Spirit Art and Sing Songs: ᐳᕋᐃᔭᓐ ᑐᕙᐃᓐ ᓴᕋᔨᓐ ᐃᓕᖅᑯᓯᑐᖃᕐᒥᓂᒃ ᐅᖃᐅᓯᖃᖅᐳᖅ ᑰᒪᒥᓂᒃ
ᓄᑦᑎᖃᑦᑕᓚᐅᖅᓯᒪᔪᖅ ᐃᓄᓐᓂᒃ, ᒫᓐᓇ ᐅᖃᐅᓯᖃᓕᖅᑐᖅ ᖃᓄᖅ ᑕᕐᓂᓂᒃ ᐊᐅᓚᓲᖑᒻᒪᖔᖅ. ᐳᕋᐃᐊᓐ ᑐᕙᐃᓐ ᓴᕋᔨᓐ ᐱᒃᕚᓇᒐᓐᒥᐅᑕᖅ ᒎᓪᑕᓐ ᑕᓯᕐᒥ ᐋᓐᑎᐅᕆᐅᒥ ᐃᕐᓂᖓᓗ. ᒥᖒᑎᐅᔪᖅ, ᕿᓚᐅᔾᔭᖅᑎ ᐊᒻᒪ ᐃᙱᖅᑎ. ᒫᓐᓇᕋᑖᖅ, ᐊᑭᑦᑐᕋᐅᑎᖃᑎᖃᓕᓚᐅᖅᑐᖅ ᕿᓚᐅᑎᓂᒃ ᐊᒻᒪᓗ ᐃᓕᓴᐃᓪᓗᓂ ᐃᓅᓱᒃᑐᓂᒃ ᕿᓚᐅᔾᔭᖅᑎᓂᒃ. ᐃᖅᑲᓇᐃᔭᖃᑦᑕᖅᑐᖅ ᐃᓕᓐᓂᐊᕐᕕᓐᓂᑦ ᓄᓇᓕᓐᓂᓪᓗ, ᐃᓕᓐᓂᐊᖅᑎᑦᓯᓪᓗᓂ ᐃᙱᕐᓂᕐᒥᑦ ᕿᓚᐅᔾᔭᕐᓂᕐᒥᓪᓗ ᒪᒃᑯᑦᑐᓂᑦ.
ᐃᓚᐅᓚᐅᙱᑎᓪᓗᒍ ᑖᓐᓇ ᐱᓕᕆᐊᖅ, ᓴᕋᔨᓐ ᓄᓇᓯᐅᑎᒥᒃ ᐊᖁᑎᐅᓚᐅᖅᐳᖅ ᐱᒋᐊᖅᑎᑦᑎᔨᐅᓪᓗᓂᓗ ᑲᑭᖅᑯᐊᖃᕋᓗᐊᖅᖢᓂ ᓯᕝᕕᐊᓂ 12−ᓂᒃ ᐅᑭᐅᖃᓕᓚᐅᖅᑎᓪᓗᒍ. ᐋᓐᓂᐊᕐᓂᖓ ᐱᓕᕆᓪᓗᓂ ᐱᐅᙱᑦᑐᒻᒪᕆᐅᓚᐅᖅᐳᖅ ᓘᑦᑖᖅ ᓄᖅᑲᖁᔨᓚᐅᕐᒪᑦ ᐃᖅᑲᓇᐃᔭᕐᓂᕐᒥᓂᒃ. ᐃᓚᖏᑦ ᓄᓇᓕᖕᓂ ᐃᓕᓐᓂᐊᕐᕖᑦ ᐊᐱᕆᓚᐅᖅᐳᑦ ᑐᓴᖅᑎᑦᑎᔪᓐᓇᕐᒪᖔᑦ ᐃᓄᐃᑦ ᖃᐅᔨᒪᔭᖏᓐᓂᒃ ᐃᓕᓐᓂᐊᕐᕕᐊᕈᓯᕐᓄᑦ ᐃᓱᒪᒋᓚᐅᖅᖢᓂᐅᒡᓗ ᐱᕕᒃᓴᕆᑎᑕᐅᔪᖅ. ᑎᒥᖓᒍᑦ ᓱᑲᖃᓗᐊᓕᓚᐅᕐᒪᑦ ᐊᒻᒪᓗ ᐊᓂᒐᒥ, ᖃᓄᐃᓕᐅᒃᑲᓐᓂᕈᓐᓇᐃᓕᓚᐅᕐᒪᑦ ᐱᓕᕆᖃᑎᖃᓕᓚᐅᖅᑐᖅ ᐃᓕᓐᓂᐊᕐᕕᐅᔪᓂᒃ. ᑕᕐᓂᓕᕆᓂᕐᒧᑦ ᐃᖏᕐᕋᓂᕆᓚᐅᖅᑕᖓᑦ ᒥᖒᑎᒥᓂᒃ ᐱᔪᒃᓯᑎᑦᑎᓚᐅᖅᐳᖅ.
ᑕᑎᖃᕈᓐᓇᙱᖦᖢᓂ ᓴᓇᔪᓕᕆᓂᕐᒥᒃ ᐃᓕᓐᓂᐊᓚᐅᖅᑕᖓᓂᒃ, ᐊᓯᐊᓂᒃ ᕿᓂᕆᐊᖃᓚᐅᖅᑐᖅ. "ᑭᓱᖃᓚᐅᙱᑦᑐᖓ ᑭᓯᐊᓂ ᐃᓕᖅᑯᓯᕋ ᐅᑎᕆᐊᒃᓴᖅ, ᐃᓕᖅᑯᓯᕋᓗ ᐅᕙᓐᓂᒃ ᑲᒪᒋᑦᑎᐊᖅᖢᓂᖓ, ᓴᐃᒻᒪᖅᑎᑕᐅᑦᑎᐊᕐᕋᒪᓗ, ᐊᓕᐊᓇᐃᒍᓱᑦᑎᐊᖅᐳᖓᓗ ᒫᓐᓇ ᐱᓕᕆᔪᓐᓇᕋᒪ. ᓇᒥᑐᐃᓐᓈᓗᒃ ᐊᒻᒪᓗ ᖃᓄᐃᑦᑐᑐᐃᓐᓇᑦᑎᐊᓂᒃ ᓄᓇᓕᓐᓂ ᐊᒻᒪᓗ ᖃᓄᐃᓕᐅᕐᓂᐅᔪᓂᒃ ᐊᒻᒪᓗ ᐃᓅᓯᑦᑎᐊᕙᐅᓪᓗᓂ, ᐊᒻᒪᓗ ᖁᔭᒋᔭᐃᓐᓇᕆᓪᓗᒍ," ᓴᕋᔨᓐ ᐹᒻᔅ.
ᐊᕐᕌᒎᒃ ᒪᕐᕉᒃ ᐊᓂᒍᖅᑑᒃ ᐊᒻᒪ ᓯᕝᕕᐊᑦ ᑭᖑᓂᐊᒍᑦ, ᓴᕋᔨᓐ ᐱᓕᕆᑦᑎᐊᕐᓂᖅᓴᐅᕗᖅ. ᐋᓐᓂᐊᙱᑦᑐᖅ ᑭᓯᐊᓂ ᐊᔾᔨᒋᖅᑰᔨᙱᖦᖢᓂᐅᒃ. ᐅᓪᓗᖃᑦᑎᐊᕐᖓᑦ ᐊᒻᒪᓗ ᐱᐅᒐᓂ. ᑐᓴᖅᑎᑦᑎᔪᖅ ᑐᓴᖅᑕᒥᓂᒃ ᐱᔭᒥᓂᒃ ᑕᕐᓂᒃᑯᑦ ᓴᓇᙳᐊᕐᓂᕐᒧᑦ ᐃᓕᓐᓂᐊᕐᓇᓂ, ᑲᑎᖃᑎᖃᕐᓂᖅ ᐊᓯᒥᖕᓂᒃ ᐱᑎᑦᑎᓪᓗᓂᓗ ᓴᐃᓕᓂᕐᒥᒃ ᑲᓲᑎᔾᔪᑎᖓᒍᑦ ᑭᖑᓪᓕᕐᒥ ᐊᖏᓂᖓᒍᑦ. ᐱᔪᒃᓯᑎᑦᑎᓪᓗᓂ ᒪᒃᑯᒃᑐᓂᒃ ᐃᓕᓴᐃᔾᔪᑎᖏᓐᓂᒃ ᐱᓕᕆᑦᑎᐊᕐᓂᕐᒥᒃ ᓄᓇᕐᔪᐊᒥ ᐊᒻᒪᓗ ᓅᑉᐸᓪᓕᐊᓗᑎᒃ ᐱᐅᔪᓂᒃ ᓴᖅᑭᑎᑦᑎᓂᕐᒧᑦ, ᐊᒃᓱᕈᖅᖢᓂ ᐱᓕᕆᔪᖅ ᐃᑲᔪᕋᓱᒃᖢᓂ ᐊᓯᒥᖕᓂᒃ ᐃᓕᑦᑎᓂᕐᒧᑦ ᐃᓅᓯᖏᓐᓂᒃ ᐱᔪᒪᔭᖏᓐᓂᒃ ᐊᒻᒪᓗ ᒪᑐᓯᓂᕐᒥᒃ.
ᑲᔪᓯᑎᓪᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ, ᓴᕋᔨᓐ ᓱᐴᖅᑐᓲᖅ ᓱᓪᓗᓕᖓᓂᒃ, ᐃᙱᕐᖢᓂ ᑐᒃᓯᐊᕐᖢᓂᓗ ᑲᓲᑎᖁᓪᓗᒍ ᓄᓇᕐᔪᐊᒧᑦ, ᑕᕐᓂᒃᑯᑦ ᑭᓱᓕᒫᓄᓪᓗ ᐊᕙᑎᖏᓐᓃᑦᑐᓄᑦ. "ᐊᒃᓱᕈᕐᓇᕌᖓᑦ, ᐃᙱᓕᕌᖓᒪ ᐊᒃᓱᕈᕐᓇᓛᒥᒃ ᓂᐱᖅᑯᖅᑐᓛᒥᒡᓗ," ᐅᖃᐅᓯᖃᖅᐳᖅ. ᑭᓱᓕᒫᓂᒃ ᐃᙱᕈᒪᔪᖅ.
ᐱᔪᒃᓯᑎᑦᑎᓂᐊᕐᓗᓂ, ᓴᕋᔨᓐ ᓯᓚᒦᖅᑰᔨᕙᒃᐳᖅ ᐊᖑᓇᓱᖕᓂᒃᑯᑦ, ᐃᖃᓪᓕᐊᕐᓂᒃᑯᑦ, ᐊᒻᒪ ᐊᓃᖅᓯᒪᓂᒃᑯᑦ. "ᐃᓚᒋᔭᐅᖃᑕᐅᓂᖅ ᑖᒃᑯᓄᖓᓕᒫᖅ ᓇᐹᖅᑐᓄᑦ ᐊᖑᑎᒧᑦ, ᐃᒃᐱᒋᓗᒍᓗ ᐆᒻᒪᕆᖕᓂᖅ ᐊᓯᐊᓄᑦ ᐃᓂᒧᐊᖅᑎᑦᑎᑐᐃᓐᓇᓲᖅ," ᐊᔾᔨᖃᖅᑐᖅ. ᑖᔅᓱᒧᖓ, ᐃᒃᐱᖕᓂᐊᓂᒃᑯᑦ, ᑎᒥᒃᑯᑦ ᐃᓱᒪᒃᑯᓪᓗ ᐊᑐᕐᓂᑰᔪᖅ.
ᐅᖃᐅᔾᔪᐃᓂᖓ ᓴᓇᙳᐊᖅᑎᓄᑦ, "ᐊᑏᒎᖅ. ᐱᓱᐃᓐᓇᕆᑦ. ᑎᑎᕋᐅᔭᖏᓐᓇᕐᓗᑎᑦ, ᑎᑎᕋᐅᔭᐃᓐᓇᕐᓗᑎᑦ, ᐊᒻᒪ ᓇᖕᒥᓂᖅ ᐱᐅᙱᓛᕆᓗᑎᑦ... ᐊᒡᒐᒃᑯᑦ, ᐃᓱᒪᒃᑯᑦ, ᐊᒻᒪ ᑕᐅᑐᖅᑰᖅᑕᒃᑯᑦ, ᑕᐅᑐᒡᓗᑎᑦ ᐊᒻᒪ ᐅᖃᐅᓯᕆᑐᐃᓐᓇᕐᓗᒍ ... ᐃᖏᕐᕋᑎᑐᐃᓐᓇᕐᓗᒍ. ᓄᖅᑲᖅᑕᐃᓕᒋᑦ, ᑭᓇᑐᐃᓐᓇᕐᒥᑦ ᐅᖃᐅᔾᔨᑦᑕᐃᓕᒋᑦ ᐊᔾᔨᒋᙱᑕᖓᓂᑦ, ᐊᑲᖅᓴᖏᓐᓂᕋᖅᑎᑐᐃᓐᓇᕐᓗᒋᑦ ᐅᕝᕙᓘᓐᓃᑦ ᑎᒃᑯᐊᖅᑐᕈᑎᖏᓐᓂᑦ, ᐊᒻᒪᓗ ᐅᖃᑐᐃᓐᓇᕐᓗᑎᑦ, 'ᐊᑏ, ᖁᔭᓐᓇᒦᒃ,' ᐊᒻᒪᓗ ᑲᔪᓯᓗᑎᑦ ᑕᐃᒫᒃ ᑲᔪᓯᒍᒪᔭᕐᓂᑦ."
ᐃᓱᒪᒋᓪᓗᒍ ᐊᖏᔪᑦ ᐸᕐᓇᐅᑎᖏᑦ ᓴᖅᑭᓛᓕᖅᑐᑦ, ᓴᕋᔨᓐ ᓴᓇᐅᒐᕐᓂᒃ ᓴᖅᑭᔮᖅᑎᑦᑎᔪᖅ ᑐᕌᓐᑐᒥ ᑐᙵᕕᖃᖅᑐᓂ ᐃᒪᕐᒥᒃ ᐊᒻᒪᓗ ᑕᑯᓐᓇᒐᕐᒥᒃ. ᓂᕆᐅᒃᑐᖅ ᓴᓇᖃᑦᑕᕐᓂᐊᖅᑕᖏᓐᓂᒃ ᒥᑕᐅᑎᒋᓂᐊᕐᒪᒍ. ᑐᒃᓯᕋᖅᐸᒻᒪᑦ ᐃᓕᖅᑯᓯᐅᔪᓂᒃ ᐊᒻᒪᓗ ᐃᓚᖏᑦ ᑕᖅᑭᓕᒫᒥᒃ ᐱᔪᓐᓇᖅᑐᑎᒃ ᐊᒻᒪᓗ ᐃᓛᓐᓂᒃᑯᑦ 7-ᓂᒃ ᓴᓇᕙᒃᑭᓪᓗᓂ ᐅᓪᓗᕐᒥ ᐊᑕᐅᓯᕐᒥ. ᒪᓕᑐᐃᓐᓇᖅᑐᖅ ᖃᓄᐃᓕᖓᓂᖓᓂᒃ. ᐃᓚᖏᑦ 4 ᐃᓯᒐᐃᑦ ᑕᑭᓂᓕᒻᒥᑦ ᑭᓯᐊᓂ ᒪᕐᕋᓕᐅᖅᓯᒪᔪᖅ.
ᑭᖑᓪᓕᖅᐹᒥ ᐅᖃᐅᓯᖏᑦ ᑲᔪᖏᖅᓴᐃᓂᕐᒧᑦ "ᑕᕐᓂᕆᔭᐅᔪᑦ ᐅᕙᑦᑎᓐᓂᒃ ᑕᐅᑐᐃᓐᓇᐅᔭᖅᑐᑦ. ᑕᐃᑲᓃᖏᓐᓇᐅᔭᖅᑐᑦ." ᑕᒪᓐᓇ ᐃᓱᒪᒋᓪᓗᒍ, ᓴᕋᔨᓐ ᑎᓕᐅᕆᕗᖅ ᐃᓕᖅᑯᓯᑦᑎᐊᕙᖕᒥᒃ ᐱᐅᔪᒥᒡᓗ ᓴᖅᑭᑎᑦᑎᔪᒪᓪᓗᓂ ᐱᐅᔪᓂᒃ ᐃᓅᓯᕐᒧᑦ.
ᓄᑦᑎᖃᑦᑕᑎᓪᓗᒍ ᐃᓄᓐᓂᒃ ᓇᒥᑐᐃᓐᓇᖅ ᑲᓇᑕᒥ ᐊᒻᒪᓗ ᒥᐊᓕᒐᐃᑦ ᓄᓇᖓᓐᓂ, ᒫᓐᓇ ᐳᕋᐃᐊᓐ ᑐᕙᐃᓐ ᓯᐊᕋᔨᓐ ᐅᖃᐅᓯᖃᓕᖅᑐᖅ ᐃᓄᓐᓂᒃ ᖃᓄᖅ ᑕᕐᓃᑦ ᓅᑦᓯᒪᓕᕐᒪᖔᒋᑦ ᐊᒻᒪᓗ ᑐᓴᖅᑎᓯᒪᔭᖏᑦ. ᓴᓇᔨᓪᓚᕆᖓ ᐊᔪᓕᕐᒪᑦ, ᐃᓕᖅᑯᓯᕐᒥᓂᒃ ᐊᒻᒪᓗ ᓴᓇᐅᒐᖏᑦ ᐅᑎᑐᐃᓐᓇᖅᑐᑎᒃ ᐊᒻᒪᓗ ᐃᑲᔪᖅᑐᐃᓪᓗᓂ ᐱᐅᔪᒻᒪᕆᒻᒥᒃ ᐃᑲᔪᕋᓱᐊᖅᑐᓂ ᐊᓯᒥᓂᒃ. ᑐᓴᖅᑎᑦᑎᓪᓗᓂ ᑎᓕᐅᕆᓪᓗᓂ ᐱᐅᔪᒥᒃ, ᐃᓕᓴᐃᔪᖅ ᒪᒃᑯᒃᑐᓂᒃ ᕿᓚᐅᑎᙳᐊᕐᓂᕐᒥᒃ, ᐃᙱᕐᓂᕐᒥᒃ ᐊᒻᒪ ᐱᐅᔪᓂᒃ ᓂᕈᐊᖃᑦᑕᕐᓂᕐᒥᒃ ᖃᐅᑕᒫᑦ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
