ᑐᒦᑦ ᐊᐳᑎᒦᓚᐅᖅᑎᓪᓗᒋᑦ: ᐋᔅᓕ ᕿᓚᕙᖅ−ᓴᕚᕐᑦ ᐃᓄᐃᑦ ᑕᕐᕆᔭᐅᓯᐊᖓ
"ᐱᕈᓚᐅᖅᑐᖓ ᖁᔭᓕᓪᓗᖓ ᓯᕗᓪᓖᑦ ᑭᖑᕚᕇᑦ ᒪᑐᐃᖅᓯᔭᕆᐊᖃᓚᐅᙱᑦᑐᑦ ᐹᓂᒃ ᑕᕐᕆᔭᓕᐊᙳᕐᓗᑎᒃ ᐃᓱᒪᒋᔭᐅᑦᑎᐊᕐᓗᑎᒃᓗ. ᐃᑲᔫᑎᖃᕐᔪᐊᖅᑐᖓ ᓯᕗᓪᓕᕐᓂᑦ ᑭᖑᕚᕇᓂᑦ," ᐅᖃᖅᑐᖅ ᐋᔅᓕ ᕿᓚᕙᖅ-ᓴᕚᑦ, ᑕᑯᑦᓴᐅᑎᑦᓯᓂᕐᒥᑦ ᖃᓄᑎᒋ ᐃᓄᐃᑦ ᑕᕐᕆᔭᓕᐊᖏᑦ ᓴᖅᑭᖅᓯᒪᓂᖏᓐᓂᑦ ᐱᕕᖃᕐᓂᐅᔪᓂᓪᓗ ᖁᔭᓕᓂᕐᒥᑦ ᑭᒡᒐᖅᑐᐃᓂᕐᒧᑦ ᓯᕗᓕᕆᓚᐅᖅᑕᖏᓐᓂᑦ.
ᕿᓚᕙᖅ−ᓴᕚᕐᑦ ᐃᖃᓗᖕᒥᐅᑕᖅ, ᓄᓇᕗᒻᒥᐅᑕᖅ ᑎᑎᕋᕆᐊᒃᓴᖅ ᖁᕕᐊᒋᔭᖃᖅᑐᖅ, ᐅᓂᒃᑳᖅᑐᐊᕐᓂᕐᒥᒃ ᖁᕕᐊᒋᔭᖃᖅᑐᖅ, ᐊᑲᐅᙱᓕᐅᕈᑎᓂᒃ ᐋᖅᑭᒃᓯᔪᓐᓇᖅᖢᓂ ᐊᒻᒪ ᓴᓇᑐᓂᕐᒥᒃ ᖁᕕᐊᒋᔭᖃᖅᖢᓂ. ᖃᖓᙳᖅᐸᓪᓕᐊᓂᖓᓄᑦ, ᓇᓂᓯᓚᐅᖅᐳᖅ ᑲᑎᑎᑦᑎᔪᓐᓇᕐᓂᕐᒥᒃ ᑕᒪᒃᑯᓂᖓ ᐱᔪᒃᓯᓂᕆᔭᐅᔪᓂᒃ ᐱᓕᕆᔨᓪᓚᕆᐅᓂᕐᒧᑦ: ᐱᓕᕆᓪᓗᓂ ᑕᕐᕆᔭᒐᒃᓴᒥᒃ ᓴᓇᙳᐊᖅᑎᐅᓂᕐᒥᒡᓗ. ᐱᓕᕆᓪᓗᓂ ᐱᓕᕆᑦᑎᐊᕈᓐᓇᕐᓂᕐᒥᓂᒃ, ᐱᓕᕆᑦᑎᐊᖅᑐᖅ ᑕᑯᓪᓗᓂᓗ ᐊᔾᔨᒌᖏᓐᓂᖏᓐᓂ ᐃᖅᑲᓇᐃᔮᖓᓂ.
ᐅᕕᒃᑲᐅᑐᐃᓐᓇᖅᑎᓪᓗᒍ, ᐃᓚᖓᑦ ᐱᖃᓐᓇᕆᔭᖓ ᐅᖃᓚᐅᕐᓯᒪᔪᖅ ᑕᕐᕆᔭᓕᐅᕆᐊᕈᒪᓂᕋᕐᓱᓂ ᐊᒻᒪ ᓂᙵᒍᑎᒋᓪᓚᕆᑦᑕᖓ. ᕿᓚᕙᖅ-ᓴᕚᕐᑦ ᑭᖑᓂᐊᒍᑦ ᖃᐅᔨᓕᓚᐅᖅᑐᖅ ᓯᓐᓇᑦᑑᒪᒋᓚᐅᕐᒪᒍᑦᑕᐅᖅ, ᐊᒻᒪᓗ ᐃᓄᖅᓯᓯᒪᔫᔮᓕᓚᐅᕐᒪᑦ. ᐆᒃᑑᑎᖃᓗᐊᕋᓂ ᐃᓄᐃᑦ ᑕᕐᕆᔮᒃᓴᖏᓐᓂᒃ, ᑕᑯᓚᐅᙱᒻᒪᒍ ᐅᓂᒃᑳᖅᑐᐊᖏᑦ ᐅᕝᕙᓘᓐᓃᑦ ᐃᓕᖅᑯᓯᖏᑦ ᑕᑯᒃᓴᐅᑎᑕᐅᔪᑦ. ᐃᓱᒪᓚᐅᕐᒪᑦ ᖃᓄᖅ ᑕᒪᓐᓇ ᐊᓯᔾᔨᕈᓐᓇᕐᒪᖔᖅ. ᖁᔭᓐᓇᒦᒃ ᐃᓄᐃᑦ ᑕᕐᕆᔭᐅᓯᐊᖏᑦ ᐊᖏᕐᕋᖓᓂ, ᐃᓯᕈᓐᓇᖅᓯᓚᐅᖅᑐᖅ ᐹᒥ ᐃᓚᒋᐊᖅᑕᐅᓪᓗᓂ ᐅᐸᒍᑎᓪᓗᓂᓗ ᕚᓐᑰᕙᒥ ᑕᕐᕆᔭᐅᓯᐅᕐᓂᕐᒧᑦ ᐃᓕᓐᓂᐊᕐᕕᖕᒥ, ᐃᓅᓯᕐᒧᑦ ᐊᓯᔾᔨᕈᑕᐅᔪᒥᒃ ᐊᒻᒪ ᐊᒃᓱᕈᕐᓇᖅᑐᒥᒃ ᐃᖏᕐᕋᓂᕐᒥᒃ.
ᕚᓐᑰᕗᒥ, ᖃᐅᔨᒪᓚᐅᙱᑦᑐᖅ ᐊᓯᖏᓐᓂᒃ ᐃᓄᖕᓂᒃ ᑕᐅᕙᓂ ᑭᓯᐊᓂ ᑭᓱᑐᐃᓐᓇᑦᑎᐊᓂᒃ ᐃᓕᑦᑎᕙᓪᓕᐊᔭᒥᓂᒃ ᖁᕕᐊᒋᔭᖃᓚᐅᖅᑐᖅ. "ᐊᔾᔨᒋᓚᐅᙱᑕᖓ ᓄᓇᕐᔪᐊᓕᒫᒥᑦ ᐃᓂᒋᔭᐅᓪᓗᓂ ᓇᑭᙶᕐᓂᖏᑦ ᐊᒻᒪ ᓇᑭᙶᕐᓂᖏᑦ ᓱᖁᑕᐅᓗᐊᓚᐅᙱᖦᖢᑎᒃ. ᐱᒻᒪᕆᐅᑐᐃᓐᓇᖅᐳᖅ ᖃᓄᐃᓕᐅᕈᓐᓇᕐᒪᖔᖅᐱᑦ, ᐊᔪᙱᓐᓂᕆᔭᐃᓪᓗ ᖃᓄᖅ ᕿᓚᒻᒥᐅᑎᒋᔪᒥᒃ ᐃᓕᑦᑎᔪᓐᓇᕐᒪᖔᖅᐱᑦ," ᕿᓚᕙᖅ−ᓴᕚᕐᑦ ᐃᖅᑲᐅᒪᔪᖅ.
ᐃᓕᑦᑎᒃᑲᓐᓂᓚᐅᖅᑐᖅ ᑎᑎᕋᕐᓂᕐᒥᒃ ᓄᓇᕐᔪᐊᕐᒥ ᓵᒥ ᑕᕐᕆᔭᐅᓯᐅᖅᑎᒃᑯᓐᓂ. ᐱᓕᕆᐊᖓ ᓂᕈᐊᖅᑕᐅᓚᐅᖅᑐᖅ ᐃᓕᓐᓂᐊᖅᖢᓂᓗ ᖃᓄᖅ ᑎᑎᕋᕆᐊᒃᓴᖅ ᑕᕐᕆᔮᒃᓴᓂᒡᓗ, ᑲᑎᒪᖃᑎᖃᕐᓗᓂ ᓴᖅᑭᑦᑎᔨᒥᑦ, casting, ᐸᕐᓇᐃᓂᖕᒥᑦ ᐋᖅᑭᒋᐊᖅᓯᓂᖕᓂᓪᓗ ᑎᑎᖅᑲᖏᓐᓂᑦ. ᕿᓚᕙᖅ−ᓴᕚᕐᑦ ᖃᐅᔨᑎᑦᑎᔪᒪᓕᓚᐅᖅᑐᖅ ᓴᖅᑭᑦᑎᓂᕐᒥᒃ ᐊᒻᒪ ᓇᒧᙵᐅᓂᐊᕐᓂᕐᒥᒃ ᐃᓕᓐᓂᐊᒐᒃᓴᓂᒃ ᕚᓐᑰᕙᒥ ᑕᕐᕆᔭᐅᓯᐅᕐᓂᕐᒧᑦ ᐃᓕᓐᓂᐊᕐᕕᖕᒥ ᐱᕚᓪᓕᖅᑎᓐᓇᓱᒃᖢᒋᑦ ᐊᔪᙱᑕᖏᑦ ᑐᑭᓯᐊᓗᒋᓪᓗ ᖃᓄᖅ ᑭᓱᓕᒫᑦ ᐱᓕᕆᐊᖑᓲᖑᖕᒪᖔᑕ. ImagiNative Screenwriting Features Lab−ᒥ ᐃᓕᑦᑎᔪᓐᓇᖅᓯᓚᐅᖅᐳᖅ ᖃᓄᖅ ᑎᑎᕋᕆᐊᒃᓴᖅ ᑕᕐᕆᔮᒃᓴᓂᒃ ᐱᑎᑕᐅᓪᓗᓂᓗ ᐅᓄᖅᑐᓂᒃ ᐃᑲᔫᑎᒃᓴᓂᒃ ᐃᓕᑦᑎᕙᓪᓕᐊᖏᓐᓇᕈᑎᒃᓴᓂᒃ. ᐊᑐᕐᓂᑯᖃᕐᖢᓂ ᒪᑐᐃᙶᖏᓐᓇᕐᖢᓂᓗ ᓄᑖᓄᑦ ᐃᓕᓐᓂᐊᒐᒃᓴᓄᑦ, ᐱᓕᕆᔪᖅ ᑐᑭᓯᓇᓱᒃᓗᓂ ᐊᐅᓚᓂᓕᒫᖏᓐᓂ ᑕᕐᕆᔮᒃᓴᓕᐅᖏᓐᓇᕐᖢᓂᓗ.
ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᐱᔪᒃᓯᑎᑕᐅᓪᓗᓂ ᐊᖅᑯᑎᖓᒍᑦ, "ᑭᓱᑐᐃᓐᓇᑦᑎᐊᑦ ᐊᔪᕐᓇᙱᑦᑐᑦ. ᐃᓗᐊᕆᔭᐃᑦ ᐊᓂᔭᕆᐊᖃᕋᕕᑦ." ᖃᐅᔨᒪᔪᖅ ᓄᓇᔅᓯᓐᓂ ᐊᐅᓪᓚᕐᓂᖅ ᐊᒃᓱᕈᕐᓇᕈᓐᓇᕐᒪᑦ ᑎᓕᐅᕆᓪᓗᓂᓗ ᐃᓄᖕᓂᒃ ᐊᑐᕐᓂᑯᖃᖁᓪᓗᒋᑦ ᐋᖅᑭᒃᓯᒪᔪᓂᒃ ᓯᓚᑖᓂ ᐃᓕᓐᓂᐊᕐᕕᐅᑉ. "ᖃᐅᔨᔪᒪᒍᕕᐅᒃ, ᕿᒡᒋᑲᐅᑎᒋᓗᑎᑦ ᐱᕕᖃᓕᕈᕕᑦ ᐊᔪᕐᓇᙲᓐᓇᐅᔭᕐᒪᑦ," ᕿᓚᕙᖅ−ᓴᕚᕐᑦ ᑲᔪᓯᔪᖅ.
ᖃᐅᔨᒪᖁᒻᒥᔭᖓᑦᑕᐅᖅ ᐃᖅᑲᓇᐃᔮᖃᕐᓂᖅ ᑕᕐᕆᔮᔅᓴᓕᕆᓂᕐᒥᑦ ᐊᑯᓂᐅᔪᓐᓇᕐᒪᑦ ᐊᒻᒪ ᐃᖅᑲᓇᐃᔭᖅᑐᓂ, ᑐᙵᕕᓕᐅᖅᑐᓂ ᐊᒻᒪ ᐱᕙᓪᓕᐊᑎᑦᑎᓪᓗᓂ ᓄᑖᓂᒃ ᖃᐅᔾᔨᑎᑖᕐᓗᓂ. ᑕᕐᕆᔭᐅᓯᐅᖅᑎᒃᑯᑦ ᓱᒃᑲᓕᔪᒥᒃ ᑕᕐᕆᔭᖅᑎᑦᑎᔪᓐᓇᕋᓗᐊᖅᑎᓪᓗᒋᑦ, ᐊᕐᕌᒍᒐᓴᖕᓄᑦ ᑕᕐᕆᔭᐅᓯᐅᖅᑕᐅᓇᓱᖕᓇᕐᒪᑦ, ᓂᙵᖕᓇᖅᖢᓂ. ᑮᓇᐅᔭᖃᖅᑎᑕᐅᓂᒃᑯᑦ ᐱᕙᓪᓕᐊᓂᕐᒧᑦ, ᓱᓇᓕᒫᑦ ᐊᑯᓂᐅᓲᖑᔪᑦ. "ᐊᒃᓱᐊᓗᒃ ᕿᓄᐃᓵᕐᓇᖅᐳᖅ ᐊᔪᕈᓐᓃᖅᓴᕆᐊᖃᖅᑕᕐᓂᑦ ᐋᖅᑭᒃᓱᐃᕙᓪᓕᐊᓗᓂ... ᑭᓯᐊᓂ ᑲᔪᓯᔪᒥᒃ ᐱᓕᕆᐊᖃᕈᓐᓇᕈᕕᑦ, ᑕᐃᑯᙵᕐᓂᐊᖅᑐᑎᑦ," ᕿᓚᕙᖅ−ᓴᕚᕐᑦ ᓇᓗᓇᐃᔭᖅᑐᖅ.
ᐃᓚᖓᑦ ᐊᒃᓱᕈᕐᓇᖅᑐᖅ ᖃᐅᔨᓯᒪᔭᖓ ᐱᑕᖃᒐᔪᙱᓐᓂᖓᓄᑦ ᐊᑕᐅᓰᓐᓇᓕᔪᒥᒃ ᐃᖅᑲᓇᐃᔭᕐᓂᕐᒥᒃ ᕿᒪᐃᓂᐊᕐᓗᓂ ᐅᓪᓗᓕᒫᖅ ᐃᖅᑲᓇᐃᔭᕐᓂᕐᒥᒃ ᑭᓯᐊᓂ ᐱᒋᐊᕐᓗᓂ ᐊᔪᕈᓐᓃᖅᓴᕐᓂᕐᒥᒃ ᐱᓯᒪᓕᕐᓂᕐᓗ ᐱᓕᕆᔾᔪᑎᓄᑦ ᐊᔪᕈᓐᓃᖅᑕᐅᕙᒃᑐᓂᒃ ᐃᑲᔪᖅᐸᒃᐳᖅ ᐊᔪᕈᓐᓃᖅᑕᐅᕙᒃᑐᓂᒃ ᐊᔪᙱᓐᓂᕆᔭᐅᔪᓂᒡᓗ. ᑕᕐᕆᔭᐅᓯᐅᕐᓂᖅ ᐱᓕᕆᖃᑎᒌᒍᑕᐅᕗᖅ ᖃᐅᔨᓪᓗᓂᓗ ᐊᒥᓱᓂᒃ ᐱᕕᒃᓴᖅᑕᖃᕐᓂᖓᓂᒃ ᐱᕈᖅᐸᓪᓕᐊᓂᕐᒥᒃ. ᑮᓇᐅᔭᖃᖅᑎᑕᐅᓪᓗᓂ ᓄᓇᕗᒻᒥ ᑕᕐᕆᔮᒃᓴᓕᕆᔨᒃᑯᓐᓂ, ᓄᓇᖃᖅᑳᖅᓯᒪᔪᑦ ᑕᕐᕆᔭᕈᓐᓇᐅᑎᓕᕆᔨᒃᑯᑦ ᑎᑎᕋᕐᕕᐊᓂ ᐊᒻᒪ ᑕᓚᕕᓴᒃᑯᑦ ᐱᕙᓪᓕᐊᑎᑦᑎᔪᓐᓇᖅᓯᓚᐅᖅᐳᖅ ᐊᒻᒪ ᐱᓕᒻᒪᒃᓴᖅᑎᑦᑎᔪᓐᓇᖅᓯᓪᓗᓂ. ᐃᓚᖏᑦ ᐃᓕᓚᐅᖅᑕᖏᑦ ᐃᖅᑲᖅᑐᖅᑕᐅᓂᒃᑯᑦ ᑕᒻᒪᕐᓂᒃᑯᓪᓗ ᐃᓕᓐᓂᐊᖃᑎᒥᓄᑦ.
"ᐃᓱᒪᒋᔭᕋ ᑲᒪᓇᖅᑐᖅ ᐃᓅᓪᓗᑕ, ᐃᓕᓴᐃᒐᔪᒃᐳᒍᑦ ᑕᐃᒪᙵᓕᒫᖅ," ᕿᓚᕙᖅ−ᓴᕚᑦ ᐊᒃᑐᐊᓂᖃᖅᑐᖅ. ᓯᕗᓪᓕᖅᐹᒥ ᓇᐃᑦᑐᒥᒃ ᑕᕐᕆᔭᓕᐅᖅᖢᓂ ᐆᔭᐅᔭᕐᒥᒃ ᓄᓇᓕᖕᓂᙶᖅᑐᓂᒃ ᐅᓇᑕᖅᑐᒃᓴᓂᒃ ᐊᒻᒪ ᓴᓇᔨᓂᒃ, ᐋᖅᑭᒃᓯᓚᐅᖅᐳᑦ ᑲᑎᙵᓪᓗᑎᒃ. ᐊᔪᖖᒋᓐᓂᖓ ᐋᖅᑭᒃᓯᒪᑦᑎᐊᖅᓯᒪᔪᖅ, ᐊᑐᕈᓐᓇᖅᑎᖦᖢᒍ ᐅᓄᖅᑐᓂᒃ ᓇᓴᕐᓂᒃ ᐋᖅᑭᒃᓯᒪᔪᓂᒃ.
ᑮᓇᐅᔭᖃᖅᑎᑕᐅᙱᓗᐊᕐᓂᖅ ᐊᖏᓛᖑᓪᓗᓂ ᑐᓗᕈᑎᐅᓚᐅᖅᐳᖅ ᓵᑦᑎᐊᕐᒥᐅᑕᕆᓕᓚᐅᖅᑕᖓᓄᑦ ᐋᖅᑭᒃᓱᐃᕙᓪᓕᐊᓪᓗᓂ ᑕᕐᕆᔭᒐᒃᓴᓕᐊᒥᓂᒃ. ᕿᓚᕙᖅ-ᓴᕚᑦ ᑮᓇᐅᔭᖅᑖᕈᓐᓇᓚᐅᖏᒻᒪᑦ ᑲᔪᓯᖁᓪᓗᒍ ᐃᓕᓐᓂᐊᖅᑕᖓᑕ ᐅᖓᑖᓄᑦ ᓯᕗᓪᓕᖅᐹᒥ ᐊᕐᕌᒍᒥ, ᐊᒃᓱᕈᕐᓇᖅᑑᔪᖅ ᑐᓴᖅᑕᓂ ᐊᒥᓱᓂᒃ ᐃᓄᐃᑦ ᓵᖓᔭᖏᓐᓂᒃ. ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ, ᐅᐸᒍᑎᔪᓐᓇᓚᐅᖅᑐᖅ ᖃᕋᓴᐅᔭᒃᑯᑦ ᐱᓕᕆᐊᓄᑦ ᐊᐃᓯᒪᓪᓗᑎᒃ ᐅᓐᓄᒃᑯᑦ ᑭᓯᐊᓂ ᑮᓇᐅᔭᑎᒍᑦ ᐃᑲᔪᖅᑕᐅᑦᑎᐊᙱᖦᖢᓂ. ᐊᐃᑉᐸᖓ ᐊᕝᕕᐊᕈᑎᒋᓚᐅᖅᑕᖓ ᑕᕐᕆᔮᔅᓴᓕᐅᖅᑐᓂ ᑲᙳᓱᑦᑐᒻᒪᕆᐅᓪᓗᓂ.
ᕿᓚᕙᖅ−ᓴᕚᕐᑦ ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᓱᒃᑲᐃᒡᓕᕚᓪᓕᕋᔭᖕᒪᑦ ᐃᒻᒥᓂᒃ ᓯᕗᕙᓯᒐᔭᖕᒪᑦ ᐃᓛᓐᓂᒃᑯᑦ, ᑐᑭᒧᐊᑦᑎᐊᙱᓪᓗᓂ ᐃᒻᒥᓂᒃ ᐱᒋᐊᒃᑲᓐᓂᕆᐊᖃᓕᕐᖢᓂ ᐅᑎᒧᓪᓗ. ᐃᓕᑦᑎᕙᓪᓕᐊᓂᕐᒧᑦ ᑎᑎᕋᕐᓂᖅ ᐃᓚᖃᓚᐅᖅᐳᖅ ᐅᖃᓕᒫᕐᓂᕐᒥᒃ ᐊᒥᓱᓂᒃ ᑎᑎᕋᖅᓯᒪᔪᓂᒃ ᐅᖃᓕᒫᒐᕐᓂᒡᓗ, ᑕᒪᒃᑯᐊᓗ ᖁᕕᐊᒋᓗᐊᓚᐅᙱᑕᖏᑦ ᑎᑎᕋᓪᓚᑦᑖᖅᖢᓂ. ᖁᕕᐊᓇᓚᐅᖅᑐᖅ ᑭᓯᐊᓂ ᐃᑲᔫᑎᖃᓚᐅᖅᑐᖅ, ᐃᓱᐊᓂ.
ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ ᑎᑎᕋᕐᓗᓂᓗ ᓯᒥᒃᓯᒪᕝᕕᒃᑰᕐᓗᓂ, ᐱᓱᑲᑕᐃᓐᓇᕐᖢᓂ, ᐅᖃᖃᑎᖃᕐᖢᓂ ᐃᓄᖕᓂᒃ, ᐊᖁᑲᑕᒃᓗᓂᓗ. ᕿᓚᕙᖅ−ᓴᕚᕐᑦ ᖁᕕᐊᒋᔭᖃᖅᑐᖅ ᓄᓇᒦᓪᓗᓂ ᐊᓂᖅᓵᑐᐃᓐᓇᖅᖢᓂ ᐊᒻᒪ ᐃᓱᒪᒃᓴᖅᓯᐅᕈᑎᓂᒃ ᓇᓂᓯᓪᓗᓂ ᓂᕆᐅᒋᙱᑐᐊᖅᐸᒍ. ᑐᑭᓯᓇᖅᓯᑎᑦᑎᓂᖓ ᐊᔾᔨᒋᙱᑐᐃᓐᓇᕆᐊᖃᖅᑕᖓ ᐊᓯᕕᑦ ᑭᓯᐊᓂ ᖃᐅᔨᔪᖅ ᖃᐅᔨᓇᓱᒋᐊᖃᕐᓇᕐᒪᑦ ᑭᓱᑦ ᐃᓕᖕᓄᑦ ᐊᑲᐅᓛᖑᖕᒪᖔᑕ.
ᕿᒥᕐᕈᓪᓗᓂ ᒫᓐᓇᐅᔪᖅ ᐱᕕᒃᓴᐅᔪᓂᒃ ᑕᑯᓐᓇᙳᐊᖅᑐᒍ 10-ᓂᒃ 15-ᓄᑦ ᐊᕐᕌᒍᐃᑦ ᓈᓕᖅᑐᑦ, ᖁᕕᐊᓱᑦᑐᖅ ᖃᑦᑎᓂᒃ ᐊᔾᔨᒌᙱᑦᑐᓂᒃ ᐅᓂᒃᑳᓂᒃ ᓴᖅᑭᖅᑐᖃᖅᐸᓪᓕᐊᒻᒪᖔᖅ. ᓯᕗᓂᐊᒍᑦ, ᐅᓂᒃᑳᖅᑕᖃᑐᐃᓐᓇᓚᐅᖅᑐᖅ ᐊᒻᒪᓗ ᖃᓪᓗᓈᖑᖃᑎᖐᑦ ᐅᓂᒃᑳᖅᑐᐊᑦ ᑭᓯᐊᓂ ᓄᑖᓂᒃ ᓴᖅᑭᑉᐸᓪᓕᐊᔪᓂᒃ, ᐃᓄᐃᑦ ᑕᕐᕆᔭᐅᓯᐊᖏᑦ ᐊᔾᔨᒌᒍᓐᓃᖅᐸᓪᓕᐊᖕᒪᑕ. ᑕᒪᓐᓇ ᑲᒪᒋᔭᐅᕙᓪᓕᐊᓕᕐᒪᑦ ᐃᓄᐃᑦ ᑭᓇᐅᓂᖏᑦ, ᑕᑯᒃᓴᐅᑎᑦᑎᓪᓗᑎᒃ ᖃᓄᖅ ᐊᔾᔨᒋᓐᖏᑕᖏᑦ ᐃᓄᐃᑦ ᐃᓅᓯᖃᕐᒪᖔᑕ ᐊᒻᒪᓗ ᖃᓄᖅ ᐊᔾᔨᒌᙱᑎᒋᒻᒪᖔᑕ ᖃᐅᔨᖃᑦᑕᕐᓯᒪᔭᖏᑦ.
ᐱᔪᒃᓯᑎᑦᑎᓇᓱᒃᖢᓂ, ᕿᓚᕙᖅ−ᓴᕚᕐᑦ ᐅᓂᒃᑳᖅᐳᖅ ᐊᓯᖏᓐᓂᒃ ᐅᓂᒃᑳᖅᑐᐊᓂᒃ, ᑐᓴᖅᑎᑦᑎᔾᔪᑎᓂᒃ ᐊᒻᒪ ᐱᔾᔪᑕᐅᔪᓂᒃ ᓴᖅᑭᑕᖏᓐᓂᒃ ᐊᒻᒪ ᒪᒥᓴᖅᐸᓪᓕᐊᓂᖏᓐᓂᒃ. "ᖃᐅᔨᒪᙱᒻᒪᕆᑦᑐᖓ ᓱᓕ ᖃᓄᐃᑦᑐᒥᒃ ᑕᕐᕆᔭᓕᐅᖅᑐᖃᕐᓂᐊᕐᒪᖔᑦ ᐊᕐᕌᒍᑦ ᖁᓕᑦ ᐃᓗᐊᓂ. ᑕᒪᓐᓇ ᖁᕕᐊᓇᖅᑐᒻᒪᕆᐅᕗᖅ ᑕᑯᓪᓗᓂ ᑭᓱᓂᒃ ᐅᓂᒃᑳᖅᑐᐊᓂᒃ ᐱᑕᖃᕐᒪᖔᑦ ᒫᓐᓇ ᑭᓱᓂᒡᓗ ᓴᖅᑭᑦᑐᖃᕐᓂᐊᕐᒪᖔᑦ ᐃᒪᐃᓐᓂᖓᓄᑦ, ᐊᒥᓱᓂᒃ ᐊᔪᙱᓐᓂᖃᑦᑎᐊᖅᑐᓂᒃ ᐅᓂᒃᑳᖅᑎᖃᕋᑦᑕ," ᑕᐃᒪᓐᓇ ᐅᖃᖅᖢᓂ.
ᖁᔭᓕᔪᑦ ᓯᕗᓪᓖᑦ ᑭᖑᕚᕇᓄᑦ ᒪᑐᐃᖅᓯᓚᐅᖅᑐᑦ ᑕᕐᕆᔭᐅᓯᐅᖅᑎᑦ ᐹᖏᓐᓂᒃ ᐊᒻᒪ ᐊᒃᓱᕈᖅᖢᑎᒃ ᐱᓕᕆᐊᖑᑦᑎᐊᓚᐅᖅᐳᑦ, ᐋᔅᓕ ᕿᓚᕙᖅ−ᓴᕚᕐᑦ ᐊᖅᑯᑎᒋᓂᐊᖅᑕᖓᓂᒃ ᑕᕐᕆᔭᓕᐅᖅᑎᐅᓪᓗᓂ ᐊᒻᒪ ᓴᓇᙳᐊᖅᑎᐅᓪᓗᓂ. ᑕᑯᓪᓗᓂ ᖃᓄᑎᒋ ᐃᓄᐃᑦ ᑕᕐᕆᔭᓕᐊᖏᑦ ᑎᑭᓯᒪᒻᒪᖔᑕ, ᑕᑯᔅᓴᕈᖅᑎᑦᑎᓯᒪᔪᖅ ᖃᓄᑎᒋ ᐅᖓᓯᑦᑐᒨᕈᓐᓇᕐᒪᖔᖅ ᐊᒻᒪᓗ ᑭᓇᒧᓪᓕ ᐃᑲᔪᕈᓐᓇᕐᒪᖔᖅ. ᐃᓕᑦᑎᖃᑦᑕᐅᑎᓂᖅ ᐊᒻᒪᓗ ᐅᓂᒃᑳᖃᑦᑕᐅᑎᓂᖅ, ᓇᓂᓯᓚᐅᖅᑐᖅ ᓄᓇᓕᖕᒥᑦ ᐊᒻᒪᓗ ᓯᕗᓂᒃᓴᒥᑦ ᐃᓄᐃᑦ ᑕᕐᕆᔭᐅᓯᐅᖅᑕᐅᔪᓂᑦ ᐊᒻᒪᓗ ᐱᕕᖃᕐᓂᕐᒧᑦ ᑕᐅᑐᑦᑎᐊᕐᓂᖓᓄᑦ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
