"ᐹᐱᓂᐊᓐ ᓴᖅᑭᑦᑎᕗᖅ ᐊᖅᑯᑎᒃᓴᒥᑦ ᐃᓕᖕᓄᑦ," ᑳᓂ ᑯᓪᕼᐊᕕ, ᐱᕈᖅᓴᓚᐅᖅᑐᖅ ᕼᐊᐃ ᕆᕗᒥᑦ ᓄᓇᑦᑎᐊᒥᑦ. ᐃᓅᓂᑰᓪᓗᓂ ᒥᑎᔅᒧᑦ ᐊᓈᓇᐅᓪᓗᓂ ᐊᑖᑕᒋᔭᐅᓪᓗᓂᓗ ᓄᓇᕋᕐᔪᐊᒧᑦ, ᐊᑖᑕᖓ ᐃᖃᓗᒐᓱᒃᖢᓂ ᐊᖑᓇᓱᒃᖢᓂᓗ ᖃᑕᙳᑎᖏᓪᓗ ᓄᓇᖃᖅᖢᑎᒃ ᓄᓇᒥ." ᓱᓕ ᐱᒋᐊᖅᑎᑦᑎᔨᐅᖅᑰᔨᔪᖓ ᐃᓕᖅᑯᓯᑦᑎᓐᓂ ᖃᐅᔨᒪᔭᓐᓂᓗ," ᖁᖓᖦᖢᓂ. ᐃᓕᖅᑯᓯᑐᖃᕐᒥᒃ ᐃᓕᓐᓂᐊᖅᓯᒪᔪᖅ, ᑭᓯᐊᓂ ᐃᓄᑑᓪᓗᓂ ᐱᓕᕆᓚᐅᖅᓯᒪᙱᑦᑐᖅ. "ᑕᒪᕐᒥᑦᑎᐊᖅ ᑖᒃᑯᐊ ᖃᐅᔨᒪᔨᑕᑦ ᐱᓯᒪᓚᐅᖅᑕᒃᑲ ᑖᒃᑯᐊᓗ ᐃᓄᑦᑎᐊᕙᐃᑦ ᐃᑲᔪᓚᐅᖅᑐᑦ ᐅᕙᓐᓂᒃ," ᖁᖓᖦᖢᓂ.

ᐃᓱᒪᓪᓗᓂ ᐃᓕᓐᓂᐊᕐᕕᐊᕈᓯᕐᒧᑦ ᐃᒃᐱᒍᓱᒃᖢᓂ ᑎᓕᐅᕆᓂᕐᒥᒃ ᐃᓕᓴᐃᓗᓂ ᓱᓕᔪᒥᒃ ᐊᑐᕐᓂᑯᓂᑦ ᒥᑎᕐᓄᑦ ᐃᓄᖕᓄᑦ, ᐃᖅᑲᐅᒪᔪᖅ ᑲᙳᓲᑎᒋᓵᖅᑕᖓ ᑐᓵᓪᓗᒍ ᐃᓕᓴᐃᔨ ᐅᖃᓕᒫᕐᓗᓂ ᓂᐱᖅᑯᖅᑐᔪᒥᒃ ᕿᒥᕐᕈᐊᒐᕐᒥ ᖃᓄᖅ ᓗᐃ ᕆᐅᓪ ᐊᔪᕆᖅᓱᐃᔨᐅᓚᐅᕐᒪᖔᑦ ᑲᓇᑕᒥ. "ᐅᕙᓐᓂᒃ ᐱᕈᖅᓯᐊᖃᓚᐅᖅᑐᖅ ᐊᒻᒪ ᑕᑯᔭᕆᐊᖃᓚᐅᖅᖢᒍ ᑭᓇᐅᓂᑦᑎᓐᓂ ᓱᓕᔪᒥᑦ ᑐᓴᖅᑎᑦᑎᔭᕆᐊᖃᓚᐅᖅᐳᖓ," ᓈᓴᐃᒃᑲᓐᓂᖅᖢᓂ. ᒫᓐᓇ ᐃᐊᑦᒪᓐᑕᓐᒥ ᓄᓇᖃᓕᖅᑐᖅ, ᑰᕼᐊᕕ ᐃᓕᓴᐃᕗᖅ ᐱᐅᓯᕆᔭᐅᕙᓚᐅᖅᑐᓂᒃ ᐊᒻᒪ ᐃᓕᖅᑯᓯᕐᒥᓂᒃ ᐃᓕᓐᓂᐊᕐᕕᖕᓂ ᐊᒻᒪ ᓴᓇᙳᐊᖅᑎᐅᓪᓗᓂ ᐊᖏᕐᕋᖅᓯᒪᓪᓗᓂ.

ᓯᕗᓪᓕᖅᐹᒥ ᓅᓚᐅᖅᓯᒪᔪᖅ ᐃᐊᑦᒪᓐᑕᓐᒧᑦ 17-ᒥ ᐊᒻᒪᓗ ᐅᖃᓕᒫᓚᐅᖅᑐᓂ ᐅᖃᓕᒫᒐᕐᒥᒃ ᑕᐃᔭᐅᔪᒥᒃ ᕼᐋᓪᕝᐳᕐᑦ ᒪᕆᐊ ᑳᒻᐳᒧᑦ, ᐃᒻᒥᓂᒃ ᑕᑯᓚᐅᖅᑐᖅ ᐊᒻᒪᓗ ᐱᔪᒥᓵᕆᒃᑲᓐᓂᓕᓚᐅᖅᑐᖅ. ᐃᓕᓐᓂᐊᕐᕕᖕᒧᑦ ᐅᑎᓚᐅᖅᑐᖅ ᐊᓂᒍᐃᓪᓗᓂ ᐊᑭᓕᖅᓱᖅᑕᐅᙱᖦᖢᓂᓗ ᐃᓕᓴᐃᓪᓗᓂ ᖃᓪᓗᓈᑐᑦ ᐊᐃᑉᐸᕆᓪᓗᓂᐅᒃ ᐅᖃᐅᓯᐅᓪᓗᓂ, ᐃᓄᖕᓂᒃ ᑲᑎᖃᑎᖃᖅᖢᓂ ᐊᔾᔨᒌᙱᑦᑐᓂᒃ ᐃᓕᖅᑯᓯᖃᑎᒌᙱᑦᑐᓂᑦ ᐊᒻᒪ ᐅᓂᒃᑳᒥᓂᒃ ᓈᓚᒃᐸᒃᖢᓂ. ᐃᓕᓐᓂᐊᖅᑎᖏᑦ ᑲᓇᑕᐅᑉ ᓯᓚᑖᓂᙶᖅᓯᒪᓚᐅᖅᐳᑦ ᐅᕝᕙᓘᓐᓃᑦ ᕿᒫᓪᓗᑎᒃ ᐃᓕᑦᑎᓪᓗᓂᓗ ᖃᓄᖅ ᐱᒻᒪᕆᐅᑎᒋᖕᒪᖔᑕ ᐅᓂᒃᑳᖅᑐᐊᑦ.

ᑭᖑᓂᐊᒍᑦ, ᑲᑎᑎᑕᐅᓪᓗᓂ ᐅᐃᕖᑎᑐᑦ ᐊᒻᒪᓗ ᓅᖦᖢᓂ ᑯᐸᐃᒃ ᓯᑎᒧᑦ, ᐃᓕᓐᓂᐊᖅᖢᓂ ᐅᖃᓪᓚᒍᓐᓇᕐᓂᕐᒥᒃ ᐅᖃᐅᓯᕐᒥᒃ ᐃᓕᑦᑎᓂᒃᑯᑦ ᐊᕐᕌᒍᑦ 9 ᐅᖓᑖᓄᑦ. ᐸᓂᖏᑦ ᐱᕈᖅᓴᔭᐅᓚᐅᖅᑐᑦ ᐊᖏᕐᕋᖓᓂ ᐊᑖᑕᖓ ᐅᐃᕖᑎᑐᑦ ᐅᖃᓪᓚᒃᖢᓂ ᐊᓈᓇᖓᓗ ᖃᓪᓗᓈᑎᑐᑦ ᐅᖃᓪᓚᒃᖢᓂ. 2000-ᒥ, ᓅᓚᐅᖅᓯᒪᔪᑦ ᓇᓇᐃᒧᒧᑦ ᐊᒻᒪᓗ ᕿᓂᖃᑦᑕᓕᓚᐅᖅᑐᖅ ᐱᓕᕆᒃᑲᐅᓂᖅᓴᓂᒃ ᐊᖏᕐᕋᖅᓯᒪᓕᕋᒥ ᐊᓈᓇᐅᓪᓗᓂ.

ᐃᓕᓐᓂᐊᕐᕕᖕᒧᐊᕐᖢᓂ ᓄᓇᖃᖅᑳᖅᓯᒪᔪᓄᓪᓗ ᐃᓕᓴᐃᔨᑦ ᐊᖓᔪᖅᑳᖓᓄᑦ ᐅᖃᐅᔾᔭᐅᓪᓗᓂ ᐱᔭᕆᐊᖃᕐᓂᕋᕐᖢᓂ ᑭᓇᒥᑭᐊᖅ ᑕᖅᑭᓄᑦ ᐊᕐᕕᓂᓕᖕᓄᑦ (6) ᐃᖅᑲᓇᐃᔭᓕᖅᑎᑕᐅᓂᐊᕐᓗᓂ. ᑯᓪᕼᐊᕕ ᐃᓕᑦᑎᓚᐅᖅᑐᖅ ᑲᔪᖏᖅᓴᐃᔨᒥᑦ, ᐱᐅᓛᖅ ᓄᓇᓕᖕᓂᑦ. ᐊᔪᕈᓐᓃᖅᓴᒐᒃᓴᓄᑦ ᐱᕙᒌᔭᕐᓂᖅ ᑲᔪᓯᑎᑦᑎᓂᕐᓗ ᐋᖅᑭᒃᓱᐃᓂᕐᒧᓪᓗ ᐊᔪᕈᓐᓃᖅᑕᐅᕙᒃᑐᑦ ᐃᓚᒋᓚᐅᖅᑕᖏᑦ ᐃᓕᓚᐅᖅᑕᒥᓂᒃ ᐃᖅᑲᓇᐃᔭᖅᑎᑕᐅᓕᓚᐅᖅᑳᕋᓂ.

ᐱᓕᕆᖃᑎᖃᖅᖢᓂ ᐱᖓᓱᓂᒃ ᐅᐃᕖᑦ ᐃᓕᓐᓂᐊᕐᕕᖏᓐᓂᒃ ᐊᒻᒪ ᐊᑕᐅᓯᕐᒥᒃ ᐅᐃᕖᑦ ᐃᓕᓐᓂᐊᕐᕕᖓᓂᒃ ᐱᓇᓱᐊᕈᓯᑕᒫᑦ, ᐃᓕᑦᑎᕚᓪᓕᕐᓇᖅᑐᒻᒪᕆᐅᓚᐅᖅᐳᖅ ᓱᓕᓗ ᐃᓕᑦᑎᓇᓱᒃᖢᓂ ᐱᐅᓯᕆᕙᓚᐅᖅᑕᖏᓐᓂᒃ ᐊᒻᒪ ᐃᓕᖅᑯᓯᖓᓐᓂᒃ. ᖁᕕᐊᒋᔭᖃᓚᐅᖅᑐᖅ ᐱᓕᕆᖃᑎᖃᕆᐊᔅᓴᖅ ᐃᓕᓐᓂᐊᖅᑎᓂᑦ, ᐸᕐᓇᐃᓂᕐᒥᑦ, ᑲᑐᔾᔨᓂᕐᒥᑦ ᐊᒻᒪ ᐃᓕᓐᓂᐊᓂᕐᒥᑦ ᐱᖅᑯᓯᕐᒥᑦ. ᐊᕐᕌᒍᑦ 8 ᐊᓂᒍᖅᑎᓪᓗᒋᑦ, ᐃᓕᓐᓂᐊᖅᑕᐅᔪᒃᓴᓄᑦ ᐱᓕᕆᓚᐅᖅᓯᒪᕗᖅ ᐊᕕᒃᑐᖅᓯᒪᔪᓂ.

ᑕᐃᒪᓕ, ᐃᓱᒪᒥᑎᒍᑦ ᐱᓕᕆᑲᑕᓚᐅᕐᖢᓂ, ᐆᒻᒪᑎᒥᓂᒃ ᐊᒡᒐᒥᓂᒡᓗ ᐱᓕᕆᖃᑎᖃᕈᒪᓕᓚᐅᖅᑐᖅ. ᐱᖃᓐᓇᕆᔭᖅᑖᓚᐅᖅᑐᖅ ᐊᓪᓚᖓᔪᓕᐅᖅᑎᒥᒃ ᐊᒻᒪᓗ ᑐᓂᔭᐅᓪᓗᑎᒃ ᐊᐱᖅᓱᕐᓂᕐᒧᑦ ᐊᓪᓚᖓᔪᓂᒃ ᐳᕆᑎᔅ ᑲᓚᒻᐱᐊᒥ ᐃᓕᖅᑯᓯᖏᑕ ᐱᐅᓯᖏᓐᓂᒃ. ᐅᐸᓚᐅᖅᑐᑦ ᐃᓐᓇᑐᖃᐃᑦ ᑲᑎᑎᓪᓗᒋᑦ ᐊᒻᒪᓗ ᑲᑎᖃᑎᖃᖅᑐᑎᒃ ᐃᓅᓕᓴᐅᑎᓕᕆᔨᒥᒃ ᐊᓪᓚᑦᑐᐃᕕᒻᒥ ᑕᐃᔭᐅᔪᒥᒃ ᑭᐊᓕ ᑕᓯᖅ ᐃᓅᓕᓴᐅᑎᓂᒃ ᑐᓂᓯᓚᐅᖅᑐᖅ ᑐᖅᓲᒻᒥᒃ ᓇᐹᖅᑐᒥᒃ.

ᐊᒡᒐᒥᓄᑦ ᐃᓕᓪᓗᓂᐅᒃ ᐊᒻᒪᓗ ᑐᒃᓯᐅᑎᓪᓗᓂᐅᒃ, ᖃᐅᔨᒪᓚᐅᖅᑐᖅ ᐃᓅᓯᖓ ᐊᓯᔾᔨᕐᓂᐊᓕᕐᒪᑦ. ᐅᑎᓚᐅᖅᑎᓪᓗᒍ ᓇᓇᐃᒧᒧᑦ, ᐱᖃᓐᓇᕆᔭᖏᑦ ᐊᔪᕆᖅᓲᑎᕙᓚᐅᖅᑕᖏᑦ ᒥᖒᑎᖦᖢᓂᐅᒡᓗ ᑲᑕᒃᖢᓂᓗ ᓇᒡᓕᒍᓱᒃᖢᓂ ᑐᖅᓲᒃ ᓇᐹᖅᑐᓂᒃ. ᐱᖃᑎᐊᓗᒐᑦᑕᐅᖅ ᐆᒻᒪᑎᒥᓂᒃ ᑐᓂᓯᓪᓗᓂ ᐊᒻᒪᓗ ᐃᓚᖏᑦ ᐊᓐᓄᕋᐃᑦ ᖀᖅᓱᒐᖏᑦ ᐊᒻᒪᓗ ᖃᓄᐃᓕᐅᕆᐊᒃᓴᖅ ᓇᓗᓪᓗᓂ. 

Metis-ᑯᑦ ᖁᕕᐊᓲᑎᖃᖅᑎᓪᓗᒋᑦ, ᐃᓕᓐᓂᐊᓚᐅᖅᑐᖅ ᓴᐸᖓᓕᕆᓂᕐᒥᒃ ᒍᕋᒍᕆ ᔅᑯᕕᐅᓪᑦᒥᑦ, poet, ᑎᑎᕋᖅᑎ, ᐃᓕᓴᐃᔨᒻᒪᕆᒃ ᐊᒻᒪ ᐃᓕᓴᐃᔨ ᓴᐸᖓᓕᕆᓂᕐᒧᑦ. ᐊᔪᕈᓐᓃᖅᓴᓚᐅᖅᑐᖅ ᐃᓕᑕᒥᓂᒃ ᐊᒻᒪᓗ ᓴᐸᖓᓕᐅᖃᑦᑕᓕᖅᖢᓂ ᐆᒻᒪᑎᒥᒍᑦ ᑐᙵᕕᖃᖅᖢᓂ ᐅᓂᒃᑳᖅᑐᐊᓂᒃ ᐃᓄᖕᓄᑦ ᐅᓂᒃᑳᖃᑦᑕᓚᐅᖅᑕᖓᓂᒃ, ᓴᖅᑭᑦᑎᓪᓗᓂ ᐃᓕᖅᑯᓯᑎᒍᑦ ᐱᓕᕆᓂᐅᔪᓂᒃ ᓇᓗᓇᐃᒃᑯᑕᕐᓄᑦ ᓲᕐᓗ ᑲᑎᑎᑕᐅᔪᓄᑦ ᐅᕝᕙᓘᓐᓃᑦ ᐃᓗᕕᕐᓄᑦ. ᓂᐅᕐᕈᑎᖃᖃᑦᑕᓚᐅᕐᒥᔪᖅ ᓴᓇᐅᒐᕐᓂᒃ ᑕᑯᔭᒐᖃᕐᕕᖕᓂ ᐊᒻᒪ ᑕᑯᔭᒐᖃᕐᕕᖕᓂ. 

ᖁᕕᐊᒋᔭᖃᓚᐅᖅᑎᓪᓗᒍ ᓴᓇᙳᐊᖅᑎᐅᓂᕐᒥᑦ, ᖃᐅᑕᒫᑦ ᐆᑦᑐᖃᑦᑕᖅᑐᖅ. ᓄᖅᑲᓚᐅᖅᑐᖅ ᐃᖅᑲᓇᐃᔮᒥᓂᒃ 2015−ᒥᑦ ᓴᓇᙳᐊᖅᑕᒥᓂᒃ ᐱᓇᓱᐊᖅᖢᓂ ᐅᓪᓗᓕᒫᖅ. ᐊᑦᑕᕐᓇᕐᓂᖓ ᐊᑭᓕᖅᑕᐅᔪᖅ ᐊᒻᒪ ᑯᓪᕼᐊᕕ ᐱᓕᕆᓂᖅᓴᐅᓯᒪᔪᖅ ᑕᐃᒪᙵᓂᑦ. ᑎᓕᐅᕆᔪᒪᑦᑎᐊᖅᑐᖅ ᐃᓄᖕᓂᒃ ᐆᒃᑐᕋᐅᑎᖃᖁᓪᓗᒋᑦ ᓇᖕᒥᓂᖅ ᐱᔪᒪᔭᖏᓐᓂᒃ. "ᐊᔾᔨᒌᙱᑦᑐᓂᒃ ᐆᒃᑐᕐᓂᖅᓴᐅᒍᕕᑦ, ᐊᖅᑯᓯᐅᕈᓐᓇᕐᓂᖅᓴᐅᓂᐊᖅᐳᑎᑦ ᐊᒻᒪ ᖃᓄᖅ ᐃᓕᖕᓄᑦ ᐅᖃᓪᓚᒍᓐᓇᕐᒪᖔᖅᐱᑦ... ᑕᒪᒃᑯᐊ ᖁᕕᐊᒋᑦᑎᐊᕈᕕᒋᑦ, ᐊᒻᒪᓗ ᐃᖅᑲᓇᐃᔭᕈᕕᑦ ᐃᓂᒋᔭᕆᐊᖃᖅᑕᕐᓂᑦ, ᑭᓱᑐᐃᓐᓇᐃᑦ ᐃᖏᕐᕋᓂᖅᓴᐅᓕᓲᑦ," ᓂᑲᒍᓱᑦᑐᖅ.

ᐃᓅᓯᖅ ᐊᑦᓱᕈᓐᓇᖅᑐᖅ, ᑭᓯᐊᓂ ᐃᖅᑲᓇᐃᔭᕈᓐᓇᖅᑐᖅ ᐅᑉᐱᕈᓱᓐᓂᕐᒥᑦ ᓇᒦᒋᐊᖃᕋᓗᐊᕋᒥ. ᖁᔭᓕᖃᑦᑕᖅᑐᖅ ᐊᒻᒪᓗ ᑲᑎᖃᑎᖃᖅᐸᒃᖢᓂ ᐊᓯᒥᓂᒃ ᐱᓕᕆᓂᐊᕐᓗᓂ ᐃᓅᓯᐅᑉ ᐊᒃᓱᕈᕐᓇᕈᑎᒋᕙᒃᑕᖏᓐᓂᒃ, ᓲᕐᓗ ᖃᑕᙳᑎᒥᓂᒃ ᐅᖓᓯᒃᑎᓪᓗᒍ ᑯᐸᐃᖕᒥ ᐊᒻᒪᓗ ᖃᐅᔨᒪᙱᖦᖢᓂ ᐅᖃᐅᓯᕐᒥᒃ. ᑕᒪᓐᓇ ᐱᓕᕆᓂᐅᔪᖅ ᐃᑲᔪᓚᐅᖅᐳᖅ ᐃᒃᐱᒋᔭᖃᑦᑎᐊᕐᓂᕐᒥᒃ ᐊᑐᖃᑦᑕᖅᓯᒪᓂᕐᒥᒡᓗ ᐃᓕᑦᑎᖃᑦᑕᐅᑎᓂᕐᒥᒃ.

ᑭᖑᒧᑦ ᑕᑯᓪᓗᓂ, ᐃᓕᓐᓂᐊᖏᓐᓇᖁᔨᓚᐅᖅᑐᖅ ᐃᓕᓐᓂᐊᖅᓯᒪᓂᖅᓴᐅᓪᓗᓂᓗ ᐊᒻᒪ ᑲᑐᔾᔭᐅᓪᓗᓂ ᑭᓇᐅᓂᕐᒥᓂᒃ ᐊᓪᓚᖓᓪᓗᓂ. ᐊᒃᓱᕈᖅᑐᓂ ᐱᓕᕆᔪᖅ ᑕᒪᓐᓇ ᐊᓯᑦᔨᕋᓱᐊᖅᑐᒍ ᒫᓐᓇᐅᔪᖅ ᐃᓕᓐᓂᐊᖅᑎᑦᑎᖃᑦᑕᕐᒪᑦ ᓴᓇᙳᐊᕐᓂᕐᒥᒃ ᐃᓕᓐᓂᐊᕐᕕᐅᔪᓂᒃ.

ᐋᖅᑭᐅᒪᑏᓐᓇᕋᓱᒃᓗᒍ ᑲᒪᒋᑦᑎᐊᕐᓗᒍᓗ ᐃᓱᒪᖓ, ᓄᖅᑲᖓᓚᐅᑲᒐᓱᓲᖅ ᓄᖅᑲᕐᖢᓂᓗ ᐊᑲᐅᖖᒋᓕᐅᕌᖓᑦ. ᑕᐃᒃᑯᐊ ᓄᖅᑲᖓᓚᐅᑲᖕᓂᖅ ᐃᑲᔪᓲᑦ ᐆᒻᒪᕆᑦᑎᐊᕐᓂᕐᒥᒃ ᐃᖅᑲᓇᐃᔮᖓᓄᑦ, ᐱᓱᔪᖕᓂᐊᕐᓗᓂ, ᐊᓂᖅᑎᕆᑦᑎᐊᕐᓗᓂ ᓯᓚᒦᓪᓗᓂ ᐅᕝᕙᓘᓐᓃᑦ ᐃᒡᓚᑲᑕᒃᓗᓂ ᐃᓄᖕᓄᑦ ᐊᖕᒪᓗᖅᓯᓯᒪᔪᓂ. ᓴᖅᑭᑦᑎᓂᖅ ᐱᐅᓂᖅᓴᓂᒃ ᑭᒡᓕᒋᔭᐅᓂᐊᖅᑐᓂᒃ ᐱᒻᒪᕆᐅᓯᒪᕗᖅ ᐱᓕᕆᐊᒃᓴᖏᑦ ᐊᐅᓚᑕᒃᓴᐅᖁᓪᓗᒋᑦ. ᐱᓐᓇᕆᔭᕆᐊᖃᓚᐅᖅᑕᖓ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ ᖃᓄᐃᙱᑦᑎᐊᕐᓂᖓᓗ ᐱᓗᐊᙱᖦᖢᓂ ᑕᐃᒪᐃᖃᑦᑕᓚᐅᕐᒪᑦ ᐃᖅᑲᓇᐃᔭᖅᑎᓪᓗᒍ ᐅᐃᕖᑎᑐᑦ ᐃᓚᐅᖃᑕᐅᓂᕐᒥ ᐅᐃᕖᓪᓗ ᐃᓕᓐᓂᐊᕐᕕᖏᓐᓂ. ᒫᓐᓇ, ᐱᕕᖃᖅᑎᑦᑎᖃᑦᑕᓕᖅᑐᖅ ᖃᑕᙳᑎᖏᓐᓂ, ᐱᖃᓐᓇᕆᔭᖏᓐᓂ, ᓴᒡᓗᕿᑦᑎᓂᕐᓂ, ᐅᖃᓕᒫᕐᓂᕐᓂ, ᐃᖃᐃᓕᓴᕐᓂᕐᓂᒃᓗ ᓇᒡᓕᒍᓱᖕᓂᕐᒥ ᐃᖕᒥᖕᓄᑦ ᐊᓯᒥᓄᓪᓗ.

"ᐃᓛᓐᓂᒃᑯᑦ ᐊᖑᒻᒪᑎᓕᖃᑦᑕᕋᑦᑕ ᐱᓕᕆᐊᕆᔭᑦᑎᓐᓄᑦ. ᐳᐃᒍᖅᐳᒍᑦ ᐃᓅᓯᑦᑎᓐᓂ ᐊᓕᐊᓇᐃᒋᔭᖃᕐᓂᑦᑎᓐᓂ."

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᐊᔾᔨᒌᙱᑦᑐᓂᑦ ᐱᓇᓱᐊᖅᖢᓂ. "ᐃᓛᓐᓂᒃᑯᑦ ᐆᒃᑐᖃᑦᑕᖅᑕᑎᑦ... ᑕᒪᒃᑯᐊ ᐊᓯᖏᓐᓄᑦ ᐃᖏᕐᕋᔾᔪᑕᐅᓕᕐᓂᐊᖅᑐᑦ ᐊᒻᒪ ᐱᔪᒃᓯᓐᓇᕐᓗᑎᒃ ᐃᖏᕐᕋᑎᑉᐸᓪᓕᐊᓗᒋᑦ," ᒪᓂᒪᑎᑉᐸᒃᑕᖏᑦ. ᐱᔪᒃᓯᑎᑕᐅᕙᒃᐳᖅ ᓄᑲᖅᖡᑦ ᐃᓕᓐᓂᐊᕐᕕᖕᒥᒃ ᐊᕐᕌᒍᓕᖕᓄᑦ ᓄᑕᖅᑲᓄᑦ ᐱᓯᒪᔭᐅᕙᙱᑦᑐᓄᑦ ᑲᑉᐱᐊᓱᖕᓂᕐᒥᓄᑦ ᐊᔪᓕᕋᔭᕐᓂᕐᒥᓂᒃ. ᑯᓚᕼᐊᕕ ᐃᓕᓐᓂᐊᖅᑎᓂᒃ ᖃᐅᔨᒪᖁᔨᕗᖅ ᖃᓄᐃᙱᓐᓂᖓᓂᒃ ᑲᔪᓯᙲᓐᓇᕆᐊᒃᓴᖅ.  "ᓴᓇᙳᐊᖅᑎᐅᓪᓗᖓ ᑕᐃᒪᐃᓕᐅᓲᖑᔪᖓ. ᐊᔪᓕᐃᓐᓇᖃᑦᑕᖅᑐᖓ. ᑭᓯᐊᓂ ᐱᓕᕇᓐᓇᖅᑕᕋ," ᑲᔪᓯᔪᖅ. ᑕᒻᒪᕐᓃᑦ ᐊᒃᓱᕈᕐᓇᖅᑐᓪᓗ ᐃᓕᑦᑎᔾᔪᑕᐅᕙᒃᐳᑦ ᐃᓕᑦᑎᕙᓪᓕᐊᕙᒃᖢᓂᓗ ᖃᐅᑕᒫᑦ.

ᓲᖃᐃᒻᒪ, ᖁᕕᐊᒋᔭᖃᕐᓂᖅ ᐊᖅᑯᑕᐅᓚᐅᖅᑐᖅ ᑖᔅᓱᒧᖓ. ᑳᓂ ᑯᓪᕼᐊᕕ ᓱᓕ ᐃᒃᐱᒍᓱᒃᑐᒃᓴᐅᔪᖅ ᐱᒋᐊᓕᓵᖅᑐᑎᑐᑦ ᐃᓕᖅᑯᓯᖓᒍᑦ ᖃᐅᔨᒪᓂᖓᓂᒡᓗ ᑭᓯᐊᓂ ᐃᓄᑑᓪᓗᓂ ᐃᓕᑦᑐᐃᑦᑑᙱᖦᖢᓂ. ᐊᐅᓪᓚᐅᔾᔨᔨᖃᑦᑐᓂ ᐊᒻᒪᓗ ᐃᓄᑦᑎᐊᕙᓐᓂᒃ ᐃᑲᔪᕐᓂᐊᖅᑐᓂᒃ ᑕᐅᕗᙵᖅᐸᓪᓕᐊᑎᓪᓗᒍ, ᑕᐃᒪᐃᒐᓱᐊᖅᑐᖅᑕᐅᖅ ᐊᓪᓚᐃᑦ ᐃᓕᓐᓂᐊᖅᑎᖏᓐᓄᑦ ᐅᓪᓗᒥ. ᓄᑖᒥᒃ ᐱᓪᓚᕆᙳᐊᓕᐅᕋᓱᐊᖅᑐᖅ ᐃᓕᓐᓂᐊᖅᑐᓕᕆᓂᕐᒥᒃ, ᓴᖅᑮᓪᓗᓂ ᑭᒡᒐᖅᑐᐃᓂᕐᒥᒃ ᐱᔭᕆᐊᖃᖅᑕᒥᓂᒃ ᐊᒻᒪᓗ ᐅᖃᐅᓯᖃᖅᑐᓂ ᐱᐅᓂᖓᓂᒃ ᐱᐅᓯᕆᓯᒪᔭᖓᓂᒃ ᐊᒻᒪᓗ ᐱᐅᓯᑐᖃᖓᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᒪᑦ ᑕᒪᑐᒥᖓ.