"ᑕᐃᒪᓕ ᐊᑭᒃᖠᒋᐊᖅᑎᑦᑎᒐᔪᒃᐳᒍᑦ ᖃᐅᔨᒪᓂᕆᔭᐅᔪᓂᒃ ᐃᓕᓐᓂᐊᕐᓂᕐᒧᓪᓗ ᒪᒃᑯᒃᑐᑦ ᐅᕙᑦᑎᓐᓄᑦ ᑐᓂᔪᓐᓇᖅᑕᖏᓐᓂᒃ," ᕗᕌᓐᓯᔅ ᐃᓕᓴᐱ ᒧᐊ, ᐋᓐᑎᐅᕆᐅ ᑐᕆᓕᐊᒻ ᑐᙵᕕᖓᓄᑦ ᒪᒃᑯᒃᑐᓄᑦ ᐱᕕᒃᓴᓄᑦ ᑮᓇᐅᔭᖃᖅᑎᑦᑎᔨ, ᑕᑯᒃᓴᐅᑎᑦᑎᕗᖅ. ᒨᕆ ᐱᓕᕆᖃᑎᖃᓲᖅ ᑮᓇᐅᔭᓕᐅᕋᓱᐊᙱᑦᑐᓂᑦ ᐊᒻᒪᓗ ᑮᓇᐅᔭᖅᑖᖅᑎᑕᐅᔪᓂᑦ ᑮᓇᐅᔭᖃᖅᑎᑦᑎᔨᐅᓪᓗᓂ, ᐊᒻᒪᓗ ᐃᖅᑲᓇᐃᔭᕐᕕᖓᑕ ᑮᓇᐅᔭᖃᖅᑎᑦᑎᓂᕆᔪᓐᓇᖅᑕᖏᑦ ᐱᔾᔪᑎᖃᓗᐊᖅᑐᑦ ᓄᓇᖃᖅᑳᖅᓯᒪᔪᓂᑦ ᐊᒻᒪᓗ ᕿᕐᓂᖅᑕᓂᑦ ᓄᓇᓕᖕᓂᑦ. ᐃᑭᒪᔪᑦ ᐃᑲᔪᖅᓱᐃᕙᒃᖢᓂᓗ ᐊᐃᑦᑑᑎᓂᒃ, ᖃᐅᔨᓴᐃᓐᓇᖅᐸᒃᑭᓪᓗᓂ ᐊᑐᔅᓲᔭᕈᓐᓇᕐᓂᕆᔭᖓᓂᒃ, ᑐᓴᐅᒪᑎᑦᑎᕙᒃᖢᓂᓗ ᐊᒻᒪ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᓂᒃ.  

ᐊᓂᔅᓇᐱ ᐊᑎᖓ ᑐᑭᓕᐅᕆᔪᖅ ᓯᕗᓪᓕᖅᐹᒥ ᐅᓐᓄᒃᑯᑦ ᔅᑖᕐ ᐊᕐᓇᒧᑦ ᐊᒻᒪᓗ ᑎᒥᔅᑲᒥ ᓄᓇᖃᖅᑳᕐᓯᒪᔪᖅ, ᐃᓚᒋᔭᐅᔪᖅ ᑭᖕ ᖃᑕᙳᑎᖏᓐᓄᑦ ᐊᒻᒪᓗ ᐃᓚᒋᔭᐅᓪᓗᓂ ᓇᓄᕐᒧᑦ ᒃᓛᓐᒧᑦ. ᓄᓇᖃᖅᓯᒪᓕᖅᑐᖅ ᓚᓐᑕᓐ, ᐋᓐᑎᐅᕆᐅᒥ 20-ᑲᓴᓐᓄᑦ ᐊᕐᕌᒍᓄᑦ ᐊᒻᒪᓗ ᐱᕈᖅᓯᒪᓪᓗᓂ ᓄᓇᒋᔭᒥᒃ ᑐᕌᓐᑐᒥ. 15-ᓂᒃ ᐊᕐᕌᒍᓂᒃ ᐃᖅᑲᓇᐃᔭᖅᓯᒪᓕᖅᑐᖅ ᑮᓇᐅᔭᓕᐅᕋᓱᐊᓐᖏᑦᑐᓄᑦ. 

ᒧᐊᕐ ᐃᑲᔪᓚᐅᖅᑐᖅ ᒪᑐᐃᖅᓯᓪᓗᓂ ᓄᑕᖅᑲᓄᑦ ᐃᓚᒌᓄᓪᓗ ᐅᐸᒐᕐᒥᑦ ᐊᐅᓚᑦᑎᔨᐅᓪᓗᓂ ᐱᓕᕆᐊᖃᕐᖢᓂᓗ ᑐᑭᒧᐊᒃᑎᑦᑎᔨᐅᓪᓗᓂ ᐊᐅᓚᓂᕐᓄᑦ ᓱᖁᑕᑦᑎᓐᓄᑦ, ᑲᑐᔾᔨᖃᑎᒌᖑᔪᖅ ᑕᐅᑐᓪᓗᐊᑕᖅᑐᖅ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᓄᑦ ᐃᓱᒪᓕᕆᓂᕐᒥ ᐃᖕᒥᓃᖅᑕᐃᓕᑎᑦᑎᓂᕐᒥᒃᓗ. ᐃᓕᓐᓂᐊᖅᑎᑦᑎᖃᑦᑕᖅᐳᖅ ᐊᒻᒪ ᑐᓴᕋᓱᒃᑎᑦᑎᕙᒃᑭᓪᓗᓂ ᓴᖅᑭᑦᑎᕙᓪᓕᐊᓪᓗᓂᓗ ᑎᑎᕋᐅᔭᖅᓯᒪᔪᒥᒃ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓄᑦ ᑭᒡᒐᖅᑐᐃᔪᓂᒃ. ᐊᒻᒪ ᓱᓕ, ᒪᕐᕉᖕᓂᒃ ᐊᔾᔨᒌᙱᑦᑐᓂᒃ ᑲᑎᒪᔨᐅᖃᑕᐅᒋᕗᖅ ᐊᒻᒪ ᑲᔪᖏᖅᓴᐃᔨᐅᓪᓗᓂ ᐊᕐᓇᓂᒃ ᓯᓚᑦᑐᖅᓴᕐᕕᒡᔪᐊᕐᒥ. ᑕᕝᕗᖓ ᑎᑭᐅᑎᓚᐅᖅᑐᖅ ᐃᓚᒥᓄᑦ ᐱᔪᒃᓯᑎᑦᑎᓪᓗᓂ. 

"ᐊᓈᓇᙳᓚᐅᖅᓯᒪᕗᖓ ᐃᕐᓂᓐᓄᑦ, ᓇᓄᕐᒧᑦ, ᐅᕙᓐᓄᑦ ᐃᓱᒪᒥᐅᑕᕆᓕᖅᐸᐃᑦ. ᐊᔾᔨᒋᓐᖏᑕᖓᓂᒃ ᐊᑐᖁᓚᐅᕋᒃᑯ ᐱᕈᑉᐸᓪᓕᐊᓂᕐᒥᒃ ᐊᓂᓰᓇᐱᒥᒃ ᐊᒻᒪᓗ ᑕᒪᓐᓇ ᑐᑭᖃᓚᐅᖅᑐᖅ ᓴᓐᖏᓂᖅᓴᒥᒃ ᑲᓲᒪᓂᖃᕐᓂᕐᒥᒃ ᐃᓕᖅᑯᓯᑦᑎᓐᓄᑦ, ᓄᓇᓕᓐᓄᑦ, ᐊᒻᒪᓗ ᓇᓪᓕᐅᓂᖅᓯᐅᕐᓂᐅᔪᓄᑦ. ᑖᒃᑯᓇᓂ ᐃᓂᓂ ᖃᐅᔨᓚᐅᖅᐳᖓ ᖃᓄᖅ ᐱᒻᒪᕆᐅᑎᒋᖕᒪᖔᑦ ᐊᑐᕆᐊᒃᓴᖅ ᖃᓄᑐᐃᓐᓇᖅ ᓴᙱᓂᕆᔭᐅᔪᓂᒃ ᐱᔪᓐᓇᐅᑎᓂᒡᓗ ᐱᓯᒪᔭᓐᓂᒃ ᑕᕝᕙᓂ ᓄᓇᕐᔪᐊᕐᒥ ᐃᓕᓐᓂᐊᖅᑎᑦᑎᓂᐊᕐᓗᖓ ᐃᓄᒋᔭᐅᔪᓂᒃ ᓄᓇᖃᖅᑳᖅᑐᑦ ᐃᓱᒪᒋᔭᒃᓴᖏᓐᓂᒃ, ᑭᒡᒐᖅᑐᐃᓗᑎᒃ ᓄᓇᖃᖅᑳᖅᑐᓂᒃ ᐃᓅᖃᑎᖏᓐᓂᒃ ᐱᓕᕆᖃᑎᖃᖅᐸᒃᖢᖓᓗ ᓄᓇᓕᖕᓂᒃ ᐃᓄᖕᓂᒡᓗ ᓇᒡᓕᒋᔭᓐᓂᒃ," ᒧᐊᕐ ᐅᓂᒃᑳᖅᐳᖅ.

"ᐊᒃᑐᐊᓂᖃᕐᓂᖅᓴᐅᓕᓚᐅᖅᑐᖓ, ᐱᓕᕆᔪᓐᓇᖅᓯᕚᓪᓕᓚᐅᖅᑐᖓ ᑖᒃᑯᓇᓂ ᐃᓂᐅᔪᓂᒃ ᐊᒻᒪ ᐃᓕᓐᓂᐊᖅᑐᓕᕆᓂᕐᒧᑦ ᑭᒡᒐᖅᑐᐃᓪᓗᖓ, ᐊᓯᔾᔩᖃᑕᐅᓪᓗᖓ, ᐃᕐᓂᓐᓄᑐᐊᖑᙱᑦᑐᖅ, ᑭᓯᐊᓂ ᐅᔪᕈᓐᓄᑦ ᐊᒻᒪ ᐅᔪᕈᕐᓄᑦ. ᐃᒻᒪᖃ 20 ᐊᕐᕌᒍᐃᑦ ᐊᓂᒍᖅᐸᑕ ᑕᐃᒫᔅᓴᐃᓐᓇᖅ ᐱᓕᕆᐊᖃᕆᐊᖃᕈᓐᓃᖅᐳᑦ. ᐅᖃᖃᑎᒌᖕᓃᑦ ᐊᓯᔾᔨᕐᓂᐊᖅᐳᑦ ᓯᕗᒻᒧᐊᖅᐸᓪᓕᐊᓗᑎᒡᓗ, ᓂᕆᐅᒃᐳᓪᓗ 7−ᓂᒃ ᐊᕐᕌᒍᖃᑎᒌᓂᒃ ᒫᓐᓇᒥᑦ, ᓄᑖᓂᒃ ᐅᖃᐅᓯᖃᖃᑦᑕᕐᓂᐊᓕᖅᐳᒍᑦ ᐅᓄᙱᓐᓂᖅᓴᓂᒡᓗ, ᑭᒡᒐᖅᑐᐃᙱᓐᓂᖅᓴᐅᓗᑕ ᐃᓄᐃᑦ ᐱᔪᓐᓇᐅᑎᒋᔭᖏᓐᓂᒃ," ᑲᔪᓰᓐᓇᖅᐳᖅ.

ᓯᕗᓪᓕᖅ ᖃᑕᙳᑎᖏᓐᓂ ᐃᓕᓐᓂᐊᕌᓂᒃᖢᓂ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᐊᒻᒪ ᓯᓚᑦᑐᖅᓴᕐᕕᒃᔪᐊᒥ, ᒧᐊᕐ ᐅᐸᒍᑎᓪᓗᓂ ᔪᐊᔾᔨᐊᓐ ᓯᓚᑦᑐᖅᓴᕐᕕᖕᒥ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᕐᖢᓂᓗ ᖃᑕᙳᑎᒌᓄᑦ ᐃᖅᑲᖅᑐᐃᕕᖕᒥ ᑭᓯᐊᓂ ᐃᑭᖦᖢᓂ ᐃᓗᐊᓂ ᐊᕐᕌᒍᒥ. ᐱᓇᓱᐊᕈᓯᖕᒥᑦ ᐊᐅᓪᓚᖅᑎᓪᓗᒍ ᑐᓂᓯᓪᓗᓂ ᓯᕗᓪᓕᖅᐹᒥᑦ ᐃᖅᑲᖅᑐᖅᑕᐅᔾᔪᑎᕕᓂᖕᒥᑦ ᑎᓕᔭᐅᓪᓗᓂ, ᒪᒃᑯᒃᑐᖅ ᓄᓇᖃᖅᑳᖅᓯᒪᔪᖅ ᓄᑲᑉᐱᐊᖅ ᑎᒍᐊᙳᐊᕆᔭᐅᓪᓗᓂ. "ᖃᐅᔨᒪᑐᐃᓐᓇᓚᐅᖅᑐᖓ ᓇᓂᑭᐊᖅ ᐊᕐᕌᒍᓄᑦ ᐊᕙᑎᓄᑦ," ᐃᖅᑲᐅᒪᔪᖅ. 

ᖃᓪᓗᓈᑦ ᓄᓇᖓᓐᓅᓚᐅᖅᖢᑎᒃ, ᒧᐊᕆ ᐱᓕᕆᓚᐅᖅᐳᖅ ᐃᓕᓐᓂᐊᖅᖢᓂᓗ, ᐃᓕᓐᓂᐊᖅᖢᓂ Indigegogy−ᒥ ᓘᕆᐊᐃ ᓯᓚᑦᑐᖅᓴᕐᕕᒡᔪᐊᕐᒥ, ᐊᑕᖐᔪᒥᒃ ᒪᒥᓴᕐᓂᕐᒥᒃ ᐊᒻᒪ ᖃᓪᓗᓈᓂᙶᖅᑐᓂᒃ ᖁᐊᖅᓵᕐᓇᖅᑐᒃᑰᖅᓯᒪᔪᓂᒃ ᐊᒻᒪ ᖃᔅᓯᑲᓪᓚᖕᓂᒃ ᐱᓕᕆᐊᒃᓴᓂᒃ ᑰᑎ ᐱᓕᕆᕝᕕᖕᒥ St. Francis Xavier−ᒥ. ᐃᓕᓐᓂᐊᕐᕕᐅᑉ ᓯᓚᑖᓂ, ᖁᕕᐊᓲᑎᖃᖃᑕᐅᖃᑦᑕᓚᐅᖅᐳᖅ, ᐊᖕᒪᓗᖅᓯᓯᒪᔪᓂᒃ ᐊᒻᒪ ᐃᒡᓗᕋᓛᓂᒃ ᐃᒃᓯᕚᖃᑎᖃᖅᖢᓂ ᐃᓐᓇᕐᓂᒃ ᒪᒃᑯᒃᑐᓂᒡᓗ ᐃᓕᓐᓂᐊᒃᑲᓐᓂᕋᓱᒃᖢᑎᒃ, ᐅᖃᓕᒫᖃᑕᐅᕙᒃᖢᑎᒡᓗ ᐊᒻᒪ ᓈᓚᒃᖢᑎᒃ podcasts−ᓂᒃ.  

"ᓄᓇᓕᒃ, ᐅᕙᓐᓄᑦ, ᐃᑲᔪᐃᓐᓇᐅᔭᖅᑐᖅ ᐅᕙᓐᓂᒃ ᑐᙵᑦᑎᐊᖏᓐᓇᕐᓂᕐᒥᒃ, ᐃᑲᔪᕐᖢᓂᓗ ᐅᕙᓐᓂᒃ ᐊᒃᑐᐊᓂᖃᖅᑎᖦᖢᒍ ᐃᓕᖅᑯᓯᕐᓄᑦ, ᐱᖅᑯᓯᕐᓄᑦ, ᖃᐅᔨᒪᔭᑦᑎᓐᓄᑦ ᐃᓅᓂᕐᓄᓪᓗ."

ᐅᖃᐅᔾᔪᐃᓂᖓ ᐃᓄᖕᓄᑦ ᐃᓱᒪᓕᖅᑐᓄᑦ ᓄᓇᒥᓂᒃ ᕿᒪᐃᔪᒪᓂᕐᒥᒃ ᕿᓂᖅᑎᓪᓗᒋᑦ ᐱᕕᒃᓴᐅᔪᓐᓇᖅᑐᓂᒃ ᐱᔪᒥᓇᖅᐳᖅ. "ᓄᓇᓕᐅᑉ ᓯᓚᑖᓄᑦ ᓅᑦᑕᕐᓂᖅ ᑐᑭᖃᙱᑦᑐᖅ ᐊᓯᐅᔨᓂᕐᒥᒃ ᖃᓄᑐᐃᓐᓇᖅ ᓄᓇᓕᓕᒫᓂᒃᓗ. ᓇᓃᒃᑲᓗᐊᕈᕕᑦ, ᓇᓂᔪᓐᓇᖅᑕᑦ ᓄᓇᓕᒃ. ᐃᓕᖕᓂᒃ ᑕᖅᑲᐅᖓᖅᑎᑦᑎᓂᖅ ᐃᓗᐊᙱᓈᖅᓯᓐᓇᖅᐳᖅ, ᐱᓗᐊᙳᐊᖅᖢᓂ ᑕᒪᒃᑯᓄᖓ ᐃᓄᖕᓄᑦ ᖃᐅᔨᔭᐅᓚᐅᙱᑦᑐᓄᑦ. ᖃᐅᔨᒪᔪᖓ, ᐃᓚᒋᔭᐅᒐᒪ. ᑭᓯᐊᓂ ᐃᑲᔫᓯᐊᓃᒻᒥᔪᖅᑕᐅᖅ. ᐃᓅᓯᓕᒫᒧᑦ ᐱᖃᓐᓇᕇᒍᓯᑦ ᐃᓚᒋᔭᐅᓯᒪᔪᖅ," ᖁᖓᖦᖢᓂ. 

"ᐱᖃᓐᓇᕇᖕᓂᕗᑦ ᓄᓇᒧᑦ ᐱᒻᒪᕆᐅᕗᖅ. ᑭᓯᐊᓂ ᐃᓕᓯᒪᐃᓐᓇᓚᐅᙱᓇᑦᑕ. ᓴᓇᔪᓐᓇᖅᑐᑎᑦ ᓄᓇᓕᖕᒥ ᓇᓂᑐᐃᓐᓇᖅ ᒥᕝᕕᒋᔭᕐᓂ."

ᐃᒻᒥᓂᒃ ᑲᒪᒋᑦᑎᐊᕈᒪᓪᓗᓂ, ᓄᓇᓕᖕᓂ ᐱᓕᕆᕈᓘᔭᓲᖅ, ᐃᕐᓂᒥᓂᒃ ᐱᖃᑎᖃᖅᐸᒃᖢᓂ ᐊᐅᓪᓚᖅᐸᒃᖢᓂᓗ. ᖁᕕᐊᒋᔭᖃᖅᑐᖅ ᐸᓯᒦᒋᐊᖅ, ᓂᕆᕕᓐᓂᑦ, ᐱᙳᐊᕐᕕᓕᐊᕆᐊᖅ, ᑕᑯᓐᓇᖅᑐᓂ ᑕᓚᕖᓴᒃᑯᑦ ᐅᖃᓕᒫᕐᓂᕐᒥᓪᓗ. ᒧᐊ ᖁᕕᐊᒋᔭᖃᖅᑐᖅ ᑲᑎᖃᑎᖃᕐᓂᕐᒥᑦ ᐱᖃᑎᖏᓐᓂᑦ ᐃᓄᑐᖃᕐᓂᓪᓗ, ᖁᕕᐊᓱᖃᑎᒌᓐᓂᕐᒥᑦ, ᐱᕕᖃᕐᓂᕐᒥᓪᓗ ᐃᒪᕐᒥᑦ ᑕᐅᑐᕋᓐᓈᕐᓂᕐᒥᑦ. ᐱᕕᖃᕐᓂᖓ ᑕᐃᒪᐃᑎᓪᓗᒍ ᑭᐱᓯᑎᑦᑎᓪᓗᓂ ᐱᓕᕆᓐᓇᕐᔪᐊᖅᑐᓂᒃ ᓄᓇᓕᐸᐅᔭᕐᒥ ᕿᑎᐊᓂᓗ ᓇᖕᒥᓂᖅ. 

ᒧᐊ ᓂᕆᐅᒋᔭᖃᖅᐳᖅ ᓯᕗᓂᒃᓴᑦᑎᓐᓄᑦ, ᐃᓚᖏᑦ ᓱᓕᓕᕇᖅᖢᑎᒃ. "ᓂᕆᐅᒋᔭᖃᓚᐅᖅᐳᖓ ᑭᖑᕚᒃᓴᕗᑦ ᐊᑦᑕᕐᓇᖅᑐᒦᙱᓐᓂᖅᓴᐅᓇᔭᕐᓂᖏᓐᓂᒃ ᑭᓇᐅᓂᖏᓐᓂᒃ. ᐃᓚᒋᔭᐅᓪᓚᕆᓚᐅᖅᑐᖓ ᓄᑕᖅᑲᓄᑦ ᐊᒃᓱᕈᖅᑐᓄᑦ," ᐃᖅᑲᐅᒪᔪᖅ, ᐃᓱᒪᓪᓗᓂ ᖃᓄᖅ ᐊᒃᓱᕈᖃᑦᑕᓚᐅᕐᒪᖔᑦ ᖀᖅᓱᖃᑦᑕᕐᓂᕐᒥᓂᑦ. ᓇᒻᒥᓂᖅ ᑕᑯᓚᐅᖏᑦᑐᖅ ᑭᒡᒐᖅᑐᐃᔪᓂᑦ ᓇᒥᑐᐃᓐᓇᖅ, ᑕᑯᓯᒪᔭᖓ ᐊᓯᔾᔨᖅᑐᓂᑦ ᐊᕐᕌᒍᓂᑦ ᖁᓕᓂᑦ. "ᓄᓇᖃᖅᑳᖅᑐᑦ ᐊᔪᙱᑦᑎᐊᖅᑐᑦ ᐊᔾᔨᒌᖏᑦᑐᓂᒃ ᑮᓇᖏᓐᓂ, ᐅᓂᒃᑳᕈᓐᓇᓪᓗᐊᖅᖢᑕᓗ ᓇᖕᒥᓂᖅ ᐅᓂᒃᑳᑦᑎᓐᓂᒃ, ᐃᓱᒪᒋᔭᑦᑎᓐᓄᓪᓗ," ᐊᒥᖅᑳᕈᑎᖃᖅᑐᖅ. 

"ᖃᖓᑲᓪᓚᒃ, ᑭᓯᐊᓂ ᐊᓪᓗᕆᐊᖅᖢᓂ ᖃᓄᖅ ᑐᑭᖃᕐᒪᖔᑦ ᐊᓂᔅᓈᑉ ᑯᕇ, ᐃᓕᑦᑎᕙᓪᓕᐊᕐᔪᐊᖅᓯᒪᔪᖅ, ᐃᓕᑦᑎᕙᓪᓕᐊᙱᖦᖢᓂ ᐃᓕᓐᓂᐊᒃᑲᓐᓂᖅᖢᓂᓗ"

ᐱᕈᖅᐸᓪᓕᐊᓪᓗᓂ ᐃᓄᖕᒧᑦ ᒫᓐᓇ ᒪᒥᓴᕐᔪᐊᖅᓯᒪᔪᖅ ᑕᒻᒪᑲᑕᒃᖢᓂᓗ ᐅᖃᐅᓯᕆᖃᑦᑕᖅᑕᖓ ᐃᑲᔪᑦᑎᐊᕐᖢᓂ. ᓂᕆᐅᒋᔭᖃᖅᐳᖅ ᓄᓇᖃᖅᑳᖅᑐᑦ ᒪᒃᑯᒃᑐᑦ ᑲᔪᓯᑎᑦᑎᖃᑦᑕᕐᓂᐊᕐᓂᖏᓐᓂᒃ ᓇᖕᒥᓂᖅ ᒪᒥᓴᕐᓂᕐᒧᑦ ᐊᖅᑯᓯᓂᕆᔭᒥᓂᒃ, ᓇᓂᓯᔪᒪᓪᓗᑎᒃ ᐃᓗᐊᖅᓴᕐᓂᕐᒥᒃ ᓇᖕᒥᓂᖅ ᐅᕕᓂᖕᒥᓂ ᐊᖏᖅᓯᓂᕐᒥᓂᒡᓗ ᓄᓇᓕᖕᓂ. "ᐃᓱᒪᒋᔭᕋ ᒪᒃᑯᒃᑐᖁᑎᕗᑦ ᓇᖏᕆᐊᖃᑐᐃᓐᓇᕐᓂᖏᓐᓂᒃ ᐱᔪᓐᓇᕐᓂᕐᒥᓂ ᓇᖏᕐᓗᑎᒡᓗ ᖃᐅᒪᓗᑎᒃ ᐊᒻᒪ ᓄᓇᖃᖅᑳᖅᓯᒪᙱᓪᓗᑎᒃ," ᒪᓂᒪᑎᑦᑎᔪᖅ, ᐃᓱᒪᓪᓗᓂ ᖃᓄᖅ ᐊᑯᓂᐅᑎᒋᔪᖅ ᑲᓇᑕ ᑐᕌᕆᐊᖃᕐᒪᖔᑦ ᐋᕿᒋᐊᕈᑎᖃᕐᓂᕐᒧᑦ ᖃᓄᑎᒋᓗ ᓴᖅᑭᓯᒪᓕᕐᒪᖔᑦ. 

ᐅᖃᐅᔾᔭᐅᓪᓗᓂ ᒪᒃᑯᖕᓂᖅᓴᐅᑎᓪᓗᒍ, "ᑭᓱᒥᑭᐊᖅ ᐱᔭᕆᐊᖃᙱᑦᑐᑎᑦ ᑭᓇᐅᓂᕐᓂᒃ, ᑭᓱᓂᒡᓗ ᐊᒻᒪ ᐱᕈᖅᐸᓪᓕᐊᑎᓪᓗᑎᑦ ᐊᑯᓂᐅᔪᓐᓇᖅᑐᖅ." ᐃᒃᐱᒍᓱᓚᐅᖅᓯᒪᙱᑦᑐᖅ "ᖁᐃᙱᖦᖢᓂ" ᐱᕈᖅᐸᓪᓕᐊᓪᓗᓂ ᑭᓯᐊᓂ ᖁᓱᙱᖦᖢᓂ ᐊᖅᑯᑎᒃᑯᑦ. "ᑲᒪᒋᔪᓐᓃᖅᑕᕋ ᕿᑐᑦᑐᒐᐅᔭᕐᒧᑦ ᐃᓄᐃᑦ ᐃᓕᔭᖓ. ᓇᖕᒥᓂᖅ ᕿᑐᑦᑐᒐᐅᔭᖃᖅᑐᖓ ᓯᓚᑖᓄᐊᕈᓐᓇᕐᐸᒃᖢᖓᓗ ᐱᔪᒪᒍᒪ," ᖁᖓᓪᓗᓂ. 

ᕗᕌᓐᓯᔅ ᐃᓕᓴᐱ ᒧᐊᕐ ᖃᐅᔨᒪᔪᖅ ᐊᑐᒐᔪᒃᑕᕗᑦ ᖃᐅᔨᒪᓂᕐᓂ ᐃᓕᓐᓂᐊᕐᓂᕐᓂᒃᓗ ᒪᒃᑯᒃᑐᑦ ᐱᑎᑕᖏᓐᓂ ᑕᐃᒪᓐᓇᓗ ᐱᓕᕆᖃᑦᑕᖅᑐᖅ: ᐱᔪᓐᓇᖅᑎᖦᖢᒋᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐋᖅᑭᒃᓯᓂᕐᓗ ᐱᕕᒃᓴᓂᑦ. ᐃᕐᓂᖓ, ᐱᓱᒃᖢᓂ ᒪᒥᓴᕐᓂᕐᒧᑦ ᐊᖅᑯᑎᒥᒃ ᐃᖅᑲᓇᐃᔮᖃᕐᓂᕐᒧᑦ ᐃᓅᖃᑎᒌᖕᓂᕐᒧᑦ ᐊᒃᑑᑎᔪᓄᑦ, ᑐᙵᕕᓕᐅᕐᖢᓂ ᑭᖑᕚᒃᓴᑦᑎᓐᓄᑦ. ᓇᓂᓯᓚᐅᖅᑎᓪᓗᒍ ᓄᓇᓕᖕᒥᒃ ᐱᕈᖅᑎᖦᖢᒍ, ᕿᒪᕉᑎᔪᒪᓕᕐᖢᓂ ᐃᖅᑲᐅᒪᔭᒃᓴᒥᒃ ᖃᐅᒃᐸᑦ ᒪᒃᑯᒃᑐᑦ ᐱᕈᕈᓐᓇᓛᖅᑕᖓᓂᒃ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.