"ᖃᐅᔨᒪᙱᑦᑐᖓ ᖃᓄᐃᒻᒪᑦ, ᑭᓯᐊᓂ ᐱᐅᒋᔭᕋ ᐃᓄᓕᕆᔨ. ᐃᓕᓯᒪᓗᐊᓕᓲᖅ ᑭᓇᐅᓂᕐᓂ, ᐃᓱᒪᒋᔭᒃᑯᑦ," ᐅᖃᖅᑐᖅ ᔫᑎ ᐳᕆᒻᓄ. ᐊᓪᓚᖓᔪᖅ ᐊᕐᓇᖅ ᓄᓇᖃᖅᑐᖅ ᓂᐅᓪᓴᓐ ᐳᕆᑎᔅ ᑲᓚᒻᐱᐊᒥ ᐊᒻᒪᓗ ᐱᓕᕆᖃᑎᖃᖅᑐᓂ ᓕᐊᔅ ᕙᒻᔅ ᒥᑎᐱᒥᐊᒃ, ᑲᓇᑕᒥ ᐊᓪᓚᖓᔪᑦ ᐊᕐᓇᐃᑦ ᑲᑐᔾᔨᖃᑎᒌᖓ ᐋᑐᕚᒦᑦᑐᖅ. ᓯᕗᓕᖅᑎᐅᓂᕐᒧᑦ ᑲᔪᖏᖅᓴᐃᔨᐅᔪᖅ ᑭᖑᓪᓕᖅᐹᒧᑦ ᓯᕗᓕᖅᑎᐅᓂᕐᒧᑦ ᐱᓕᕆᐊᒧᑦ ᑕᐃᔭᐅᔪᖅ ᓯᑲᐃ.  

ᐆᒃᑑᒪᔭᒍᑕᐅᓪᓗᓂ ᐱᓕᕆᐊᖑᕗᖅ ᐃᓚᒋᔭᐅᓪᓗᓂ ᐃᑭᐊᖅᑭᕕᒃᑯᑦ ᐃᓕᓐᓂᐊᕐᓂᖅ ᐋᖅᑭᒃᓱᖅᑕᐅᓯᒪᓪᓗᓂ ᓯᓚᑦᑐᖅᓴᕐᕕᒡᔪᐊᒥᑦ ᐋᓪᐴᑕᒥ. ᑖᓐᓇ ᐱᓕᕆᐊᖑᔪᖅ ᐱᓕᕆᐊᖃᖅᐳᖅ ᐊᓪᓚᖓᔪᑦ ᐊᕐᓇᐃᑦ ᖃᓄᐃᓕᐅᖅᐸᓚᐅᕈᓯᖏᓐᓂᒃ ᐊᒻᒪᓗ ᐃᒻᒪᓂᓴᕐᓂᒃ ᐊᒻᒪᓗ ᐃᓕᖅᑯᓯᑐᖃᕐᓂᒃ ᐃᓕᑦᑎᕙᓪᓕᐊᓪᓗᑎᒃ. ᐃᓚᖃᕐᒥᔪᖅ ᐃᓕᓐᓂᐊᒐᒃᓴᓂᒃ ᐋᑕᐹᔅᑲᒥ ᓯᓚᑦᑐᖅᓴᕐᕕᒡᔪᐊᑎᒍᑦ, ᐃᖅᑲᓇᐃᔮᒥᒃ ᒪᓕᑲᑕᖕᓂᕐᒥᒃ ᐊᒻᒪ ᑲᔪᖏᖅᓴᐃᔨᒥᒃ. ᐱᓕᕆᐊᒃᓴᖃᖅᐳᖅ ᐃᓚᐅᔪᓂᒃ ᐱᓕᕆᖃᑎᖃᕆᐊᖃᖅᖢᓂ ᓇᒧᙵᐅᔪᒪᖕᒪᖔᑕ. ᐱᓇᓱᐊᕈᓯᓕᒫᒥᑦ ᐅᐸᒡᓗᑎᒃ ᐃᓕᖅᑯᓯᖕᒧᑦ ᐱᓕᒻᒪᒃᓴᓂᖕᒥᑦ ᐃᖅᑲᓇᐃᔮᒧᓪᓗ ᐃᓂᑖᖅᑎᑕᐅᓃᑦ, ᐊᒥᓲᕗᑦ ᐃᓕᓐᓂᐊᒐᒃᓴᑦ ᐃᓚᐅᔪᓄᑦ. 

Bremner ᐱᓕᕆᖃᑎᖃᖅᓯᒪᔪᖅ ᑲᑐᔾᔨᖃᑎᒌᒥᒃ ᕿᓚᒥᕈᓗᒃ ᐊᐅᓚᑦᑎᓚᐅᖅᑎᓪᓗᒍ ᓇᖕᒥᓂᖅ ᓂᐅᕕᕐᕕᖁᑎᒥᓂᒃ ᐊᕐᕌᒍᓄᑦ ᖃᔅᓯᐊᕐᔪᖕᓄᑦ. ᒫᓐᓇ ᒪᑐᕙᓪᓕᐊᓕᖅᑐᖅ ᑖᓐᓇ ᐊᑯᓂᐅᓂᖅᓴᐅᖃᑦᑕᕐᒪᑦ ᐊᑐᐃᓐᓇᐅᓂᖓ. MNBC-ᑯᑎᒍᑦ, ᓇᒻᒥᓂᖃᕐᓂᕐᒥᒃ ᐃᓕᓐᓂᐊᑎᑦᑎᒍᓐᓇᖅᓯᒪᔪᖅ ᐊᒻᒪᓗ UBC-ᑯᑦ ᓵᑐ ᐃᓕᓐᓂᐊᖅᑐᓂ. ᓯᓚᑖᓂ ᓇᒻᒥᓂᖃᕐᓂᕐᒧᑦ ᐃᓕᓐᓂᐊᕐᓂᖓᑕ, ᐸᐃᑉᐹᖃᕐᒥᔪᖅ ᐃᓄᓕᕆᓂᕐᒥᒃ ᐊᒻᒪᓗ ᐃᖅᑲᓇᐃᔭᖃᑦᑕᖅᓯᒪᓪᓗᓂ ᐃᓚᒌᓐᓂᕐᒥᒃ ᐊᒻᒪᓗ ᐃᓱᒪᓕᕆᓂᕐᒥᒃ ᐊᒻᒪᓗ ᐊᔪᓕᕈᑎᖃᖅᓯᒪᓂᕐᒥᒃ, ᖁᕕᐊᒋᓂᖅᐹᕆᔭᖓ.

ᐱᕈᖅᓴᓪᓗᓂ, ᐳᕆᒧᕐ ᓴᖅᑭᔮᓗᐊᓚᐅᙱᑦᑐᖅ ᐃᓕᖅᑯᓯᕐᒥᓄᑦ ᑭᓯᐊᓂ ᖃᐅᔨᒪᓚᐅᖅᑐᖅ ᐊᓪᓚᖓᓪᓗᓂ. ᕿᑐᕐᖓᖏᑦ ᐃᓐᓇᕈᖅᐸᓪᓕᐊᑎᓪᓗᒋᑦ, ᖃᐅᔨᓴᖃᑦᑕᖅᓯᒪᔪᖅ ᐃᓕᖅᑯᓯᑐᖃᕐᒥᓂᒃ ᐊᒻᒪ ᐱᓕᕆᖃᑕᐅᒃᑲᓐᓂᕈᒪᓪᓗᓂ ᓄᓇᓕᒻᒥᓂᒃ. ᐃᖅᑲᓇᐃᔭᖅᑎᓪᓗᒍ ᐱᓕᕆᔪᒻᒪᕆᐅᓪᓗᓂ ᐊᓈᓇᐅᓪᓗᓂ, ᐃᖅᑲᓇᐃᔭᕆᐊᖃᓚᐅᖅᑐᖅ ᓴᖅᑭᓚᐅᕐᒪᑦ ᑭᓯᐊᓂ ᑖᓐᓇ ᓄᑖᖅ ᐃᖅᑲᓇᐃᔮᖅ ᖁᕕᐊᒋᑦᑎᐊᖅᑕᖓ. 

ᐊᕐᕌᒎᓵᖅᑑᖕᓂ ᒪᕐᕉᖕᓂ, ᐳᕆᒻᓄ ᐃᓱᒪᖃᑦᑕᖅᓯᒪᕗᖅ ᐃᓕᓐᓂᐊᕆᐊᕆᐊᒃᓴᖅ ᓇᓗᓇᐃᒃᑯᑕᖅᑖᕆᐊᖅᑐᕐᓗᓂ ᓯᓚᑦᑐᖅᓴᕐᕕᒡᔪᐊᒥ ᓇᓗᓇᐃᒃᑯᑕᖅᑖᕐᓗᓂ ᖃᐅᔨᓴᕐᓗᓂᓗ ᐊᓪᓚᖓᔪᑦ ᐊᕐᓇᐃᑦ ᖃᓄᐃᓕᐅᖅᐸᓚᐅᕈᓯᖏᓐᓂᒃ. ᐃᓱᒪᓯᒪᔪᖅ ᖃᓄᐃᓕᐅᕆᐊᒃᓴᖅ ᐃᓅᓯᓕᒫᖓᓂ, ᖃᐅᔨᒪᓪᓗᓂ 44−ᒥᑦ ᒪᒃᑯᒃᓯᕙᓪᓕᐊᙱᖦᖢᓂ. ᐃᓚᐅᒃᑲᓐᓂᓚᐅᖅᑎᓪᓗᒍ ᐊᓪᓚᓄᑦ ᐱᓕᕆᐊᒃᓴᓄᑦ ᐸᓂᖏᓐᓄᓪᓗ ᓯᓚᑦᑐᖅᓴᕐᕕᒡᔪᐊᓕᐊᖅᑐᓄᑦ ᖃᐅᔨᔪᒪᓪᓗᓂᓗ ᐊᑐᕐᓂᑯᕕᓂᖏᓐᓂᒃ, ᑕᑯᓪᓗᓂ ᐃᖅᑲᓇᐃᔮᒥᒃ ᐃᓕᔭᐅᔪᒥᒃ ᕙᐃᔅᐳᒃᑯᑦ ᐱᓇᔪᒍᒪᓕᕐᖢᓂᓗ. ᓇᒻᒥᓂᖁᑎᖓ ᐱᓕᕆᑦᑎᐊᓚᐅᖅᑐᖅ ᐊᒻᒪ ᑮᓇᐅᔭᓕᐅᖅᑐᓂ, ᐱᕈᖅᐸᓪᓕᐊᓪᓗᓂ ᐊᓪᓛᑦ ᐊᒥᓱᓄᑦ ᖃᓂᒻᒪᓐᓇᐅᔪᖅ, ᑭᓯᐊᓂ ᐃᓱᒪᓚᐅᖅᑐᖅ ᑐᓴᕈᒥᓇᕆᐊᖓᓂᑦ. ᐃᖅᑲᓇᐃᔮᖅᑖᓕᓚᐅᖅᑐᖅ. 

ᐃᓕᓐᓂᐊᕐᕕᐊᓗᒻᒥ, ᐳᕆᒧᓄ ᐃᓕᖅᑯᓯᓕᕆᔨᐅᔪᒪᓚᐅᖅᑐᖅ ᑭᓯᐊᓂ ᐃᓱᒫᓘᑎᖃᓚᐅᖅᑐᖅ ᓇᓂᓯᓂᕐᒥᑦ ᐃᖅᑲᓇᐃᔮᒥᑦ ᐊᒻᒪ ᐃᓱᒪᒋᔭᐅᓗᐊᖅᓯᒪᖏᑦᑐᖅ ᖃᐅᔨᓴᕐᓂᐅᔪᓂᑦ. ᐱᔪᒪᓕᕋᒥ ᐱᔪᒪᓂᖅᓴᐅᔪᒪᓕᓚᐅᖅᑐᖅ ᐃᓚᒥᓂᒡᓗ ᑭᖑᕚᕇᓄᑦ ᐋᓐᓂᖅᓯᒪᓂᑯᓂ, ᐃᓄᓕᕆᔪᒪᓕᓚᐅᖅᑐᖅ. 12-ᓂᒃ ᐅᑭᐅᖃᓕᓵᖅᑎᓪᓗᒍ, ᐃᖅᑲᓇᐃᔭᓚᐅᖅᖢᓂ ᖃᔅᓯᐊᕐᔪᖕᓄᑦ ᐊᕐᕌᒍᓄᑦ, ᐱᓇᔪᓚᐅᖅᐳᖅ ᐅᑎᕈᒪᓪᓗᓂ ᓯᓚᑦᑐᖅᓴᕐᕕᒡᔪᐊᒧᑦ ᐅᑳᓇᒐᓐ ᓯᓚᑦᑐᖅᓴᕐᕕᒡᔪᐊᖓᓄᑦ. ᑕᐃᑲᙵᑦ, ᓂᑯᓚ ᕚᓕ ᐃᓕᓐᓂᐊᕐᕕᖓᓄᐊᓚᐅᖅᑐᖅ ᓄᑖᙳᖅᐸᓪᓕᐊᔪᓄᑦ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᓄᓕᕆᔨᐅᓂᕐᒧᑦ ᓄᓇᖃᖅᑳᖅᓯᒪᔪᓂᑦ ᑐᕌᒐᖃᖅᖢᓂ. ᑖᓐᓇ ᐱᖃᑎᖓᓗ ᒨᕆᑦᒧᑦ ᓅᓚᐅᖅᓯᒪᓪᓗᓂᓗ ᐱᔭᕇᖅᓯᓪᓗᓂᓗ ᐊᔪᕈᓐᓃᖅᓴᕐᓂᕆᔭᒥᓂᒃ ᐅᕙᓂ, Coldwater Indian Band... "ᐊᑐᓕᖁᔨᓪᓚᕆᒐᔭᖅᑐᖓ ᑕᐃᒪᐃᑦᑐᒥᒃ ᐱᓕᕆᖁᔨᓗᖓ ᐃᓄᓕᕆᔨᒃᑯᓐᓅᕐᓂᐊᕈᕕᑦ," ᐅᖃᖅᑐᖅ. 

ᐃᓕᓐᓂᐊᖅᑕᒥᓂᒃ ᐊᓂᒍᐃᓚᐅᖅᑎᓪᓗᒍ, ᐊᔪᕈᓐᓃᖅᓴᕐᕕᖕᒦᖏᓐᓇᖁᔭᐅᓚᐅᖅᐳᖅ ᑭᓯᐊᓂ ᓄᑖᖑᓗᐊᖅᑰᔨᓚᐅᖅᑐᖅ ᓈᒻᒪᓚᐅᙱᖦᖢᓂᓗ. ᐱᓕᕆᖃᑎᖃᓕᓚᐅᖅᑐᖅ ᐃᓄᖕᓂᒃ ᐃᓱᒪᒥᒍᑦ ᐋᓐᓂᐊᖃᐃᓐᓇᖅᑐᓂᒃ ᐊᒃᑐᐃᔪᓂᒃ ᖃᐅᑕᒫᑦ ᐃᓅᓯᖏᓐᓂᒃ, ᐅᖃᓪᓚᒍᑎᒋᓪᓗᒍ ᖃᑕᙳᑎᖏᑕ ᐊᑐᖃᑦᑕᕐᓂᑯᖏᓐᓂᒃ ᑐᓵᔭᒐᖃᕐᓂᕐᒥᒃ ᐃᖕᒥᓃᕐᓂᕐᒥᒃᓗ. ᐅᕕᖓᓪᓗᓂ.

ᐅᓪᓗᒥ ᐱᓕᕆᔪᒻᒪᕆᐅᖃᑦᑕᓕᖅᑐᖅ ᐊᒻᒪᓗ ᐊᓂᓗᐊᖅᐸᒐᓂ ᑭᓯᐊᓂ ᕿᑐᕐᖓᖏᑦ ᑲᔪᖏᖅᓴᐃᕙᒻᒪᑕ, ᑕᐃᒫᒃᑕᐅᖅ ᐊᐱᖅᓱᖅᑕᐅᑎᓪᓗᒍ ᐊᐱᖅᓱᖅᑕᐅᑎᓪᓗᒍ. "ᑕᒪᕐᒥᑦᑎᐊᖅ ᖃᐅᔨᒃᑲᓐᓂᕈᒪᓚᐅᖅᑐᑦ ᑭᓇᐅᓂᕐᒥᓂᒃ ᐃᓕᑦᑎᓗᑎᒡᓗ. ᓴᙱᔪᑦ ᐊᕐᓇᐃᑦ ᓯᕗᓕᖅᑎᙳᕈᒪᔪᑦ," ᐱᙳᐊᖅᑐᖅ. ᐸᓂᖓ ᓯᓚᑦᑐᓴᕐᕕᕐᔪᐊᕐᒨᖅᐸᓪᓕᐊᓪᓗᓂ ᐃᓱᒪᓕᓚᐅᕐᒥᔪᖅ ᐃᓕᓐᓂᐊᕐᕕᒻᒥᒃ, ᐊᒻᒪᓗ ᑲᓱᑦᑕᐅᑎᙳᐊᒥᒃ ᐃᑭᑦᓯᓪᓗᓂ ᐃᓕᒃᑲᓐᓂᖁᓪᓗᒍ.

ᐃᒻᒥᓂᒃ ᑲᒪᒋᑦᑎᐊᕋᓱᒃᓗᓂ, ᓯᓚᒥ ᐱᓱᔪᒋᐊᖅᑐᖅᓯᒪᓲᖅ ᐱᓱᑲᑕᒃᐸᒃᖢᓂᓗ. ᖁᕕᐊᒋᔭᖃᖅᑐᖅ ᐅᖃᓕᒫᕐᓂᕐᒥᑦ, ᐃᓕᓐᓂᐊᓂᕐᒥᑦ ᖃᐅᔨᓴᕐᓂᕐᒥᓪᓗ, ᐊᒻᒪ ᐳᓛᕆᐊᕐᓂᕐᒥᑦ ᐱᖃᑎᖏᓐᓂᑦ ᐃᓚᖏᓐᓂᓪᓗ.  ᑕᖅᑮᑦ ᐊᒥᓲᖏᑦᑐᑦ ᓈᓕᖅᑐᑦ ᓈᓚᖃᑦᑕᓕᓚᐅᖅᑐᖅ podcasts-ᓂᒃ, ᖃᐅᔨᓪᓗᓂ ᖁᕕᐊᓇᖅᑐᒥᒃ ᓈᓚᒍᓐᓇᕐᓂᕐᒥᓂᒃ ᐊᖏᕐᕋᒥᓂᒃ ᐊᒥᐊᕆᑎᓪᓗᒍ. 

ᐅᖃᐅᔾᔨᒋᐊᕈᓐᓇᕈᓂ ᒪᒃᑯᓐᓂᖅᓴᒧᑦ, ᖃᐅᔨᒪᖏᑦᑐᖅ ᑕᐃᒪᐃᒃᑲᔭᕐᒪᖔᖅ. "ᐊᖅᑯᑎᒐ ᐊᔾᔨᒋᓇᔭᓚᐅᙱᑕᕋ. ᐊᔾᔨᒌᙱᑦᑐᓂᒃ ᐱᓕᕆᔪᓐᓇᕋᔭᓚᐅᕋᓗᐊᖅᑐᖓ. ᐊᐃᑦᑖᕈᓱᙱᑦᑐᖓ ᖃᓄᐃᓕᐅᖃᑦᑕᖅᓯᒪᔭᓐᓂᒃ ᑭᖑᓂᑦᑎᓐᓂ, ᐃᓅᓯᕋ ᐊᑐᓚᐅᖅᑕᖓᓂᒃ," ᑕᑯᒃᓴᐅᑎᖦᖢᓂᐅᒃ. "ᕿᑐᕐᖓᒃᑲ 17-ᖑᖕᒪᑕ, 14-ᖑᓪᓗᑎᒡᓗ, ᐱᓕᕆᔪᓐᓇᖅᓯᑕᐃᓐᓇᖅᑰᔨᓕᖅᑐᖓ ᐱᓕᕆᐊᕆᔪᒪᓚᐅᖅᑕᓐᓂᒃ ᖃᐅᔨᒪᓚᐅᙱᓐᓇᒪᓘᓐᓃᑦ ᐱᓕᕆᔪᒪᓂᓐᓂᒃ," ᑲᔪᓯᓪᓗᓂ. 

"ᐃᓕᓐᓂᐊᕐᓂᖅ ᐱᒻᒪᕆᐊᓘᕗᖅ. ᐱᒻᒪᕆᐅᓛᖑᙱᑦᑐᖅ, ᑭᓯᐊᓂ ᐱᒻᒪᕆᐅᔪᖅ."

ᒪᒃᑯᖕᓂᖅᓴᓄᑦ, ᐅᖃᕈᒪᓇᔭᖅᑐᖅ, "ᖃᓄᐃᓕᒋᐊᕆᑦ. ᑲᑉᐱᐊᓵᕆᓗᑎᑦ, ᓲᖃᐃᒻᒪ ᐃᓅᓯᖅ ᐃᓕᖕᓅᖓᓕᖃᑦᑕᕐᒪᑦ, ᑲᒪᒋᔭᒃᓴᑎᓪᓗ ᓴᖅᑭᑉᐸᒃᖢᑎᒃ, ᑕᐃᒪᓐᓇᑦᑕᐃᓐᓇᖅ ᐊᔪᙱᓐᓂᖃᙱᓐᓇᕕᑦ ᐱᓕᕆᐊᕆᔪᒪᓇᔭᖅᑕᕐᓂᒃ ᒪᒃᑯᖕᓂᖅᓴᐅᑎᓪᓗᑎᑦ. ᐊᒻᒪᓗ, ᐃᓕᓐᓂᐊᕆᐊᕐᓗᑎᑦ ᐃᓕᓐᓂᐊᕆᐊᕈᒪᒍᕕᑦ. ᑕᐃᒪᐃᓕᐅᑐᐃᓐᓇᕐᓗᑎᑦ." ᐃᓕᓐᓂᐊᕐᓗᓂ ᖃᓄᖅ ᐋᖅᑭᒃᓯᔪᓐᓇᕐᒪᖔᑦ ᓇᖕᒥᓂᖃᕐᓂᕐᒥᒃ ᐅᕝᕙᓘᓐᓃᑦ ᐱᓇᓱᖕᓂᕐᒥᒃ ᓴᓇᔪᓕᕆᓂᕐᒥᒃ, ᐃᓕᓐᓂᐊᕐᓗᓂ ᐱᔪᒥᓴᐃᔾᔪᑎᐅᔪᖅ. "ᓯᕗᓂᒃᓴᖅ ᐱᕈᖅᐸᓪᓕᐊᕗᖅ," ᐅᖃᖅᖢᓂ. 

ᐃᓄᓕᕆᓂᖅ ᐊᔪᓚᐅᖅᑐᖅ ᑭᓇᐅᓂᕐᒥᓂᒃ ᐊᒻᒪᓗ ᖃᓄᖅ ᐃᓱᒪᖕᒪᖔᑦ ᐊᒻᒪᓗ ᒫᓐᓇ ᐃᖏᕐᕋᓕᖅᑐᖅ ᐃᑲᔪᖅᖢᓂ ᐊᓪᓚᖓᔪᓂᒃ ᐊᕐᓇᓂᒃ ᐱᕙᓪᓕᐊᑦᑎᐊᕐᓂᕐᒥᑦ. ᕿᑐᕐᖓᒥᓂᒃ ᐱᕈᖅᓴᐃᐊᓪᓚᓚᐅᖅᖢᓂ, ᓯᕗᓕᖅᑎᑦᑎᐊᕙᐅᓕᕐᓇᖅᐳᖅ ᐊᒻᒪ ᐆᒻᒪᑎᖓ ᐊᖅᑯᑎᒋᔪᒪᓚᐅᖅᖢᓂᐅᒃ. ᐃᓕᓐᓂᐊᕈᒪᓂᖓᓄᑦ ᐊᓪᓚᖓᐃᑦ ᐊᕐᓇᐃᑦ ᐱᐅᓯᕆᕙᓚᐅᖅᑕᖏᓐᓂᒃ ᒫᓐᓇ ᐃᑲᔪᓕᖅᑐᑦ ᐊᓪᓚᖓᔪᑦ ᐊᕐᓇᐃᑦ ᐱᐅᓯᕆᕙᓚᐅᖅᑕᖏᓐᓂᒃ, ᐃᓕᖅᑯᓯᑐᖃᕐᒥᓂᒃ ᐊᑐᖅᖢᓂ ᐊᒻᒪ ᐃᓕᓐᓂᐊᖅᖢᓂ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.

ᒪᐃ 2024−ᒥ ᓄᑖᙳᕆᐊᖅᓯᒪᔪᑦ: ᔫᑎ LFMO−ᒥ ᐊᓂᓚᐅᖅᐳᖅ ᒫᓐᓇᓗ ᐱᔭᕇᖅᓯᕙᓪᓕᐊᓕᖅᖢᓂ Master's−ᒥᒃ ᐃᓄᓕᕆᔨᐅᓂᕐᒧᑦ ᓯᓚᑦᑐᖅᓴᕐᕕᒡᔪᐊᒥ ᑳᓪᒐᕆᒥ. ᐱᓕᕆᓂᖅᓴᐅᓯᒪᔪᖅ ᑲᑎᑎᑦᓯᑲᓐᓂᕐᓂᕐᒥᑦ ᐃᓕᓐᓂᐊᑲᓐᓂᕐᓂᕐᒥᓪᓗ ᐃᓕᖅᑯᓯᕐᒥᑦ, ᐱᓗᐊᖅᑐᒥᑦ ᓃᔮᐃᓐ ᐊᑎᖓᓂᑦ ᓴᓐᑎᓐᔅᒥᑦ ᐊᑦᑎᖅᓱᐃᓂᕐᒥᓪᓗ ᖁᕕᐊᓲᑎᖃᕐᓂᕐᒥᑦ ᐊᐅᔭᖓᓂᑦ 2023. ᐱᓕᕆᖃᑎᖃᖅᓯᒪᔪᖅ MNBC−ᑯᓐᓂ ᐊᑦᑕᕐᓇᙱᖦᖢᓂTALK−ᒧᑦ ᐃᓕᓐᓂᐊᖅᑎᑦᑎᔨᐅᓪᓗᓂ ᐊᒻᒪᓗ ᓄᑖᖑᓪᓗᓂ ASIST−ᒧᑦ ᐃᓕᓴᐃᔨᐅᓪᓗᓂ ᐃᒻᒥᓃᕐᓂᕐᒧᑦ ᐅᔾᔨᕈᓱᒃᑎᑦᑎᓂᕐᒧᑦ ᐊᒻᒪ ᐃᓅᓯᕐᒧᑦ ᖁᕝᕙᕆᐊᖅᑎᑦᑎᓂᕐᒧᑦ ᐱᓕᕆᐊᓂᒃ.