"ᐃᓱᒪᒋᑦᑎᐊᑐᐃᓐᓇᖅᑕᑦ ᖁᔭᓕᔪᓐᓇᕋᕕᑦ ᐱᓕᕆᐊᕆᖃᑦᑕᓚᐅᖅᑕᑎᑦ ᐱᕈᖅᓴᕕᒋᓪᓗᒋᑦ ᑭᖑᓂᐊᒍᑦ," ᑲᓕ ᕉᒪᓅ ᓇᖕᒥᓂᖃᖃᑕᐅᕗᖅ. ᐱᕈᓚᐅᖅᑐᖅ ᐱᓐᑎᒃᑕᓐᒥ, ᐳᕆᑎᔅ ᑲᓚᒻᐱᐊᒥ ᐊᒻᒪᓗ ᓘᑦᑖᕈᖅᑐᓂ ᕚᓐᑰᕙᒥ. ᓄᓇᖃᓚᐅᖅᑎᓪᓗᒍ, ᑎᒥᓕᕆᔨᒻᒪᕆᐅᓕᓚᐅᖅᓯᒪᕗᖅ ᑲᒪᒋᔭᐅᖏᓐᓇᖅᖢᓂᓗ. ᕉᒪᓅ ᑭᖑᓂᐊᒍᑦ UK−ᒧᐊᓚᐅᖅᐳᖅ ᐆᒻᒪᑎᒧᑦ ᐳᕙᖕᒧᓪᓗ ᐃᖃᐃᓕᓴᕆᐊᖅᑐᖅᖢᓂ ᐊᒻᒪ ᐆᒻᒪᑎᒃᑯᑦ ᐱᓚᒃᑕᐅᔭᕆᐊᖃᓪᓚᕆᒃᖢᓂ ᐊᒻᒪ ᐆᒻᒪᑎᒃᑯᑦ ᐱᓚᒃᑕᐅᔭᕆᐊᖃᓪᓚᕆᒃᖢᓂ. ᓄᕙᒡᔪᐊᕐᓇᒧᑦ ᐃᓅᓕᓴᐅᑎᑐᕐᔪᐊᓕᓚᐅᖅᑐᖅ, ᐊᐅᓪᓚᕐᓯᒪᓪᓗᓂ ᐃᓛᓐᓂᒃᑯᑦ ᐅᕕᙱᐊᑲᑕᒃᖢᓂ. 

"ᖁᕕᐊᓇᑦᑎᐊᖅᑐᖅ ᐃᑲᔪᕈᓐᓇᕋᕕᑦ ᐃᑲᔪᕈᓐᓇᕋᕕᓪᓗ ᐃᓄᖕᓂᒃ. ᐃᓛᓐᓂᒃᑯᑦ ᓄᒫᓇᕈᓐᓇᖅᑐᖅ, ᓇᓗᓇᙱᑦᑐᖅ ᑲᒪᒋᔭᐅᖏᓐᓇᕆᐊᖃᖅᑎᓪᓗᒋᑦ ᑭᒃᑯᓕᒫᑦ ᐊᓐᓇᐅᒪᔪᓐᓇᖏᒻᒪᑕ ᐋᓐᓂᐊᒥᓂᒃ. ᐃᒃᐱᖕᓇᖅᑐᒻᒪᕆᐅᔪᓐᓇᖅᑐᖅ ᐊᒻᒪᓗ ᑲᒪᑦᑎᐊᕐᓇᖅᖢᓂ ᐃᓚᒌᓂᒃ, ᐊᒻᒪᓗ ᑲᒪᒋᔭᖃᑦᑎᐊᖅᖢᓂ ᐋᓐᓂᐊᕕᓕᐊᖅᓯᒪᔪᓂᒃ," ᑕᑯᒃᓴᐅᑎᑦᑎᔪᖅ. ᐸᕐᓇᒃᓯᒪᔪᖅ ᓯᓂᒃᑎᑕᐅᖃᑦᑕᓛᕈᒪᓪᓗᓂ ᑲᒪᒋᔭᐅᕐᔪᐊᕐᓗᓂᓗ ᕚᓐᑰᕙᒥ ᐋᓐᓂᐊᕕᖕᒥ ᐅᑎᖅᑎᓪᓗᒍ.

ᓘᑦᑖᖑᔪᒪᓚᐅᓐᖏᓚᖅ ᕚᓐᑰᕗᒥ ᑭᓯᐊᓂ ᐊᓂᖓᑕ ᖃᓂᒋᔮᓃᒍᒪᓪᓗᓂ. ᐃᓕᓐᓂᐊᕇᖅᓯᒪᖏᑦᑐᓄᑦ ᐃᓕᑕᕆᔭᐅᔾᔪᑎᑖᖅᓯᒪᔪᖅ ᖃᐅᔨᓴᖅᑐᓕᕆᓂᕐᒥᑦ ᐊᒻᒪᓗ ᑲᑎᖃᑎᖃᓚᐅᖅᑐᖅ ᐊᒥᓱᓂᑦ ᐃᓄᓐᓂᑦ ᐃᓕᓐᓂᐊᖅᑐᓂᑦ ᓯᕗᓂᐊᒍᑦ ᐃᓕᓐᓂᐊᓂᕐᒥᑦ. ᐋᓐᓂᐊᕐᕕᖕᒥ ᐃᓕᓐᓂᐊᕐᕕᒃ ᑐᓴᕈᒥᓇᑦᑎᐊᓚᐅᖅᑐᖅ ᐱᓇᔪᒃᖢᓂᓗ, ᕿᒥᕐᕈᓪᓗᓂ ᐋᓐᓂᐊᕕᓯᐅᑎᓄᑦ ᐃᖅᑲᓇᐃᔮᕆᔪᒪᔭᖏᓐᓂ ᑭᓯᐊᓂ ᓈᒻᒪᒋᔭᒥᓂᒃ ᓇᓂᓯᒃᐸᑦ. 

ᐃᓱᒪᒋᐊᓚᐅᖏᓂᕐᒥᓂ ᐃᖅᑲᓇᐃᔮᖃᕐᓂᕐᒥᑦ ᐃᓅᓕᓴᐅᑎᓂᑦ, ᖃᐅᔨᒪᓚᐅᖅᑐᖅ ᓘᑦᑖᖅ ᖃᓄᐃᑦᑑᒍᓐᓇᕐᒪᖔᖅ ᐊᒻᒪ ᓴᖅᑭᓚᐅᖅᑐᖅ ᐊᒥᓱᒃᑲᓐᓂᐅᓪᓗᑎ ᐊᑐᐃᓐᓇᐅᓪᓗᑎ ᓇᓖᕌᕋᔅᓴᐃᑦ. "ᐃᓕᓴᐃᔩᑦ ᐊᔾᔨᒌᖏᑦᑐᓂᒃ ᐱᔪᒪᓂᖃᖅᐳᑦ ᐊᒻᒪ ᖃᓄᖅ ᐊᖏᑎᒋᓂᖏᑦ ᐊᔪᕈᓐᓃᖅᓴᐅᑎᑦ ᐊᒻᒪ ᐱᐅᓯᖏᑦ. ᐅᖓᓯᒃᑐᒦᑦᑕᕈᒪᓇᓱᒋᒍᕕᑦ, ᖃᐅᔨᓇᓱᒋᐊᖃᖅᑕᑦ ᓲᖃᐃᒻᒪ ᐃᖅᑲᓇᐃᔮᑦᑎᐊᕙᐅᖕᒪᑦ, ᓄᓇᕐᔪᐊᖅ ᐱᕕᒃᓴᑦᑎᐊᕙᐅᓪᓗᓂ ᓄᒃᑕᕈᓐᓇᖅᖢᓂᓗ," ᕉᒪᓅ ᑎᓕᐅᕆᕗᖅ. 

"ᐃᒃᐱᒋᓚᐅᖅᑕᕋ ᓈᒻᒪᒋᖅᑰᔨᓪᓗᒍ ᐃᒃᐱᖕᓂᐊᑦᑎᐊᓕᖅᑎᓪᓗᖓ. ᓇᓪᓕᒋᔭᕋ, ᐃᑉᐱᒋᑦᑎᐊᓚᐅᖅᑕᕋ, ᐋᓐᓂᐊᔪᑦ ᐃᓄᐃᑦ. ᑕᒪᓐᓇ ᖁᕕᐊᒋᓚᐅᖅᑕᕋ ᐊᒻᒪᓗ ᖃᐅᔨᓕᖅᑐᖓ ᒫᓐᓇ ᐱᔾᔪᑎᖃᕐᒪᑦ ᐃᓅᓕᓴᐅᑎᓂᒃ, ᑭᓯᐊᓂᓕ ᑕᒪᒃᑯᐊ ᐃᓚᒋᖃᑦᑕᕐᒥᔭᓯ ᐃᓚᑎᑦ ᐊᒻᒪᓗ ᐃᓄᐃᑦ ᐊᑦᑕᓇᖅᑐᒦᑦᑐᑦ. ᐅᔾᔨᕈᓱᒃᐳᑎᑦ ᑲᒪᒋᔭᒃᓴᖃᕐᓂᕐᓂᒃ ᑲᒪᒋᓂᐊᕐᓗᒋᑦ ᖃᑕᙳᑎᖏᑦ ᐱᖃᑎᒋᔪᓐᓇᙱᑦᑕᕌᖓᑕ," ᐊᒥᖅᑳᖃᑎᖃᓲᖅ. 

ᐱᕈᖅᓴᓪᓗᓂ, ᖁᕕᐊᒋᓚᐅᖅᐸᐅᒃ ᐃᓕᓐᓂᐊᖅᖢᓂ ᑭᓯᐊᓂ ᖁᕕᐊᒋᓚᐅᙱᑕᖓ. "ᐃᓕᓐᓂᐊᕈᑎᖃᑦᑎᐊᓚᐅᖅᑐᖓ. ᐊᒃᓱᕈᖅᖢᖓ ᐱᓇᔪᓚᐅᕋᓗᐊᖅᑐᖓ ᐃᒃᐱᒍᓱᑦᑎᐊᖅᖢᖓ ᑭᓱᓕᒫᓂᒡᓗ, ᑭᓯᐊᓂ ᖃᐅᔨᓚᐅᙱᓐᓇᒪ," ᕉᒪᓅ ᐃᖅᑲᐅᒪᔪᖅ. ᐃᑲᔪᖅᑐᐃᑦᑎᐊᓚᐅᖅᑐᖅ ᖃᑕᙳᑎᒥᓂᒃ ᐃᑲᔪᖅᑐᐃᓪᓗᓂ ᓇᖕᒥᓂᖅ ᐃᓄᙳᖁᓪᓗᒍ, ᐊᔪᙱᓐᓂᓕᒫᒥᓂᒃ ᐱᓕᕆᖁᓪᓗᒍ ᖁᕕᐊᓱᖁᓪᓗᒍᓗ. ᓘᑦᑖᕈᕐᓂᐊᖅᑐᒋᓚᐅᓐᖏᓚᖅ ᐊᒃᓱᕈᙱᓂᖅᓴᐅᓪᓗᓂ. 

ᓄᓇᓕᐸᐅᔭᕐᒧᑦ ᓅᖦᖢᓂ ᐃᓕᓐᓂᐊᕐᕕᖕᒧᑦ ᓄᓇᓕᕋᓛᖑᓂᖅᓴᒥᑦ, ᐊᖏᕐᕋᐅᔭᖅᑐᖅᖢᓂ ᐊᒃᓱᕈᕐᓂᖅᓴᐅᓪᓗᓂ ᑭᓯᐊᓂ ᐱᕈᖅᐸᓪᓕᐊᓂᕐᒧᑦ ᐱᕕᒃᓴᑦ ᖃᓂᑦᑐᑦ ᐊᒡᒐᒧᑦ ᐊᒃᓱᕈᕐᓇᕈᓐᓇᖅᑐᖅ, ᖃᐅᔨᓚᐅᖅᑐᖅ. "ᐃᓕᑦᑐᐹᓘᕙᓪᓚᐃᔪᑎᑦ ᐃᓕᑉᐹᓕᕋᕕᑦ ᕿᒪᑦᐸᓪᓕᐊᑎᓪᓗᑎᑦ. ᐅᑎᖏᓐᓇᐅᔭᕈᓐᓇᖅᑐᑎᑦ, ᑭᓯᐊᓂ ᐱᐅᕗᖅ ᐊᕕᒐᓱᒃᓗᒍ. ᒪᑐᐃᖅᓯᔪᖅ ᓄᓇᕐᔪᐊᓕᒫᒥᑦ ᐱᔪᓐᓇᑐᐃᓐᓇᕆᐊᓕᖕᓂᑦ ᖃᐅᔨᒪᙱᑕᕐᓂᑦ," ᑎᓕᐅᕆᔪᖅ. 

ᑕᕐᕆᔮᒃᓴᓂᒃ ᐅᖃᖃᑎᖃᕐᓃᑦ ᐅᖃᓘᑎᒃᑯᓪᓗ ᐃᑲᔪᓲᑦ ᐃᓄᑑᓗᐊᕐᓂᕐᒥᒃ ᓇᓂᓯᓪᓗᓂᓗ ᐊᓯᖏᓐᓂᒃ ᐃᓄᖕᓂᒃ ᐊᔾᔨᖓᓂᒃ ᐊᑐᖅᑐᓂᒃ, ᐃᓄᑑᓪᓗᓂ ᕿᒪᒃᓯᓪᓗᓂᓗ ᖃᑕᙳᑎᖏᓐᓂ, ᐱᖃᓐᓇᕆᔭᖃᙱᓪᓗᓂ ᐱᔪᒪᓪᓗᓂᓗ ᑲᓲᑎᓂᕐᒥᒃ. ᐱᖃᓐᓇᕆᔭᒥᓂᒃ ᑕᑯᓚᐅᖅᑐᖅ ᓘᒃᑖᖑᓪᓗᓂᓗ ᐊᐅᓪᓚᖅᓯᒪᑎᓪᓗᒍ. ᕉᒪᓅ ᐃᓱᒪᓚᐅᖅᑐᖅ ᐊᓂᒍᐃᓂᐊᕋᓱᒋᓪᓗᓂ ᐊᖏᕐᕋᐅᓗᓂᓗ ᐃᖅᑲᓇᐃᔭᕆᐊᖅᑐᕐᓗᓂ ᓄᓇᒥᓂ ᑭᓯᐊᓂ ᐃᓅᓯᖓ ᐊᓯᖏᓐᓂᒃ ᐱᕙᒌᔭᐅᑎᖃᕐᖢᓂ: ᖃᐅᓪᓗᖅᑐᖅ ᑲᓈᑦ ᐊᒻᒪ ᑕᖅᓴᖅ.  

ᑎᓕᐅᖅᑕᐅᑎᓪᓗᒍ ᓱᓕᓂᐊᕐᓂᕋᖅᓯᒪᓪᓗᓂ ᐃᖅᑲᓇᐃᔮᒥᒃ ᐊᓂᒍᐃᑎᓪᓗᒍ, ᐊᒃᓱᕉᑎᖃᓚᐅᖅᑐᖅ ᓘᒃᑖᓄᑦ ᐊᒃᑐᐊᓂᖃᙱᖦᖢᓂ ᐃᓚᒌᓄᑦ ᐅᕝᕙᓘᓐᓃᑦ ᑲᑎᙵᔪᓄᑦ ᐱᓕᕆᔨᒻᒪᕆᖕᓄᑦ. ᐃᓛᓐᓂᒃᑯᑦ ᐃᓄᐃᑦ ᐅᖃᖅᐸᓚᐅᙱᒻᒪᑕᑕᐅᖅ. ᑕᐃᒪᓕ, ᐊᔾᔨᐅᙱᑦᑐᖅ ᐊᑐᕐᓂᑯᖓ ᓇᖏᑦᑎᐊᕐᖢᓂ, ᐃᖅᑲᓇᐃᔮᖓᓂ ᐃᓕᖅᑯᓯᖃᑦᑎᐊᕐᖢᓂ ᐱᔪᓐᓇᕐᖢᓂᓗ ᐊᒃᑐᐊᓂᖃᕐᓗᓂ ᐃᓄᖕᓄᑦ ᐃᖅᑲᓇᐃᔭᖅᑎᓪᓗᒍ ᓂᐅᕕᕐᕕᖕᒥᑦ ᓂᕆᕝᕕᖕᒥᓗ. 

"ᐅᔾᔨᕈᓱᓕᖅᐳᑎᑦ ᐱᕕᒃᓴᒥ ᓱᖁᑕᐅᙱᓐᓂᖓᓂᒃ ᖃᓄᐃᓕᐅᕋᓗᐊᕈᕕᑦ, ᑐᙵᕕᒋᔭᐅᔪᑦ ᐃᖅᑲᓇᐃᔭᕐᓂᕐᒧᑦ ᐃᓚᒋᔭᐅᓪᓗᓂᓗ ᓄᓇᓕᖕᓄᑦ ᐊᓯᔾᔨᖅᐸᙱᖦᖢᓂ. ᐃᓄᑦᑎᐊᕙᐅᔪᓐᓇᕐᓃᑦ, ᑲᒪᒋᖃᑦᑕᐅᑎᑦᑎᐊᕐᓂᖅ ᐱᓕᕆᑦᑎᐊᕐᓂᕐᓗ ᐊᓯᔾᔨᙱᑦᑐᖅ ᓘᒃᑖᖑᒐᓗᐊᕈᕕᑦ, ᐊᓐᓄᕌᖅᑖᕐᕕᖕᒥ ᐃᖅᑲᓇᐃᔭᕋᓗᐊᕈᕕᑦ, ᐅᕝᕙᓘᓐᓃᑦ ᓂᕆᔭᖅᑐᕐᕕᖕᒦᒃᑲᓗᐊᕈᕕᑦ. ᓱᖁᑕᐅᙱᑦᑐᖅ," ᕉᒪᓅ ᐱᖃᖃᑕᐅᕗᖅ. ᐅᒃᐱᕈᓱᒃᐳᖅ ᐊᒃᓱᕈᖅᖢᓂ ᐱᓕᕆᖃᑦᑕᕐᓂᖓᓂᒃ, ᐱᓕᕆᖃᑎᒌᒃᐸᖕᓂᖏᓐᓂᒃ ᐊᒻᒪ ᐊᑭᓕᖅᓱᐃᔨᑦ ᐱᔨᑦᑎᕋᕐᓂᖏᓐᓂᒃ ᐱᔨᑦᑎᕋᖅᓯᒪᓂᖅᓴᐅᓂᖓᓂᒃ ᖃᐅᔨᒪᙱᖦᖢᓂ ᖃᐅᔨᓴᖅᑐᓕᕆᓂᕐᒥᒃ. ᐃᖅᑲᓇᐃᔮᒥᓂᒃ ᖁᕕᐊᒋᔭᖃᖅᑎᓪᓗᒍ, ᐱᔪᒃᓯᑎᑕᐅᑦᑎᐊᓲᖅ ᐊᒻᒪ ᓴᓇᒃᑲᒻᒪᕆᐅᓪᓗᓂ ᓴᓇᕈᓘᔭᖅᐸᒃᑐᓂᒃ. 

ᒪᒃᑯᖕᓂᖅᓴᓂᒃ ᐅᖃᐅᔾᔪᐃᔪᓐᓇᕈᓂ ᐃᒪᐃᒃᑲᔭᖅᐳᖅ, "ᐊᒃᓱᕈᓗᐊᕋᓱᙱᓪᓗᑎᑦ ᐱᓕᕆᐊᕆᔭᕐᓂᒃ ᐊᒻᒪ ᐃᒃᐱᒋᔭᒃᑯᑦ ᓈᒻᒪᖅᑰᔨᙱᖦᖢᓂ. ᖃᐅᔨᒪᒋᐊᖃᙱᑕᑎᑦ ᐸᕐᓇᐅᑎᓯ. ᐱᒋᐊᖅᑎᑦᑎᑐᐃᓐᓇᕐᓗᑎᑦ, ᖃᓄᐃᓕᐅᕐᓗᑎᑦ ᖃᐅᔨᓇᓱᒡᓗᑎᓪᓗ ᑭᓱᑦ ᐱᕕᒃᓴᐃᑦ ᓴᖅᑭᑉᐸᖕᒪᖔᑕ."  ᖁᔭᓕᔪᖅ ᑲᔪᖏᖅᓴᐃᔨᖏᓐᓄᑦ ᐊᒻᒪᓗ ᓇᓂᓯᓪᓗᓂ ᓂᕆᐅᖕᓂᕐᒥᑦ ᐃᑲᔪᓚᐅᖅᑐᖅ ᐃᒋᑕᐅᖏᖦᖢᓂ ᓱᓇᑐᐃᓐᓇᐃᑦ ᓂᕆᐅᓇᙱᑦᑐᒃᑯᑦ ᓵᑎᓪᓗᒋᑦ. 

ᑲᔪᓯᑎᓪᓗᒍ ᖃᓄᐃᙱᑦᑎᐊᕐᓂᖓ ᐊᓂᒍᖅᑎᓪᓗᒋᓪᓗ ᑐᓗᖅᑕᕈᑏᑦ, ᕉᒪᓅ ᓇᓂᓯᓪᓗᓂ ᐊᒃᑐᐊᓂᖃᐃᓐᓇᕐᓂᕐᒥᒃ ᐃᓄᖕᓄᑦ ᖃᐅᔨᒪᓚᐅᖅᑐᓄᑦ ᐋᓐᓂᐊᕕᖕᒥ ᐃᓕᓐᓂᐊᕐᕕᖕᒥ ᐃᑲᔪᕐᔪᐊᕐᖢᓂ ᓲᖃᐃᒻᒪ ᖃᐅᔨᒪᑦᑎᐊᕐᓂᕐᒥᓂᒃ. UBC−ᑯᑦ ᓄᓇᖃᖅᑳᖅᓯᒪᔪᑦ ᐃᓯᖅᑎᑕᐅᓂᕐᒧᑦ ᐱᓕᕆᐊᒃᓴᖓ ᐃᓕᓐᓂᐊᖅᑎᓪᓗ ᐃᑲᔪᕐᔪᐊᕐᖢᑎᒃ ᓇᓂᓯᓪᓗᓂᓗ ᓄᓇᓕᖕᒥ ᓄᓇᖃᖅᑳᖅᓯᒪᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᒻᒪᕆᖕᓄᑦ ᐃᖅᑲᓇᐃᔭᖃᑎᖏᓐᓄᓪᓗ. 

ᑲᔪᖏᖅᓴᐃᔭᕆᐊᖃᖅᑎᓪᓗᒍ, ᐃᓄᑦᑎᐊᕙᐅᖅᑰᔨᖃᑦᑕᖅᐳᖅ ᐊᒻᒪ ᐱᐅᔪᓂᒃ ᐅᓂᒃᑳᖅᖢᓂ ᐃᓄᖕᓄᑦ ᑐᓴᐅᒪᔾᔪᑎᒃᑯᑦ. ᐱᔪᒃᓯᑎᑕᐅᖕᒥᔪᖅ ᐱᕕᖃᕐᓂᕐᒧᑦ ᐅᑎᖅᑎᑦᑎᓂᕐᒥᒃ. "ᖃᓄᑐᐃᓐᓇᖅ ᐅᖓᓯᒃᑎᒋᒐᓗᐊᕈᕕᑦ ᓇᖕᒥᓂᖅ ᐊᖅᑯᑎᒋᓂᐊᖅᑕᕐᓄᑦ, ᑲᒪᒋᔭᒃᓴᖃᖅᑐᐃᓐᓇᐅᖅᑰᖅᑐᒍᑦ ᐃᓄᑦᑎᐊᕙᐅᓗᑕ," ᐊᒃᑐᐊᓂᖃᖅᑐᖅ. ᕉᒪᓅ ᐱᒃᑯᒋᔭᐅᕗᖅ ᐃᓄᖕᓄᑦ ᓇᖕᒥᓂᖅ ᐊᖅᑯᑎᓕᐅᖅᐸᒃᑐᓄᑦ ᐃᓱᒪᒃᓴᖅᓯᐅᕐᓂᒃᑯᑦ ᐊᒻᒪ ᓄᑖᓂᒃ ᓴᖅᑭᑦᑎᓂᒃᑯᑦ ᐱᔪᓐᓇᕐᓂᖃᓗᐊᙱᖦᖢᑎᒃ ᐊᒻᒪ ᐱᔪᓐᓇᕐᓂᖃᑦᑎᐊᙱᖦᖢᑎᒃ. "ᑭᒃᑯᓕᒫᑦ ᐱᔪᒃᓯᑎᑦᑎᓲᖑᕗᑦ ᑭᒃᑯᓕᒫᓂᒃ. ᑕᑯᖃᑦᑕᐅᑎᔭᕆᐊᖃᖅᐳᒍᑦ ᑲᔪᖏᖅᓴᐃᖃᑦᑕᐅᑎᓗᑕᓗ," ᑲᔪᓰᓐᓇᖅᐳᖅ. 

ᑭᖑᒧᑦ ᑕᑯᓗᒍ, ᑲᐃᓕ ᕉᒪᓅ ᖃᐅᔨᒪᔪᖅ ᑭᓯᐊᓂ ᖁᔭᓕᔪᓐᓇᕋᕕᑦ ᐱᓕᕆᐊᕆᓯᒪᔭᑎᑦ ᐱᕈᖅᑎᓯᒪᒐᕕᒋᑦ ᑭᖑᓂᐊᒍᑦ. ᓘᑦᑖᖑᓂᐊᓚᐅᓐᖏᓚᖅ, ᐊᐅᓪᓚᕐᓗᓂ ᓄᓇᕐᔪᐊᕐᒧᑦ ᐊᒻᒪᓗ ᐃᑲᔪᕆᐊᖅᑐᕐᓗᓂ ᐊᒥᓱᓂᒃ ᐃᓄᓐᓂᒃ ᑭᓯᐊᓂ ᑕᐃᒪᓐᓇ ᓴᖅᑭᓚᐅᖅᑐᖅ. ᒪᒥᓴᐃᔨᐅᓪᓗᓂ ᐃᑲᔪᖅᑎᐅᓪᓗᓂᓗ, ᐊᑭᓕᖅᓱᐃᔪᖅ ᓯᕗᒻᒧᑦ ᑭᓯᐊᓂ ᐊᔪᙱᖦᖢᓂ, ᑲᒪᒋᔭᖃᕐᓗᓂ ᐋᓐᓂᐊᕕᓕᐊᖅᓯᒪᔪᓂᒃ ᖃᑕᙳᑎᖏᓐᓂᒃᓗ ᑎᓕᐅᕆᓪᓗᓂᓗ ᓄᑖᒥᒃ ᓄᓇᖃᖅᑳᖅᓯᒪᔪᑦ ᓘᒃᑖᖏᓐᓂᒃ ᐃᓚᐅᖃᑕᐅᖁᓪᓗᒍ ᓇᖕᒥᓂᖅ ᐱᕕᒃᓴᖏᓐᓂ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.