ᐃᓪᓚᐃᔭᖅᑐᕐᓗᓂ ᑖᓂᓯᒃᑯᑦ: ᐃᓕᓴᐱ ᑭᒃᓯᓐ ᓄᓇᖃᖅᑳᖅᓯᒪᔪᑦ ᑎᔅᓯᓈᕿᔭᖓ ᐃᓅᓕᓴᐅᑎᑎᑐᑦ

"ᓈᒻᒪᒃᑑᔪᑎᑦ. ᓈᒻᒪᑦᑎᐊᖅᑐᑎᑦ. ᓈᒻᒪᐃᓐᓇᐅᔭᕐᓂᐊᖅᑐᑎᑦ. ᐊᒻᒪᓗ ᓈᒻᒪᐃᓐᓇᐅᔭᖅᑐᑎᑦ." ᑖᒃᑯᐊ ᑐᓴᕈᒥᓇᖅᑐᑦ ᐅᖃᐅᓰᑦ ᐃᓕᓴᐱᐅᑉ. ᖃᐃᔨᔪᖅ, ᑎᑎᖅᑐᒐᖅᑎ, ᐃᓕᓴᐃᔨᓗ ᒪᒃᑯᓐᓂᖅᓴᓄᑦ.  ᑖᒃᑯᐊᒃ Anishnaabe−ᒥᙶᖅᑐᑦ ᐅᑯᓇᙵᑦ, Treaty #3 ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥᑦ ᐊᒻᒪᓗ ᐃᔅᓯᕙᐅᑕᑯᑖᓂ ᓄᓇᖃᖅᑳᖅᑐᓂᑦ. ᑭᒃᓴᓐ ᐃᓕᓐᓂᐊᖅᑎᑦᑎᔪᖅ ᑕᕐᕆᔭᕐᕕᖕᒥᒃ ᒪᓂᑑᐸᒥ ᑕᕐᕆᔭᕐᕕᖕᒥ ᒪᒃᑯᒃᑐᓄᑦ ᐊᒻᒪ ᒪᒃᑯᒃᑐᓄᑦ ᐋᓐᓂᖅᓯᕆᑎᑦᑎᑦᑕᐃᓕᓂᕐᒥᒃ ᐃᓕᖕᓂᒃ ᓱᖁᑕᐅᙱᑦᑐᓂᒃ ᒐᓃᔨᖕᒥ.

ᐃᖅᑲᓇᐃᔮᕆᓛᕈᒪᔭᖓᑦ ᓇᓗᓇᐃᕋᔭᙱᑕᖓ "ᐱᔾᔪᑎᒋᔭᖓ" 16-ᖑᓕᖅᖢᑎᒃ, ᐃᓕᓴᐃᔨᓄᑦ ᐃᑲᔪᖅᑎᐅᓪᓗᑎᒃ ᒪᒃᑯᒃᓯᑎᓪᓗᒋᑦ ᐃᓚᐅᓕᓚᐅᖅᓯᒪᓪᓗᑎᒡᓗ ᑕᓗᕈᒃᑯᑎᓪᓗᑎᒃ ᕿᑐᕐᖓᒥᓂᒃ ᑕᐃᒪᐃᓕᐅᖅᑎᓪᓗᒋᑦ. Kixen-ᑯᑦ ᐃᓕᓐᓂᐊᕐᕕᐊᓗᒻᒥ ᐃᓕᓐᓂᐊᖅᓯᒪᔪᑦ ᐊᒻᒪᓗ ᐱᐊᓂᒃᓯᓯᒪᓪᓗᑎᒃ ᑕᕐᕆᔭᕐᕕᒻᒥ ᐊᒻᒪᓗ ᑎᔅᓯᓈᕿᓂᕐᒧᑦ ᐃᓕᓐᓂᐊᖅᑐᑎᒃ ᐊᐃᑉᐹᑎᒍᑦ ᓄᓇᓕᐸᐅᔭᒥ Los Angeles-ᒥ ᐊᒻᒪᓗ ᒫᓂᑑᕙᒥ ᑕᕐᕆᔭᕐᕕᒻᒥ ᐃᓅᓱᒃᑐᓄᑦ.

"ᐃᖢᐊᖅᓴᕐᓂᖅ ᐃᓕᖕᓂᒃ ᐃᒃᐱᒍᓱᖕᓇᖅᐳᖅ ᐊᒻᒪ ᓄᓇᖅᑲᑎᑎᑦ ᖁᕕᐊᓱᓕᕐᓇᖅᖢᑎᒃ ᐊᒻᒪ ᐃᒡᓚᕐᓇᖅᖢᓂ ᐊᓕᐊᓇᐃᒋᓐᓇᖅᖢᓂᑎᑦ."

ᑲᔪᖏᖅᓴᐃᔨᐅᔪᖅ ᓄᓇᒥᓂᑦ, ᑭᒃᓯᓐ ᑐᓂᕐᕈᓯᐊᒥᓂᒃ ᑐᓂᓯᖃᑦᑕᖅᑐᖅ ᓴᓇᑐᔪᓄᑦ ᓄᓇᓕᖏᓐᓄᑦ. "ᖃᓄᐃᑦᑑᓂᖓ ᐃᓅᙱᑦᑐᖓ ᓴᓇᓲᖅ ᑭᓱᒥᑭᐊᖅ ᐃᒃᓯᕚᓕᕐᐸᒃᖢᖓᓗ ᖄᖓᓃᖦᖢᓂ, ᓇᐅᑦᑎᖅᓱᕐᓗᒍ ᐊᔪᙱᓐᓂᓐᓄᑦ. ᓴᖅᑭᑦᑎᖃᑦᑕᖅᑐᖓ ᐊᓯᒃᑲ ᐃᓄᐃᑦ ᖃᐅᔨᕚᓪᓕᕈᓐᓇᖁᓪᓗᒋᑦ ᐊᒻᒪᓗ ᐊᔪᕈᓐᓃᖁᓪᓗᒋᑦ ᖃᓄᐃᓕᐅᕈᓐᓇᕐᓂᓐᓂᒃ. ᐊᒻᒪᓗ, ᐅᕙᖓᐅᙱᖔᖅᑐᖅ ᑖᓐᓇ ᐊᔾᔨᐅᙱᑦᑐᖅ ᐱᓯᒪᙱᖦᖢᒍ ᐊᓯᓐᓄᑦ, ᐊᓱᐃᓛᒃ ᐅᓄᕐᓂᖅᓴᓂᒃ ᐃᓄᖕᓂᒃ ᐱᓕᕆᔪᓂᒃ ᐱᓕᕆᔪᓂᒃ ᐊᒻᒪ ᓯᐊᒻᒪᑐᐃᓐᓇᕐᖢᓂ ᓄᓇᓕᓕᒫᒥ," ᐅᖃᕐᖢᑎᒃ.  ᑕᒪᒃᑯᐊ ᐱᔪᓐᓇᕐᓂᐅᔪᑦ ᐃᑲᔪᕐᓯᒪᒻᒪᑕ ᐊᒃᓱᕈᖅᑎᓪᓗᒋᑦ.

"ᓄᓇᖃᖅᑳᖅᓯᒪᔪᓕᕆᓂᖅ ᐅᐃᓂᐹᒡᒥ ᑲᑉᐱᐊᓇᒐᓚᒃᑐᖅ. ᐃᖅᑲᐅᒪᙱᑦᑐᖓ ᐆᒪᓚᐅᖅᓯᒪᓂᓐᓂ ᑲᑉᐱᐊᓇᖅᑐᖃᓚᐅᖅᓯᒪᙱᖦᖢᓂ."

ᑭᒃᓯᓐ ᐅᖃᐅᓯᖃᖅᑐᖅ ᐊᑐᖅᑕᐅᓂᑯᓂᑦ ᐊᓯᐅᓪᓗᓂ ᓄᓇᖃᖅᑳᖅᓯᒪᓂᕐᒧᑦ ᐊᒻᒪᓗ ᓂᑲᒍᓱᓐᓂᕐᒧᑦ, ᐃᓚᐃᓐᓇᖅᓯᐅᖅᑕᐅᓂᕐᒧᑦ ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᖅ, ᑲᑉᐱᐊᓵᕆᓂᖅ, ᐊᒻᒪᓗ ᐊᕐᓇᐅᓂᖅ/ᐊᖑᑕᐅᓂᖅ. ᑎᔅᓯᓈᕿᔪᖅ ᕿᒫᓪᓗᓂ ᕿᓄᐃᓵᕐᓂᕐᒧᓪᓗ ᖃᓄᐃᓕᐅᕈᑕᐅᔪᒪᔪᖅ. ᐱᕈᕐᓂᖅ ᖃᑕᙳᑎᖏᓐᓂ ᐱᒻᒪᕆᐅᒍᓱᒃᑐᓂ ᐋᓐᓂᖅᑎᕆᓂᒃᑰᙱᑦᑐᖅ ᑭᐅᒋᐊᕐᓂᖅ, ᑎᔅᓯᓈᕿᓂᖅ ᐱᐅᓚᐅᖅᑐᖅ ᐃᓅᓕᓴᐅᑎᓄᑦ ᑭᓱᒃᑭᐊᖅ ᐊᒃᓱᕈᕐᓇᖅᑐᒃᑰᖅᑎᓪᓗᒋᑦ. ᓂᕆᐅᓚᐅᓐᖏᓚᑦ ᐃᖅᑲᓇᐃᔮᖃᕐᓂᐊᕆᐊᒃᓴᖅ, ᑭᓯᐊᓂ ᑕᐃᒪᐃᓚᐅᖅᐳᖅ. 

‍

‍

ᑖᒃᑯᐊ ᐅᓪᓗᐃᑦ ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᖅ ᓇᖕᒥᓂᖅ ᐊᒃᓱᕈᕐᓇᖅᑐᖅᓯᐅᕈᑕᐅᖃᑦᑕᖅᓯᒪᖕᒪᑦ ᐊᒻᒪ Kixen−ᑯᑦ ᖃᓄᖅ ᕿᓄᐃᓵᕈᑎᖃᕆᐊᖃᓕᖅᖢᑎᒃ. ᓯᕗᓪᓕᕐᒥ ᐃᒃᐱᒍᓱᓕᕐᖢᓂ ᐃᓗᐊᓂ ᐊᒃᓱᕈᕐᓇᖅᑐᒥᒃ ᐋᖅᑭᒃᓯᓗᓂ ᓄᑖᒥᒃ ᖁᕕᐊᓇᖅᑐᒥᒃᓗ ᖃᐅᑕᒫᑦ, ᑭᒃᓯᓐ ᓈᒻᒪᒍᓱᓕᕐᖢᓂ ᐱᕕᖃᕐᓂᕐᒥᒃ ᑕᖃᐃᖅᓯᕐᓂᕐᒥᒃ, ᑲᓲᑎᓂᖅ ᕿᑐᕐᖓᖏᓐᓄᑦ, ᓇᓂᓯᓗᓂ ᓄᑖᓂᒃ ᐊᑐᒐᒃᓴᓂᒃ ᐅᓂᒃᑳᓄᑦ ᒥᑕᐅᑎᒃᓴᓄᓪᓗ, ᐋᖅᑭᒃᓯᓗᓂ ᒥᑕᐅᑎᒃᓴᓂᒃ ᐃᓗᓕᖏᓐᓂ ᐸᓂᖓᓄᑦ ᐃᓕᑦᑎᓗᑎᒃᓗ ᑎᔅᓯᓇᖅᑐᓂᒃ ᖃᑕᙳᑎᖏᓐᓂ. 

"ᐃᓱᒪᒋᔭᕋᓕ ᐅᕙᑦᑎᓐᓄᑦ ᐅᓄᖅᑐᑦ ᐱᖃᑦᑕᖅᑕᕗᑦ ᐊᒃᑐᐊᖃᑦᑕᐅᑎᔪᓐᓇᕐᓂᑦᑎᓐᓂᒃ." 

ᐃᓕᓴᕆᓗᒍ ᐆᒻᒪᓯᕆᓐᓇᕐᓂᖓ ᓄᓇᕐᔪᐊᒥᑦ ᖃᓂᒪᓂᖅ ᐃᓅᓯᖕᒥᑦ, ᑭᒃᓯᓐ ᐱᕚᓪᓕᕈᑕᐅᕗᖅ ᐱᔪᓐᓇᕐᑎᑕᐅᓂᖕᒥᑦ ᖃᕆᑕᐅᔭᒃᑯᑦ ᐅᐸᖃᑦᑕᖕᓂᒃᑯᑦ. ᐃᓄᐃᑦ ᐅᐸᒍᑎᔪᓐᓇᓚᐅᙱᑦᑐᑦ ᑕᑯᒃᓴᐅᑎᑦᑎᔪᓄᑦ ᑎᒥᒃᑯᑦ ᐊᐅᓚᔾᔭᒍᓐᓇᙱᓐᓂᖏᓐᓄᑦ ᐅᕝᕙᓘᓐᓃᑦ ᐃᓱᒪᒃᑯᑦ ᐊᔪᕈᑎᓕᖕᓄᑦ ᐊᒃᓱᕈᕐᓇᖅᑐᑦ ᖃᐅᔨᓇᓱᒍᓐᓇᖃᑦᑕᖅᓯᒪᕗᑦ ᑭᐱᙳᐃᔭᕐᓂᕐᒥᒃ ᐊᑦᑕᕐᓇᙱᑦᑐᒃᑯᑦ. Kixen's ᖃᐃᖁᔭᐅᓯᒪᔪᖅ ᖃᕆᑕᐅᔭᒃᑯᑦ ᑎᔅᓯᓈᕿᔪᓄᑦ ᑕᑯᒃᓴᐅᑎᑦᑎᔪᓄᑦ ᓄᑖᖑᓪᓗᓂ ᐋᖅᑭᒃᓯᒪᔪᖅ ᑖᒃᑯᓄᖓ. 

ᑭᒃᓯᓐ ᓱᓕ ᓄᑖᓂᒃ ᐱᓇᓱᐊᖅᑐᖅ ᐃᓐᓇᐅᓪᓗᓂ ᐊᒻᒪᓗ ᐅᖃᐅᔾᔨᒋᐊᕈᑎᖃᖅᑐᓂ ᐃᓅᓱᒃᑐᓂᒃ ᓇᒻᒥᓂᖅ ᕿᓂᖅᑐᑎᒃ ᓄᑖᓂᒃ ᐱᕕᒃᓴᖃᕝᕕᐅᒍᓐᓇᖅᑐᓂᒃ. ᖃᐅᔨᒪᕗᑦ ᖃᓄᑐᐃᓐᓇᖅ ᐊᓯᔾᔨᖅᑐᖃᖅᐸᑦ ᑲᑉᐱᐊᓇᕈᓐᓇᖅᐳᖅ ᐊᕕᒃᓯᒪᑎᑕᐅᒍᕕᑦ ᐃᓄᖁᑎᖕᓂᑦ ᐊᑐᐃᓐᓇᖅᐸᒃᑕᕐᓂᒡᓗ, ᑭᓯᐊᓂᓗᑦᑕᐅᖅ ᖃᓄᐃᓕᐅᖁᔨᓯᒪᕗᑦ ᑕᒪᓐᓇ ᐊᓯᔾᔨᕐᓂᕆᔭᐅᔪᖅ ᐊᐅᓚᒐᕐᓂᕐᓂᖅᓴᐅᖁᓪᓗᒍ.

"ᐃᓄᖁᑎᑎᑦ ᓇᓂᓗᒋᑦ, ᓇᓂᓗᒋᑦ ᐃᓄᐃᑦ ᓇᒡᓕᒋᓇᔭᖅᑕᑎᑦ ᐃᑲᔪᖅᓱᕐᓗᒋᓪᓗ ᐃᓕᖕᓂ ᐊᖏᕐᓂᐊᖅᑖᑎᓪᓗ. ᑕᒪᓐᓇ ᐅᖃᐅᓯᕆᖃᑦᑕᐸᓪᓚᐃᙱᑕᕗᑦ ᓄᓇᖃᖅᑳᖅᓯᒪᓪᓗᑕ. ᐊᕕᒐᐃᒐᑦᑕ ᐃᓚᑦᑎᓐᓂᒃ ᐊᒻᒪᓗ ᓄᓇᑦᑎᓐᓂᒃ, ᐅᖃᐅᓯᖃᖃᑦᑕᖏᓐᓇᑦᑕ ᓴᖅᑮᓂᕐᒥᒃ ᐊᒥᓲᓂᖅᓴᓂᒃ ᓄᓇᓕᓐᓂᒃ, ᐱᑦᔪᑎᒋᓪᓗᒍ ᓄᓇᓖᑦ ᓄᖅᑲᑐᐃᓐᓇᐸᖏᒻᒪᑕ ᓇᒥ ᐱᒋᐊᓐᖓᐅᑎᓯᓐᓂᒃ. ᐱᕈᖅᓯᐊᒃᓴᕐᓂᒃ ᓯᐊᒻᒪᒃᑎᕆᑲᑕᒡᓗᑎᑦ ᐊᒻᒪ ᐃᓕᖕᓂᒃ ᓯᐊᒻᒪᒃᑎᕆᐊᕐᔪᒡᓗᑎᑦ ᓇᒧᙵᐅᒐᓗᐊᕈᕕᑦ." 

ᐱᓕᕆᐊᖏᓐᓂ, Kixen−ᑯᑦ ᐱᔪᒃᓯᓕᖅᑎᑕᐅᕙᒃᐳᑦ ᓄᑕᖅᑲᒥᓄᑦ ᐃᓕᖅᑯᓯᖏᓐᓄᓪᓗ, ᑭᓯᐊᓂᑦᑕᐅᖅ ᓴᖅᑭᑎᑦᑎᓪᓗᓂ ᐊᒃᓱᕈᕐᓇᖅᑐᓂᒃ ᐅᖃᐅᓯᖃᕐᓂᕐᒥᒃ. "ᐅᖃᐅᓯᖃᕈᒪᔪᖓ ᓲᕐᓗ ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᖅ, ᓲᕐᓗ ᓄᓕᐊᕐᓂᖅ, ᓲᕐᓗ ᓂᑲᓪᓗᖓᓂᖅ, ᓲᕐᓗ ᐊᔪᖅᓴᕐᓂᖅ, ᑕᒪᒃᑯᐊᓕᒫᑦ ᖃᐅᔨᖃᑦᑕᖅᓯᒪᔭᒃᑲ ᐅᖃᐅᓯᕆᓪᓗᒋᓪᓗ. ᐅᐱᓐᓇᕋᓂ ᐊᒥᓱᐊᕐᑎᑲᓪᓚᐃᑦ ᐃᓄᐃᑦ, ᐃᒪᐃᑦᑐᔭᕐᒪᑕ ᐃᓪᓗᕈᓯᕐᒥ. ᑕᒪᒃᑯᐊ ᐱᓯᒪᔭᐃᓐᓇᕆᕙᕗᑦ ᑕᒪᑦᑕᕐᓗ ᐱᓕᕆᐊᕆᕙᒃᐸᕗᑦ 2020−ᒥᓗ, ᓱᓕ ᐊᔪᕐᓇᕈᔪᒃᐳᖅ ᐅᖃᐅᓯᕆᔭᕆᐊᒃᓴᖅ," ᑕᐃᒪᓐᓇ ᐅᖃᖅᖢᑎᒃ. 

ᓇᓗᓇᐃᔭᐃᔪᑦ ᐱᕙᓪᓕᐊᓂᖏᓐᓂᒃ ᐲᔭᐃᓂᕐᒥᒃ ᐋᓐᓂᕈᑎᒋᓯᒪᔪᓂᒃ ᐃᒡᓕᐅᑉ ᐊᑖᓂ ᐅᖃᐅᑎᓪᓗᓂᒋᓪᓗ "ᖃᓄᖅ ᐃᑲᔪᕐᓂᐊᕐᒪᖔᕐᒪ ᑎᑎᕋᕐᓗᖓ ᒥᑕᐅᑎᒃᓴᓂᒃ." Kixen−ᑯᑦ ᐱᔪᒃᓯᓕᖅᑎᑕᐅᕙᒃᐳᑦ ᓇᖕᒥᓂᖅ ᐊᔪᙱᓐᓂᕆᔭᒥᓂᒃ ᐊᓂᒍᖅᑎᑦᑎᔪᓐᓇᕐᓂᕐᒥᒃ ᑭᓱᑐᐃᓐᓇᓂᒃ ᐅᒃᐱᕆᔭᖃᖅᖢᑎᒡᓗ ᓴᙱᓂᕆᔭᖏᓐᓂᒃ ᐊᓯᖏᑕ ᐱᓕᕆᐊᖃᕈᓐᓇᕐᓂᕐᒥᒃ ᐊᒃᓱᕈᕐᓇᖅᑐᓂᒃᑕᐅᖅ. 

ᑐᓴᖅᑕᐅᖁᔭᖓ ᒪᒃᑯᒃᑐᓄᑦ ᐱᔪᒃᓯᓕᕐᓇᙱᖦᖢᓂ. "ᐅᖃᕈᒪᓇᔭᖅᐳᖓ ᑭᓇᑐᐃᓐᓇᑦᑎᐊᒧᑦ ᐅᖃᐅᔾᔭᐅᒐᓗᐊᕈᕕᑦ ᑕᐃᒪᐃᖁᔨᒐᓗᐊᕈᕕᑦ ᐅᕝᕙᓘᓐᓃᑦ ᑕᐃᒪᐃᓕᐅᖁᔨᒃᐸᑕ, ᑕᒪᓐᓇ ᐆᒻᒪᑎᖕᓂ, ᐃᒃᐱᒋᔭᐃᑦ? ᐊᑏᒎᖅ. ᑕᒪᓐᓇ ᐊᑐᕐᓗᒍ ᐊᔪᕐᓇᕋᓗᐊᖅᑎᓪᓗᒍᓗ, ᐊᔪᕐᓇᖅᑰᔨᙱᓚᖅ ᓲᖃᐃᒻᒪ ᐊᒥᓱᑦ ᐃᓄᐃᑦ ᑕᖅᑳᓃᑦᑐᑦ ᓇᓗᓇᐃᖅᓯᖕᒪᑕ ᐊᓂᒍᐃᕙᓪᓕᐊᓂᖏᓐᓂᒃ," ᑎᓕᐅᕆᕗᑦ. 

ᐱᕈᖅᐸᓪᓕᐊᑎᑦᑎᓂᖅ ᐃᓅᓯᖓᓂᒃ ᐱᓕᕆᓂᕐᒥᒃ ᐃᓚᐅᑎᑦᑎᓂᕐᓂᒃᓗ, ᑮᒃᓯᓐ ᐊᒃᓱᕈᕐᓇᖅᑐᒃᑰᖅᑎᑦᑎᓪᓗᓂ ᐃᓅᓯᕐᒥ ᓂᐊᖁᖏᓐᓂ ᐱᑎᑦᑎᓪᓗᓂᓗ ᐅᓄᖅᑐᓂᒃ ᐱᔾᔪᑎᓕᖕᓂᒃ ᕿᐊᓂᕐᒥᒃ ᐱᕕᖃᕐᓂᕐᒥᒃ ᖁᖓᒋᐊᒃᓴᖅ ᐃᓄᑑᓗᐊᖅᑰᔨᙱᖦᖢᓂᓗ. ᐱᐅᓯᕙᓪᓕᐊᑎᓪᓗᒋᑦ, ᐊᔪᙱᓐᓂᕆᔭᖏᑦ ᐊᔪᖖᒋᓐᓂᐅᔪᑦ ᐱᔭᕆᐊᖃᒻᒪᕆᖕᒪᑕ ᓇᓗᓇᖅᑐᒃᑰᖅᑎᓪᓗᒋᑦ. ᑲᑎᙵᑎᑦᑎᓂᖅ ᐃᓕᓴᐃᓂᖅ, ᑲᔪᖏᖅᓴᐃᓂᖅ ᐊᒻᒪ ᓴᓇᙳᐊᕐᓂᖅ, ᑮᒃᓯᓐ ᐱᕐᔪᐊᒥᒃ ᐱᓕᕆᐊᖃᖅᐳᖅ ᓄᓇᓕᖕᓂ ᐱᓕᕆᑦᑎᐊᕈᓐᓇᖅᖢᑎᒃ: ᓄᓇᖃᖅᑳᖅᓯᒪᔪᑦ ᐊᔾᔪᒥᓇᖅᑐᑦ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.