"ᐊᖏᕐᕋᐅᖏᓐᓇᕈᓐᓇᖅᑐᑎᑦ," ᑕᐃᐱ ᐅᖃᖅᖢᓂ. ᐅᖃᐅᓯᖃᓚᐅᖅᐳᖅ ᓇᒦᖃᑦᑕᖅᓯᒪᓂᕐᒥᓂᒃ ᐊᒻᒪ ᐊᑐᖅᓯᒪᔭᒥᓂᒃ. "ᓅᓚᐅᖅᓯᒪᕗᖓ ᓂᐅ ᔪᐊᒃ ᓯᑎᒧᑦ 9/11 ᐊᓂᒍᖅᑎᓪᓗᒍ. ᐅᓪᓗᖅ ᐊᓂᒍᖅᑎᓪᓗᒍ. ᒪᓐᑐᕆᐋᓪᒦᓚᐅᕋᒪ, ᓄᑖᒥᓪᓗ ᐃᓂᑖᓚᐅᖅᑐᖓ ᓅᓚᐅᖅᑐᖓ 9/12-ᒥ, ᐊᒻᒪᓗ ᐃᖅᑲᓇᐃᔭᓚᐅᖅᑐᖓ ᓲᒥ. ᑭᓱᓕᒫᓂᒃ ᑎᐱᖃᓚᐅᖅᑐᖓ, ᑎᐱᖃᓚᐅᖅᑐᖓ ᐃᑭᓐᓂᑯᓂᒃ ᐃᓪᓗᓂᒃ. ᐃᕐᓂᕐᒪ ᐊᒃᑲᖓ ᓴᓗᒻᒪᖅᓴᐃᓚᐅᕐᒪᑦ," ᐃᖅᑲᐅᒪᔪᖅ. 

ᑕᐃᐱ, ᑎᑎᖅᑐᒐᖅᑎ, ᐃᓅᓚᐅᖅᑐᖅ ᔨᐊᕗᕆ ᐳᕆᓐᑑ, ᐃᕐᖑᑕᖓ ᕿᒧᒃᓯᖅᑎᐅᔪᖅ ᓯᑏᕙᓐ ᐳᕆᓐᑑ. ᒍᕌᓐ ᕋᐱᑦᔅ,ᑕᐃᐱ ᒪᓐᑐᕆᐋᓪᒥ ᓄᓇᖃᖅᓯᒪᓕᖅᑐᖅ ᐊᕐᕌᒍᓄᑦ 20-ᓄᑦ. ᐱᕈᖅᓴᓚᐅᖅᑐᖅ ᐅᐃᓂᐹᒡᒥ ᓅᖦᖢᓂ ᕚᓐᑰᕗᒧᑦ, ᑳᓕᕗᐊᓂᐊᒧᑦ, ᓂᐅ ᔪᐊᒃᒧᑦ ᐊᖏᕐᕋᖅᑖᕋᒥ ᑭᓯᐊᓂ. ᐅᓪᓗᐱᐅᑉ ᓴᖅᑭᑕᖏᑦ ᑎᑎᖅᑲᑦ Slangblossom−ᒧᑦ ᐊᒻᒪ ᐃᓄᑑᓪᓗᓂ ᓴᓇᙳᐊᖅᑎᐅᓪᓗᓂ, ᑕᕐᕆᔮᒃᓴᓕᐅᖅᖢᓂ ᐊᒻᒪ ᐋᓐᓂᖅᑎᑦᑎᑦᑕᐃᓕᓪᓗᓂ. ᖃᐅᔨᒪᔪᒪᖕᒪᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᔪᓐᓇᕐᓗᑎᒃ ᐊᑦᑕᕐᓇᙱᑦᑐᓂᒃ ᐱᖁᑎᓂᒃ ᐱᖁᓪᓗᒍ ᐄᔭᒐᓗᐊᕐᓂᖅ, ᖃᓄᑐᐃᓐᓇᕐᓘᓐᓃᑦ ᐋᖓᔮᕐᓇᖅᑐᖅᑐᖃᑦᑕᕐᓂᖅ, ᖃᐅᔨᓴᖅᑕᐅᖏᓐᓇᕐᓗᓂ ᖃᓄᐃᙱᑦᑎᐊᕐᓗᓂ ᑕᒪᐃᓐᓄᑦ ᐃᓚᐅᖃᑕᐅᔪᓄᑦ.

ᑕᐃᐱ ᐱᒋᐊᓚᐅᖅᓯᒪᔪᖅ ᒪᓂᑐᑉᐸᒥ, ᓅᓚᐅᖅᑐᖅ ᕚᓐᑰᕗᒧᑦ ᐊᒻᒪᓗ ᐃᓕᓐᓂᐊᕐᕕᐊᓗᒻᒦᑦᑐᓂ ᑕᐃᑲᓂ. hip hop-ᒧᑦ ᐃᓯᓚᐅᖅᑐᖅ ᓇᓗᓇᐃᖅᓯᓪᓗᓂ ᑭᓇᐅᓂᕐᒥᓂᒃ ᖃᐅᔨᒐᒥ. ᑕᐃᐱ ᓂᐱᓕᐅᕆᓂᕐᒧᑦ ᐃᓕᓐᓂᐊᕐᕕᓕᐊᓚᐅᖅᑐᖅ ᕚᓐᑰᕗᒥ, ᖃᑯᑎᒃᑯᑦ ᑳᓕᕗᐊᓂᐊᓕᐊᖅᐸᒃᖢᓂ ᓂᔾᔭᐅᓯᔭᕆᐊᖅᑐᖅᖢᓂ. ᓂᕈᐊᓚᐅᖅᑐᖅ ᑐᓵᔾᔪᑎᓕᕆᓂᕐᒥᑦ ᓇᒻᒥᓂᖅ ᑎᑎᕋᕈᓐᓇᖅᓯᓂᐊᕐᒪᑦ ᓴᓇᙳᐊᕐᕕᒻᒥᑦ. ᑕᐃᒃᓱᒪᓂ, ᐊᖏᕐᕋᖏᓐᓂ ᑎᑎᕋᕈᓐᓇᓚᐅᓐᖏᒻᒪᑦ. ᓂᐱᓕᐅᕆᔨᕈᕈᒪᒍᓂ, ᐃᓕᒋᐊᖃᓚᐅᖅᑐᖅ ᖃᓄᖅ ᐊᑐᕈᓐᓇᕐᒪᖔᑦ ᐅᐊᔭᒨᖅᑐᓂᒃ. 

ᓄᑕᕋᐅᑎᓪᓗᒋᑦ, ᐅᓪᓗᐱ ᓂᔾᔭᐅᓯᔭᐃᓐᓇᖅᐸᓚᐅᖅᑐᖅ, ᕿᓚᐅᔾᔭᖅᖢᓂ ᖁᑦᑎᖕᓂᓕᒃ 2−ᒥᑦ ᑯᒃᑭᑕᐹᖅᖢᓂᓗ ᐅᑭᐅᖃᖅᖢᓂ 12−ᓂᑦ. ᐱᔪᒪᓂᖃᓚᐅᖅᑐᖅ ᑎᑎᕋᕐᓂᕐᒥᒃ, ᑐᓴᕐᓈᕐᓂᕐᒥᒃ, ᐊᒻᒪ ᑕᑯᒃᓴᐅᔪᓂᒃ. ᑕᐃᐱ ᓯᕗᓪᓕᖅᐹᒥ ᑮᓇᐅᔭᓕᐅᓚᐅᖅᑐᖅ ᓂᔾᔭᐅᓯᔭᖅᑎᐅᓪᓗᓂ ᒪᓐᑐᕆᐊᒥ. ᕙᓯᒃᑯᑦ ᐊᐅᓪᓚᕐᓂᖅ ᓂᐅ ᔪᐊᒃᒧᑦ ᓇᓂᓯᓪᓗᓂ ᐃᑯᓯᖕᓂᒃ ᓲᕐᓗ P Diddy, ODB−ᑯᑦ Wu-Tang Clan−ᒥ, ᑲᑎᖃᑎᖃᕐᓗᓂ ᓇᖕᒥᓂᖃᖅᑎᒥᒃ ᐹᓂ ᓂᐅ ᔪᐊᒃᒥ 5th Avenue−ᒥ. 

ᖃᐅᑕᒫᑦ ᑕᐃᒪᐃᖃᑦᑕᖅᑐᖅ, ᓂᐅ ᔪᐊᒃᒥ. ᑲᒪᓇᖅᑐᒻᒪᕆᐅᕗᖅ, ᓯᓐᓇᑦᑑᒪᒋᔭᓯ ᓱᓕᑦᑕᐅᑎᒋᕗᑦ.

ᑕᒪᒃᑯᐊ ᑲᒪᓇᖅᑐᑦ ᓴᖅᑭᓚᐅᖅᑎᓪᓗᒋᑦ, ᐅᓪᓗᐱ ᐅᖃᐅᔾᔨᒋᐊᓚᐅᖅᑐᖅ, "ᐃᓄᐃᑦ ᓇᓗᓂᐊᖅᑐᑦ, ᐃᓄᐃᑦ ᐅᑉᐱᕈᓱᖏᑦᑐᑦ ᑕᒪᒃᑯᓂᖓ, ᐃᓄᐃᑦ ᐃᓱᒪᖏᑦᑐᑦ ᑕᐃᒪᐃᒍᓐᓇᕆᐊᖓᓂᑦ. ᑭᓇᑐᐃᓐᓇᕐᒥᑦ ᐅᖃᐅᔾᔨᑦᑕᐃᓕᒋᑦ ᐊᔪᕐᓂᕋᕐᓗᑎᑦ, ᑭᓇᑐᐃᓐᓇᕐᒥᓪᓗ ᐅᖃᐅᔾᔨᑦᑕᐃᓕᓗᑎᑦ ᓇᒧᙵᐅᔪᓐᓇᙱᓐᓂᕐᓂᒃ, ᓲᖃᐃᒻᒪ ᓱᓕᔫᒐᒪ. ᐃᓅᔪᖓ ᖃᐅᔨᓪᓗᖓ ᑕᐃᒪᐃᓲᖑᒻᒪᑕ. ᐃᓄᑦᑎᐊᕙᐅᒍᕕᑦ, ᑐᙵᓇᖅᑐᑎᑦ ᐊᒃᓱᕈᕐᓗᑎᓪᓗ, ᓯᓐᓇᒃᑑᒪᓂᕆᔭᑎᑦ ᓱᓕᔪᐃᓐᓇᐅᓂᐊᖅᑐᑦ." 

ᐃᓱᒪᒋᔭᖃᖅᑐᖅ ᐱᐅᓛᒥᒃ ᐅᖃᐅᔾᔪᖅᑕᐅᓂᕐᒥᒃ ᐱᓚᐅᖅᑕᖓᓂᒃ "ᐱᑦᑎᐊᕐᓂᒃᑯᑦ ᐊᒃᓱᕈᕐᓗᓂᓗ ᐱᓕᕆᓗᓂ". "ᖃᓄᑐᐃᓐᓇᖅ ᐱᓕᕆᔪᒪᒐᓗᐊᕈᕕᑦ, ᐃᓅᔭᕆᐊᖃᙱᑦᑐᑎᑦ ᐃᓄᐃᑦ ᐃᓅᓯᖏᓐᓂᒃ. ᓄᓇᓯᐅᑎᖃᕆᐊᖃᙱᑦᑐᑎᑦ, ᐃᒡᓗᒥᑦ, ᕿᒻᒥᒥᑦ, ᒪᕐᕉᖕᓂᓪᓗ ᕿᑐᕐᖓᖃᕐᓗᑎᑦ. ᖃᓄᑐᐃᓐᓇᖅ ᐃᓗᒃᑯᑦ ᐱᐅᖅᑰᔨᒋᒍᕕᐅᒃ ᖃᓄᐃᓕᐅᓪᓗᐊᖅᑕᕐᓂᒃ, ᑭᓯᐊᓂ ᐊᓯᖏᓐᓂᒃ ᐃᓄᖕᓂᒃ ᐋᓐᓂᖅᓯᑦᑕᐃᓕᓗᑎᑦ ᐱᓕᕆᑎᓪᓗᑎᑦ, ᐊᒃᓱᕈᑐᐃᓐᓇᕐᓗᓂᓗ ᐱᓕᕆᓗᑎᑦ," ᑲᔪᓯᓪᓗᓂ.

ᑕᐃᐱ ᐅᖃᐅᓯᖃᓚᐅᖅᐳᖅ ᐃᓄᑑᓗᐊᕐᓂᕐᒥᒃ ᑲᔪᓯᓂᖃᑦᑎᐊᕐᓂᕐᒥᒃ, ᐊᒥᖅᑳᖃᑎᖃᕐᓂᕐᒥᒃ, "ᖃᐅᔨᒪᔪᖓ ᓂᐱᖃᙱᖦᖢᓂ, ᓂᒡᓚᓱᖕᓂᐅᓂᖓᓂᒃ, ᐃᓄᑑᓗᐊᕐᓇᖅᖢᓂᓗ, ᑭᓯᐊᓂ ᑕᒪᓐᓇ ᐊᓂᒍᖅᑎᓐᓂᐊᖅᐸᐃᑦ. ᑕᒪᓐᓇ ᐅᖃᐅᓯᕆᖃᑦᑕᖅᓯᒪᒐᒃᑯ ᐅᕙᓐᓄᑦ, ᐅᐱᓐᓇᕋᓂ ᖁᕕᐊᓇᖅᑐᒻᒪᕆᐅᓚᐅᕐᒪᑦ, ᐅᐱᓐᓇᕋᓂ ᑲᔪᓯᑦᑎᐊᕐᓂᖃᖅᑎᓪᓗᑕ ᐊᒻᒪᓗ ᑲᑐᔾᔨᔪᖃᕋᓂ, ᑕᒪᒃᑯᐊᓕᒫᑦ ᑕᐃᒪᐃᖃᑦᑕᓚᐅᖅᑯᑦ ᐊᒻᒪᓗ ᐱᑕᖃᓚᐅᓐᖏᓚᖅ ᖁᕕᐊᒋᓪᓗᒍ ᑕᒪᓐᓇ ᐅᕙᓐᓄᑦ, ᐅᕙᓐᓄᑐᐃᓐᓇᐅᓚᐅᖅᑐᖅ."

"ᐊᖑᓇᓱᒃᑎᐅᒐᑦᑕ, ᐅᓇᑕᖅᑎᐅᒐᑦᑕ. ᓂᕆᑎᑐᐃᓐᓇᕐᓗᑎᑦ ᐃᓕᖕᓂᒃ, ᓴᓗᒪᔪᓂᒃ ᐊᓐᓄᕌᖅᓯᒪᓗᑎᑦ, ᐃᒥᕐᔪᐊᕐᓗᑎᓪᓗ. ᐱᓕᕆᖃᑎᒌᑦ ᖁᕕᐊᓇᖅᑐᑦ ᑕᒪᒃᑯᐊᕈᓘᔭᐃᓪᓗ, ᑭᓯᐊᓂ ᖃᐅᔨᒪᕕᑦ ᑭᓱᒥ? ᖃᓄᑐᐃᓐᓇᖅ ᐱᔪᒪᔭᕐᓂᒃ ᐱᓕᕆᔪᓐᓇᖅᑐᑎᑦ ᐃᓅᓯᕐᓂ, ᐋᓐᓂᖅᓯᙱᑐᐊᕈᕕᑦ ᑭᓇᒥᑭᐊᖅ ᐃᓕᖕᓂᒃᓘᓐᓃᑦ."

ᐃᓱᒪᔪᖅ ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᖅ ᐆᒃᑑᑎᑦᑎᐊᕙᐅᓂᖓᓂᒃ ᐊᑕᐅᓯᑦᑕᐃᓐᓇᕐᒦᑦᑕᕆᐊᖃᕈᓐᓃᕋᑦᑕ ᐃᑲᔪᕐᓂᐊᕐᓗᓂ. "ᑲᑉᐱᐊᓱᒃᑕᐃᓕᒋᑦ ᐊᓂᐊᑎᑦᑎᔭᕆᐊᒃᓴᖅ ᖃᐅᔨᒋᐊᕐᓗᒋᓪᓗ ᑭᓱᑐᐃᓐᓇᑦ ᓲᖃᐃᒻᒪ ᒫᓐᓇ ᐊᔪᕐᓇᙱᓐᓂᖅᓴᐅᖕᒪᑦ ᑲᑎᙵᖃᑎᖃᕆᐊᒃᓴᖅ ᐃᓄᖕᓂᒃ ᓇᒡᓕᒋᔭᕐᓂᒃ," ᑎᓕᐅᕆᓪᓗᓂ. ᐅᖃᐅᔾᔨᒋᐊᕈᓐᓇᕈᓂ ᒪᒃᑯᓐᓂᖅᓴᒧᑦ ᓇᒻᒥᓂᖅ ᐃᒥᓗᐊᕋᔭᙱᒻᒪᑦ ᐊᒻᒪ ᓇᒻᒥᓂᖅ ᑲᒪᒋᓗᓂ. 

 "ᖁᕝᕙᓯᖕᓂᖃᕈᕕᑦ, ᐱᓕᕆᐊᕐᓄᑦ ᐃᓕᓗᑎᑦ, ᖃᓄᐃᓕᐅᕐᓗᑎᓪᓗ ᖃᐅᑕᒫᑦ, ᑕᑯᓇᔭᖅᑐᑎᑦ ᖃᓄᐃᓕᖓᔾᔪᑎᓂᒃ."

ᑕᐃᐱ ᐃᒻᒥᓂᒃ ᓵᓚᒋᔪᓐᓇᙱᖦᖢᓂᒋᑦ ᐊᓂᒍᖅᑎᑐᐃᓐᓇᕆᐊᖃᖅᑕᖏᓐᓂᒃ ᐊᒃᓱᕈᒃᑲᓐᓂᕈᓂ, ᐱᔾᔪᑎᒋᓪᓗᒍ ᐊᒃᑐᐃᓂᖓ ᖁᐊᖅᓵᖅᓯᒪᓂᐅᑉ ᐊᑐᖅᓯᒪᔭᖓ. ᐃᓱᒪᓪᓗᓂ ᐊᒥᓱᓄᑦ ᖃᓂᒻᒪᓐᓇᐅᔪᖅ, ᐊᓯᐅᓯᒪᔪᖅ, ᐅᓪᓗᖃᑦᑎᐊᓕᖅᑐᖅ, ᐅᓪᓗᑲᒻᒪᓐᓂᑦ ᑭᓯᐊᓂ ᐃᑉᐱᒍᓱᒃᑐᖅ ᑳᓐᑐᕌᖃᖅᓯᒪᖏᓐᓂᖓᓂᑦ. ᖃᐅᒃᐸᙳᖅᐸᑦ ᐃᓱᒪᒥᓂᒃ ᐲᖅᑎᑦᑎᔪᒪᕗᖅ ᐃᓄᖕᓄᑦ ᐃᓅᓯᖓᓂ. 

ᑕᐃᒪᓕ, ᑕᐃᐱ ᖃᐅᔨᒪᔪᖅ ᓴᐱᓕᖅᓴᕋᐃᖏᓐᓂᕐᒥᓂᒃ, ᐃᓂᒋᔭᓕᒫᖏᓐᓄᑦ ᐊᒻᒪᓗ ᐊᑐᖅᓯᒪᔭᖏᓐᓄᑦ. ᐃᓅᓪᓗᓂ 9/11-ᒥ, ᐃᖏᕐᕋᓪᓗᓂ ᑭᒡᓕᐊᒍᑦ ᓂᔾᔭᐅᓯᔭᕆᐊᖅᑐᖅᖢᓂ, ᐊᒻᒪᓗ ᒫᓐᓇ ᓂᔾᔭᐅᓯᔭᖅᖢᓂ ᐊᒻᒪᓗ ᑕᕐᕆᔭᐅᓯᐅᖅᖢᓂ ᐃᑲᔪᖅᑐᐃᓪᓗᓂ ᖃᓄᐃᖏᑦᑎᐊᕐᓂᖏᓐᓄᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᓄᓇᓕᐸᐅᔭᖓᓂ, ᐅᓪᓗᐱ ᖃᐅᔨᒪᓚᐅᖅᑐᖅ ᐊᖏᕐᕋᐅᖏᓐᓇᐅᔭᕈᓐᓇᕐᓂᕐᒥᓂᒃ, ᑕᐃᑲᓂᓗ ᑐᙵᕕᖃᖅᖢᓂ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.