ᓅᒃᔅ ᓕᓐᑎᐅᓪ ᐊᔪᓐᖏᑎᐊᖅᑐᖅ ᐅᑭᐅᖅᑕᖅᑐᒥᒃ. ᓕᓐᑎᐅᓪ, ᐊᕐᕕᐊᓂᑦ, ᓄᓇᕗᒻᒥ, ᐃᓅᓪᓗᓂ ᑎᑎᖅᑐᒐᖅᑎ ᐊᒻᒪ ᓯᕗᓕᐅᖅᑎᐅᓪᓗᓂ ᑎᑎᖅᑐᒐᖅᑎᐅᓪᓗᓂ ᕼᐊᓈᓂ ᑎᑎᖅᑐᒐᖅᑎᒃᑯᓐᓄᑦ, ᐃᓄᐃᑦ ᑎᑎᖅᑐᒐᖅᑎᖓ. ᐃᖅᑲᓇᐃᔭᕐᒥᔪᖅ ᐆᒪᔪᓕᕆᔨᐅᓪᓗᓂ ᓄᓇᕗᑦ ᒐᕙᒪᒃᑯᖏᓐᓄᑦ, ᖃᐅᔨᓴᖅᑐᑎᒃ ᑐᑦᑐᓂᒃ ᐊᒻᒪᓗ ᐅᒥᒻᒪᓂᒃ.

ᕼᐃᓈᓂ ᓴᓇᓯᒪᔪᖅ, ᓕᓐᑎᐅᓪ ᐅᖃᖅᑐᖅ ᐱᖓᓱᓪᓗ ᐊᓯᖏᑦ (ᐱᖃᑎᖓ, ᐱᖃᓐᓇᕆᔭᖓ, ᐊᒻᒪ ᐃᓪᓗᐊᕐᔪᖓ) ᐱᒋᐊᓚᐅᖅᑐᑦ ᐱᔪᒪᓂᖃᖅᑐᐃᓐᓇᐅᓂᖏᓐᓄᑦ ᐃᓄᐃᑦ ᐃᓕᖅᑯᓯᖓᓂᑦ ᐃᓱᒪᑦᓱᑎᓪᓗ ᖃᐅᔨᒋᐊᕈᓐᓇᕆᐊᖏᓐᓂᑦ ᐊᓯᖏᓐᓄᑦ ᐃᓄᓐᓄᑦ ᑕᑯᑦᓴᐅᑎᑦᓯᓂᕐᒥᑦ "ᐃᓄᐃᑦ ᐅᐱᒍᓱᓐᓂᖏᓐᓂᑦ."

"ᐱᒋᐊᓵᖅᑎᓪᓗᒍ, ᖃᐅᔨᒪᓪᓚᕆᓚᐅᙱᑦᑐᒍᑦ ᐊᑑᑎᖃᕐᓂᐊᕐᒪᖔᑦ ᐋᒃᑲᓘᓐᓃᑦ. ᖁᕕᐊᓇᑦᑎᐊᓚᐅᖅᑐᖅ ᐱᒋᐊᕆᐊᒃᓴᖅ, ᖃᐅᔨᓕᖅᖢᑕᓗ ᐱᔪᒪᔪᖃᓚᐅᖕᒪᑦ ᐃᓄᐃᓪᓗ ᐊᓐᓄᕌᓂᑦ ᓴᖅᑭᔮᖅᑎᑦᑎᔪᒪᒻᒪᕆᒃᖢᑎᒃ ᐃᓅᓂᖏᓐᓂᑦ," ᐅᖃᖅᑐᕕᓂᖅ ᓕᓐᑎᐅᓪ.

ᑕᒪᓐᓇ ᐱᒋᐊᖅᑎᑕᐅᓚᐅᖅᓯᒪᔪᖅ ᐊᕐᕌᒍᐃᑦ ᐊᒥᓲᙱᑦᑐᑦ ᓈᓕᖅᑐᑦ ᐊᒻᒪᓗ ᑕᒪᓐᓇ ᐱᓕᕆᐊᕆᕙᑉᐸᐅᒃ ᓱᓕ ᐅᓪᓗᓕᒫᖅ ᐃᖅᑲᓇᐃᔮᖃᕐᒪᑕ.

"ᐱᓕᕆᐊᒃᓴᓕᒻᒪᕆᐊᓘᖕᒪᑦ, ᑭᓯᐊᓂ ᓇᒡᓕᒋᔭᕗᑦ ᖃᐅᔨᒪᓪᓗᑕᓗ ᐱᐅᔪᒥᒃ ᐊᒃᑐᐃᓂᖓᓂᒃ, ᑕᐃᒪᐃᒻᒪᑦ ᐅᓄᖅᑐᓂᒃ ᐱᔾᔪᑎᑕᖃᖅᐳᖅ ᑲᔪᓯᑏᓐᓇᕋᓱᒃᓗᒍ ᐱᕈᖅᑎᑉᐸᓪᓕᐊᓗᒍᓗ."

ᐱᒋᐊᕐᓂᖓᓂ ᓇᒻᒥᓂᖃᕐᓂᐅᑉ, ᓕᓐᑎᐅᓪ ᐅᖃᓚᐅᖅᑐᖅ "ᓲᕐᓗ ᓴᓇᙳᐊᒐᖅᑎᑐᑦ" ᐊᒻᒪᓗ ᑕᑯᔪᒪᓪᓗᓂ ᐱᔪᓐᓇᕋᔭᕐᒪᖔᖅ, ᐱᖓᓱᑦ ᑎᑎᕋᐅᔭᖅᑏᑦ ᐱᖃᓯᐅᑎᓪᓗᒍ ᓕᓐᑎᐅᓪ ᓇᒻᒥᓂᖃᖅᑎᐅᓂᕐᒧᑦ ᐃᓕᓐᓂᐊᓚᐅᖅᑐᖅ ᑭᕙᓪᓕᕐᒥ ᑕᑯᒃᓴᐅᑎᑦᑎᓂᒃᑯᑦ, ᐅᓪᓘᓐᓂᒃ ᒪᕐᕉᓐᓂᒃ ᐱᖓᓱᓂᓪᓘᓐᓃᑦ.

ᐃᑲᔪᓚᐅᖅᑐᑦ, ᐊᒻᒪᓗ ᑲᑎᑦᑐᑎᒃ ᒪᕐᕉᓐᓂᒃ ᓇᒻᒥᓂᖃᕐᓂᕐᒥᒃ ᐃᓱᒪᖃᑦᑐᑎᒃ ᑭᓯᐊᓂᓕ ᐅᓪᓗᐃᑦ ᐊᒥᓲᖏᑦᑐᑦ ᐊᓂᒍᖅᑎᓪᓗᒋᑦ ᐃᓱᒪᑖᓚᐅᖅᑎᓪᓗᒋᑦ ᐃᓱᒪᒋᔭᖏᑦ ᐊᑦᔨᐸᓗᒋᓪᓗᓂᒋᑦ ᐊᒻᒪᓗ ᐱᖃᓐᓂᕆᔭᐃᓐᓇᕆᓚᐅᖅᑕᖏᑦ ᐱᓕᕆᖃᑎᒌᒍᒪᓚᐅᖅᑐᑦ. ᑕᐃᒪᓕ ᐃᓱᒪᓕᐅᓕᓚᐅᖅᑐᑦ ᕼᐊᓈᓂᒥᒃ, ᐊᒻᒪᓗ ᐃᓚᖏᑦ ᐅᐊᑦᑎᐊᕈᓐᓂᓴᕐᓂᒃ.

ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᐊᖏᕐᕋᒥᓂᒃ ᕿᒪᐃᔪᒪᓂᕐᒥᒃ ᐃᓕᓐᓂᐊᒃᑲᓐᓂᕐᓂᕐᒧᑦ, ᓕᓐᑎᐅᓪ ᐅᖃᖅᐳᖅ ᑎᓕᐅᕆᓪᓚᕆᖃᑦᑕᕐᓂᕋᖅᖢᓂ, ᑭᓇᑭᐊᖅ ᓄᑖᖑᒐᓗᐊᕈᓂ ᖁᑦᑎᖕᓂᖅᓴᒥᒃ ᐃᓕᓐᓂᐊᕐᕕᖕᒥ ᐅᕝᕙᓘᓐᓃᑦ ᐊᖓᔪᒃᖠᐅᒐᓗᐊᕈᓂ.

ᐅᖃᖅᖢᓂ ᐱᐅᓂᕋᐃᓪᓗᓂ ᐊᔾᔨᒋᙱᑕᖓᓂᒃ ᐃᓱᒪᑖᕐᓗᓂ ᑭᓱᑐᐃᓐᓇᓄᑦ, ᐊᖏᕐᕋᐃᓪᓗ ᕿᒪᒡᓗᒍ ᑐᑭᖃᙱᑦᑐᖅ ᓇᒡᓕᒋᙱᓪᓗᒍ ᐅᑎᔾᔮᙱᓚᕐᓘᓐᓃᑦ.

"ᐊᓯᐊᓄᐊᕐᓗᑎᑦ, ᐊᓯᐊᓂᖔᖅ, ᐊᔾᔨᒌᙱᑦᑐᓂᒃ ᐃᓄᖕᓂᒃ ᐱᖃᑎᖃᕐᓗᓂ, ᐃᓕᓐᓂᐊᕐᔪᐊᕐᓂᐊᖅᐳᑎᑦ, ᐊᒻᒪ ᓄᓇᔅᓯᓐᓂ ᐱᓕᕆᖃᑦᑕᕐᓂᑰᓗᑎᑦ, ᓄᓇᔅᓯᓐᓂ ᐃᓕᓐᓂᐊᑦᑎᐊᕐᓂᐊᖅᐳᑎᑦ," ᓕᓐᑎᐅᓪ ᐅᖃᖅᑐᖅ.

ᐅᖃᕆᓪᓗᓂᓗ ᐃᓄᐃᑦ ᖁᔭᓕᑐᐃᓐᓇᕆᐊᖃᕐᓂᖏᓐᓂᒃ ᓇᑭᙶᖅᓯᒪᓂᕐᒥᓂᒃ, ᐊᒻᒪ ᑕᐃᒪᐃᓚᐅᖅᓯᒪᒋᓪᓗᓂ ᐋᑐᕚᒥ ᓄᓇᖃᖅᑎᓪᓗᒍ ᒪᒃᑯᒃᑐᒥᓂ.

ᑭᓯᐊᓂ ᐊᓪᓛᑦ ᓕᓐᑎᐅᓪ ᐊᐳᖅᑕᕈᑎᖃᖅᓯᒪᒻᒥᔪᖅ ᐅᓪᓗᒥ ᓇᒦᓕᕐᒪᖔᖅ.

ᓕᓐᑎᐅᓪ ᐅᖃᖅᑐᓂ ᓅᕋᑖᓚᐅᖅᑎᓪᓗᒍ ᐋᑐᕚᒧᑦ 8-ᓂᒃ ᐊᑖᑕᒥᓂᒃ ᐃᓅᔪᓐᓃᓚᐅᕐᒪᑦ ᐊᒻᒪᓗ ᐊᑐᖅᑐᓂ ᓴᓇᐅᒐᕐᓂᒃ ᐃᑲᔪᕋᓱᐊᖅᑐᓂ ᑕᐃᒃᓱᒪᓂᐅᑎᓪᓗᒍ, ᑎᑎᕋᐅᔭᖅᑐᓂ ᐃᑲᕐᕋᒐᓵᓗᓐᓂᒃ ᐊᒻᒪᓗ ᐃᑲᕐᕋᓂᒃ "ᓄᓇᕐᔪᐊᒧᑦ" ᑕᑯᔭᕆᐊᖃᕈᓐᓃᖅᑐᓂ.

ᐃᓐᓇᕈᖅᐸᓪᓕᐊᓪᓗᓂ, ᓕᓐᑎᐅᓪ ᐅᖃᖅᖢᓂ ᓅᓚᐅᕐᓂᕋᖅᖢᓂ ᐋᖓᔮᕐᓇᖅᑐᓄᑦ ᐃᒥᐊᓗᖕᓄᓪᓗ ᐃᑲᔪᕈᒪᓪᓗᓂ ᕿᒫᑎᖦᖢᒍ ᓴᖅᑭᑎᑦᑎᓪᓗᓂᓗ ᐱᐅᙱᑦᑐᒥᒃ ᐃᓅᓯᖃᕐᓂᕐᒥᒃ ᓇᖕᒥᓂᖅ.

ᐃᑲᔪᖅᑕᐅᓪᓗᓂ ᐱᖃᓐᓈᒥᓄᑦ ᐃᐊᒪᒧᑦ, ᐃᒥᖃᑦᑕᕈᓐᓃᓚᐅᖅᑐᖅ ᐊᑐᖃᑦᑕᓕᕐᖢᓂᓗ ᓴᓇᐅᒐᓂᑦ ᐊᑐᒐᒃᓴᐅᙱᖦᖢᓂ ᕿᒪᒃᓯᔭᕆᐊᒃᓴᖅ.

"ᐊᔪᓕᖅᓯᒪᒍᕕᑦ ᑭᓱᒥᑭᐊᖅ, ᓄᖅᑲᕋᓱᒃᓗᓂ, ᓲᕐᓗ ᐅᐃᕆᓯᒪᓕᕆᐊᖃᖅᑰᔨᒐᕕᑦ ᐊᓯᐊᓄᑦ. ᑕᐃᒪᐃᓕᐅᓚᐅᖅᑐᖓᓗ ᑎᑎᕋᐅᔭᖅᖢᖓ, ᑎᑎᕋᐅᔭᖅᖢᖓ, ᐊᒻᒪ ᑕᑯᒥᓴᐅᑎᓕᐅᖃᑦᑕᓕᓚᐅᖅᑐᖓ," ᓕᓐᑎᐅᓪ ᐅᖃᖅᑐᖅ.

ᐅᖃᖅᑐᓂ ᓯᕗᓪᓕᕐᒥ ᐊᔪᕐᓂᕋᑦᑐᓂᐅᒃ ᐊᒻᒪᓗ ᓴᐱᓕᑲᓴᑦᑐᓂ ᓯᕗᓪᓕᖅᐹᒥ ᐅᓗᓕᐅᖅᑐᓂ, ᑭᓯᐊᓂ ᐊᓂᖓ ᑎᓕᐅᕆᖏᓐᓇᖅᐸᓚᐅᖅᑐᖅ ᐊᒻᒪᓗ ᓕᓐᑎᐅᓪ ᓄᖅᑲᖓᑎᑦᑕᐃᓕᓗᒍ. ᐱᔭᕇᓚᐅᖅᑐᖅ ᑭᓯᐊᓂ ᖁᕕᐊᒋᓪᓚᕆᓚᐅᖏᑕᖓ, ᐊᒻᒪᓗ ᐊᐱᕆᒃᑲᓐᓂᓚᐅᖅᑐᖅ ᐃᑲᔪᖅᑕᐅᔪᒪᓪᓗᓂ ᐃᓚᒥᓄᑦ.

"ᐋᖓᔮᖅᖢᖓ ᐱᓕᕆᑲᑕᒃᑲᒪ, ᐃᓚᒥᓄᑦ ᐃᑲᔪᖅᑕᐅᔪᒪᓗᐊᖃᑦᑕᙱᖦᖢᓯ. ᐊᑦᑕᖕᓄᑦ ᐊᒃᑲᖕᓄᓪᓗ ᖃᐅᔨᒋᐊᖅᐸᙱᓪᓗᑎᑦ. ᐅᖃᖃᑎᒋᕙᙱᑕᑎᑦ. ᑕᐃᒪᓐᓇᓗ ᓴᙱᔪᒻᒪᕆᐅᓪᓗᓂ ᐱᓕᕆᓪᓗᓂ ᐊᒡᒐᒃᑲ ᐃᓄᖃᖅᑏᓐᓇᕋᓱᒃᓗᒋᑦ, ᐃᓱᒪᒐ ᐃᓄᖃᕐᓗᓂ, ᑭᓯᐊᓂᑦᑕᐅᖅ ᐃᓚᐅᑎᑦᑎᒃᑲᓐᓂᕐᖢᓂ ᐃᓕᖅᑯᓯᓐᓂ."

ᑭᓱᑐᐃᓐᓇᕐᓗᑭᐊᖅ ᐅᖃᐅᑎᔪᓐᓇᕈᓂᐅᒃ ᒪᒃᑯᖕᓂᖅᓴᖅ ᐃᖕᒥᓂᒃ ᐊᓯᖏᓐᓂᒃᓘᓐᓃᑦ ᒪᒃᑯᒃᑐᒥᒃ, ᓇᓂᓯᓇᔭᖅᑐᖅ ᑭᓇᒥᑭᐊᖅ ᐅᖃᖃᑎᖃᕈᓐᓇᖅᑐᒥᒃ ᑭᓱᒥᑭᐊᖅ − ᐃᓅᒐᓗᐊᖅᐸᑦ ᖃᑕᙳᑎᖕᓂ, ᐱᖃᓐᓇᕆᔭᕐᓂᒃ, ᐱᓕᕆᔨᒻᒪᕆᐅᓗᓂᓘᓐᓃᑦ.

ᓕᓐᑎᐅᓪ ᐅᖃᖅᑐᖅ ᐅᖃᖃᑎᖃᖅᖢᓂ ᐊᒃᑲᒥᓂᒃ ᐊᔾᔨᒐᓚᖓᓂᒃ ᐊᑐᖅᓯᒪᔪᖅ ᐃᑲᔪᕐᔪᐊᓚᐅᖅᑐᖅ ᑕᒪᒃᑮᓄᑦ. ᐅᖃᕆᓪᓗᓂᓗ ᐊᒃᓱᕈᓗᐊᕈᓂ ᐃᒃᐱᒋᔭᖏᑦ ᓴᖅᑭᑎᓐᓇᓱᒃᖢᒋᑦ ᑲᙳᓲᑎᒋᙱᓪᓗᒋᓪᓗ.

"ᐃᓗᐊᓂ ᐱᕈᖅᐸᓪᓕᐊᑎᓪᓗᒋᑦ ᐊᑦᑕᕐᓇᖅᑑᕗᖅ ᐊᒻᒪ ᐃᓱᒪᒃᑯᑦ ᓱᕋᐃᕐᔪᐊᕈᓐᓇᖅᖢᓂ, ᑎᒥᒃᑯᑦ. ᓴᓐᖏᓂᓕᒻᒪᕆᐊᓘᒻᒪᑦ. ᐊᔪᕐᓇᖅᑐᖅ, ᑭᓯᐊᓂ ᖃᐅᔨᓚᐅᖅᑐᖓ ᐅᖃᖃᑎᒋᓪᓗᒋᑦ ᐊᒃᑲᒃᑲ ᐅᖃᖃᑎᒋᓪᓗᒋᓪᓗ ᖃᑕᙳᑎᒃᑲ, ᓴᙱᓂᖅᑕᖃᖅᑐᖅ ᐃᓕᖅᑯᓯᑦᑎᓐᓂ," ᐅᖃᖅᑐᖅ ᓕᓐᑎᐅᓪ.

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.

ᔪᓚᐃ 2022−ᒥ ᓄᑖᙳᕆᐊᖅᓯᒪᔪᖅ: ᓅᒃᔅ ᐅᓪᓗᓕᒫᖅᑕᓕᖅᑐᖅ ᐊᑕᑖ (ᐊᑖᑕ) ᐱᖓᓱᓄᑦ ᓄᑕᖅᑲᓄᑦ ᐊᒻᒪ ᐅᓪᓘᑉ ᐃᓚᐃᓐᓇᖓᓄᑦ ᓴᓇᙳᐊᖅᑎᒧᑦ! ᖃᐅᔨᒋᐊᕐᓗᒍ Hinaani Design here.