ᑕᐃᒪᙵᓂᒃ ᓱᕈᓯᐅᓚᐅᖅᓯᒪᒻᒪᓂᑦ, ᓄᑕᕋᐅᖏᓐᓇᖅᓯᒪᔪᖅ ᐊᒻᒪᓗ ᒫᓐᓇ ᑲᒪᒋᔪᓐᓇᖅᓯᓪᓗᓂᐅᒃ ᐃᓅᕋᑖᕐᓂᑰᓪᓗᓂ ᐋᓐᓂᐊᓯᐅᖅᑎᐅᓪᓗᓂ: ᓯᓐᓇᑦᑑᒪᖓ ᐃᖅᑲᓇᐃᔮᖓ. ᐊᒫᓐᑕ ᓚᑐᕆᐅᓪ ᐃᖃᓗᒻᒥᐅᑕᐅᒐᓗᐊᖅ, ᓄᓇᕗᒻᒥᐅᑕᖅ ᑭᓯᐊᓂ ᒫᓐᓇ ᐋᑐᕚᒥᐅᑕᐅᓕᖅᑐᖅ. ᐊᕐᕌᒍᓄᑦ 25-ᓄᑦ ᐋᓐᓂᐊᓯᐅᖅᑎᐅᓯᒪᓕᖅᑐᖅ. ᐃᓱᒪᑎᓪᓗᒍ ᓄᑕᕋᓕᕆᔨᙳᕋᓱᒋᔭᐅᓪᓗᓂ, ᖃᔅᓯᓄᑦ ᐊᕐᕌᒍᓄᑦ ᐃᓕᓐᓂᐊᖃᑦᑕᖅᓯᒪᓂᖓ ᐅᑎᖅᓯᒪᓚᐅᖅᑐᖅ. ᓯᕗᓪᓕᖅᐹᒥ ᓱᕈᓯᕐᓄᑦ ᐋᓐᓂᐊᓯᐅᖅᑎᐅᓚᐅᖅᐳᖅ ᐊᒻᒪ ᐃᓅᕋᑖᕐᓂᑰᓪᓗᓂ ᐋᓐᓂᐊᓯᐅᖅᑎᕈᖅᑐᓂ. ᐃᖅᑲᓇᐃᔭᖃᑦᑕᖅᑐᖅ ᖁᕝᕙᓯᓐᓂᓕᒻᒥ 2-ᒥ ᐋᓐᓂᐊᓯᐅᖅᑎᐅᓪᓗᓂ, ᐃᖅᑲᓇᐃᔭᖅᑐᓂ ᐱᐊᕋᕐᓂᑦ ᐃᓅᔪᒥᓂᕐᓄᑦ 30-ᓂᑦ ᐱᓇᓱᐊᕈᓯᕐᓂᑦ ᐅᖓᑖᓄᓪᓗ, ᕿᓚᒥᓗᐊᑯᓗᒃ. ᐃᒪᓐᓇᐅᒐᔪᒃᐸᒃᐳᖅ, ᐃᓗᐊᖅᓴᖅᑕᐅᒃᑲᓐᓂᕆᐊᖃᖅᐸᒃᐳᑦ, ᓂᕆᔪᓐᓇᙱᖦᖢᑎᒃ ᖃᓂᒃᑯᑦ ᐊᑕᖏᑦᑎᐊᕐᓗᓂ ᐆᓇᐃᓐᓇᖅᑎᑦᑎᓗᓂᓘᓐᓃᑦ ᓱᓕ.

ᐸᕐᓇᑦᑐᓂ ᐃᖅᑲᓇᐃᔮᖓᓄᑦ ᐋᓐᓂᐊᓯᐅᖅᑎᐅᓪᓗᓂ, ᓛᑐᕇᓕ ᐊᕐᕌᒍᓄᑦ ᐱᖓᓱᓄᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᓚᐅᖅᑐᖅ ᐲᑕᐴᕈᒥ ᐊᔅᓱᕈᖅᑐᒻᒪᕆᐅᓪᓗᓂ, ᐃᖅᑲᓇᐃᔭᖅᑐᓂ ᐋᓐᓂᐊᕕᓐᓂ ᐱᒋᐊᓐᖓᕐᓂᖓᓂ ᐃᓕᓐᓂᐊᕐᓂᖓᑕ. ᐃᖅᑲᓇᐃᔭᓚᐅᖅᓯᒪᔪᖅ ᐋᓐᓂᐊᓯᐅᖅᑎᐅᓂᕐᒧᑦ ᐊᖏᕐᕋᖏᓐᓂ ᐊᒻᒪᓗ ᐋᓐᓂᐊᕕᓐᓂ ᐊᑐᕋᓱᐊᖅᑐᓂ ᐃᓪᓗᕈᓯᕐᒥ ᐃᓕᓐᓂᐊᖅᑕᖏᓐᓂ ᐊᒻᒪᓗ ᐃᓕᓐᓂᐊᖅᑕᖓ ᐅᖁᒪᐃᑦᑐᒻᒪᕆᐅᓪᓗᓂ. ᖃᐅᑕᒫᑦ ᐃᓕᓐᓂᐊᖃᑦᑕᓚᐅᖅᑐᖅ.

ᐱᔭᕇᕋᒥ, ᐃᖅᑲᓇᐃᔭᓚᐅᖅᓯᒪᔪᖅ ᐲᑕᐴᕉᑉ ᓄᑕᕋᓕᕆᕝᕕᖓᓂ ᐊᕐᕌᒎᖕᓄᑦ ᒪᕐᕉᖕᓄᑦ ᐃᖅᑲᓇᐃᔭᕈᒪᓕᕋᒥ ᐊᐅᓪᓚᖅᑐᓕᕆᔨᐅᓂᕐᒧᑦ. ᐃᖅᑲᓇᐃᔭᓚᐅᖅᓯᒪᔪᖅ ᐋᓪᐴᑯᒥ, ᓂᐅ ᒪᒃᓯᑯᒥ, ᓯᓚᑦᑐᓴᕐᕕᒡᔪᐊᖓᓂ ᓂᐅ ᒪᒃᓯᑯ ᓱᕈᓯᕐᓄᑦ ᐋᓐᓂᐊᕕᖓᓂ ᐊᒻᒪᓗ ᔮᓐᔅ ᕼᐋᑉᑭᓐᔅ ᕚᓪᑎᒧᐊᒥ ᑭᓯᐊᓂ ᖁᕕᐊᒋᔭᖃᓚᐅᙱᑦᑐᖅ ᐃᖏᕐᕋᓂᕆᔭᖓᓂᒃ ᐋᓐᓂᐊᕐᓯᐅᖅᑏᑦ. ᐅᑎᕈᒪᓕᓚᐅᖅᑐᖅ ᐃᖅᑲᓇᐃᔭᕈᒪᓕᕐᖢᓂᓗ ᓄᑕᖅᑲᑦ ᐋᓐᓂᐊᕕᖓᓂ ᐋᑐᕚᒥ, ᑕᐃᑲᓂ ᓄᓇᖃᕐᖢᓂ 11-ᖑᑎᓪᓗᖑ. ᐊᖏᕐᕋᖅᓯᒪᖅᑰᔨᓚᐅᖅᑐᖅ ᑕᐃᑲᓃᖏᓐᓇᖅᖢᓂᓗ ᐊᕐᕌᒎᖕᓄᑦ ᒪᕐᕉᖕᓄᑦ ᑭᓯᐊᓂ ᓅᖦᖢᓂ ᐃᓅᓵᖅᑐᓄᑦ ᐃᒡᓗᒧᑦ ᐋᓐᓂᐊᕕᖕᒥ. ᐃᖅᑲᓇᐃᔭᓚᐅᖅᑐᖅ ᖁᑦᑎᖕᓂᓕᒃ 3-ᒥᑦ ᐋᓐᓂᐊᓯᐅᖅᑎᒥᑦ ᑲᒪᒋᔭᖃᓚᐅᖅᑐᖅ ᓄᑕᕋᓛᓂᑦ 22-ᓂᑦ ᐱᓇᓱᐊᕈᓯᕐᓂᑦ ᐊᒻᒪᓗ ᓅᖦᖢᓂ ᖁᑦᑎᖕᓂᖓᓄᑦ 2-ᒧᑦ ᐃᓗᐊᖅᓴᐃᔨᒧᑦ ᐋᓐᓂᐊᕕᖕᒧᑦ ᐊᕐᕌᒎᒃ ᒪᕐᕉᒃ ᐊᓂᒍᖅᑑᒃ.

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓂᑦ ᐋᓐᓂᐊᓯᐅᑎᓂᑦ, "ᐃᓱᒪᒋᔭᕋ ᐋᓐᓂᐊᓯᐅᑎᑦ ᐱᐅᔪᐊᓘᖕᒪᑕ ᐊᒥᓱᓂᑦ ᐊᔾᔨᒌᙱᑦᑑᑎᖃᐅᖕᒪᑕ ᖃᓄᐃᓕᐅᕈᓐᓇᖅᑕᖕᓂᑦ. ᐊᑕᐅᓯᕐᒥᒃ ᖃᐅᔨᒍᕕᑦ ᖁᕕᐊᓱᙱᓐᓇᕕᑦ, ᐊᓯᖏᓐᓂᒃ ᖃᓄᖅᑑᕈᑎᒃᓴᖅᑕᖃᐅᖅᑐᖅ. ᐊᓪᓚᕝᕕᑕᖃᐃᓐᓇᐅᔭᕐᒪᑦ, ᐃᖅᑲᓇᐃᔭᕐᕕᒻᒥ ᖃᓄᐃᓐᖏᑦᑎᐊᕐᓂᕐᒧᑦ, ᐅᖁᒪᐃᓐᓂᓂᐊᕐᕕᑦᑕᖃᕐᖓᑦ. ᐋᓐᓂᐊᕕᖕᒧᐊᓗᐊᙱᒃᑯᕕᑦ, ᐊᒥᓲᖕᒪᑕ ᖃᓄᐃᓕᐅᕈᓐᓇᖅᑕᑎᑦ ᐋᓐᓂᐊᓯᐅᑎᐅᓂᖕᓄᑦ."

ᐅᖃᓚᐅᕆᓪᓗᓂᓗ ᐃᓯᒐᐃᑦ ᐹᒧᐊᖅᑎᖦᖢᓂᒋᑦ ᓇᓂᑐᐃᓐᓇᕐᓗ ᐱᓕᕆᓗᓂ ᐱᓕᕆᐊᒃᓴᖅᑖᕈᓐᓇᙱᒃᑯᕕᑦ ᐱᓕᕆᐊᕆᔪᒪᓇᔭᖅᑕᕐᓂᒃ ᓯᕗᓪᓕᕐᒥ. ᖃᐅᔨᓯᒪᔪᖅ ᐱᓕᕆᖃᑎᒌᑦ ᖃᓄᐃᓕᐅᕈᓯᖏᑦ ᐱᒻᒪᕆᐅᓛᖑᓂᖏᓐᓂᒃ ᐊᒻᒪ ᐊᓯᐊᓂᒃ ᐃᒡᓗᓕᐅᕋᓱᖁᔨᓪᓗᓂ ᐊᒃᓱᕈᕐᓇᖅᐸᑕ. ᐱᓕᕆᖃᑦᑕᖅᓯᒪᑎᓪᓗᒍ, ᐊᔾᔨᐅᙱᑦᑐᑦ ᐱᓕᕆᕝᕖᑦ ᐱᓕᒻᒪᒃᓴᐃᔪᒪᑦᑎᐊᖅᑐᑦ. ᐋᓐᓂᐊᕕᒻᒨᖁᔨᓪᓗᓂ ᐊᒻᒪᓗ ᖃᐅᔨᓴᕆᐊᖅᑐᕐᓗᓂ ᐊᔾᔨᐅᖏᑦᑐᓂᒃ ᐊᒻᒪᓗ ᐃᓪᓗᓂᒃ ᑕᑯᔪᒪᓂᖅᓴᐅᒻᒪᖔᖅᐱᑦ. ᓇᓂᓯᓂᖅ ᓈᒻᒪᑦᑎᐊᖅᑐᒥᒃ ᐱᒻᒪᕆᐅᔪᖅ ᐃᖅᑲᓇᐃᔭᓕᕌᖓᕕᑦ 12 ᐃᑲᕐᕋᓄᑦ ᐃᖅᑲᓇᐃᔭᕐᓇᓄᑦ ᐊᑐᒐᔪᒃᓗᑎᓪᓗ ᑕᖃᓇᖅᑐᓂᒃ ᐊᑐᕐᓂᕐᓂ ᑕᑎᖃᕆᐊᖃᖅᑎᓪᓗᑎᑦ ᐃᖅᑲᓇᐃᔭᖃᑎᖕᓂᒃ.

"ᐱᐅᔪᒻᒪᕆᐊᓗᒃ ᑕᑯᓪᓗᓂ ᓄᓇᒋᔭᕐᓂᒃ ᓄᓇᕐᔪᐊᒥᓘᓐᓃᑦ. ᑕᒪᓐᓇ ᐱᐅᔪᐊᓘᒻᒪᑦ ᐋᓐᓂᐊᓯᐅᖅᑎᓄᑦ. ᒪᑐᐃᖅᓯᑐᐃᓐᓇᓲᖅ ᐊᒥᓱᓂᒃ ᐹᓂᒃ."

ᐅᖃᐅᔾᔨᒋᐊᕈᑎᖓ ᒪᒃᑯᓐᓂᖅᓴᓂᒃ ᐃᖅᑲᓇᐃᔭᖅᑎᓂᒃ ᐊᐅᓪᓚᖃᑦᑕᖁᔨᓪᓗᓂ ᓇᒧᑐᐃᓐᓇᖅ ᑲᓇᑕᓕᒫᒧᑦ ᐊᒻᒪᓗ ᖃᐅᔨᒋᐊᕐᓗᓂ ᖃᓄᖅ ᐱᓕᕆᐊᖑᕙᒻᒪᖔᑕ. "ᖃᐅᔨᒪᓚᐅᖅᓯᒪᙱᑦᑐᑎᑦ, ᓄᑖᒥᒃ ᐊᖏᕐᕋᖅᑖᑐᐃᓐᓇᕆᐊᖃᕋᕕᑦ... ᕿᒥᕐᕈᔭᖅᑐᕐᓗᓂ ᖁᕕᐊᓱᒡᓗᓂᓗ," ᑎᓕᐅᕆᕗᖅ. ᐊᐅᓪᓚᕐᓂᖅ ᐊᔪᕐᓇᕐᓂᖅᓴᐅᔪᓐᓇᖅᑐᖅ ᖃᖓᒃᑲᓐᓂᖅ ᐃᖅᑲᓇᐃᔮᕐᓂ ᐃᓐᓇᐅᓂᖅᓴᐅᑎᓪᓗᑎᑦ ᓲᖃᐃᒻᒪ ᓄᖅᑲᖓᓂᖅ ᐊᒃᑐᐊᓂᖃᕐᒪᑦ ᖁᑦᑎᖕᓂᖅᓴᓄᑦ. ᐃᖅᑲᓇᐃᔭᓕᓵᕐᓗᓂ ᐊᐅᓪᓚᕐᓂᖅ ᐊᔪᕐᓇᙱᓛᖑᔪᖅ ᑖᔅᓱᒧᖓ ᐱᔾᔪᑎᒧᑦ ᐊᔪᕐᓇᙱᑦᑐᑯᓘᓪᓗᓂᓗ ᐃᓗᐊᖅᓴᐃᔨᒧᑦ ᕖᓴᑖᕆᐊᒃᓴᖅ, ᓛᑐᕆᐅᓪ ᓇᓗᓇᐃᔭᕐᓗᓂ.

ᓯᓚᑖᓂ ᐃᓗᐊᖅᓴᐃᔨᐅᑉ, ᓛᑐᕆᐅᓪ ᐱᐅᓴᐅᑎᓕᐅᓲᖅ herbs−ᓂᒃ, ᓇᑦᑎᐅᑉ ᐊᒥᖓᓂᒃ ᐊᒻᒪ ᑎᕆᒐᓂᐊᑉ ᐊᒥᖓᓂᒃ. ᑕᒪᓐᓇ ᖃᓂᒻᒪᓐᓇᐅᔪᖅ ᐱᒋᐊᓚᐅᖅᑎᓐᓇᒍ, ᑕᑯᕙᓪᓕᐊᓕᓚᐅᖅᑐᖅ ᐊᔾᔨᒐᓚᖏᓐᓂᒃ ᑕᑯᒥᓴᐅᑎᓂᒃ ᐊᒻᒪᓗ ᐃᒻᒥᓂᒃ ᐆᑦᑐᕈᒪᓕᓚᐅᖅᑐᖅ. ᐱᒋᐊᓚᐅᖅᓯᒪᔪᖅ ᐊᒥᕐᓂᒃ ᐊᒻᒪᓗ ᓴᐸᖓᕐᓂᒃ ᐊᒻᒪᓗ ᕿᓯᓕᕆᓪᓗᓂ. ᓯᐅᒻᒥᒑᓕᐅᓲᖅ, ᖁᖓᓯᓕᐅᖅᐸᒃᖢᓂ, ᑲᑭᖅᑯᐊᓂᒃ, ᓄᔭᕐᒧᑦ, ᐊᓯᖏᓐᓂᒡᓗ ᓲᕐᓗ ᓇᑉᐸᖅᑕᓂᒃ ᑏᑯᓂᒃ. ᓯᐅᒻᒥᒑᓕᐅᖅᐸᙱᑦᑐᖅ ᐊᒻᒪᓗ ᓂᐅᕕᕈᒪᕙᒐᓂ ᓯᐅᒻᒥᒑᓂᒃ ᐊᓯᖏᓐᓂᒃ ᓴᓇᙳᐊᖅᑎᓂᒃ ᐃᒻᒥᓂᒃ ᓴᓇᕙᙱᑕᒥᓂᒃ. ᓂᐅᕕᐊᒃᓴᖏᑦ ᐅᐸᒍᑎᒐᔪᖕᓂᖅᓴᐅᕗᑦ ᓲᖃᐃᒻᒪ ᐅᓪᓗᓕᒫᖅ ᐃᖅᑲᓇᐃᔭᖃᑦᑕᕐᒪᑦ ᐊᖑᒻᒪᑎᔪᓐᓇᙱᖦᖢᓂᓗ ᐃᑭᐊᖅᑭᕕᖕᒧᑦ ᓂᐅᕐᕈᑕᐅᔪᑦ ᑐᑭᖃᑦᑎᐊᓛᖑᕗᑦ ᐱᓕᕆᐊᒃᓴᖃᐃᓐᓇᖅᖢᓂᓗ. ᐊᒻᒪᓗᑦᑕᐅᖅ, ᐊᑐᓂ ᐱᖁᑎᖏᑦ ᐊᔾᔨᒌᙱᒻᒪᑕ.

ᐋᖅᑭᒃᓯᒪᐃᓐᓇᖅᑎᓪᓗᒍ ᐃᓱᒪᖓ, ᓛᑐᕆᐅᓪ ᐃᖅᑲᓇᐃᔭᕐᖢᓂ ᒪᕐᕉᖕᓄᑦ ᐅᓪᓘᖕᓄᑦ, ᒪᕐᕉᖕᓄᑦ ᐅᓐᓄᖕᓄᑦ, ᑕᓪᓕᒪᑦ ᐅᓪᓗᑦ ᓄᖅᑲᖓᕝᕕᒋᓯᒪᓚᐅᑲᒃᓗᒍ ᐱᕕᖃᕐᓂᐊᕐᒪᑦ ᓴᐃᓕᓂᕐᒥᒃ, ᑯᑯᖏᑦ ᐱᔭᕇᕐᓗᒋᑦ ᑕᖃᐃᖅᓯᕐᓗᓂᓗ ᐅᑎᓚᐅᙱᓐᓂᖓᓂ ᐃᖅᑲᓇᐃᔮᒧᑦ. ᑕᐃᓐᓇ ᐆᒻᒪᖅᑎᑕᐅᒃᑲᓐᓂᕐᓂᖓ ᐱᒻᒪᕆᐅᕗᖅ ᑖᔅᓱᒧᖓ. ᐱᖃᓐᓈᒥᓂᒃ ᐃᓚᒥᓂᒡᓗ ᐱᓕᕆᖃᑎᖃᐃᓐᓇᖃᑦᑕᕆᕗᖅ ᐊᒻᒪ ᖁᕕᐊᒋᔭᖃᖅᐸᒃᖢᓂ ᐃᓅᓯᖃᑦᑎᐊᖁᓪᓗᒍ ᐃᑲᔪᖅᑐᐃᔪᒪᓪᓗᓂ. ᐊᓯᖏᓐᓂᒃ ᐱᓕᕆᐊᒃᓴᖃᖅᖢᓂ ᐃᖅᑲᓇᐃᔮᖓᑕ ᓯᓚᑖᓂ ᐆᑦᑕᐃᓕᒪᓐᓇᖅᐳᖅ ᐊᒻᒪ ᐃᖅᑲᓇᐃᔮᒥᓂᒃ ᐊᔾᔨᒌᒃᑎᑦᑎᓐᓇᖅᖢᓂ. ᓄᖅᑲᖓᑎᓚᐅᑲᒃᐸᒡᓗᒍ ᐱᒻᒪᕆᐅᒋᕗᖅᑕᐅᖅ, ᑎᑎᕋᖔᕋᓱᖔᕈᓐᓇᕋᓗᐊᖅᖢᓂ. ᐃᒡᓗ ᕿᒪᒐᓱᒃᐸᐅᒃ ᓴᐃᓕᓪᓗᓂᓗ ᓂᐊᖁᓂ ᐊᓂᑎᑦᑐᓐᓇᕐᓂᐊᕐᒪᒍ.

ᐱᔪᒃᓯᑎᑦᑎᓂᐊᕐᓗᓂ, ᓛᑐᕆᐅᓪ ᖁᕕᐊᒋᔭᒥᓂᒃ ᐱᓕᕆᕙᒃᐳᖅ ᐃᖅᑲᓇᐃᔭᕆᐊᒃᓴᖅ, ᖃᐅᔨᒪᓪᓗᓂ ᐱᓕᕆᐊᖃᕆᐊᖃᖅᐸᖕᓂᖓᓂᒃ. "ᖃᐅᔨᒪᔪᖓ ᐃᖅᑲᓇᐃᔭᕆᐊᕈᓐᓇᕐᓂᓐᓂᒃ ᐊᓯᔾᔩᔭᖅᑐᕐᓗᖓᓗ ᖁᕕᐊᒋᓗᒋᓪᓗ ᐃᓚᖏᑦ ᓰᕐᓇᖅᑐᑦ ᓄᑕᕋᓛᑦ ᓂᖀᑦ, ᓱᓕᓪᓗᖓ, ᓲᕐᓗ ᐃᓱᒪᔪᓐᓇᙱᒻᒪᕆᒃᑲᒪ ᖃᓄᐃᓕᐅᕈᒪᓇᔭᖅᑕᓐᓂᒃ. ᖁᕕᐊᒋᔭᕐᓂᒃ ᐱᓕᕆᓗᑎᑦ ᖁᕕᐊᓱᒍᑎᒋᔭᕐᓂᒃ," ᐅᖃᐅᔾᔨᕗᖅ. ᐊᔾᔨᐸᓗᐊᑦᑕᐅᖅ, ᐱᐅᓴᐅᑎᓂᒃ ᐱᐅᓴᐅᑎᓂᒃ ᐱᐅᒃᓴᑦᑎᐊᖅᑐᖅ.

ᐅᖃᐅᔾᔪᐃᓂᖓ ᐃᖅᑲᓇᐃᔮᕆᓛᕈᒪᔭᖃᕐᓂᕐᒧᑦ, "ᖁᕕᐊᒋᔭᕐᓂᒃ ᐱᓕᕆᓗᑎᑦ. ᑮᓇᐅᔭᑎᒍᑦ ᐃᑲᔫᑎᖃᓛᖑᓇᔭᖅᑰᙱᑦᑐᖅ, ᑭᓯᐊᓂ ᖁᕕᐊᓱᒃᐳᑎᑦ, ᐃᓱᒪᕕᓪᓗ ᖃᓄᐃᙱᑦᑎᐊᖕᓂᖏᑦ ᖁᕕᐊᓱᒃᖢᑎᒃ. ᖃᐅᔨᒪᑦᑎᐊᕆᐊᖃᖅᑐᑎᑦ ᐅᓪᓗᖅ ᐊᓂᒍᖅᐸᑦ ᖁᕕᐊᓱᒃᑲᓗᐊᕐᒪᖔᖅᐱᑦ ᐱᓕᕆᐊᕆᔭᕐᓂᒃ. ᐅᕙᓐᓄᓪᓕ, ᓄᑕᕋᐅᒻᒪᑦ. ᓱᓕᑦᑎᐊᕐᓗᖓ, ᓄᑕᕋᓛᑦ ᐊᓕᐊᓇᐃᒋᑦᑎᐊᖅᑕᒃᑲ, ᓇᒡᓕᒋᔭᓐᓂᒃ ᐱᓕᕆᓲᖑᔪᖓ, ᑕᒪᓐᓇᓗ ᐱᐅᓛᖑᓪᓗᓂ ᓄᓇᕐᔪᐊᕐᒥ."

ᐃᖅᑲᓇᐃᔭᕐᖢᓂ ᓯᓐᓇᑦᑑᒪᒋᔭᖓᓂ ᐃᖅᑲᓇᐃᔮᖓᓂ ᐃᓅᓵᕐᖢᓂ ᐃᓗᐊᖅᓴᐃᔨᐅᓪᓗᓂ ᐱᐅᑦᑎᐊᕐᖢᓂ ᐊᒫᓐᑕ ᓚᑐᕆᐅᓪᒧᑦ ᓄᑕᕋᐅᓚᐅᖅᑎᓪᓗᒍ, ᓄᑕᕋᐅᕐᔪᐊᖅᓯᒪᔪᖅ. ᐃᖅᑲᓇᐃᔭᓚᐅᖅᖢᓂ ᐊᐅᓪᓚᖅᑐᓕᕆᔨᐅᓪᓗᓂ ᖃᐅᔨᓇᓱᒃᖢᓂᓗ ᓇᓖᕌᒐᒃᓴᒥᓂᒃ, ᓇᓂᓯᓪᓗᓂ ᐃᓂᒥᒃ ᓈᒻᒪᓛᖑᔪᒥᒃ ᓄᓇᓕᐸᐅᔭᕐᒥ ᐊᖏᕐᕋᖅᓯᒪᖅᑰᔨᔪᒥᒃ. ᐃᓕᓐᓂᐊᕐᓂᕐᒧᑦ ᐊᖅᑯᑎᒃᓴᖅ ᐱᔪᒪᓐᓇᒻᒪᕆᓚᐅᖅᑐᖅ ᑭᓯᐊᓂ ᒫᓐᓇ ᓄᑕᕋᓛᓂᒃ ᐃᕐᓂᖃᑦᑕᓕᖅᑐᖅ ᖃᐅᑕᒫᑦ ᐃᓗᐊᖅᓴᐃᔨᐅᑎᓪᓗᒍ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᓯᐊᒍᓪᓗ ᐱᖃᕋᔭᙱᖦᖢᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!