"ᐊᒃᓱᐊᓗᒃ ᐃᖏᕐᕋᓂᐅᓵᖅᐳᖅ. ᐃᓕᓐᓂᐊᕆᐊᖏᓐᓇᖅᑰᔨᔪᖓ, ᑭᓯᐊᓂ ᐃᓅᓯᓕᒫᒧᑦ ᐃᓕᓐᓂᐊᖅᑎᐅᔪᖓ," ᐊᓂᑕ ᓛᕗᑎ. "ᒫᓐᓇᒧᑦ ᑎᑭᖦᖢᒍ ᐅᐊᓕᓂᕐᒥ ᐃᓕᓐᓂᐊᖅᓯᒪᕗᖓ, ᐅᕙᓐᓄᑦ ᐱᒻᒪᕆᐅᕗᖅ ᑲᔪᓯᑎᑦᑏᓐᓇᕆᐊᒃᓴᖅ ᐱᕈᖅᐸᓪᓕᐊᓂᕆᔭᐅᔪᒥᒃ ᐊᓪᓚᓂᒃ ᐃᓕᓐᓂᐊᖅᑎᑦᑎᕙᖕᓂᕆᔭᓐᓂᒃ ᓈᓚᓪᓚᕆᒃᖢᖓᓗ ᐊᓪᓚᓂᒃ ᖃᐅᔨᓴᖅᑎᓂᒃ ᐊᓪᓚᓂᒡᓗ ᖃᐅᔨᒪᓂᕐᒧᑦ ᑎᒍᒥᐊᖅᑎᓂᒃ," ᑲᔪᓰᓐᓇᖅᐳᖅ. ᓛᕗᑎ ᓕᑎᓕ ᑯᐄ ᓄᓇᖃᖅᑳᖅᓯᒪᔪᓂᙶᖅᑐᖅ, ᕗᐊᑦ ᓯᒻᑉᓴᓐ ᖃᓂᒋᔮᓂ ᓄᓇᑦᓯᐊᕐᒥ ᐊᒻᒪ ᒫᓐᓇᓵᒃᑯᑦ PhD-ᑖᓚᐅᖅᖢᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᒃᑲᓐᓂᖅᑎᓪᓗᒍ.

ᓇᓗᓇᐃᖅᓯᓂᖓ ᐅᓂᒃᑳᕆᔭᐅᓚᐅᖅᑐᖅ ᐊᓪᓚᐃᑦ ᐃᓕᑉᐸᓪᓕᐊᓂᖏᓐᓄᑦ ᓄᓇᒥᓪᓗ. ᐱᕈᖅᓴᓪᓗᓂ ᐋᓪᕘᑕᒥᐅᑕᐅᓚᐅᖅᓯᒪᖕᒥᔪᖅ ᐊᒻᒪ ᓴᔅᑳᑦᓱᐋᓐᒥ ᓄᓇᖃᓚᐅᖅᓯᒪᓪᓗᓂ, ᐊᑖᑕᒋᓚᐅᖅᑕᓂᓗ ᑯᕇ 6-ᒥᙶᖅᑐᖅ ᓄᓇᕘᒥ ᐊᒻᒪ ᐊᓈᓇᖓ ᓕᑕᓕ ᑯᐃ ᓄᓇᖃᖅᑳᖅᓯᒪᔪᓂᙶᖅᑐᖅ. ᖃᐅᔨᒪᓚᐅᙱᑦᑐᖅ ᖃᓄᐃᓕᐅᕈᒪᖕᒪᖔᑦ ᐃᓕᓐᓂᐊᕐᕕᐊᓗᖕᒥᑦ ᐃᓕᓴᐃᔨᖃᓗᐊᕋᓂᓗ ᐃᔾᔪᐊᒐᒃᓴᖃᕋᓂᓗ ᐃᓅᓯᖓᓂᑦ. ᐃᖅᑲᓇᐃᔭᓕᓚᐅᖅᑐᖅ ᓯᑏᕙᓐ ᑲᒃᕗᐃᒧᑦ ᒪᓕᒐᓕᐅᕐᕕᖕᒥ ᔭᓗᓇᐃᒥ, ᐊᕙᓗᔭᐅᓯᒪᓪᓗᓂ ᑲᒪᓇᖅᑐᓄᑦ ᐊᓪᓚᓄᑦ ᐊᓯᔾᔨᖅᑐᓄᑦ ᓄᓇᕐᔪᐊᒥ. ᑲᔪᖏᕐᓴᐃᓚᐅᖅᑐᑦ ᑲᔪᓯᖁᓪᓗᒍ ᐃᓕᓐᓂᐊᖅᑕᒥᓂᒃ ᓴᖅᑮᔪᓐᓇᕐᓂᐊᕐᒪᑦ ᐊᓯᑦᔨᓂᕐᒥᒃ ᓇᒻᒥᓂᖅ, ᒐᕙᒪᓕᕆᓂᒃᑯᑐᐃᓐᓇᐅᖏᑦᑐᖅ.

ᑕᐃᒪᐃᒻᒪᑦ ᐃᓱᒪᓕᐅᓚᐅᖅᐳᖅ ᓄᑦᑎᕈᒪᓪᓗᓂ ᖃᓪᓗᓈᑦ ᓄᓇᖓᓐᓄᑦ ᐊᒻᒪ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᓕᓐᓂᐊᖅᑐᓕᕆᓂᕐᒧᑦ ᓄᑲᖅᑎᐅᓂᖅᓴᓄᑦ. ᐃᖅᑲᓇᐃᔭᓕᓚᐅᖅᑐᖅ ᐃᓕᓐᓂᐊᕐᕕᐊᓗᒻᒥ ᐃᐊᑦᒪᓐᑕᓐ ᖃᓂᒋᔮᓂ, ᐃᑲᔪᖅᑐᐃᑦᑎᐊᓚᐅᖅᑐᖅ ᐃᓕᓴᐃᔨᓄᑦ ᐊᖓᔪᖅᑳᒥᒃ ᑎᓕᐅᕆᓪᓗᓂ ᑲᔪᓯᖁᓪᓗᒍ. ᑕᒪᓐᓇ ᑎᓕᐅᕆᓂᐅᔪᖅ ᐱᔭᕇᕈᑕᐅᓕᓚᐅᖅᑐᖅ ᖁᑦᑎᓂᖅᐹᒥ ᐃᓕᓐᓂᐊᖅᑐᓕᕆᓂᕐᒧᑦ ᓯᕗᓕᖅᑎᐅᓂᕐᒥᒃ ᐊᒻᒪᓗ ᐊᐅᓚᑦᑎᓂᕐᒥᒃ ᐊᒻᒪᓗ ᑕᐃᒃᑯᐊ ᐃᓄᐃᑦ ᐊᕙᓗᔭᐅᓚᐅᖅᑐᑦ ᑎᓕᐅᕆᓪᓗᑎᒃ ᑲᔪᓯᖁᓪᓗᒍ PhD-ᒥᓂᒃ, ᖃᐅᔨᒪᓪᓗᓂ ᐊᔾᔨᐅᖏᑦᑐᒥᒃ ᐅᖃᐅᓯᖃᕆᐊᖃᓚᐅᕐᒪᑦ.

ᐃᓕᓐᓂᐊᕆᐊᖅᓯᒪᓕᖅᖢᓂ, ᐅᖃᐅᔾᔪᐃᒋᐊᖅᓯᒪᔪᖅ ᒪᒃᑯᒃᑐᓂᑦ ᐃᓱᒪᓕᒪᓪᓗᓂ ᐊᔾᔨᑦᑎᐊᖓᓂᑦ. "ᐱᓕᕆᖃᑦᑕᖅᓯᒪᔭᒃᑯᑦ, ᓯᓚᑦᑐᖅᓴᕐᕕᖕᒥ, ᐃᖃᓗᒃᑭᐅᖅᑰᔨᒐᕕᑦ ᐃᒫᓂ ᑲᑉᐱᐊᓇᕈᓐᓇᖅᖢᓂᓗ. ᐅᕙᓐᓄᓪᓕ, ᑕᐃᒃᑯᐊᓴᐃᓐᓇᐃᑦ ᐃᖃᓗᐃᑦ ᐅᕝᕙᓘᓐᓃᑦ ᑕᐃᒃᑯᐊᓴᐃᓐᓇᐃᑦ... ᓇᓂᓯᓇᓱᒃᓗᓂ ᑕᐃᒃᑯᓂᖓᑦᑕᐃᓐᓇᖅ ᐃᓄᖕᓂᒃ ᑎᓕᐅᕆᓂᐊᖅᑐᓂᒃ ᐃᓕᖕᓂᒃ ᐱᕈᖅᐸᓪᓕᐊᖁᓗᒋᑦ ᐆᒃᑐᕐᓗᑎᒃᓗ ᓄᑖᓂᒃ," ᐅᖃᖅᑐᖅ. ᓄᑖᓂᒃ ᐆᒃᑐᖅᖢᓂ ᐊᔪᕐᓇᕈᓐᓇᖅᑐᖅ ᖃᐅᔨᒍᕕᑦ ᐱᐅᙱᓐᓂᖓᓂᒃ ᓄᑖᓂᒃ ᐆᒃᑐᖅᑕᕐᓂᒃ, ᑎᓕᐅᕆᔪᖅ ᒪᒃᑯᒃᑐᓂᒃ ᐃᖅᑲᐅᒪᖁᓪᓗᒋᑦ ᑐᓐᓂᖅᑯᓯᐊᖏᓐᓂᒃ. "ᑐᓐᓂᖅᑯᓯᐊᖃᐃᓐᓇᐅᔭᖅᑐᒍᑦ, ᑕᐃᒃᑯᐊᓗ ᑐᓐᓂᖅᑯᓯᐊᑦ ᓴᖅᑭᑉᐸᒃᖢᑎᒃ ᐃᓛᓐᓂᒃᑯᑦ ᐃᓅᓯᑦᑎᓐᓂ, ᐃᓅᓯᓕᒫᑦᑎᓐᓂ," ᓇᓗᓇᐃᖅᓯᓪᓗᓂ.

ᐊᒃᓱᕈᕐᓇᖅᑐᑦ ᓴᖅᑭᑦᑐᓐᓇᖅᑐᑦ ᖃᓄᕈᓘᔮᓗᒃ, ᓲᕐᓗ ᑮᓇᐅᔭᖃᖅᑎᑕᐅᓂᒃᑯᑦ, ᐅᕝᕙᓘᓐᓃᑦ ᓛᕝᑐᓕᒃᑯᑦ, ᐃᓄᑑᓗᑎᒃ ᐊᖓᔪᖅᑳᖑᓗᑎᒃ ᑕᐃᑲᓂ. ᓇᓂᓯᓂᖅ ᐃᑲᔪᖅᓱᐃᔨᓂᒃ ᐃᓄᖕᓂᒃ ᐊᔾᔨᕐᓚᖏᓐᓂ ᐊᑐᕐᓂᕐᓂ ᐃᑲᔫᑎᖃᕈᓐᓇᖅᑐᖅ, ᐃᓄᖕᓂᒃ ᖃᐅᔨᒋᐊᕐᕕᐅᔪᓐᓇᖅᑐᓂᒃ. ᓛᕗᑎ ᑎᑎᕋᐅᔭᖅᑕᐅᓚᐅᖅᐳᖅ ᓄᓇᖃᖅᑳᖅᓯᒪᔪᑦ ᐱᓕᕆᕝᕕᖏᓐᓄᑦ ᓯᓚᑦᑐᖅᓴᕐᕕᒡᔪᐊᓂ ᐃᓚᐅᕝᕕᒋᔭᒥᓄᑦ, ᓇᓂᓯᓪᓗᑎᒃ ᐃᑲᔪᖅᑐᐃᔪᓐᓇᕐᓂᕐᒥᒃ ᐊᔪᕈᓐᓃᖅᓴᖅᑎᑕᐅᓂᕐᒥᒃ ᓇᓂᓯᓂᕐᒥᒡᓘᓐᓃᑦ ᑮᓇᐅᔭᑎᒍᑦ ᐃᑲᔪᖅᑕᐅᓂᕐᒥᒃ.

ᑎᓕᐅᕆᔪᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᖏᓐᓂᒃ ᐃᑲᔪᖅᑕᐅᔪᒪᓗᑎᒃ ᓯᓚᑦᑐᖅᓴᕐᕕᒡᔪᐊᒥ ᓄᓇᖃᖅᑳᖅᓯᒪᔪᑦ ᐱᓕᕆᕝᕕᖏᓐᓂ ᓇᖕᒥᓂᖅ ᓇᓂᓯᒃᐸᑕ ᐊᔾᔨᕐᓚᖏᓐᓂ ᐊᑐᖅᑐᓂᑦ. "ᑲᑉᐱᐊᓱᙱᓪᓗᑎᑦ ᐊᐱᕆᔭᕆᐊᒃᓴᖅ ᓲᖃᐃᒻᒪ ᑕᐃᑯᖓ ᑎᑭᐅᑎᒍᕕᑦ, ᐃᓛᓐᓂᒃᑯᑦ ᑭᖑᕙᓗᐊᑐᐃᓐᓇᕆᐊᓕᒃ. ᐃᓕᓐᓂᐊᕈᓐᓃᖅᑎᑦᑎᔭᕆᐊᖃᕋᓗᐊᕈᕕᑦ ᐅᕝᕙᓘᓐᓃᑦ ᐃᓕᓴᐃᔨᖃᕆᐊᖃᕋᓗᐊᕈᕕᑦ, ᐅᕝᕙᓘᓐᓃᑦ ᑮᓇᐅᔭᖅᑖᕆᐊᖃᕋᓗᐊᕈᕕᑦ, ᓄᖅᑲᖓᑎᑦᑕᐃᓕᒍᒃ," ᐱᖁᔨᕗᖅ. ᓛᕗᑎ ᑐᑭᓯᐅᒪᔪᖅ ᖃᓄᖅ ᐊᔪᕐᓇᖅᑎᒋᓂᖓᓂᒃ ᓄᓇᔅᓯᓐᓂ ᐊᐅᓪᓚᖅᓯᒪᔭᕆᐊᒃᓴᖅ ᖃᓪᓗᓈᓄᓪᓗ ᐊᐅᓪᓚᕐᓗᓂ ᐃᓕᓐᓂᐊᕆᐊᕐᓗᓂ ᑕᐃᒪᐃᒻᒪᑦ ᐱᓕᕆᕗᖅ ᐃᓕᓴᐃᔨᙳᕆᐅᖅᓴᔪᓂᒃ ᐅᑭᐅᖅᑕᖅᑐᒧᐊᖅᑎᑦᑎᒃᑲᓐᓂᕋᓱᒃᖢᓂ ᐱᔭᐅᔭᕆᐊᖃᕈᓐᓃᖁᓪᓗᒍ.

"ᐃᓅᓱᒃᑑᓪᓗᖓ ᐊᓪᓚᐅᓪᓗᑕ ᑕᕝᕙᓂ ᓄᓇᕐᔪᐊᕐᒥ ᐃᓅᕝᕕᒋᔭᑦᑎᓐᓂ, ᓂᐱᓯ ᐱᒻᒪᕆᐅᖕᒪᑕ."

"ᓂᐱᒋᔭᓯ ᐱᒻᒪᕆᐅᖕᒪᑕ ᖃᐅᔨᒪᓪᓗᑎᒡᓗ ᓂᐱᓯ ᐱᒻᒪᕆᐅᖕᒪᑕ ᐃᓂᐅᔪᓂᑦ ᐱᒻᒪᕆᐅᖕᒪᑕ ᑕᐃᒪᓐᓇᓗ ᑐᓴᖅᑕᐅᖁᓇᔭᖅᑕᕋ ᒪᒃᑯᖕᓂᖅᓴᓄᑦ ᐊᒻᒪᓗ ᐃᓕᓐᓂᐊᖅᑎᓄᑦ ᓇᖕᒥᓂᖅ ᐊᒃᓱᕈᓕᑐᐃᓐᓇᕆᐊᓖᑦᑕᐅᖅ, ᓂᐱᓯ ᐊᑑᑎᖃᕐᒪᑕ," ᐅᖃᖅᑐᖅ, ᓂᕆᐅᖕᓂᖅ ᐊᓯᖕᓂᑦ ᐃᓕᑦᑎᔪᓐᓇᕆᐊᒃᓴᖅ ᐃᖏᕐᕋᓂᕆᔭᖓᓂᑦ ᑕᑯᔭᕆᐊᒃᓴᖅ ᐊᑑᑎᖃᖅᑐᒥᑦ.

ᐊᑯᓂᐊᓗᒃ, ᐃᓚᒋᔭᐅᖅᑰᔨᓚᐅᖅᓯᒪᙱᑦᑐᖅ, ᐱᓗᐊᖅᑐᒥᒃ ᓯᕗᓪᓕᕐᓂ ᑭᖑᕚᕇᓄᑦ ᐃᓕᓐᓂᐊᖅᑎᓄᑦ ᖃᑕᙳᑎᖏᓐᓄᑦ ᓯᓚᑦᑐᖅᓴᕐᕕᒡᔪᐊᓕᐊᕆᐊᒃᓴᖅ. ᑕᑯᓚᐅᙱᒻᒥᔪᖅ ᐊᓪᓚᓂᒃ ᐅᕝᕙᓘᓐᓃᑦ ᑯᕇ ᑮᓇᖏᓐᓂᒃ ᐊᕙᑎᒋᓕᓵᖅᑕᒥᓂᒃ, ᐃᓕᑦᑎᔪᒻᒪᕆᐅᓚᐅᕋᓗᐊᖅᑎᓪᓗᒍ ᐃᓐᓇᕐᓂᒃ ᐊᒻᒪ ᓄᓇᓕᖕᓂ ᓄᓇᖃᖃᑕᐅᓂᕐᒥᓂᒃ ᐊᐅᓪᓚᖅᓯᒪᑎᓪᓗᒍ.

ᓄᓇᑐᐃᓐᓇᕐᒥ ᐃᓕᓐᓂᐊᖃᑦᑕᓚᐅᕐᒪᑦ, ᓄᓇᒦᖃᑦᑕᓚᐅᕐᒪᑦ ᐊᒻᒪᓗ ᔫᒐᒥᒃ ᐃᓱᒪᓕᓚᐅᕐᒪᑦ. "ᐃᓅᓯᓐᓂ ᐱᔭᕆᐊᖃᕋᒪ, ᓇᖕᒥᓂᖅ ᐅᔾᔨᕈᓱᒋᐊᖃᖅᑐᖓ, ᐱᓗᐊᖅᑐᒥᒃ ᑖᓐᓇ ᐊᒃᓱᕈᕐᓇᖅᑐᖅ ᐊᒻᒪ ᐱᓕᕆᕈᓘᔭᕐᓇᖅᑎᓪᓗᒍ ᑎᑎᕋᕋᓗᐊᕈᕕᑦ ᐅᕝᕙᓘᓐᓃᑦ ᐱᓕᕆᐊᒃᓴᖃᕋᓗᐊᕈᕕᑦ ᐅᕝᕙᓘᓐᓃᑦ ᐊᖏᕐᕋᕐᓂ," ᐅᖃᐅᓯᖃᖅᑐᖅ. ᓛᕗᑎ ᐱᒻᒪᕆᐅᒋᕙᐅᒃ ᐃᓄᑑᖃᑎᖃᕆᐊᒃᓴᖅ ᐃᒻᒥᓂᒃ ᑕᐅᑐᓪᓗᐊᑕᕐᓗᓂ, ᐊᒻᒪᓗᑦᑕᐅᖅ ᓱᒃᑲᐃᒡᓕᒋᐊᕐᓗᓂ.  ᐃᓚᒥᓂᒃ ᐱᖃᓐᓇᕆᔭᒥᓂᒡᓗ ᐱᖃᑎᖃᖅᐸᒃᑭᕗᖅ ᓇᓕᒧᒌᒃᑎᓐᓇᓱᒃᖢᒋᑦ. ᑭᓯᐊᓂ ᐊᓯᐊᓂᒃ ᐃᑲᔪᓲᒥᒃ ᓴᐃᓕᓐᓇᖅᑐᒥᒃ ᐱᑕᖃᕐᒥᔪᖅ.

"ᓄᓇᐅᔪᖅ ᐃᒡᓗᒌᒃᑎᓐᓇᓱᒃᑕᕋ. ᑕᒪᓐᓇ ᐱᐅᒋᓗᐊᖅᑕᕋ, ᐱᓱᕋᔭᖕᓂᐊᕋᓗᐊᕈᒪ, ᐅᕝᕙᓘᓐᓃᑦ ᐃᓚᓐᓂ ᐱᖃᑎᖃᕐᓗᓂ ᐊᒻᒪ ᐃᒃᓯᕙᖃᑕᐅᓗᓂ ᐃᑭᑦᑐᒥ, ᐸᐅᕐᖓᖅᓯᓗᓂ, ᐃᓅᓕᓴᐅᑎᓂᒃ ᐊᐃᒃᖠᕐᓗᓂ," ᐅᖃᖅᖢᓂ. ᐊᐃᑉᐸᖓᑦᑕᐅᖅ ᐱᕕᔾᔪᐊᖑᖃᑕᐅᔪᖅ ᐃᓚᒥᓄᑦ ᓇᓂᓯᒐᓱᐊᕐᓂᖓᓄᑦ ᓇᓕᒧᒌᑦᑎᑦᓯᓂᕐᒥᒃ ᓇᓪᓕᐅᓂᖅᓯᐅᕐᓂᖅ.

" ᐅᐃᒪ ᓄᑲᖓ ᐊᓕᒃᓯᔅ ᓄᓇᖃᖅᑳᖅᓯᒪᔪᓂᙶᖅᑐᖅ ᐊᑯᓂᐊᓗᒡᓗ ᖁᕕᐊᓲᑎᖃᖅᐸᒃᖢᑕ ᐊᒻᒪ ᑲᑎᙵᖃᑎᖃᓪᓚᕆᒃᖢᑕ ᐅᒃᐱᕐᓂᓕᕆᑎᓪᓗᑕ ᓄᓇᖃᖅᑳᖅᓯᒪᓂᑦᑎᓐᓂ. ᑕᒪᓐᓇ ᐅᕙᓐᓄᑦ ᐱᒻᒪᕆᐅᒻᒪᑦ, ᐃᖏᕐᕋᑎᓪᓗᖓ. ᐃᑲᔪᖅᓯᒪᔪᖅ ᕿᑎᐊᓃᖦᖢᓂ ᐅᕙᓐᓄᑦ ᐃᑲᔪᕐᖢᓂᓗ ᓯᕗᓕᕐᓗᒍ ᐃᖅᑲᓇᐃᔮᕋ, ᖃᐅᔨᒪᓪᓗᓂ ᐃᓚᒋᖕᒪᒍ ᑭᓱᓕᒫᓄᑦ ᐱᓕᕆᐊᓐᓄᑦ ᕿᑎᐊᓃᖦᖢᓂᓗ ᑭᓇᐅᓂᓐᓄᑦ," ᓛᕗᑎ ᐅᖃᐅᓯᕆᑦᑎᐊᕐᖢᓂᐅᒃ.

ᑲᔪᖏᖅᓴᐃᓂᖓ ᐊᓈᓇᐅᖅᑳᖅᐳᖅ ᓄᓇᕐᔪᐊᖅ ᐊᒻᒪᓗ ᐊᐃᑉᐸᕆᓪᓗᓂᐅᒃ ᓯᕗᓕᕆᓚᐅᖅᑕᖏᑦ, ᖃᐅᔨᒪᓪᓗᑎᒃ ᓯᕗᓕᕕᓂᖏᑦ ᐃᓄᖁᑎᖏᑦ ᓴᙱᔫᖁᓪᓗᓂᒋᑦ. "ᖃᓪᓗᓈᓂ ᐃᓕᓐᓂᐊᖅᓯᒪᕗᖓ ᒫᓐᓇᓗ ᖃᐅᔨᒪᓕᖅᐳᑎᑦ ᓴᙱᔪᒥᒃ ᑭᓇᐅᓂᓐᓂᒃ ᐊᓪᓚᐅᓪᓗᖓ, ᑕᐃᒪᓐᓇᓗ ᑲᔪᓰᓐᓇᖅᑎᑦᑎᕗᖅ, ᐸᓂᒐᓗ ᖃᐅᔨᒪᓪᓗᓂ ᐃᓅᓯᖓ ᐊᔾᔨᒋᙱᑦᑎᐊᕐᒪᒍ ᓇᖕᒥᓂᖅ ᐃᕐᖑᑕᓐᓂᓪᓗ ᑕᐃᒪᐃᖃᑦᑕᕐᓂᓐᓂᒃ ᐊᓯᖏᓐᓂᒡᓗ ᖃᐅᔨᒪᓪᓗᑕᓗ ᐊᒥᓱᑎᒍᑦ ᓴᖅᑭᑉᐸᓪᓕᐊᒐᑦᑕ ᑕᒪᑐᒥᖓ ᖃᓪᓗᓈᓂᒃ ᐃᓕᓐᓂᐊᕐᓂᕐᒥᒃ ᑭᓯᐊᓂᓗᑦᑕᐅᖅ ᓴᙱᓪᓗᑕ ᐃᓕᖅᑯᓯᑦᑎᓐᓂᒃ ᐊᑐᕐᓗᑕ, ᑭᓯᐊᓂᓗᑦᑕᐅᖅ ᓴᙱᓪᓗᑕ ᐃᓕᖅᑯᓯᑦᑎᓐᓂᒃ. ᓇᑭᙶᕐᓂᖏᑦ, ᖃᐅᔨᒪᓪᓗᑕ ᓴᙱᓂᖅᓴᒥᒃ ᓄᓇᖃᓕᕐᓂᑦᑎᓐᓂᒃ," ᐊᓕᐊᓇᔅ.

ᐅᖃᐅᓯᖃᕐᒪᑦ ᑎᓕᐅᕆᓂᕐᒥᒃ ᒪᓕᒐᓕᐅᖅᑎᓄᑦ ᓴᓐᖏᓂᖅᓴᒥᒃ ᓄᓇᓕᕐᔪᐊᖑᔪᒥᒃ ᓴᖅᑭᓛᖅᑐᒥᒃ. ᐅᖃᖅᑐᓂ, "ᑲᔪᓯᒋᑦ. ᐊᒃᓱᕈᕐᓇᕈᓐᓇᖅᑐᖅ ᖃᓄᑐᐃᓐᓇᖅ ᐱᓕᕆᐊᕆᔭᑦᑎᓐᓂ. ᓯᕗᓕᕕᓂᓯ ᐃᓕᖕᓂᒃ ᐱᖃᑎᖃᖅᐳᑦ, ᖃᐅᔨᒪᓪᓗᑕ ᐅᕙᑦᑎᓐᓂᒃ ᐊᓂᒍᐃᔪᓐᓇᕐᓂᑦᑎᓐᓂᒃ ᑲᔪᓯᑎᑦᑎᔪᓐᓇᕐᓂᑦᑎᓐᓂᒃ." ᓛᕗᑎ ᖁᕕᐊᓱᒃᑐᖅ ᒪᒃᑯᒃᑐᓄᑦ ᐃᓕᑦᑎᒃᑲᓐᓂᕈᒪᓪᓗᓂ ᓇᒧᙵᐅᕙᓪᓕᐊᓂᕆᔭᖓᑕ ᒥᒃᓵᓄᑦ. ᑕᑭᔫᓯᒪᔪᖅ, ᐊᒻᒪᓗ ᐃᓕᓐᓂᐊᖏᓐᓇᖅᑑᔮᖅᑐᖅ, ᑭᓯᐊᓂ ᐃᓅᓯᓕᒫᒧᑦ ᐃᓕᓐᓂᐊᖅᑎᐅᔪᖅ (ᐊᒻᒪᓗ ᐃᓕᓴᐃᔨ!).

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.