Comic Creative: ᐊᐃᓚ ᕿᓚᒃ ᐊᖅᑯᑎᖓ ᐃᓄᐃᑦ ᑎᑎᕋᐅᔭᖅᓯᒪᔭᖏᓐᓂᒃ ᓴᖅᑭᑎᑦᑎᓂᕐᒧᑦ
ᐊᖓᔪᒃᖡᑦ ᐃᓕᓐᓂᐊᕐᕕᖓᑕ ᓱᓪᓗᑯᑖᖓᓂ ᑕᑯᒃᓴᐅᑎᑕᐅᔪᒥᑦ ᐱᕙᓪᓕᐊᔪᒃᑰᖅᑎᑕᐅᓪᓗᓂ, ᐊᐃᓚ ᕿᓚᒃ ᓴᓇᐅᒐᖏᑦ ᐅᔾᔨᕐᓇᖅᑐᒻᒪᕆᐅᓯᒪᕗᑦ. ᐃᓕᒥᒐᕐᔪᒃ 23-ᓂᒃ ᐅᑭᐅᓕᒃ ᐃᓅᓪᓗᓂ ᐊᒥᓲᓕᖓᔪᓂᑦ ᑎᑎᖅᑐᒐᖅᑎᐅᓪᓗᓂ ᖃᒪᓂ'ᑐᐊᕐᒥᐅᑕᖅ, ᓄᓇᕗᒻᒥ. ᒃᕇᓚᒃ ᑎᑎᖅᑐᒐᖅᓯᒪᓕᖅᑐᖅ 13-ᓂᒃ ᐅᑭᐅᖃᓕᕋᒥ ᐊᒻᒪᓗ ᐃᓱᓕᑉᐸᓪᓕᐊᓕᖅᑎᓪᓗᒍ ᐃᓕᓐᓂᐊᕐᕕᐊᓗᒻᒥ ᐃᖅᑲᓇᐃᔮᓂ, ᖃᕋᓴᐅᔭᒃᑯᑦ ᐱᕙᓪᓕᐊᔪᓂ ᐊᒻᒪᓗ ᐅᖃᓕᒫᒐᓕᐅᖅᑐᓂ. ᐅᓪᓘᑉ ᐃᓚᐃᓐᓇᖓᓄᑦ ᐃᖅᑲᓇᐃᔭᖃᑦᑕᖅᑐᖅ ᒫᓐᓇ ᐊᒻᒪ ᓴᓇᙳᐊᖅᐸᒃᖢᓂ ᐃᓱᒪᖅᓱᖅᖢᓂ. ᒥᖅᓱᖅᐸᒻᒥᔪᖅ ᐊᒻᒪᓗ ᑎᑎᖅᑐᒐᖅᑎᐅᓪᓗᓂ.
ᖃᑕᙳᑎᖏᑦ ᐊᒻᒪ ᐃᓚᒋᔭᖏᑦ ᐃᓕᓐᓂᐊᕐᕕᖕᒥ ᓄᓇᓕᖕᓂ ᐃᑲᔪᖅᓱᐃᑦᑎᐊᓚᐅᖅᐳᑦ ᓴᓇᙳᐊᖅᑕᒥᓂᒃ ᐱᒋᐊᓕᖅᑎᓪᓗᒍ. ᒃᕇᓚᒃ ᒪᐅᕗᓪ Comic, Snowguard-ᒥᑦ, ᐊᒻᒪᓗ ᐱᖓᓱᓂᒃ-ᐹᓚᓂᒃ ᐸᑦᑕᑯᓗᖕᓂᑦ ᐃᓕᓯᖃᑦᑕᓕᓚᐅᖅᑐᖅ ᐃᓕᓐᓂᐊᕐᕕᖓᑕ ᓱᓪᓗᑯᑖᖓᓂ. ᑕᖅᑭᒐᓴᐃᑦ ᐊᓂᒍᖅᑎᓪᓗᒋᑦ, ᑎᑎᕋᖅᑕᖏᑦ ᑎᑎᕋᖅᑕᐅᓚᐅᖅᑐᑦ ᓄᓇᑦᓯᐊᖅ ᐱᕙᓪᓕᐊᔪᖏᓐᓂ.
ᒃᕆᓚᒃ ᓯᕗᓪᓕᖅᐸᐅᓚᐅᖅᐳᖅ ᖃᑕᙳᑎᒥᓂᒃ ᐊᓂᒍᐃᓪᓗᓂ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᐱᓇᔪᒃᖢᓂᓗ ᖃᕆᑕᐅᔭᒃᑯᑦ ᓴᓇᙳᐊᕐᓂᕐᒧᑦ ᐱᓕᕆᐊᖑᕙᒃᑐᒥᒃ, ᑭᓯᐊᓂᓗ ᖃᐅᔨᓪᓗᓂ ᓈᒻᒪᙱᓐᓂᖓᓂᒃ ᑖᔅᓱᒧᖓ. ᐱᕙᓪᓕᐊᓂᖓ ᓴᓇᙳᐊᖅᑎᐅᓪᓗᓂ ᐊᓯᐊᒍᑦ ᐋᖅᑭᒃᓯᒪᑦᑎᐊᖖᒋᓚᖅ. ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᓴᓇᙳᐊᕐᓂᕐᒥᒃ ᐅᓇᐅᕗᖅ,
"ᐃᓕᖕᓂᒃ ᑕᖅᑲᐅᖓᖅᑎᑦᑎᓗᑎᑦ ᐱᒻᒪᕆᐅᓛᖑᔪᒃᓴᐅᕗᖅ, ᐱᐅᓗᐊᙱᒃᑲᓗᐊᕈᕕᑦ ᐃᓱᒪᒋᔭᒃᑯᑦ, ᐅᕝᕙᓘᓐᓃᑦ ᐊᑐᕐᓂᑰᖅᑰᔨᙱᒃᑯᕕᑦ ᓴᓇᐅᒐᕐᓂᒃ, ᓱᓕ ᐱᒻᒪᕆᐅᕗᖅ ᓴᖅᑭᔮᕐᕕᐅᓂᖅ ᑲᑎᖃᑎᖃᕈᓐᓇᕐᓂᐊᕋᕕᑦ ᐅᓄᕐᓂᖅᓴᓂᒃ ᐃᓄᖕᓂᒃ. ᐃᓕᓐᓂᐊᖅᑎᑦᑎᔪᓐᓇᖅᑐᑦ ᐃᓕᓴᕈᑎᒃᓴᓂᒃ ᓴᓇᖑᐊᒐᕐᓂᒃ ᐅᕝᕙᓘᓐᓃᑦ ᐱᐅᓯᕚᓕᑎᑦᑎᓂᕐᒥᒃ. ᐃᖅᑲᓇᐃᔮᒃᓴᖅᑖᕈᓐᓇᖅᑐᑎᑦ, ᓯᓚᑦᑐᖅᓴᕐᕕᖕᒥ, ᐊᓯᖏᓐᓂᒡᓗ ᐅᓄᖅᑐᓂᒃ.
ᐊᐃᑉᐸᖓ ᐅᖃᐅᔾᔨᒋᐊᕈᑎᐅᔪᖅ ᒃᕇᓚᒃ ᓴᓇᙳᐊᖅᑎᓄᑦ ᐊᒻᒪ ᓴᓇᙳᐊᖅᑎᓄᑦ ᓄᓇᕗᒻᒥᐅᑕᓄᑦ ᐱᐅᓂᖅᐹᖑᕗᖅ ᑲᓲᒪᖃᑎᖃᕆᐊᖓ ᖃᓪᓗᓈᓃᙶᖅᑐᓂᒃ ᐊᐅᔭᒃᑯᑦ. ᑕᐃᒪᓕ ᐊᒥᓱᑦ ᐃᓄᐃᑦ ᐊᐅᓪᓚᖃᑦᑕᕐᒪᑕ ᐊᔾᔨᒌᙱᑦᑐᓄᑦ ᐱᔾᔪᑎᖃᖅᑐᑎᒃ ᐊᒻᒪᓗ ᐊᑲᐅᓪᓗᓂ ᐱᓕᕆᖃᑎᖃᕆᐊᔅᓴᖅ ᓴᓇᙳᐊᖅᑎᐅᓂᕐᒥᒃ, ᓇᓂᔭᐅᔪᖅ.
ᑐᓗᖅᑕᕈᑎᖃᓕᕌᖓᑕ, ᒃᕇᓚᒃ ᐊᒃᓱᕈᓚᐅᖅᑐᖅ ᖃᕆᑕᐅᔭᖃᑦᑎᐊᙱᖦᖢᓂ ᐊᒻᒪ ᖃᕋᓴᐅᔭᒃᑯᑦ ᑎᑎᕋᖅᓯᒪᔪᓂᒃ ᐊᑦᑕᑕᕐᕕᐅᔪᓐᓇᙱᖦᖢᓂ ᐊᐃᓯᒪᓗᓂ ᐃᑭᐊᖅᑭᕕᒃᑰᕈᓐᓇᐅᑎᖃᕐᓂᐊᕐᓗᓂ. ᑐᓴᖅᑎᑦᑎᒍᓐᓇᖅᐸᑦ ᒪᒃᑯᖕᓂᖅᓴᒧᑦ ᐱᒋᐊᕋᑖᖅᑐᒧᑦ ᑎᑎᖅᑐᒐᐅᔭᖅᓯᒪᓂᒃᑯᑦ, "ᐊᒥᐊᓕᐅᒃᑲᓐᓂᖃᑦᑕᕆᑦ, ᐅᕝᕙᓘᓐᓃᑦ ᓂᐅᕕᕐᓗᓂ ᐃᓪᓗᕈᓯᕐᒥᒃ ᐃᓚᖓᓐᓂ ᐊᓪᓚᒡᕕᐅᑉ ᑕᒫᓂ ᓴᓇᕕᒻᒥ ᐅᕝᕙᓘᓐᓃᑦ ᐱᐅᖅᓱᐊᑐᐃᓐᓇᕐᓗᓂ."
ᐊᐅᓚᓐᓂᐊᕐᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ, ᑯᕇᓚᒃ ᐊᑐᕋᓱᓲᖅ ᐱᖅᑯᓯᑐᖃᒃᑯᑦ ᖃᓄᐃᓕᐅᕈᑎᓂᑦ, ᐱᓗᐊᖅᑐᒥᒃ ᐊᑯᓂᐅᓂᖅᓴᒃᑯᑦ ᐅᑭᐅᒃᑯᑦ ᖃᐅᒪᓗᐊᙱᑎᓪᓗᒍ. ᕿᒻᒥᒥᓂᒃ ᐱᓱᒃᖢᓂ ᐅᕝᕙᓘᓐᓃᑦ ᕿᒻᒥᒥᓂᒃ ᑲᒪᓪᓗᓂ ᐱᒻᒪᕆᐅᓚᐅᖅᐳᖅ ᐃᓱᒪᖓ ᖃᓄᐃᙱᑦᑐᓐᓇᕐᓂᖓᓄᑦ ᕿᒻᒥᖓ ᑐᖁᑕᐅᒃᑲᓐᓂᓚᐅᙱᓐᓂᖓᓂ. ᐱᔪᒃᓯᓐᓇᖅᑐᒥᒃ ᐃᒃᐱᒍᓱᒃᐳᖅ ᓴᓇᙳᐊᖅᑕᐅᓕᕌᖓᑦ ᐅᖃᓪᓚᒃᑎᓪᓗᒍ ᓇᑭᙶᕈᓘᔭᖅᑐᓂᒃ ᑲᔪᖏᖅᓴᐃᔾᔪᑎᓂᒃ ᐊᔪᕐᓇᙱᓐᓂᖅᓴᐅᓇᔭᓚᐅᖅᑐᖅ, ᑭᓯᐊᓂ ᐱᔪᒃᓯᑎᑦᑎᒐᔪᒃᐳᖅ ᑕᕐᕆᔭᖅᑐᓂᒃ ᐅᕝᕙᓘᓐᓃᑦ ᐅᖃᓕᒫᖅᑐᓂᒃ ᐅᖃᓕᒫᒐᕐᓂᒃ ᐅᕝᕙᓘᓐᓃᑦ ᑎᑎᕋᐅᔭᖅᓯᒪᔪᓂᒃ ᐅᖃᓕᒫᒐᒃᓴᓂᒃ. ᑐᓴᕐᓇᖃᑦᑕᓚᐅᖅᑎᓪᓗᒍ ᐊᓯᖏᓐᓄᑦ ᐃᓄᖕᓄᑦ, ᐃᓱᒪᓕᓲᖅ ᑭᓱᒥᒃ ᐱᐅᒃᓴᕐᒪᖔᑦ ᐊᒻᒪᓗ ᐃᑲᔪᖅᐸᒃᖢᓂ ᓇᖕᒥᓂᖅ ᓴᓇᙳᐊᕐᓂᕐᒥᒃ.
ᓴᓇᐅᒐᖏᑦ ᐊᖏᕐᕋᒧᑦ ᖃᓂᓪᓕᕙᓪᓕᐊᓚᐅᖅᑐᑦ ᐃᓕᓐᓂᐊᕐᕕᐊᓗᖓᑕ ᓱᓪᓗᑯᑖᖓᓂ ᐊᒻᒪᓗ ᐊᖏᕐᕋᒦᓕᓚᐅᖅᓯᒪᓪᓗᓂ ᓇᒥᑐᐃᓐᓈᓗᒃ, ᓴᖅᑭᖅᑎᑕᐅᓪᓗᓂ ᓄᓇᑦᓯᐊᖅ ᓂᐅᔅᑯᑎᒍᑦ. ᐊᐃᓚ ᕿᓚᒃ ᐱᔪᒃᓯᑎᑕᐅᓚᐅᖅᑐᖅ ᒫᕝᐅᓪ ᓯᑭᑑᖓᓄᑦ ᐊᒻᒪᓗ ᓇᖕᒥᓂᖅ ᓴᓇᔭᖅᑐᖅᖢᓂ. ᐊᓂᒍᐃᓚᐅᖅᑎᓪᓗᒍ ᐅᑭᐅᖅᑕᖅᑐᒥ ᐱᓕᕆᔾᔪᑎᓄᑦ ᑐᓗᖅᑕᕈᑎᓂᒃ, ᐊᒥᖅᑳᖃᑎᖃᕈᓐᓇᖅᓯᒪᔪᖅ ᐊᔪᙱᓐᓂᖏᓐᓂ ᓄᓇᕐᔪᐊᒧᑦ ᓴᔪᒃᓗᓂᓗ ᐊᖏᕐᕋᖓᑕ ᑕᐃᔭᖓᓂ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
