"ᖃᐅᔨᒪᙱᑦᑐᑎᑦ ᑭᓱᒥᒃ ᖃᐅᔨᒪᙱᒻᒪᖔᖅᐱᑦ. ᐃᓕᖕᓂᒃ ᓴᖅᑭᑦᑐᓐᓇᕐᓂᖅᓴᐅᒍᕕᑦ, ᐃᓕᖕᓂᒃ ᐱᐅᓂᖅᓴᐅᕗᖅ." ᑖᓐᓇ ᐸᑦᑎ ᐸᑦᑕᐃᓇᓪ ᐃᓱᒪᒋᔭᖓ ᐊᒻᒪᓗ ᒪᑐᐃᖓᑎᑕᐅᑐᐃᓐᓇᖅᑐᓂ ᐊᒥᓱᓄᑦ ᐱᕕᒃᓴᐅᔪᓄᑦ. ᐅᖄᓚᔪᖅ ᓄᐊᑦ ᕚᓐᑰᕗᒧᑦ, ᕗᕆᑎᔅ ᑲᓚᒻᐱᐊᒥ ᐊᖏᕐᕋᒧᑦ, ᓅᓯᒪᓪᓗᓂ ᐃᐊᑦᒪᓐᑕᓐᒥᑦ 1980 ᕿᑎᖏᓐᓂ. ᐊᖓᔪᖅᑳᖑᓪᓗᓂ ᓄᓇᖃᖅᑳᖅᓯᒪᔪᓕᕆᔪᓄᑦ ᐊᐃᑲᓐᒥ ᑕᐃᑲᓃᓕᖅᖢᓂᓗ ᐊᕐᕌᒎᖕᓄᑦ ᒪᕐᕉᖕᓄᑦ. ᐱᓕᕆᖃᑦᑕᖅᑐᖅ ᑲᓲᑎᑎᑦᓯᓂᕐᒥᑦ ᓄᓇᖃᖅᑳᖅᓯᒪᔪᓂᑦ ᓄᓇᓕᓐᓂᑦ ᓂᐅᕕᕐᓂᕐᒥᑦ ᐱᕕᖃᕐᓂᐅᔪᓂᑦ ᐃᑳᕐᕕᓐᓂᓪᓗ ᑲᒻᐸᓂᓂᑦ ᓄᓇᓕᓐᓂᓪᓗ ᑲᑐᔾᔨᖃᑎᒌᓐᓂᕐᒧᑦ. ᐃᖅᑲᓇᐃᔭᖅᓯᒪᔪᖅ ᐊᔫᑦᑕᖅᑐᑦ ᐊᖅᓴᕋᓛᓂᑦ, ᐊᖅᓴᕐᓂᑦ ᐊᒻᒪᓗ ᐊᓯᖏᓐᓂᑦ ᐃᓅᓯᓕᕆᓂᕐᒧᑦ ᐱᒋᐊᖅᑎᑕᐅᔪᓂᑦ ᐊᒻᒪᓗ ᐱᓕᕆᖃᑎᖃᖃᑦᑕᖅᑐᓂ ᓄᓇᓕᓐᓂ ᐃᓕᓐᓂᐊᕐᕕᐅᔪᓂᑦ ᐃᑲᔪᕋᓱᑦᑐᓂ ᐅᖃᐅᓯᐅᓂᐊᖅᑐᓂᑦ ᐱᕕᓴᐅᔪᓂᑦ.

ᐆᒻᒪᑎᐅᑉ ᐊᖅᑯᑎᖓᓄᐊᓚᐅᖅᑐᖅ, ᕿᔪᓕᕆᔨᐅᓪᓗᓂ ᓴᓇᔨᐅᓪᓗᓂ ᐊᒻᒪᓗ ᑕᐃᒪᐃᓕᐅᖃᑦᑕᖅᓯᒪᓪᓗᓂ ᐊᕐᕌᒍᓄᑦ 20-ᑲᓴᖕᓄᑦ. ᕿᒥᕐᕈᑎᓪᓗᒍ ᑭᖑᓪᓕᕐᒥ ᐱᓕᕆᐊᒥᓂᒃ, ᑮᓇᐅᔭᓕᐅᕋᓱᐊᓐᖏᑦᑐᓂ. ᐅᖃᓚᐅᖅᐳᑦ ᐃᖅᑲᓇᐃᔭᓕᖅᑎᑦᑎᓂᕋᖅᑐᑎᒃ ᐊᒻᒪ ᐱᓕᕆᖃᑎᖃᓕᖅᑐᒥᓂᐅᓂᕋᖅᑐᓂ ᓄᓇᖃᖅᑳᖅᓯᒪᔪᓂᒃ, ᐃᓕᓐᓂᐊᖅᑎᑦᑎᓪᓗᑎᒃ ᐊᒻᒪ ᐃᖅᑲᓇᐃᔮᔅᓴᓂᒃ ᓴᖅᑮᓪᓗᑎᒃ 8-ᓂᒃ ᐊᕐᕌᒍᓂᒃ. ᑐᑭᒧᐊᒃᑎᑦᑎᔨᐅᓚᐅᖅᓯᒪᕗᖅ ᓴᓇᔪᓕᕆᓂᕐᒧᑦ ᐱᓕᒻᒪᒃᓴᕐᓂᕐᒥᑦ, ᐃᑲᔪᖃᑦᑕᖅᖢᓂᑦ ᐃᓕᓐᓂᐊᖅᑕᖏᓐᓂᑦ ᐃᖅᑲᓇᐃᔭᕈᓐᓇᖅᓯᓂᕐᒧᑦ. ᓅᓚᐅᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒌᖕᓂᖏᓐᓂ ᐊᐃᑲᓐᒥ ᓈᒻᒪᑦᑎᐊᕐᖢᓂᓗ ᖃᐅᔨᒪᓂᖓᓄᑦ ᐃᒡᓗᓕᐅᕐᓂᕐᓂ ᓄᓇᓕᖕᓂᓗ ᐊᒃᓱᕈᕐᓇᖅᑐᓂᑦ ᐱᓕᒻᒪᒃᓴᐃᓂᕐᓂ ᐃᖅᑲᓇᐃᔭᕐᓂᕐᒥᒃᓗ.

ᓇᒻᒥᓂᖅ ᐃᓕᓐᓂᐊᖅᓯᒪᓂᖓᓄᑦ, ᐊᐅᐸᖅᑐᒥᒃ ᓇᓗᓇᐃᒃᑯᑕᓕᒃ ᕿᔪᓕᕆᓂᕐᒧᑦ ᐱᓚᐅᖅᑕᖓᓂᒃ. ᐱᓕᕆᐊᓂᑦ ᐊᐅᓚᑦᑎᓕᓚᐅᖅᓯᒪᕗᖅ ᐊᐅᓚᑦᑎᖃᑕᐅᓪᓗᓂᓗ ᐃᓕᓴᕆᔭᐅᔾᔪᑎᑖᖅᖢᓂ BCIT−ᒥᑦ. ᐃᖅᑲᓇᐃᔭᓕᕋᒥ ᐊᓪᓚᕕᒻᒥ ᑮᓇᐅᔭᓕᐅᕋᓱᐊᖏᑦᑐᓂ, ᓅᓚᐅᖅᓯᒪᔪᖅ ᓇᒻᒥᓂᖃᓂᕐᒧᑦ ᐊᒻᒪᓗ ᒫᓐᓇ ᓇᒻᒥᓂᖃᕐᓂᕐᒥᒃ ᐊᐅᓚᑦᑎᓕᖅᑐᖅ ᐃᓕᓐᓂᐊᕕᔾᔪᐊᒥ ᐃᓕᓐᓂᐊᑲᐃᓐᓇᖃᑦᑕᖅᑐᓂ.

ᕿᔪᓕᕆᔨᐅᑎᓪᓗᒍ, ᐃᖅᑲᓇᐃᔭᓚᐅᖅᓯᒪᔪᖅ ᐊᖏᕐᕋᕆᔭᐅᔪᓂ ᐊᕐᕌᒍᓄᑦ ᖁᓕᓄᑦ, ᓴᓇᓪᓗᓂ ᐃᓄᑐᐊᓂᒃ ᐊᒻᒪᓗ ᐊᒥᓱᓂᒃ ᐃᓚᒌᓄᑦ ᐊᖏᕐᕋᕆᔭᐅᔪᓂᒃ. ᐱᓕᕆᐊᖃᓚᐅᖅᑐᖅ ᐱᖓᓱᓂᑦ ᓄᓇᓖᑦ ᒪᑭᒪᔾᔪᑎᖏᓐᓂᑦ ᐱᓕᕆᐊᓂᑦ ᐱᒋᐊᕐᓂᖓᓂᑦ ᐃᓱᐊᓄᑦ ᐃᓚᒋᓪᓗᒍ ᑐᓚᒃᑕᕐᕕᒃ ᒫᓐ ᐃᑳᕐᕕᒃ, Evergreen Line Skytrain ᐊᒻᒪ ᖃᐅᔨᓴᕐᕕᖓ ᕗᐊᑦ ᒪᒃᒨᕆᒥᑦ. ᐊᖅᑯᑎᒋᔭᖓ ᐊᓯᔾᔨᖅᓯᒪᓕᖅᑐᖅ ᐊᒻᒪᓗ ᑭᖑᓂᖃᓈᖅᓯᓗᐊᕋᓂ, ᑭᓯᐊᓂᓕ ᐊᑦᔨᐅᖏᑦᑐᒥᒃ ᐱᓕᕆᐊᖃᕋᓗᐊᖅᑐᓂ.

ᐊᐳᖅᑕᕈᑏᑦ ᐱᔾᔪᑎᒋᓪᓗᒋᑦ, ᐱᖁᑎᕐᔪᐊᓕᕆᓇᓱᓐᓂᖅ ᐊᒃᓱᕈᕐᓇᖅᑑᓚᐅᖅᑐᖅ ᓲᖃᐃᒻᒪ ᑭᓇᒥᒃ ᖃᐅᔨᒪᔭᖃᓗᐊᙱᒻᒪᑦ ᐊᒻᒪ ᖃᐅᔨᒋᐊᕐᕕᒃᓴᖃᓚᐅᙱᖦᖢᓂ. ᑕᖅᑭᓄᑦ 6-ᓄᑦ ᐊᐱᖅᓱᖅᑕᐅᓕᑕᐃᓐᓇᓚᐅᖅᑐᖅ. ᐊᓯᐊᒍᓪᓕ, ᐃᖅᑲᓇᐃᔭᖅᑎᑖᕐᓂᖅ ᑮᓇᐅᔭᓕᐅᕋᓱᐊᓐᖏᑦᑐᓄᑦ ᐱᕕᒃᓴᕆᑎᑕᐅᓚᐅᖅᑐᖅ ᐊᒻᒪᓗ ᐃᓱᒪᓕᕋᒥ ᐊᓯᔾᔩᓂᕐᒥᒃ. ᐃᖅᑲᐅᒪᔪᖅ ᒪᒃᑯᒃᖢᓂ ᖃᐅᔨᓪᓗᓂᓗ, "ᐃᓘᓐᓇᑎᒃ ᑐᓴᐅᒪᖃᑎᒌᖕᓂᐅᖕᒪᑦ." ᖁᕕᐊᓇᓗᐊᙱᒃᑲᓗᐊᖅᖢᓂ, ᓴᖅᑭᖃᑦᑕᐃᓐᓇᓚᐅᖅᑐᖅ ᐱᕈᖅᐸᓪᓕᐊᓪᓗᓂᓗ ᖃᕆᑕᐅᔭᖏᑦ ᑕᐃᒪᐃᓕᐅᖅᖢᓂᓗ, ᐃᓚᒋᐊᕐᖢᓂᔾᔪᒃ ᓴᓂᒧᑦ. ᐊᖏᓚᐅᖅᑐᖅ ᐱᕕᒃᓴᖃᕐᓂᕐᒧᑦ ᐊᒻᒪᓗ ᐱᕕᖃᕐᓂᕋᖅᖢᓂ.

ᐃᓕᓐᓂᐊᖅᑎᓄᑦ ᐃᓕᓐᓂᐊᕈᒪᔪᓄᑦ ᓴᓇᔨᐅᓂᕐᒧᑦ ᐅᖃᖅᑐᖅ,

"ᐊᖅᑯᑎᐅᒃᐸᑦ, ᐃᓱᒪᒋᑦᑕᐃᓕᒍᒃ ᑕᐃᒪᓐᓇᑐᐊᖅ ᐱᓕᕆᓂᐊᕋᕕᑦ ᐃᓅᓯᓕᒫᕐᓄᑦ, ᓲᖃᐃᒻᒪᓕ ᑐᑭᓕᐊᖅᑐᖃᓚᐅᖅᓯᒪᙱᒻᒪᑦ. ᑭᓯᐊᓂ ᑭᓱᒥᑭᐊᖅ ᐃᓯᕐᓂᐊᕈᕕᑦ, ᐱᓕᕆᑦᑎᐊᕐᓗᑎᑦ ᐊᔪᙱᓐᓂᓕᒫᕐᓄᑦ".

ᐊᐱᕆᐃᓐᓇᐅᔭᕐᓗᑎᑦ. ᐃᒻᒪᖃ ᐊᖏᔪᖅ ᑲᑉᐱᐊᓱᓐᓇᓂ ᐃᑲᔪᖅᑕᐅᔪᒪᓗᓂ. ᐃᓄᐃᑦ ᐃᓛᓐᓂᒃᑯᑦ ᐊᐱᕆᔪᒪᖃᑦᑕᖏᒻᒪᑕ, ᐊᒻᒪᓗ ᑕᒪᓐᓇ ᓄᖅᑲᖓᔾᔪᑕᐅᓕᕈᓐᓇᖅᑐᓂ, ᐱᕈᖅᑎᑐᐃᓐᓇᖏᓪᓗᒋᑦ... ᐊᔪᖅᓯᐅᖅᑲᖅᑰᔨᔪᑦ... ᓂᕈᐊᖅᐸᑕ ᑕᐅᖅᓰᓂᕐᒥᒃ, ᐱᔭᕇᕐᓗᒍ.  ᖃᐅᔨᒪᔪᖓ ᐃᓄᐃᑦ ᐅᖃᖃᑦᑕᖅᑐᑦ, 'ᐃᒪᐃ, ᓴᓇᕐᕈᑎᓃᒍᒪᖏᑦᑐᖓ ᐃᓅᓯᓕᒫᑎᑐᑦ.' ᑕᐃᒪᐃᒋᐊᑐᓐᖏᑦᑐᑎᑦ. ᕿᒥᕐᕈᓗᑕ, ᖃᓄᖅ ᐊᐅᓚᓂᖃᕐᒪᖔᑕ, ᐅᕝᕙᓘᓐᓃᑦ ᖃᓄᑐᐃᓐᓇᖅ. ᑕᒪᓐᓇ ᑐᑭᓕᐊᕐᓂᖃᓗᐊᓚᐅᖅᓯᒪᙱᑦᑐᖅ... ᐅᒃᐱᕆᓗᒍ ᐱᕙᓪᓕᐊᓂᖓ ᖁᕕᐊᒋᓗᒍᓗ. ᐃᓕᑦᑎᓗᑎᑦ. ᑲᑉᐱᐊᓱᙱᓪᓗᑎᑦ ᐃᑲᔪᖅᑕᐅᔪᒪᔭᕆᐊᒃᓴᖅ ᓴᖅᑭᖏᓐᓇᕐᓗᑎᓪᓗ."

ᑭᖑᒧᑦ ᑕᑯᒋᐊᖅᑐᓂ ᐃᓅᓯᖓᓂᑦ ᐊᒻᒪ ᐃᓱᒪᓪᓗᓂ ᖃᓄᖅ ᐊᓯᔾᔨᕈᓐᓇᕐᒪᖔᖅ, ᐃᓱᒪᕗᖅ ᖃᓄᖅ ᓯᓚᑦᑐᓴᕐᕕᕐᔪᐊᕐᒨᕈᓐᓇᕐᓂᕐᒪᖔᖅ ᐃᖅᑲᓇᐃᔭᕆᐊᑐᐃᓐᓇᖏᓪᓗᓂ, ᑕᒪᓐᓇ ᓇᓖᕌᕋᔅᓴᐅᓚᐅᙱᑦᑐᖅ. ᖃᐅᔾᔨᑎᑖᖅᑐᒻᒪᕆᐅᓚᐅᖅᐳᖅ ᐱᓕᕆᐊᖃᖅᑎᐊᖅᑐᓂᒃ ᑭᓯᐊᓂ ᐊᑕᐅᑦᑎᒃᑯᑦ, ᑕᑯᕙᒻᒪᑦ ᐃᓄᓐᓂᒃ ᒪᒃᑯᓐᓂᖅᓴᓂᒃ ᐃᓕᑕᕆᔭᐅᔾᔪᑎᑖᖅᓯᒪᔪᓂᒃ. "ᖃᐅᔨᒪᙱᑦᑐᖓ ᐊᓯᔾᔨᓗᐊᕋᔭᕐᒪᖔᕐᒪ. ᑕᐃᒪᐃᑦᑐᐃᓐᓇᐅᖅᑰᓚᐅᖅᑐᖅ ᑕᐃᒪᐃᑦᑕᕆᐊᖃᓚᐅᕐᓂᕋᖅᖢᓂ," ᑕᑯᒃᓴᐅᑎᑦᑎᔪᖅ.

ᐃᓱᒪᖓ ᖃᐅᔨᓴᖅᑕᐅᑏᓐᓇᕋᓱᒃᓗᒍ, ᐆᒻᒪᑎᐅᑉ ᑎᒡᓕᕐᓂᖓ ᐃᒻᒥᓂᒃ ᑐᙵᑎᓪᓗᓂ ᐃᖃᐃᓕᓴᕐᕕᖕᒧᐊᕐᓗᓂᓗ. ᐅᖃᖃᑎᖃᖃᑦᑕᖅᑐᖅ ᐃᓄᑐᖃᕐᓂᑦ ᐃᑲᔫᑎᓂᓪᓗ ᐃᓱᒪᒋᔭᖏᓐᓂᑦ. ᓯᕗᓪᓕᐅᔾᔨᖃᑦᑕᖅᑐᖅ ᓇᒻᒥᓂᖅ ᐸᖅᑭᓂᕐᒥᑦ ᐅᖃᕐᖓᑦ, "ᖃᖓᓕᒫᖅ ᐱᔪᓐᓇᖏᓐᓇᕕᑦ. ᖃᓄᐃᙱᑦᑎᐊᙱᒃᑯᕕᑦ, ᐃᖏᕐᕋᓗᐊᙱᑦᑐᖅ."

ᐱᕈᖅᓴᓪᓗᓂ, ᑕᐃᓐᓇ ᐃᓄᒃ ᑕᑯᓐᓇᓚᐅᖅᑕᖓ ᐊᓂᖓ. ᐃᓕᓐᓂᐊᑦᑎᐊᖅᓯᒪᔪᖅ ᐊᒻᒪ ᓴᓇᙳᐊᕈᓐᓇᑦᑎᐊᕐᖢᓂ ᐃᖅᑲᓇᐃᔭᓚᐅᖅᓯᒪᓪᓗᓂᓗ ᐊᑕᐅᓯᕐᒧᑦ ᐃᖅᑲᓇᐃᔭᕐᕕᖕᒧᑦ ᐊᑯᓂᐅᔪᒃᑯᑦ. ᑕᐃᒃᑯᐊ ᐃᓚᖏᑦ ᑎᒍᐊᓚᐅᕐᒪᒋᑦ. ᓄᓇᓕᐸᐅᔭᕐᒥ, ᑕᑯᓗᐊᓚᐅᙱᑦᑐᖅ ᐊᔾᔪᒥᓇᖅᑐᓂᒃ ᐊᓯᖏᓐᓂᒃ ᐃᓕᓴᐃᔨᐅᔪᓂᒃ, ᑭᓯᐊᓂ ᐊᓂᖓ ᐱᔪᒃᓯᑎᑦᑎᓚᐅᖅᑐᖅ.  

ᑕᐃᒫᖅᐸᓪᓕᐊᓕᖅᑭᑦ, ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, ᐆᒻᒪᑎᕗᑦ ᐱᒋᐊᓪᓚᒃᑲᓐᓂᕈᒪᕗᖅ ᐱᒻᒪᕆᐊᓘᓂᖓᓂᒃ ᓱᓕᓪᓚᕆᖕᓂᕐᒥᒃ, "ᖃᓄᐃᙱᑦᑎᐊᕐᓂᖅ ᐱᔪᒪᔭᕐᓄᑦ. ᓯᕿᙳᔭᖅ ᓱᒃᑲᓕᔪᒻᒪᕆᐊᓗᒃ. ᐃᓂᖃᓕᕈᓐᓇᖅᑐᑎᑦ ᐊᑯᓂᐊᓗᒃ ᐱᓕᕆᓗᑎᑦ, ᑭᓯᐊᓂ ᑕᒪᓐᓇ ᐱᓕᕆᐊᖑᔪᓐᓇᖏᒻᒪᑦ. ᑮᓇᐅᔭᑎᒍᑦ, ᐱᐅᓱᒋᕙᕋ ᑮᓇᐅᔭᓕᒻᒪᕆᐅᒋᐊᖓ, ᑭᓯᐊᓂ ᑕᕝᕙᓂᔅᓴᐃᓐᓇᖅ, ᑕᒪᓐᓇ ᐊᒥᐊᒃᑯᒋᕚ, ᓱᓕᕚ? ᐅᑎᓚᐅᖅᓯᒪᔾᔮᖏᑦᑐᒍᑦ, ᐊᒻᒪᓗ ᐱᕕᖃᕈᑦᑕ ᖃᓄᐃᓕᐅᕐᓗᑕ, ᐱᓗᒍ. ᐃᓛᓐᓂᒃᑯᑦ, ᑕᒫᓃᓲᑦ ᐱᑕᖃᕈᓐᓃᖅᖢᑎᒡᓗ."

ᒪᑐᐃᙶᖏᓐᓇᕐᓂᖅ ᐱᕕᒃᓴᓄᑦ, ᖃᐅᔨᒪᙱᖦᖢᓂ ᑭᓱᒥᒃ ᖃᐅᔨᒪᙱᒻᒪᖔᑦ, Buddy Cardinal−ᒥᒃ ᐆᒃᑐᕈᓐᓇᖅᓯᒪᖕᒪᑦ ᓄᑖᓂᒃ ᐊᒻᒪ ᓇᓂᓯᓪᓗᓂ ᐊᖅᑯᑎᒃᓴᒥᒃ ᖁᕕᐊᒋᔭᒥᓂᒃ. ᑲᒻᐸᓃᑦ ᐊᒻᒪ ᓄᓇᓖᑦ ᐊᑯᓐᓂᖏᓐᓂᒃ ᐊᒻᒪ ᐅᑎᖅᑎᑦᑎᓂᖅ, ᐱᕈᖅᐸᓪᓕᐊᖏᓐᓇᖅᐳᖅ ᑕᐃᒪᐃᖃᑦᑕᓚᐅᕐᒪᑦ, ᐊᑐᑐᐃᓐᓇᖅᖢᓂ ᐊᔾᔨᒌᙱᑦᑐᓂᒃ ᓴᓇᕐᕈᑎᓂᒃ ᐊᒻᒪ ᐊᔪᙱᑕᖏᓐᓂᒃ. ᐱᕈᖅᐸᓪᓕᐊᑎᓪᓗᒍ ᖃᕋᓴᐅᔭᒃᑯᑦ ᐱᓕᕆᔾᔪᑎᖓ ᐊᖏᕐᓗᓂᓗ ᐱᕈᕈᓐᓇᕐᓂᖓᓄᑦ, ᓇᓂᓯᓪᓗᓂ ᓄᑖᒥᒃ ᐃᖅᑲᓇᐃᔮᒥᒃ ᓄᓇᖃᖅᑳᖅᓯᒪᔪᓕᕆᓂᕐᒥ ᐅᐱᒋᔭᖏᓐᓂ ᑕᐃᒪᐃᑦᑐᐃᓐᓇᐅᓪᓗᓂᓗ ᑕᐃᒪᐃᒋᐊᖃᓚᐅᖅᑕᖓᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑎᑎᕋᓵᕋᕕᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!