ᐋᔅᓕ 4−ᓂᒃ ᐃᔨᓕᒃ Maskwacis−ᒥᐅᑕᖅ, Wetaskiwin−ᒥ ᐋᓪᐴᑕᒥ ᐊᒻᒪ ᖃᕆᓴᐅᔭᓕᕆᔾᔪᑎᓄᑦ ᐋᖅᑭᒃᓱᐃᔨᐅᓪᓗᓂ Amazon−ᒥ. ᐱᕈᖅᓴᓚᐅᖅᑎᓪᓗᒍ ᓄᓇᓕᕋᓛᖑᓂᖅᓴᓂ ᐱᕕᑭᖦᖢᓂ ᖃᕆᑕᐅᔭᓕᕆᔾᔪᑎᓂᒃ, ᐋᔅᓕ ᐃᓕᓐᓂᐊᓯᒋᐊᓚᐅᖅᑐᖅ ᐃᓱᒪᓪᓗᓂ ᓈᓴᐅᓯᕆᓂᕐᒥᒃ ᖁᕕᐊᒋᔭᖃᕐᓂᖓ ᑐᑭᖃᑦᑎᐊᕋᔭᕐᓂᖓᓂᒃ ᑮᓇᐅᔭᓕᕆᓂᕐᒥᒃ ᐃᓕᓐᓂᐊᓚᐅᖅᑕᖓᓂ ᓯᓚᑦᑐᖅᓴᕐᕕᒡᔪᐊᖓᓂ ᐅᑭᐅᖅᑕᖅᑐᒥ ᐳᕆᑎᔅ ᑲᓚᒻᐱᐊᒥ. ᖃᐅᔨᓕᓚᐅᖅᑐᖅ ᐊᖅᑯᑎᒋᙱᑕᖓᓂᒃ ᓇᓗᓇᐃᒃᑯᑕᖅᑖᕈᒪᓕᕐᖢᓂᓗ.
ᖁᕕᐊᒋᔭᖃᒻᒪᕆᓚᐅᖅᑐᖅ ᖃᕆᑕᐅᔭᓂᑦ ᖃᐅᔨᓴᖅᑐᓕᕆᓂᕐᒥᑦ ᓅᖦᖢᓂᓗ ᑲᓇᑕᓕᒫᒥ ᐃᓕᓐᓂᐊᖅᖢᓂ ᑳᕈᑕᓐ ᓯᓚᑦᑐᖅᓴᕐᕕᒡᔪᐊᕐᒥᑦ. ᐋᔅᓕ ᐃᓕᓐᓂᐊᕐᕕᐊᓗᒻᒨᓚᐅᖅᑐᖅ ᐃᓕᓐᓂᐊᕆᐊᖃᑎᖃᖅᑐᓂ ᐃᓅᓯᓕᒫᖓᓂ ᓯᓚᑦᑐᓴᕐᕕᕐᔪᐊᕐᒥᑦ ᐋᖅᑭᒋᐊᖅᑕᐅᓚᐅᖅᐳᖅ. ᓇᓂᓯᓚᐅᖅᑐᖅ UNBC-ᑯᓐᓂᑦ ᐱᒋᐊᕈᑎᑦᑎᐊᕙᐅᓂᖓᓂᒃ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥ ᐊᒻᒪᓗ ᐊᖏᔪᖅ ᓯᓚᑦᑐᖅᓴᕐᕕᒡᔪᐊᖅ ᓲᕐᓗ ᑳᕈᑕᓐ. ᐃᓕᕋᓱᒃᓯᒪᑐᐃᓐᓇᕆᐊᖃᖅᑎᓪᓗᒍ, ᐃᓅᖃᑎᖃᕋᓱᑦᑎᐊᓚᐅᖅᑐᖅ.
"ᐅᕙᖓ ᑕᖅᑲᐅᙵᖁᔭᐅᑐᐃᓐᓇᓚᐅᖅᑐᖓ ᐊᓂᖁᔭᐅᓪᓗᖓ ᐊᒻᒪ ᐃᓗᐊᕆᔭᒪ ᓯᓚᑖᓅᕐᓗᖓ."
ᐋᔅᓕᐅᑉ ᐅᖃᐅᔾᔪᐃᓂᖓ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᓄᑦ "ᕿᓂᕐᓂᖅ ᐃᓄᖕᓂᒃ, ᐃᓚᐅᓕᕐᓂᖅ ᐱᓕᕆᖃᑎᒌᓂᒃ, ᐱᖃᓐᓇᕆᔭᖅᑖᕐᓗᓂ." UNBC-ᒦᑎᓪᓗᒋᑦ, ᐋᔅᓕ ᖁᕕᐊᒋᔭᖃᒻᒪᕆᓚᐅᖅᑐᖅ ᓄᓇᓕᖓᓐᓂᒃ ᒥᑭᓂᖅᓴᒥᒃ ᐃᓕᓐᓂᐊᕐᕕᒻᒥᒃ ᐊᒻᒪᓗ ᓄᓇᓕᐸᐅᔭᒥ ᐅᖃᓪᓚᕝᕕᒻᒦᒍᒪᒐᓂ. ᖁᕕᐊᒋᔭᖃᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᐃᑲᔪᖅᓯᕕᖓᓂᑦ ᐊᒻᒪᓗ ᖃᐅᔨᓚᐅᖅᑐᖅ ᐃᑲᔫᑎᖃᕆᐊᖓᓂᑦ ᑲᓲᒪᓂᕐᒥᑦ ᓄᓇᓕᓐᓄᑦ.
ᒥᑭᓐᓂᖅᓴᐃᑦ ᓯᓚᑦᑐᖅᓴᕐᕖᑦ ᓯᓚᑦᑐᖅᓴᕐᕕᒡᔪᐊᓂ ᓅᑎᑦᑎᓂᕐᒧᑦ ᐱᓕᕆᐊᖑᕙᒃᑐᓂᒃ ᐊᑐᖅᑕᐅᖔᕈᓐᓇᖅᐳᑦ ᖃᓱᕚᓪᓕᖅᑎᑦᑎᓂᐊᕐᓗᓂ ᓅᑉᐸᓪᓕᐊᓂᕆᔭᐅᔪᓂᒃ, ᐋᔅᓕ ᐃᒪᓐᓇᐅᖁᔨᕗᖅ,. ᖃᐅᔨᓚᐅᖅᑕᖓ ᓇᒡᓕᒋᑦᑎᐊᖅᑕᖓ ᑳᕈᑕᓐᒧᑦ ᕼᐋᑭᖅᑎᐅᓪᓗᓂ, ᑕᐃᒪᓐᓇ ᓂᕆᐅᒋᓇᔭᙱᑕᑦ.
"ᐃᓱᒪᒋᒍᕕᐅᒃ ᐃᓚᐅᑎᑦᑎᓇᔭᕐᓂᖓᓂᒃ ᑎᓪᓗᒃᓯᓂᕐᒥᒃ, ᑭᓯᐊᓂ ᑕᐃᒪᐃᙱᑦᑐᖅ."
"ᕼᐋᑭᓴᓐ ᒥᑭᑦᑐᑯᓘᓪᓗᓂ ᑲᑎᒪᕐᔪᐊᕐᓂᐅᕗᖅ ᑲᑎᖃᑎᖃᖅᖢᓂ ᐃᓄᖕᓂᒃ ᐋᖅᑭᒃᓱᐃᕙᒃᖢᑎᓪᓗ ᐊᑐᖅᑕᐅᔪᓐᓇᖅᑐᒥᒃ," ᐋᔅᓕ ᑐᑭᓯᓇᖅᓯᑎᑦᑎᒃᑲᓐᓂᖅᐳᖅ. ᕼᐋᑭᓐᔅ ᓵᓚᒃᓴᖃᑕᐅᓇᓱᒍᓐᓇᓚᐅᖅᑐᖅ, ᐃᓕᑦᑎᔪᓐᓇᖅᖢᓂ ᖁᕕᐊᓱᒃᖢᓂᓗ ᐊᐅᓪᓚᖅᓯᒪᑎᓪᓗᒍ ᓄᓇᖓᓂ ᑭᓯᐊᓂ ᐅᖓᓯᒋᒐᓗᐊᖅᖢᓂᐅᒃ ᕼᐃᐅᓪᓯᓂᑭ. ᐅᕕᓂᓐᓂᐊᖅᑏᑦ ᓴᖅᑭᔮᕐᕕᐅᒍᓐᓇᖅᑐᑦ ᐋᖅᑭᑦᓯᓂᕐᒥᑦ ᓄᓇᕐᔪᐊᕐᒥ ᐊᑲᐅᙱᓪᓕᐅᕈᑎᓂᑦ ᐊᔾᔨᑐᐃᓐᓇᖓᓂᑦ ᐃᖅᑲᓇᐃᔭᕐᕕᒻᒥᑦ.
"ᐃᓄᐃᑦ ᐃᓱᒪᓕᕌᖓᑕ ᖃᕆᑕᐅᔭᓂᒃ ᖃᐅᔨᓴᖅᑐᓕᕆᓂᕐᒥᒃ, ᐃᓱᒪᓲᑦ ᐱᓕᕆᐊᒃᓴᓕᕆᔨᐅᓂᐊᕐᓂᕐᓂᒃ. ᑕᐃᒪᐃᖏᓐᓇᕈᓐᓇᖏᒻᒪᑦ. ᐊᔾᔨᒌᙱᑦᑐᓂᒃ ᐃᖅᑲᓇᐃᔮᖅᑖᕆᓛᕈᒪᔭᖃᕈᕕᑦ ᐊᔾᔨᒌᙱᑦᑐᓂᒃ ᐊᑐᕈᓐᓇᖅᐳᑎᑦ."
ᐱᓪᓚᑦᑖᖅᑐᖅ ᐊᔪᕐᓇᙱᑐᐃᓐᓇᕆᐊᓕᒃ. ᐃᑭᑕᐅᒐᓗᐊᕈᕕᑦ ᓴᓇᑐᓂᒃᑯᑦ UX-ᒧᑦ ᐋᖅᑭᒃᓯᒪᓂᖓᓄᑦ, ᓈᓴᐅᓯᕆᓂᖅ ᐊᐅᓚᐅᑎᓂᒃ ᐃᓕᓐᓂᐊᕐᓂᖅ ᐅᕝᕙᓘᓐᓃᑦ ᖃᕋᓴᐅᔭᓕᕆᔾᔪᑎᓂᒃ ᓴᓇᔪᓕᕆᓂᖅ, ᐅᕝᕙᓘᓐᓃᑦ ᐱᓕᕆᓂᐅᔪᖅ ᐱᖁᑎᓂᒃ ᐊᐅᓚᑦᑎᓂᕐᒧᑦ ᐅᕝᕙᓘᓐᓃᑦ ᐅᖃᖃᑎᖃᕐᓂᕐᒧᑦ, ᐋᔅᓕ ᓇᓗᓇᐃᔭᐃᔪᖅ ᖃᓄᖅ ᐊᒥᓲᖕᒪᖔᑕ ᓂᕈᐊᒐᐅᔪᑦ.
ᐊᔾᔨᒋᑐᐃᓐᓇᖏᑕᖓ ᐃᖅᑲᓇᐃᔮᑦ, ᐊᔾᔨᒌᖏᑦᑐᑦ ᓴᓇᕕᐅᔪᑦ ᐃᖅᑲᓇᐃᔭᖅᑎᑖᖃᑦᑕᖅᑐᑦ ᐃᓄᓐᓂᑦ ᖃᐅᔨᒪᓂᒃᑯᑦ, ᐱᔪᒪᓂᖃᑦᑎᐊᖅᑐᑦ ᓈᒻᒪᒍᓐᓇᖅᑐᑦ ᓂᕈᐊᕐᓂᕐᒥᑦ ᐃᖅᑲᓇᐃᔮᒥᑦ. ᓄᑕᕋᐅᑎᓪᓗᒋᑦ ᓇᓗᓇᐃᒃᑯᑕᖃᙱᒃᑲᓗᐊᖅᑎᓪᓗᒋᑦ, ᐱᓕᕆᔾᔪᑎᑦ ᐊᑐᖅᑕᐅᖔᕈᓐᓇᖅᑐᑦ ᒪᒃᑯᒃᑐᓄᑦ ᑭᖑᓂᐊᒍᑦ ᐃᓅᓯᖏᓐᓂᒃ.
"ᐅᖃᐅᓯᕐᒥᒃ ᐃᓕᑦᑎᕙᓪᓕᐊᓂᑐᐃᓐᓇᐅᖅᑰᔨᔪᖅ. ᐃᓕᖕᓂᒃ ᐃᓚᐅᓕᑐᐊᕈᕕᑦ... ᑕᑯᓂᐊᖅᑐᑎᑦ ᐊᔪᕐᓇᙱᓐᓂᖅᓴᐅᓕᕐᓂᖓᓂ ᐃᖏᕐᕋᕙᓪᓕᐊᑎᓪᓗᒍ ᐊᒻᒪᓗ ᑕᒪᓐᓇ ᑐᐊᕕᐊᕆᑐᐃᓐᓇᖅᖢᒍ ᐊᓂᒍᕆᐊᖃᖅᑕᐃᑦ."
ᐊᒥᓱᑦ ᐃᓕᓐᓂᐊᖃᑎᖏᑦ ᓇᓗᓇᐃᒃᑯᑕᖃᖃᑦᑕᖅᓯᒪᑎᓪᓗᒋᑦ ᒪᒃᑯᒃᑑᓚᐅᖅᑎᓪᓗᒋᑦ, ᐋᔅᓕ ᐱᒋᐊᓚᐅᖅᓯᒪᔪᖅ ᓯᓚᑦᑐᖅᓴᕐᕕᖕᒥ. ᓯᕗᓪᓕᕐᒥ ᐊᑲᐅᖖᒋᓕᐅᕈᑎᒥᒃ ᐃᒃᐱᒍᓱᓚᐅᖅᑐᖅ ᐊᒻᒪᓗ ᐃᓕᑦᑎᓂᖅᑕᖃᓚᐅᕐᒪᑦ, ᑭᓯᐊᓂ ᖃᐅᔨᓚᐅᖅᑐᖅ ᓱᒃᑲᓂᖓᓂᒃ ᐊᒻᒪᓗ ᐱᕝᕕᒃᓴᖏᓐᓂᒃ ᐃᑲᔪᕐᓂᕐᒧᑦ ᐊᖑᒪᓂᕐᒧᑦ. ᑖᓐᓇ ᐃᓕᓐᓂᐊᖅᑕᖓ ᐸᕐᓇᓚᐅᖅᑕᖓ ᐃᖅᑲᓇᐃᔮᖅᑖᕆᔪᒪᔭᒥᓄᑦ.
ᐋᔅᓕ ᑲᑎᖃᑎᖃᓚᐅᖅᑐᖅ ᐋᒪᔮᓐᒥᑦ ᒍᕇᔅ ᕼᐋᐳᒥᑦ, ᖃᕆᓴᐅᔭᓕᕆᔾᔪᑎᓄᑦ ᐋᖅᑭᒃᓱᐃᔨᑦ ᑲᑎᒪᓂᖓ ᐊᕐᓇᓄᑦ. ᒫᓐᓇ ᐅᓪᓗᖏᑦ ᐱᒋᐊᖅᐸᓕᖅᐳᑦ ᓇᖏᖅᖢᑎᒃ ᑲᑎᒪᓪᓗᑎᒃ ᓅᑉᐸᓪᓕᐊᓪᓗᑎᒡᓗ ᐃᓛᒃᑰᖅᖢᑎᒃ ᐱᓕᕆᐊᖑᔪᒃᓴᓄᑦ ᑐᙵᕕᓕᖕᓄᑦ ᐱᓕᕆᐊᒃᓴᓄᑦ ᐱᓕᕆᖃᑎᒌᓄᓪᓗ ᑲᑎᒪᓂᕐᓄᑦ. ᐋᔅᓕᐅᑉ ᓯᕗᓪᓕᖅᐹᒥ ᐃᖅᑲᓇᐃᔮᖓ ᓯᓚᑦᑐᖅᓴᕐᕕᒡᔪᐊᒥᑦ ᒥᑭᑦᑐᒥᑦ ᐱᓕᕆᔾᔪᑎᒥᑦ ᑳᓪᒍᕆᒥᑦ, ᑭᓯᐊᓂ ᐋᒪᔮᓐᒧᐊᓕᓚᐅᖅᑐᖅ ᑭᖑᓂᑦᑎᐊᖓᒍᑦ. ᓇᒃᓴᕐᖢᓂ ᓱᖏᐅᑎᔪᓐᓇᕐᓂᕐᒥᓂᒃ ᓴᔪᓕᕐᖢᓂ ᓄᑖᒧᑦ ᐃᖅᑲᓇᐃᔮᖓᓄᑦ.
"ᓱᖏᐅᑎᔪᓐᓇᕐᓂᖅ ᐊᓯᔾᔨᖅᐸᓪᓕᐊᖏᓐᓇᖅᑐᓄᑦ ᐊᑐᖅᑐᓄᑦ ᐊᔪᙱᓐᓂᐅᔪᖅ ᐃᓱᒪᒋᔭᕋ ᓅᑕᐅᓯᒪᔪᖅ ᑭᖑᕚᕇᓄᑦ."
ᑭᖑᒧᑦ ᑕᑯᒋᐊᖅᖢᓂ ᐊᑐᖅᓯᔪᓐᓇᑦᑎᐊᖅᑐᓂᒃ ᐊᒻᒪ ᐃᓱᒪᒋᔭᐅᑦᑎᐊᖅᓯᒪᔪᑦ ᓯᕗᕚᖏᑦ ᐃᓱᒪᒋᓪᓗᒋᓪᓗ ᐃᓕᖅᑯᓯᖏᑦ, ᐋᔅᓕ ᑕᑯᕗᖅ ᖃᓄᖅ ᓱᖏᐅᑎᔪᓐᓇᕐᓂᕆᔭᖓ ᐱᕈᖅᓴᓚᐅᖅᑕᖓ ᓈᒻᒪᒃᓯᑎᖦᖢᓂᐅᒃ ᐱᓕᕆᓂᐊᕐᓗᓂ ᐱᓕᕆᔾᔪᑎᓂᒃ. ᐱᓕᕆᐊᒃᓴᑦ ᓲᕐᓗ ᐋᒪᔮᓐ ᓯᕗᓂᒃᓴᒥ ᐊᐅᓚᐅᓯᕆᔨ ᖃᕋᓴᐅᔭᒃᑯᑦ ᖃᐅᔨᓴᖅᑐᓕᕆᓂᕐᒥᒃ ᐃᓕᓐᓂᐊᖅᑎᑦᑎᓲᖑᕗᑦ ᓄᓇᓕᕋᓛᖑᓂᖅᓴᓂᒃ, ᓂᕆᐅᓇᙱᑦᑐᒃᑯᑦ ᓴᖅᑭᔮᕐᕕᐅᕙᒃᖢᑎᒃ ᓄᑖᙳᖅᐸᓪᓕᐊᔪᓄᑦ ᐊᒻᒪ ᐅᒃᑯᐃᖅᑕᐅᔪᓄᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᓄᑦ ᓲᕐᓗ ᐋᔅᓕ. ᐱᕕᒃᓴᖃᑦᑎᐊᖅᑎᓪᓗᒋᑦ, ᐋᔅᓕ ᑎᓕᐅᕆᕗᖅ ᒪᒃᑯᒃᑐᓂᒃ ᓯᓐᓇᒃᑑᒪᖁᓪᓗᒋᑦ ᐊᖏᔪᒥᒃ.
"ᐃᓕᖕᓂᒃ ᓂᐅᕐᕈᑎᖃᖃᑦᑕᙱᓪᓗᑎᑦ. ᐃᓕᖕᓂᒃ ᐅᒃᐱᕆᑦᑎᐊᕐᓗᑎᑦ ᐊᒻᒪ ᐃᓕᖕᓂᒃ ᐅᒃᐱᕈᓱᒡᓗᑎᑦ ᑐᕌᒐᕆᔭᑎᑦ ᐊᓂᒍᖅᑎᑦᑐᓐᓇᕋᕕᒋᑦ."
ᐃᑭᐊᖅᑭᕕᒃᑰᕈᓐᓇᐅᑏᑦ ᐊᒃᓱᕈᕐᓇᖅᑑᔪᓐᓇᕋᓗᐊᖅᑎᓪᓗᒋᑦ, ᑕᐃᒃᑯᐊ ᐱᓕᕆᔾᔪᑎᓄᑦ ᐊᔪᖅᑕᐅᙱᑦᑐᑦ ᐃᑲᔫᑕᐅᔪᓐᓇᖅᐳᑦ ᒪᒃᑯᒃᑑᑉ ᐊᖏᕐᕋᖓᓂ. ᖃᖓᑦᑎᐊᓕᓴᑦ ᐱᓕᕆᐊᑦ ᑕᑯᒃᓴᐅᑎᑦᑎᖕᒪᑕ ᑐᑦᑕᕐᕕᖕᒦᑦᑕᕆᐊᖃᙱᓐᓂᔅᓯᓐᓂᒃ ᐱᓕᕆᔭᖅᑐᕐᓗᑎᒃ ᐱᓕᕆᔾᔪᑎᓂᒃ, ᐅᖓᓯᒋᔭᐅᔪᒦᑦᑐᓐᓇᕆᕗᑎᑦ. ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᖅ ᐅᔾᔨᕐᓇᖅᓯᑎᑦᑎᓪᓗᓂ ᐅᖓᓯᒋᔭᐅᔪᒦᑦᑐᓂᒃ ᐱᓕᕆᐊᓂᒃ ᓴᖅᑭᑦᑎᓯᒪᕗᖅ ᐃᓱᒪᒥᒍᑦ ᐊᔪᕈᑎᓕᖕᓄᑦ ᐊᒃᓱᕈᕐᓇᖅᑐᓂᒃ, ᐊᒻᒪ ᐋᔅᓕ ᐅᖃᐅᓯᖃᖅᖢᓂ ᐅᖃᐅᔾᔪᖅᓱᖅᑕᒥᓂᒃ ᐊᒃᓱᕈᕐᓇᖅᑐᒃᑰᖅᑎᓪᓗᑕ.
"ᓯᓚᒥ ᓯᓚᒦᓪᓗᑎᑦ ᐊᔪᙱᓐᓂᓕᒫᕐᓂᒃ ᐊᑐᒐᔪᒃᑕᕐᓄᐊᕐᓗᑎᑦ. ᐊᒻᒪᓗ ᐃᖅᑲᐅᒪᓂᐊᖅᑯᑎᑦ ᐱᐅᓂᖅᓴᓂᑦ ᓴᖅᑭᓛᓕᕐᒥᒻᒪᑕ. ᑕᐅᑐᒐᖃᑐᐃᓐᓇᕐᓗᑎᑦ ᐱᐅᔪᒥᑦ."
ᓲᕐᓗ ᐊᑲᐅᙱᓕᐅᕈᑎᓂᒃ ᐋᖅᑭᒃᓯᓇᓱᖅᑰᔨᖕᒪᑦ ᐱᓕᕆᐊᕆᔭᒥᓂᒃ Amazon−ᒥ, ᐋᔅᓕ ᓇᓂᓯᓚᐅᖅᐳᖅ ᖃᓄᖅ ᑕᒪᓐᓇ ᐊᑐᖅᑕᐅᔪᓐᓇᕐᒪᖔᑦ ᐃᓄᑑᑎᑕᐅᑎᓪᓗᒍ ᖃᓂᒪᓐᓇᖅ ᓇᒧᙵᕈᓘᔭᖅᑐᖅ. ᐊᑕᖃᑦᑕᐅᑎᓂᖅ ᐱᓕᕆᔾᔪᑕᐅᕙᒃᑐᑎᒍᑦ ᓲᕐᓗ Zoom−ᑯᑦ ᑮᓇᒃᑯᓪᓗ, ᐊᓂᖅᓵᖅᑐᑦᑎᐊᕐᓂᖅ ᐃᖃᐃᓕᓴᕐᓂᕐᓗ ᐊᓯᖏᓐᓂᒃ ᐊᑐᖅᑕᐅᔪᓐᓇᖅᑐᓂᒃ Ashlee−ᑯᑦ ᐊᓂᒍᐃᑎᑦᑎᓂᖏᓐᓄᑦ ᓇᒧᙵᕈᓘᔭᖅᑐᓂᒃ ᑐᖑᔪᖅᑐᓂᒃ.
ᐱᔪᒃᓯᑎᑦᑎᓪᓗᓂ ᖃᐅᔨᓯᒪᔭᖏᓐᓂᒃ ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᒥᒃ ᕿᓄᐃᓵᕐᓂᕐᒥᒃ ᐊᒻᒪ ᐱᓇᔪᖃᑦᑕᖅᓯᒪᓂᖓᓄᑦ ᖁᕕᐊᒋᔭᖃᕐᓂᕐᒥᒃ ᖃᕋᓴᐅᔭᒃᑯᑦ ᖃᐅᔨᓴᖅᑐᓕᕆᓂᕐᒥᒃ ᓯᓐᓇᒃᑑᒪᓪᓗᓂ ᐃᖅᑲᓇᐃᔮᒧᑦ, ᐋᔅᓕ ᐃᑯᒻᒪᒃᑎᑦᑎᕗᖅ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂᒃ ᓇᓂᑐᐃᓐᓇᑦᑎᐊᖅ. ᐃᓱᒪᑐᓂᖓ, ᓴᓇᑐᓂᖓ ᐊᒻᒪ ᐊᑲᐅᖏᓕᐅᕈᑎᓂᒃ ᐋᖅᑭᒃᓯᔪᓐᓇᑦᑎᐊᕐᓂᖓᓄᑦ, ᑭᖑᕚᕇᓄᑦ ᐃᓚᒥᓄᑦ ᑐᓂᓯᓚᐅᖅᑐᖅ, ᐃᔾᔪᐊᒐᒃᓴᑦᑎᐊᕙᐅᓪᓗᓂ ᐊᒻᒪ ᐃᑲᔫᑎᖃᖅᖢᓂ ᓄᓇᖅᑲᑎᒥᓄᑦ.
TakingITGlobal−ᑯᑦ ᖁᕕᐊᓱᒃᐳᑦ ᐋᔅᓕ ᐃᓚᐅᓂᖓᓄᑦ ᓄᓇᖃᖅᑳᖅᑐᑦ ᐃᔾᔪᐊᒐᒃᓴᑦᑎᐊᕙᐅᓂᖏᓐᓄᑦ ᖃᐃᖁᔭᐅᓯᒪᓪᓗᑎᒡᓗ ᐅᖃᓪᓚᒃᑎᐅᓪᓗᑎᒃ ᐊᒃᑐᐊᓂᓕᖕᓄᑦ ᐅᑭᐅᖅᑕᖅᑐᒥ ᐱᓕᕆᐊᖑᕙᒃᑐᒧᑦ. ᐋᒪᔮᓐ ᐃᑲᔪᖅᑐᐃᖕᒥᔪᖅ ᓇᓗᓇᐃᒃᑯᑦᑎᖅᓱᐃᓂᕐᒥᒃ ᐊᒻᒪ ᖃᕋᓴᐅᔭᓕᕆᓂᕐᒥᒃ ᖃᐅᔨᓴᖅᑐᓕᕆᓂᕐᒥᒃ ᐃᓕᓐᓂᐊᕈᑎᒃᓴᓂᒃ ᐊᒃᑐᐊᖃᑦᑕᐅᑎᔪᓄᑦ ᐅᑭᐅᖅᑕᖅᑐᒥ ᑐᓴᐅᒪᖃᑎᒌᒍᓯᕐᓄᑦ ᐃᓕᓐᓂᐊᕐᕕᖕᓂ Amazon future Engineer Canada −ᑯᑦ ᐱᓕᕆᐊᖑᕙᓪᓕᐊᔪᒪᔪᓂᒃ.
ᖁᔭᓐᓇᒦᑦᑎᐊᕐᒥᔭᕋ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.
