"ᓄᓇᒧᑦ ᑲᑎᙵᖃᑎᖃᕐᓂᖅ ᐃᑲᔪᖅᑐᖅ ᐅᕙᑦᑎᓐᓂᑦ ᐃᖅᑲᐅᒪᓂᕐᒥᑦ ᐃᓄᑑᓗᐊᖏᓐᓂᑎᓐᓂᑦ ᐃᓄᑑᓗᐊᖏᓐᓂᕐᒥᓪᓘᓐᓃᑦ ᐃᓱᒪᑐᐃᓐᓇᕆᐊᖃᕋᑦᑕ ᖃᓄᕐᓗ ᓱᓇᑐᐃᓐᓇᕐᓂᑦ ᑲᓲᑎᓯᒪᓂᕐᒥᑦ ᐃᖅᑲᐅᒪᓂᕐᒥᓪᓗ ᓇᓂᓯᑲᓐᓂᕈᓐᓇᕋᑦᑕ ᐅᕙᑦᑎᓐᓂᑦ," ᐅᖃᖅᑐᖅ ᑖᓐᔭ ᒍᓘᕙᕝ, ᐅᖃᐅᓯᓕᕆᓂᕐᒧᑦ ᐃᓕᓐᓂᐊᖅᑎ ᐊᒻᒪᓗ ᓘᑦᑖᓕᐊᕐᓂᕐᒧᑦ. ᖃᑕᙳᑎᖏᑦ 6-ᓂᑦ ᓄᓇᓕᕐᔪᐊᓂᙶᖅᑐᑦ ᒍᕌᓐ ᑰᖕᒥᑦ. ᑖᓐᓇ ᐊᑯᑉᓕᖅᓯᒪᔪᖅ ᒧᕼᐊᒃ ᐊᕐᓇᖅ ᒫᓐᓇ ᓄᓇᖃᖅᑐᖅ 18-ᓂᒃ ᓄᓇᕗᒻᒥ. ᐊᕐᕌᒎᓕᖅᑑᓐᓂ ᒪᕐᕉᓐᓂ ᐃᓕᓴᐃᖃᑦᑕᖅᓯᒪᔪᖅ ᐱᕈᖅᑐᒥᓃᑦ ᒥᒃᓵᓄᑦ ᐊᒻᒪᓗ ᐃᓅᓕᓴᐅᑎᓂᒃ ᓄᓇᓕᓐᓂ ᐃᓕᓐᓂᐊᕐᕖᑦ ᑲᑎᒪᔨᖏᑎᒍᑦ ᐊᒻᒪᓗ ᐅᑭᐅᖅᑕᖅᑐᒧᑦ.

ᒍᓘᕙᕝ ᖁᕕᐊᒋᔭᖃᖅᑐᖅ ᑲᑎᖃᑎᖃᕐᓂᕐᒥᑦ ᐃᓄᓐᓂᑦ ᐃᖅᑲᐃᑎᑦᓯᓂᕐᒥᓪᓗ ᐃᓄᓐᓂᑦ ᖃᓄᖅ ᑲᓲᒪᓂᑦᑎᓐᓂᑦ. ᖁᕕᐊᒋᔭᖃᕐᒥᔪᖅ ᐃᑲᔪᕆᐊᒃᓴᖅ ᐃᓄᖕᓂᒃ ᖃᐅᔨᒪᓕᕐᓂᕐᒥᒃ ᐱᕈᖅᓯᐊᓂᒃ ᐊᒻᒪᓗ ᐱᕈᖅᐸᓪᓕᐊᑎᓪᓗᒋᑦ ᐱᓕᕆᖃᑎᒌᖕᓂᖏᑦ. ᐱᕈᖅᐸᒃᐳᖅ ᐊᔾᔨᒌᙱᑦᑐᓂᒃ ᐱᕈᖅᓯᐊᓂᒃ ᐃᑲᔪᖅᑐᐃᔪᒪᓪᓗᓂ ᐆᒪᔪᓐᓇᕐᓂᕐᒧᑦ ᐊᑐᖅᑕᐅᕙᒃᑐᓂᒃ, ᑕᒪᓐᓇᓗ ᐃᑲᔪᖅᖢᓂ ᐃᓄᐃᑦ ᐅᕕᓂᖏᓐᓂᒃ, ᐊᒻᒪᓗᑦᑕᐅᖅ ᐃᓕᖅᑯᓯᑐᖃᒃᑯᑦ ᒥᑎᕐᓂᒃ, ᓰᕐᓇᖅᑐᓂᒃ, cedar−ᒥᒃ ᑕᕝᕚᑭᒥᒡᓗ. ᐃᓅᓕᓴᐅᑎᓕᐅᓲᖅ ᐱᕈᖅᓯᐊᓂᑦ ᐱᕈᕐᕕᖏᓐᓂᑦ.

ᒍᓘᕙᕝ ᐱᕈᖅᓴᑎᓪᓗᒍ, ᐃᓕᓐᓂᐊᕈᓐᓇᖅᓯᓚᐅᙱᑦᑐᖅ ᐃᓕᓐᓂᐊᕐᕕᐊᕈᓯᕐᒥ, ᑭᓯᐊᓂ ᐃᓕᑦᑎᓪᓗᓂ ᐊᑦᑕᖓᓂ, ᐊᓈᓇᑦᑎᐊᖓᓂ, ᐱᖃᓐᓇᕆᔭᖏᓐᓂ ᖃᑕᙳᑎᖏᓐᓂᒃᓗ. ᐃᓕᑉᐸᓪᓕᐊᖏᓐᓇᖅᐳᖅ ᓄᓇᓕᖕᒥᐅᓂᑦ ᐊᒻᒪ ᓇᖕᒥᓂᖅ ᖃᐅᔨᓴᖅᐸᒃᖢᓂ. "ᐃᓱᒪᒋᔭᕋᓕ ᐱᓕᕆᖃᑎᒌᒃᐸᓪᓕᐊᓂᖅ ᐃᓕᑦᑎᖃᑦᑕᐅᑎᓂᕐᓗ, ᖃᓄᐃᑦᑐᓂᒃ ᖃᓄᐃᓕᖓᓂᕐᓂ ᐱᕙᓪᓕᐊᖕᒪᖔᑦᑕ, ᖃᓄᐃᑦᑑᓂᖏᑦ ᑲᒪᒋᔭᐅᓃᑦ ᖁᕝᕙᕆᐊᖅᑎᑦᑎᔪᑦ ᐱᕈᖅᐸᓪᓕᐊᓂᕐᒥᒃ ᐊᓯᖏᓐᓂᒃᓗ ᖃᓄᐃᓕᖓᓂᕐᓂ ᑲᒪᓂᕐᓂ ᓈᓚᑦᑎᐊᙱᑕᕐᓂ," ᐅᖃᖅᑐᖅ.

ᓘᒃᑖᓕᐊᕐᕕᖕᒥ herbalist−ᒧᑦ ᐱᓕᒻᒪᒃᓴᓂᖅ ᒍᓘᕙᑯᕝ−ᒧᑦ ᐱᓕᕆᐊᖑᓚᐅᖅᑐᖅ ᐊᔾᔨᒋᙱᓚᐅᒃ ᐱᖅᑯᓯᒃᑯᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᔭᖏᓐᓂᒃ ᑭᓯᐊᓂ ᓇᓂᓯᓪᓗᓂ ᓇᓗᓇᐃᔭᐅᑎᓂᒃ ᐊᑑᑎᖃᕐᓂᐊᖅᑐᓂᒃ ᐃᓚᐅᑎᓪᓗᒍ ᐃᓕᑦᑎᕙᓪᓕᐊᓂᖓ. ᐃᓕᓐᓂᐊᖏᓐᓇᖅᑎᐅᓪᓗᓂ, ᑲᔪᓯᔪᒥᒃ ᖃᐅᔨᒪᓂᕐᒧᑦ, ᓇᓗᓇᐃᖅᓯᓪᓗᓂ ᑲᔪᓯᓂᖓᓂᒃ ᐃᓕᓐᓂᐊᖅᑕᖓᑕ ᐃᖏᕐᕋᓂᕆᔭᖓᓂ, "ᓱᓕ ᑕᐃᑲᓃᙱᓐᓇᒪ, ᖃᐅᔨᒪᙱᖦᖢᖓᓗ ᓇᓃᑦᑐᒪᖕᒪᖔᕐᒪ, ᑭᓯᐊᓂ ᐱᔪᒪᓂᕆᑐᐃᓐᓇᖅᑕᕋ ᓯᕗᒻᒧᐊᒃᑎᓐᓇᓱᑐᐃᓐᓇᕐᓗᒍ ᐃᓕᑦᑎᕙᓪᓕᐊᑐᐃᓐᓇᕐᓗᓂᓗ ᐱᐅᓛᒃᑯᑦ ᐊᔪᙱᓐᓂᓕᒫᑦᑎᓐᓂᒃ."

ᐋᓐᓂᐊᕕᖕᒥᑦ ᐋᓐᓂᐊᕕᙳᕐᓂᖅ ᐊᔪᕐᓇᖅᑐᖅᓯᐅᕈᑎᖃᓚᐅᙱᑦᑐᖅ. ᓲᕐᓗ ᐃᒪᓐᓇ, ᓇᓂᓯᓂᖅ ᐃᓂᒥᒃ ᐱᕈᖅᓰᓂᐊᕐᓗᓂ garden−ᒥᒃ ᐊᑕᐅᓯᐅᓚᐅᖅᐳᖅ ᐊᔭᖅᑭᑦᑕᕐᕕᐅᓪᓗᓂ, ᑭᓯᐊᓂ ᒪᑐᐃᕐᓂᖃᖅᖢᓂ urban gardens−ᓄᑦ ᑐᕌᓐᑐᒥ, ᐊᑐᖅᑕᐅᖔᓕᕈᓐᓇᖅᑐᖅ ᑎᕝᕗᐊᕐᓗᓂ mason jars−ᒥ, balcony gardens−ᒥ, ᓄᓇᒥ ᐊᖑᓇᓱᖕᓂᕐᒥᒃ ᐊᓯᖏᓐᓂᒡᓗ ᐊᑐᖅᑕᐅᖔᓕᕈᓐᓇᖅᑐᓂᒃ ᐱᕕᒃᓴᖅᑕᖃᓚᐅᖅᐳᖅ ᐱᓕᕆᐊᖃᕐᓂᐊᕐᓗᓂ ᐊᓂᒍᖅᑎᓐᓇᓱᒋᐊᖃᖅᐸᒃᑐᓂᒃ. ᐊᓯᖏᑦ ᐅᖃᐅᓯᕆᖃᑦᑕᓚᐅᖅᑕᖏᑦ ᑮᓇᐅᔭᑎᒍᑦ, ᐊᑭᑐᔪᒻᒪᕆᐅᓪᓗᑎᒃ. ᒍᓘᕙᒃᑯᑦ ᓂᕆᐅᒃᑭᕗᑦ ᑕᑯᒃᑲᓐᓂᕈᒪᓪᓗᑎᒃ ᓄᓇᒥᒃ−ᑐᙵᕕᓕᖕᒥᒃ ᐊᔪᕈᓐᓃᖅᓴᒐᒃᓴᓂᒃ ᑎᓕᐅᕆᔪᓂᒃ ᑲᒪᒋᔭᖃᖅᐸᖕᓂᕐᒥᒃ, ᐃᓅᖃᑎᒌᖕᓂᕐᒥᒃ ᐋᖅᑭᒃᓱᐃᕙᓪᓕᐊᓂᕐᒥᒃ ᑲᒪᒋᔭᖃᕐᓂᕐᒥᒡᓗ ᓄᓇᒥᒃ ᐃᓚᒋᔭᐅᓗᓂ.

ᐃᓱᒪᖓ ᖃᐅᔨᓴᖅᑕᐅᖏᓐᓇᖁᓪᓗᒍ, ᒍᓘᕙᕝ ᐊᓂᓪᓗᓂ, ᐃᓱᒪᒋᔭᖓ ᐃᑲᔫᑎᖃᖅᑐᒻᒪᕆᐅᒋᐊᖓ. ᐱᐅᒋᔭᓕᒃ ᑕᐅᑐᒃᓗᓂ ᓄᕗᔭᓂᒃ, ᖃᐅᔨᓗᒋᑦ ᐱᕈᖅᓯᐊᑦ, ᑲᐱᓯᓂᖅ, ᑎᐱᖏᑦ ᐊᒻᒪ ᐃᓗᖓᓂ ᓂᖀᑦ. ᒥᕐᖑᐃᖅᓯᕐᕕᓕᐊᕋᓱᓲᖅ ᐅᕝᕙᓘᓐᓃᑦ ᒥᕐᖑᐃᖅᓯᕐᕕᓕᐊᕋᓱᒃᐸᒃᖢᓂ. ᐃᓯᒐᓂᒃ ᒪᓂᕋᕐᒧᐊᕐᓂᖅ, ᒪᓂᕋᕐᒧᐊᕐᓂᖅ ᐊᒡᒐᒃᑯᓪᓘᓐᓃᑦ ᑕᐅᑐᒡᓗᒍᓘᓐᓃᑦ ᓄᓇᕐᔪᐊᖅ ᐊᑐᕋᓱᒃᐸᒃᑕᖓ ᑎᓕᐅᕆᔾᔪᑎᖓ. ᕿᒥᕐᕈᓂᖅ ᓯᓚᒥ ᐃᑎᔪᒥᒃ ᐊᒻᒪᓗ ᐃᓕᑕᖅᓯᓂᕐᒥᒃ ᐃᒪᕐᒥᒃ ᖁᕕᐊᒋᕙᖏᑦ. ᐃᓱᒪᒋᓪᓗᒋᑦ ᑭᒃᑯᓕᒫᑦ ᐊᒃᑐᐊᓂᖃᕐᓂᖏᑦ ᐃᒪᕐᒧᑦ ᐊᓯᔾᔨᖅᓯᒪᔪᖅ ᑕᐅᑐᒃᑕᖓᒍᑦ ᐃᓅᖃᑎᒌᖕᓂᕐᓂ, ᐊᒃᑐᐊᓂᕐᓂ, ᐊᔾᔨᒌᓂᒃᓗ.

ᑲᔪᖏᖅᓴᐃᓂᕐᒧᑦ, ᒍᓘᕙᑯᕝ ᑕᐅᑐᖃᑦᑕᖅᑐᖅ ᐊᔭᖓ ᐃᓅᓕᓴᐅᑎᓕᕆᔨᐅᓪᓗᓂ. ᑕᑯᖅᑲᐅᒻᒪᒍ ᐊᔭᖓ ᖃᓄᐃᓕᐅᖅᑎᓪᓗᒍ ᐅᓪᓗᒥ ᒪᒃᑯᑦᑑᑎᓪᓗᒍ. ᐅᖃᖅᑐᓂ ᑲᔪᖏᖅᓴᐃᓂᖓ "ᐃᖅᑲᐅᒪᒋᑦ ᑕᐃᒃᑯᐊ ᖃᐃᓯᒪᔪᑦ, ᐊᒻᒪ ᐃᓂᓕᐅᕋᓱᐊᖅᑐᑦ ᐊᒻᒪ ᓇᒦᕝᕕᔅᓴᓕᐅᖅᑐᑎᑦ ᐅᕙᓐᓄᑦ ᖃᐃᔪᓄᑦ, ᐃᖅᑲᐅᒪᑐᐃᓐᓇᖅᑐᓂ ᖃᓄᐃᓕᐅᕋᓗᐊᕈᒪ ᐅᓪᓗᒥ ᐊᒻᒪ ᐅᓪᓗᒥ ᑎᒍᒥᐊᖅᑕᓐᓂᑦ ᓯᕗᓂᔅᓴᑎᓐᓄᑦ, ᓱᕈᓯᒃᑯᑎᒍᑦ, ᐱᓕᕆᖃᑎᒌᓐᓂᒃᑯᑦ ᑕᑯᓂᐊᖅᑕᒃᑲ ᑕᒫᓃᓐᓂᓐᓂ ᓄᓇᕐᔪᐊᒦᑎᓪᓗᖓ ᐊᒻᒪ ᑕᒪᒃᑯᑎᒎᓇ ᐱᕕᔅᓴᖃᖅᑎᑕᐅᓂᓕᒫᒃᑯᑦ ᐱᔪᓐᓇᖁᓪᓗᖓ ᓯᕗᓂᔅᓴᖅᑎᓐᓄᑦ, ᓱᕈᓯᒃᑯᑎᒍᑦ, ᐱᓕᕆᖃᑎᒌᓐᓂᒃᑯᑦ ᖃᐅᔨᖃᑦᑕᕐᓂᐊᑕᒃᑲ ᑕᒫᓃᓐᓂᓐᓂ ᓄᓇᕐᔪᐊᒦᑎᓪᓗᖓ ᐊᒻᒪ ᑕᒪᒃᑯᑎᒎᓇ ᐱᕕᒃᓴᒃᑯᑦ ᐱᔪᓐᓇᖁᓪᓗᖓ. ᐃᓄᐃᑦ ᐃᓕᓴᕐᓗᒋᑦ, ᒥᑭᑦᑑᒐᓗᐊᒃᑯᑦ, ᐅᕝᕙᓘᓐᓃᑦ ᐃᖅᑲᐃᑎᓪᓗᒋᑦ ᐃᓄᐃᑦ ᐊᒃᑐᐊᓂᕆᖃᑦᑕᖅᑕᓐᓂᒃ ᐊᒻᒪ ᓇᖕᒥᓂᖅ ᐊᑐᖅᓯᒪᔭᓐᓂᒃ ᑐᓴᖅᑎᑦᑎᓗᑎᒃ, ᐃᓄᐃᑦ ᑕᐅᑐᖅᑰᖅᑕᖏᓐᓂᒃ ᐊᓯᔾᔩᔪᓐᓇᖅᑰᔨᔪᖓ ᑭᓱᑐᐃᓐᓇᓂᒃ." ᓂᕆᐅᒋᔭᖃᖅᐳᖅ ᓯᕗᓂᒃᓴᒥ ᐃᓄᐃᑦ ᐊᔪᕐᓇᙱᑦᑐᑯᓗᒃᑯᑦ ᐊᑐᕈᓐᓇᕐᓂᐊᕐᓂᖏᓐᓂᒃ ᑐᓴᖅᑕᐅᔪᒃᓴᓂᒃ ᐱᕈᖅᓯᐊᑦ ᒥᒃᓵᓄᑦ ᓂᕿᓂᒡᓗ. "ᑭᒃᑯᓕᒫᑦ ᐱᔪᒃᓯᑎᑦᑎᑦᑎᐊᖅᑐᑦ ᑕᒪᑐᒥᖓ ᐱᓕᕆᔪᓂᒃ," ᑲᔪᓯᔪᖅ.

ᐃᓱᒪᓂᖅ ᑐᕌᒐᕐᓂᑦ ᓯᕗᓂᑦᓴᕐᒧᑦ, ᒍᓘᕙᒃᑯᑦ ᐱᔪᒪᓂᖅᓴᐅᖃᑦᑕᖅᑐᑦ ᐅᓪᓗᕐᒥᑦ ᐊᑕᐅᓯᕐᒥᑦ ᐱᐅᓂᖅᓴᖓᓂᑦ ᐃᓱᒪᖓᓄᑦ. ᓂᕆᐅᒃᐳᖅ ᓯᕗᓂᒃᓴᒥ ᐃᓕᑦᑎᒃᑲᓐᓂᕈᒪᓪᓗᓂ ᖃᐅᔨᒪᔭᒥᓂᒡᓗ ᑐᓴᖅᑎᑦᑎᓗᓂ ᓄᓇᕐᔪᐊᕐᒧᑦ, ᐱᓕᕆᑦᑎᐊᒃᑲᓐᓂᕈᒪᓪᓗᓂ. ᐊᒥᓱᓂᒃ ᐃᓱᒫᓘᑎᖃᖅᖢᓂ ᓄᓇᕐᔪᐊᕐᒥ, ᐱᓕᕆᒃᑲᓐᓂᕈᒪᙱᖦᖢᓂ, ᐱᔪᒪᖔᕐᓂᖅᓴᐅᓪᓗᓂ ᓯᓐᓇᒃᑑᒪᖔᕈᒪᙱᖦᖢᓂ.

ᒪᒃᑯᒃᑐᓄᑦ ᐱᓕᕆᖃᑎᖃᕈᒪᔪᓄᑦ ᐱᕈᖅᓯᐊᓂᒃ ᐅᖃᐅᔾᔪᐃᔾᔪᑎᒥᓂᒃ ᐃᒪᓐᓇᐅᔪᖅ, "ᐱᒋᐊᕐᓗᑎᑦ ᓯᕗᓪᓕᖅᐹᑦᑎᐊᒥᒃ ᐱᕈᖅᓯᐊᒥᒃ ᐃᓕᖕᓄᑦ ᓴᖅᑭᑉᐸᒃᑐᒥᒃ ᐊᖅᑯᑎᒋᓂᐊᖅᑕᕐᓄᑦ." ᒍᓘᕙᒃᑯᑦ ᓱᒃᑲᐃᑦᑐᒥᒃ ᐱᖁᔨᖕᒪᑕ ᓯᕗᓪᓕᕐᒥ ᐃᒃᐱᒍᓱᙱᖦᖢᑎᒡᓗ ᐊᑕᐅᑦᑎᒃᑯᐊᓗᒃ ᐱᓕᕆᔭᕆᐊᖃᖅᑰᔨᓗᑎᑦ. ᐱᖁᔨᖕᒥᔪᖅ ᐊᑭᓕᖅᓱᖅᑕᐅᙱᖦᖢᓂ ᐃᓕᓐᓂᐊᓚᐅᑲᖕᓇᓂ ᓄᓇᓕᖕᒥᓗ ᐱᕈᖅᓰᓂᕐᓂ ᐃᓕᑦᑎᖁᓪᓗᒋᑦ.

ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, ᒍᓘᕙᑯᕝ ᐅᖃᕈᒪᕗᖅ, "ᖃᓄᑐᐃᓐᓇᖅ ᓵᑦᑎᐊᕐᒥᐅᑕᖃᕋᓗᐊᕈᑦᑕ ᐊᓂᒍᖅᑎᓐᓇᓱᒋᐊᖃᖅᑕᑦᑎᓐᓂᒃ, ᐊᔪᕐᓇᖅᑐᓂᒃ ᐱᓕᕆᔪᓐᓇᖅᐳᒍᑦ. ᓴᔪᒃᐱᑦᑐᕈᕈᓐᓇᖅᐳᒍᑦ, ᑯᒃᓴᓱᒍᓐᓇᖅᑐᒍᑦ, ᐊᒻᒪᓗ ᐅᓪᓘᑉ ᓄᙳᐊᓂ, ᓱᓕ ᑕᐃᒪᐃᒍᓐᓇᖅᑐᒍᑦ. ᐊᒃᓱᕈᕐᓇᖅᑐᓂᒃ ᐱᓕᕆᔪᓐᓇᖅᑐᒍᑦ."

ᓄᓇᒧᑦ ᑲᑎᙵᖃᑎᖃᖅᖢᓂ, ᑖᓐᔭ ᒍᓘᕙᕝ ᓇᓂᓯᓯᒪᔪᖅ ᓄᓇᓕᖕᒥ ᐊᒥᖅᑳᖃᑎᖃᕐᓂᕐᒥᒃ ᐱᕈᖅᑐᓂᒃ ᐃᓕᑦᑎᕝᕕᒋᓗᒋᓪᓗᑕᐅᖅ. ᐃᓕᓴᐃᓂᒃᑯᑦ ᖃᑕᙳᑎᖏᓐᓂ ᐋᓐᓂᐊᕕᖕᒥᓗ ᐱᕈᖅᑐᓕᕆᓂᕐᓂ, ᓇᓂᓯᓪᓗᓂ ᐱᕕᒃᓴᓂᑦ ᐱᕈᖅᑎᓪᓗᒍ ᖃᐅᔨᒪᓂᖓ ᐊᔪᙱᓐᓂᕐᓗ ᐃᓅᓕᓴᐅᑎᓄᑦ ᐊᕐᓇᐅᓂᕐᒧᑦ. ᐊᑦᑕᖓᑕ ᑐᒥᖏᑦ ᒪᓕᒃᖢᒋᑦ, ᐃᓯᒐᖏᑦ ᓄᓇᕐᔪᐊᕐᒦᑉᐳᑦ ᐆᒻᒪᑎᖓᓗ ᐃᓱᒪᖓᓗ ᐅᒃᑯᐃᖓᓪᓗᑎᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.