"ᖁᕕᐊᓱᑦᑎᐊᖅᑐᖓ ᓴᓇᙳᐊᖅᓯᒪᔭᓐᓄᑦ," ᐅᖃᖅᑐᖅ ᑯᕆᔅᑎᐊᓐ−ᔮᓐ ᒪᓐᔭᔅ, ᑎᑕᒃᑎᐅᔪᖅ, ᓴᓇᓯᒪᔪᖅ ᐊᒻᒪ ᓇᖏᖅᓯᓪᓗᓂ ᑎᑕᒃᑎᐅᓪᓗᓂ. CJAY GRiz-ᒨᕐᒥᔪᖅ. ᐅᐃᓂᐸᒡᒥ ᐃᓅᓂᑰᓪᓗᓂ ᐊᒻᒪᓗ ᐱᕈᖅᓴᓯᒪᓪᓗᓂ ᑲᓇᓐᓇᖅᐸᓯᐊᓂ ᑯᕆᐅᑉ, ᔭᐃᒻᔅ ᐸᐃᒥ ᑯᐸᐃᒻᒥ, ᓂᔾᔭᐅᓯᔭᖃᑦᑕᖅᓯᒪᔪᖅ ᐅᕕᒃᑲᐅᓚᐅᖅᓯᒪᒻᒪᓂᑦ. ᐅᓪᓗᒥᐅᓕᖅᑐᖅ, ᓂᔾᔭᐅᓯᔭᖃᑦᑕᓕᖅᑐᖅ, ᓇᒻᒥᓂᖅ ᓂᔾᔭᐅᑎᒥᓂᒃ ᓴᖅᑮᓪᓗᓂ ᐃᓛᓐᓂᒃᑯᑦ ᑭᓯᐊᓂ ᓂᔾᔭᐅᑎᓕᐅᕋᔪᑦᑐᓂ.  

ᐱᕈᖅᐸᓪᓕᐊᓪᓗᓂ, ᓂᔾᔭᐅᑎᙳᓚᐅᖅᑐᖅ ᑐᓴᕐᓂᕈᓱᖕᓂᖓᓄᑦ. ᑎᑎᕋᕋᓱᖃᑦᑕᓚᐅᕐᒪᑦ ᓲᕐᓗ ᑐᓴᖅᑕᒥᓂᒃ, ᓂᔾᔭᐅᑎᓪᓗᓂ ᐅᕝᕙᓘᓐᓃᑦ ᓂᐱᓕᐅᕆᓪᓗᓂ ᖃᕋᓴᐅᔭᒃᑯᑦ. ᐃᓕᒍᒪᐃᓐᓇᖅᐸᓚᐅᖅᑐᖅ ᐊᓐᓄᕋᔾᔨᐅᕐᓂᕐᒥᒃ ᐊᒻᒪᓗ ᓇᒻᒥᓂᖅ ᓂᒐᓕᐅᕈᓐᓇᖅᓯᓪᓗᓂ. ᒨᓯᐊᔅ ᖁᕕᐊᒋᔭᖃᓕᓚᐅᖅᑐᖅ ᐱᕙᓪᓕᐊᓂᖓᓂᑦ ᐊᒻᒪᓗ ᖃᐅᔨᓪᓗᓂ ᐅᓪᓗᓕᒫᖅ ᓴᓇᑐᐃᓐᓇᕈᓐᓇᕐᓂᕐᒥᓂᒃ ᐊᒻᒪᓗ ᖁᕕᐊᓱᓪᓚᕆᒃᖢᓂ. "ᐃᓚᖓ ᐱᐅᒋᔭᕋ ᓂᔾᔭᐅᓯᔭᕐᓂᐅᑉ ᒥᒃᓵᓄᑦ ᑭᓱᓕᒫᓂᒃ ᐃᓱᒪᓕᐅᕈᓐᓇᕋᕕᑦ ᑕᐃᑲᓂ. ᐅᖃᖅᑎᐅᒐᕕᑦ," ᓇᓗᓇᐃᖅᓯᓪᓗᓂ. ᑲᑎᖃᑎᖃᖅᐸᓚᐅᖅᑐᖅ ᐱᖃᓐᓇᕆᔭᒥᓂᒃ ᐊᒻᒪᓗ ᓂᔾᔭᐅᑎᓕᐅᖅᐸᒃᑭᓪᓗᓂ, ᓂᔾᔭᐅᓯᔭᖅᑐᓂ.

ᐃᓕᓐᓂᐊᖅᑎᓪᓗᒍ, ᒨᓂᐊᔅ ᓂᔾᔭᐅᓯᔭᕐᓂᕐᒧᑦ ᐃᓕᓴᐃᔩᑦ ᑎᓕᐅᕆᓚᐅᖅᐳᑦ ᓂᔾᔭᐅᑎᓂᒃ ᐱᐅᒃᓴᖁᔨᓪᓗᓂ ᐊᒻᒪ ᐃᓕᓐᓂᐊᖅᑎᖦᖢᓂᒋᑦ. ᐊᒥᓱᓂᒃ ᑲᔪᖏᖅᓴᐃᔨᖃᓚᐅᖅᑐᖅ ᐊᒻᒪᓗ ᓂᔾᔭᐅᓯᔭᖅᑐᓂ, ᓈᓚᓚᐅᖅᑐᖅ ᐃᒥᒐᕐᓂᒃ ᐊᒻᒪᓗ ᐅᔭᕋᓐᓂᒃ. ᒨᓂᐊᔅ ᐃᓚᒋᔭᐅᓚᐅᖅᑐᖅ N'we Jinan-ᒧᑦ 2014-ᖑᑎᓪᓗᒍ ᑕᐃᒪᓐᓇᓗ ᓴᖅᑭᔮᕐᕕᐅᓚᐅᖅᑐᖅ ᓂᔾᔭᐅᑎᓂᒃ ᓴᖅᑭᑦᑎᓂᕐᒧᑦ, ᑕᖅᑲᐅᖓᖅᑎᖦᖢᒍ ᐊᒻᒪᓗ ᓂᔾᔭᐅᑎᖦᖢᒍ.

ᐃᓚᒋᔭᐅᓚᐅᖅᑎᓪᓗᒍ ᐱᕚᓪᓕᖅᓯᒪᕐᔪᐊᖅᑐᒧᑦ, ᐊᑐᓕᖅᑎᑦᑎᔪᓐᓇᓚᐅᖅᑐᖅ ᐃᓕᑕᖏᓐᓂᒃ ᓇᖕᒥᓂᖅ ᓂᔾᔭᐅᑎᖏᓐᓂ ᐊᒻᒪᓗ ᐃᓕᓐᓂᐊᒃᑲᓐᓂᖅᖢᓂ YouTube tutorials-ᑯᑦ, ᖃᕋᓴᐅᔭᒃᑯᑦ ᑎᑎᕋᖅᑕᐅᓯᒪᔪᑦ ᐊᒻᒪᓗ ᑕᕐᕆᔮᒃᓴᑦ ᓴᓇᔭᐅᔪᑦ ᐊᓯᖏᓐᓄᑦ ᓴᖅᑭᑎᑦᑎᔨᓄᑦ. ᒨᓇᔅ ᖁᕕᐊᓱᙱᖦᖢᓂ ᐃᓕᑦᑎᕝᕕᒋᔭᒥᓄᑦ, ᐅᓐᓄᐊᒃᑯᑦ ᓂᑲᒍᓱᒃᖢᓂ ᑐᓴᑦᑎᐊᕋᓱᒃᑕᒥᓂᒃ. ᐃᓚᐅᖃᑕᐅᓪᓗᓂ ᑐᓴᐅᒪᖃᑎᒌᖕᓂᒃᑯᑦ ᖃᓄᐃᓕᐅᕈᑎᓄᑦ ᐱᓕᕆᐊᒃᓴᓄᓪᓗ, ᒨᓕᐊᔅ ᑲᑎᖃᑎᖃᕈᓐᓇᕐᖢᓂ ᐃᓄᖕᓂᒃ ᐃᑲᔪᕈᓐᓇᖅᑐᓂᒃ ᓂᔾᔭᐅᓯᔭᕐᓂᕐᒧᑦ ᐃᖏᕐᕋᑎᓪᓗᒍ. ᐃᓕᑉᐸᓪᓕᐊᓂᕆᔭᖓᑦ ᓂᔾᔭᐅᓯᔭᕐᓂᕐᒧᑦ ᐃᖅᑲᓇᐃᔮᓂ ᓴᓇᔪᓐᓇᖅᓯᕙᓪᓕᐊᓪᓗᓂ.

ᐃᓚᖓᑦ ᐊᒃᓱᕈᕈᑎᒋᕙᑦᑕᖓ ᓇᒻᒥᓂᖅ ᐱᓕᕆᕙᑦᑐᓂ, ᓴᓇᓪᓗᓂ ᓵᓚᓂᒃ, ᑲᑎᑎᕆᓂᕐᒥᒃ, ᑎᑎᕋᕐᓂᕐᒥᒃ, ᑭᓱᓕᒫᓂᒃ ᓴᖅᑮᓇᓱᐊᖅᑐᓂ ᐃᓐᖏᐅᓯᕐᒥᒃ, ᐊᓪᓛᑦ ᖄᖓᓄᑦ ᓴᓇᐅᒐᐅᑉ ᐊᒻᒪᓗ ᐊᐅᓚᑦᑎᓪᓗᓂ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒻᒥᒃ. ᐃᒻᒥᓂᒃ ᐊᐅᓚᑦᑎᔪᖅ ᐊᒻᒪᓗ ᓯᐊᒻᒪᒋᐊᖃᖅᓯᒪᓪᓗᓂᐅᒃ ᑕᐅᑐᓪᓗᐊᑕᖅᑕᖓ ᐊᔾᔨᒌᖏᑦᑐᓄᑦ ᐃᓂᐅᔪᓄᑦ.

ᐊᓯᐊᑎᒍᑦ ᐊᒃᓱᕈᕐᓇᖅᑑᓯᒪᔪᖅ ᓂᔾᔭᐅᓯᔭᕐᓂᕐᒧᑦ ᐃᖅᑲᓇᐃᔮᖓᓂ ᓇᓂᓯᓯᒪᔪᖅ ᐃᓂᐅᔪᓂᑦ ᐱᓕᕆᕕᒃᓴᓂᑦ ᐊᐅᓚᑦᑎᔨᖃᙱᓪᓗᓂ ᐅᕝᕙᓘᓐᓃᑦ ᑭᒡᒐᖅᑐᐃᔨᖃᙱᓪᓗᓂ ᑲᓲᑎᓗᒍ. ᓴᖅᑮᓇᓱᐊᕐᒪᑦ ᓴᖅᑭᔮᕐᓂᖅᓴᐅᓂᐊᖅᑐᒥᒃ ᐃᓄᐃᑦ ᐃᑲᔪᖅᑕᐅᓂᖅᓴᐅᓂᐊᕐᒪᑕ. ᓇᑭᙶᖅᓯᒪᒻᒪᖔᖅ ᖃᓄᐃᓕᐅᕈᓘᔭᖅᑐᖃᖃᑦᑕᕐᒪᑦ, ᖃᓄᐃᓕᐅᖅᑐᖃᕋᔪᑦᑐᓂ ᑕᖅᑭᑕᒫᑦ. ᒨᓂᐊᔅ ᐱᕕᒃᓴᖃᑦᑎᐊᓲᖅ ᐃᓅᖃᑎᒥᓂᒃ ᑲᑎᙵᖃᑎᖃᖅᖢᓂ, ᐃᓄᖕᓂᒃ ᑲᑎᙵᖃᑎᖃᖅᖢᓂ ᖃᓄᐃᓕᐅᖅᑎᑦᑎᔪᓂᒃ ᐊᒻᒪ ᐱᓕᕆᖃᑕᐅᓕᖅᐸᒃᖢᑎᒃ ᑕᐃᒫᒃ. ᐅᖃᐅᓯᖃᖅᑎᓪᓗᒋᑦ, ᒨᓂᐊᔅ ᑐᓂᔭᐅᓚᐅᖅᐳᖅ ᓴᖅᑭᑎᑦᑎᔨᒥᑦ ᐊᕐᕌᒍᒧᑦ ᑐᓐᓂᖅᑯᓯᐊᒥᑦ 2023−ᒥᑦ ᓄᓇᕐᔪᐊᒥᑦ ᓄᓇᖃᖅᑳᖅᓯᒪᔪᑦ ᕼᐋᑉ ᑐᓐᓂᖅᑯᓯᐊᖏᓐᓂᑦ ᓴᖅᑭᔮᖅᑎᑦᑎᑎᓪᓗᒋᑦ.

ᑐᓴᖅᑎᑦᑎᒍᓐᓇᕈᓂ ᒪᒃᑯᖕᓂᖅᓴᒧᑦ, ᒨᓂᐊᔅ ᐅᖃᕋᔭᖅᑐᖅ, "ᐃᓕᖕᓂᒃ ᑕᖅᑲᐅᖓᒃᑲᓐᓂᕐᓗᑎᑦ. ᑕᐅᑐᓪᓗᐊᑕᕐᓗᒍ ᐱᔭᕇᑦᑎᐊᕋᓱᒃᓗᒍ ᐱᓕᕆᐊᒃᓴᑎᑦ. ᐊᑲᐅᓐᖏᓪᓕᐅᕈᑎᖃᑐᐃᓐᓇᕐᓗᑎᑦ. ᐃᓕᖕᓂᒃ ᑲᒪᒋᑦᑎᐊᕐᓗᑎᑦ. ᐅᖃᐅᑎᒍᓐᓇᖅᑐᖓ ᒥᓕᐊᒐᓴᓐᓂᒃ, ᑭᓯᐊᓂᓕ ᐱᓗᐊᖅᑐᒥᒃ, ᐃᓕᓐᓂᒃ ᑕᖅᑲᐅᖓᖅᑎᑦᑎᓗᖓ ᐊᒻᒪᓗ ᐅᑉᐱᕈᓱᓪᓗᑎᑦ ᖃᓄᐃᓕᐅᕐᓂᐊᕐᒪᖔᖅᐱᑦ, ᐱᑦᔪᑎᒋᓪᓗᒍ ᐊᕗᖓᐅᔨᒃᑲᓐᓂᕈᓐᓇᕋᕕᑦ. ᑕᑯᓯᒪᔭᕋ ᑕᐃᒪᐃᑎᓪᓗᒍ."

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ ᖃᓄᐃᙱᑦᑎᐊᕐᓂᖓᓗ ᐅᐸᒍᑎᓂᒃᑯᑦ ᖁᕕᐊᓲᑎᖃᕐᓂᕐᓂ, ᖃᐅᔨᔭᐅᔪᖅ ᒪᒥᓴᕐᔪᐊᕐᓂᖓᓂᒃ ᐱᐅᔪᒥᒡᓗ ᐋᖅᑭᒋᐊᕋᓱᒃᓗᓂ. ᓯᓂᒃᑕᕆᐊᕈᒪᔪᖅ ᐊᒻᒪᓗ ᐃᓚᐅᖃᑦᑕᓕᓚᐅᖅᑐᖅ ᒪᒥᓴᐃᓂᕐᒧᑦ ᐊᐅᓚᑦᑎᓂᐊᕐᓗᓂ ᐃᓱᒪᒥᓂᒃ "ᓈᒻᒪᒋᔭᖏᑦ". ᐊᑐᖅᓯᒪᔭᖓ ᐊᓯᔾᔨᖅᓯᒪᔪᖅ ᑕᐅᑐᒃᑕᖓᒍᑦ ᒪᒥᓴᕐᓂᕐᒥ ᐊᒻᒪᓗ ᑎᓕᐅᕆᓪᓗᓂ ᐃᓄᖕᓂᒃ ᐱᓇᓱᒃᓗᑎᒃ, ᓂᕆᐅᒃᓗᑎᒃ ᑕᓗᕈᒃᑯᑎᔪᓐᓇᕐᓗᑎᒃ ᓇᓂᓯᓗᑎᒃᓗ ᓄᑖᓂᒃ ᐊᑐᒐᒃᓴᓂᒃ ᓇᖕᒥᓂᖅ ᑲᒪᒋᓗᑎᒃ. ᐸᓂᖓ ᐱᖃᑎᒋᓪᓗᒍ ᖁᕕᐊᒋᑦᑎᐊᖅᑕᖓ, ᖁᔭᓕᔾᔪᑎᒋᓪᓗᓂᐅᒃ ᐃᓱᒪᑐᓂᖓ, ᓴᓇᑐᓂᖓ ᐊᒻᒪ ᑎᔅᓯᓈᕿᓂᖓ. ᑕᑯᔪᒻᒪᕆᐅᕗᖅ ᐸᓂᒻᒥᓂᒃ.

ᒧᓃᔅ ᑲᔪᖏᖅᓴᐃᕗᖅ ᐃᖅᑲᓇᐃᔮᖓᑦ ᓴᐃᒻᒪᖅᓴᐃᔨᐅᖕᒪᑦ ᑐᓐᓂᖅᑯᓯᐊᖅᖢᓂᓗ, ᐃᓅᓯᖓᓂ, ᐃᓱᒪᒋᔭᒥᓂᒃ ᐊᒻᒪ ᐊᑐᖅᓯᒪᔭᒥᓂᒃ ᓄᓇᕐᔪᐊᕐᒧᑦ ᑕᑯᔪᓐᓇᖅᓯᓪᓗᓂᐅᒃ ᐅᐸᓚᐅᖅᓯᒪᙱᑕᒥᓂᒃ. ᐃᖅᑲᓇᐃᔮᖓᒍᑦ, ᒨᓂᐊᔅ ᐊᒥᓱᓂᒃ ᐱᕕᒃᓴᖃᖅᓯᒪᔪᖅ ᐊᒻᒪᓗ ᐃᑲᔪᖅᓯᒪᔪᖅ ᐃᓅᓯᖓᓂ ᐱᓕᕆᑦᑎᐊᕐᓂᕐᒧᑦ. ᖃᐅᑕᒫᑦ ᐃᓅᓯᕆᕙᒃᑕᒥᓂᒃ, ᐃᓱᒪᒋᕙᒃᑕᒥᓂᒃ ᐃᓅᓯᕆᓚᐅᖅᑕᒥᓂᒡᓗ ᐊᑐᖃᑦᑕᖅᓯᒪᔭᒥᓂᒃ ᐱᔪᒃᓯᑎᑦᑎᓕᖅᐸᒃᐳᑦᑕᐅᖅ.

ᓂᑲᒍᓱᒃᑐᒻᒪᕆᐅᓪᓗᓂ ᓴᓇᙳᐊᖅᓯᒪᔭᖓᓄᑦ, ᑯᕆᔅᑎᐊᓐ−ᔮᓐ ᒪᓐᔭᔅ, CJAY GRiZ, ᓵᓚᒋᑦᑎᐊᖅᑕᖓ ᐊᒻᒪ ᐃᓅᓯᕆᓛᖓ ᐃᓅᓯᕆᓚᐅᖅᑕᖓᓂ. ᖁᔭᓕᓂᖅ, ᐊᒃᑐᐊᓂᖃᕐᓂᖅ ᐊᒻᒪ ᓇᖕᒥᓂᖅ ᖃᐅᔨᔪᒪᓂᖓ ᐃᓕᑦᑎᒃᑲᓐᓂᕈᒪᓪᓗᓂ, ᐃᖅᑲᓇᐃᔮᖅᑖᕈᓐᓇᖅᓯᒪᔪᖅ ᐊᒻᒪ ᐅᖃᓕᒫᒐᖃᕐᕕᖕᒥᑦ ᓂᔾᔭᐅᑎᓂᑦ ᑭᒡᒐᖅᑐᐃᓪᓗᓂ ᑭᓇᐅᓂᕐᒥᓂᒃ ᐃᓅᓪᓗᓂ ᑐᓴᖅᑎᑦᑎᓪᓗᓂᓗ ᑕᐅᑐᒃᑎᖏᓐᓄᑦ ᓇᒧᙵᐅᒐᓗᐊᕈᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.