"ᓯᕗᕚᕗᑦ ᖁᐊᖅᑎᓚᐅᖅᐳᑦ ᒫᓐᓇᓗ shine−ᒧᐊᕆᐊᖃᓕᖅᖢᑎᒃ ᓲᖃᐃᒻᒪ ᐃᓚᓕᐅᔾᔭᐅᑦᑎᐊᕋᑦᑕ ᓇᐅᒃᑯᓕᒫᖅ," ᕙᐃᓐᑕ ᕘᓪᔅᕼᐃᐅᑦᔅ, ᕿᕐᓂᖅᑐᖅ ᐊᕐᓇᖅ ᐃᔾᔪᐊᒐᒃᓴᑦᑎᐊᕙᐅᓯᒪᔪᖅ ᒪᒃᑯᒃᑑᓚᐅᖅᑎᓪᓗᒍ. ᓄᓇᖃᓚᐅᖅᑐᖅ ᑭᓯᐊᓂ 9-ᖑᕋᓱᖕᓂᖓᓂ ᓅᓚᐅᙱᑎᓪᓗᒍ ᕚᓐᑰᕗᒧᑦ ᐊᓈᓇᖓ ᐃᓕᓐᓂᐊᕆᐊᕈᓐᓇᕐᓂᐊᕐᒪᑦ. ᓴᖅᑮᓚᐅᖅᑐᖅ ᓄᓇᓕᓐᓂ ᓇᒻᒥᓂᖅ ᓄᓇᓕᒋᓂᐊᓕᖅᑕᒥᓂᒃ ᐊᒻᒪᓗ ᑕᐃᒪᓐᓇ ᑲᑎᓯᓚᐅᖅᑐᖅ ᓴᖅᑭᑕᐅᓯᒪᔪᒥᒃ ᐊᒻᒪᓗ ᓴᖅᑭᐸᓪᓕᐊᔪᓂᒃ ᓄᓇᖃᖅᑳᖅᓯᒪᔪᓂᒃ ᐊᓐᓄᕋᔾᔨᐅᖅᑎᓂᒃ ᐊᒻᒪᓗ ᐆᑦᑑᑎᓕᐅᖅᐸᓪᓕᐊᓪᓗᓂ ᑖᒃᑯᓄᖓ. 

ᓯᕗᓪᓕᕐᒥ, ᖃᐅᔨᒪᓚᐅᙱᑦᑐᖅ ᐃᔾᔪᐊᒐᒃᓴᓕᐅᕐᓂᕐᒥᒃ ᐅᕝᕙᓘᓐᓃᑦ ᓄᓇᖃᕐᓂᕐᒥᒃ ᓄᓇᓕᐸᐅᔭᕐᒥ ᑭᓯᐊᓂ ᓇᓂᓯᓚᐅᖅᑐᖅ ᓄᓇᓕᖕᒥ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ ᑐᙵᓇᑦᑎᐊᕐᓂᖓᓂᒃ. "ᐃᑲᔪᕐᓂᖃᑦᑎᐊᖅᑐᒍᑦ ᖃᓄᑐᐃᓐᓇᖅ, ᒫᓐᓇᒧᑦ ᑎᑭᖦᖢᒍ, ᑭᖑᓪᓕᖅᐹᒥ ᐃᑲᔫᑎᒃᓴᑦᑎᓐᓂ ᐱᑎᓐᓂᐊᖅᐸᑦᑎᒋᑦ ᐱᔭᕆᐊᖃᒃᑲᓐᓂᕈᕕᑦ. ᑕᒪᓐᓇ ᐃᑲᔪᖅᑐᐃᓂᖅ, ᑕᒪᓐᓇ ᐃᓚᒋᔭᐅᓪᓚᕆᖕᒪᑦ ᐅᕝᕙᓘᓐᓃᑦ ᐃᓚᓯᒪᔪᖅ ᑭᓇᐅᔾᔪᑎᑦᑎᓐᓂᒃ ᓄᓇᖃᖅᑳᖅᓯᒪᔫᓪᓗᑕ, ᐃᑲᔪᑐᐃᓐᓇᕆᐊᖃᖅᑐᒍᑦ ᐊᔪᕐᓇᙱᑐᐊᕌᖓᑦ ᐊᒻᒪᓗ ᑕᐃᒪᐃᓚᐅᖅᑐᑦ ᐃᓄᐃᑦ," ᐃᖅᑲᐅᒪᔪᖅ. 

ᑕᑯᒥᓴᐅᑎᓕᐅᕐᕕᖕᒥ, ᓇᓂᓯᓪᓗᓂ ᐱᓂᑭᓴᐅᑎᙱᖔᕐᓗᓂ ᓄᓇᓕᖕᒥ ᐃᓄᖕᓂᒃ ᐃᑲᔪᖃᑦᑕᐅᑎᔪᒪᔪᓂᒃ ᑲᔪᓯᑦᑎᐊᕐᓂᕐᒧᑦ. ᐃᓕᓐᓂᐊᓚᐅᖅᑐᖅ ᐱᓱᒍᓐᓇᖅᓯᓪᓗᓂ ᐊᒻᒪ ᓄᐊᑕᐅᓯᒪᔪᓂᑦ ᐊᒻᒪ ᓴᓇᓯᒪᔪᓕᐅᖅᑎᓂᑦ ᐃᑉᐱᒍᓱᑦᑎᐊᓚᐅᖅᑐᖅ ᐱᔭᕆᐊᖃᕐᓂᖏᓐᓂᑦ ᒪᒃᑯᓐᓂᖅᓴᐅᓪᓗᓂ. ᐸᖕᓃᑦ ᓇᓂᓯᓪᓗᑎᒃ ᑭᓇᒃᑯᓕᒫᓂᒃ ᐃᑲᔫᑎᖃᖅᑐᓂᒃ ᐃᑲᔪᖅᓱᐃᔪᓂᒃᓗ. ᐃᔾᔪᐊᒐᒃᓴᓕᐅᕐᓂᒃᑯᑦ ᐃᓕᓐᓂᐊᕐᕕᖓᒍᑦ, ᐹᒻ ᐸᐃᑯ ᓯᕗᓪᓕᖅᐹᒥ ᐱᓱᒍᓐᓇᖅᑎᖦᖢᓂᐅᒃ ᒥᕝᕕᖕᒧᑦ ᐱᒋᐊᖅᑎᖦᖢᓂᐅᒃᓗ. ᐃᓕᑦᑎᓪᓗᓂ ᐊᔪᕐᓇᕈᑎᓂᒃ ᓴᖅᑭᔮᖅᑎᑦᑎᓂᕐᒥᒃ ᐊᓐᓄᕌᓂᒃ, ᐃᓛᓐᓂᒃᑯᑦ ᐃᓕᑦᑎᓪᓗᓂ ᐊᔪᕐᓇᖅᑐᒥᒃ ᓵᑦᑐᓐᓇᙱᖦᖢᓂ ᐱᓱᑲᑕᙱᖦᖢᓂᓘᓐᓃᑦ. ᖃᖓᑦᑎᐊᓵᒃᑯᑦ, ᐃᓕᑦᑎᓚᐅᖅᐳᖅ ᐱᓱᒍᓐᓇᕐᓂᕐᒥᒃ ᐋᖅᑭᒃᓱᐃᕙᓪᓕᐊᓂᕐᒥᒃ ᐃᓕᓐᓂᐊᖃᑎᒌᒃᑲᓐᓂᕐᓂᒃᑯᑦ ᐅᑯᑎᒎᓇᖅ, ᕚᓐᑰᕙᒥ ᓄᓇᖃᖅᑳᖅᑐᑦ ᐊᓐᓄᕌᓄᑦ ᐱᓇᓱᐊᕈᓯᖓᓂ.  

ᐱᒋᐊᓵᖅᑎᓪᓗᒍ, ᓈᓴᐅᑎᐅᔪᖅ ᓄᓇᖃᖅᑳᖅᓯᒪᔪᓄᑦ ᐊᑐᒐᒃᓴᓄᑦ ᑕᑭᔫᓚᐅᖅᑐᖅ ᓵᑦᑐᑯᓘᓪᓗᓂᓗ, ᑭᓯᐊᓂ ᑕᐃᒪᖓᑦ ᐊᓐᓄᕋᔾᔨᐅᖅᑏᑦ ᐃᓚᐅᑎᑦᑎᓂᖅᓴᐅᓕᖅᑐᑦ ᐅᑭᐅᖏᓐᓄᑦ ᑎᒥᖏᑕᓗ ᖃᓄᐃᑦᑑᓂᖏᓐᓄᑦ ᐊᒻᒪ ᐃᓕᖅᑯᓯᕐᒧᑐᐊᖅ. ᑕᑯᕋᓐᓈᖅᑎᑦᑎᑲᑕᓚᐅᖅᖢᓂ, ᐸᑦᔅᕼᐃᐅᓪᑦᔅ ᒫᓐᓇ ᐊᓐᓄᕋᔾᔨᐅᑦᑎᐊᓕᖅᑐᖅ ᐊᒻᒪ ᒧᒥᑲᑕᒃᖢᓂ. ᓇᖕᒥᓂᖅ ᓴᓇᔪᒪᔪᖅ, ᐃᓕᓐᓂᐊᕐᓗᓂ ᐊᓗᒡᕕᖕᒥ ᐊᓐᓄᕋᔾᔨᐅᕐᓂᕐᒥᒃ ᖃᓄᖅ ᐊᓐᓄᕋᔾᔨᐅᕐᓂᕐᒥᒃ. ᐃᓱᒪᒋᔭᖓ ᐃᔾᔪᐊᒐᒃᓴᓕᐅᕐᓂᖅ "ᑭᓇᑐᐃᓐᓇᖅ ᑭᒃᑯᓕᒫᓪᓗ ᐱᔪᓐᓇᖅᑐᑦ ᐆᒻᒪᑎᖃᕈᑎᒃ ᐃᓚᐅᖃᑕᐅᔪᒪᒃᐸᑕᓗ." ᒫᓐᓇᒧᑦ ᑎᑭᖦᖢᒍ ᐱᖓᓱᓂᒃ ᐊᓐᓄᕌᖃᓕᖅᑐᖅ, ᓴᐸᖓᓕᖅᑕᐅᓂᖓ ᐊᑯᓂᐊᓗᒃ ᐱᓕᕆᐊᖑᓲᖑᓂᖓᓄᑦ. ᓂᕆᐅᒃᑐᖅ ᐱᕙᒌᔭᖅᓯᒪᓂᐊᕐᓂᕐᒥᓂᒃ ᐊᕐᕌᒎᑉ ᐃᓗᐊᓂ ᐃᓕᓐᓂᐊᕌᓂᖕᓂᕐᒧᑦ ᑎᑎᕋᐅᔭᖅᑎᐅᓂᕐᒧᑦ. 

"ᑭᓇᑐᐃᓐᓇᖅ ᑭᒃᑯᓕᒫᓪᓗ ᑕᐃᒪᐃᓕᐅᕈᓐᓇᖅᑐᑦ ᐆᒻᒪᑎᖃᕈᑎᒃ ᐃᓚᐅᖃᑕᐅᔪᒪᒃᐸᑕᓗ."

ᑕᐃᒪᐃᒍᓐᓇᖅᑐᓂ ᐃᓕᓐᓂᐊᕐᓂᖓᓄᑦ ᑐᓄᐊᓂ ᐸᓪᔅᑎᐅᑉ ᐅᐱᒍᓲᑎᒋᒻᒪᒍ. ᐃᔾᔪᐊᒐᒃᓴᒥᓂᒃ ᐊᑐᓚᐅᖅᑐᖅ ᒪᒃᑯᖕᓂᖅᓴᐅᑎᓪᓗᒍ, ᑭᓯᐊᓂ ᐃᓕᓐᓂᐊᖅᑕᒥᓂᒃ ᓯᕗᓪᓕᐅᔾᔨᓚᐅᖅᑐᖅ. ᑖᓐᓇ ᐊᔪᕐᓇᙱᑐᐃᓐᓇᕆᐊᓕᒃ ᓄᓇᖃᖅᑳᖅᓯᒪᔪᓄᑦ ᒪᓕᒐᒃᓴᐅᓗᓂ ᑕᑎᖃᓗᐊᙱᑦᑐᖅ ᒪᒃᑯᒃᑐᖁᑎᖏᓐᓂ ᑲᔪᓯᑦᑎᐊᕐᓂᕐᒧᑦ, ᐱᕕᖃᖅᑎᓪᓗᒍ ᐱᔭᕇᕈᓯᐊᖓᓂᒃ ᐱᔪᒪᙱᖦᖢᓂ ᑕᐅᑐᙳᐊᖅᑕᖏᓐᓂ. 

"ᐊᓕᐊᓇᑦᑎᐊᖅᑐᖅ ᑕᒪᐃᓐᓂᒃ ᒫᓐᓇ ᐊᒻᒪ ᖃᐅᔨᒪᓗᖓ ᐃᖅᑲᓇᐃᔮᖃᕈᓐᓇᕐᓂᓐᓂᒃ ᐊᒃᓱᕈᕈᑎᒋᓲᕆᓲᓐᓂᒃ, ᑭᓯᐊᓂᑦᑕᐅᖅ ᐃᓱᒪᑐᔫᓪᓗᓂ ᓇᖕᒥᓂᖅ ᐋᖅᑭᒃᓱᐃᓗᓂ ᐅᕝᕙᓘᓐᓃᑦ ᓱᓕ ᐃᔾᔪᐊᒐᒃᓴᓕᐅᕐᓗᓂ ᐊᓯᖕᓄᑦ ᐃᓄᖕᓄᑦ ᐃᑲᔪᕐᓗᓂᓗ ᑕᐅᑐᖅᑰᖅᑕᖏᑦ ᐃᓅᓯᕐᒧᐊᖅᑎᖦᖢᒋᑦ," ᓇᓗᓇᐃᖅᓯᓪᓗᓂ. ᐊᕐᕌᒍᒐᓵᓗᖕᓄᑦ ᐱᓕᕆᖃᑦᑕᖅᓯᒪᓂᖓᓄᑦ ᐃᔾᔪᐊᖅᓯᓂᕐᒥᒃ ᒪᒃᑯᒃᖢᓂ, ᐊᔾᔨᓕᐅᕆᕙᒃᑭᓪᓗᓂ ᓄᓇᓕᖕᓂ ᓄᓇᖃᖅᑳᖅᑐᓄᑦ ᐊᓐᓄᕋᔾᔨᐅᖅᐸᒃᑐᓄᑦ ᓴᖅᑭᑎᑦᑎᔪᓐᓇᖅᖢᓂᓗ ᑕᐅᑐᖅᑰᖅᑕᒥᓂᒃ ᑕᒪᓐᓇ ᑐᑭᓕᐅᕆᔪᓐᓇᕐᓂᐊᕐᒪᑦ ᐊᔾᔨᓕᐅᕈᑎᓂᒃ.  

ᐃᓚᖓᑦ ᐊᔭᖅᑭᑦᑕᕈᑕᐅᓚᐅᖅᑐᖅ ᐸᓪᔅᕼᐃᐅᑦᔅ ᖃᐅᔨᓚᐅᖅᐳᑦ ᑕᒪᒃᑯᐊ ᓄᓇᖃᖅᑳᖅᑐᑦ ᐊᑐᖅᐸᒃᑕᖏᑦ ᐃᓱᒪᒋᔭᐅᓚᐅᖅᐳᑦ ᑭᑭᑕᐅᓯᒪᓂᕐᒥᓂᒃ ᐊᑐᖅᑕᐅᓪᓗᐊᑕᖅᐸᒃᑐᒥᑦ ᑕᒪᓐᓇ ᑐᙵᕕᖃᖅᑎᑕᐅᓪᓗᓂ ᓇᑭᙶᕐᓂᖏᓐᓄᑦ. ᐊᒻᒪ ᓱᓕ, ᐃᓚᓕᐅᑎᓗᒋᑦ ᖃᐅᔨᓴᒐᒃᓴᑦ ᐊᖏᓂᖏᑦ 0-4 ᑎᒥᒧᑦ ᐊᔾᔨᓕᐅᖅᓯᒪᙱᑦᑐᓄᑦ ᐊᓂᒍᖅᑎᓐᓇᓱᒋᐊᓕᑦ. ᑕᒪᒃᑯᐊ ᒪᓕᒃᑕᐅᔭᕆᐊᖃᖅᑐᑦ ᐱᐅᓗᐊᓚᐅᓐᖏᑦᑐᑦ ᑭᓯᐊᓂᓕ ᑕᒪᓐᓇ ᑕᑯᓯᒪᔭᖓ ᐊᓯᑦᔨᕐᓂᐅᔪᖅ, ᑕᒪᒃᑯᐊ ᐆᑦᑑᑎᐅᔪᑦ ᐃᖅᑲᓇᐃᔭᖅᑐᑎᒃ ᐊᖏᓂᕐᓴᐅᔪᓂ ᐅᑭᐅᖏᑎᒍᑦ ᐊᒻᒪᓗ ᐊᖏᓂᖏᑎᒍᑦ, ᐅᕝᕙᓘᓐᓃᑦ ᓄᒃᑎᕐᓗᑎᒃ ᐃᒪᐃᑦᑐᓄᑦ ᓴᓇᑐᔪᓄᑦ ᐊᐅᓚᑦᓯᔨᐅᔪᓄᑦ ᒪᓕᒃᑐᒋᑦ ᐆᑦᑑᑎᒋᖃᑦᑕᓚᐅᖅᑕᖏᑦ. "ᐃᓱᒪᒋᔪᓐᓇᐃᖅᑕᐅᓂᖅᓴᐅᔪᖅ ᐊᒻᒪ ᑭᓇᐅᓂᕐᓂᒃ ᐱᔾᔪᑎᖃᕐᓂᖅᓴᐅᓪᓗᓂ, ᐃᓕᖅᑯᓯᕐᓂᒃ ᐱᓗᐊᖅᑐᒥ ᐊᒻᒪ ᖁᕕᐊᓲᑕᐅᓪᓗᓂ ᐊᒻᒪ ᓈᒻᒪᒋᔭᐅᓪᓗᓂ. ᑕᑯᖃᑦᑕᖅᓯᒪᕗᖓ ᐃᓐᓇᑐᖃᕐᓂᒃ ᐊᓐᓄᕌᓂᑦ ᑕᑯᔭᒐᖃᖅᑎᑦᑎᔪᓂᑦ ᑕᒪᓐᓇᓗ ᐅᕙᓐᓄᑦ ᖁᕕᐊᓇᖅᑐᒻᒪᕆᐅᓪᓗᓂ ᐱᓪᓗᒍ ᖃᐅᔨᒪᓂᓕᓐᓂᑦ ᑎᒍᒥᐊᖅᑎᐅᒻᒪᑕ, ᑕᐃᒃᑯᐊ ᑎᒍᒥᐊᖅᑎᐅᒻᒪᑕ ᓯᓚᑐᓂᓕᒫᖏᓐᓂᑦ ᐃᓚᓕᐅᔾᔭᐅᒋᐊᖃᖅᑐᑎᓪᓗ. ᓄᓇᖃᖅᑳᖅᓯᒪᔪᑦ ᐊᓐᓄᕋᔾᔨᐅᖅᑏᑦ ᐃᓚᖃᖅᐳᑦ ᑭᒃᑯᓕᒫᓂᑦ" ᐅᓂᒃᑳᒥᓂᒃ. 

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᓇᖕᒥᓂᖅ ᐃᒪᐃᒃᑲᔭᖅᑐᖅ, "ᕿᑐᑦᑐᒐᐅᔭᙳᐊᖅ ᐃᓕᖕᓄᑦ ᓈᒻᒪᙱᑉᐸᑦ, ᐃᓕᖕᓄᑦ ᓈᒻᒪᒃᑎᓐᓇᓱᒡᓗᒍ. ᐅᐱᓐᓇᕋᓂ ᒫᓐᓇ, ᑕᑯᓯᒪᔪᒍᑦ ᐅᕙᑦᑎᓐᓄᑦ ᓈᒻᒪᖏᒻᒪᑦ ᐊᒻᒪᓗ ᓴᓇᓯᒪᓪᓗᑕ ᓇᒻᒥᓂᖅ ᐃᑦᑎᕐᕕᐅᔭᒥᒃ, ᐊᒻᒪᓗ ᒫᓐᓇ ᓈᒻᒪᓕᖅᑐᖅ ᐊᒥᓱᓄᑦ ᐃᓄᓐᓄᑦ ᐊᒻᒪᓗ ᐱᖃᓯᐅᔾᔨᑎᐊᖅᑐᓂ. ᐊᓕᐊᓇᐃᒋᑐᐃᓐᓇᖅᑕᕋ ᐊᓯᔾᔨᖅᐸᓪᓕᐊᔪᖅ ᓄᓇᑦᑎᓐᓂ ᓄᓇᖃᖅᑳᖅᓯᒪᔪᑦ ᐃᓄᐃᑦ."

ᑲᔪᓯᑎᑦᑐᒪᓪᓗᒍ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᖓ, ᐊᓗᒡᕕᐊ ᐱᒻᒪᕆᐅᓕᖅᓯᒪᕗᖅ ᐃᓚᒋᔭᐅᓪᓗᓂ ᐸᓪᔅᕼᐃᐅᔅ ᐃᓅᓯᖓᓄᑦ. "ᐊᑐᕋᓱᖃᑦᑕᖅᑐᖓ, ᓲᖃᐃᒻᒪ ᐃᑲᔪᖃᑦᑕᕐᒪᑦ ᐅᕙᓐᓂᒃ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒥᒃ, ᐊᒻᒪᓗ ᓴᙱᒃᑎᒋᐊᕐᓗᒍ ᑭᓇᐅᓂᕋ ᐃᓕᖅᑯᓯᕋᓗ ᐱᒃᑯᒍᓱᐃᓐᓇᕐᓗᖓᓗ ᑭᓇᐅᓂᓐᓂᒃ," ᓇᓗᓇᐃᖅᓯᓪᓗᓂ. ᐅᓐᓄᐊᒃᑯᑦ ᐱᖃᓐᓇᕆᔭᖃᕐᓂᒃᑯᑦ, ᐱᖃᓐᓇᕆᔭᓕᐅᕐᓂᒃᑯᑦ, ᐊᒻᒪᓗ ᐊᔪᕆᖅᓲᔾᔭᐅᓪᓗᑎᒃ ᐊᖓᔪᖅᑳᓂᑦ ᐃᓕᖅᑯᓯᐅᔭᕆᐊᓕᖕᓂᑦ ᐊᒻᒪᓗ ᐃᓕᓐᓂᐊᖅᑎᑦᑎᓂᒃᑯᑦ, ᐃᓕᑦᑎᓯᒪᔪᖅ ᑐᒃᑑᑎᖃᕐᓂᕐᒥᑦ ᑕᐃᒃᑯᓄᖓ ᐱᖃᙱᑦᑐᓄᑦ ᐱᔭᕆᐊᖃᖅᑕᒥᓂᒃ ᐊᒻᒪᓗ ᐊᐅᓚᔾᔭᒍᓐᓇᕐᓂᕐᒧᑦ ᐊᒃᓱᕈᕐᓇᖅᑐᒃᑯᑦ. ᒧᒥᖅᑐᖅ ᐊᓐᓄᕌᖅᓯᒪᓪᓗᓂ, ᐊᓐᓄᕋᔾᔨᐅᖅᑐᓂ, ᐃᓕᖅᑯᓯᑐᖃᖅᑎᒍᑦ ᐊᒻᒪ ᒧᒥᖅᑐᓂ ᐊᒻᒪ ᑲᔪᖏᖅᓴᖅᑕᐅᓪᓗᓂ ᐊᓐᓄᕋᔾᔨᐅᕐᓂᕐᒧᑦ ᐃᓕᖅᑯᓯᑐᖃᖅ ᐱᐅᔅᓴᖅᑐᓂ ᐊᒻᒪ ᐅᐱᒍᓱᑦᑐᓂ ᖃᓄᖅ ᑲᒪᑦᑎᐊᖃᑦᑕᕐᒪᖔᖅ ᑎᒥᒃᑯᑦ, ᐃᓱᒪᒃᑯᑦ ᐊᒻᒪ ᐅᑉᐱᕐᓂᑎᒍᑦ. 

"ᑕᒪᕐᒥᑦᑎᐊᖅ ᑲᒪᒋᔭᐅᓂᕆᔭᐃᑦ ᑕᐃᒪᓐᓇ ᐊᒻᒪᓗ ᑲᔪᓯᔾᔪᑕᐅᓕᖅᐸᒃᐳᖅ ᐱᐅᓪᓗᓂᓗ. ᐊᒻᒪᓗᑦᑕᐅᖅ, ᐊᑲᐅᒋᙱᒃᑯᕕᐅᒃ, ᐃᓕᖕᓂᒃ ᐃᒃᐱᒍᓱᒃᑎᑉᐸᒡᓗᑎᑦ ᐃᒃᐱᒋᔭᕐᓂᒃ ᓲᖃᐃᒻᒪ ᖃᓄᐃᙱᒻᒪᑦ ᕿᐊᔭᕆᐊᒃᓴᖅ, ᖃᓄᐃᙱᑦᑐᖅ ᖃᓄᐃᖅᑰᔨᙱᖦᖢᓂ. ᑭᓯᐊᓂ ᐃᑉᐱᓐᓂᐊᓂᐅᒻᒥᔪᖅ ᓴᖅᑭᕐᓗᒍ, ᐊᒻᒪᓗ ᑲᔪᓯᒋᐊᓯᑦᑕᖅᑯᖅ. ᑕᒪᓐᓇ ᓇᓪᓕᒋᑐᐃᓐᓇᖅᑕᕋ. ᐊᑭᓯᖃᖅᖢᖓ ᐊᒻᒪ ᐊᑭᓯᖃᖅᖢᖓ ᐊᖓᔪᖅᑳᓂᒃ ᐊᔪᕆᖅᓲᔾᔨᓯᒪᓪᓗᖓ ᐃᓕᖅᑯᓯᓐᓂ ᓴᖅᑭᑦᑎᓯᒪᓪᓚᕆᖕᒪᑦ ᐃᓄᑦᑎᐊᕙᖕᒥᒃ ᖃᐅᔨᒪᔪᒥᒃ ᓇᒧᙵᐅᔭᕆᐊᖃᕐᒪᖔᕐᒪ ᖃᓄᐃᓕᐅᕆᐊᖃᕐᒪᖔᕐᒪᓗ ᐊᒃᓱᕈᓗᐊᓕᕌᖓᒪ," ᓇᓗᓇᐃᖅᓯᑦᑎᐊᖅᐳᖅ. ᖃᐅᔨᒪᓂᐅᔪᖅ ᖁᕕᐊᓱᒃᑐᖅ ᐊᓯᖕᓂᒃ ᐃᑲᔪᕆᐊᒃᓴᖅ, ᖃᐅᔨᒪᓪᓗᓂ ᐃᓱᒪᖕᓂᒃ ᑐᑭᓯᓇᖅᑎᑦᑎᖕᒪᑦ ᐊᒻᒪᓗ ᐊᒥᓱᓂᒃ ᐱᐅᔪᓂᒃ ᓴᖅᑭᑦᑎᓪᓗᓂ. 

ᒪᑐᓕᕐᓗᒍ, ᐸᓪᔅᕼᐃᑦᔅ ᐅᖃᐅᔾᔨᔪᒪᕗᖅ ᓄᓇᖃᖅᑳᖅᑐᓄᑦ ᒪᒃᑯᒃᑐᓄᑦ, "ᖃᓄᑐᐃᓐᓇᖅ, ᓄᓇᖃᖅᑳᖅᓯᒪᓂᕐᓄᑦ, ᐱᓇᔪᒍᒪᓇᔭᕐᓂᕐᓄᑦ, ᐱᕕᒃᓴᖃᖅᐳᑎᑦ ᐊᒡᒐᖕᓄᑦ ᒫᓐᓇ, ᑕᒪᑐᒪᓂ, ᑕᒪᑐᒪᓂ ᐊᕐᕌᒍᒋᔭᕐᓂ. ᐆᑦᑑᑎᑦᑎᐊᕙᐅᔪᒪᒍᕕᑦ, ᐊᑏ, ᐱᕕᔅᓴᖅᑕᖃᖅᑐᒻᒪᕆᐅᒻᒪᑦ ᐊᒻᒪ ᐃᑲᔪᖅᓱᕐᓂᖅ ᐊᒻᒪ ᐃᓕᖅᑯᓯᑐᖃᓕᕆᓂᖅ ᐊᒻᒪ ᐃᓄᐃᑦ ᐃᑲᔪᕈᒪᓂᖃᕐᒪᑕ ᑕᒪᑐᒥᖓ. ᑭᓯᐊᓂ ᐆᑦᑑᑎᐅᖏᑉᐸᑦ, ᖃᓄᐃᑦᑑᒐᓗᐊᖅᑲᑦ, ᒫᓐᓇᐅᓕᖅᑯᖅ ᓴᔪᒋᐊᖃᓕᕋᕕᑦ ᐊᒻᒪᓗ ᑲᔪᓯᑦᑎᐊᕐᓂᐊᖅᑯᑎᑦ ᐊᒻᒪᓗ ᑕᐃᒪᐃᓐᓂᐊᖅᑯᑎᑦ ᐊᒻᒪᓗ ᓯᕗᓕᕕᓂᑎᑦ ᑐᓄᓐᓂ ᐱᓯᒪᓗᒋᑦ. ᐊᑏᒎᖅ." 

"ᐊᒥᖅ ᐊᒻᒪ ᐊᓗᒐᐅᔭᑦ ᐊᖓᔪᖅᑳᑦ ᐅᕙᓐᓂᒃ ᐊᔪᕆᖅᓲᔾᔨᑎᓪᓗᒋᑦ ᐃᓕᖅᑯᓯᓐᓂ ᓴᖅᑭᑎᑦᑎᓯᒪᕐᔪᐊᖅᐳᖅ ᐃᓄᖕᒥᒃ ᖃᐅᔨᒪᔪᒥᒃ ᓇᒧᙵᐅᔭᕆᐊᖃᕐᒪᖔᕐᒪ ᖃᓄᐃᓕᐅᕆᐊᖃᕐᒪᖔᕐᒪᓗ ᐊᒃᓱᕈᕐᓇᖅᑐᒃᑰᓕᕌᖓᒪ."

ᖃᐅᔨᒪᓪᓗᒋᑦ ᓯᕗᓕᕕᓂᑐᖃᖏᑦ ᖁᐊᖅᑎᖦᖢᓂᔾᔪᒃ ᒫᓐᓇᓗ shine, Fawnda Bullshields-ᑯᑦ ᐃᖏᕐᕋᕙᓪᓕᐊᓕᕐᒪᑕ ᖃᐅᒪᔪᒧᑦ ᒥᕝᕕᓕᐊᖅᐸᓪᓕᐊᓪᓗᓂᓗ ᓯᕗᓂᒃᓴᒧᑦ ᐊᔾᔨᖁᑎᒧᑦ. ᑲᔪᖏᖅᓴᖅᑕᐅᓪᓗᓂ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐃᓚᐅᑎᑕᐅᓂᖏᓐᓄᑦ ᐊᒻᒪᓗ ᓴᙱᓂᖃᕐᓂᖓᓄᑦ ᐃᐸᕋᐃᑦ ᐱᖅᑯᓯᖏᓐᓂᑦ, ᓴᓇᔪᖅ ᐊᒻᒪᓗ ᑕᑯᒃᓴᐅᑎᑦᑎᔪᖅ ᓄᓇᖃᖅᑳᖅᓯᒪᔪᑦ ᐊᓐᓄᕌᖏᓐᓂᑦ ᐊᒻᒪᓗ ᓯᓐᓇᒃᑑᒪᓪᓗᓂ ᓯᓐᓇᑦᑑᒪᒋᔭᓗᒃᑖᖏᓐᓄᑦ ᐊᔪᙱᒻᒪᓐ. ᐃᓕᓐᓂᐊᓚᐅᖅᑐᖅ ᐱᓱᒍᓐᓇᓂᕐᒥᒃ ᐊᒻᒪᓗ ᓇᒻᒥᓂᖅ ᓄᓇᓕᓕᐅᕈᓐᓇᖅᓯᓪᓗᓂ ᐊᒻᒪᓗ ᑕᒪᒃᑯᐊ ᐱᔪᓐᓇᕐᓂᐅᔪᑦ ᐃᓕᖅᑯᓯᐅᒍᓐᓃᕈᓐᓇᖏᑦᑐᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.