ᒪᒃᑯᒃᑎᓪᓗᒍ, ᑲᐃᑦ ᔫᓐᔅ ᑐᓴᕐᓂᕈᓱᐃᓐᓇᐅᔭᖅᑐᖅ ᑐᓴᕐᓈᕐᓂᕐᒧᑦ. ᔫᓐᔅ ᓂᔾᔭᐅᓯᔭᖅᑎᐅᔪᖅ ᐅᐃᓂᐹᒡᒥ, ᒫᓂᑑᐸᒥ, ᐃᓅᓚᐅᖅᓯᒪᔪᖅ ᐊᒻᒪᓗ ᐱᕈᖅᓴᓪᓗᓂ ᐃᓅᓯᓕᒫᖓᓂ.

ᒫᓐᓇᐅᔪᖅ, ᔫᓐᔅ ᐱᓕᕆᖃᑦᑕᖅᑐᖅ ᓴᓇᙳᐊᖅᑎᐅᓪᓗᓂ ᐊᒻᒪᓗ ᒪᒃᑯᒃᑐᓄᑦ ᑲᔪᖏᖅᓴᐃᔨᐅᓪᓗᓂ ᒍᕋᕝᑎ ᓴᓇᐅᒐᓕᕆᓂᕐᒧᑦ, ᑲᒻᐸᓂᐅᔪᖅ ᐅᐃᓂᐹᒡᒥ ᒪᒃᑯᒃᑐᓄᑦ ᐱᓕᕆᐊᖃᓲᖅ ᓴᓇᙳᐊᕐᓂᕐᒧᑦ ᐊᒻᒪᓗ ᓂᔾᔭᐅᓯᔭᕐᓂᕐᒧᑦ ᓄᓇᓕᐸᐅᔭᕐᒥ.

ᑭᓯᐊᓂ ᔫᓐᔅ ᑕᐅᑐᓪᓗᐊᑕᕈᒪᔪᖅ ᓂᔾᔭᐅᑎᓂᑦ, ᐱᓗᐊᖅᑐᒥᑦ hip-hop, ᑎᑎᕋᕐᓂᕐᒥᑦ ᐊᒻᒪ ᐃᙱᐅᓯᓕᐅᓂᕐᒥᑦ ᓄᑖᓂᑦ ᓴᖅᑭᑎᑦᑎᓂᕐᒧᑦ.

"ᐊᐅᓪᓚᕈᒪᖕᒥᔪᖓ ᐅᖃᓪᓚᒋᐊᖅᑐᕐᓗᖓᓗ ᐊᔾᔨᒌᖏᑦᑐᓄᑦ ᖃᓄᐃᓕᐅᕈᑎᓄᑦ. ᑕᐃᒪᓕ ᓇᒥᑐᐃᓐᓇᖅ ᐱᕕᖃᕈᓐᓇᕋᓗᐊᕈᒪ, ᑕᓪᓕᒪᐅᑉᐸᑕ ᐅᕝᕙᓘᓐᓃᑦ 10-ᖑᑉᐸᑕ ᐃᓄᐃᑦ, ᐅᖃᐅᓯᖃᕈᒪᑐᐃᓐᓇᖅᑐᖓ ᐃᓅᓯᓕᕆᓂᕐᒥᒃ ᐊᒻᒪᓗ ᐃᖅᑲᖅᑐᐃᕕᓕᕆᓂᕐᒥᒃ ᐊᒻᒪᓗ ᐊᓯᖏᓐᓂᒃ, ᑕᒪᒃᑯᐊ ᖃᓄᐃᓕᐅᕐᓂᐅᔪᑦ ᓄᓇᑦᑎᓐᓂ, ᐃᓄᖁᑎᑦᑕ ᐃᓗᐊᓂ," ᐅᖃᖅᑐᖅ ᔫᓐᔅ.

ᐃᓚᖏᓐᓄᑦ ᐃᓄᓐᓄᑦ, ᓯᓐᓇᑦᑑᒪᒋᔭᐅᓂᖅ ᓂᔾᔭᐅᓯᔭᖅᑎᐅᓂᕐᒧᑦ. ᑭᓯᐊᓂ ᔫᓐᔅᒧᑦ, ᓇᒡᓕᒍᓱᑐᐃᓐᓇᖅᖢᓂ hip-hop−ᒧᑦ ᑐᓴᕐᓈᕐᓂᕐᒥᒃ ᐃᓕᖅᑯᓯᑐᖃᕐᓄᓪᓗ ᐱᔪᒃᓯᑎᑦᑎᑦᑎᐊᓚᐅᖅᐳᖅ ᑖᔅᓱᒥᖓ.

ᔫᓐᔅ ᐅᖃᖅᑐᖅ ᑖᒃᑯᐊ ᓴᓇᙳᐊᖅᑏᑦ ᐃᒻᒥᓂᒃ ᐅᖃᐅᓯᖃᕈᓐᓇᓚᐅᕐᓂᖏᓐᓂᑦ ᐱᓕᕆᐊᖏᑎᒍᑦ, ᐃᓚᖏᑦ ᐅᑦᔨᕈᓱᒍᓐᓇᕋᓗᐊᖅᑎᓪᓗᒋᑦ, ᑕᒪᓐᓇ ᖁᕕᐊᒋᒻᒪᕆᓚᐅᖅᑕᖓ.

"ᐃᓅᓱᒃᑑᓪᓗᖓ ᑕᐃᔅᓱᒪᓂ, ᐊᔾᔨᒌᙱᑦᑐᓂᒡᓗ ᐃᓱᒪᓕᕆᖃᑦᑕᓚᐅᖅᑐᖓ, ᐊᔾᔨᒌᙱᑦᑐᓂᒃ ᐃᓅᓯᕐᒥ ᑐᓗᖅᑕᕈᑎᓂᒃ ᐊᑐᓚᐅᖅᑐᖓ, ᐊᒻᒪ ᐊᔾᔨᒌᙱᑦᑐᑦ ᑐᑭᓯᐊᔭᐅᔪᑦ ᐅᕙᓐᓄᑦ ᐊᑐᐃᓐᓇᐅᓚᐅᙱᖦᖢᑎᒃ. ᐅᕙᓐᓂᒃ ᖃᐅᔨᑎᑦᑎᑦᑎᐊᕈᓐᓇᓚᐅᖅᑐᖅ, 'ᕼᐄ, ᐃᓄᑑᙱᑦᑐᑎᑦ,"" ᐅᖃᖅᑐᖅ ᔫᓐᔅ.

"ᑕᐃᒪᓕ ᐅᕙᓐᓂᒃ ᑐᑭᓯᑎᑦᑎᓪᓚᕆᓚᐅᖅᑐᖅ ᐃᓕᖅᑯᓯᐅᔪᒥᒃ, ᑖᒃᑯᐊ ᐃᓄᐃᑦ ᑕᐃᒪᐃᓕᐅᖅᑐᑦ, ᐃᓄᐃᑦ ᐅᕙᓐᓂᒃ ᐃᒃᐱᒍᓱᒃᑐᑦ. ᐃᓚᒋᔭᐅᖅᑰᔨᓕᓚᐅᖅᑐᖓ, 'ᐃᓄᑑᓗᐊᙱᓐᓇᒪ.'"

ᑭᓯᐊᓂ ᔫᓐᔅ ᒍᕋᐃᑦ 10-ᒦᓕᓚᐅᕐᒪᑦ ᓇᒻᒥᓂᖅ ᑎᑎᕋᖃᑦᑕᓕᖅᑎᓪᓗᒍ ᓂᔾᔭᐅᑎᒥᓂᒃ ᐊᒻᒪᓗ ᓂᔾᔭᐅᑎᒥᓂᒃ. ᐅᖃᖅᑐᓂ ᐃᓕᓐᓂᐊᕐᕕᕐᔪᐊᕐᒥ ᖃᓪᓗᓈᑎᑐᑦ ᐃᓕᓴᐃᔨᖓ ᖃᐅᔨᓴᕐᓂᐊᕐᓂᕋᖅᑐᓂ ᐃᓕᓐᓂᐊᖅᑎᓂᒃ ᖃᓄᖅ ᐃᓕᓐᓂᐊᖅᑏᑦ ᐃᓱᒪᒻᒪᖔᑕ ᐱᐅᓱᒋᓪᓗᓂᒋᑦ, ᐃᓕᓐᓂᐊᕈᑎᑐᐃᓐᓇᐅᙱᑦᑐᑦ ᐅᖃᖅᓯᒪᓪᓗᑎᒃ.

ᑖᒃᑯᓇᓂ ᐃᓕᓐᓂᐊᖅᑐᓂ ᔫᓐᔅ ᑎᑎᕋᖃᑦᑕᓕᖅᑎᓪᓗᒍ ᐊᒻᒪᓗ ᑎᑎᕋᖅᑕᓕᒫᖏᑦ, ᖃᐅᔨᓕᑕᐃᓐᓇᖅᑐᓂ ᐅᖃᖅᑐᒥᓂᐅᒍᓂ ᓱᒃᑲᓕᓗᐊᖅᑐᒥᓂᐅᓂᕋᖅᑐᒍ.

"ᐅᕙᖓᓕ, ᐊᔪᖖᒋᓐᓂᖃᖅᑐᖓ, ᖃᐅᔨᓪᓗᖓ, 'ᕼᐄ, ᐊᔪᖖᒋᓐᓂᖃᕈᓐᓇᖅᑐᖓ ᑎᑎᕋᕆᐊᒃᓴᖅ ᐊᑐᕐᓂᖅᓴᐅᒍᒪ, ᑕᐃᒪᐃᒃᑯᒪ," ᐅᖃᖅᑐᖅ ᔫᓐᔅ.

"ᐃᓱᒪᒐ ᒪᒃᐱᓚᐅᖅᑕᕋ. ᑕᐃᒪᓐᓇ ᐃᓱᒪᒐ, 'ᑭᓇ ᐅᑕᖅᑭᔪᖅ, ᑕᐃᒪᐃᒍᓐᓇᖅᑐᖓ.' ᖃᐅᔨᒪᓚᐅᖏᑦᑐᖓ ᑕᒪᒃᑯᓂᖓ ᐱᔪᓐᓇᓂᓐᓂᒃ. ᐊᓱᐃᓛᒃ, ᑕᐃᑲᙵᑦ ᓱᓕᓪᓗᖓ ᐱᒋᐊᖃᑦᑕᓚᐅᖅᑐᖓ ᐅᓐᓄᑕᒫᑦ."

ᐃᓕᓐᓂᐊᓪᓚᕆᖕᓂᖓᓄᑦ, ᔫᓐᔅ ᕿᓕᖅᓯᓇᐅᔭᓄᐊᓚᐅᖅᑐᖅ.

ᐃᓕᓐᓂᐊᕐᕕᕐᔪᐊᕐᒨᕋᒥ ᐱᒋᐊᓚᐅᖅᓯᒪᔪᖅ ᓇᓪᓕᒋᔭᒥᓂᒃ ᐹᔅᑲᑦᐹᖅᑎᐅᓪᓗᓂ ᑕᐃᒃᓱᒪᓂ, ᐅᖃᖅᑐᓂ ᑕᒪᓐᓇ ᐱᔾᔪᑎᒋᓚᐅᕐᒪᒍ ᓂᕈᐊᓚᐅᖅᑕᖓ ᐃᓕᓐᓂᐊᕐᕕᐊᓗᒻᒥ.

ᑭᓯᐊᓂ ᔫᓐᔅ ᐊᑐᓚᐅᖅᑐᖅ ᐃᓅᓯᖓᑕ ᖃᓂᒋᔮᓂ, ᐅᖃᖅᖢᓂ ᓇᓗᓇᖅᑐᒻᒪᕆᐊᓗᖕᒥᑦ "ᐱᓕᕆᔾᔪᑎᖃᑦᑎᐊᓚᐅᙱᖦᖢᓂᓗ" ᐃᑲᔪᖕᓂᐊᕐᓗᒍ ᖃᓄᐃᓐᓂᖓᓄᑦ.

ᑕᐃᒪ ᒍᕋᐃᑦ 10-ᒥ, ᐅᖃᓚᐅᕐᖓᑦ ᐱᖃᑕᐅᓕᖅᑐᒥᓂᐅᓂᕋᖅᑐᓂ ᑕᒻᒪᖅᑐᓂ ᐊᒻᒪᓗ ᑕᑯᓐᓇᒐᕆᔭᖓ ᑲᑕᑉᐸᓪᓕᐊᓕᓚᐅᖅᑐᖅ ᐃᓕᓐᓂᐊᕐᕕᒻᒥ, ᐊᒥᓲᓗᐊᖅᑐᓂᑦ ᐃᓕᓐᓂᐊᕈᓐᓃᖅᑐᓂ ᐊᒻᒪᓗ ᐊᓂᓪᓗᓂ ᐊᕐᕌᒎᓕᒫᖅ.

"ᖁᕝᕙᓯᖕᓂᓖᑦ 11-ᒥ ᐃᓕᓐᓂᐊᕆᐊᖃᓕᓚᐅᖅᐳᖓ ᖁᑦᑎᖕᓂᓕᖕᓂ 10-ᒥ, ᐊᒻᒪᓗᑦᑕᐅᖅ, ᐃᓚᖏᑦ ᖁᑦᑎᖕᓂᓕᖕᓂ 11-ᒥ ᐃᓕᓐᓂᐊᖅᑕᒃᑲ. ᖁᑦᑎᓐᓂᓖᑦ 12-ᒥᑦ ᐃᓕᓐᓂᐊᕆᐊᖃᓚᐅᕋᒪ ᖁᑦᑎᓐᓂᓕᓐᓂᑦ 11-ᒥᑦ ᑕᐃᒫᒐᓚᓪᓗ. ᑭᖑᕙᖅᓯᒪᐃᓐᓇᓲᖑᒐᒪ. ᐊᒃᓱᕈᓪᓚᕆᖃᑦᑕᓚᐅᖅᑐᖓ ᐊᑯᓪᓕᕐᒥ ᐊᕐᕌᒍᓂ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ," ᔫᓐᔅ ᐅᖃᖅᑐᖅ.

ᔫᓐᔅ ᑕᑯᔭᐅᓚᐅᖅᑐᖅ ᐊᑲᐅᙱᓕᐅᕈᑎᐅᓂᖓᓂᒃ ᓄᑕᕋᐅᓪᓗᓂ ᑭᓯᐊᓂ ᐊᓯᔾᔨᓚᐅᖅᑎᓪᓗᒍ ᖁᑦᑎᖕᓂᖅᓴᒥ ᐊᐅᓚᑦᑎᓂᖅ ᐃᓕᓐᓂᐊᕐᕕᖕᒥ ᑐᙵᓇᓕᕐᖢᓂᓗ ᓄᑖᓄᑦ ᐃᓕᓴᐃᔨᑦ ᐊᖓᔪᖅᑳᖏᓐᓄᑦ, ᒪᑐᐃᖓᓂᖅᓴᐅᓪᓗᑎᒃ ᐱᔪᒪᑦᑎᐊᕐᖢᑎᒃᓗ ᐊᑐᒐᒃᓴᓂᑦ ᐱᔭᕆᐊᖃᕐᑕᖏᓐᓂ ᑲᔪᓯᑦᑎᐊᕐᓂᕐᒧᑦ.

"ᑖᓐᓇ ᐃᑲᔫᑎᒃᓴᖅ ᐊᒻᒪ ᐃᑲᔫᑕᐅᓪᓗᓂ, ᐃᑲᔪᖅᓱᖅᑕᐅᑦᑎᐊᖅᖢᓂᓗ. ᑭᓯᐊᓂ ᐱᒡᒐᓇᖅᑐᒻᒪᕆᐅᓚᐅᖅᐳᖅ ᐃᓕᓐᓂᐊᕐᓂᒃᑯᑦ. ᓱᓕ, ᐱᔭᕇᖏᑦᑐᖓ. ᒍᕋᐃᑦ 12-ᒥᒃ ᐱᓯᒪᖏᓐᓇᒪ. ᐊᑕᐅᓯᕐᒥᒃ ᓂᕈᐊᖅᑐᒥᒃ ᐃᓚᑰᔪᖓ," ᔫᓐᔅ ᐅᖃᖅᑐᖅ.

"ᑕᐃᒪᓕ ᓱᓕ ᐱᓕᕆᔪᖓ, ᑭᖑᓪᓕᖅᐹᒥ ᐃᓕᓴᕆᔭᐅᔾᔪᑎᑖᕐᓗᖓ."

ᓂᔾᔭᐅᑎᓕᐅᕈᒪᓕᕋᒥ, ᐅᖃᖅᐳᖅ ᐱᔪᒃᓯᓂᖃᕐᓂᕋᖅᖢᓂ ᖃᓄᖅ ᐊᒃᑐᐃᓂᖃᖅᑎᒋᔪᓐᓇᕐᒪᖔᑦ ᓂᔾᔭᐅᑎᓂᒃ ᐃᓄᖕᓄᑦ, ᐊᒻᒪ ᓂᔾᔭᐅᑎᒥᓂᒃ ᐊᑐᖅᖢᓂ ᐱᐅᔪᒃᑯᑦ.

"ᐅᓂᒃᑳᕈᓐᓇᕈᒪᔪᖓ ᖃᐅᔨᑎᓪᓗᒋᓪᓗ ᐃᒪᓐᓇ, "ᕼᐊᐃ, ᑖᒃᑯᐊ ᐊᓂᒍᖅᑕᐅᕙᓪᓕᐊᖕᒪᑕ. ᖄᖏᕈᓐᓇᖅᑕᑎᑦ ᑕᒻᒪᖓᙱᑦᑐᓂᒃ ᓴᓇᕐᕈᑎᓂᒃ, ᐊᓂᒍᖅᑎᑦᑐᓐᓇᖅᑕᑎᑦ ᑕᒻᒪᖓᙱᑦᑐᓂᒃ ᖃᐅᔨᒪᓂᖃᕐᓗᑎᒃ. ᐅᒻᒪᑎᖕᓄᑦ ᐊᓂᒍᖅᑎᑦᑐᓐᓇᖅᑕᑦ ᐃᓂᑦᑎᐊᕙᖕᒧᑦ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.