Stitching Cultures: Chantal Gruben Arts Culture in the North
ᐱᕈᖅᓴᔭᐅᓯᒪᔪᖅ ᓴᙱᔫᓪᓗᓂ ᐃᓕᖅᑯᓯᖓᓂ, ᐊᓐᓄᕋᔾᔨᐅᕐᓂᖅ ᐊᑕᐅᑦᑎᒃᑯᑦ ᐱᖅᑯᓯᑐᖃᒃᑯᑦ ᐊᓐᓄᕋᔾᔨᐅᕐᓂᖅ, ᒫᓐᓇ ᐱᔪᒪᓕᖅᑐᖅ ᐊᑐᒐᒃᓴᓂᒃ ᑲᔪᓯᑎᓪᓗᒍ ᑕᐃᒃᑯᐊ ᐊᑐᕋᓲᑎᑦ ᐊᓱᐃᓛᒃ ᓄᑖᑦ ᑭᖑᕚᑦ ᐅᖅᑰᔪᓐᓇᕐᓂᐊᕐᒪᑕ ᐆᒻᒪᑎᒃᑯᑦ ᐊᐳᑎᒃᑯᓪᓗ. ᓵᓐᑎᐅᓪ ᒍᕉᐱᓐ ᐃᓅᓚᐅᖅᓯᒪᔪᖅ ᐱᕈᖅᓴᓪᓗᓂᓗ ᑐᒃᑑᔮᖅᑐᕐᒥ ᒫᓐᓇᓗ ᖃᑕᙳᑎᒥᓂᒃ ᐃᒡᓗᒥᐅᖃᑎᖃᓕᖅᖢᓂ ᐃᓄᕕᐊᓗᐃᑦ ᓄᓇᖓᓐᓂ. ᓄᓇᓕᖓ ᑐᒃᑑᔮᖅᑐᖅ 1000-ᓂᒃ ᐃᓄᖃᕐᒪᑦ ᐊᒻᒪᓗ ᐃᓚᐅᖃᑕᐅᕙᑦᑐᑎᒃ ᐃᓕᖅᑯᓯᓕᕆᓂᕐᒥᒃ ᓲᕐᓗ ᑲᖑᖅᓯᐅᕐᓂᖅ, ᐃᖃᓪᓕᐊᕐᓂᖅ, ᒧᒥᕐᓂᖅ, ᐃᓐᓇᑐᖃᕐᓂᒃ ᐊᒻᒪᓗ ᐅᖃᐅᓯᕐᒥᒃ ᐃᓕᓐᓂᐊᖃᑎᖃᖃᑦᑕᕐᓂᖅ. ᐊᖅᑯᑎᑯᑖᓕᐅᖅᑐᖃᓚᐅᖅᑎᓐᓇᒍ ᓄᓇᓕᐅᔪᖅ ᐅᐸᒐᒃᓴᐅᑐᐃᓐᓇᓚᐅᖅᑐᖅ ᖃᖓᑕᓲᒃᑯᑦ ᓯᑯᒃᑯᓪᓘᓐᓃᑦ ᐊᖅᑯᑎᒃᑯᑦ ᐅᑭᐅᒃᑯᑦ. ᐊᓯᔾᔨᖅᓯᒪᓕᕐᒪᑕ ᑕᐃᒪᙵᓂᑦ, ᑭᓯᐊᓂ ᐃᓚᖓᒍᑦ, ᓱᕐᕋᓚᐅᖅᓯᒪᖏᑦᑐᑦ, ᓲᕐᓗ ᒍᕉᐸᓐ ᓂᕿᓕᐅᕐᕕᖓᓂ.
ᓂᕿᓕᐅᖅᑎᓪᓗᒍ, ᒍᕉᐱᓐ ᒪᒪᕆᔭᓕᒃ ᑲᑎᑎᓪᓗᒋᑦ ᐅᓪᓗᒥᓕᓴᑦ ᐊᒻᒪ ᐃᓄᐃᑦ ᓂᕿᑐᖃᖏᑦ. ᐃᓚᖓᑦ ᒪᒪᕆᓛᕆᔭᖓ ᓂᕿᓕᐅᕆᐊᒃᓴᖅ ᑐᒃᑐ ᐆᒻᒪᑎᒥᒃ ᒪᒪᕆᓪᓗᓂᐅᒡᓗ ᓂᕐᓖᑦ. ᓂᕆᔪᓐᓇᙱᖦᖢᓂ ᐃᖃᓗᖕᓂᒃ ᑎᒥᖓᑕ ᓈᒻᒪᒋᙱᑕᖏᓐᓄᑦ, ᓂᕿᓕᐅᕈᒪᓲᖅ ᐊᓈᓇᒥᓄᑦ. ᓂᕿᓕᐅᕐᓂᖅ ᐱᖅᑯᓯᑐᖃᖅᑎᑐᑦ ᐊᑐᕋᓲᑎᑐᐊᖑᙱᑦᑐᖅ ᑕᐅᕗᙵᖅᐸᓪᓕᐊᓪᓗᓂ.
ᒪᒃᑯᒃᑎᓪᓗᒍ, ᐊᓈᓇᒥᓂᒃ ᐃᓕᑦᑎᓚᐅᖅᐳᖅ ᖃᓄᖅ ᒥᖅᓲᑎᓂᒃ ᓄᓇᕋᙳᐊᓂᒃ ᐃᓪᓕᕆᔪᓐᓇᕐᒪᖔᑦ. ᑭᖑᓪᓕᕐᒥ ᐃᓕᓚᐅᖅᑕᖓ ᖃᓄᖅ ᓴᐸᖓᓕᐅᕆᐊᒃᓴᖅ ᓯᐅᓯᕆᓂᕐᒥᒃ, ᖃᓄᐃᓕᐅᕈᑎ ᓇᓂᓯᓪᓗᓂ ᒪᒥᓴᕐᓂᕐᒥᒃ. ᑲᒥᓪᓛᕈᑏᑦ, ᒥᖅᑯᓖᑦ ᐳᐊᓘᒃ ᐊᒻᒪ ᔭᐸᐃᑦ ᐊᓯᖏᓪᓗ ᐊᒡᒐᖕᒧᑦ ᓴᓇᐅᒐᐃᑦ ᐃᓕᓯᒪᔭᖏᑦ ᓴᓇᔪᓐᓇᖅᓯᕙᓪᓕᐊᓂᕐᒧᑦ ᐊᕐᕌᒍᒐᓴᐅᓕᖅᑐᓄᑦ.
ᒍᕉᐱᓐ ᑐᓂᔭᐅᓪᓗᓂ ᐊᓈᓇᒥᓄᑦ ᒥᖅᓲᑎᒧᑦ ᐊᓈᓇᖓᓗ ᑐᓂᓯᓪᓗᓂ ᑭᖑᓪᓕᖅᐹᒥ. ᐃᒃᓯᕚᖅᑐᖅ ᑭᐳᖓᓂ ᐅᑕᖅᑭᓪᓗᓂ ᐊᑐᖅᑕᐅᔪᒪᓂᕐᒥᒃ ᐃᓕᑦᑎᔪᒪᓪᓗᓂᓗ ᖃᓄᖅ ᐊᓈᓇᖓ ᓴᓇᔪᓐᓇᕐᒪᖔᑦ ᐃᓕᓴᐃᔪᓐᓇᕐᓂᐊᕐᒪᑦ ᓇᖕᒥᓂᖅ ᐸᓂᒥᓂᒃ ᑕᐃᒪᓐᓇᑦᑕᐃᓐᓇᖅ. ᓂᕆᐅᒍᒪᔪᖅ ᑕᒪᒃᑯᐊ ᐃᓕᖅᑯᓯᑎᒍᑦ ᐃᓕᖅᑯᓯᐅᔪᑦ ᐆᒪᑎᑕᐅᖏᓐᓇᖁᓪᓗᒋᑦ ᓄᓇᓕᒻᒥᓂ ᐅᕝᕙᓘᓐᓃᑦ ᖃᓪᓗᓈᑦ ᓄᓇᖓᓐᓅᕐᓗᒋᑦ ᐃᓕᓐᓂᐊᖅᑎᑦᑎᓗᑎᒃ ᐊᓯᒥᓂᒃ ᖃᓄᖅ ᓴᐸᖓᕐᓂᒃ ᓯᐅᒻᒥᒑᓂᒃ ᐅᕝᕙᓘᓐᓃᑦ ᒥᕐᓱᒐᕐᓂᒃ, ᐅᖃᐅᓯᖃᕐᓗᑎᒃ ᐃᓕᖅᑯᓯᑐᖃᕐᒥᓂᒃ ᓄᑖᒥ ᓄᓇᐅᔪᓂ.
ᐅᖃᐅᔾᔨᒋᐊᕈᓐᓇᕈᓂ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᓄᓇᒥᓂᒃ ᐊᐅᓪᓚᖅᑎᓪᓗᒋᑦ ᐃᓕᓐᓂᐊᕋᓱᐊᕐᓗᑎᒃ, "ᐃᖅᑲᐅᒪᑦᑕᐃᓕᒋᑦ ᓇᑭᙶᕐᒪᖔᖅᐱᑦ. ᐃᖅᑲᐅᒪᓗᒋᑦ ᐱᖅᑯᓯᑐᖃᒃᑯᑦ ᐱᒻᒪᕆᐅᒋᔭᑎᑦ ᐃᓕᓐᓂᐊᖅᑎᑕᐅᔾᔪᑎᒋᔭᑎᑦ. ᐊᓯᑎᑦ ᐃᓕᓐᓂᐊᖅᑎᑉᐸᒡᓗᓯᐅᒃ ᐊᔪᙱᒃᑯᕕᑦ. ᐊᖏᕐᕋᕈᕕᑦ, ᐅᑎᐃᓐᓇᕈᓐᓇᖅᑐᑎᑦ. ᐃᓕᓐᓂᐊᕆᐊᖃᕋᕕᑦ. ᓯᕗᓂᒃᓴᐃᑦ ᐱᐅᓯᕚᓪᓕᖅᑎᑦᑕᕆᐊᖃᖅᑕᐃᑦ. ᐃᓕᓐᓂᐊᕆᐊᕆᐊᖃᕈᕕᑦ, ᐊᓂᔭᕆᐊᖃᕈᕕᑦ, ᑭᓯᐊᓂ ᐊᖏᕐᕋᖅᓯᒪᐃᓐᓇᐅᔭᕐᓗᑎᑦ. ᐳᐃᒍᖅᑕᐃᓕᒍᒃ ᐃᓕᖅᑯᓯᓯ ᐳᐃᒍᖅᑕᐃᓕᓯᐅᒃ ᓇᑭᙶᕐᒪᖔᖅᐱᑦ. ᑕᒪᓐᓇ ᐱᒋᐊᕐᕕᒋᔭᓯ ᐊᒻᒪᓗ ᐱᒋᐊᕐᕕᖏᑦ ᑕᐃᑲᓃᖏᓐᓇᓂᐊᖅᑐᑦ. ᓇᓃᒃᑲᓗᐊᕈᕕᑦ."
"ᐃᖅᑲᐅᒪᑦᑕᐃᓕᒋᑦ ᓇᑭᙶᕐᒪᖔᖅᐱᑦ. ᐃᖅᑲᐅᒪᓗᒋᑦ ᐱᖅᑯᓯᑐᖃᒃᑯᑦ ᐱᒻᒪᕆᐅᒋᔭᑎᑦ ᐃᓕᓐᓂᐊᖅᑎᑕᐅᔾᔪᑎᒋᔭᑎᑦ. ᐊᓯᖏᓐᓂᒃ ᐃᓄᖕᓂᒃ ᐃᓕᓴᐃᓗᑎᑦ ᐊᔪᙱᒃᑯᕕᑦ."
ᒍᕉᐱᓐ ᐊᐅᓪᓚᕋᓱᖃᑦᑕᕐᖢᓂ ᐃᓄᑑᓪᓗᓂ ᐃᓕᓐᓂᐊᕆᐊᕐᖢᓂ ᐅᓄᖅᓱᐃᕐᖢᓂ ᑭᓯᐊᓂ ᐱᔾᔪᑎᑕᖃᐃᓐᓇᐅᔭᕐᖢᓂ ᑕᐃᑲᓃᖏᓐᓇᕐᓂᕐᒥᒃ. ᒫᓐᓇ ᐊᓈᓇᐅᓪᓗᓂ, ᐃᓕᓐᓂᐊᕆᐊᓛᕈᒪᓂᖓ ᓄᖅᑲᖓᑎᑕᐅᑲᐃᓐᓇᖅᐳᖅ ᒫᓐᓇᐅᔪᖅ, ᕿᑐᕐᖓᒥᓂᒃ ᑕᑯᖅᑯᔾᔨᔪᒪᒐᓗᐊᖅᑐᓂ ᐊᖏᕐᕋᖅᓯᒪᓂᖅᓴᐅᒻᒪᑦ. ᐃᒪᐃᓕᐅᕈᒪᔪᖅ ᐅᓪᓗᖅ ᐊᑕᐅᓯᖅ ᐃᓕᓐᓂᐊᖅᑎᓪᓗᒍ ᐅᖃᐅᓯᖅᑕᖓ ᐃᓕᖅᑯᓯᖓᓗ ᑭᓯᐊᓂ ᑕᐃᑯᙵᕋᓱᒃᓗᓂ ᐊᒃᓱᕈᕐᖢᓂ ᓲᖑᓵᖅᑕᐅᓂᕐᒧᑦ, ᑕᖃᓂᕐᒧᑦ ᐊᓯᐅᔨᓂᕐᒧᓪᓗ ᖃᑕᙳᑎᖏᓐᓂ. "ᐃᒃᐱᒋᑦᑎᐊᖅᑕᒃᑲ ᐅᕙᓐᓂ ᓴᙱᓂᖅᓴᐅᑎᑦᑎᓂᐊᖅᑐᑦ ᐃᓱᒪᒋᔪᓐᓇᕐᓂᐊᕋᒃᑭᑦ ᕿᑐᕐᖓᒃᑲ ᐃᓐᓇᐅᓂᖅᓴᐅᓕᖅᐸᑕ," ᐊᒃᑐᐊᓂᖃᕐᒪᑦ.
ᑕᒪᓐᓇ ᓴᓐᖏᓂᖅ ᓂᕆᐅᒋᑦᑎᐊᖅᑕᖓ ᐃᓕᓴᐃᔨᕈᖅᑎᓂᐊᕐᒪᒍ ᑐᓂᓯᒍᓐᓇᕐᓂᐊᕐᒪᑦ ᐅᖃᐅᓯᕐᒥᒃ ᐊᒻᒪᓗ ᐃᓕᖅᑯᓯᕐᒥᒃ ᑭᖑᕚᕆᓂᐊᖅᑕᑎᓐᓄᑦ. "ᐃᓅᓱᓐᓂᖅᓴᖁᑎᕗᑦ ᐱᖃᕆᐊᖃᖅᐳᑦ ᑕᒪᑐᒥᖓ ᐃᓄᕕᓗᒃᑐᒥᒃ ᐅᖃᐅᓯᕐᒥᒃ ᑲᔪᓯᑎᑦᑎᔪᓐᓇᕐᓂᐊᕐᒪᑕ ᐃᓕᖅᑯᓯᑐᖃᑦᑎᓐᓂᒃ ᑭᖑᕚᕆᓂᐊᖅᑕᑦᑎᓐᓄᑦ ᓲᖃᐃᒻᒪ ᐊᑦᑎᒃᑐᑯᓘᖕᒪᑦ ᐊᒻᒪᓗ ᔭᒐᑉᐸᓪᓕᐊᑐᐃᓐᓇᖅᖢᓂ ᑕᖅᑳᓂ. ᑭᓯᐊᓂ, ᖃᐅᔨᒪᓪᓗᓂ ᑕᐃᒪᐃᑦᑐᓐᓇᕐᓂᓐᓂᒃ ᐃᑲᔪᕐᓂᐊᖅᑐᖅ ᐅᕙᓐᓂᒃ ᐱᔭᕇᕋᓱᒃᓗᒍ," ᐊᒥᖅᑳᕈᑎᒋᔭᖓ.
ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᐅᖃᕋᔭᖅᑐᖅ, "ᕿᑐᕐᖓᖃᕆᐊᒃᓴᖅ. ᓯᓐᓇᒃᑑᒪᔭᐃᑦ ᒪᓕᒡᓗᒍ. ᐱᔭᕆᐊᖃᖅᑕᑎᑦ ᑐᙵᓂᖃᑦᑎᐊᖅᑐᒥᒃ ᐃᓅᓯᖃᖅᑎᓪᓗᒋᑦ ᓄᑕᖅᑲᑎᑦ ᐱᑎᑦᑐᓐᓇᕐᓂᐊᕋᕕᒋᑦ ᐊᔪᙱᓐᓂᓕᒫᒃᑯᑦ." ᐊᐳᖅᑕᕈᑕᐅᔪᓂᑦ ᑲᒪᓂᖅ ᓲᕐᓗ ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᖅ ᐊᒻᒪ ᖃᑕᙳᑎᖏᑦ ᐊᓯᐅᔨᔭᐅᔪᑦ ᐊᒃᓱᕈᕐᓇᖅᑑᓯᒪᕗᖅ ᐃᓅᓯᖃᑦᑎᐊᕈᒪᑐᐃᓐᓇᖅᑎᓪᓗᒍ ᕿᑐᕐᖓᒥᓄᑦ ᐃᓚᒥᓄᓪᓗ.
ᑕᐃᒪᓕ ᑲᔪᖏᖅᓴᐃᓪᓗᓂ, ᒍᕉᐱᓐ ᐊᓈᓇᒥᓂᒃ ᑎᒍᐊᖅᑎᖃᖅᑑᔮᖅᑐᖅ, ᐊᓈᓇᑦᑎᐊᖓ, ᐅᖃᐅᓯᖃᖅᑐᖅ ᓴᓐᖏᔫᓂᖓᓂᒃ ᐊᕐᓇᐅᓪᓗᓂ 80-ᓂᒃ ᐊᕐᕌᒍᓂᒃ. ᐅᐱᒋᕙᖓ ᓇᒻᒥᓂᖅ ᓴᙱᓂᖃᕐᓂᖓᓄᑦ. "ᓴᙱᓛᖑᕗᖅ ᖃᐅᔨᒪᔭᒃᑯᑦ. ᑭᓱᓕᒫᓂᑦ ᐊᑐᖅᓯᒪᔪᖅ. ᑕᕝᕘᓇ ᑲᔪᖏᖅᓴᐃᔾᔪᑎᒋᕙᕋ," ᐅᖃᐅᓯᖃᖅᑐᖅ, ᐃᓱᒪᒋᔭᖃᕐᓂᕐᒥᑦ ᖃᓄᖅ ᓴᙱᑎᒋᒻᒪᖔᖅ ᐊᓈᓇᖓ ᐊᓐᓇᐅᒪᒐᓱᐊᕐᓂᕐᒥᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ.
ᓵᓐᑎᐅᓪ ᒍᕉᐱᓐ ᐱᕈᖅᓴᔭᐅᓚᐅᖅᐳᖅ ᐃᓕᖅᑯᓯᕐᒥᓂᒃ ᓴᙱᔫᓂᖓᓂᒃ, ᐊᓐᓄᕋᔾᔨᐅᖅᖢᓂ, ᐊᓈᓇᖓᑎᑐᑦ. ᒫᓐᓇᓕ ᓯᓐᓇᑦᑑᒪᓕᖅᑯᖅ ᖃᓄᖅ ᑕᒪᒃᑯᐊ ᑲᔪᓯᔪᓐᓇᕐᒪᖔᑕ ᑕᒪᒃᑯᐊ ᐊᑐᖅᑕᐅᕙᑦᑐᑦ ᑕᒪᒃᑯᐊ ᑭᖑᕚᕗᑦ ᐅᖅᑰᑎᑕᐅᔪᓐᓇᖁᓪᓗᒋᑦ ᐆᒻᒪᑎᒃᑯᑦ ᐊᒻᒪᓗ ᐊᐳᑎᒃᑯᑦ. ᓂᕿᓕᐅᕐᓂᖅ ᓄᑕᐅᙱᑦᑐᓂᒃ ᓄᑖᓂᒃᓗ ᓂᕿᓕᐅᕈᑎᓂᒃ ᐃᓗᓪᓕᖅᓱᐃᔪᓂᒃ ᓈᕐᒥᒃ ᑕᕐᓂᕐᒥᒃᓗ, ᐱᕈᖅᓴᐃᔪᖅ ᕿᑐᕐᖓᒥᓂᒃ ᐅᑕᖅᑭᓪᓗᓂᓗ ᐱᓇᓱᒍᒪᔭᖏᓐᓂ ᐃᓕᓴᐃᔨᙳᕋᓱᒃᓗᓂ. ᐅᖃᐅᓯᕐᒥᓂᒃ ᐃᓕᖅᑯᓯᕐᒥᓂᒡᓗ ᐅᖃᐅᓯᖃᕈᒪᓕᓚᐅᖅᑐᖅ ᑕᐃᒪᐃᒻᒪᑦ ᓱᓕ, ᒫᓐᓇ ᖃᐅᔨᒪᔮᖓ ᐃᓗᐊᓃᑐᐃᓐᓇᖅᐳᖅ ᖃᑕᙳᑎᖏᑦ ᑕᓕᖓᓃᑎᓪᓗᒋᑦ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
