"ᐃᖏᕐᕋᓂᕆᔭᕋ ᒫᓐᓇ ᐅᐸᒐᓱᒃᑕᓐᓄᑦ," ᐊᒃᑐᐊᓂᖃᖅᑐᖅ ᑳᒧᕋᓐ ᐱᓴᑉᒧᑦ. ᑭᖕᔅᑕᓐᒥ, ᐋᓐᑎᐅᕆᐅᒥ ᓄᓇᖃᖅᐳᑦ ᑯᐃᓐ ᓯᓚᑦᑐᖅᓴᕐᕕᒡᔪᐊᖓᓄᐊᖅᖢᑎᒡᓗ ᐱᓕᕆᐊᖃᖅᖢᑎᒃ ᐃᓕᑕᕆᔭᐅᔾᔪᑎᑖᕋᓱᒃᖢᑎᒃ ᖃᐅᔨᓴᖅᑐᓕᕆᓂᕐᒥᒃ ᖃᕆᑕᐅᔭᓕᕆᓂᕐᒥᒃ ᐊᒻᒪ AI−ᒥ. ᐃᓚᒋᔭᐅᔪᖅ ᐊᓪᓚᖓᔪᓄᑦ ᐋᓪᐴᑕᒥ, ᐃᓚᖏᑦ ᐊᒃᑐᐊᓂᖃᕐᒪᑕ Red River-ᒧᑦ. ᐃᓅᓂᑰᓪᓗᓂ ᐱᕈᖅᓴᓂᑰᓪᓗᓂᓗ ᑳᓪᒍᕆᒥ, ᐋᓪᐴᑕᒥ, ᖃᑕᙳᑎᖏᑦ ᓅᓚᐅᖅᓯᒪᔪᑦ ᐋᓐᑎᐅᕆᐅᒧᑦ 16-ᖑᑎᓪᓗᖑ.

ᐃᓱᒪᓕᐅᕐᓂᖅ ᓱᓇᓂᑦ ᖃᐅᔨᓴᕈᒪᒻᒪᖔᑕ ᐊᑦᓱᕈᓐᓇᓚᐅᖅᑐᖅ ᐊᔪᕆᖅᓱᐃᔨᕐᔪᐊᖅ. ᐃᓱᒪᓚᐅᕐᒪᑕ ᑲᔪᓯᒍᒪᓱᒋᓪᓗᑎᒃ ᐋᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᕐᕕᒻᒥᒃ ᐱᔾᔪᑎᒋᓪᓗᒍ ᐱᔪᒪᓂᖃᕐᓂᖏᓐᓄᑦ ᐃᓱᒪᓕᕆᓂᕐᒥᒃ ᑭᓯᐊᓂᓕ ᐱᔪᒪᓂᖃᕐᒪᑕ ᐊᑲᐅᖏᓕᐅᕈᑎᓂᒃ ᐋᖅᑭᒃᓯᓂᕐᒥᒃ ᐊᒻᒪᓗ ᐱᓕᕆᖃᑎᖃᕐᓂᕐᒥᒃ ᐊᒡᒐᒥᓂᒃ ᑐᑭᖃᓚᐅᖅᑐᖅ ᑎᑎᕋᐅᔭᕐᓂᖅ ᑐᑭᖃᑦᑎᐊᓚᐅᕐᒪᑦ ᑖᒃᑯᓄᖓ. ᓂᕈᐊᓚᐅᖅᑐᑦ ᑯᐃᓐᒥᑦ ᐱᔾᔪᑎᒋᓪᓗᒍ ᓯᕗᓪᓕᖅᐹᒥ ᐊᕐᕌᒍᒥ ᐊᐅᓚᐅᓯᕆᓂᕐᒧᑦ ᐱᓕᕆᐊᖅ ᒪᑐᐃᖓᓂᖅᓴᐅᓪᓗᓂ ᐱᔪᒥᓇᕐᓂᖅᓴᐅᓪᓗᓂ ᓱᓕ ᐃᓂᓪᓚᖓᓚᐅᙱᓐᓂᖓᓄᑦ. ᐊᓯᔾᔨᒐᒃᓴᐅᔪᑦ ᐃᓂᖃᕈᓐᓃᓚᐅᖅᑐᑦ ᕿᒥᕐᕈᓂᐊᕐᓗᑎᒃ ᐃᓱᒪᓕᐅᕆᓗᑎᒡᓗ. 

ᐊᖅᑯᑎᒋᔪᒪᓚᐅᖅᑕᖓᑦ ᖃᕋᓴᐅᔭᓕᕆᓂᖅ, ᐱᔪᒪᓕᕐᓇᕐᒪᑦ ᐊᒡᒐᖏᑦ ᐱᓕᕆᓗᐊᙱᒃᑲᓗᐊᖅᐸᑕ. ᐃᒃᓯᕋᕐᔪᐊᕋᐱᑦ ᖃᐃᖁᔭᐅᓚᐅᖅᐳᑦ ᓱᒃᑲᒃᑎᒋᐊᖅᑎᑕᐅᓪᓗᓂ Masters-ᒧᑦ ᐱᓕᕆᐊᖑᔪᒧᑦ ᑕᒪᓐᓇᓗ ᐱᐅᓛᖑᓪᓗᓂ ᑖᒃᑯᓄᖓ ᓈᒻᒪᓛᖑᓪᓗᓂ, ᐃᓱᒫᓘᑎᖃᓚᐅᕋᓗᐊᖅᑎᓪᓗᒋᑦ ᐃᓂᒃᓴᓕᐅᖅᓯᒪᒐᓗᐊᖅᖢᑎᒃᓗ. 

ᐱᓕᕆᐊᖃᖅᖢᓂ Master's Degree−ᒥᒃ ᐱᓕᕆᐊᖑᔪᑎᒍᑦ, ᐋᖅᑭᒃᓱᐃᕙᓪᓕᐊᕗᑦ ᐃᑲᔪᕐᓂᕆᕙᒃᑕᒥᓂᒃ ᐊᓯᒥᓄᑦ. ᐱᓕᕆᐊᖅ ᐱᓕᕆᐊᖃᖅᐳᑦ ᐃᓄᑦᑎᑐᑦ ᐊᒻᒪ ᐅᖃᐅᓯᖃᖅᑐᑎᒃ ᐊᓪᓚᐃᑦ ᐊᒻᒪ AI-ᑯᑦ ᐱᓕᕆᔾᔪᑎᖏᑦ ᖃᐅᔨᒋᐊᖅᑐᑎᒃ AI-ᑯᑦ ᑐᑭᓕᐅᕆᔪᓐᓇᕐᒪᖔᑕ ᐅᖃᐅᓯᕐᓂᒃ ᖃᓪᓗᓈᑎᑐᑦ. ᐱᓕᕆᐊᖅ ᑐᓴᕈᒥᓇᖅᑐᖅ ᐊᒻᒪᓗ ᓇᓂᓯᓪᓗᑎᒃ ᐱᓕᕆᐊᖅ ᓂᑲᓇᖅᑑᓂᖓᓂᒃ ᐊᒻᒪᓗ ᐱᑕᖃᕈᓐᓇᕐᓂᖓᓂᒃ, ᑭᓯᐊᓂ ᐃᓱᒫᓘᑎᖃᑦᑐᑦ AI-ᑯᑦ ᐱᓇᓱᐊᑦᑎᐊᕐᓂᖓᓄᑦ. ᑕᒪᓐᓇ ᐊᓯᔾᔨᖅᐸᓪᓕᐊᕌᓚᓴᖅᐳᖅ ᐊᒥᓱᑎᒍᓪᓗ ᖃᐅᔨᓴᖅᑎᑎᑐᑦ, ᐃᒃᓯᕋᕐᔪᐊᕋᐱᑦ ᐊᔪᕐᓇᓈᖅᓯᕙᒃᐳᖅ ᐊᖑᒻᒪᑎᔭᕆᐊᒃᓴᖅ ᓄᑖᖑᓛᓄᑦ ᐱᕙᓪᓕᐊᔪᓄᑦ ᖃᐅᔨᓴᕐᓂᕆᔭᐅᕙᒃᑐᓄᓪᓗ ᓴᖅᑭᑉᐸᒃᑐᓂᑦ ᐊᑕᐅᓰᓐᓇᓕᔪᒥᒃ ᑐᓴᖅᑕᐅᔪᒃᓴᓂᒃ. ᐃᓄᒃᑎᑐᑦ ᐅᖃᕈᓐᓇᖏᑦᑐᓪᓘᓐᓃᑦ. 

ᓯᓚᑦᑐᖅᓴᕐᕕᔾᔪᐊᕐᒥ ᖃᐅᔨᖃᑦᑕᖅᓯᒪᔭᖏᑦ, ᐊᔪᕆᖅᓱᐃᔨᕐᔪᐊᖅ ᒪᕐᕉᓐᓂᒃ ᐊᔾᔨᒌᓐᖏᑦᑑᓐᓂᒃ ᐃᓕᓐᓂᐊᕐᕕᕐᔪᐊᕐᒥ ᐊᑐᖅᓯᒪᓚᐅᖅᐳᖅ. ᑳᓪᒍᕆᒥ, ᐃᓕᓐᓂᐊᕆᐊᕈᓐᓇᓚᐅᖅᑐᑦ ᐊᑭᓕᖅᑕᐅᓯᒪᔪᓄᑦ ᐃᓕᓐᓂᐊᖅᑎᓄᑦ ᑐᓂᔭᐅᓪᓗᑎᒃ ᖃᐅᔾᔨᑎᖃᑦᑎᐊᖅᑐᑎᒃ ᐊᒻᒪ ᐃᓕᓐᓂᐊᑦᑎᐊᖅᑐᑎᒃ. ᐋᓐᑎᐅᕆᔪᒧᑦ ᓅᒻᒪᑕ, ᐃᓕᓐᓂᐊᕈᑎᒋᔪᒪᔭᖏᑦ ᐱᑕᖃᓐᖏᓂᖅᓴᐅᓚᐅᕐᒪᑕ. ᐊᔾᔨᒌᓐᖏᑦᑐᒻᒪᕆᒻᒥᑦ ᐃᓕᓐᓂᐊᕐᕕᒻᒦᙶᓚᐅᖅᐳᑦ ᐃᓕᓐᓂᐊᕐᕕᑦᑎᐊᕙᐅᓂᖅᓴᐅᓪᓗᑎᒃ ᐊᒻᒪ ᐃᓕᖅᑯᓯᑐᖃᕐᒥᓂᒃ ᖁᐊᖅᓵᖅᑐᒻᒪᕆᐅᓚᐅᖅᐳᑦ. ᑕᒪᓐᓇ ᐊᑐᖅᑕᐅᓚᐅᖅᑐᖅ ᓈᒻᒪᓚᐅᙱᑦᑐᖅ ᑭᓯᐊᓂ ᐊᓂᒍᐃᓚᐅᖅᑐᑦ ᐃᓱᐊᓂ. 

ᓅᑉᐸᓪᓕᐊᓪᓗᑎᒃ ᐊᖏᕐᕋᕆᓚᐅᖅᑕᒥᓂᒃ ᐊᒃᓱᕈᕐᓇᓚᐅᖅᑐᖅ ᐃᓕᓐᓂᐊᕐᕕᐊᓗᒻᒥ ᑭᓯᐊᓂᓕ ᐱᔭᕆᐊᑭᓐᓂᕐᓴᐅᓚᐅᖅᑐᖅ ᐃᓕᓐᓂᐊᕐᕕᔾᔪᐊᒥ. ᐊᔪᕆᖅᓱᐃᔨᕐᔪᐊᖅ ᐃᑲᔪᖅᑕᐅᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᐃᑲᔪᖅᑎᓂᑦ ᓯᓚᑦᑐᖅᓴᕐᕕᔾᔪᐊᕐᒥᑦ. ᑯᐃᓐᔅ STEM−ᒧᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᒐᒃᓴᖏᓐᓂᒃ ᐱᓕᕆᐊᒃᓴᖃᕐᓂᖅᓴᐅᕗᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓯᕗᓂᒃᓴᖏᓐᓂᒃ ᐊᐅᓚᐅᓯᕆᓂᕐᒧᑦ ᐱᓕᕆᐊᒃᓴᒥᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᑐᑦᑕᕐᕕᖓᓂ ᓄᓇᓕᖕᓂ ᓇᓂᓯᓪᓗᑎᒃ ᐊᒻᒪ ᐃᑲᔪᖅᑐᐃᓪᓗᑎᒃ ᐊᔪᕐᓇᙱᓐᓂᖅᓴᐅᑎᑦᑎᓪᓗᑎᒃ. ᐅᖃᐅᔾᔨᒋᐊᕈᑎᖏᑦ ᐃᓕᓐᓂᐊᖅᑏᑦ ᓅᖃᑦᑕᖁᓪᓗᒋᑦ ᓄᓇᒥᓐᓂᒃ ᐃᓕᓐᓂᐊᕆᐊᕐᓗᑎᒃ "ᐃᑲᔪᖅᑐᐃᔾᔪᑎᑕᓕᒃ. ᓇᓂᓯᔭᕆᐊᖃᑐᐃᓐᓇᖅᑐᑎᑦ ᐃᓄᖕᓂᒃ ᓈᒻᒪᒃᑐᓂᒃ ᐊᑐᐃᓐᓇᕐᓗᒋᓪᓗ."

ᑕᒪᐃᓐᓅᖓᔪᒃᑯᑦ ᓇᒧᙵᐅᕙᓪᓕᐊᓂᕆᔭᖓᑦ ᐊᑕᐅᓰᓐᓇᒃᑰᖅᑎᑕᐅᙱᖦᖢᓂ, ᑕᐃᒪᐃᓐᓂᖓᓄᓪᓗ Master's−ᒧᑦ ᖃᐅᔨᓴᕐᓂᖃᖅᐳᖅ. ᐱᓕᕆᐊᖃᖅᑐᓂ ᐊᒥᓱᑲᓪᓚᓐᓂᒃ ᐱᓕᕆᐊᓂᒃ ᒥᓚᐅᖅᑎᓐᓇᒋᑦ ᑕᒪᑐᒧᖓ, ᐃᒃᓯᕋᕐᔪᐊᕋᕐᔪᐊᖅ ᐱᔾᔪᑎᖃᑦᑎᐊᓚᐅᕐᒪᑦ ᐱᓕᕆᐊᕐᒧᑦ ᐱᑕᖃᕆᐊᖃᕐᓂᖓᓄᑦ ᐃᑲᔪᖅᓱᕐᓗᑎᒃ ᓄᓇᓕᒻᒥᐅᓂᒃ ᐊᒻᒪ ᓄᓇᓕᒻᒥᐅᑎᒎᕐᓗᑎᒃ ᐊᒻᒪ ᐱᓕᕆᐊᖃᕐᓗᑎᒃ ᑎᑎᖅᑲᓂᒃ ᒪᓕᓪᓗᑎᒃ ᐅᑉᐱᕆᔭᖏᓐᓂᑦ. ᐊᓂᒍᐃᓂᖅ ᑕᒪᒃᑯᓂᖓ ᑖᒃᑯᓇᓂᑦᑕᐃᓐᓇᖅ ᐊᔭᖅᑭᑦᑕᕈᑎᓂᒃ, ᓇᓂᓯᓚᐅᖅᐳᑦ ᐃᓕᖅᑯᓯᑦᑎᐊᕆᖕᓂᖅᓴᐅᔪᒥᒃ ᐊᑐᖅᑕᐅᔪᓐᓇᖅᑐᒥᒃ ᐱᕕᒃᓴᖃᖅᑎᑦᑎᔪᒥᒃ ᓯᕗᒻᒧᐊᖅᐸᓪᓕᐊᔪᓐᓇᕐᓂᕐᒥᒃ ᖁᓱᙱᖦᖢᑎᒃ.

ᐅᖃᐅᔾᔨᒋᐊᕈᓐᓇᖅᐸᑕ ᒪᒃᑯᓐᓂᖅᓴᓄᑦ ᓇᒻᒥᓂᖅ, "ᐱᒻᒪᕆᐅᕗᖅ ᓴᐱᓕᖅᓴᕋᐃᙱᓪᓗᓂ, ᐊᒻᒪ ᓱᖏᐅᑎᔪᓐᓇᕐᓗᓂ, ᑭᓯᐊᓂ ᐊᑕᐅᑦᑎᒃᑯᑦ ᖃᐅᔨᒪᓗᑎᑦ ᑭᓱᑦ ᐃᓕᖕᓄᑦ ᐊᑑᑎᖃᕐᒪᖔᑕ ᐊᒻᒪ ᑭᓱᑦ ᐃᓕᖕᓄᑦ ᐊᔪᖅᓯᓯᒪᖕᒪᖔᑕ, ᐊᒻᒪ ᐊᔪᖅᓯᐅᖅᑲᔪᓐᓇᙱᓪᓗᑎᒃ ᐊᑕᐅᓯᕐᒥ ᐃᓂᒥ ᐊᑯᓂᐅᓗᐊᖅᑐᖅ, ᐃᓕᖕᓄᑦ ᓈᒻᒪᙱᑉᐸᑦ." ᐃᓕᑦᑎᕚᓪᓕᖅᓯᒪᔪᑦ ᐃᓅᓯᖕᒥᑦ ᐃᓕᑦᑎᕚᓪᓕᕈᑎᖏᓐᓂᑦ ᐊᖅᑯᑎᒋᓯᒪᔭᖏᓐᓂᑦ ᖃᐅᔨᖃᑦᑕᖅᓯᒪᓪᓗᑎᒡᓗ ᑭᓱᑐᐃᓐᓇᑦ ᑲᔪᓯᑦᑎᐊᕐᓯᒪᙱᒃᑳᖓᒥᒃ ᐃᓕᑦᑎᕚᓪᓕᕐᓇᓵᖕᒪᑦ. 

ᐊᐃᑉᐸᖓᑦᑕᐅᖅ ᑐᓴᖅᑕᐅᖁᔭᖓ ᒪᒃᑯᖕᓂᖅᓴᓄᑦ, "ᐃᑲᔪᖅᑐᐃᑦᑎᐊᕆᐊᕐᓗᑎᑦ." Master's ᐊᖓᔪᖅᑳᖏᑦ ᐃᑲᔪᖅᑐᐃᑦᑎᐊᖃᑦᑕᖅᓯᒪᕗᑦ ᑐᑭᓯᐅᒪᓪᓗᑎᒡᓗ ᓇᒧᙵᐅᕙᓪᓕᐊᓂᕆᔭᒥᓂᒃ. ᐃᒃᓯᕋᕐᔪᐊᕋᐱᐅᑉ ᓇᓗᓇᐃᖅᑕᖏᑦ ᑕᓯᐅᖅᑎᐅᓂᖏᓐᓂᒃ ᐊᒃᓱᕈᖅᑎᓪᓗᒋᑦ ᐊᒻᒪᓗ ᐋᓐᓂᐊᕕᓕᐊᖅᑐᖅ ᖃᓄᖅ ᐊᒃᓱᕈᕐᓇᖅᑎᒋᓯᒪᖕᒪᖔᑦ. 

ᐃᓱᒪᖏᑦ ᖃᓄᐃᙱᑦᑎᐊᖏᓐᓇᖁᓪᓗᒋᑦ ᐊᒃᓱᕈᕐᓇᖅᑑᓯᒪᕗᖅ ᐃᒃᓯᕋᕐᔪᐊᓄᑦ ᖃᓄᖅ ᐃᓄᑑᑎᑕᐅᕙᖕᒪᖔᖏᑦ. ᖃᐅᔨᓯᒪᕗᑦ ᐱᓇᓱᐊᕆᐊᖃᕐᓂᕐᒥᓂᒃ ᐃᓅᓯᓕᕆᓗᑎᒃ ᐊᒻᒪᓗ ᐊᕕᑦᑎᓗᑎᒃ ᐃᓕᓐᓂᐊᕐᕕᒥᓂᒃ ᐃᓅᓯᖏᓐᓂᒃ ᐊᓪᓚᕝᕕᖃᙱᓐᓂᖏᓐᓄᑦ. ᐅᖃᖃᑎᖃᖅᐸᒡᓗᑎᒃ ᐃᓅᖃᑎᖃᖅᐸᒡᓗᑎᒡᓗ ᐃᓄᖕᓂᒃ ᐊᒻᒪᓗᑦᑕᐅᖅ ᓯᓚᒧᐊᖅᐸᒡᓗᑎᒃ ᓂᕆᑦᑎᐊᖅᐸᒡᓗᑎᒡᓗ ᐱᒻᒪᕆᐊᓘᓯᒪᕗᖅ ᖃᓄᐃᙱᑦᑎᐊᕐᓂᖏᓐᓄᑦ. ᓄᓇᖃᖅᖢᓂ ᖃᓂᒋᔭᖓᓂ ᑕᓯᐅᑉ ᐋᓐᑎᐅᕆᐅ ᐊᒻᒪ ᐃᒃᓴᕐᕕᖕᒥ ᐊᒻᒪ ᑕᓯᕐᒥ ᖁᕕᐊᓱᖕᓂᖅ ᐃᑲᔫᑎᖃᖅᓯᒪᔪᖅ. "ᐱᔪᓐᓇᖅᖢᖓ, ᓇᓂᕙᕋ, ᓴᐃᓕᓐᓇᑦᑎᐊᖅᑐᖅ ᐅᕙᓐᓄᑦ," ᓇᓗᓇᐃᖅᓯᖕᒪᑕ.

ᑲᔪᖏᖅᓴᐃᓂᕐᒧᑦ, ᐊᔪᕆᖅᓱᐃᔨᕐᔪᐊᖅ ᑕᐅᑐᖃᑦᑕᖅᑐᖅ ᐃᓄᓐᓂᑦ ᐃᓅᓯᖏᓐᓂᑦ ᓲᕐᓗ ᒥᓚᓂ ᐃᖅᑲᓇᐃᔭᖃᑦᑕᖅᑐᖅ ᓄᓇᖃᖅᑳᖅᓯᒪᔪᓄᑦ STEM-ᒧᑦ ᐱᓕᕆᐊᒥᑦ ᓯᓚᑦᑐᓴᕐᕕᒻᒥᑦ ᐊᒻᒪᓗ ᐱᓕᕆᖃᑎᒌᑦᓯᐊᖅᓯᒪᑦᓱᓂ. ᐊᑭᑦᑐᕋᐅᑎᖃᑕᐅᔪᓐᓇᖅᓯᓚᐅᕐᒥᔪᑦ NASA−ᑯᑦ ᓄᓇᖃᖅᑳᖅᓯᒪᔪᑦ ᓴᖅᑭᑎᑦᑎᑎᓪᓗᒋᑦ ᓵᓚᒃᓴᕋᓱᖕᓂᕐᒥᒃ Queen's AISES Rocket−ᑯᓐᓂ, ᐊᐅᓚᑕᐅᓚᐅᖅᑐᖅ ᒪᕋᓐᑕ ᓯᐅᕆᒧᑦ, ᐊᓪᓚᖓᔪᖅ ᐃᓕᓐᓂᐊᖅᑎ ᐳᕆᑎᔅ ᑲᓚᒻᐱᐊᒥᙶᖅᑐᖅ, ᒫᓐᓇ ᐃᓕᓐᓂᐊᓕᖅᑐᖅ ᖃᖓᑕᓲᓕᕆᔨᒃᑯᓐᓂ ᓴᓇᔭᐅᓂᐊᖅᑐᓄᑦ ᐋᖅᑭᒃᓱᐃᔨᓂᒃ MIT−ᒥ. ᑕᐃᒪᐃᙱᑉᐸᑦ, ᐊᔪᕆᖅᓱᐃᔨᕐᔪᐊᖅ ᑲᔪᖏᖅᓴᐃᕗᖅ ᑭᓱᓕᒫᓂᑦ ᐊᒻᒪ ᑭᒃᑯᑐᐃᓐᓇᕐᓂᑦ ᐊᕙᑎᖏᓐᓃᑦᑐᓂᑦ.  

"ᐱᓇᔪᖕᓂᖅ ᐱᒻᒪᕆᐅᑐᐃᓐᓇᖅᐳᖅ ᐱᓇᔪᒐᓱᒡᓗᑎᑦ ᐱᔪᒃᓯᑦᑎᐊᓕᕐᓗᑎᓪᓗ ᓲᖃᐃᒻᒪ ᑕᒪᓐᓇ ᐊᕗᖔᓘᕈᓐᓇᕋᕕᑦ."

ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, ᐊᔪᕆᖅᓱᐃᔨᕐᔪᐊᖅ ᐅᖃᖅᐳᖅ, "ᐃᓕᖕᓂᒃ ᓱᓕᑦᑎᐊᕆᑦ ᐱᒻᒪᕆᐅᒋᔭᕐᓄᓪᓗ. ᑕᒪᓐᓇ ᐱᒡᒐᓇᖅᑐᒻᒪᕆᐅᓂᐊᕐᒪᑦ ᐊᒻᒪ ᐊᔅᓱᕈᕐᓇᕐᓂᐊᖅᑐᓂ ᐱᓕᕆᐊᓯ ᒪᓕᙱᑉᐸᑕ ᐃᓱᒪᒋᔭᕐᓂᒃ ᐊᒻᒪ ᑭᓇᐅᒻᒪᖔᖅᐱᑦ. ᐱᔪᒪᔭᕐᓂᒃ ᐱᓕᕆᑐᐃᓐᓇᕐᓗᑎᑦ. ᖁᕕᐊᓱᒃᑎᑦ, ᖃᐅᔨᔪᒪᐃᓐᓇᕆᑦ. ᖁᕕᐊᒋᔭᖃᕐᓂᖅ ᐱᒻᒪᕆᐅᑐᐃᓐᓇᖅᐳᖅ ᑲᔪᓯᑎᑦᑎᓇᓱᒡᓗᑎᑦ ᐊᒻᒪ ᑲᔪᓯᑎᑦᑎᓇᓱᒡᓗᑎᑦ ᐱᔪᒃᓯᓂᕆᔭᐅᕙᒃᑐᒥᒃ ᓲᖃᐃᒻᒪ ᑕᒪᓐᓇ ᐊᕗᖓᐅᔨᔪᓐᓇᓪᓚᕆᖕᒪᑦ."

ᐃᖏᕐᕋᓂᕆᔭᖓᑦ ᑎᑭᐅᑎᓇᓱᐊᖅᑐᑎᒃ ᑭᓯᐊᓂ ᑳᒧᕋᓐ ᐱᓴᑉ ᑎᑭᑉᐸᓪᓕᐊᓕᕐᒪᑦ. ᕿᒥᕐᕈᓂᖅ ᖃᕆᑕᐅᔭᓂᒃ ᓴᓇᓂᕐᒥᒃ ᐊᒻᒪᓗ ᖃᐅᔨᒪᓂᓪᓚᕆᓐᓂᒃ, ᐃᒻᒥᓂᒃ ᓂᕈᐊᕈᓐᓇᑦᓯᐊᕐᒪᑕ, ᒪᓕᑦᓱᑎᒃ ᖁᕕᐊᒋᔭᖃᕐᓂᖏᓐᓂᒃ ᐊᒻᒪᓗ ᐅᑉᐱᕆᔭᖏᓐᓂᒃ ᐃᖅᑲᓇᐃᔮᒥᓐᓂ. ᐊᕙᑎᓕᒫᖏᓐᓂᒃ ᖃᐅᔨᔪᒪᕈᓘᔭᖅᑐᑦ ᐊᒻᒪ ᕿᓂᖅᖢᑎᒃ ᑭᖑᓪᓕᕐᒥ ᐃᓕᓐᓂᐊᕈᓐᓇᖅᓯᓛᕈᒪᓪᓗᑎᒃ ᐱᕈᖅᐸᓪᓕᐊᓗᑎᒡᓗ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.