᒥ ᐊᓪᓗᕆᐊᕈᑎᓐᓄᑦ," ᐅᖃᖅᑐᖅ ᐋᒻᐳ ᐴᕐᑦ−ᐋᓪᑦᕼᐊᐅᔅ, ᐋᒻᐳ ᕼᐆᓪᔅ ᖃᕋᓴᐅᔭᒃᑯᑦ. ᐃᓅᓚᐅᖅᓯᒪᔪᖅ ᐃᐊᑦᒪᑕᓐᒥ, ᑕᐃᑲᓂ ᓄᓇᖃᓚᐅᖅᑐᖅ ᐅᕕᒃᑲᐅᓪᓗᓂ. ᔫᑳᓐᒧᑦ ᓅᓚᐅᖅᓯᒪᔪᖅ ᑕᐃᑲᓂᓗ ᐃᓅᓯᕆᒐᔪᒃᑕᒥᓂᒃ, ᐅᐊᐃᑦᕼᐅᐊᔅᒥ ᐊᒻᒪᓗ ᐃᓚᖏᑦ ᓄᓇᒋᖃᑦᑕᓚᐅᖅᑕᖓᓂ ᒃᓗᐊᐃᓐᒥ. ᐊᓈᓇᖓᑕ ᓴᓂᐊᓃᖦᖢᓂ ᐊᒻᒪᓗ ᐅᐃᕖᑎᑐᑦ ᐊᒻᒪᓗ ᔮᒪᓐᒧᑦ.

18-ᖑᓚᐅᖅᓯᒪᒻᒪᓂᑦ, ᕘᕐᑦ-ᐋᓪᕼᐊᐅᔅ ᒪᒥᓴᖅᓯᒪᐃᓐᓇᓕᖅᑐᖅ ᐊᒻᒪᓗ ᖁᕕᐊᒋᓪᓗᓂᐅᒃ ᐊᔪᕈᓐᓃᖅᓴᕆᐊᖓ ᐊᒻᒪᓗ ᐃᓕᓴᐃᓪᓗᓂ ᔫᒐᒥᑦ. ᐃᓅᓕᓴᐅᑎᑦ ᐱᕈᖅᓯᐊᑦ ᐊᒻᒪ ᐊᐃᔪᕐᕝᑕ ᖁᕕᐊᒋᔭᖃᑦᑎᐊᕐᒥᔪᑦ. ᒫᓐᓇᓵᒃᑯᑦ ᓇᖕᒥᓂᖃᓕᓵᓚᐅᖅᑐᖅ, ᓴᖅᑭᑎᑦᑎᓪᓗᓂ ᐃᓕᓐᓂᐊᓚᐅᑲᖕᓇᓂᑦ ᓯᕗᓕᖅᓯᓪᓗᓂᓗ ᐱᓱᖕᓂᕐᓂ ᐅᖃᖃᑎᒌᒃᓗᓂᓗ ᐃᓕᓴᐃᓗᓂ ᐃᓅᓕᓴᐅᑎᓂᒃ ᐱᕈᖅᓯᐊᓂᑦ. ᓯᓚᒦᓪᓗᓂ ᓯᐊᕐᕆᔮᖅᖢᓂ ᐊᓕᐊᓇᐃᒋᔭᓕᒃ, ᐱᓱᔪᒃᖢᓂ ᐊᒻᒪ ᓯᓚᒦᖦᖢᓂ.

"ᐊᑏᑦ ᐋᒻᐳ ᕼᐊᓪᔅ−ᖑᔪᖓ, ᓲᖃᐃᒻᒪ ᒪᒥᓴᖅᓯᒪᕗᖓ ᐅᔪᕈᕐᒥᒃ ᐃᓕᓐᓂᐊᖅᑎᑦᑎᓂᒃᑯᑦ ᐊᓯᑦᑎᓐᓂᒃ ᐃᓕᖅᑯᓯᑦᑎᓐᓂ ᐱᐅᓯᑐᖃᑦᑎᓐᓂᒡᓗ."

ᓇᖕᒥᓂᖃᓯᒋᐊᓚᐅᙱᑎᓪᓗᒍ, ᐴᕐᑦ−ᐋᓪᕼᐊᐅᔅ ᐃᖅᑲᓇᐃᔭᓚᐅᖅᑐᖅ ᒥᕐᙳᐃᖅᓯᕕᖕᓄᑦ ᑲᓇᑕᒥ, ᕿᒥᕐᕈᑎᑦᑎᓪᓗᓂ ᐊᒥᖅᑳᖃᑎᖃᕐᖢᓂᓗ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᓐᓂ ᒃᓗᐊᐃᓐ ᑲᓇᑕᒥ ᒥᕐᖑᐃᖅᓯᕐᕕᖓᓂ ᓴᓂᕐᕙᒃᓯᓪᓗᓂᓗ ᐱᖅᑯᓯᑐᖃᕐᒥ ᓄᓇᕗᒻᒥ. ᐃᓕᖅᑯᓯᑐᖃᕐᒥᓂᒃ ᐅᖃᐅᓯᖃᖅᖢᓂ ᐊᒻᒪ ᓄᓇᒥᓂ ᖃᓄᐃᓕᐅᖅᐸᓚᐅᕈᓯᖏᓐᓂᒃ ᓄᓇᒥᓂᒃ ᓄᓇᒥᓂ ᖁᕕᐊᒋᑦᑎᐊᓚᐅᖅᑕᖓ ᐃᓚᒋᔭᐅᓪᓗᓂ ᐱᓕᕆᐊᕆᕙᒃᑕᒥᓄᑦ ᒐᕙᒪᒃᑯᓐᓂ ᐅᑭᐅᑦ ᖁᓕᑦ ᐊᑐᖅᑎᓪᓗᒋᑦ. ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᕈᓚᐅᕋᓂ, ᐃᖅᑲᓇᐃᔭᓚᐅᖅᓯᒪᔪᖅ ᐱᔨᑦᑎᖅᑐᓂ ᐊᒻᒪᓗ ᑐᖓᓱᒃᑎᑦᑎᓪᓗᓂ ᐃᒥᕋᓚᕝᕕᓐᓂ ᐊᒻᒪᓗ ᓂᕆᕕᓐᓂ, ᐱᒋᐊᖅᑐᓂ ᒪᒃᑯᑦᑑᓪᓗᓂ ᒪᒃᑕᓄᑦ.

ᐊᑕᐅᓯᐊᖅᑐᓂ ᐱᓕᕆᖃᑎᖃᓕᓚᐅᖅᑐᖅ ᓄᓇᓕᐸᐅᔭᒃᑯᓐᓂᑦ ᐅᐊᐃᑦᕼᐅᐊᔅᒥ ᑭᓯᐊᓂ ᖁᕕᐊᓱᓗᐊᓚᐅᖅᑐᖅ ᐊᒻᒪᓗ ᐅᑕᖅᑭᓪᓗᓂ. ᐃᓱᒪᓕᐅᕈᑕᐅᓚᐅᖅᑐᖅ ᐊᒥᓱᑦ ᐃᓄᐃᑦ ᑐᑭᓯᒡᒐᓚᐅᖅᑐᑦ, ᑭᓯᐊᓂ ᕘᕐᑦ-ᐊᐅᓪᑦᕼᐊᐅᔅ ᐃᓅᓯᖓᓂᑦ ᐃᓅᓯᖃᓚᐅᖅᑐᖅ ᖁᕕᐊᓱᒐᓱᐊᕐᓂᕐᒥᑦ. "ᖃᐅᑕᒫᑦ ᐃᖅᑲᓇᐃᔭᕆᐊᕆᐊᖃᕈᒪ, ᐱᓕᕆᔪᒪᒐᒪ," ᓇᓗᓇᐃᖅᓯᓪᓗᓂ.

ᔫᒐᓕᐊᓚᐅᖅᓯᒪᕗᖅ 2009-ᒥ ᐱᒋᐊᓚᐅᖅᓯᒪᕗᖅ ᐊᒻᒪ ᔫᒐ ᐃᓕᓴᐃᔨᐅᓪᓗᓂ 2014-ᒥ. ᐃᓕᓐᓂᐊᖅᑎᑦᑎᔪᒪᓚᐅᕐᒪᑦ ᐃᓄᓐᓂᒃ ᖃᐅᔾᔨᑎᐅᔪᓂᑦ. ᐅᔾᔨᕈᓱᓕᓚᐅᖅᑐᖅ ᐊᑕᐅᓯᐅᙱᑦᑐᒥᑦ ᐱᓕᕆᔪᒪᓕᕋᒥ, ᑎᓕᐅᖅᑕᐅᓚᐅᖕᒥᔪᒥᑦᑕᐅᖅ ᐊᑕᐅᓯᑦᑕᐃᓐᓇᕐᒦᖦᖢᓂ. Berard-Althouse−ᑯᑦ ᐃᓕᓴᐃᓂᕐᒥᒃ ᖁᕕᐊᒋᔭᖃᓚᐅᖅᐳᖅ ᐃᓅᓕᓴᐅᑎᓂᒃ ᐱᕈᖅᓯᐊᓂᒃ ᐊᒻᒪ ᐱᖅᑯᓯᒃᑯᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ ᐊᒻᒪ ᐅᓪᓘᖕᓄᑦ ᒪᕐᕉᖕᓄᑦ ᑐᓵᔨᙳᖅᑎᖦᖢᒍ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᑦᑎᔪᓐᓇᕐᓂᐊᕐᒪᑦ. ᑖᓐᓇ ᐱᓕᕆᐊᖅ ᖃᐅᒪᑎᑦᑎᕗᖅ ᖁᕕᐊᓱᓕᕈᑎᒋᓪᓗᓂᐅᒡᓗ.

ᓇᒻᒥᓂᖃᖅᑎᐅᓂᕐᒧᑦ ᐱᓕᕆᐊᕆᒍᒪᐃᓐᓇᐅᔭᖅᑕᖓ. ᓱᕈᓯᐅᓪᓗᓂ, ᐴᕐᑦ-ᐋᓪᕼᐊᐅᔅ ᓴᓇᑐᐃᓐᓇᖅᐸᓚᐅᖅᑐᖅ ᐊᒻᒪᓗ ᓂᐅᕐᕈᑎᖃᖅᑐᓂ ᓴᓇᔭᒥᓂᒃ ᓲᕐᓗ ᐱᖃᓐᖐᓐᓇᕐᓂᕐᒧᑦ ᐊᓐᓄᕋᔾᔨᐅᖅᑐᓂᒃ ᒥᕐᖑᐃᖅᓯᕐᕕᓕᐊᖅᑐᓄᑦ. ᐱᖃᓐᓇᕆᔭᖏᑦ ᓯᓚᑦᑐᖅᓴᕐᕕᓕᐊᖅᐸᓪᓕᐊᓕᖅᑎᓪᓗᒋᑦ, ᐊᐅᓪᓚᕈᒪᓕᓚᐅᖅᑐᖅ. "ᐊᐅᓪᓚᕐᓂᖅ ᐊᖏᓛᖑᓪᓗᓂ ᐃᓕᓴᐃᔨᒧᑦ ᐃᓅᓯᓕᒫᓐᓂ," ᐊᔾᔨᖃᖅᑐᖅ. ᐊᐅᓪᓚᖅᑎᓪᓗᒍ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᐱᓕᕆᐊᖃᕈᒪᓕᓚᐅᖅᑐᖅ.

ᐊᔭᖅᑭᑦᑕᕈᑏᑦ ᐃᖏᕐᕋᑎᓪᓗᒋᑦ, ᐴᕐᑦ−ᐋᓪᑦᕼᐊᐅᔅ ᐊᒃᓱᕈᓚᐅᖅᑐᖅ ᓇᖕᒥᓂᖅ ᐊᑐᒐᒃᓴᖃᕈᓐᓃᖅᖢᓂ ᐃᒻᒥᓂᒃ ᐅᒃᐱᕆᓕᖅᖢᓂ. ᐊᓯᖏᑦ ᐃᓄᐃᑦ ᐃᓱᒪᒋᔭᖃᑦᑎᐊᓚᐅᕐᒥᔪᑦ ᖃᓄᐃᓕᐅᕐᓂᕐᒥᓂᒃ. ᐃᖅᑲᓇᐃᔮᖃᑦᑎᐊᓕᕋᒥ ᒐᕙᒪᒃᑯᓐᓄᑦ ᓯᕗᒧᐊᖅᐸᓪᓕᐊᓪᓗᓂ ᐊᒻᒪᓗ ᑮᓇᐅᔭᓕᐅᑦᑎᐊᖅᑐᓂ ᑐᑭᓯᔭᐅᓗᐊᓚᐅᖏᑦᑐᖅ, ᑭᓯᐊᓂᓕ ᑕᐃᒪᓐᓇ ᐱᔭᕆᐊᖃᓚᐅᖏᒻᒪᑦ. ᐃᓐᓇᖅᓯᐅᑎᑖᕆᔭᐅᕙᒃᑐᑦ ᐱᕚᓪᓕᕈᑕᐅᕙᒃᑐᓪᓗ ᐱᐅᓗᐊᖅᑰᔨᓚᐅᖅᐳᑦ ᐃᓚᖏᓐᓄᑦ ᐃᓄᖕᓄᑦ ᑭᓯᐊᓂ ᐅᒃᐱᕆᔭᖃᙱᓚᖅ ᐃᖅᑲᓇᐃᔭᕆᐊᒃᓴᖅ ᓯᕗᓂᒃᓴᒥ ᐱᓯᒪᙱᑐᐃᓐᓇᕆᐊᖃᖅᑕᒥᓂᒃ. ᓯᓐᓇᑦᑑᒪᒥᓂᒃ ᐆᒃᑐᕈᒪᓚᐅᕐᒪᑦ. "ᐱᐅᓛᖑᓯᒪᔪᖅ ᓅᓪᓗᖓ ᒫᓐᓇᒧᑦ," ᐊᓕᐊᓇᐅᔭᖅᑐᖅ.

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᓇᖕᒥᓂᖅ ᐱᒋᐊᕈᒪᔪᓄᑦ ᐃᒪᓐᓇᐅᔪᖅ, "ᐃᓱᒪᒋᔭᑎᑦ ᐅᒃᐱᕆᓗᒋᑦ, ᐃᓕᖕᓂᒃ ᐅᒃᐱᕆᓗᑎᑦ ᐃᕝᕕᓪᓗ. ᐊᓯᖏᑦ ᐃᓄᐃᑦ ᐃᓕᖕᓂᒃ ᓄᖅᑲᖅᑎᑦᑎᓇᓱᒃᑐᑦ... ᓴᐳᔾᔨᓇᓱᑐᐃᓐᓇᖅᐳᑦ ᐃᓕᔅᓯᓐᓂᒃ, ᓇᓪᓕᒋᔭᐅᓇᓂᓗ. ᑭᓯᐊᓂ ᑕᒪᓐᓇ ᑐᑭᖃᙱᓚᖅ ᓈᒻᒪᒋᐊᖏᓐᓂᑦ. ᒪᓕᒃᓗᒋᑦ ᓂᖀᑦ, ᓲᖃᐃᒻᒪ ᐊᑐᖅᑕᓕᒫᒃᑲ ᐃᓅᓯᓐᓂ ᐱᓚᐅᖅᑕᒃᑲ ᒫᓐᓇᒧᑦ... ᓯᓚᑦᑐᓴᕐᕕᕐᔪᐊᕐᒨᕆᐊᖃᙱᑦᑐᑎᑦ ᐊᒻᒪᓗ ᓯᓚᑦᑐᓴᕐᕕᒻᒧᑦ ᑲᔪᓯᑦᑎᐊᕐᓂᐊᕈᕕᑦ. ᐊᓂᒍᕕᑦ, ᐊᓕᐊᓇᖅᑐᖅ... ᐃᒻᒥᓂᒃ ᐅᒃᐱᕆᔭᕆᐊᖃᕋᕕᑦ, ᐊᒻᒪᓗ ᑕᒪᓐᓇ ᐊᔪᕐᓇᖏᓐᓂᖅᓴᐅᓪᓗᓂ ᐅᖃᕆᐊᒃᓴᖅ. ᐊᔪᙱᑦᑐᖅ, ᑭᓯᐊᓂ ᐊᑑᑎᖃᖅᑐᑎᑦ."

ᑲᒪᒋᓂᐊᕐᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ, ᐴᕐᑦ−ᐋᓪᑦᕼᐊᐅᔅ ᐱᓱᔪᒋᐊᖅᑐᖅ, ᐅᖃᓘᑎᒥᓂᒃ ᕿᒪᒃᓯᓯᒪᓚᐅᑲᒃᖢᓂ ᐊᒻᒪ ᓯᓚᒦᖦᖢᓂ. ᓯᕗᓪᓕᐅᔾᔨᖃᑦᑕᖅᑐᖅ ᓄᓇᓕᓐᓂᑦ ᓇᒻᒥᓂᖃᖅᑎᐅᓂᕐᒧᑦ ᐃᓅᓯᖅ ᐃᓄᑑᒍᓐᓇᕐᓂᖓᓄᑦ ᐊᑦᓱᕈᓐᓇᖅᓱᓂᓗ. ᐱᓕᕆᓪᓗᓂ ᖃᐅᒪᑎᑦᑎᓪᓗᓂ ᐊᒻᒪᓗ ᐱᓕᕆᒐᔪᙱᖦᖢᓂ ᐱᒻᒪᕆᐅᖕᒥᔪᖅ ᐃᑲᔪᕐᓂᐊᕐᓗᓂ ᓇᓕᒧᒌᒃᑎᓐᓇᓱᒃᓗᒍ.

ᑲᔪᖏᖅᓴᐃᓂᕐᒧᑦ, ᑕᐅᑐᒃᑐᖅ ᓴᐃᓚ ᔅᑑᓐ ᓄᑕᕋᕐᒥᑦ, ᓄᓇᖃᖅᑳᖅᓯᒪᔪᓂᑦ ᔫᒐᓕᕆᔨ ᐊᒻᒪ ᔭᓯᑲ ᑐᒪᔅ, ᓄᓇᖃᖅᑳᖅᓯᒪᔪᓄᑦ ᑲᒪᔨ. ᐱᕈᖅᓴᓪᓗᓂ, ᐴᕐᑦ−ᐋᓪᑦᕼᐊᐅᔅ ᐊᔾᔪᒥᓇᖅᑐᓂᒃ ᐊᔾᔪᒥᓇᖅᑐᖃᓗᐊᓚᐅᙱᑦᑐᖅ ᐱᕈᖅᓴᑎᓪᓗᒍ ᐃᒥᐊᓗᓗᐊᖃᑦᑕᕐᓂᖅ ᐊᒻᒪ ᑭᖑᕚᕇᓄᑦ ᖁᐋᖅᓵᖅᓯᒪᔪᑦ. ᖁᕕᐊᓱᒃᖢᓂ, ᐅᐱᒍᓱᒃᖢᓂ, ᑮᓇᐅᔭᓂᒃ ᐱᖏᒍᓱᙱᖦᖢᓂ, ᐊᓐᓄᕌᓂᒃ ᐅᕝᕙᓘᓐᓃᑦ ᓂᕿᓂᒃ ᐊᒃᓱᕈᙱᖦᖢᓂ. ᖃᓄᑐᐃᓐᓇᖅ, ᐃᙱᖅᑎᐅᔪᒪᓚᐅᖅᑐᖅ ᓲᕐᓗ ᓗᐊᕆᓐ ᕼᐃᐅᓪᑎᑐᑦ. ᐊᐅᓪᓚᕐᖢᓂ ᐃᓱᒪᒥᓂᒃ ᑕᑯᑎᖦᖢᓂᒋᑦ ᑕᑯᔪᓐᓇᙱᑕᖏᓐᓂᒃ.

ᓯᕗᓂᒃᓴᕗᑦ ᑕᐅᑐᓪᓗᒍ, ᕘᕐᑦ-ᐋᓪᑦᕼᐊᐅᔅ ᐃᓕᓐᓂᐊᖅᑎᑦᑎᒃᑲᓐᓂᕈᒪᕗᑦ ᓄᓇᖃᖅᑳᖅᓯᒪᔪᓂᑦ ᑐᑭᓕᐅᕆᓂᕐᒥᑦ ᐃᓚᒋᔭᐅᔪᓐᓇᕐᓂᐊᕐᒪᑕ ᐳᓚᕋᖅᑐᓕᕆᓂᕐᒥᑦ. ᓴᖅᑭᑦᑎᔪᒪᖕᒥᔪᖅ ᖃᕆᑕᐅᔭᒃᑯᑦ ᐱᓕᒻᒪᒃᓴᐃᓂᖕᒧᑦ ᐱᓕᕆᐊᒃᓴᓂᑦ ᐃᑲᔪᕐᓂᐊᕐᓗᑎᒃ ᓄᓇᖃᖅᑳᖅᓯᒪᔪᓂᑦ ᒪᒥᓴᖕᓂᖕᒥᑦ. ᑭᖑᓪᓕᖅᐹᒥ, ᐅᖃᖅᑎᙳᕈᒪᔪᖅ.

ᒪᒃᑯᒃᑐᑦ ᑐᓴᖅᑎᓪᓗᒋᑦ, ᐅᖃᕈᒪᔪᖅ, "ᑖᓐᓇ ᓄᓇᕐᔪᐊᖅ ᐅᐃᒻᒪᐃᓐᓇᐅᔭᖅᑐᖅ ᐊᒻᒪ ᐊᑕᐅᓯᖅ ᓄᓇᕐᔪᐊᖅ ᐱᐅᓪᓗᓂ ᐱᓕᕆᓪᓗᓂ ᐊᖏᕐᕋᒥᒃ ᐊᐃᑦᑐᕐᓗᐃᓐᓇᖅᑐᒥᒃ, ᑎᒥᑦᑎᑐᑦ. ᓂᕆᐅᒍᓐᓃᖅᑕᐃᓕᒋᑦ ᓯᕗᓂᒃᓴᑦᑎᓐᓄᑦ; ᓄᓇᕐᔪᐊᖅ, ᒪᒪ ᒐᐃᐊ, ᓄᓇᕐᔪᐊᖅ, ᐅᕙᑦᑎᓐᓂᒃ ᑲᒪᒋᔭᖃᕐᒪᑦ. ᐃᓕᖕᓂᒃ ᑲᒪᒋᑦᑎᐊᕆᐊᖃᖅᑐᑎᑦ. ᓂᐲᑦ ᐊᒻᒪ ᐊᖅᑯᑎᒋᓂᐊᖅᑕᑎᑦ ᓱᖁᑕᐅᙱᑦᑐᖅ."

ᒪᓕᑲᑕᐃᓐᓇᓚᐅᖅᑐᖅ ᐃᓗᐊᓂ ᓂᖀᑦ ᐊᒻᒪᓗ ᑕᐃᒪᓐᓇ ᑕᕝᕙ ᒥᕐᖑᐃᖅᓯᕐᕕᖕᒥ ᑐᓵᔨ ᓇᓂᓯᓚᐅᖅᑐᖅ ᐊᖅᑯᑎᒥᓂᒃ ᓇᖕᒥᓂᖃᕐᓂᕐᒥᒃ ᐊᒻᒪᓗ ᓄᑖᒥᒃ ᖁᕕᐊᓱᖕᓂᕐᒥᒃ. ᐃᓕᑦᑎᕙᓪᓕᐊᓂᖅ ᐃᓅᓯᐅᑉ twist−ᖓᒍᑦ ᐊᒻᒪᓗ ᓴᖑᓪᓗᓂ ᔫᒐ ᒪᑦᑖᕐᒧᑦ ᐊᒻᒪᓗ ᐱᓕᕆᖃᑎᖃᖅᖢᓂ ᐃᓅᓕᓴᐅᑎᓂᒃ ᐱᕈᖅᓯᐊᓂᒃ, ᐋᒻᐳ ᕘᕐᑦ-ᐋᓪᑦᕼᐊᐅᔅ ᐊᑐᖅᐳᖅ ᖁᕕᐊᒋᔭᒥᓂᒃ ᐃᑲᔪᕈᒪᓪᓗᓂ ᐊᓯᒥᓂᒃ ᑲᔪᓯᓂᖃᑦᑎᐊᕐᓂᕐᒧᑦ. ᐃᓕᖅᑯᓯᑐᖃᕐᒥᑦ ᐊᒻᒪ ᐱᐅᓯᑐᖃᕐᒥᑦ ᐊᑐᖃᑦᑕᕐᓂᑯᓂᑦ ᐅᖃᐅᓯᖃᕐᓂᖅ ᓇᒧᑐᐃᓐᓇᖅ ᐅᐸᑦᑕᒥᓄᑦ, ᑕᐃᒫᒃ ᐋᒻᐳ ᒪᒥᓴᓚᐅᖅᑐᖅ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.