ᐱᒋᐊᓚᐅᖅᑐᖅ ᖃᕆᑕᐅᔭᒃᑯᑦ piano-ᒥᒃ ᐊᒻᒪᓗ ᐃᓘᓇᖓᓂᒃ ᐃᖅᑲᓇᐃᔮᖃᓕᖅᖢᓂ. 20-ᓂᒃ ᐅᑭᐅᖃᓕᖅᑎᓪᓗᒍ, ᐳᕌᓐᑕᓐ ᓛᕐᑯᒃ ᓅᓚᐅᖅᓯᒪᕗᖅ ᐃᓅᕕᖕᒥᑦ, ᓄᓇᑦᑎᐊᒥᑦ ᐃᑦᒪᓐᑕᓐᒧᑦ ᐃᓚᐅᔭᖅᑐᖅᖢᓂ Pixel Blue−ᒥᑦ ᐃᓕᓐᓂᐊᖅᖢᓂᓗ ᖃᓄᖅ ᑐᓵᔾᔪᑎᓕᕆᔨᐅᓂᕐᒥᑦ ᐊᒻᒪ ᑎᑕᒃᑎᐅᓂᕐᒥᑦ. ᑎᑎᕋᐅᔭᖅᓯᒪᑦᑎᐊᕐᒥᔪᖅ. ᐊᕐᕌᒍᓄᑦ ᖁᓕᓄᑦ, ᐱᓕᕆᖃᑎᖃᖅᓯᒪᔪᖅ ᑎᑕᒃᑎᓂᒃ ᐊᒻᒪᓗ ᑕᕐᕆᔭᓕᐅᖅᑎᓂᒃ. ᐊᔾᔨᒌᖏᑦᑐᓂᑦ ᐊᒻᒪᓗ ᓂᔾᔭᐅᑎᓂᑦ ᓇᒻᒥᓂᖅ ᓴᓇᙳᐊᖅᑎᓄᑦ ᐃᓚᒋᔭᐅᑦᓱᑎᒃ ᐃᙱᖅᑏᑦ, ᒍᕋᒍᑕᓐ ᑎᑎᖅᑐᒐᖅᑏᑦ, ᐊᒻᒪᓗ ᐃᓄᒻᒥᑦ ᓂᔾᔭᐅᓯᔭᖅᑏᑦ ᓅᒐᓱᐊᕐᓂᖓᓂᑦ ᐃᓅᕕᒻᒧᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᑐᑭᒧᐊᑦᑎᑦᓯᔨᙳᕐᓂᕐᒧᑦ ᐃᓄᕙᓗᐃᑦ ᐊᕕᑦᑐᖅᓯᒪᔪᓂᑦ ᑯᐊᐳᕇᓴᒃᑯᓐᓂᑦ.

ᐱᔪᒃᓯᑎᑕᐅᑦᑎᐊᓚᐅᖅᑐᖅ ᐃᖅᑲᓇᐃᔮᕆᓛᕈᒪᔭᒥᓄᑦ ᓄᕙᖁᓇᒍ ᐊᒻᒪ ᐱᓕᕆᑦᑎᐊᕈᓐᓇᖅᖢᓂ ᐃᒡᓘᑉ ᐃᓗᐊᓂ. Lacrocque ᐊᒻᒪ ᐱᖃᓐᓇᕆᔭᖏᑦ ᓂᐅᕕᓚᐅᖅᑐᑦ MIDI piano-ᒥᒃ ᐅᑭᐅᖅ ᐊᑕᐅᓯᖅ, ᑲᑉᐳᑎᓪᓗᓂ ᖃᕋᓴᐅᔭᒃᑯᑦ ᓂᔾᔭᐅᑎᒥᒃ ᖃᕋᓴᐅᔭᕐᒧᑦ ᐊᒻᒪ ᖃᓄᐃᑦᑐᑐᐃᓐᓇᑦᑎᐊᓂᒃ ᑐᓴᕐᓈᒐᒃᓴᓂᒃ ᓴᓇᓪᓗᑎᒃ. ᑕᐃᒪᓕ, ᓂᔾᔭᐅᑎᓕᐅᕆᐊᒃᓴᖅ ᖁᕕᐊᒋᔭᖃᓕᓚᐅᖅᑐᖅ ᐊᒻᒪᓗ ᓄᖅᑲᕈᒪᙱᖦᖢᓂ ᐊᐅᔭᐅᑎᓪᓗᒍ. ᑎᑕᒃᑎᙳᓚᐅᖅᑐᖅ ᐊᒻᒪᓗ ᐃᓕᓐᓂᐊᕆᐊᖅᖢᓂ ᐱᐅᓂᖅᓴᒧᑦ.

ᐅᖃᐅᔾᔪᐃᓂᖓ ᐃᓄᖕᓄᑦ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᐊᔾᔨᑲᓴᖓᓂᒃ ᐱᓕᕆᐊᒃᓴᒥᒃ "ᐱᖁᔨᓂᖓ... ᑯᒃᑭᑕᐹᕐᓗᑎᑦ, ᐊᒋᐊᒐᕐᓗᑎᑦ, ᑲᑕᔾᔭᕆᐅᖅᓴᓗᑎᑦ, ᑭᓱᓕᒫᑦ. ᑭᓯᐊᓂᑦᑕᐅᖅ, ᑕᐃᒪᐃᓕᖓᑐᐃᓐᓇᖏᓪᓗᓯ... ᐊᒡᒐᖃᕈᒪᔪᖓ ᐊᔾᔨᒌᙱᑦᑐᓂᒃ ᖃᑦᑕᓂᒃ ᓇᒥᑐᐃᓐᓈᖅᑐᓂᒃ. ᖃᐅᔨᓇᓱᖕᓂᖅ, ᐆᒃᑐᕋᕐᓂᖅ, ᕿᑐᑦᑐᒐᐅᔭᕐᒦᑦᑕᐃᓕᒋᑦ."

ᐃᓱᒪᓪᓗᓂ ᑐᓗᖅᑕᕈᑎᓂᒃ ᐊᑐᖃᑦᑕᖅᑕᖓᓂᒃ, ᓛᕐᑯ ᐊᒃᓱᕈᕐᔪᐊᖅᓯᒪᔪᖅ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᐱᓪᓗᒍ ᐊᕙᑎᖓ ᐊᐅᓚᑕᐅᕐᔪᐊᕐᒪᑦ ᖃᐅᔨᒪᔭᕐᓄᑦ ᑕᐅᑐᒃᓗᑎᒃᓗ ᑲᑎᙵᖃᑎᖃᕐᓂᕐᒥᒃ ᐊᔪᕐᓇᙱᓐᓂᖅᓴᒃᑯᑦ ᐊᖅᑯᑎᐅᖃᑕᐅᔪᖅ ᑲᓲᑎᓂᕐᒧᑦ. ᓄᓇᖃᕐᓂᖅ ᐅᖓᓯᒃᑐᒥ ᐅᑭᐅᖅᑕᖅᑐᒥ ᓄᓇᓕᖕᓂ ᐊᒃᓱᕈᕐᓇᖅᑎᑦᑎᔪᓐᓇᖅᑐᖅ ᑐᓴᐅᒪᖃᑎᒌᖕᓂᕐᒥᒃ ᐊᒃᓱᕈᕐᓇᖅᑎᑦᑎᔪᓐᓇᖅᑐᖅ ᐃᒡᓗᕈᓯᕐᒦᒐᔪᙱᓐᓇᕕᑦ ᑲᑎᑦᑐᓐᓇᖅᑕᕐᓂ ᐃᓄᖕᓂᒃ. ᐃᓕᓐᓂᐊᕆᐊᖅᖢᓂ ᐃᓕᑦᑎᔭᖅᑐᖅᖢᓂ ᐱᓕᕆᔾᔪᑎᓄᑦ ᐊᔪᕈᓐᓃᖅᑕᐅᕙᒃᑐᓂᒃ ᐃᓚᒋᔭᐅᓚᐅᖅᐳᖅ ᐃᓄᖕᓂᒃ ᑲᑎᖃᑎᖃᕈᓐᓇᖅᖢᓂ ᑭᓯᐊᓂ ᓇᖕᒥᓂᖅ ᒥᓂᔅᑕᐅᑉ ᑐᒡᓕᖏᓐᓂᒃ ᑐᐃᑐᒃᑯᑦ ᑕᑯᔪᓐᓇᖅᓯᓚᐅᖅᐳᖅ ᑎᑕᒃᑎᓂᒃ ᐃᑲᔪᖅᑕᐅᔭᕆᐊᓕᖕᓂᒃ ᓂᐱᖏᓐᓄᑦ. ᐊᖏᖅᓯᒪᓂᖅ ᐱᓪᓗᐊᑕᐅᓯᒪᕗᖅ ᑲᔪᓯᓂᖃᑦᑎᐊᕐᓂᕐᒧᑦ Larocque−ᒧᑦ, ᑭᖑᓂᖓᒍᑦ ᐃᓕᓐᓂᐊᕐᓂᕆᔭᒥᓂᒃ, ᐱᓕᕆᖃᑎᖃᖅᐸᖕᓂᖓᓄᓪᓗ ᖃᓄᐃᓕᐅᖅᑕᐅᔪᒪᔪᓂᒃ.

ᓛᑯᕌᒃ ᐅᖃᐅᔾᔭᐅᔪᓐᓇᕋᔭᕐᓂᖅᐸᑦ ᐃᑲᔪᖅᑕᐅᖁᓪᓗᒍ ᐃᓕᓐᓂᐊᕆᐊᓚᐅᖏᓐᓂᖓᓂ ᑮᓇᐅᔭᓂᒃ ᐊᑐᓐᖏᓂᖅᓴᐅᒐᔭᓚᐅᖅᑐᖅ.  ᖁᕕᐊᓇᓚᐅᖅᑐᖅ ᓇᓂᓯᓚᐅᕐᒪᑦ ᐃᖅᑲᓇᐃᔭᕐᓂᕐᒥᒃ ᐊᑕᐅᓯᕐᒥᒃ ᑕᖅᑭᒥᒃ ᐃᓕᓐᓂᐊᕐᓂᖓᓄᑦ ᐊᒻᒪᓗ ᐃᓕᓐᓂᐊᕆᐊᕈᓐᓇᖅᑐᓂ ᐃᖅᑲᓇᐃᔭᖅᑎᓪᓗᒍ ᐅᓐᓄᒃᑯᑦ ᐅᓐᓄᒃᑯᓪᓗ. ᐊᒃᓱᕈᖃᑦᑕᓚᐅᕐᒥᔪᖅ ᐊᖏᕐᕋᖅᓯᓇᖅᑐᓂᒃ ᑭᓯᐊᓂ ᖁᕕᐊᓇᓚᐅᖅᑐᖅ ᑕᑯᓪᓗᓂ ᐃᓄᓐᓂᒃ ᐊᖏᕐᕋᖏᓐᓂᒃ ᐃᓕᓐᓂᐊᕆᐊᖅᓯᒪᔪᓂᒃ. ᐃᑲᔪᖅᑎᖃᑦᑎᐊᕐᓂᖅ ᐊᖕᒪᓗᖅᓯᓯᒪᔪᓂᒃ ᐃᑲᔫᑎᖃᓚᐅᖅᑐᖅ, ᐊᖏᕐᕋᒧᑦ ᐅᖄᓚᔪᑦ ᐊᒻᒪ ᑕᕐᕆᔭᐅᑎᒃᑯᑦ ᐅᖃᓗᒃᑐᑦ. ᐱᖃᓐᓇᕆᔭᒥᓂᒃ ᐱᖃᑎᖃᖅᖢᓂ ᐱᐅᓚᐅᖅᐳᖅ ᓇᓕᒧᒌᒃᑎᑦᑎᓂᕐᒥᒃ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒥᒃ ᖃᓄᐃᙱᑦᑎᐊᕐᓂᕐᒥᒡᓗ ᐃᒡᓗᕈᓯᖃᕐᓂᕐᓗ ᐃᑲᔪᕐᓂᖃᓚᐅᕆᕗᖅᑕᐅᖅ ᖃᐅᔨᒪᖃᑦᑕᐅᑎᓚᐅᕐᓂᕐᒥᓄᑦ ᑕᐃᒪᙵᓂᑦ ᒪᒃᑯᒃᑑᓚᐅᖅᓯᒪᓂᕐᒥᓂᒃ.

ᐱᔪᒃᓯᑎᑦᑎᔪᒪᓕᕌᖓᑦ, ᓛᕌᒃ ᐃᓕᖅᑯᓯᕐᒥᓂᒃ ᑕᐅᑐᒃᐳᖅ. ᐱᓕᕆᐊᖃᖅᓯᒪᔪᖅ ᐃᓄᐃᑦ ᐃᒡᓗᖓᑕ ᓂᔾᔭᐅᑎᖏᓐᓂᒃ ᐊᒻᒪᓗ ᖁᕕᐊᒋᔭᖃᖅᖢᓂ ᑲᑎᒃᑲᓐᓂᕆᐊᒃᓴᖅ ᐃᓕᖅᑯᓯᑐᖃᕐᒥᓂᒃ ᐊᖏᕐᕋᐅᓚᐅᖅᑎᓪᓗᒍ. "ᐊᖏᕐᕋᐅᓚᐅᖅᑐᖓ ᐱᔪᒃᓯᓕᑲᐅᑎᒋᓚᐅᖅᑐᖓᓗ, ᐊᖏᕐᕋᑐᐃᓐᓇᖅᖢᖓ" ᐊᓂᐊᔪᖅ. ᐃᓚᒋᔭᐅᑦᓱᓂ ᐃᓄᑐᖃᕐᓄᑦ ᐅᓂᒃᑳᕐᓂᕐᒧᑦ ᑲᑎᑎᑦᓯᓂᕐᒧᑦ ᑕᑕᑦᓯᓚᐅᖅᑐᖅ ᐃᕐᖑᓯᐅᔭᖓᓂᑦ ᓴᓇᑐᓂᕐᒥᑦ. ᐃᖅᑲᓇᐃᔮᖓᑕ ᐊᖅᑯᓵᖅᑕᐅᓲᖑᒻᒥᔪᖅ. ᑭᖑᓂᑦᑎᓐᓂ ᓂᔾᔭᐅᑎᓂᑦ ᐃᒃᐱᒍᓱᒃᓯᒪᔪᖅ ᓄᖅᑲᖓᔾᔪᑕᐅᔪᓂᑦ, ᒫᓐᓇᐅᖏᓐᓇᖅᐳᖅ. "ᖁᖓᓯᕋ ᐃᓱᒪᖅᓲᑎᒋᕙᕋ. ᓂᔾᔭᐅᑎᑐᐃᓐᓇᓕᖅᑲᕋ, ᓴᖅᑭᑕᐅᓂᖓ, ᐃᓕᖅᑯᓯᐅᔪᖅ ᑐᓄᐊᓂ, ᐃᒫᒃ ᓂᔾᔭᐅᓯᒪᑦᑎᐊᕋᒪ, ᐊᒻᒪᓗ ᑕᐃᒫᒃ ᓴᓇᒍᓐᓇᖅᑐᖓ. ᑕᐃᒪᓐᓇ ᓴᓇᙳᐊᕐᓂᖅ," ᐅᖃᑦᑎᐊᓲᖅ.

ᖃᕆᑕᐅᔭᒃᑯᑦ ᐱᐊᓇᑦ ᐅᖅᑰᖏᓐᓇᕈᒪᓂᕐᓗ ᐅᑭᐅᒃᑯᑦ ᑲᓱᖅᓯᓚᐅᖅᑐᖅ ᐃᖅᑲᓇᐃᔮᓕᒫᒥᓂᒃ ᐊᒻᒪᓗ ᒫᓐᓇ ᐳᕌᓐᑕᓐ ᓛᕌᒃ ᓂᔾᔭᐅᓯᔭᖃᑦᑕᖅᓯᒪᓕᖅᑐᖅ ᐊᕐᕌᒍᓄᑦ ᖁᓕᓄᑦ. ᐃᓕᑦᑎᕙᓪᓕᐊᓂᖅ ᐊᒃᓱᕈᕐᓇᖅᓯᕙᒃᑐᓂ ᐱᓕᕆᖃᑎᒌᒃᐸᖕᓂᕐᒥ ᐅᑭᐅᖅᑕᖅᑐᒥ, ᐊᖏᕐᕋᕆᔭᒥ ᑮᓇᐅᔭᓕᐅᑦᑎᐊᕈᓐᓇᐃᓪᓕᓂᕐᒥᒃ ᑮᓇᐅᔭᑎᒍᓪᓗ ᐊᔪᕐᓇᖅᑐᖅᓯᐅᕐᓂᕐᒥᒃ, ᓴᖅᑭᑉᐸᒃᖢᓂ ᓄᑖᓂᒃ ᑐᓗᖅᑕᕈᑕᐅᔪᓂᒃ ᐱᔪᒃᓯᑎᑦᑎᓂᕐᒥᒡᓗ. ᐱᔪᒪᓂᖃᑦᑎᐊᖅᑐᖅ, ᓴᓇᑐᓂᖅ ᐃᓕᖅᑯᓯᑐᖃᒃᑯᓪᓗ ᐊᒃᑐᐊᓂᖃᕐᖢᓂ, ᓇᓂᓯᓪᓗᓂ ᐊᖏᕐᕋᒧᑦ ᑭᖑᓪᓕᕐᒥᓗ ᓇᓃᓐᓂᖓᓄᑦ ᓂᔾᔭᐅᑎᒧᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.