"ᐅᖃᖃᑦᑕᖅᑕᕗᑦ ᐱᓪᓚᕆᐊᓗᓐᓂᒃ ᐱᓕᕆᓂᐊᖅᑐᒍᑦ. ᐅᕙᓐᓄᓪᓕ, ᑕᒪᓐᓇ ᐃᔨᕋᖅᑑᕗᖅ ᑲᔪᓯᑦᑎᐊᕐᓂᕐᒧᑦ ᓇᒻᒥᓂᖁᑎᑦᑎᓐᓄᑦ. ᐅᖃᕐᓗᑎᑦ ᖃᓄᐃᓕᐅᕐᓂᐊᕐᓂᕋᕐᓗᑎᑦ ᓱᓕᓗᑎᓪᓗ ᓱᓕᓗᑎᓪᓗ ᐊᒻᒪ ᐃᓚᖏᑦ ᒎᓕᖑᓪᓗᑎᑦ," ᐅᖃᖅᑐᖅ ᐋᓐᔨ ᓵᓪᑦᒪᓐ. ᒍᕌᓐ ᐳᕆᐅᕆᒥ ᓄᓇᖃᖅᑐᖅ, ᐊᓪᐳᑕᒥ ᒪᕐᕉᓐᓂᒃ ᐅᐊᔭᒨᖅᑐᓂᒃ ᐱᓕᕆᕕᖃᖅᑐᖅ. 

"ᐅᖃᖃᑦᑕᖅᑕᕗᑦ ᐱᓪᓚᕆᐊᓗᓐᓂᒃ ᐱᓕᕆᓂᐊᖅᑐᒍᑦ. ᐅᕙᓐᓄᓪᓕ, ᑕᒪᓐᓇ ᐃᔨᕋᖅᑑᕗᖅ ᑲᔪᓯᑦᑎᐊᕐᓂᕐᒧᑦ ᓇᒻᒥᓂᖁᑎᑦᑎᓐᓄᑦ."

ᐃᓅᓂᑰᓪᓗᓂ ᐱᕈᖅᓴᓂᑰᓪᓗᓂᓗ ᐳᕆᓐᔅ ᔪᐊᔾ ᐳᕆᑎᔅ ᑲᓚᒻᐱᐊᒥ, ᓵᓪᑦᒪᓐ ᐅᔭᕋᖕᒥᒃ ᓄᑕᕋᐅᓚᐅᖅᐳᖅ ᓄᖅᑲᖅᖢᓂᓗ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ. ᐃᓅᓯᕆᓚᐅᑲᒃᑕᖓᓂ ᐃᓅᓯᖓᓂ ᑭᓯᐊᓂ. ᐃᐅᓪ ᓵᓪᕙᑐᐊᒦᓚᐅᖅᖢᓂ ᐆᒻᒪᖅᑯᑎᖃᙱᖦᖢᓂ ᑮᓇᐅᔭᖃᙱᖦᖢᓂᓘᓐᓃᑦ ᓂᕿᒧᑦ, ᓄᑖᒥᒃ ᐃᓱᒪᑖᓕᓚᐅᖅᑐᖅ ᐃᓅᓯᐅᑉ ᒥᒃᓵᓄᑦ ᐊᒻᒪ ᐱᔪᓐᓇᕐᓂᕆᔭᒥᓂᒃ ᑲᓇᑕᒥ. 

ᑲᓇᑕᐅᑉ ᓯᓚᑖᓂᙶᖅᖢᓂ ᐃᖅᑲᐃᓯᔾᔪᑎᒋᓚᐅᖅᐸᐅᒃ ᖃᓄᖅ ᐅᓄᖅᑐᓂᒃ ᐊᒃᓱᕈᕐᓇᖅᑐᖅᓯᐅᕈᑎᖃᖃᑦᑕᓚᐅᕐᒪᖔᑦ, ᓂᕆᔭᒃᓴᖃᐃᓐᓇᐅᔭᓚᐅᖅᐳᖅ ᐊᒻᒪ ᐊᓐᓄᕌᖃᖅᐸᒃᖢᓂ ᐊᒻᒪ ᐃᓕᑦᑎᓪᓗᓂ ᖃᓄᑐᐃᓐᓇᖅ ᖁᔭᓕᑲᑕᙱᖦᖢᓂ ᐊᔪᕈᓐᓃᖅᓴᖔᖅᖢᓂᓗ. ᐊᖏᕐᕋᒥᓄᑦ ᐅᑎᓚᐅᖅᑐᖅ ᓄᑖᒥᒃ ᐃᓱᒪᑖᖅᖢᓂ ᐃᓕᓐᓂᐊᒃᑲᓐᓂᖅᖢᓂᓗ ᖃᕆᓴᐅᔭᓕᕆᔨᐅᓂᕐᒧᑦ ᐃᓕᑕᕆᔭᐅᔾᔪᑎᑖᕈᓐᓇᖅᓯᓪᓗᓂ ᐃᖅᑲᓇᐃᔮᖅᑖᕈᓐᓇᖅᓯᓪᓗᓂᓗ ᖃᕆᑕᐅᔭᓕᕆᔨᐅᓂᕐᒧᑦ. ᓅᖦᖢᓂ ᐃᖕᒥᓂᒃ−ᐱᔪᓐᓇᑦᑎᐊᕐᓂᕐᒥᒃ ᓄᑖᙳᕐᖢᓂᓗ ᐃᖅᑲᓇᐃᔮᕆᓕᕐᓗᓂᐅᒃ. 

ᑲᓇᑕᒧᑦ ᐅᑎᕋᒥ, ᐊᓈᓇᑦᑎᐊᒃᑯᒥᓂᒃ ᐱᖃᑎᖃᐃᓐᓇᓚᐅᖅᑐᖅ, ᒍᕋᔾᔨᐅᖅᖢᓂ, ᐃᒐᓪᓗᓂ ᐊᒻᒪ ᐃᓕᓐᓂᐊᖅᖢᓂ ᖃᓄᖅ ᑭᒡᓕᖏᑦ ᐊᕿᒡᓕᑎᔪᓐᓇᕐᒪᖔᑦ ᐊᓈᓇᑦᑎᐊᒥᓂᒃ. ᓵᓪᑦᒪᓐ ᐃᖅᑲᓇᐃᔭᓚᐅᖅᑐᖅ ᐊᑭᑭᓛᒥᑦ ᑮᓇᐅᔾᔭᒃᓴᓪᓗᓂ ᓂᐊᖂᔭᓕᐅᖅᖢᓂ ᐃᓕᓐᓂᐊᖅᑎᓪᓗᒍ ᐃᓱᓕᑦᑎᓂᕐᒧᑦ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥᑦ ᓯᓚᑦᑐᖅᓴᕐᕕᖕᒧᐊᕈᓐᓇᖅᓯᖁᓪᓗᒍ. ᐊᒃᓱᕈᕐᓇᖅᑑᓚᐅᖅᑐᖅ ᑭᓯᐊᓂ ᐊᑐᓚᐅᖅᑕᖓ "ᐊᒪᒋᓂᕋᖅᖢᓂᐅᒃ." 

ᕿᒪᐃᓪᓗᓂ ᐊᖏᔪᐊᓗᖕᒥᒃ ᐊᓪᓚᖓᔪᓂᒃ ᐃᓚᒥᓂᒃ ᐳᕆᓐᔅ ᔪᐊᔾᒥ ᐊᒃᓱᕈᕐᓇᓚᐅᖅᐳᖅ ᓄᓇᒥᓂᒡᓗ ᕿᒪᐃᓯᒪᓪᓗᓂ ᐊᔾᔨᒌᙱᑦᑐᓂᒃ ᐃᒃᐱᒋᔭᒥᓂᒃ ᓴᖅᑭᑎᑦᑎᓕᖅᐸᒃᖢᓂ. ᐱᓪᓗᓂ ᖃᕆᑕᐅᔭᓕᕆᔨᐅᓂᕐᒧᑦ ᐃᓕᓐᓂᐊᕌᓂᒍᓯᐊᖅ ᒍᕌᓐ ᐳᕆᕆᒧᑦ ᐅᑎᕐᖢᓂᓗ ᐊᖏᕐᕋᖓᓄᑦ ᓂᕆᐅᒃᖢᓂ ᐃᖅᑲᓇᐃᔭᕆᐊᒃᓴᖅ ᖃᕆᑕᐅᔭᓕᕆᔨᐅᓂᕐᒧᑦ ᓚᓐᑕᓐ ᐋᖓᔮᕐᓇᖅᑐᓄᑦ ᐱᒋᐊᓚᐅᖅᑎᓪᓗᒍ ᓂᐅᕕᐊᒃᓴᖃᕐᓂᕐᒥᒃ ᓇᑎᖓᓂ.  ᐊᐅᓚᑦᑎᔨᖓ ᓂᐅᕕᐊᒃᓴᖃᐃᓐᓇᕈᒪᓚᐅᖅᑎᓪᓗᒍ, ᓅᓚᐅᖅᑐᖅ ᓚᓐᑕᓐᒧᑦ ᐃᓅᓕᓴᐅᑎᓄᑦ ᒍᕌᓐ ᐳᕆᕆᒧᑦ ᖃᕋᓴᐅᔭᓕᕆᔨᐅᓪᓗᓂ. 

ᑕᐃᑲᓃᓯᒪᓕᖅᑐᖅ ᐊᕐᕌᒍᓄᑦ 20-ᓄᑦ ᐊᒻᒪᓗ ᑲᑎᖃᑎᒋᓯᒪᓪᓗᓂᐅᒃ ᐅᐃᖓ ᐊᒻᒪᓗ ᓇᒻᒥᓂᖃᑦᑎᐅᔪᖅ ᓂᐅᕕᐊᔅᓴᖃᖅᑐᓂ ᖃᕋᓴᐅᔭᓂᒃ ᓚᓐᑕᓐ ᐋᙵᔮᕐᓇᖅᑐᓂᒃ. ᓯᕗᓪᓕᖅᐹᒥ ᐃᖅᑲᓇᐃᔭᓚᐅᖅᑐᑦ ᓯᓚᑦᑐᕐᓴᖅᕕᒻᒥ ᐊᒻᒪᓗ ᐅᖃᐅᓯᖃᑦᑐᑎᒃ ᐊᐃᑉᐸᕇᓐᓂᖏᓐᓂᒃ "ᓇᓪᓕᒋᔭᐅᓂᕐᒥᓂᒃ.". ᑲᑎᑎᑕᐅᓂᐅᑉ ᐅᖓᑖᓄᑦ, ᓄᓇᓕᓕᐅᖅᓯᒪᕗᖅ ᒍᕌᓐ ᐳᕆᒥ. 2010-ᒥ ᓇᖕᒥᓂᖃᕐᕕᒋᔭᒥᓂᒃ ᐅᒃᑯᐃᖅᓯᓚᐅᖅᓯᒪᕗᖅ ᐃᓚᒋᔭᐅᓪᓗᓂᓗ Rotary Club-ᑯᓐᓄᑦ, ᓇᖕᒥᓂᖃᕐᓂᕐᒧᑦ ᐱᓕᕆᖃᑎᒌᓂᒃ ᓄᓇᕐᔪᐊᕐᒥ, ᐊᓯᖏᓐᓂᒡᓗ ᐊᓯᖏᓐᓂᒃ ᐱᓕᕆᖃᑎᒌᓂᒃ. ᑲᑎᒪᔨᐅᖃᑕᐅᓯᒪᓕᖅᑐᖅ ᑲᓇᑕᒥ ᐃᓱᒪᓕᕆᔨᒃᑯᑦ ᑲᑐᔾᔨᖃᑎᒌᓄᑦ, ᐋᓪᐴᑕᒥ ᓄᓇᑦᓯᐊᕐᒥ 2010-ᒥ ᐱᒋᐊᖅᖢᓂ, ᐊᑭᓕᖅᓱᖅᑕᐅᙱᖦᖢᓂ ᐱᓕᕆᖃᑦᑕᖅᖢᓂ ᐅᑭᐅᑦ ᖁᓕᑦ ᐅᖓᑖᓄᑦ. 

ᐃᓚᖓ ᐊᖏᓛᖑᔪᖅ ᑐᓗᖅᑕᕈᑎᒋᕙᒃᑕᖓ ᓴᖅᑭᖃᑦᑕᖅᑐᖅ ᐃᖕᒥᓄᑦ ᖃᐅᑕᒫᑦ. "ᐃᓛᓐᓂᒃᑯᑦ, ᖃᓄᐃᙱᑦᑐᖅ ᐃᒡᓕᕐᒥ ᐊᓂᖃᑦᑕᙱᓪᓗᓂ. ᐃᓛᓐᓂᒃᑯᑦ ᐅᓪᓗᕐᒥᒃ ᐱᔭᕆᐊᖃᓲᖑᒐᕕᑦ, ᐃᓛᓐᓂᒃᑯᑦ ᐅᓪᓗᓕᒫᖅ ᐅᑕᖅᑭᔅᓲᔭᓕᓲᖑᒐᔅᓯ. ᑭᓯᐊᓂ ᐃᓱᒪᔪᖓ ᐊᖏᔪᖅ ᕿᐊᓕᕐᓗᒍ, ᑭᒍᑎᓯᐅᕐᓗᑎᑦ ᐅᑎᕐᓗᑎᓪᓗ. ᐃᓅᓯᖅ ᑲᒪᓇᖅᑐᒻᒪᕆᐅᕗᖅ, ᑲᒪᓇᖅᑐᒻᒪᕆᐅᓪᓗᓂ, ᐊᒻᒪ ᐊᔅᓱᕈᕐᓇᖅᑐᒻᒪᕆᐅᓪᓗᓂ. ᐊᑕᐅᑦᑎᒃᑯᑦ ᑖᓐᓇ ᐃᙱᐅᓯᑐᐃᓐᓇᐅᕗᖅ ᐃᓅᓯᕐᒧᑦ, ᖃᐅᔨᔭᐃᓐᓇᕆᓗᒋᑦ ᑖᒃᑯᐊ ᐊᑕᐅᑦᑎᒃᑯᑦ," ᑕᑯᒃᓴᐅᑎᑕᖓ. 

ᖃᓄᐃᙱᑦᑎᐊᖏᓐᓇᖁᓪᓗᒍ, ᓵᓪᑦᒪᓐ ᐊᒃᓱᕈᓛᖑᓇᓱᓲᖅ, ᐊᖅᑲᐅᒪᓪᓗᓂ ᐊᒃᓱᕈᓗᐊᖁᙱᖦᖢᒍ. ᓇᖕᒥᓂᖅ−ᑲᒪᒋᑦᑎᐊᕐᓂᖅ ᐊᒃᓱᕈᕈᑎᒋᕙᐅᒃ ᑭᓯᐊᓂ ᐃᓱᒪᒃᓴᖅᓯᐅᕐᓂᖅ, ᓂᖅᑐᐃᓂᖅ ᐊᒻᒪ ᓈᓚᖕᓂᖅ ᑐᓴᕐᓈᕐᓂᕐᒥᒃ ᐃᑲᔪᖅᐸᒃᐳᖅ ᐊᒃᓱᕈᕐᓇᖅᑐᒃᑰᓕᖅᐸᒃᖢᓂ. ᑐᓴᕐᓈᖃᑦᑕᕐᖢᓂ ᐱᐅᔪᒥᒃ ᑐᓴᖅᑎᑦᑎᓪᓗᓂ, ᐊᓂᒍᐃᔪᓐᓇᕐᖢᓂ ᐊᒃᓱᕈᕐᓇᖅᑐᓂᒃ. 

ᐊᓯᐊᒍᑦᑕᐅᖅ ᓵᓪᑦᒪᓐ ᖃᓄᐃᙱᑦᑎᐊᕋᓱᐃᓐᓇᓲᖅ ᖃᐅᔨᒋᐊᖅᐸᒃᖢᓂ ᐃᓱᒪᒥᐅᑕᖃᑦᑎᐊᖅᖢᓂ ᖃᓄᐃᓕᐅᖅᐸᖕᒪᖔᑦ ᐃᓄᖕᓄᑦ ᑐᓴᐅᒪᔾᔪᑎᓂᑦ. "ᖃᐅᔨᕗᖓᓕ ᐅᕙᓐᓂᒃ ᑕᑯᕙᓪᓕᐊᓕᕈᒪ ᐊᓯᓐᓄᑦ ᐃᓄᖕᓄᑦ ᐅᕙᓐᓄᑦ ᐱᓕᕆᓲᓄᑦ, ᐱᐅᓛᒃᑰᖅᑎᑦᑎᑐᐃᓐᓇᖅᐸᒃᖢᖓ, ᑕᒪᓐᓇᓗ ᐅᕙᓐᓂᒃ ᐱᐅᖅᑰᔨᑎᑦᑎᑐᐃᓐᓇᖅᖢᓂ. ᐃᓄᖕᓄᑦ ᑐᓴᐅᒪᔪᓕᕆᔾᔪᑎᑦ ᐊᑦᑕᕐᓇᒐᓚᒃᑐᖅ ᑕᐃᒪᓐᓇ," ᓇᓗᓇᐃᖅᓯᓪᓗᓂ. 

ᐱᕈᖅᓴᓪᓗᓂ, ᐱᓕᕆᔾᔪᑎᓂᒃ ᐊᑐᐃᓐᓇᖅᑕᖃᓚᐅᙱᑦᑐᖅ, ᑭᓯᐊᓂ ᐃᒡᓗᒦᑎᓪᓗᒍ ᐊᓂᒥᓂᒃ ᐊᒻᒪ ᐃᑭᐊᖅᑭᕕᖕᒧᐊᖅᖢᓂ, ᓇᒡᓕᒍᓱᓕᓚᐅᖅᑐᖅ. "ᐃᑭᐊᖅᑭᕕᒃ ᑖᓐᓇ ᐃᓂᑦᑎᐊᕙᐅᓚᐅᖅᑐᖅ ᑭᓱᑐᐃᓐᓇᑦᑎᐊᓂᒃ ᑕᑯᓇᒍᓐᓇᖅᖢᑎᑦ ᐊᒻᒪ ᐃᓄᖕᓂᒃ ᑐᓴᖅᑎᑦᑎᔪᓐᓇᖅᖢᑎᑦ ᓄᓇᕐᔪᐊᓕᒫᒥ. ᐃᓱᒪᑐᐃᓐᓇᕋᑖᕋᒪ ᑕᐃᒫᒃ ᓯᕗᓂᑦᓴᕗᑦ ᐃᖏᕐᕋᒻᒪᑦ. ᐃᑭᐊᖅᑭᕕᒃ ᓄᓇᕐᔪᐊᖅ ᒥᑭᑦᑐᑯᓘᑎᑦᑎᕗᖅ ᐃᓄᖕᓂᒃ ᑲᑎᙵᖃᑎᖃᕈᓐᓇᖅᖢᑕ," ᐃᖅᑲᐅᒪᔪᖅ. 

ᓅᓚᐅᖅᓯᒪᔪᖅ ᒍᕌᓐ ᐳᕆᕆᒧᑦ ᐊᔪᓕᕈᑎᒥᓂᒃ ᕿᒪᐃᓪᓗᓂ ᐊᒻᒪᓗ ᑕᐃᒃᑯᐊ ᓂᕆᑎᑦᑎᓚᐅᖅᑐᑦ ᐋᖓᔮᓐᓇᖅᑐᒥᒃ ᐅᕝᕙᓘᓐᓃᑦ ᐃᒻᒥᓂᒃ ᐊᑐᖃᑦᑕᖅᑐᓂᒃ. "ᖃᐅᔨᒪᔪᖓ ᐃᓅᓯᕋ ᐊᓯᔾᔨᕈᒪᓐᓂᕈᒃᑯ, ᖃᓄᐃᓕᐅᕆᐊᖃᕐᓂᐊᓚᐅᕋᒪ," ᐃᖅᑲᐅᒪᔪᖅ. ᕿᒪᒃᓯᓪᓗᓂ ᐱᕕᖃᖅᑎᖦᖢᒍ ᐃᓅᓯᖓ ᐊᓯᔾᔨᕋᓱᒃᓗᒍ. 

ᖃᖓᙳᖅᐸᓪᓕᐊᓂᖓᓄᑦ, ᑕᒪᕐᒥᒃ ᓇᖕᒥᓂᕆᔭᖏᑦ ᐱᕈᖅᓯᒪᓕᖅᐳᒃ 11−ᓄᑦ ᐃᓄᖕᓄᑦ ᐊᑭᓕᖅᓱᖅᑕᐅᓪᓗᑎᒃ ᐊᔾᔨᒌᙱᑦᑐᓂᒡᓗ ᑳᓐᑐᓛᖃᖅᑎᐅᔪᓂᒃ. "ᐊᖏᓛᖅ ᐱᔾᔪᑕᐅᓚᐅᖅᑐᖅ ᖃᓄᐃᒻᒪᑦ ᑕᐃᒪᐃᓚᐅᕐᒪᖔᑦ ᓲᖃᐃᒻᒪ ᐃᖢᕐᕆᔭᕆᐊᖃᓚᐅᕋᒪ, ᐃᓱᒪᓕᐅᕆᔪᓐᓇᖅᖢᖓ ᑭᐅᔾᔪᑎᓕᒫᑎᑦ ᐱᓯᒪᙱᑦᑕᕌᖓᕕᒋᑦ, ᖃᐅᔨᒪᒃᑲᓐᓂᕈᒪᓇᔭᖅᑐᑎᑦ, ᖃᐅᔨᓴᒃᑲᓐᓂᕈᓐᓇᖅᖢᑎᓪᓗ ᑭᓱᑐᐃᓐᓇᒥᒃ ᑕᐅᕗᖓᓕᒫᖅ," ᐃᖅᑲᐅᒪᔪᖅ. ᐊᑐᐃᓐᓇᖃᖅᑎᓪᓗᒋᑦ ᓄᕙᒡᔪᐊᕐᓇᒧᑦ ᐃᓇᖐᔾᔪᑎᑦ ᓇᖕᒥᓂᖃᕐᕕᖕᒧᑦ ᐊᑐᖅᑐᐊᕈᑎᑦ, ᐃᖅᑲᓇᐃᔭᖅᑎᑖᓚᐅᖅᐳᑦ ᐱᓕᕆᖃᑎᒌᓂᒃ ᐱᕙᓪᓕᐊᑎᑦᑎᓂᐊᖅᑐᓂᒃ ᓇᖕᒥᓂᖃᕐᕕᐅᔪᒥᒃ. 

ᑐᓂᓯᖃᑦᑕᕐᓂᕐᒧᑦ ᐱᔨᑦᑎᕋᐅᑎᓂᒃ ᐊᕐᕌᒍᑕᒫᑦ, ᐱᓕᕆᖃᑎᖃᕐᓂᕐᓗ ᓄᓇᖃᖅᑳᖅᓯᒪᔪᓂᒃ ᓇᖕᒥᓂᕆᔭᕐᓂᒃ, ᑲᑐᔾᔨᖃᑎᒌᓂᒃ ᐊᒻᒪ ᓄᓇᓕᕐᔪᐊᓂᑦ ᑲᒪᒋᔭᖏᓐᓄᑦ, ᓵᑦᒪᓐ ᓇᓂᓯᓪᓗᓂ ᐱᔪᒥᓇᖅᑐᒥᒃ ᓂᐅᕕᐊᒃᓴᖃᕐᓂᕐᒧᑦ ᓈᒻᒪᒃᓗᓂ. ᐱᓕᕆᐊᖃᖅᓯᒪᔪᖅ ᒐᕙᒪᒃᑯᑦ ᓂᐅᕕᖃᑦᑕᕐᓂᖏᓐᓄᑦ ᐊᒻᒪᓗ ᓇᓂᓯᓇᓱᐊᖅᑐᓂ ᓄᑖᓂᒃ ᐱᕕᒃᓴᖃᕝᕕᐅᒍᓐᓇᖅᑐᓂᒃ ᐱᕈᑉᐸᓪᓕᐊᓂᕐᒧᑦ, ᐃᓕᕋᓱᑐᐃᓐᓇᖏᓪᓗᓂ ᐱᓇᓱᐊᖏᖔᖅᑐᓂ ᐱᔨᑦᑎᕋᓱᐊᖅᑐᓂ ᐊᒥᓱᓂᒃ ᒥᑭᔫᑎᓂᒃ ᓇᒻᒥᓂᖃᑦᑎᐅᔪᓂᒃ.

"ᐃᓕᑦᑎᓚᐅᖅᑐᖓ ᒪᑭᒪᓇᓱᐊᕈᑎᓄᑦ ᐋᕿᒋᐊᕈᑎᖃᕐᓂᕐᒥᒃ, ᐃᓕᓐᓂᐊᖅᐸᓪᓕᐊᓕᕐᓂᕐᒥᒃ, ᑲᑎᑎᓪᓗᒋᑦ, ᖃᓄᖅ ᑐᑭᖃᕐᒪᖔᑦ, ᓇᐅᒃᑯᓪᓗ ᐱᓕᕆᔪᓐᓇᕐᒪᖔᕐᒪ, ᖃᓄᖅ ᐱᙳᐊᕈᓐᓇᕐᒪᖔᕐᒪ."

ᐃᓄᑑᑎᓯᒪᙱᒻᒥᔭᖓᑦᑕᐅᖅ. ᐃᓚᒋᔭᐅᓕᓚᐅᖅᑐᖅ ᑲᓇᑕᒥ ᑲᑎᒪᔨᓄᑦ ᓄᓇᖃᖅᑳᖅᓯᒪᔪᓄᑦ ᓇᖕᒥᓂᖃᕐᓂᕐᒧᑦ ᐊᓯᖏᓐᓄᓪᓗ ᓄᓇᖃᖅᑳᖅᓯᒪᔪᓄᑦ−ᑐᕌᖓᔪᓄᑦ ᑲᑐᔾᔨᖃᑎᒌᓄᑦ ᑲᒪᒋᔭᖃᖅᑐᓄᑦ ᓇᖕᒥᓂᖃᕐᕕᐅᔪᓂᒃ ᐊᒻᒪ ᐱᖁᑎᑖᖅᑎᑦᑎᔨᓂᒃ ᐱᕙᓪᓕᐊᑎᑦᑎᔪᓂᒃ. ᓵᓪᑦᒪᓐ ᐃᓚᐅᖃᑦᑕᖅᓯᒪᕗᖅ ᐊᔾᔨᒌᙱᕈᓘᔭᖅᑐᓄᑦ ᑲᑎᒪᕐᔪᐊᕐᓂᕆᔭᐅᔪᓄᑦ ᑲᑎᖃᑎᖃᖃᑦᑕᖅᓯᒪᓪᓗᓂᓗ ᓴᐃᒪᓐ ᕗᕋᐃᓱ ᓯᓚᑦᑐᖅᓴᕐᕕᒡᔪᐊᒥᒃ ᐊᑕᐅᓯᕐᒥ, ᐃᓕᑦᑎᕙᓪᓕᐊᓪᓗᓂ ᓄᓇᖃᖅᑳᖅᑐᑦ MBA−ᒧᑦ ᐱᓕᕆᐊᕆᔭᖓᓂᒃ. ᓯᕗᓪᓕᕐᒥ, ᐊᑎᓕᐅᕈᒪᙱᖦᖢᓂ ᐱᓪᓗᒍ ᓂᐱᑦᑕᖅᑐᖅ ᐃᓕᓐᓂᐊᕈᑎᖓᑕ ᐊᑭᖓ ᑭᓯᐊᓂ ᒫᓐᓇ ᐱᕙᒌᔭᓕᖅᑐᖅ ᐅᐸᒍᑎᓂᕐᒧᑦ.  

ᐅᖃᖅᑐᓂ ᐱᓪᓚᕆᒻᒥᒃ ᐱᓕᕆᓂᐊᕐᓂᕋᖅᑐᓂ ᐃᔨᕋᖅᑑᑕᐅᓪᓗᓂ ᑲᔪᓯᑦᑎᐊᕐᓂᖓᓄᑦ ᐋᓐᔨ ᓵᓪᑦᒪᓐ ᓇᒻᒥᓂᖁᑎᖏᓐᓄᑦ. ᐃᓚᖏᑦ ᒎᓕᒥᑦᑐᑦ ᐊᒻᒪᓗ ᓯᕗᓂᒃᓴᖅ ᖃᐅᒪᓪᓗᓂ ᐱᕈᖅᐸᓪᓕᐊᑎᓪᓗᒍ ᓯᕗᓂᒃᓴᒧᑦ ᑕᐅᑐᙳᐊᖅᑕᖓᓄᑦ ᑲᑉᐸᓂᐅᔪᓄᑦ. ᐃᓕᖅᑯᓯᑐᖃᕐᒥᓄᑦ ᐃᓕᓴᕐᓇᐅᑎᖃᕐᓂᖓ, ᓯᕗᓂᕆᓯᒪᔭᖏᑦ ᐊᒻᒪ ᓯᕗᓂᒃᓴᖓ ᓄᓇᖃᖅᑳᖅᓯᒪᔪᑦ ᐊᒻᒪ ᐊᓯᐊᒍᑦ ᐱᖃᕋᔭᙱᖦᖢᓂ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.

ᒪᐃ 2024−ᒥ ᓄᑖᙳᕆᐊᖅᓯᒪᔪᑦ: ᐋᓐᔨ ᐱᐊᓂᒃᓯᓵᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᕐᓂᕐᒧᑦ ᓯᕗᓕᖅᑎᙳᕆᐅᖅᓴᔪᓂᒃ ᐃᓕᑕᕆᔭᐅᔾᔪᑎᑖᖅᖢᓂ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᔨᐅᓂᕐᒧᑦ ᓴᐃᒪᓐ ᕗᕋᐃᓱ ᓯᓚᑦᑐᖅᓴᕐᕕᒡᔪᐊᕐᒥ! ᐊᒻᒪ ᓱᓕ, ᓇᖕᒥᓂᖃᕐᕕᒋᔭᖓ Saltmedia−ᒥ ᓇᓗᓇᐃᒃᑯᑕᖅᑖᖅᓯᒪᕙᒌᓕᖅᑐᖅ ᑲᓇᑕᒥ ᒐᕙᒪᒃᑯᑦ ᓂᐅᕕᖃᑦᑕᕐᓂᕐᒧᑦ.