ᐊᖓᔪᖅᑳᖅ ᑯᕆᔅᑕᕗ ᑎᒃᓴᓐ ᓯᐃᐅᓪᒃᔅ−ᖑᓪᓗᓂ ᐊᒻᒪ Ilmixem−ᖑᓪᓗᓂ (ᐊᖓᔪᖅᑳᖅ) Westbank First Nation−ᒥ. ᓱᕈᓯᐅᓪᓗᓂ, ᓄᓇᖃᓚᐅᖅᓯᒪᔪᖅ ᕚᓐᑰᕗᒥ ᐊᒻᒪᓗ ᑳᓪᒍᕆᒥ, ᑭᓯᐊᓂ ᐅᑎᓚᐅᖅᓯᒪᔪᖅ 11-ᓂᒃ ᐅᑭᐅᖃᓕᖅᑐᓂ ᖃᐅᔨᒪᔭᐅᓕᖅᑐᓂ "ᓱᕈᓯᑦᑎᐊᕙᐅᙱᓛᖑᖃᑕᐅᔪᖅ." ᐱᔪᒃᓯᓐᓇᑦᑎᐊᕐᖢᓂ ᓇᒧᙵᐅᕙᓪᓕᐊᓂᕆᔭᐅᔪᖅ ᑕᒪᒃᑯᓇᙵᑦ ᐊᑲᐅᙱᓕᐅᕈᑎᒋᔭᐅᔪᓂᒃ ᒪᒃᑯᒃᑐᓂᒃ ᐃᓂᖓᓄᑦ ᐃᓱᒪᑕᕆᔭᐅᓕᖅᑐᒧᑦ (ᐊᒻᒪᓗᑦᑕᐅᖅ ᐅᖃᐅᔾᔪᐃᔨᐅᓪᓗᓂ ᐅᕙᓂ, ᓴᐃᒪᓐ ᕗᕋᐃᓱ ᓯᓚᑦᑐᖅᓴᕐᕕᒡᔪᐊᒥ ᓯᓚᑦᑐᖅᓴᕐᕕᒡᔪᐊᒥᓗ ᐅᕙᓂ, Arizona−ᒥ, ᐱᒋᐊᖅᑎᑦᑎᓚᐅᖅᓯᒪᓪᓗᓂ ᓄᓇᖃᖅᑳᖅᑐᓄᑦ ᓄᓇᓕᖕᓂ ᐱᕙᒌᔭᕐᓂᕐᒧᑦ ᑲᑐᔾᔨᖃᑎᒌᓂ, ᑲᑎᒪᑎᑦᑎᔨ ᐅᑳᓇᒐᓐ ᓯᓚᑦᑐᖅᓴᕐᕕᖕᒥ ᑲᑎᒪᔨᓄᑦ, ᐃᓚᒋᔭᐅᔪᖅ ᑕᒪᐃᓐᓄᑦ ᑲᑐᔾᔨᖃᑎᒌᓂ ᐸᐸᑕᐅᔪᓄᑦ ᑲᒻᐸᓂᒋᔭᐅᔪᒧᑦ, ᐊᒻᒪᓗ ᓱᓕᒃᑲᓐᓂᖅ).

ᐊᖓᔪᖅᑳᖓ ᑎᒃᓴᓐ ᖃᑕᙳᑎᖏᓪᓗ ᐅᑎᖅᑎᓪᓗᒋᑦ ᓴᓂᕐᕙᒃᓯᒪᔭᖏᓐᓄᑦ, ᓵᙵᓪᓗᓂ ᐊᔾᔨᒋᙱᕐᔪᐊᖅᑕᖓᓂᒃ ᓯᕗᓕᕆᓚᐅᖅᑕᖏᑕ ᕿᑎᐊᓃᑦᑐᑦ ᐃᓅᓯᖏᓐᓂ ᐊᔪᖅᓴᕐᓂᕐᒥᒃᓗ ᓴᓂᕐᕙᒃᑕᐅᓯᒪᔪᒥ. "ᐅᔾᔨᕐᓇᖅᑐᒥᒃ ᐃᓕᖅᑯᓯᕐᒧᑦ ᐊᓯᔾᔨᕐᓂᖅᑕᖃᓚᐅᖅᑐᖅ ... ᐊᒻᒪᓗ ᐅᒡᒍᐊᓇᖅᑑᒐᓗᐊᖅ, ᑕᐃᒫᑦᓴᐃᓐᓇᒐᓚᒃ ᑲᓇᑕᒥ, ᐊᒥᓱᓂᒃ ᐃᓅᓯᓕᕆᓂᕐᒧᑦ ᐃᓱᒫᓘᑎᖃᕋᑦᑕ ᓄᓇᑦᑎᓐᓂ. ᐱᐅᖏᓂᖅᓴᒻᒪᕆᐅᓚᐅᖅᑐᖅ ᓱᕈᓯᐅᑎᓪᓗᖓ....

ᓄᓇᖃᖅᑳᖅᓯᒪᔫᓪᓗᓂ ᐃᓕᑦᑎᕙᓪᓕᐊᓪᓗᓂ ᓇᖕᒥᓂᖅ ᐃᓄᖁᑎᒥᓂᒃ "ᐃᓱᒪᒋᔭᖓᒍᑦ ᖃᓪᓗᓈᖑᖃᑎᒌᓂᑦ" ᐅᖃᐅᓯᖃᓚᐅᖅᐳᖅ ᒪᒃᑯᒃᑐᒧᑦ ᑯᕆᔅᑕᕗᒧᑦ. "ᐃᖅᑲᐅᒪᔪᖓ ᐅᕙᓐᓄᑦ ᓂᙵᖕᓇᕐᒪᑦ. ᓂᓐᖓᐅᒪᔪᒻᒪᕆᐊᓗᒃ ᓄᑕᕋᖅ, ᐊᒃᓱᕈᕐᔪᐊᓚᐅᖅᑐᖓ ᐃᓕᓐᓂᐊᕐᕕᖕᒥ." 14-ᖑᓕᕋᒥ, ᑯᕆᔅᑕᕗ ᓱᐴᖅᑐᖅᐸᓚᐅᖅᑐᖅ, ᐃᒥᖅᖢᓂ, ᐋᖓᔮᕐᓇᖅᑐᓕᕆᓪᓗᓂᓗ. ᐊᒻᒪᓗ 17-ᒥ, ᓂᕆᐅᓇᖏᑦᑐᒃᑯᑦ ᐊᑖᑕᕈᓚᐅᖅᑐᖅ.

"ᐃᖅᑲᐅᒪᔪᖓ ᐋᓐᓂᐊᕕᖕᒥ, ᑎᒍᒥᐊᕐᓗᒍ ᓄᑕᕋᕋ ᑕᓕᓐᓂ, ᐊᖏᓂᒻᒪᕆᒋᓚᐅᖅᑕᖓ ᐊᓇᐅᓕᒑᕐᕕᐅᑉ, ᐃᓱᒪᓪᓗᓂᓗ ᐅᕙᓐᓄᑦ, 'ᓄᑕᕋᖅ ᑭᓱᑐᐃᓐᓇᐅᖁᙱᑕᕋ ᓲᕐᓗ ᐅᓪᓗᒥ ᐃᓅᔪᖓᑎᑐᑦ. ᐅᕙᓐᓄᑦ ᑐᐹᖅᓯᓂᐅᓚᐅᖅᑐᖅ."

ᐊᖓᔪᖅᑳᖅ ᑎᐅᕆᒃᓴᓐ ᐃᖅᑲᐅᒪᔪᖅ, "ᖃᐅᔨᒪᓚᐅᖅᑐᖓ ᐃᓅᓂᓐᓂ ᓈᒻᒪᙱᓐᓂᖓᓂᒃ. ᐊᒻᒪᓗ ᑕᒪᓐᓇ ᐅᕙᓐᓄᑦ ᓴᖑᔾᔪᑎᒋᓪᓗᒍ. ᐃᒥᐊᓗᖃᑦᑕᕈᓐᓃᖅᑐᖓ. ᓱᐴᖅᑐᖃᑦᑕᕈᓐᓃᓚᐅᖅᑐᖓ. ᓯᒡᒐᓕᐊᓂᒃ ᓄᖅᑲᓲᖑᕗᖓ. ᐊᒻᒪᓗ ᑕᐃᒪᐃᓕᐅᖅᑎᓪᓗᒋᑦ, ᑭᓇᑐᐃᓐᓇᖅ ᑕᐃᒪᐃᓯᒪᔪᖅ ᐃᓅᓯᖓᓂ [ᖃᐅᔨᒪᔪᖅ] ᐱᖃᓐᓇᕆᔭᓕᒫᑎᑦ ᐊᓯᐅᔨᖃᑦᑕᕋᕕᒋᑦ. ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᑕᑯᒥᓇᖅᓯᑦᑎᐊᖁᓪᓗᑎᑦ ᐊᒻᒪ ᐱᖃᓐᓇᕆᔭᖃᙱᓐᓇᔭᕐᓂᕋᕐᓗᑎᑦ ᐊᒻᒪ ᐃᒃᓯᕚᕐᓗᑎᑦ ᓄᓇᖃᖅᑳᖅᓯᒪᔪᑦ ᐃᒡᓗᕈᓯᐊᓂ ᐅᓪᓗᕈᒻᒥᓴᕐᓇᒥ, ᖁᐊᖅᓵᕐᓇᖅᑐᒻᒪᕆᐊᓘᓚᐅᖅᐳᖅ."

ᑯᕆᔅᑕᕗ ᐊᑕᐅᓯᐊᖅᖢᓂ ᐃᒻᒥᓂᒃ ᓴᓗᒻᒪᖅᓴᐃᓚᐅᖅᐳᖅ, ᐱᖃᓐᓇᕆᔭᖏᑦ ᐃᒡᓗᖔᖓᓄᑦ ᑐᕌᓚᐅᖅᐳᑦ, ᖁᕕᐊᓇᙱᖦᖢᓂ ᐃᕐᓂᖓᑕ ᐊᓈᓇᖓ ᐃᓚᐅᓪᓗᓂ. "ᐱᖃᓐᓇᕆᔭᒃᑲ ᐊᓯᐅᔨᖃᑦᑕᓚᐅᖅᑕᒃᑲ ᐋᖓᔮᕐᓇᖅᑐᓄᑦ, ᐃᒥᐊᓗᖕᒧᑦ, ᒥᓗᒃᓯᑲᑕᒃᖢᖓ. ᐱᖃᓐᓇᕆᔭᒃᑲ ᐊᒥᓱᑦ, ᐊᓈᓇᖃᕈᓐᓃᕋᓗᐊᖅᖢᓂ ᐃᕐᓂᕐᒪ. ᐃᓅᔪᓐᓃᓚᐅᖅᑐᖅ ᐅᑭᐅᖃᑐᐃᓐᓇᖅᑎᓪᓗᒍ ᑎᓴᒪᓂᒃ ᑕᓪᓕᒪᓂᒡᓘᓐᓃᑦ ᐋᖓᔮᕐᓇᖅᑐᓄᑦ ᐄᔭᒐᓗᐊᖅᖢᓂ."

ᐊᒃᓱᕈᕐᓇᕐᓂᖓ ᒪᒃᑯᒃᑑᓪᓗᓂ ᐊᑖᑕᐅᓪᓗᓂ ᐊᔪᕐᓇᕐᓂᖅᓴᐅᓚᐅᖅᑐᖅ ᑯᕆᔅᑕᕗᒧᑦ ᐱᐅᓯᒋᐊᕋᓱᒃᑎᓪᓗᒍ ᐃᓕᓐᓂᐊᕐᓂᖓ. "ᐊᕐᕌᒎᒃ ᒪᕐᕈᒃᑲᓐᓃᒃ ᐊᓂᒍᐃᓇᓱᒃᑲᓐᓂᓕᖅᖢᖓ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ, ᓈᓴᐅᓯᕆᔪᓐᓇᐃᓪᓕᓪᓗᖓ. ᓯᓚᑦᑐᓴᕐᕕᕐᔪᐊᕐᒨᓚᐅᖅᑐᖓ ᑕᐃᑲᖓᑦ, ᐊᒻᒪᓗ ᐊᓂᑎᑕᐅᑲᓴᑦᑐᖓ, ᐃᓕᔭᐅᓚᐅᖅᑐᖅ ᐃᓕᓐᓂᐊᖅᑎᐊᖅᓯᒪᑦᑎᐊᕐᓂᕐᒧᑦ ᖃᐅᔨᓴᖅᑕᐅᓂᕐᒧᑦ ᒪᕐᕈᐊᑎᖅᑐᖓ." ᑯᕆᔅᑕᕗ ᐃᓕᓴᖅᓯᓚᐅᖅᑐᖅ ᐱᒃᑲᖅᑎᑦᑎᓂᖓᓂᒃ, ᑭᓯᐊᓂ ᐱᕈᖅᓴᓂᕆᓚᐅᖅᑕᖓᓂ. "ᐱᑐᐃᓐᓇᕆᐊᖃᓚᐅᙱᑦᑐᖓ [ᓯᓚᑦᑐᖅᓴᕐᕕᒡᔪᐊᒧᑦ] ᓲᖃᐃᒻᒪ ᐃᓕᑦᑎᓚᐅᙱᓐᓇᒪ. ᖃᐅᔨᒪᓚᐅᙱᓐᓇᒪ ᐱᔪᓐᓇᕐᓂᕐᓂᒃ ᐃᓕᓐᓂᐊᕆᐊᖃᖅᑕᕐᓂᒃ, ᑎᑎᕋᕐᓂᐊᕐᓗᓯ ᐸᐃᑉᐹᓂᒃ, ᐅᖃᕐᓂᐊᕐᓗᓯ ᐃᓂᖅᑎᕆᔾᔪᑎᒃᑯᑦ. ᑕᐃᒪᐃᑦᑐᓂᒃ ᐱᓕᕆᐊᖃᓚᐅᖅᓯᒪᙱᑦᑐᖓ ᐃᓅᓯᓐᓂ. ᓄᖅᑲᑐᐃᓐᓇᓕᓚᐅᖅᑐᖓ."

ᑭᓯᐊᓂᓕ, ᐃᕐᓂᖓ ᑐᓂᓯᒃᑲᓐᓂᓚᐅᖅᑐᖅ ᑯᕆᔅᑕᕗᒥᑦ ᓴᙱᓂᕐᒥᑦ. "ᑕᐃᒎᑎᓚᐅᖅᑕᕗᑦ ᔭᔅᑎᓐ, ᐱᔾᔪᑎᒋᓪᓗᒍ ᑖᓐᓇ [ᐃᖅᑲᖅᑐᐃᓂᒃᑯᑦ]. ᐃᕐᓂᕋ ᐃᖅᑲᖅᑐᐃᕕᓕᕆᖁᓚᐅᕋᒃᑯ. ᐃᓱᒪᐃᓐᓇᖅᐸᓚᐅᙱᑦᑐᖅ ᑕᒪᐅᖓ ᓄᓇᕐᔪᐊᕐᒧᑦ ᒪᒃᑯᒃᑐᓄᑦ...ᐊᒻᒪᓗ ᐃᓱᒪᓚᐅᖅᑐᖓ ᐃᖅᑲᓇᐃᔮᕋ ᓴᖅᑭᑦᑎᓂᕐᒥᒃ ᐃᖅᑲᖅᑐᐃᓂᕐᒥᒃ ᐃᓅᓯᖓᓄᑦ. ᖁᔭᓕᑦᑎᐊᖅᐳᖓ ᐱᔾᔪᑎᒐ ᓇᓂᔪᓐᓇᓚᐅᕋᒃᑯ."

ᐊᖓᔪᖅᑳᖅ ᑎᒃᓴᓐ ᐊᕐᕌᒍᓄᑦ ᖁᓕᓄᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᓚᐅᖅᓯᒪᕗᖅ. ᐱᓇᓱᐊᕐᓂᖅ ᐃᓛᓐᓂᒃᑯᓪᓗ ᐊᔪᓕᖃᑦᑕᕐᓗᓂ, ᐆᑦᑐᑲᓐᓂᖃᑦᑕᕐᓗᓂᓗ. "ᓯᓚᑦᑐᖅᓴᕐᕕᒡᔪᐊᒥ ᐊᓂᑎᑕᐅᑲᓴᓚᐅᖅᑐᖓ, ᐃᓕᑦᑎᓚᐅᖅᑐᖓ ᖃᓄᖅ ᐃᓕᓐᓂᐊᕆᐊᒃᓴᖅ. ᐃᓕᑦᑎᓚᐅᖅᑐᖓ ᖃᓄᖅ ᐅᕙᓐᓂᒃ ᐱᓇᔪᒋᐊᒃᓴᖅ ᐃᓕᓐᓂᐊᖅᑎᑦᑎᐊᕙᐅᓕᕐᖢᖓᓗ."

ᐃᓕᓐᓂᐊᓚᐅᖅᑐᖅ Master's Degree−ᒥᑦ ᓄᓇᖃᖅᑳᖅᓯᒪᔪᓂᑦ ᐱᕙᒌᔭᐃᓂᕐᒥᑦ, ᒪᓕᒐᓕᕆᓂᕐᒧᑦ ᐱᔭᕇᕈᓯᐊᓚᐅᖅᑐᖅ UBC−ᑯᓐᓂ, ᐊᒻᒪ MBA−ᒥᑦ ᓴᐃᒪᓐ ᕗᕋᐃᓱ ᓯᓚᑦᑐᖅᓴᕐᕕᒡᔪᐊᖓᓂ. "ᐱᖓᓱᑦ ᐊᓂᒍᖅᑎᓪᓗᒋᑦ, ᓱᓕ ᓈᒻᒪᒃᓴᙱᑦᑐᖓ," ᐅᖃᑦᑎᐊᓲᖅ. "ᐅᑕᖅᑭᔪᖓ ᓱᓕ ᐅᑎᕆᐊᒃᓴᖅ ᓘᒃᑖᓕᕆᓗᖓᓗ."

ᐅᓪᓗᒥ, ᐊᖓᔪᖅᑳᖅ ᑎᒃᓴᓐ ᐅᐱᒍᓱᒃᑐᖅ ᐅᖃᕆᐊᔅᓴᖅ ᑖᒃᑯᐊ "ᒪᒃᑯᒃᑐᑦ ᐊᒻᒪᓗ ᐆᒻᒪᕆᑦᑎᐊᖅᑐᑦ ᑲᑎᒪᔩᑦ ᐱᔨᑦᑎᖃᑦᑕᖅᑕᒃᑲ [is] ᐃᓕᓐᓂᐊᖅᓯᒪᓂᖅᐹᓂᒃ ᑲᑎᒪᔨᐅᔪᓂᒃ ᐅᐊᔅᐹᖕᒃ ᓄᓇᖃᖅᑳᖅᓯᒪᔪᓂᒃ." ᑕᐃᓐᓇ ᐊᒻᒪᓗ ᐊᓯᖏᑦ ᑲᑎᒪᔨᐅᔪᑦ ᐊᖏᕐᓯᒪᑦᑎᐊᖅᑐᑎᒃ ᓄᓇᖏᑦ ᐱᐅᓯᑎᑕᐅᒋᐊᖁᓪᓗᒋᑦ. ᐊᖓᔪᖅᑳᖓ ᑎᒃᓴᓐ ᐊᖓᔪᖅᑳᒥᓂᒃ ᑐᓂᓯᕗᖅ ᑕᒪᑐᒧᖓ. "ᐆᒃᑑᑎᒋᔭᕋ ᐱᕈᖅᐸᓪᓕᐊᕝᕕᒋᓚᐅᖅᑕᕋ, ᓄᓇᓖᑦ ᐃᓚᐅᑎᑕᐅᓂᖏᑦ ᓂᕆᐅᒋᔭᐅᑐᐃᓐᓇᓚᐅᖅᑐᖅ. ᐃᓅᓯᖅᐱᑦ ᐃᓚᖓ." ᐊᑖᑕᖓ, ᐱᓗᐊᖅᑐᒥᒃ, ᐊᒃᓱᕉᑎᖃᓪᓚᕆᓚᐅᖅᑐᖅ ᓄᓇᓕᖕᓂ ᒐᕙᒪᓕᕆᓂᕐᒥᒃ, ᐃᒪᐃᒃᑲᓗᐊᖅᑎᓪᓗᒍ "ᐃᒪᓐᓇ ᑕᐃᑐᐃᓐᓇᕆᐊᖃᖅᑕᐃᑦ... ᐅᖁᒪᐃᔅᓴᖏᔾᔪᑎᐅᔪᖅ ᐊᖏᔪᖅᑳᖓᓐᓄᑦ ᑲᑎᒪᔨᖏᓐᓄᓪᓗ." ᑕᒪᓐᓇ ᑐᑭᖃᓚᐅᖅᑐᖅ "ᐋᔩᖃᑎᒌᒍᑕᐅᔪᑦ ᓂᖅᑎᐅᕐᕕᐅᑉ ᓵᖓᓂ."

ᑭᓯᐊᓂ ᖁᕕᐊᒋᔭᖃᕐᓂᖅ ᐱᔪᒪᓕᖅᑎᑦᓯᓯᒪᔪᖅ ᐊᖓᔪᖅᑳᖓᓐᓂᑦ ᑎᐅᕆᒃᓴᓐ, ᑕᐃᒎᑎᓕᒃ ᑕᐃᒎᓯᕐᒥᑦ Ilmixem, ᓂᕈᐊᖅᓯᒪᔪᖅ ᐱᔨᑦᓯᕋᕐᓂᕐᒥᑦ: "Ilmixem ᐅᖃᐅᓯᕗᑦ ᐅᖃᐅᓯᑦᑎᓐᓂᑦ ᐊᖓᔪᖅᑳᕐᒧᑦ, ᐊᒻᒪᓗ ᐊᒥᐊᕆᖃᑦᑕᖅᑐᖅ ᐊᔾᔨᒥᑦ ᓇᑦᓴᕐᓂᕐᒥᑦ ᐊᒻᒪᓗ ᐊᑦᑐᓈᕐᒥᑦ ᑲᑎᑎᑦᓯᓂᕐᒥᑦ ᐊᑦᑐᓈᓂᓪᓗ ᖄᖏᓐᓂᑦ; ᓲᕐᓗ ᐊᒃᖢᓈᕐᒥᒃ ᐊᒃᖢᓈᓕᐅᕐᓗᓂ. ᑕᒪᓐᓇ ᑕᑯᓐᓇᕈᓐᓇᕈᕕᐅᒃ, ᑕᐃᒫᒃ ᑐᑭᖃᕐᒪᑦ. ᐃᓄᐃᑦ ᑲᑎᑎᓪᓗᒋᑦ ᓴᓇᓗᑎᒡᓗ ᐱᐅᒻᒪᕆᒃᑐᒥᒃ, ᐊᒻᒪᓗ ᐱᓪᓗᕆᒃᑐᒥᑦ ᐊᒻᒪᓗ ᓂᑲᓇᖅᑐᒥᑦ. ᑕᐃᒪᓕ ᑕᑯᓐᓇᖅᐳᖓ ᐱᓕᕆᐊᒃᓴᓐᓂᒃ ᑲᑎᑎᑦᑎᓪᓗᖓ ᐃᓄᖕᓂᒃ ᐊᒻᒪᓗ ᐊᑐᕐᓗᖓ ᓴᙱᓂᖏᓐᓂᒃ."

ᑲᒪᓇᙱᖦᖢᓂ, ᐃᓱᒪᑕᖅ ᑎᒃᓴᓐ ᐅᖃᐅᔾᔨᒋᐊᕈᑎᖓ ᒪᒃᑯᒃᑐᓄᑦ ᐱᓇᔪᐃᓐᓇᕐᓂᕐᒥᒃ ᐱᔾᔪᑎᖃᖅᑐᖅ. "ᖃᓄᑐᐃᓐᓇᖅ ᑐᕌᕆᔭᑦ, ᐱᓇᔪᒋᐊᖃᕐᓇᖅᐳᖅ, ᐱᓇᔪᐃᓐᓇᕆᐊᖃᕐᓇᖅᐳᖅ." ᓄᓇᔅᓯᓐᓃᖏᓐᓇᕈᒪᒐᓗᐊᕈᕕᑦ ᐊᐅᓪᓚᕈᒪᒍᕕᓪᓘᓐᓃᑦ, ᐅᖃᖅᐳᖅ "ᓄᓇᓯ ᐆᒻᒪᑎᖕᓃᑎᑦᑕᕆᐊᖃᖅᑕᑦ."

"ᐱᔭᕆᐊᖃᓪᓚᕆᒃᑐᖃᕐᔪᐊᕐᒪᑦ ᓄᓇᓕᑦᑎᓐᓂ ᐱᓕᕆᔨᒻᒪᕆᖕᓄᑦ ᑐᑭᓯᐊᔪᓄᑦ ᐃᓄᖁᑎᑦᑎᓐᓂᒃ. ᑕᑎᖃᓗᐊᖅᓯᒪᓪᓗᑕᓗ ᐊᑯᓂᐅᓗᐊᖅᑐᖅ − ᓄᓇᖃᖅᑳᖅᓯᒪᔪᑦ ᐃᓄᐃᑦ − ᓯᓚᑖᓂᙶᖅᑐᓂᒃ ᖃᐅᔨᒃᑲᐃᔨᓂᒃ, ᓯᓚᑖᓂ ᐅᖃᐅᔾᔨᒋᐊᖅᑎᓂᒃ. ᐊᒻᒪᓗ ᐅᑉᐱᕈᓱᓪᓚᕆᒃᑲᒪ ᑕᒪᒃᑯᐊ ᑭᐅᔾᔪᑕᐅᔪᑦ ᓄᓇᑦᑎᓐᓂ, ᐃᓄᖁᑎᑦᑕ ᐃᓗᐊᓃᒻᒪᑕ. ᑕᐃᒪᓕ ᐊᐅᓪᓚᕐᓂᐊᕈᕕᑦ, ᐃᓛᓯᒍᑦ ᐊᓂᓂᐊᖅᑐᓯ, ᓇᓗᖏᓚᖓ, ᓇᓂᓯᓗᓯ ᐃᖅᑲᓇᐃᔮᒃᓴᐅᔪᓂᒃ ᓄᓇᕐᔪᐊᕐᒥ. ᐊᒻᒪᓗ ᑕᒪᓐᓇ ᐊᖅᑯᑎᑦᑎᐊᕙᐅᓱᒋᕙᕋ. ᑭᓯᐊᓂ ᐃᓛᑎᒍᑦ, ᓴᙱᔪᒥᒃ ᐅᖄᓚᕕᐅᒐᔭᕋᕕᑦ ᓄᓇᑦᓯᓐᓄᑦ ᐊᒻᒪᓗ ᑕᑯᒍᓐᓇᖅᑐᑎᑦ ᐊᒻᒪᓗ ᐃᓱᒪᓗᑎᑦ ᐱᕕᒃᓴᖃᓗᐊᖏᓐᓂᖓᓂᒃ, ᑕᑯᑐᐃᓐᓇᕆᐊᖃᕋᕕᑦ ᐊᒃᓱᕈᓐᓇᖅᑐᓂᒃ. ᑭᓯᐊᓂ ᖃᖓᑐᐃᓐᓇᒃᑯᑦ ᐃᓅᓯᕐᓂ, ᖃᐅᔨᒪᒋᐊᖃᖅᑐᑎᑦ ᐃᓅᓯᖅ ᖃᓄᐃᑦᑑᒻᒪᖔᖅ, ᑕᒪᒃᑯᐊ ᐊᑦᓱᕈᕐᓇᖅᑐᑦ ᑲᔪᓯᑎᓪᓗᒋᑦ ᐊᒻᒪᓗ ᓇᓂᓯᒐᓱᐊᕐᓗᑎᒃ ᐋᖅᑭᒍᑎᑦᓴᓂᒃ. ᑭᓇᓗ ᐊᑲᐅᓂᖅᓴᒃᑯᑦ ᐋᖅᑭᒍᓐᓇᖅᐸᑦ ᑕᒪᒃᑯᐊ ᐊᑲᐅᙱᓕᐅᕈᑕᐅᔪᑦ ᐃᓄᖁᑎᑦᑎᓐᓄᑦ ᐅᕙᑦᑎᓐᓃᙶᖏᑦᑐᖅ?"

ᖁᔭᓐᓇᒦᑦᑎᐊᕐᒥᔭᕋ ᔭᓯᑲ ᑎ ᕼᐊᒻᕗᕆᔅ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.