"ᐃᓚᖓ ᐅᔾᔨᕆᓚᐅᖅᑕᕋ ᐃᓅᓯᓐᓂ ᐃᒃᐱᒍᓱᒃᑎᓪᓗᖓ ᐊᖅᑯᑎᑦᑎᐊᕙᒃᑰᖅᑎᓪᓗᖓ, ᑐᕌᑦᑎᐊᓕᖅᑎᓪᓗᖓ, ᑭᓱᑐᐃᓐᓇᑦ ᐃᓂᖏᓐᓄᐊᖅᐸᓪᓕᐊᓕᕋᔭᕐᒪᑕ... ᐃᒡᓗᖔᖓ ᓱᓕᔪᓐᓇᕐᒥᔪᖅ, ᑕᐃᒪᐃᓕᐅᕐᓂᐊᕈᕕᑦ ᐱᔭᕆᐊᖃᙱᑕᕐᓂᒃ, ᑭᓱᑐᐃᓐᓇᑦ ᐊᔪᕐᓇᖅᓯᕙᓪᓕᐊᕌᕐᔪᒍᓐᓇᖅᐳᑦ, ᓈᓚᒃᐸᒃᖢᑎᒡᓗᑕᐅᖅ," ᐅᖃᐅᓯᖃᖅᐳᖅ Dahti Tsetso−ᒥᒃ. ᑎᖪᐊᑦ ᐊᓪᓚᖓ ᐊᒻᒪ ᕗᐊᑦ ᓯᒻᑉᓴᓐ ᓄᓇᖃᖅᑐᖅ, ᓄᓇᑦᓯᐊᕐᒥ. ᐃᖅᑲᓇᐃᔭᓚᐅᖅᓯᒪᔪᖅ ᑎᓱ ᐊᓪᓚᓄᑦ ᐊᕐᕌᒍᓄᑦ 11-ᓄᑦ ᐊᒻᒪᓗ ᓯᕗᓪᓕᖅᐹᒥ, ᓄᓇᒥᐅᑕᓄᑦ ᐊᐅᓚᑦᑎᓂᕐᒧᑦ ᐊᐅᓚᑦᑎᔨᐅᓚᐅᖅᑐᖅ, ᐱᓕᕆᖃᑎᖃᖅᑐᓂ ᐃᓚᒋᔭᐅᔪᓂᑦ ᓄᓇᓕᓐᓂᑦ ᒪᓕᒐᓕᕆᓂᕐᒧᑦ ᐱᓕᕆᔾᔪᓯᖏᓐᓂᑦ. 

ᖃᖓᙳᖅᐸᓪᓕᐊᑎᓪᓗᒍ, ᑲᒪᒋᔭᒃᓴᕆᔭᖏᑦ ᐅᓄᖅᓯᒋᐊᓚᐅᖅᐳᑦ ᐃᓚᓕᐅᔾᔨᔪᒪᓪᓗᑎᒃ ᐋᔩᖃᑎᒌᖕᓂᕐᒥᒃ Edéhzhée Dehcho ᓴᐳᔾᔭᐅᓯᒪᔪᒥᒃ ᐃᓂᒥᒃ ᐋᖅᑭᒃᓱᐃᕙᓪᓕᐊᓂᕐᒥᒡᓗ ᑲᒪᔨᐅᓂᕐᒥᒃ ᑲᒪᔨᐅᓂᕐᒧᓪᓗ ᐱᓕᕆᐊᖑᕙᒃᑐᒥᒃ. ᐃᑲᔪᖅᑐᖅᑕᐅᓪᓗᓂ ᓄᓇᓕᖕᓂ ᓯᕗᓕᖅᑎᓄᑦ, ᐃᓐᓇᕐᓄᑦ ᒪᒃᑯᒃᑐᓄᓪᓗ, ᐱᕈᖅᓴᓚᐅᖅᑐᖅ ᐱᓕᕆᔨᒻᒪᕆᐅᓪᓗᓂ ᓴᖅᑭᑦᑎᓪᓗᓂᓗ ᑐᑭᒧᐊᒃᑎᑦᑎᔨᒥᒃ ᓄᓇᓕᕆᓂᖕᒧᑦ ᐊᑐᒐᒃᓴᓄᓪᓗ ᐱᓕᕆᐊᖓᓄᑦ ᑖᔅᓱᒧᖓ. ᕿᒪᐃᓚᐅᖅᑐᖅ ᑲᑐᔾᔨᖃᑎᒌᒥᒃ ᐃᓚᐅᖃᑕᐅᓪᓗᓂ ᓄᓇᖃᖅᑳᖅᓯᒪᔪᑦ ᓯᕗᓕᖅᑎᑦ ᐱᓕᕆᐊᖑᕙᓪᓕᐊᔪᒪᔪᓄᑦ. 

ᓄᑖᖅ ᐱᓕᕆᐊᖓ ᐊᑐᖅᓯᒪᔭᖓᑦ ᑎᓱ ᐊᓪᓚᓄᑦ ᐊᒻᒪᓗ ᐊᔪᕈᓐᓃᖅᑎᖦᖢᓂᒋᑦ ᓄᑖᒃᑯᑦ. "ᐱᓇᓱᐊᖅᑕᖓ ᑖᔅᓱᒪ ᑲᑐᔾᔨᖃᑎᒌᖑᔫᑉ ᑕᑯᒃᓴᐅᑎᑦᑎᓗᓂ ᑭᒡᒐᖅᑐᐃᓗᓂᓗ ᓄᓇᖃᖅᑳᖅᓯᒪᔪᑦ ᓯᕗᓕᖅᑎᖏᓐᓂᒃ ᐱᓗᐊᖅᑕᐃᓕᑎᑦᑎᓂᕐᒥ ᓴᖅᑭᔮᖅᑎᓪᓗᒋᓪᓗ ᑕᒪᒃᑭᑦ ᐆᒃᑑᑎᑦ ᑲᓇᑕᓕᒫᒥ ᒐᕙᒪᑐᖃᒃᑯᓐᓄᑦ ᐊᒻᒪ ᓇᖕᒥᓂᕆᔭᕐᓄᑦ ᑲᑐᔾᔨᖃᑎᒌᓄᑦ ᐃᑲᔪᕐᓗᒋᓪᓗ ᓂᐱᖃᕐᓗᑎᒃ ᖃᓄᐃᒻᒪᑦ ᐃᓄᖁᑎᕗᑦ ᑲᓇᑕᒥ ᐱᐅᓛᒦᒻᒪᖔᑕ ᐃᑲᔪᕐᓗᑎᒃ ᑲᒪᓂᕐᒥᒃ ᓄᓇᒥ ᐃᒪᕐᒥᒃᓗ. ᑕᒪᓐᓇ ᐊᓪᓗᕆᐊᕈᑎᑦᑎᐊᕙᐅᓯᒪᔪᖅ ᐊᔾᔨᒋᙱᑕᖓᓄᑦ ᐃᖅᑲᓇᐃᔮᒧᑦ ᑭᓯᐊᓂ ᐃᑲᔫᑎᑦᑎᐊᓚᐅᖅᑐᖅ ᐱᓕᕆᐊᕆᔭᓐᓄᑦ," ᓇᓗᓇᐃᖅᓯᓪᓗᓂ.

ᑎᐊᔅᑑ ᐱᔪᒪᓂᖃᑦᑎᐊᖅᑐᖅ ᐃᓄᐃᑦ ᐃᓕᖅᑯᓯᖓᓐᓄᑦ ᐃᓅᓯᖓᓄᓪᓗ. ᐱᔪᒃᓯᑦᑎᐊᖅᑐᖅ ᓇᓂᓯᓂᕐᒥᒃ ᐊᑐᒐᒃᓴᓂᒃ ᓴᙱᒃᑎᒋᐊᕐᓗᒍ ᓄᓇᓕᖓ ᐃᖕᒥᓂᒃᓗ. ᐱᕈᖅᐸᓪᓕᐊᓂᖅ, ᖃᓪᓗᓈᖑᖃᑎᒌᙱᑦᑐᑦ ᐊᒻᒪ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐱᔾᔪᑕᐅᓗᐊᙳᐊᖅᑐᑦ ᐅᖃᐅᓯᐅᓪᓗᐊᑕᖃᑕᐅᓚᐅᙱᑦᑐᑦ. "ᐃᖅᑲᐅᒪᔪᖓ ᐱᕈᖅᐸᓪᓕᐊᓪᓗᖓ ᓇᓗᓕᖅᓯᒪᕐᔪᐊᖅᑐᖓ ᑭᓇᐅᖕᒪᖔᕐᒪ. ᐅᖃᐅᓯᕋ ᓇᑲᑕᐅᓚᐅᕋᒪ, ᐊᓈᓇᑦᑎᐊᒃᑯᒪ ᐊᑖᑕᑦᑎᐊᒃᑯᖏᓐᓂᒃ ᐊᑖᑕᑦᑎᐊᒃᑯᓐᓃᙶᖅᖢᖓ, ᖃᓄᕈᓘᔮᓗᒃ, ᖃᓪᓗᓇᐅᔭᕈᓐᓇᙱᓐᓂᖏᓐᓄᑦ. ᐅᕙᓐᓂᒃ ᐊᓯᐅᔨᒐᔪᓚᐅᖅᑐᖓ ᒪᒃᑯᒃᑐᖁᑎᓕᒫᓐᓄᑦ," ᐃᖅᑲᐅᒪᔪᖅ. 

ᐃᓕᓐᓂᐊᕆᐊᖅᓯᒪᑎᓪᓗᒍ, ᑎᑎᕋᐅᔭᖅᑕᐅᓚᐅᖅᑐᖅ ᖃᐅᔨᓴᕐᓂᕐᒧᑦ ᑭᓯᐊᓂ ᖃᐅᔨᓚᐅᖅᑐᖅ ᑕᐃᒪᐃᒋᐊᖃᖏᓐᓂᖓᓂᒃ. ᓇᓂᓯᓚᐅᖅᑐᖅ ᑲᑎᖓᔪᒥᑦ ᐱᔭᕇᕈᓯᐊᕐᒥᑦ ᐱᓕᕆᐊᒥᑦ ᐃᓚᒋᔭᖃᖅᑐᓂᑦ ᓄᓇᖃᖅᑳᖅᓯᒪᔪᓂᑦ ᖃᐅᔨᓴᕐᓂᕐᒧᑦ ᐊᕙᑎᓕᕆᓂᕐᒧᓪᓗ ᖃᐅᔨᓴᕐᓂᕐᒧᑦ. "ᑕᐃᒫᒃ ᐱᒋᐊᕐᓂᖃᓚᐅᖅᑐᑦ ᑲᑎᑎᑦᓯᓂᕐᒥᑦ ᐄᔭᒐᕐᓂᑦ ᓇᓗᓇᐃᖅᓯᓂᕐᒥᓪᓗ ᓱᒻᒪᑦ ᑕᐃᒪᐃᓕᖓᓂᖏᓐᓂᑦ ᐊᒻᒪᓗ ᐱᒋᐊᕐᓂᑐᐃᓐᓇᖓᓂᑦ ᐅᐱᒍᓱᓐᓂᕐᒥᑦ ᑭᓇᐅᓂᑦᑎᓐᓂᑦ ᓄᓇᖃᖅᑳᖅᓯᒪᔫᓪᓗᑕ. ᓴᐱᓕᖅᓴᕋᐃᙱᑦᑐᒻᒪᕆᐅᒐᑦᑕ. ᓴᙱᔪᒻᒪᕆᐊᓗᐃᑦ ᐃᓄᐃᑦ," ᐊᓕᐊᓇᖅᑐᖅ. 

ᐃᓕᓐᓂᐊᖅᑎᓪᓗᒍ, ᑎᓱ ᑐᕌᒐᖃᓚᐅᖅᑐᖅ ᐱᓕᕆᐊᑦᓴᖏᓐᓂᑦ ᐃᓄᖁᑎᖏᓐᓄᑦ ᐃᓕᓐᓂᐊᑲᓐᓂᖅᓱᓂᓗ ᖃᓄᖅ ᐃᓕᓐᓂᐊᖃᑦᑕᕐᒪᖔᖅ ᐊᑦᑐᐊᓂᖃᖅᑐᓂᑦ ᓄᓇᓕᖓᓄᑦ. ᐃᑲᔫᑕᐅᔪᓐᓇᖅᑐᓄᑦ ᐊᐅᓚᑦᑎᔨ ᒪᑐᐃᖅᑎᓪᓗᒍ, ᓈᒻᒪᑦᑎᐊᓚᐅᖅᑐᖅ, ᓇᓕᒧᒌᒃᑎᓐᓇᓱᒋᐊᖃᖅᓯᒪᒐᓗᐊᕐᖢᓂᐅᒃ ᐊᖓᔪᖅᑳᖑᓂᖅ ᐱᑎᓪᓗᒋᓪᓗ ᓇᖕᒥᓂᖅ ᐱᔭᕆᐊᖃᖅᑕᖏᑦ ᐱᓕᕆᔨᒻᒪᕆᐅᓂᕐᒧᑦ ᐱᓇᔪᒃᑕᖏᓐᓂ. "ᐃᒃᐱᒋᑦᑎᐊᕋᒃᑯ ᖃᓄᑐᐃᓐᓇᖅ ᓈᒻᒪᒐᓱᒋᓪᓗᒍ ᑕᐃᒪᓐᓇ. ᑭᖑᒧᑦ ᑕᑯᓗᒍ, ᑐᑭᒧᐊᑦᑎᑕᐅᔫᔮᓚᐅᖅᑐᖅ ᖃᓄᑐᐃᓐᓇᖅ, ᐃᑲᔪᖅᑕᐅᓂᖃᓚᐅᖅᑐᖅ ᒫᓐᓇ ᓇᒦᓕᕐᒪᖔᕐᒪ. ᑕᒪᓐᓇ ᐃᓱᒪᒋᒐᔪᒃᑲᒃᑯ. ᖁᔭᓕᐃᓐᓇᐅᔭᖅᑐᖓ ᑕᒪᑐᒧᖓ," ᐅᖃᐅᓯᖃᖅᑐᖅ. 

ᐊᐅᓪᓚᕋᒥ ᐅᑭᐅᖅᑕᖅᑐᒥ ᐃᓕᓐᓂᐊᕆᐊᖅᑐᓂ ᐋᓪᕘᑕᒥ, ᐃᓚᐃᓐᓈᖅᑕᐅᕙᓚᐅᕐᒪᑦ ᐱᕈᓚᐅᕋᓗᐊᖅᑎᓪᓗᒍ ᐅᑭᐅᖅᑕᖅᑐᒥ. ᑎᓱᑦᑕᐅᖅ ᐊᒃᓱᕈᖃᑦᑕᓚᐅᕐᒥᔪᖅ ᐃᓄᑑᓗᐊᒧᑦ, ᐅᖓᓯᓗᐊᒧᑦ ᐊᖏᕐᕋᒥᓂᒃ. ᓴᙱᔪᒥᑦ ᐃᓅᖃᑎᒌᓐᓂᕐᒧᑦ ᐃᑲᔪᖅᑐᖅᑕᐅᓂᕐᒥᑦ ᐱᔭᕆᐊᑭᓪᓕᑎᑦᓯᓚᐅᖅᑐᖅ ᐊᑐᖅᑕᐅᓯᒪᔪᒥᑦ ᖃᐅᔨᓇᓱᐊᕐᓂᕐᒥᑦ ᓄᑖᒥᑦ ᓄᓇᕐᔪᐊᕐᒥᑦ ᐱᖃᓐᓇᕆᔭᖅᑖᕐᓂᕐᒥᓪᓗ. ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᐃᒪᐃᒃᑲᔭᖅᑐᖅ, "ᐃᓕᖕᓂᒃ ᐅᖃᐅᑎᓗᑎᑦ. ᐅᒃᐱᕈᓱᖕᓂᕋᕐᓗᑎᑦ ᐱᔾᔪᑎᖃᕐᓂᕐᓂᒃ ᐃᓅᓯᕐᓂ, ᑐᓐᓂᖅᑯᓯᐊᒃᓴᖃᕐᓂᕐᓂᒃ ᓇᒃᓴᕐᓂᐊᖅᑕᕐᓂᒃ ᓇᓄᕐᒧᑦ." 

"ᐃᓕᖕᓂᒃ ᐅᒃᐱᕆᓗᑎᑦ. ᐅᒃᐱᕈᓱᖕᓂᕋᕐᓗᑎᑦ ᐱᔾᔪᑎᖃᕐᓂᕐᓂᒃ ᐃᓅᓯᕐᓂ, ᑐᓐᓂᖅᑯᓯᐊᒃᓴᖃᕐᓂᕐᓂᒃ ᓇᒃᓴᕐᓂᐊᖅᑕᕐᓂᒃ ᓇᓄᕐᒧᑦ."

"ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖅ ᐱᒻᒪᕆᐊᓘᕗᖅ ᑲᔪᓯᓂᖃᑦᑎᐊᕐᓂᕐᓄᑦ. ᐱᔭᕆᐊᖃᖅᑕᑎᑦ ᐅᔾᔨᕆᑦᑎᐊᕆᐊᖃᖅᑕᑎᑦ."

ᐊᓯᖏᑦ ᑎᓴᑑ ᑲᔪᓯᑦᑎᐊᕐᓂᐊᓚᐅᖅᑐᑦ ᐸᕐᓇᓚᐅᖅᑐᑦ ᑮᓇᐅᔭᑎᒍᑦ ᐊᑦᑕᓇᐃᖅᓯᒪᓂᕐᒧᑦ, ᐊᒃᓱᕈᖅᑐᓂ ᐱᓕᕆᓪᓗᓂ ᐊᐅᔭᒃᑯᑦ ᑕᐅᑐᒐᖃᕐᓂᐊᕐᒪᑦ ᐃᓕᓐᓂᐊᖅᑕᒥᓂᒃ ᐊᕐᕌᒎᑉ ᐃᓗᐊᓂ. ᑎᐊᑦᓱ ᐱᓇᔪᓚᐅᖅᐳᖅ ᐃᓕᓐᓂᐊᕈᑎᒃᓴᖅᑖᕐᓂᕐᒧᑦ ᐊᐅᔭᒃᑯᑦ ᑮᓇᐅᔭᓕᐊᖏᑕ ᖄᒃᑲᓐᓂᐊᒍᑦ ᐊᒻᒪ ᑮᓇᐅᔭᓂᒃ ᐊᑐᖅᑐᒃᓴᓂᒃ ᓇᓗᓇᐃᖅᓯᖁᓪᓗᒍ ᑭᓱᓂᒃ ᐱᔭᕆᐊᖃᕐᒪᖔᑦ ᐊᕐᕌᒍᒥ ᐊᓂᒍᕋᓱᒃᑎᓪᓗᒍ. ᖃᐅᔨᒪᒋᐊᕐᓗᓂ ᐱᔭᕆᐊᖃᓪᓗᐊᑕᖅᑕᖏᑦ ᐱᔭᐅᓗᑎᒃ ᐱᔭᕆᐊᖃᒻᒪᕆᓚᐅᖅᑐᖅ. 

ᐱᕈᖅᓴᓪᓗᓂ ᐃᓄᒋᐊᓂ ᖃᑕᙳᑎᖏᓐᓂ, ᑎᓱᓯ ᑭᓇᑭᐊᖅ ᑲᑎᖃᑎᖃᕆᐊᖃᕐᖢᓂ ᐃᓄᖕᓂᒃ ᐊᑐᒐᔪᒃᑕᖓᒍᑦ ᖁᕕᐊᓱᖕᓂᖓᓄᑦ ᐱᖁᔨᓪᓗᓂᓗ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐊᖏᕐᕋᕐᓗᑎᒃ ᐃᓕᓐᓂᐊᕐᕕᖕᒧᑦ ᓈᓚᒃᓗᑎᒃ ᓇᖕᒥᓂᖅ ᐱᔭᕆᐊᖃᖅᑕᖏᓐᓂ ᓇᓂᓯᓗᓂᓗ ᐊᑐᒐᒃᓴᓂᒃ ᐱᕝᕕᒋᔪᓐᓇᕐᓗᒋᑦ. ᑲᑎᖃᑎᖃᕐᓂᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᑲᑎᙵᔪᓂ ᓯᓚᑦᑐᖅᓴᕐᕕᖕᒥ ᐱᖁᔭᐅᔪᖅ ᓇᓂᓯᓂᖓᓄᑦ ᓯᓚᑦᑐᖅᓴᕐᕕᒃᔪᐊᒥ ᐃᐅᓪᐴᑕᒥ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᑲᑎᒪᔨᖏᓐᓂ ᐃᑲᔫᑎᖃᖅᑐᖅ ᑕᐃᑲᓃᑎᓪᓗᒍ. ᖃᓄᕈᓘᔮᓗᒃ ᐊᒃᑐᐊᖃᑦᑕᐅᑎᓐᓇᕐᓗᒍ, ᐊᖏᕐᕋᒧᑦ ᑲᑎᙵᖃᑎᖃᐃᓐᓇᕐᓂᖅ ᐊᔪᕐᓇᕐᓂᖅᓴᐅᕗᖅ ᑕᐃᒪᐃᖃᑦᑕᓚᐅᕋᓗᐊᕐᒪᑦ. 

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᕐᓗ, ᑎᓱ ᐊᐅᓚᑦᑎᖅᑰᔨᔪᖅ ᐱᕕᖃᕐᓂᖓᓂᒃ ᐋᖅᑭᒃᓯᓗᓂᓗ ᓇᓕᒧᒌᒃᑐᒥᒃ ᐃᖅᑲᓇᐃᔭᕐᕕᖕᒥ ᐱᙳᐊᕐᓂᕐᒥᒃᓗ, ᐱᔭᕇᖅᓯᓗᓂ ᐱᔭᕆᐊᖃᖅᑕᖏᓐᓂ ᐱᓕᕆᔨᒻᒪᕆᐅᓗᓂ ᐱᕕᖃᕐᓂᕐᒥ ᖁᕕᐊᒋᔭᖏᓐᓂ. ᐊᔭᐅᖅᑐᐃᓂᖅ ᐱᓕᕆᐊᕆᓯᒪᖕᒪᒍ ᐊᓂᒍᐃᓇᓱᐊᖅᖢᓂ ᐊᒻᒪᓗ ᐊᑕᐅᓯᕐᒥᒃ ᓈᒻᒪᖕᓂᖃᙱᖦᖢᓂ ᑭᓱᑐᐃᓐᓇᑦ ᑲᔪᓯᑦᑎᐊᖁᓪᓗᒋᑦ ᑭᓯᐊᓂ ᖃᐅᔨᓚᐅᖅᑐᖅ ᐱᐅᓛᒥᒃ ᓇᖕᒥᓂᖅ ᑲᒪᒋᓗᓂ ᐃᒻᒥᓂᒃ ᑲᒪᒋᓗᓂ ᐊᒻᒪᓗ ᐱᓕᕆᔨᒻᒪᕆᐅᓗᓂ ᐅᕝᕙᓘᓐᓃᑦ ᐃᓕᓐᓂᐊᑦᑎᐊᕐᓂᒃᑯᑦ ᓇᓂᓯᓂᐊᕐᒪᑦ ᑲᔪᓯᑦᑎᐊᕐᓂᕐᒥᒃ ᐊᒻᒪᓗ ᐱᑦᑕᐃᓕᓂᕐᒥᒃ ᐱᖖᒋᓐᓂᕐᒥᒃ ᐱᙳᐊᕐᓂᕐᒥᒃ ᑕᐃᒪᙵᓕᒫᖅ. 

ᑲᔪᖏᖅᓴᐃᔭᕆᐊᖃᓕᕌᖓᑦ, ᑎᐊᓱ ᕿᑐᕐᖓᒥᓄᑦ ᑕᐅᑐᓕᓲᖅ. "ᐃᓱᒪᒌᓐᓇᐅᔭᖅᑕᒃᑲ ᖃᓄᐃᑦᑑᖕᒪᖔᑦ ᓄᓇᕐᔪᐊᖅ ᐃᓯᖁᖃᑦᑕᖅᑕᒃᑲ. ᓄᓇᕐᔪᐊᕐᒥᐅᖑᖁᔨᓪᓚᕆᒃᑲᓗᐊᖅᑐᖓ ᓴᓐᖏᔫᖁᓪᓗᒋᑦ ᑭᓇᐅᓂᖏᓐᓄᑦ, ᐅᕕᒃᑲᐅᓂᕐᓴᐅᔪᑦ ᐊᓪᓚᐃᑦ ᐊᒻᒪᓗ ᓇᓂᓯᓗᑎᒃ ᐃᖅᑲᓇᐃᔭᖑᔪᓂᒃ ᕿᒥᕆᕙᒃᑐᓂᒃ ᑭᓇᐅᓂᖏᓐᓂᒃ, ᑕᐃᒪᐃᒍᓐᓇᕐᓯᒪᒻᒥᒐᒪ. ᕿᑐᕐᖓᒃᑲ ᐊᒃᓱᐊᓗᒃ ᑐᓱᒋᔭᐅᑦᑎᐊᕋᒪ. ᐊᓈᓇᙳᕐᓂᖅ ᐊᓯᔾᔨᖅᑐᒃᓴᐅᔪᖅ ᓄᓇᕐᔪᐊᓕᒫᓐᓄᑦ ᑭᓱᓕᒫᓪᓗ ᐱᓕᕆᐊᕆᔪᒪᔭᒃᑲ ᐊᐅᓚᑕᐅᕐᔪᐊᖅᑐᑦ ᑕᐃᒃᑯᓄᖓ," ᓂᑲᒍᓱᒃᑐᖅ. 

ᐊᖅᑯᑎᑦᑎᐊᕙᖕᒧᑦ, ᑐᕌᑦᑎᐊᕐᖢᓂ, ᑭᓱᒃᑭᐊᖅ ᐃᓕᔭᐅᓪᓗᑎᒃ ᑖᑎ ᑎᓲᒧᑦ. ᑐᙵᕕᖃᖅᖢᓂ ᐃᓕᓐᓂᐊᖅᓯᒪᔭᒥᓂᒃ ᓄᓇᖃᖅᑳᖅᑐᓄᑦ ᐊᔪᕈᓐᓃᖅᓴᕐᓂᕆᔭᐅᔪᓄᑦ ᐊᕙᑎᓕᕆᓂᕐᒧᓪᓗ ᖃᐅᔨᓴᖅᑐᓕᕆᓂᕐᒧᑦ, ᑖᓐᓇ ᐃᖅᑲᓇᐃᔮᖃᖅᓯᒪᕗᖅ ᓄᓇᖃᖅᑳᖅᑐᓄᑦ−ᑲᔪᓯᑎᑕᐅᔪᓄᑦ ᓄᖑᕋᐃᓗᐊᖅᑕᐃᓕᒪᓂᕐᒧᑦ ᓯᕗᓕᖅᑎᐅᓂᕐᒧᓪᓗ. ᓇᓗᓕᕋᒥ ᑭᓇᐅᓂᕐᒥᓂᒃ, ᓇᓂᓯᓪᓗᓂ ᓄᑖᒥᒃ ᓴᙱᓂᖃᕐᓂᕐᒥᒃ ᖁᓱᙱᓐᓂᕐᒥᒃᓗ ᑭᓇᐅᓂᕐᒥᓂᒃ, ᓇᓃᑦᑕᕆᐊᖃᕐᒪᖔᑦ ᖃᓄᕐᓗ ᑲᒪᒋᔪᓐᓇᕐᒪᖔᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.