ᐋᒻᐳ ᒃᕆᑕᓐ ᖃᐅᔨᒪᑎᓪᓗᒍ ᑭᓱᒥᒃ ᐱᔪᒪᖕᒪᖔᕐᒥ, ᑭᖑᓂᐊᒍᑦ ᐱᓕᕆᓲᖅ. ᒃᕆᑕᓐ, ᐊᓪᓚᖓᔪᖅ ᒫᓐᓇ ᕚᓐᑰᕗᒥ ᓄᓇᖃᖅᑐᖅ, ᐱᓕᕆᐊᒃᓴᓕᕆᔨᐅᔪᖅ ᕚᓐᑰᕗᒥ ᓯᓚᑦᑐᖅᓴᕐᕕᒡᔪᐊᖓᓂ, ᑕᐃᑲᓂᓗ ᐃᓚᐅᓚᐅᖅᖢᓂ, ᒪᕐᕉᖕᓂᒃ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᖃᖅᖢᓂ. ᓲ'ᓗ'ᔅ ᓄᓇᓕᖕᓂ ᑲᓴᓐᔅ ᐱᓕᕆᐊᒃᓴᐅᕗᖅ ᖁᕝᕙᖅᑎᑦᑎᕙᓪᓕᐊᓂᕐᒥᒃ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᓂᒃ ᑲᑎᖦᖢᒋᓪᓗ ᑕᑯᑎᓪᓗᒋᑦ ᐃᓂᖃᕐᓂᖏᓐᓂᒃ ᓯᓚᑦᑐᖅᓴᕐᕕᒡᔪᐊᒥ.

"ᐃᓂᒃᓴᖃᖅᑐᒍᑦ. ᐱᓕᕆᖃᑎᒌᒃᐸᒃᐳᒍᑦ ᑲᔪᖏᖅᓴᐃᔨᐅᓪᓗᑕ. ᓄᓇᓕᓐᓄᑦ ᐊᐅᓪᓚᕋᔭᖅᐳᒍᑦ. ᐃᑲᔪᓚᐅᖅᑐᖓ ᐱᓕᒻᒪᒃᓴᕐᓂᕐᒥᑦ, ᖃᐅᔨᒋᐊᖅᖢᖓ ᐊᓯᖏᓐᓂᒃ ᐃᓕᓐᓂᐊᖅᑎᓂᒃ ᐃᓚᐅᖃᑕᐅᖁᓪᓗᒋᑦ ᐃᓕᓐᓂᐊᒐᒃᓴᒧᑦ," ᐅᖃᖅᑐᖅ ᒃᕆᑕᓐ.

ᐊᐃᑉᐸᖓ ᐱᓕᕆᐊᖅ ᓄᓇᖃᖅᑳᖅᓯᒪᔪᓄᑦ ᒪᒃᑯᑦᑐᓄᑦ ᐊᐅᔭᒃᑯᑦ ᐃᓕᓐᓂᐊᕐᓂᖅ ᒪᒃᑯᑦᑐᓄᑦ ᖁᑦᓯᓐᓂᓕᓐᓄᑦ 8-ᒥ 12-ᒧᓄ ᐊᒻᒪᓗ ᐃᓘᓐᓇᑎᒃ ᑲᑎᑎᑦᓯᓂᕐᒥᑦ ᐱᔭᕇᕐᓂᕐᒧᑦ ᐃᓱᒪᒋᔭᖃᕐᓂᕐᒧᓪᓗ ᖃᓄᐃᓕᐅᕈᒪᓂᖏᓐᓂᑦ ᓯᕗᓂᑦᓴᖏᓐᓂᑦ. ᒃᕆᑕᓐ ᐃᓕᓐᓂᐊᓯᒋᐊᓵᖅᑎᓪᓗᒍ, ᓂᑲᒍᓱᒍᒪᓕᓚᐅᖅᑐᖅ ᑭᓯᐊᓂ ᖃᐅᔨᓕᓚᐅᖅᑐᖅ ᐊᑐᖅᓯᒪᔭᒥᓂᒃ ᐃᓕᓐᓂᐊᖅᑎᐅᓪᓗᓂ "ᐱᐅᓛᖑᙱᖦᖢᓂ."

"ᓈᒻᒪᒋᓗᐊᓚᐅᙱᑕᕋ ᐃᓕᓐᓂᐊᖃᑎᒃᑲ. ᐃᓕᓴᐃᔩᑦ ᐅᕙᓐᓄᑦ ᐅᖄᓚᐃᓐᓇᖅᐸᓚᐅᖅᐳᑦ ᐊᐱᖅᑯᑎᒃᓴᖅᑕᖃᓕᕌᖓᑦ ᓄᓇᖃᖅᑳᖅᑐᑦ ᐃᓗᓕᖏᓐᓂᒃ," ᑕᐃᒪᓐᓇ ᑯᕆᑕᓐ ᐅᖃᖅᖢᓂ.

ᑖᒃᑯᓇᙵᑦ, ᐃᓱᒪᓚᐅᖅᑐᖅ ᖃᓄᖅ ᐃᑲᔪᕈᓐᓇᕐᒪᖔᕐᒥ ᐃᓕᓐᓂᐊᖅᑎᓂᒃ ᐃᒃᐱᒍᓱᓚᐅᖅᑐᓂᒃ ᐊᒻᒪ ᖃᓄᐃᓕᐅᒃᑲᓐᓂᕈᓐᓇᕐᒪᖔᕐᒥ ᐊᓯᖏᑦ ᐊᔾᔨᐸᓗᖏᓐᓂᒃ ᐊᑐᖁᓇᒋᑦ, ᐊᒻᒪ ᐊᑭᓕᖅᓱᖅᑕᐅᙱᖦᖢᑎᒃ ᐃᑲᔪᖅᐸᒃᑐᑦ ᑲᓴᓐᔅ−ᒧᑦ ᐱᓕᕆᐊᒧᑦ. ᑕᒪᓐᓇ ᐊᒥᓱᓂᒃ ᐱᕕᒃᓴᖃᓕᓚᐅᖅᐳᖅ, ᐃᓚᒋᔭᐅᓪᓗᓂ ᐅᖃᓪᓚᖕᓂᖅ ᐃᓚᐅᕙᖕᓂᕐᓗ ᑲᑎᒪᕐᔪᐊᕐᓂᕆᔭᐅᔪᓂ ᐅᓪᓗᓕᒫᖅ ᐃᖅᑲᓇᐃᔭᓕᖅᐸᒃᖢᑎᒃ.

ᒃᕆᑕᓐ ᐊᒃᓱᕈᖅᖢᓂ ᐱᓕᕆᓯᒪᔪᖅ ᑎᑭᐅᑎᓇᓱᐊᖅᖢᓂ, ᐊᒻᒪᓗ ᐊᔾᔨᒌᙱᑦᑐᓂᒃ ᑐᓗᖅᑕᕈᑎᓂᒃ ᐊᖅᑯᓵᕆᐊᖃᖃᑦᑕᖅᓯᒪᓪᓗᓂ. ᐅᖃᖅᖢᓂ ᐃᓕᓐᓂᐊᕐᕕᒃ ᐱᒋᐊᕐᕕᒋᔭᕆᐊᖃᒻᒪᕆᓚᐅᖅᑕᖓ, ᐊᒻᒪᓗ ᑖᓐᓇ ᐊᖅᑯᑎᒌᓐᓇᐅᔭᖅᑕᖓ ᐃᓱᒪᒥᐅᑕᕆᓗᒍ ᐃᓅᓯᖓ ᖃᓄᐃᑦᑑᓪᓗᐊᕐᒪᖔᑦ: ᐃᓕᓐᓂᐊᕌᓂᒡᓗᓂ, ᓯᓚᑦᑐᖅᓴᕐᕕᒡᔪᐊᓕᐊᕐᓗᓂ ᑮᓇᐅᔭᖅᑖᕐᓗᓂᓗ, ᓇᓂᓯᓕᕐᒥᓗᓂ ᐃᖅᑲᓇᐃᔮᒃᓴᒥᒃ ᑭᖑᓂᐊᒍᑦ. ᑭᓯᐊᓂ ᑕᐃᒫᒃ ᐃᓱᒪᒋᓚᐅᖅᑕᖓᓅᓚᐅᙱᑦᑐᖅ. 8-ᖓᓂ 9-ᒥᓘᓐᓃᑦ ᖁᑦᑎᓐᓂᓕᒃ 12-ᒥ, ᐊᖓᔪᖅᑳᖏᑦ ᐊᕕᓚᐅᕐᒪᑕ ᐊᒻᒪᓗ ᐅᐸᓗᖓᐃᖅᓯᒪᒐᓂ.

"ᐊᖓᔪᖅᑳᒃᑲ, ᑖᒃᑯᐊᖑᙱᖦᖢᑎᒃ, ᐊᓂᒍᐃᓚᐅᙱᑦᑐᑦ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ. ᑕᐃᒪᐃᒻᒪᑦ, ᐃᓕᓐᓂᐊᕆᐊᕆᐊᖃᓚᐅᖅᐳᑎᑦ ᐃᖅᑲᓇᐃᔮᖅᑖᕆᐊᖅᑐᕐᓗᑎᓪᓗ. ᓲᕐᓗ, ᐆ ᔭᐃ, ᐃᓕᓐᓂᐊᕐᕕᒃ ᑕᐃᑲᓃᑦᑐᖅ ᐱᔭᕆᐊᖃᕈᕕᐅᒃ, ᑭᓯᐊᓂ ᖃᓄᐃᖏᑦᑐᖅ."

Crittenden ᐃᓕᓐᓂᐊᕈᓐᓃᓚᐅᖅᑐᖅ ᖁᑦᑎᖕᓂᓕ 11-ᒥᑦ ᓲᖑᓵᖅᑕᐅᓚᐅᖅᖢᓂ ᐊᒻᒪᓗ ᐃᓚᒋᔭᐅᖅᑰᔨᙱᖦᖢᓂ ᐅᖃᖅᖢᓂ "ᓱᕋᒃᑎᖦᖢᓂ."

ᐊᐅᓪᓚᓚᐅᕋᓂ ᐊᐅᓪᐴᑕᒥᑦ, ᐊᕐᕌᒍᒥᑦ ᐅᒃᑯᐃᖓᔪᒥᑦ ᐃᓕᓐᓂᐊᓚᐅᖅᑐᖅ Mount Royal−ᒥᑦ ᑳᓪᒍᕆᒥᑦ ᐃᓱᒪᓕᕐᖢᓂᓗ B.C.−ᒧᐊᕈᒪᓕᕐᖢᓂ. ᐃᓕᓐᓂᐊᕆᐊᕋᓱᓕᓚᐅᖅᑐᖅ ᐳᕆᑎᔅ ᑲᓚᒻᐱᐊᒥ ᓯᓚᑦᑐᓴᕐᕕᔾᔪᐊᖓᓂ ᐊᖏᖅᑕᐅᓚᐅᖅᑐᓂᓗ.

"ᐊᖅᑯᑎᒃᑰᓚᐅᖅᑐᖓ ᕚᓐᑰᕗᒧᑦ ᐊᒻᒪ ᓯᓚᑦᑐᖅᓴᕐᕕᔾᔪᐊᕐᒧᑦ ᐳᓛᕆᐊᓚᐅᖅᑐᖓ ᐊᒻᒪ ᓇᓪᓕᒋᑦᑎᐊᓚᐅᖅᑕᕋ," ᐅᖃᖅᑐᖅ ᒃᕆᑕᓐ.

ᐅᖃᖅᖢᓂ ᓄᓇᖃᖅᑳᖅᓯᒪᔪᑦ ᐅᖃᐅᓯᖅᑕᖏᓐᓂᒃ ᐱᓯᒪᓂᕋᖅᖢᓂᒋᑦ ᑕᒪᐃᓐᓂᒃ ᑐᙵᓱᒃᑎᑦᑎᔪᓂᒃ ᑎᑎᖅᑲᓂᒃ, ᐃᓐᓇᕐᓂᒃ ᓯᓚᑦᑐᖅᓴᕐᕕᖕᒥ, ᐊᒻᒪ ᓄᓇᓕᖕᓂ ᑲᑐᔾᔨᖃᑎᒌᓂᒃ ᐃᓕᓐᓂᐊᖅᑎᑦᑎᓪᓗᑎᒃ. ᐅᖃᖅᖢᓂ ᓯᓚᑦᑐᖅᓴᕐᕕᓕᐊᑐᐃᓐᓇᕐᓂᕋᖅᖢᓂ ᐃᑲᔪᖅᓱᖅᑕᐅᓂᕐᒥᓂᒃ. ᒃᕆᑕᓐ ᖃᐅᔨᒪᓚᐅᖅᑐᖅ ᐃᓕᓐᓂᐊᕐᕕᓪᓚᑦᑖᖑᓂᖓᓂᒃ ᐅᐸᒍᒪᓚᐅᖅᑕᖓᓂᒃ, ᐊᓱᐃᓛᒃ ᑭᐅᕆᒧᑦ ᐱᓇᔪᒃᑲᓐᓂᕐᖢᓂ ᐃᓕᓐᓂᐊᕈᑎᖏᓪᓗ ᑲᑎᖦᖢᒋᑦ.

"ᑕᐃᒪᓕ ᕿᐱᓗᓚᐅᖅᑐᖓ ᒪᓂᒪᑎᑕᓐᓂᒃ ᐊᓯᐊᓂᑦ ᐃᓕᓐᓂᐊᕐᕕᖕᒥᑦ ᐊᖏᖅᖢᒍᓗ VIU−ᒧᑦ ᑕᒪᐅᙵᓵᖅᖢᓂᓗ. ᐸᕐᓇᐅᑎᑕᖃᖏᑦᑐᖅ. ᔩᑉ ᐴᖅᑐᒍ. ᐃᒡᓗᖃᓚᐅᙱᑦᑐᖓ ᐱᓇᓱᐊᕈᓰᖕᓄᑦ ᒪᕐᕉᖕᓄᑦ."

ᐊᐅᓪᓛᖅᓯᒪᓚᐅᖅᑐᖅ Wal-Mart ᓄᓇᓯᐅᑎᓄᑦ ᓄᖅᑲᖓᕝᕕᖏᓐᓂ ᕿᑭᖅᑕᒥ ᒪᕐᕉᖕᓄ ᐱᓇᓱᐊᕈᓰᖕᓄᑦ ᐃᓕᓐᓂᐊᓯᒋᐊᓚᐅᙱᑎᓪᓗᒍ ᐊᒻᒪ ᓇᓂᓯᔪᓐᓇᖅᓯᓪᓗᓂ ᐊᑐᖅᑐᐊᕐᓂᕐᒥᒃ.

"ᐊᒃᓱᕈᕐᓇᓚᐅᖅᑐᖅ, ᐅᕕᓂᖕᓂᐊᕐᓂᖅ ᓄᓇᓯᐅᑎᐅᑉ ᓄᖅᑲᕐᕕᖓᓂ, ᐃᒪᕐᒥᓗ ᐆᒪᔪᓂᙶᖅᑐᓂᒃ ᐅᐊᓴᐅᑎᖃᖅᖢᓂ. ᑭᓯᐊᓂ ᐱᕈᖅᓴᓚᐅᖅᑐᖓ ᐊᔪᖅᓴᕐᓂᕐᒥᒃ. ᐱᕈᓚᐅᕋᒪ ᐃᒃᑮᓇᖅᑐᒻᒪᕆᒻᒥ. ᑕᐃᒪᐃᓚᐅᖅᑐᖓ, 'ᑕᒪᑐᒧᖓ ᐱᕙᒌᔭᖅᓯᒪᔪᖓ. ᐅᓇᑕᖅᑎᐅᔪᖓ.'"

ᐊᒻᒪᓗ ᐃᓕᓐᓂᐊᖅᑏᑦ ᐊᐅᓪᓚᖅᑎᓪᓗᒋᑦ ᓄᓇᒋᔭᖓᓐᓂᒃ ᐃᓕᓐᓂᐊᕆᐊᕐᓗᑎᒃ ᐃᓕᓐᓂᐊᕆᐊᕐᓗᑎᒃ ᐊᒻᒪᓗ ᐅᖓᑖᓄᑦ, ᐅᖃᖅᑐᓂ ᑲᑉᐱᐊᓇᕐᒪᑦ ᐸᕐᓇᓪᓗᓂ ᐊᒻᒪᓗ ᐃᓱᒪᓪᓗᓂ ᐊᐅᓪᓚᕆᐊᒃᓴᖅ, ᑭᓯᐊᓂᓕ ᑎᓕᐅᕆᔪᖅ ᑭᒃᑯᓕᒫᓂᒃ "ᓯᓐᓇᑦᑑᒪᓗᑎᒃ ᐊᒻᒪᓗ ᑕᒪᒃᑯᐊ ᑐᕌᒐᐃᑦ ᓴᖅᑭᖁᓪᓗᒋᑦ ᓯᓐᓇᑦᑑᒪᒋᔭᐅᓯᒪᔪᖅ ᑲᔪᓯᖁᓪᓗᒍ."

"ᐅᓄᖅᑐᐊᓘᖕᒪᑕ ᐃᓄᐃᑦ ᑕᖅᑳᓂ ᐃᑲᔪᕐᓂᐊᖅᑐᑦ ᓇᒧᙵᐅᕙᓪᓕᐊᓂᕆᓂᐊᖅᑕᕐᓂᒃ. ᑲᑎᓚᐅᖅᑰᙱᑕᑎᑦ ᓱᓕ, ᑭᓯᐊᓂ ᖃᐅᔨᒪᕙᒌᑐᐃᓐᓇᕆᐊᖃᖅᑕᑎᑦ. ᑭᓯᐊᓂ ᑖᒃᑯᐊ ᐊᐱᖅᑯᑎᒋᑐᐃᓐᓇᕐᓗᒋᑦ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.