"ᐃᓕᓐᓂᐊᕆᐊᕐᓗᑎᑦ, ᐃᓕᓐᓂᐊᕐᓗᑎᑦ ᐅᑎᕐᓂᐊᕋᕕᑦ ᐱᓕᕆᑦᑎᐊᕐᓗᑎᓪᓗ." ᑖᓐᓇ ᐋᓐᑐᕆᐊ ᐋᓐᑐᓴᓐ ᐅᖃᐅᔾᔨᒋᐊᕈᑎᖓ. ᒪᑯᕕᖕᒥᐅᑕᐅᔪᖅ ᓄᓇᑦᓯᐊᕗᒻᒥ ᐊᒻᒪᓗ ᓄᓇᖃᖅᓯᒪᓪᓗᓂ ᐃᖃᓗᓐᓂ, ᓄᓇᕗᒻᒥ ᐊᕐᕌᒍᓄᑦ 8-ᓄᑦ. ᐃᖅᑲᓇᐃᔭᖃᑦᑕᖅᑐᖅ ᐱᖃᐃᓕᓴᐃᔨᐅᓪᓗᓂ ᕿᑭᖅᑕᓂ ᐋᓐᓂᐊᕕᒻᒥ ᐊᒻᒪᓗ ᖁᓕᐅᓪᓗᓂ ᓄᓇᕗᒻᒥ ᐃᓄᖃᖅᑐᓂ 30,000-ᓂᒃ. ᐱᓕᕆᖃᑎᖃᖃᑦᑕᖅᑐᖅ ᐋᓐᓂᐊᕕᓕᐊᖅᓯᒪᔪᓂᑦ ᐃᓅᓯᓕᒫᖏᓐᓂᑦ, ᐱᐊᕋᕐᓂᑦ ᓄᑭᖏᑦ ᓱᑲᖃᓗᐊᖏᑦᑐᑦ ᐃᑲᔪᖅᑕᐅᒋᐊᓖᑦ ᐃᓕᓐᓂᐊᕐᓂᕐᒥᑦ ᐃᖏᑦᓯᓂᕐᒥᑦ ᐊᖏᕐᕋᖏᓐᓂᑦ ᐳᓛᕆᐊᖃᑦᑕᓂᕐᒥᑦ ᐃᓄᑐᖃᕐᓂᑦ ᐋᓐᓂᐊᔪᑦ ᖃᓄᐃᒍᓐᓃᐸᓪᓕᐊᓂᖏᓐᓄᑦ, ᐅᓪᓗᐃᓐᓇᕐᒥᑦ.

ᒪᒃᑯᒃᖢᓂ ᐱᙳᐊᕈᓘᔭᖃᑦᑕᓚᐅᕐᒪᑦ ᐊᒻᒪᓗ ᐱᓐᖑᐊᖃᑕᐅᓯᒪᓪᓗᓂ ᓄᓇᓕᓐᓂ ᖃᐅᔨᒪᔭᐅᓪᓗᓂ ᐹᑦᒥᓐᑕᓐ ᐊᒻᒪᓗ ᕚᓕᐹᖅᑏᑦ, ᐋᓐᑐᓴᓐ ᐃᖃᐃᓕᓴᖅᑎᖃᕆᐊᖃᓚᐅᕐᒪᑦ ᐃᓯᒐᒥᓄᑦ. ᑲᒪᒋᔭᐅᓂᖅ ᐃᖅᑭᓕᖕᓄᑦ ᖁᕕᐊᒋᓚᐅᖅᐸᐅᒃ. ᑖᓐᓇ ᐃᖅᑲᓇᐃᔮᖅᑖᕆᓇᓱᒃᑎᓪᓗᒍ ᓲᕐᓗ ᓂᕈᐊᕆᓇᓱᒃᑕᖓ ᓲᕐᓗ ᐱᙳᐊᖅᑎᑦᑎᐊᕙᐅᓗᓂ, ᓯᕗᓪᓕᕐᒥ ᓂᕈᐊᕆᓚᐅᙱᑕᖓ.

ᓯᕗᓪᓕᕐᓄᑦ ᒪᕐᕉᖕᓄᑦ ᐊᕐᕌᒎᖕᓄᑦ ᓯᓚᑦᑐᖅᓴᕐᕕᒡᔪᐊᒥ, ᐋᓐᑐᓴᓐ ᐱᓇᔪᓚᐅᖅᐳᖅ ᐃᓚᐅᕈᑎᒃᓴᓂᒃ ᑭᓯᐊᓂ ᖃᐅᔨᓚᐅᖅᐳᖅ ᐃᒃᓯᕚᕈᒪᙱᖦᖢᓂ ᖃᐅᔨᓴᕐᕕᖕᒥ ᐃᓅᓯᓕᒫᖓᓂ ᐊᐅᓚᑲᑕᖕᓂᖅᓴᐅᓕᖅᖢᓂᓗ. ᐱᖃᓐᓇᕆᔭᕋ ᐅᖃᖅᖢᓂ ᐃᓄᐃᑦ ᐱᙳᐊᕈᓯᖏᓐᓂᒃ ᐊᒻᒪ ᐱᙳᐊᖅᑐᓕᕆᓂᕐᒥᒃ ᐃᓕᓐᓂᐊᖁᔨᓪᓗᓂ ᐊᒻᒪ ᑐᑭᓕᕇᑦᑎᐊᓕᖅᑎᑕᐅᓪᓗᓂ. ᑖᒃᑯᐊᒃ ᒪᕐᕉᒃ ᐃᓕᖅᑯᓯᒃᓵᒃ ᐱᓕᕆᑦᑎᐊᖅᑐᒻᒪᕆᐅᓚᐅᖅᐳᑦ ᖃᕋᓴᖓᓄᑦ ᓈᓴᐅᓯᕆᓂᕐᒧᑦ ᖃᓪᓗᓈᑎᑐᓪᓗ ᐱᔭᐅᔭᕆᐊᖃᖅᑐᓂᑦ ᐃᓚᐅᕈᑎᒃᓴᓕᕆᓂᕐᒧᑦ.

ᐋᓐᑐᓴᓐ ᐃᓱᒪᓕᐅᓚᐅᖅᑐᖅ ᐱᓇᓱᐊᕐᓂᕐᒥᑦ ᐱᔭᕇᕈᓯᐊᕐᒥᑦ ᐃᓕᓐᓂᐊᕕᔾᔪᐊᒥᑦ ᖃᐅᔨᓴᕐᓂᕐᒧᑦ ᖃᐅᔨᓴᕐᓂᕐᒧᑦ ᐊᖅᑯᑕᐅᓗᓂ ᒪᒧᐊᕆᐅᓪ ᓯᓚᑦᑐᖅᓴᕐᕕᔾᔪᐊᖅ. ᑭᖑᓂᐊᒍᑦ, ᐋᖅᑭᒃᓯᔭᕆᐊᖃᓕᓚᐅᖅᑐᖅ ᐱᓇᔪᒋᐊᖃᕐᒪᖔᑦ ᑭᒃᑯᑐᐃᓐᓇᕐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ, ᐃᖃᐃᓕᓴᖅᑐᓕᕆᓂᕐᒥ ᐅᕝᕙᓘᓐᓃᑦ ᐃᖃᐃᓕᓴᖅᑎᑦᑎᔨ, ᐃᓅᓕᓴᐅᑎᓕᕆᓂᖅ, ᐃᓗᐊᖅᓴᐃᔨᑦ ᐅᕝᕙᓘᓐᓃᑦ ᕿᒥᕐᓗᓕᕆᓂᖅ. ᓂᕈᐊᓚᐅᖅᑐᖅ ᐃᖃᐃᓕᓴᐃᔨᒧᑦ ᑖᓪᕼᐊᐅᓯ ᓯᓚᑦᑐᖅᓴᕐᕕᒡᔪᐊᒥᑦ, ᖃᓂᓛᖅ ᐱᓕᕆᐊᒃᓴᖅ ᐊᖏᕐᕋᒧᑦ. ᓱᓕ ᐅᓪᓘᖕᓄᑦ ᒪᕐᕉᖕᓄᑦ ᐅᑎᕋᓱᖕᓇᓚᐅᖅᐳᖅ, ᐊᑯᓂᐅᓂᖅᓴᐅᓪᓗᓂ ᓯᓚ ᒪᓕᒡᓗᒍ. ᖁᕕᐊᓱᕝᕕᒻᒥ 9-ᓂᒃ ᐅᓪᓗᓂᒃ ᐅᑕᖅᑭᓚᐅᖅᑐᖅ ᖃᖓᑕᓲᒃᑯᕕᒻᒥ.

ᓯᓚᑦᑐᓴᕐᕕᕐᔪᐊᕐᒨᕐᓂᖅ ᐅᐊᑲᓪᓚᒻᒪᕆᐅᓚᐅᖅᐳᖅ ᐋᓐᑐᓴᓐᒧᑦ. ᐱᔭᕇᖅᑎᓪᓗᒍ 10-ᓂᒃ, ᑕᐃᓐᓇᑑᓚᐅᖅᑐᖅ ᓴᓇᔨᕈᕆᐅᔅᓴᓂᕐᒧᑦ ᐊᒻᒪᓗ ᓅᒋᐊᖃᓚᐅᖅᑐᓂ ᓄᓇᒥᓂᒃ 350-ᓂᒃ ᐃᓄᓐᓂᒃ.  ᓯᕗᓪᓕᖅᐹᖅ ᓈᓴᐅᓯᕆᓂᕐᒧᑦ ᐃᓕᓐᓂᐊᖅᑎᖏᑦ ᐊᖏᓂᖅᓴᐅᓚᐅᖅᑐᑦ ᐊᖏᕐᕋᖓᓂ ᓄᓇᓕᖓᓂ. ᓱᓕ ᖁᕕᐊᓚᐅᖅᑐᖅ ᐆᑦᑐᕋᒥ ᐊᒻᒪᓗ ᑲᑉᐱᐊᓱᒐᓂ ᐊᓯᔾᔨᕐᓂᐅᔪᒥᒃ. ᓯᕗᓪᓖᑦ ᒪᕐᕉᒃ ᐊᕐᕌᒎᒃ ᐊᒃᓱᕈᕐᓇᓛᖑᓚᐅᖅᑑᒃ ᐊᒻᒪᓗ ᐱᔭᕆᐊᑭᓐᓂᖅᓴᐅᓕᖅᑐᓂ.

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᓄᓇᒥᓂᒃ ᐊᐅᓪᓚᖁᔨᓪᓗᑎᒃ ᐃᓕᓐᓂᐊᕈᒪᓪᓗᑎᒃ ᐃᒪᓐᓇᐅᓇᔭᖅᐳᖅ, "ᐊᒃᓱᕈᕐᓇᖅᑐᒻᒪᕆᐅᕗᖅ, ᓲᖃᐃᒻᒪ ᐱᖃᓐᓇᕆᔭᑎᑦ ᐃᓚᑎᓪᓗ ᕿᒪᑐᐃᓐᓇᙱᓐᓇᕕᒋᑦ, ᑭᓯᐊᓂᑦᑕᐅᖅ ᕿᒪᐃᕙᓪᓕᐊᒋᕗᑎᑦ ᐊᒥᓱᓂᒃ ᐃᓅᓯᕐᓂᒃ ᓂᕆᓂᕆᕙᒃᑕᕐᓂᒡᓗ...ᐊᒻᒪᓗ ᐊᒃᑐᐊᔪᓐᓃᕆᐊᖃᖅᖢᑎᑦ ᐃᑲᔪᖅᑐᐃᓂᕆᕙᒃᑕᐃᓪᓗ ᐅᖓᓯᓗᐊᒧᑦ..., ᑭᓯᐊᓂ ᐃᓱᒪᒋᓕᖅᖢᒍ, ᐊᕐᕌᒍᐃᑦ ᐊᒥᓲᙱᑦᑐᑦ ᓈᓕᖅᑐᑦ. ᐃᓅᓯᓕᒫᕐᓂᒃ ᐱᓯᒪᔪᑎᑦ... ᐃᓱᒪᑐᐃᓐᓇᕐᓗᑎᑦ ᖃᓄᐃᑦᑐᒥᒃ ᐃᓅᓯᖃᕈᒪᒻᒪᖔᖅᐱᑦ, ᐊᒻᒪᓗ ᐱᑕᖃᕐᓂᐊᕆᓪᓗᓂ ᐃᓕᓐᓂᒃ ᑐᓂᓯᒋᐊᖃᕐᓂᐊᖅᑕᕐᓂᒃ. ᐃᓚᖏᑦ ᒥᑭᑦᑐᑯᓘᑐᐃᓐᓇᕆᐊᓖᑦ, ᐃᓚᖏᑦ ᐊᖏᑐᐃᓐᓇᕆᐊᓖᑦ, ᑭᓯᐊᓂ ᐱᕈᖅᐸᓪᓕᐊᓂᐊᕈᕕᑦ, ᐊᓯᔾᔩᔭᕆᐊᖃᕋᕕᑦ, ᐃᓚᖓᓗ ᐊᓯᔾᔨᖅᑐᖅ ᐊᖏᕐᕋᒧᑦ ᐃᓕᓐᓂᐊᕆᐊᕐᓗᓂ ᐱᓕᕆᐊᒃᓴᓯ ᖃᕆᑕᐅᔭᒃᑯᑦ ᐃᑭᐊᖅᑭᕕᒃᑰᙱᑉᐸᑦ."

ᐱᙳᐊᕐᓂᖅ, ᓄᓇᓕᕐᔪᐊᖑᓂᖅᓴᓂ ᐊᕕᒃᑐᖅᓯᒪᓂᐅᔪᓂ, ᐊᐅᔭᒃᑯᑦ, ᐊᒻᒪ ᐅᑭᐅᒃᑯᑦ ᐱᙳᐊᕐᓂᖅ ᐃᑲᔪᕐᖢᓂ ᑲᓲᑎᓂᕐᒥᒃ ᐋᓐᑐᓴᓐᒧᑦ ᖃᐅᔨᒪᓕᕐᓂᕐᒥᒃ ᐃᑲᔪᕐᖢᓂᓗ ᐊᐅᓚᓪᓗᒍ ᑕᖃᓇᖅᑐᖅ. ᐊᖏᕐᕋᖓᓂ, ᐅᑭᐅᒃᑯᑦ ᐊᒻᒪ ᐅᑭᐊᒃᓵᒃᑯᑦ ᐱᙳᐊᖃᑦᑕᓚᐅᖅᐳᖅ ᐊᒻᒪ ᐊᐅᓪᓚᑲᑕᒃᖢᓂ ᐊᕕᒃᑐᖅᓯᒪᔪᓂ ᐊᒻᒪ ᑲᓇᑕᒥ ᐊᕕᒃᑐᖅᓯᒪᔪᓂ ᐱᒡᒍᓴᐅᔾᔪᐊᖅᑐᓄᑦ. ᐹᑦᒥᓐᑕᓐᒥ ᓵᓚᒃᓴᖃᑕᐅᓇᓱᖃᑕᐅᓚᐅᖅᐳᖅ ᑲᓇᑕᓕᒫᒥ. ᐃᓕᓐᓂᐊᕐᕕᒻᒥ, ᐃᓕᓐᓂᐊᕐᕕᐅᑉ ᐱᙳᐊᕐᕕᖓᓅᓚᐅᕐᒥᔪᖅ ᐊᒻᒪᓗ ᐊᖏᕐᕋᖅᓯᒪᓪᓗᓂ, ᑕᐱᖃᓚᐅᖅᑐᑦ ᐊᑭᑦᑐᕋᐅᑎᖃᑎᖃᖅᑐᑎᒃ. ᐹᔨᐅᓚᐅᕐᒥᔪᖅ Memorial ᓯᓚᑦᑐᖅᓴᕐᕕᒡᔪᐊᕐᒥ ᐹᔨᖏᓐᓄᑦ ᓄᓇᖃᖅᑳᖅᓯᒪᔪᑐᐊᑦᑎᐊᓄᑦ ᐱᓕᕆᔨᐅᖃᑕᐅᓪᓗᓂ ᐱᙳᐊᖅᑎᐅᖃᑎᒌᓄᑦ.  ᐱᖁᔨᔪᖅ ᓴᓇᓗᓂ ᐃᓅᖃᑎᒌᒍᑎᒥᒃ ᐃᑲᔪᖅᑕᐅᓂᕐᒧᑦ ᓄᓇᓕᖕᒧᓪᓗ ᐊᐅᓪᓚᖅᓯᒪᑎᓪᓗᒍ.

ᑐᓗᖅᑕᕈᑎᓄᑦ, ᐋᓐᑐᓴᓐ ᐊᒃᓱᕈᓚᐅᖅᑐᖅ ᐃᓕᑦᑎᓪᓗᓂ ᖃᓄᖅ ᐃᓕᑦᑎᔭᕆᐊᒃᓴᖅ ᐃᓕᓐᓂᐊᕐᓗᓂᓗ. ᐃᓕᓐᓂᐊᕐᕕᕐᔪᐊᕐᒥ, ᐃᓕᓴᐃᔨᖏᑦ ᖃᕋᓴᐅᔭᒃᑯᑦ ᖃᕋᓴᐅᔭᒃᑰᓚᐅᕐᒪᑕ ᐊᒻᒪ ᐅᖓᓯᑦᑐᒃᑯᑦ ᐃᓕᓐᓂᐊᖅᑐᓂ ᑕᐃᒪᐃᒻᒪᑦ ᐊᔾᔨᒋᙱᑦᑎᐊᓚᐅᕐᒪᒍ ᓯᓚᑦᑐᓴᕐᕕᕐᔪᐊᕐᒥᑦ. ᖃᐅᔨᓚᐅᖅᑐᖅ ᐃᑲᔪᖅᑕᐅᔪᒪᓪᓗᓂ ᐃᑲᔪᖅᑕᐅᕝᕕᖕᓄᑦ ᐃᑲᔫᑎᖃᕐᓂᖓᓂᒃ ᐊᒻᒪ ᐃᑲᔪᖅᑕᐅᔪᒪᓗᐊᕆᐊᖃᙱᖦᖢᓂ ᐃᓄᑑᓗᐊᒧᑦ. ᕿᒪᐃᓪᓗᓂ ᐃᓕᖅᑯᓯᕐᒥᓂᒃ, ᓂᕿᒥᒃ ᖃᑕᙳᑎᖏᓐᓂᒡᓗ ᐊᒃᓱᕈᕐᓇᓚᐅᖅᑐᖅ, ᑭᓯᐊᓂ ᐱᖃᓐᓇᕆᔭᖃᕐᕕᑦ ᐊᒻᒪ ᓄᓇᖃᖅᑳᖅᓯᒪᔪᑦ ᐊᑐᒐᒃᓴᖏᑦᑕ ᑎᑎᕋᕐᕕᖏᑦ ᓯᓚᑦᑐᖅᓴᕐᕕᖕᒥ ᐱᐅᑦᑎᐊᓚᐅᖅᑐᑦ. ᑲᑎᖃᑎᖃᕐᓂᖅ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᓂᒃ ᓴᐃᓕᓐᓇᓚᐅᖅᑐᖅ ᐊᖏᕐᕋᖅᓯᒪᙱᖦᖢᓂ. ᐹᑎᓪᓗᒋᑦ, ᐃᓚᖏᑦ ᐊᐱᖅᑯᑎᑦ ᐱᓕᕆᐊᕆᖃᑦᑕᓚᐅᖅᑕᖏᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᒥᒃᓵᓄᑦ ᓈᒻᒪᓚᐅᙱᖦᖢᑎᒃ.

ᐃᓱᒪᓪᓗᓂ ᐃᓚᓕᐅᔾᔨᒃᑲᓐᓂᕆᐊᒃᓴᖅ ᐃᓕᓐᓂᐊᕌᓂᒃᑎᓪᓗᒋᑦ, ᐋᓐᑐᓴᓐ ᐋᖅᑭᒃᑕᐅᓚᐅᖅᑐᖅ ᐅᑎᖁᔭᐅᙱᖦᖢᓂ ᓄᓇᓕᐸᐅᔭᕐᒧᑦ, ᐃᓅᔪᒪᓂᖅᓴᐅᓪᓗᓂ ᓇᓂᑭᐊᖅ ᒥᑭᑦᑐᒥᒃ. ᑲᑎᖃᑎᖃᒃᑲᓐᓂᕈᒪᓚᐅᖅᑐᖅ ᐃᓕᖅᑯᓯᕐᒥᑦ, ᐅᖃᐅᓯᕐᒥᑦ, ᐊᒻᒪᓗ ᒥᖅᓱᕐᓂᕐᒥᑦ, ᐊᖑᓇᓱᖕᓂᕐᒥᑦ, ᐸᐅᕐᖓᖅᑕᕐᓂᕐᒥᑦ, ᐃᖃᓪᓕᐊᕐᓂᕐᒥᑦ ᐊᒻᒪᓗ ᓄᓇᒥᑦ. 8-ᓄᑦ ᑕᖅᑭᓄᑦ ᐅᑕᖅᑭᔭᕆᐊᖃᓚᐅᖅᑐᖅ ᑭᓯᐊᓂ ᑕᐃᑲᓂ ᐊᖏᕐᕋᓕᐅᖅᓯᒪᔪᖅ, ᖃᐅᔨᓇᓱᒃᖢᓂ ᖃᓄᖅ ᐃᓕᖅᑯᓯᕐᒥᓂᒃ ᑲᑎᙵᖃᑎᖃᕈᓐᓇᕐᒪᖔᑦ. ᓄᓇᒥᓂ, ᐃᖅᑲᓇᐃᔮᒃᓴᖅᑕᖃᕋᔭᙱᑦᑐᖅ ᑖᔅᓱᒧᖓ ᐊᒻᒪᓗ ᓇᖕᒥᓂᖅ ᐱᓕᕆᔪᒪᙱᖦᖢᓂ. ᒫᓐᓇ ᐸᕐᓇᒃᓯᒪᖏᒻᒪᑦ ᐊᒻᒪᓗ ᖁᕕᐊᓇᖅᑐᓂᒃ ᐱᕕᒃᓴᖃᖅᖢᓂ. ᐋᓐᑐᓴᓐ ᐊᐅᓚᑦᑎᔪᓐᓇᖅᓯᓚᐅᖅᐳᖅ ᐱᙳᐊᖅᑎᓂᒃ ᓄᓇᕗᒻᒥ, ᐱᓕᕆᓂᑯᒥᓂᒃ ᖃᐅᔨᓚᐅᖅᐳᖅ ᖁᕕᐊᓇᑦᑎᐊᖅᑐᒥᒃ ᐊᒻᒪ ᐃᒃᐱᒋᔭᒥᓂᒃ, ᓂᐅᕙᓐᓛᓐ ᐊᒻᒪ ᓛᐸᑐᐊᒥ ᑭᒡᒐᖅᑐᐃᓚᐅᖅᖢᓂ.

ᐊᐅᓚᓐᓂᐊᕐᓗᒍ ᐃᓱᒪᖓ, ᐋᓐᑐᓴᓐ ᓴᓇᐅᒐᓕᐅᓲᖅ ᒥᖅᓱᕐᓂᒃᑯᑦ, ᑎᑎᕋᐅᔭᕐᓂᒃᑯᑦ ᐅᕝᕙᓘᓐᓃᑦ ᓴᓇᙳᐊᕐᓂᒃᑯᑦ. ᓄᓇᒦᑉᐸᑦᑐᖅ, ᐱᓱᓪᓗᓂ, ᑰᒃᑰᕋᓗᐊᕈᓂ, ᖃᒧᑕᐅᔭᒃᑯᑦ ᐅᕝᕙᓘᓐᓃᑦ ᐅᒥᐊᖅᑐᖅᑐᓂ. ᐃᓅᓯᓕᕆᖃᑦᑕᖅᑐᖅ ᐊᒻᒪᓗ ᐊᑭᓕᖅᓱᖅᑕᐅᒐᓂ ᐃᑲᔪᖃᑦᑕᖅᑐᖅ. ᐃᒪᓐᓇᐅᒐᔪᒃᐸᒃᐳᖅ, ᐱᓕᕆᐊᖃᖅᑰᔨᕙᒃᐳᖅ ᖁᕕᐊᓱᒍᑕᐅᓕᓲᓂᒃ, ᐃᓚᓯᕙᙱᖦᖢᓂᓗ ᐊᒃᓱᕈᕐᓇᖅᑐᒥᒃ. ᖁᕕᐊᒋᓂᖅᐹᖓ ᕿᓯᓕᕆᓂᖅ ᐊᒻᒪ ᐊᖑᓇᓱᒋᐊᕐᓂᖅ. ᑕᒪᒃᑮᒃ ᐆᒻᒪᕆᑦᑐᒻᒪᕆᐅᒻᒪᑎᒃ ᐱᙳᐊᕐᕕᒻᒨᕆᐊᖃᕈᓐᓃᖅᑐᓂ, ᐊᒻᒪ ᐅᖃᐅᓯᖃᕈᓐᓇᖅᑐᓂ ᐃᓕᖅᑯᓯᑐᖃᕐᒥᓂᒃ ᖃᐅᔾᔨᑎᖏᓐᓂᑦ ᐊᓯᖏᓐᓄᑦ ᐊᑕᐅᑦᑎᒃᑯᑦ.

ᑲᔪᖏᖅᓴᐃᓂᕐᒧᑦ, ᐋᓐᑐᓴᓐ ᓂᐅᓪᓴᓐ ᒪᐃᐅᕐ, ᐊᖓᔪᖅᑳᖑᓚᐅᖅᓯᒪᔪᖅ ᑲᓇᑕᒥ ᑲᑐᔾᔨᖃᑎᒌᑦ ᐃᓚᒌᓐᓂᕐᒧᑦ ᐱᓕᕆᕝᕕᐅᔪᓂᑦ. ᒪᒃᑯᒃᑐᓄᑦ ᑲᑎᒪᔨᐅᖃᑕᐅᑎᓪᓗᒍ, ᖃᐅᔨᓚᐅᖅᐳᖅ ᓴᖅᑭᑦᑎᓚᐅᕐᓂᖓᓂᒃ ᐊᑲᐅᔪᒥᒃ ᐊᕙᑎᖃᕐᓂᖓᓂᒃ ᐊᒻᒪ ᒪᒃᑯᒃᑐᑦ ᓂᐱᖏᓐᓂᒃ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᓐᓂᒃ. ᐸᓂᖓᑦᑕᐅᖅ ᐱᔪᒃᓯᑎᑦᑎᕙᒃᑭᕗᖅ, ᕿᓄᐃᓵᕈᓐᓇᕐᓂᕐᒥᒃ ᐃᓕᓴᐃᕙᒃᖢᓂ, ᓱᒃᑲᐃᒡᓕᒋᐊᖅᑎᖦᖢᒍ ᐃᓕᓴᐃᔾᔪᑎᒋᕙᒃᖢᓂᐅᒡᓗ. "ᖁᕕᐊᓱᒃᑎᑕᐅᓲᖑᒻᒥᔪᖓ ᑭᓇᑐᐃᓐᓇᕐᒧᑦ ᖃᓄᐃᑦᓴᖏᑦᑐᒧᑦ ᓯᓚᑖᓄᑦ ᐊᑲᐅᒋᔭᖏᑕ, ᐅᐱᓐᓇᕋᓂ ᑕᒪᓐᓇ ᐱᔭᕆᐊᑐᓂᖅᐸᐅᖃᑕᐅᒻᒪᑦ, ᐅᐱᓐᓇᕋᓂ ᐊᒥᓱᑦ ᐃᓄᐃᑦ ᐊᑲᐅᑦᓴᖃᑦᑕᖏᒻᒪᑕ, ᐊᒻᒪᓗ ᐊᒥᓱᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ, ᐱᓗᐊᖅᑐᒥᒃ ᐃᓄᐃᑦ, ᐊᑦᓱᐊᓗᒃ ᐅᕙᑦᑎᓐᓄᑦ ᐊᓂᒐᓱᐊᕆᐊᑦᓴᖅ ᐊᑲᐅᒋᔭᑦᑎᓐᓂᒃ ᐊᒻᒪᓗ ᐃᓂᑭᑦᓴᕆᐊᖅ ᑕᐃᒫᒃ. ᐱᔪᒃᓯᑎᑦᑎᓪᓚᕆᒃᐳᖓ ᐃᓄᖕᓂᒃ ᑕᐃᒪᐃᑦᑐᓂᒃ," ᐋᓐᑐᓴᓐ ᐅᓂᒃᑳᖅᐳᖅ.

ᐃᓕᓐᓂᐊᕆᐊᓚᐅᖅᓯᒪᔪᖅ, ᐃᓕᓐᓂᐊᖅᑐᓂ, ᐅᑎᖅᑐᓂ ᐊᒻᒪᓗ ᒫᓐᓇ ᐃᖅᑲᓇᐃᔮᖃᑦᑎᐊᓕᖅᑐᖅ. ᐃᖃᐃᓕᓴᖅᑐᓕᕆᔨᐅᓪᓗᓂ, ᐋᓐᑐᕆᐊ ᐋᓐᑐᓴᓐ ᐱᓕᕆᖃᑎᖃᓲᖅ ᐋᓐᓂᐊᕕᓕᐊᖅᓯᒪᔪᓂᒃ ᐃᓅᓯᓕᒫᒥ, ᐃᑲᔪᖅᐸᒃᖢᓂᒋᑦ ᐊᑲᐅᓯᕚᓪᓕᖅᑎᖦᖢᒋᑦ ᖃᐅᑕᒫᑦ. ᐊᖏᕐᕋᖅᖢᓂ ᐊᒃᓱᕈᕐᓇᓚᐅᖅᑐᖅ, ᑭᓯᐊᓂ ᐃᓕᑦᑎᕐᔪᐊᓚᐅᖅᑐᖅ ᐃᑲᔪᕆᐊᒃᓴᖅ ᐅᑭᐅᖅᑕᖅᑐᒥ ᒫᓐᓇᓗ ᐃᓅᓯᖓᓂᒃ ᓴᓇᓕᖅᑐᖅ ᓯᕗᓕᖅᑎᒋᔪᒪᔭᖓᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕋᕕᑦ ᑖᔅᓱᒥᖓ ᑎᑎᕋᖅᓯᒪᔪᒥᑦ!