"ᐊᒃᓱᕉᑎᖃᐃᓐᓇᐅᔭᖅᑐᖓ ᐅᓂᒃᑳᕐᓂᕐᒥᒃ," ᓇᓗᓇᐃᖅᓯᓪᓗᓂ ᐋᓐᑕ ᑲᓇᐃᑎᐊᓐ. ᑎ ᒋᐅᓪ ᒍᐃᑦ'î First Nation-ᒥᐅᑕᖅ ᕗᐊᑦ ᕙᓐᔅᒥᑦ, ᓄᓇᑦᓯᐊᕐᒥᑦ ᑭᓯᐊᓂ ᒫᓐᓇ ᓄᓇᖃᖅᑐᖅ ᐅᐊᓐᓇᖓᓂᑦ ᕚᓐᑰᕙᒥ ᐃᓕᓐᓂᐊᕆᐊᒃᑲᓐᓂᖅᑎᓪᓗᒍ. ᐱᓇᓱᐊᖅᑐᖅ ᖁᕕᐊᒋᔭᖃᕐᓂᕐᒥᑦ ᐅᓂᒃᑳᕐᓂᕐᒥᑦ ᐃᖅᑲᓇᐃᔮᖃᓕᖅᓱᓂᓗ.

ᑭᖑᒧᑦ ᑕᑯᒋᐊᖅᖢᒍ ᐃᓕᓐᓂᐊᕐᓂᖓ ᐱᓕᕆᔨᒻᒪᕆᐅᓂᕐᒧᓪᓗ ᓇᒧᙵᐅᕙᓪᓕᐊᓂᕆᔭᖓ, ᑲᓇᐃᑎ ᐃᓚᐅᓚᐅᖅᐳᖅ ᓄᓇᕐᔪᐊᓕᒫᒥ Baccalaureate−ᒧᑦ ᐱᓕᕆᐊᖑᕙᒃᑐᒧᑦ ᒪᕐᕉᖕᓄᑦ ᐊᕐᕌᒎᖕᓄᑦ ᐊᓂᒍᐃᓪᓗᓂᓗ ᓕᔅᑐ ᐱᐅᓴᓐ ᓯᓚᑦᑐᖅᓴᕐᕕᖕᒥ ᐅᕙᓂ, Pacific−ᒥ ᕕᒃᑐᐊᕆᐊᒥ. ᐃᓕᓐᓂᐊᕌᓂᒃᖢᓂ, ᐃᖅᑲᓇᐃᔭᓚᐅᖅᓯᒪᔪᖅ Up Here Magazine ᐊᒻᒪ CKLB ᓈᓚᐅᑎᒃᑯᑦ ᐊᕐᕌᒍᓄᑦ ᒪᕐᕉᖕᓄᑦ. ᒪᒃᑯᒃᑐᓕᕆᖃᑦᑕᓚᐅᕐᒥᔪᖅ ᓄᓇᒥᓂ. ᑭᖑᓂᐊᒍᑦ, ᐃᓚᐅᓕᓚᐅᖅᑐᖅ ᓰᕖᓰᒃᑯᑦ ᓄᑖᑦ ᓄᓇᖃᖅᑳᖅᓯᒪᔪᑦ ᓂᐱᖏᓐᓄᑦ ᐱᓕᕆᐊᒧᑦ ᑲᓇᑕᒥ ᑕᕐᕆᔭᐅᓯᐊᓄᑦ ᐱᓕᕆᕝᕕᖕᒥ ᓴᖅᑭᑦᑎᓚᐅᖅᑐᖅ ᑕᕐᕆᔮᒃᓴᒥᒃ. ᐱᓇᔪᖃᑕᐅᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᑕᕐᕆᔭᐅᓯᐅᕐᓂᕐᒧᑦ ᐃᓕᑕᕆᔭᐅᔾᔪᑎᑖᕐᓂᕐᒧᑦ ᐱᓕᕆᐊᒧᑦ Capilano ᓯᓚᑦᑐᖅᓴᕐᕕᒡᔪᐊᕐᒥ ᐱᓕᕇᓐᓇᖅᖢᓂᓗ Bachelor of Motion Arts Program-ᒧᑦ.

ᐱᕈᖅᓴᓪᓗᓂ ᐃᓕᖅᑯᓯᑐᖃᕐᒥᓂ ᐊᖕᒪᓗᖅᓯᓯᒪᔪᓂ, ᑲᓇᐃᑎᐊᓐ ᐃᒃᐱᒍᓱᓚᐅᖅᐳᖅ ᐅᓂᒃᑳᖅᑐᐊᖏᑦ ᐱᒻᒪᕆᐅᓂᖏᓐᓂᒃ ᑕᕐᕆᔮᒃᓴᓕᐅᖅᑎᑦ ᓄᓇᖓᓂ. ᑮᓇᐅᔭᖅᑕᖃᑦᑎᐊᖅᑎᓪᓗᒍ ᓄᓇᖃᖅᑳᖅᓯᒪᔪᓄᑦ ᑕᕐᕆᔭᐅᓯᐅᖅᑎᓄᑦ ᖃᐅᔨᒪᓪᓗᓂᓗ ᐃᓕᓐᓂᐊᒃᑲᓐᓂᕆᐊᖃᕐᓂᖓᓂᒃ ᐊᒻᒪ ᐱᐅᓂᖅᓴᓂᒃ ᐱᕕᒃᓴᖃᕈᓐᓇᖅᖢᓂ, ᐱᔪᒃᓯᑎᑕᐅᑦᑎᐊᓚᐅᖅᐳᖅ ᐊᖅᑯᑎᒃᑯᑦ. ᑲᓇᐃᑎᐊᑉ ᖃᑕᙳᑎᖏᑦ ᐱᔪᒃᓯᑎᑦᑎᓚᐅᕐᒥᔪᑦᑕᐅᖅ.

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᓄᓇᒥᓂᒃ ᐊᐅᓪᓚᖁᔨᓪᓗᑎᒃ ᐱᕕᒃᓴᐅᔪᓐᓇᖅᑐᓂᒃ ᑐᙵᕕᖃᖅᐳᖅ ᓇᖕᒥᓂᖅ ᐊᑐᖅᓯᒪᔭᒥᓂᒃ ᓄᓇᒥᓂᒃ ᕿᒪᐃᓪᓗᓂ ᓄᓇᓕᐸᐅᔭᕐᒧᑦ. "ᐋᖅᑭᒋᐊᖅᑕᐅᕐᔪᐊᓚᐅᖅᑐᖅ ᐱᒋᐊᕐᓂᖓᓂ, ᑭᓯᐊᓂ ᒫᓐᓇ ᐊᑲᐅᒋᑦᑎᐊᓕᖅᑕᕋ ᓇᓂ ᓄᓇᖃᕐᒪᖔᕐᒪ. ᐊᖏᓛᖑᖅᑰᖅᑐᖅ ᓇᓂᓯᓂᖅ ᓄᓇᓕᖕᓂ, ᓇᓂᓯᓂᕐᓗ ᐃᓄᖁᑎᖕᓂᒃ ᐃᓕᑦᑎᕙᓪᓕᐊᓂᕐᓗ ᑲᓲᑎᓗᒋᑦ ᐃᓕᖕᓂᒃᓗ ᑕᖅᑲᐅᖓᖅᓯᓗᑎᑦ ᓄᓇᓕᓕᐅᕐᓗᑎᑦ," ᐅᖃᖅᑕᖓ.

ᐃᓚᐅᕝᕕᒋᓪᓗᒍ ᓄᓇᖃᖅᑳᖅᓯᒪᔪᑦ ᑕᕐᕆᔭᐅᓯᐅᕐᓂᕐᒧᑦ ᐱᓕᕆᐊᖅ, ᑲᓇᐃᑎᐊᓐ ᑲᓲᑎᓯᒪᑲᐅᑎᒋᔪᓐᓇᓚᐅᖅᑐᖅ ᑲᑎᙵᖃᑎᖃᑲᐅᑎᒋᓪᓗᓂ ᐃᓕᓐᓂᐊᖅᑎᓂᒃ ᐊᔾᔨᐸᓗᖏᓐᓂᒃ ᐱᓕᕆᐊᖑᓯᒪᔪᓂᒃ. ᓯᕗᓪᓕᕐᓂ ᐊᕐᕌᒎᓐᓂ ᒪᕐᕉᓐᓂ, ᓴᓇᓯᒪᓂᖃᓚᐅᖅᑐᖅ ᓄᓇᓕᓐᓂ. ᒫᓐᓇ ᐱᖓᔪᒋᓕᖅᑕᖓᓂᒃ ᐊᕐᕌᒍᒥ, ᐊᒃᓱᕈᕐᓇᕐᓂᖅᓴᐅᓕᖅᑐᖅ, ᑭᓯᐊᓂ ᐱᕕᖃᖅᑐᖅ ᑲᑎᖃᑎᖃᕐᓂᕐᒥᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᖏᓐᓂᒃ ᓄᓇᖃᖅᑳᖅᓯᒪᔪᑦ ᐅᐸᒐᖓᓂ.

ᐊᐳᖅᑕᕈᑕᐅᓕᕌᖓᑦ, ᐊᕙᑎᒋᓂᐊᓕᓵᖅᑕᖓ ᐋᖅᑭᒋᐊᖅᖢᒍ ᐊᖏᔪᒻᒪᕆᐊᓘᓚᐅᖅᐳᖅ, ᑭᓯᐊᓂ ᐊᓯᖏᓐᓂᒃ ᐃᓄᖕᓂᒃ ᐃᑲᔪᖅᑎᖃᖅᖢᓂ ᐃᑲᔪᕈᓐᓇᖅᓯᓪᓗᓂ ᐊᒻᒪ ᐃᑲᔫᑎᒃᓴᖅᓯᐅᖅᖢᓂ ᐃᑲᔪᕐᔪᐊᓚᐅᖅᐳᖅ. ᓇᓂᓯᓂᖅ ᓄᓇᓕᖕᒥ ᐃᓕᓐᓂᐊᕐᕕᖕᒥ ᐃᑲᔪᕐᖢᓂ ᐃᒃᐱᖕᓂᐊᓂᒃᑯᑦ ᐊᖏᕐᕋᒧᑦ ᐋᓐᓂᐊᕐᓂᕐᒥᒃ. ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᖅ ᐊᒻᒪ ᓄᓕᐊᕐᓂᖅ ᑕᕐᕆᔮᒃᓴᓕᐅᖅᑎᓂᒃ ᐊᒡᕕᐊᕈᑕᐅᒃᑲᓐᓂᖅᐳᖅ ᑳᓇᑎᐊᓐᒧᑦ ᑲᒪᒋᔭᐅᓪᓗᓂ ᐊᓯᖏᓐᓄᑦ ᐃᓄᖕᓄᑦ ᐅᖃᓪᓚᖃᑎᖃᖅᖢᓂ ᐃᖅᑲᓇᐃᔭᕐᕕᖕᒥ ᖃᐅᔨᔾᔪᑎᒃᓴᓂᒃ ᖃᐅᔨᖃᑦᑕᖅᓯᒪᔭᖏᓐᓂᒃ ᐊᒻᒪ ᐊᓯᔾᔨᖅᓱᐃᓪᓗᓂ.

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ, ᑲᓇᐃᑎᐊᓐ ᐊᑐᖃᑦᑕᖅᑐᖅ ᑎᒥᒃᑯᑦ ᖃᕆᑕᐅᔭᒃᑯᓪᓗ ᐸᕐᓇᐃᔨᒥᒃ ᐊᐅᓚᓪᓗᒍ ᐱᕕᒃᓴᖓ, ᖃᐅᔨᒪᒋᐊᕐᓗᓂᓗ ᐱᕕᖃᕐᓂᖓᓂᒃ ᐃᓕᓐᓂᐊᕐᓇᓄᑦ ᓇᖕᒥᓂᕐᓗ ᑲᒪᑦᑎᐊᕐᓂᕐᒥᒃ. ᐱᓱᑲᑕᒍᒪᓲᖑᖕᒥᔪᖅ, ᐅᖃᓕᒫᖅᖢᓂ, ᐱᖃᓐᓇᕆᔭᒥᓂᒡᓗ ᐱᖃᑎᖃᖅᖢᓂ. ᐋᖅᑭᒃᓯᒪᑦᑎᐊᖏᓐᓇᕐᓂᖅ ᐊᐅᓚᓪᓗᒍᓗ ᐱᕕᒃᓴᖓ ᐱᔭᕆᐊᖃᒻᒪᕆᒃᑐᖅ ᐊᐅᓚᓪᓗᒍ ᐃᓱᒪᓕᕆᓂᖅ ᐃᓕᓐᓂᐊᕐᓂᒃᑯᓪᓗ ᐊᑐᖅᑕᖓ.

ᑲᓇᐃᑎᐊᒃᑯᑦ ᐃᓚᒥᓄᑦ ᑕᐅᑐᓲᑦ ᖃᓄᕐᓗ ᐊᖓᔪᖅᑳᖏᑦ ᐊᓂᖏᓪᓗ ᑎᓕᐅᕆᕙᖕᒪᖔᖏᑦ. ᐊᑦᑕᖏᑦ, ᐊᒃᑲᖏᑦ, ᐃᓪᓗᐊᕐᔪᖏᑦ ᐊᒻᒪ ᐃᕐᖑᑕᖏᑦ ᑲᔪᖏᖅᓴᐃᕙᒻᒥᔪᑦᑕᐅᖅ. ᐃᓕᖅᑯᓯᖓ ᐊᑐᕐᓂᑯᖏᓪᓗ ᐱᕈᖅᐸᓪᓕᐊᓪᓗᑎᒃ ᐅᑭᐅᖅᑕᖅᑐᒥ ᐱᔪᒪᓕᖅᑎᑦᑎᖕᒥᔪᑦ ᐃᓗᓕᖏᓐᓂᒃ ᐃᖅᑲᓇᐃᔮᖓᑕ.

ᐱᕈᖅᓴᓪᓗᓂ ᓄᓇᓕᕋᓛᖑᓂᖅᓴᒥ ᐊᑐᐃᓐᓇᖃᓗᐊᕋᓂ ᐊᒻᒪᓗ ᖃᓄᐃᓕᐅᕆᐊᖃᕋᓗᐊᖅᑐᓂ, ᐃᓱᒪᓚᐅᖅᑐᖅ ᐊᐅᓪᓚᕋᔭᕐᒪᖔᖅ. ᐅᒃᐱᕈᓱᐃᓐᓇᓚᐅᖅᑐᖅ ᐊᒻᒪᓗ ᓯᓂᒃᖢᓂ ᐃᓕᓐᓂᐊᕋᓱᒃᑎᓪᓗᒍ ᐊᒻᒪᓗ ᓇᓂᓯᓪᓗᓂ ᑮᓇᐅᔭᓂᒃ ᐅᐸᒋᐊᖃᖅᑕᒥᓂᒃ. ᐊᓯᔾᔨᕋᓱᒃᑎᓪᓗᒍ ᑲᑉᐱᐊᓇᓚᐅᖅᑐᖅ, ᖁᔭᓕᔪᖅ ᐃᖕᒥᓂᒃ ᐅᒃᐱᕆᓂᕐᒥᓂᒃ ᓂᕈᐊᕐᖢᓂᓗ ᐱᓇᓱᒃᓗᓂ ᐱᔪᒪᔭᖏᓐᓂ.

ᖁᕕᐊᒋᔭᖃᖅᑐᖅ ᐅᓂᒃᑳᕐᓂᕐᒥᑦ ᐱᔪᒪᓂᖃᕐᓂᕐᒥᓪᓗ ᐅᖃᐅᓯᖃᕐᓂᕐᒥᑦ ᐱᒻᒪᕆᐅᔪᓂᑦ ᐅᓂᒃᑳᓂᑦ ᐃᓱᒪᒋᔭᖏᓐᓂᑦ, ᐋᓐᑕ ᑲᓇᐃᑎᐊᓐ ᐱᒋᐊᓚᐅᖅᑐᖅ ᖃᐅᔨᒪᔭᐅᖏᑦᑐᒧᑦ ᐅᐸᓐᓂᕐᒧᑦ ᑭᓪᓕᓕᐊᓄ ᓯᓚᑦᑐᖅᓴᕐᕕᔾᔪᐊᕐᒧᑦ. ᒫᓐᓇ ᐃᓱᓕᑦᑎᓕᒑᓕᖕᒪᑦ, ᓄᑖᓂᑦ ᐊᔪᙱᓐᓂᖅᑖᓚᐅᖅᑐᖅ ᐊᓕᐊᓇᐃᒍᓱᒃᖢᓂᓗ ᑭᓱᓂᑦ ᓯᕗᓂᒃᓴᖃᖕᒪᖔᑦ ᐱᕙᒌᔭᖅᑎᓪᓗᒍ ᓯᕗᓂᒃᓴᖓᓄᑦ ᓄᓇᖃᖅᑳᖅᓯᒪᔪᓂᑦ ᑕᕐᕆᔮᒃᓴᓂᑦ. ᐃᓚᒥᓄᑦ ᑎᓕᐅᖅᑕᐅᓪᓗᓂ, ᖁᓱᙱᖦᖢᓂ ᐊᓂᒍᐃᔪᓐᓇᕐᓂᕐᒥᓂᒃ ᐊᒻᒪ ᓄᓇᖅᑲᑎᒥᓂᒃ ᖃᓄᑐᐃᓐᓇᖅ ᐱᓕᕆᔪᓐᓇᖅᓯᓪᓗᓂ.