"ᑕᐃᒪᙵᑦ ᐃᖅᑲᐅᒪᔪᓐᓇᖅᑐᖓ, ᐋᓐᓂᐊᕕᖕᒦᒍᒪᐃᓐᓇᐅᔭᕋᒪ, ᓘᒃᑖᑦ ᐊᓯᖏᓪᓗ ᐃᓗᐊᖅᓴᐃᔨᑦ ᐃᑲᔪᑐᐃᓐᓇᖅᐸᒃᖢᒋᑦ. ᐃᓱᒪᐃᓐᓇᓲᖑᒐᒪ ᐱᓕᕆᑦᓯᐊᖅᑐᒻᒪᕆᐅᓱᒋᓪᓗᒋᑦ, ᐊᓯᔾᔩᓪᓗᑎᒃ," ᐋᒻᐳ-ᔪᐃ ᒍᕉᐱᓐ ᐃᖅᑲᐅᒪᔪᖅ. 

ᐊᑎᖃᖃᑕᐅᓪᓗᓂ ᐃᓗᐊᖅᓴᐃᔨᐅᕗᖅ ᑐᒃᑑᔮᖅᑐᒥ ᓄᓇᑦᓯᐊᒥ ᐊᓂᒍᐃᓚᐅᖅᓯᒪᓪᓗᓂᓗ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓅᕕᖕᒥ ᐃᓕᓐᓂᐊᖃᑕᐅᓚᐅᖅᓯᒪᓪᓗᓂᓗ ᐊᕉᕋ ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᕐᒥ ᕕᒃᑑᕆᐊᒥ 2018−ᒥ. ᓅᓚᐅᖅᓯᒪᔪᖅ ᐊᖏᕐᕋᒧᑦ ᓄᓇᓕᖕᓂ ᐃᖢᐊᖅᓴᐃᔨᐅᓪᓗᓂ ᑐᒃᑑᔮᖅᑐᒥ ᐃᖅᑲᓇᐃᔭᓚᐅᖅᖢᓂ ᐃᓅᓕᓴᐅᑎᓕᕆᓂᕐᒧᑦ ᔅᑖᓐᑕᓐ ᐋᓐᓂᐊᕕᖓᓂ ᔭᓗᓇᐃᒥ ᐊᕐᕌᒍᓄᑦ ᐱᖓᓱᓄᑦ. 

ᑕᒪᓐᓇ ᖃᓂᒪᓐᓇᖅ ᑎᑭᒻᒪᑦ, ᐊᕐᕌᒍᒥᒃ ᐋᓐᓂᐊᓯᐅᖅᑎᕈᓚᐅᖅᑐᖅ. ᒪᒃᓯᑯᓕᐊᕆᐊᖃᓚᐅᕋᓗᐊᕐᒪᑦ ᕿᑲᕆᐊᖅᓯᒪᑎᓪᓗᒍ ᕿᑲᕐᓇᖓ ᓄᖅᑲᖅᑎᑕᐅᑎᓪᓗᒍ ᐊᒻᒪᓗ ᐃᖅᑲᓇᐃᔭᖁᔭᐅᒐᒥ. ᐱᓕᕆᐊᖃᓚᐅᖅᑐᖅ ᓄᕙᒡᔪᐊᖕᓇᖅᑐᓕᕆᓪᓗᓂ ᔭᓗᓇᐃᒥᑦ ᓄᕙᒡᔪᐊᓗᐊᙱᑎᓪᓗᒋᑦ ᑕᐅᕙᓂ, ᐱᓕᕆᐊᒃᓴᖃᕕᒡᔪᐊᓚᐅᖅᑐᑦ. ᖁᔭᓐᓇᒦᖅᑕᕗᑦ ᐱᓕᕆᔨᑦᑎᐊᕙᖏᑦ, ᐱᓕᕆᖃᑎᒌᓚᐅᖅᑐᑦ, ᐃᑲᔪᖃᑦᑕᐅᑎᓪᓗᑎᒃ. 

ᐃᓱᒪᒋᓪᓗᒋᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᓄᓇᒥᓂᒃ ᕿᒪᐃᔪᒪᓇᔭᕐᓂᖏᓐᓂᒃ, ᓂᕆᐅᒃᑐᖅ ᖃᓄᖅ ᐃᑲᔪᖅᑕᐅᔪᓐᓇᕐᒪᖔᑕ. "ᐊᑐᕐᓗᒋᑦ ᑕᒪᕐᒥᑦᑎᐊᖅ ᑮᓇᐅᔭᖁᑎᒋᔭᐅᔪᑦ ᐃᓕᖕᓄᑦ ᒪᓂᒪᔪᑦ, ᐱᓇᔪᒋᑦ ᐃᓕᓐᓂᐊᕈᑎᒃᓴᖅᑖᕐᓂᕐᒧᑦ. ᑲᑉᐱᐊᓱᙱᓪᓗᑎᑦ ᐃᑲᔪᖅᑕᐅᔪᒪᔭᕆᐊᒃᓴᖅ, ᓲᖃᐃᒻᒪ ᐃᑲᔪᖅᑕᐅᖏᓐᓇᐅᔭᕐᒪᑕ ᑕᖅᑳᓂ. ᐱᓕᕆᐊᒃᓴᑎᑦ ᕿᓂᕐᓗᑎᓪᓗ ᐃᖅᑲᓇᐃᔭᖅᑎᑦᑎᐊᕙᖕᓂᑦ ᐅᐸᒃᓯᒪᔪᓐᓇᖅᑕᕐᓂᑦ, ᐃᑲᔪᖅᑐᐃᑦᑎᐊᕈᑎᑦᑎᐊᕙᖕᒥᑦ ᑐᑭᓕᐊᖏᓐᓇᖁᓪᓗᑎᑦ ᐱᓕᕆᐊᒃᓴᖃᐃᓐᓇᕐᓗᑎᓪᓗ," ᐅᖃᐅᔾᔨᓪᓗᓂ. 

ᐃᑲᔪᖅᑎᖃᕐᓂᖅ ᐊᒃᓱᕈᕐᓇᖅᑐᒃᑯᑦ ᐱᒻᒪᕆᐅᔪᖅ. ᒍᕉᐱᓐ ᐱᓕᕆᐊᖃᓚᐅᖅᐳᖅ ᐅᕕᓂᓕᕆᔨᓂᑦ ᐊᒻᒪ ᐊᒥᓱᑲᓪᓚᓐᓂᑦ ᐊᔪᐃᓐᓇᕆᐊᒃᑲᓐᓂᖅᑐᓂ ᐱᖓᔪᒋᓕᖅᑕᖓᓂᑦ ᐊᕐᕌᒍᒥ ᐋᓐᓂᐊᓯᐅᖅᑎᐅᓪᓗᓂ. ᐃᑲᔪᖅᑐᐃᓪᓗᓂ ᑎᑎᖅᑲᓂᑦ ᐃᓕᓐᓂᐊᖃᑎᖏᓐᓂᑦ ᐃᑲᔪᓚᐅᖅᑐᖅ ᑲᔪᓯᑦᑎᐊᖅᖢᓂ ᐊᔪᐃᓐᓈᕆᓂᖕᒥᑦ, ᑎᓕᐅᕆᓪᓗᓂᓗ ᐃᓕᓐᓂᐊᖃᑎᒥᓂᒃ ᐃᑲᔪᓚᐅᖅᑐᑦ ᕿᒥᕐᕈᑎᓪᓗᒋᑦ ᐊᑐᐊᒐᓂᑦ ᐱᐅᓯᖕᓂᓪᓗ ᓇᓂᓯᓇᓱᒃᖢᑎᒃ ᐋᖅᑭᒋᐊᕈᑎᒃᓴᒥᑦ. ᑕᒪᓐᓇ ᑲᔪᓯᑦᑎᐊᕐᓂᖏᑉᐸᑦ, ᐱᖃᑎᖓ ᐱᕙᓪᓕᐊᔪᓕᕆᔨᓄᑦ ᓇᒃᓴᕐᓂᐊᓚᐅᕐᒪᑦ. ᓴᐱᖅᑕᐃᓕᓂᖅ ᐊᒻᒪ ᐃᖅᑲᖅᑐᕋᒃᓴᕈᕐᓂᖅ ᑐᑭᖃᖅᑐᒻᒪᕆᐅᕗᖅ ᒍᕉᐱᓐᒧᑦ. ᐅᕕᓂᖃᑎᒋᙱᑕᒥᓂᒃ ᐊᑭᕋᖅᑐᖃᑦᑕᓚᐅᖅᐳᖅ ᐊᒻᒪ ᐃᑲᔪᖅᑐᐃᑦᑎᐊᖅᖢᓂᓗ ᓴᐱᓕᓚᐅᖅᓯᒪᔪᒪᙱᖦᖢᓂᓗ, ᐊᓂᒍᐃᓚᐅᖅᐳᖅ. 

ᐊᐱᕆᔭᐅᒐᒥ ᖃᓄᖅ ᐅᖃᐅᔾᔪᐃᓇᔭᕐᒪᖔᕐᒥ ᒪᒃᑯᖕᓂᖅᓴᒥᒃ, ᐅᖃᖅᖢᓂ, "ᐅᖃᐅᔾᔭᐅᔪᒪᓇᔭᖅᐳᖓ ᐱᕙᒌᔭᖅᓯᒪᑦᑎᐊᖁᔨᓪᓗᖓ ᐃᓕᓐᓂᐊᕐᕕᖕᒧᑦ. ᐃᓕᓐᓂᐊᖅᑕᓐᓂᓕ, ᐊᑕᖏᖅᑐᒥᒃ ᐃᓕᓐᓂᐊᕐᓂᖃᓚᐅᖅᑐᒍᑦ/ 6-ᖑᕙᓪᓚᐃᔪᓂᒃ ᐃᓕᓐᓂᐊᕋᑦᑕ ᐊᒻᒪᓗ ᐋᓐᓂᐊᕕᒻᒥᒃ ᐊᖏᖅᓯᒪᓪᓚᕆᒋᐊᖃᓚᐅᖅᑐᒍᑦ. ᑕᕝᕙᐅᕗᑏᕐᓗᒋᑦ ᑭᓱᓕᒫᑦ ᐊᕐᕌᒍᓄᑦ ᑎᓴᒪᓄᑦ," ᐃᖅᑲᐅᒪᔪᖅ. ᐊᒃᓱᕈᕐᓇᕋᓗᐊᖅᑎᓪᓗᒍ, ᐅᒡᒍᐊᕈᑎᒋᙱᒻᒪᒍ. "ᐊᑑᑎᖃᓚᐅᖅᑐᖅ. ᐃᖅᑲᓇᐃᔮᖃᑦᑎᐊᓕᖅᑐᖓ ᒫᓐᓇ ᐊᒻᒪᓗ ᐃᖅᑲᓇᐃᔮᖃᑦᑎᐊᖅᑐᖓ ᐊᒻᒪᓗ ᐃᓅᓯᖃᑦᑎᐊᖅᑐᖓ. ᐊᑭᓕᖅᑕᐅᔪᐃᓐᓇᐅᓚᐅᖅᑐᑦ ᐃᓱᐊᓂᑦ," ᐃᓱᓕᑉᐳᖅ.

ᒫᓐᓇ ᓄᓇᒥᓂ ᐅᑎᕐᒪᑦ, ᐃᑲᔪᖅᓱᖅᑎᐊᖅᑐᖁᑎᖃᖅᑎᐊᖅᑐᖅᑕᐅᖅ. ᖃᑕᙳᑎᖏᑦ, ᐱᖃᓐᓈᖏᑦ, ᓴᓂᓪᓕᖏᑦ, ᓄᑕᕋᐅᓪᓗ ᐱᖃᓐᓇᕆᔭᖏᑦ, ᓂᑲᒋᔪᓐᓇᖅᑕᖏᑦ ᐱᔭᕆᐊᖃᓕᕌᖓᑦ. ᐃᒻᒥᓂᒃ ᐱᕕᖃᕐᓂᖅ ᐃᓕᓴᖅᓯᔭᕌᖓᑦ ᑕᖃᕙᓪᓕᐊᓂᖓᓂᒃ ᐃᑲᔪᖅᐸᒃᐳᖅ ᑲᔪᓯᑎᑦᑎᔪᓐᓇᕐᓂᕐᒥᒃ ᐃᓱᒪᒃᑯᑦ ᖃᓄᐃᙱᑦᑎᐊᕈᓐᓇᕐᓂᕐᒥᒃ ᐃᓕᑦᑎᓪᓗᓂᓗ ᐳᐃᒍᖅᑕᐃᓕᒪᓂᕐᒥᒃ ᓇᖕᒥᓂᖅ ᑲᒪᒋᔪᓐᓇᕐᓂᕐᒥᒃ.  

ᑲᔪᓰᓐᓇᖃᑦᑕᖅᑐᖅ ᓲᖃᐃᒻᒪ ᐱᔪᒃᓯᑎᑕᐅᑦᑎᐊᕐᓂᖓᓄᑦ ᐃᓄᖁᑎᖏᓐᓄᑦ ᓄᓇᓕᖏᓐᓄᓪᓗ. "ᐱᐅᔪᒪᒐᒃᑭᑦ, ᐃᑲᔪᕐᓗᒋᑦ ᓇᒧᙵᐅᕙᓪᓕᐊᓂᕆᔭᖏᓐᓄᑦ ᖁᕕᐊᓱᒃᑎᓪᓗᒋᓪᓗ. ᐅᓪᓗᑦᑎᐊᕙᐅᔪᖅ ᐃᖅᑲᓇᐃᔭᕆᐊᖅᖢᓂ ᖁᕕᐊᓱᒃᖢᓂᓗ ᐃᓱᓕᖦᖢᓂ," ᖁᖓᖦᖢᓂ. ᔭᓗᓇᐃᒦᑎᓪᓗᒍ, ᖁᓚᕐᓇᖅᑐᒦᓕᖅᑐᓄᑦ ᑲᒪᒋᔭᐅᓚᐅᖅᑐᖅ ᐅᔾᔨᕈᓱᒃᖢᓂᓗ ᐊᔾᔨᒋᙱᕐᔪᐊᖅᑕᖓᓂᒃ ᒫᓐᓇ ᑲᒪᒋᔭᖃᓪᓗᐊᑕᕐᖢᓂ ᐋᓐᓂᐊᕕᖕᒥ ᐊᖏᕐᕋᖓᓂ. 

"ᐱᔪᒥᓇᕆᓗᐊᖅᑰᕐᑕᕋ ᒪᒃᑯᒃᑐᑦ ᐱᔪᒃᓯᑎᑦᑎᓇᓱᖕᒪᑕ. ᑐᒃᑑᔮᖅᑐᒥᙶᕈᓐᓇᕈᒪ, ᑕᐃᒪᐃᒍᓐᓇᕐᒥᔪᑦ," ᑲᔪᓯᓗᓂ. ᓯᓚᑐᓂᖏᑦ ᒪᒃᑯᒃᑐᑦ ᓄᓇᓕᖕᒥᓂ ᐅᑯᐊᖑᕗᑦ: ᑲᔪᓯᑐᐃᓐᓇᕆᑦ. ᐊᔭᐅᖅᑐᐃᖏᓐᓇᕆᑦ. ᐊᔪᙱᑦᑐᑎᑦ. ᐃᓕᖕᓂᒃ ᖁᓱᙱᓪᓗᑎᑦ ᓴᐱᓕᓚᐅᖅᓯᒪᙱᓪᓗᑎᓪᓗ. 

ᐱᔪᒃᓯᑎᑦᑎᓂᖅ ᒪᒃᑯᒃᑐᓂᒃ ᐱᒻᒪᕆᐊᓘᕗᖅ ᑖᔅᓱᒧᖓ ᓲᖃᐃᒻᒪ ᐃᖅᑲᐅᒪᔪᓐᓇᕋᒥ, ᐱᓕᕆᖃᑎᖃᕈᒪᐃᓐᓇᐅᔭᖅᐳᖅ ᓘᒃᑖᓂᒃ ᐃᓗᐊᖅᓴᐃᔨᓂᒡᓗ ᐋᓐᓂᐊᕕᖕᒥ. ᐃᓱᒪᓚᐅᖅᑐᖅ ᐊᒃᓱᐊᓗᒃ ᐱᓕᕆᑦᑎᐊᖅᑐᒥᓂᐅᓱᒋᓪᓗᓂ, ᐊᓯᔾᔩᔪᓐᓇᖅᑐᑎᒃ. ᒫᓐᓇ ᐋᓐᓂᐊᓯᐅᖅᑎᐅᔪᖅ, ᐋᒻᐳ-ᔪᐃ ᒍᕉᐱᓐ ᐊᓯᔾᔩᖃᑕᐅᓯᒪᒻᒥᔪᖅᑕᐅᖅ, ᐊᒻᒪᓗ ᓂᕆᐅᒃᑭᕗᖅ ᐅᓂᒃᑳᕐᓗᓂ ᑲᔪᖏᖅᓴᐃᒍᓐᓇᑐᐃᓐᓇᕆᐊᖃᖅᑐᓂ ᐃᓅᓱᒃᑐᓂᒃ ᐊᑦᔨᓴᐃᓐᓇᖓᓂᒃ.  

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.