ᓄᑦᑎᕋᑖᓚᐅᖅᑐᖅ ᐳᕋᐅᔅᒥᑦ ᑕᕆᐅᕐᒧᑦ ᐊᒻᒪᓗ ᒫᓐᓇ ᕼᐊᐃᓕ ᔪᐃᓪ ᒑᑦᓄ ᑕᑯᓐᓇᖅᑐᖅ ᓯᓐᓇᑦᑑᒪᒥᓂᒃ ᖃᖓᑕᓗᓂ ᐃᓕᓐᓂᐊᕐᕕᔾᔪᐊᒧᑦ. ᐃᓅᓂᑯ ᐱᕈᖅᓴᓪᓗᓂᓗ ᓵᔅᑲᑑᓐᒥ, ᓴᔅᑳᑦᓱᐊᓐᒥ, ᓅᓚᐅᖅᑐᖅ ᕕᒃᑑᕆᐊᒧᑦ ᖃᐅᔨᓴᕆᐊᖅᑐᖅᖢᓂ ᐆᒪᔪᓂᒃ. ᐱᔪᒪᓂᖃᑦᑎᐊᓚᐅᖅᑐᖅ ᖁᑦᑎᖕᓂᖅᓴᒥᒃ ᐃᓕᓐᓂᐊᕋᓱᒃᓗᓂ ᓲᖃᐃᒻᒪ ᐊᓈᓇᖓ ᐱᕕᖃᙱᖦᖢᓂ ᑕᑯᑎᑦᑎᔪᒪᓪᓗᓂᓗ ᐊᓈᓇᒥᓂᒃ ᐊᒃᓱᕈᕈᑎᓕᒫᓂᒃ ᐊᑐᓚᐅᖅᑕᖏᑦ ᐊᑑᑎᖃᑦᑎᐊᕐᖢᑎᒃ.

ᕚᓐᑰᕗ ᕿᑭᖅᑕᖓ ᐃᓕᓐᓂᐊᕆᐊᕈᒪᓕᓚᐅᖅᑐᖅ ᑐᓗᒐᓕᐅᓚᐅᖅᑎᓪᓗᒍ, ᓄᓇᖃᖅᑳᖅᓯᒪᔪᑦ ᐅᓇᑕᖅᑐᒃᓴᑦ ᐊᔪᙱᓐᓂᕆᔭᖏᑦ. Gardiner−ᑯᑦ ᕿᑭᖅᑕᒥ ᓇᒡᓕᒍᓱᓚᐅᖅᐳᑦ ᐊᒻᒪ ᕿᒥᕐᕈᕈᓘᔭᓕᓚᐅᖅᖢᑎᒃ. ᖃᑕᙳᑎᖏᑦ ᖃᓂᒋᔭᖃᖅᑎᓪᓗᒋᑦ, ᐃᓂᖃᑦᑎᐊᖅᑰᔨᔪᖅ ᐱᒻᒪᕆᐅᖏᓐᓇᐅᔭᖅᑐᒥᒃ ᑖᔅᓱᒧᖓ. ᖁᕕᐊᒋᔭᖃᖅᑐᖅ ᑕᕆᐅᕐᒥᑦ, ᓇᐹᖅᑐᓂᑦ ᓂᕐᔪᑎᓂᓪᓗ ᖃᓂᒋᔭᖓᓂᑦ ᐊᖏᕐᕋᖓᑕ.

ᑖᓐᓇ Raven-ᖑᓂᕋᖅᑕᐅᔪᖅ ᐊᑭᑦᑐᕋᐅᑎᓂᐅᖃᑦᑕᖅᑐᖅ ᒪᑐᐃᖓᓪᓗᓂ ᐱᓇᓱᐊᖅᑐᓄᑦ ᑲᓇᑕᓕᒫᒥ ᐊᒻᒪᓗ ᑖᒃᑯᐊ Navy-ᒥ. ᐱᓇᓱᐊᕈᓯᕐᓄᑦ 6-ᓄᑦ ᐱᓕᕆᐊᖅ ᐱᓕᕆᐊᖃᖅᐳᖅ ᓱᒋᐅᑎᓂᒃ, ᐃᑰᑕᕐᓂᕐᒧᑦ ᐊᒻᒪ ᐊᔅᓱᕈᖅᑐᒻᒪᕆᐅᓪᓗᑎᒃ. ᒑᑦᓄ ᐃᒃᐱᒍᓱᒃᑐᖅ ᐱᓇᔪᖕᓂᖅ ᐊᑑᑎᖃᕐᓂᖓᓂᒃ ᓲᖃᐃᒻᒪ ᖁᕕᐊᓇᑦᑎᐊᕐᒥᔪᖅ ᐱᕕᒃᓴᑦᑎᐊᕙᐅᓪᓗᓂᓗ ᑲᑎᖃᑎᖃᕆᐊᒃᓴᖅ ᐃᓄᖕᓂᒃ. ᐃᓯᕐᓂᐊᕐᓗᓂ, ᐱᓇᔪᒃᑐᑦ ᐱᔭᕇᖅᓯᓯᒪᔭᕆᐊᖃᖅᐳᑦ ᐊᔪᙱᓐᓂᕐᒥᒃ 10−ᒥᒃ ᐱᔭᕇᖅᓯᓯᒪᓗᑎᒡᓗ ᖃᓪᓗᓈᑎᑐᑦ ᓈᓴᐅᓯᕆᓂᕐᒥᒡᓗ.

ᐊᖓᔪᒃᖡᑦ ᐃᓕᓐᓂᐊᕐᕕᖓᓄᐊᖅᖢᓂ ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ ᐊᒃᓱᕈᕐᓇᓗᐊᓚᐅᖅᐳᖅ ᑭᓯᐊᓂ ᐃᓕᓐᓂᐊᖅᑕᒥᓂᒃ ᐊᑲᕐᕉᑎᖃᓚᐅᖅᐳᖅ. Gardiner−ᑯᑦ ᑕᐅᑐᒐᖃᓪᓗᐊᑕᓚᐅᖅᐳᑦ ᖃᔅᓯᐊᕐᔪᖕᓄᑦ ᐊᔪᕈᓐᓃᖅᓴᒐᒃᓴᓄᑦ ᐊᑕᐅᑦᑎᒃᑯᑦ, ᐊᔪᕈᓐᓃᖅᓴᓪᓚᕆᒃᖢᓂᓗ ᐊᒃᓱᕈᖅᖢᓂ. ᓈᓴᐅᓯᕆᓂᖅ ᓇᓗᓇᓚᐅᖅᑐᖅ ᐱᕕᖃᑦᑎᐊᖏᓐᓂᑯᒧᑦ ᐊᓂᒍᐃᔪᓐᓇᖅᑎᑕᐅᓪᓗᓂᑦ ᑭᓯᐊᓂ ᐊᓂᒍᐃᓵᓕᔪᓐᓇᓚᐅᖅᑐᖅ. ᐱᔭᕇᖅᓯᔪᖃᕈᓐᓇᓚᐅᖅᑐᖅ ᐱᔭᕇᖅᓯᔪᓂᑦ ᐊᔅᓱᕈᖅᑐᓂ ᐃᖅᑲᓇᐃᔭᖅᑐᓂ.

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᓄᓇᒥᓂᒃ ᕿᒪᐃᔪᒪᓪᓗᑎᒃ ᐱᓇᔪᒍᒪᓗᑎᒃ ᐃᓕᓐᓂᐊᕐᕕᖕᓂ ᐃᓕᓐᓂᐊᕌᓪᓚᓚᐅᕐᓗᓂ ᐃᓕᓐᓂᐊᒃᑲᓐᓂᕐᓂᕐᒥᒃ ᓴᙱᓂᖃᖅᑎᑦᑎᕗᖅ. "ᖃᐅᔨᓴᑦᑎᐊᒻᒪᕆᒡᓗᑎᑦ. ᐱᓗᒋᑦ ᑭᓱᒥᒃ ᐱᓇᓱᒍᒪᔭᕐᓂᒃ. ᐊᐱᖅᓱᕆᑦ. ᐊᐱᖅᑯᑎᑲᒻᒪᐅᙱᒻᒪᑦ ᐱᓪᓗᒍ ᑕᒪᓐᓇ ᓯᕗᓂᔅᓴᕆᒐᕕᐅᒃ ᐅᖃᐅᓯᕆᔭᐃᑦ. ᐃᓕᓐᓂᐊᕆᐊᕈᕕᑦ, ᑕᑯᔪᒪᓇᔭᖅᑕᑎᑦ ᐃᓕᓐᓂᐊᕈᑎᒃᓴᖅᑖᑎᑦ, ᑮᓇᐅᔭᑦ ᐃᑲᔫᑎᓪᓗ, ᐃᑲᔪᖅᑎᑖᕐᓗᑎᓪᓗ," ᐅᖃᖅᐳᖅ. ᐸᕐᓇᐃᕙᒌᖁᔨᒋᕗᖅ ᖃᓄᐃᓕᐅᕈᓐᓇᕐᒪᖔᖅᐱᑦ ᐊᒃᓱᕈᖅᑎᓪᓗᑎᑦ ᐊᒻᒪ ᓇᓗᓇᐃᖅᓯᓇᓱᒃᑎᓪᓗᑎᑦ ᑭᓇᒥᒃ ᐱᔪᓐᓇᕐᒪᖔᖅᐱᑦ.

ᐊᒃᓱᕈᕐᓇᖅᑐᑦ ᓄᑖᖑᙱᑦᑐᑦ ᒑᑦᓄᒧᑦ. ᐱᕈᖅᓴᓪᓗᓂ ᐊᑕᐅᓯᕐᒥᒃ ᑮᓇᐅᔾᔭᒃᓴᔪᒥᒃ ᐃᒡᓗᒥᐅᑕᐅᖃᑎᒌᓂ, ᐊᓃᕋᔭᖕᓂᕐᓂ ᐱᙳᐊᕐᓂᕐᓂᒃᓗ ᐱᕕᒃᓴᐅᓚᐅᙱᓚᑦ ᑖᔅᓱᒧᖓ ᐊᓂᖓᓄᓪᓗ. ᐃᒃᐱᒍᓱᓚᐅᖅᑐᖅ ᐃᓚᐅᙱᖦᖢᓂ ᐊᑐᕐᓂᑯᖏᓐᓂ ᑕᑯᓪᓗᓂ ᐃᓕᓐᓂᐊᖃᑎᖏᓐᓂ ᖁᕕᐊᒋᔭᖏᓐᓂ, ᑭᓯᐊᓂ ᐅᖓᑕᐅᔾᔨᓪᓗᓂ ᑕᐃᒃᑯᓂᖓ ᑐᓗᕈᑎᓂᒃ ᐊᐅᓚᖦᖢᓂᒋᑦ ᐃᓅᓯᖓ ᐃᖕᒥᓂᒃᓗ ᒪᒥᐊᙱᖦᖢᓂ. ᕿᓂᓚᐅᖅᑐᖅ ᐱᐅᔪᓂᒃ ᐊᕙᑎᖃᕐᓂᕐᒥᒃ, ᐅᒃᐱᕈᓱᐃᓐᓇᕐᖢᓂ ᓯᕗᓂᑦᑎᓐᓂ ᓇᓂᓯᓪᓗᓂᓗ ᖁᕕᐊᒋᔭᖃᕐᓂᕐᒥᒃ ᐹᔅᑭᑦᐹᓪᒥ. "ᐃᓅᓇᔭᙱᑦᑐᖓ ᐊᑐᓚᐅᖅᓯᒪᙱᑕᓐᓂᒃ," ᓇᓗᓇᐃᖅᓯᓪᓗᓂ.

ᐹᔅᑭᑦᐹᓪ ᐱᒋᐊᓕᖅᑎᓪᓗᒍ, ᓄᓇᓕᖕᓂ ᐊᖅᓴᕐᒥᒃ ᐱᙳᐊᓚᐅᖅᐳᖅ ᑭᓯᐊᓂ ᖃᐃᖁᔭᐅᓪᓗᓂ ᐱᙳᐊᖃᑕᐅᖁᔭᐅᓪᓗᓂ. ᒑᑦᓄ ᓛᖕᓕᒨᓚᐅᖅᑐᖅ, ᐳᕆᑎᔅ ᑲᓚᒻᐱᐊᒧᑦ ᑲᓇᑕᒥ ᐱᙳᐊᕆᐊᖅᑐᑎᒃ ᐊᒻᒪᓗ ᖁᕕᐊᓱᑦᑐᒻᒪᕆᐅᓪᓗᑎᒃ. ᐃᓅᖃᑕᐅᓚᐅᖅᑐᖅ ᓯᑲᐃᔅ ᓄᓇᖃᖅᑳᖅᓯᒪᔪᓂᑦ ᐹᔅᑲᑦᐹᓪ ᓕᒍᒥᑦ ᖁᕕᐊᒋᑦᑎᐊᓚᐅᖅᖢᓂᐅᒡᓗ ᐊᑐᓚᐅᖅᑕᖓ, ᐱᖃᓐᓇᕆᔭᖅᑖᖅᖢᓂ ᐃᖅᑲᐅᒪᔭᒥᓂᒡᓗ.

ᐅᖃᐅᔾᔨᔪᓐᓇᕈᓂ ᒪᒃᑯᖕᓂᖅᓴᒧᑦ ᐃᖕᒥᓂᒃ, "ᐱᐅᓇᔭᙱᑦᑐᑎᑦ ᐱᐅᙱᑦᑐᒥᒃ ᐃᒃᐱᒍᓱᙱᓪᓗᑎᑦ. ᑲᔪᓯᓗᑎᑦ." Gardiner-ᑯᑦ ᐊᒃᓱᕈᖃᑦᑕᖅᓯᒪᖕᒪᑦ ᐊᒻᒪᓗ ᑕᒪᓐᓇ ᐅᑎᕐᕕᒋᓕᖅᖢᓂᐅᒃ. ᐃᒻᒥᓂᒃ ᖃᓄᐃᙱᑦᑎᐊᖁᓪᓗᒍ, ᐃᖃᐃᓕᓴᐃᓐᓇᓲᖅ ᐱᙳᐊᕐᓂᒃᑯᑦ ᐊᒻᒪ ᓴᓇᕈᓘᔭᕐᓂᒃᑯᑦ. ᓯᓐᓇᑦᑑᒪᓕᐅᓲᖅ, ᑕᑯᒥᓴᐅᑎᓂᒃ, ᐊᒻᒪᓗ ᐊᒥᐊᕆᕙᒃᖢᓂ ᓴᓇᑐᔪᓂᒃ. "ᑲᐳᔾᔭᕐᕕᑎᑦ, ᑐᓴᕐᓈᕐᓂᐅᒃᐸᑦ, ᓴᓇᙳᐊᕐᓂᐅᒃᐸᑦ, ᒧᒥᕐᓂᐅᒃᐸᑦ, ᑭᓯᐊᓂ ᐃᓕᖕᓂᒃ ᑎᒥᕕᑦ ᖃᓄᐃᓕᖓᓂᖓᓂᒃ ᐱᓯᒪᓗᑎᑦ, ᓲᖃᐃᒻᒪ ᐱᐅᔪᑦ ᐃᓕᖕᓄᑦ ᑲᒪᓇᕐᒪᑕ," ᐅᖃᖅᐳᖅ.

ᒐᐅᑎᓄ ᑭᓱᒥᓪᓕ ᐱᔪᒪᓕᕈᑎᖃᖅᐸᖕᒪᖔᑦ ᐱᕈᕐᕕᒋᓚᐅᙱᑕᒥᓂᒃ. ᒪᒃᑯᖕᓂᖅᓴᐃᑦ ᐱᓕᕆᔭᕆᐊᒃᓴᖅ ᖁᕕᐊᒋᓇᔭᖅᑕᖏᑦ ᓂᕿᑦᑎᐊᕙᖕᓂᓪᓗ ᓂᕆᓇᓱᒃᖢᓂ, ᑎᒥᒃᑯᑦ ᓈᒻᒪᖕᓂᖅᓴᐅᓗᓂ, ᖃᓄᐃᓕᐅᕈᓘᔭᖅᐸᒃᖢᓂ ᐱᓇᔪᑦᑎᐊᖅᐸᒃᖢᓂᓗ ᐊᔪᙱᓐᓂᓕᒫᒥᓂᒃ. ᐅᒃᐱᕈᓱᒃᐳᖅ ᓈᓚᒍᓐᓇᕐᓂᕐᒥᒃ ᐃᓐᓇᕐᓂᒃ ᐊᒻᒪ ᐅᓂᒃᑳᖅᑐᐊᖏᓐᓂᒃ ᐊᒻᒪ ᐊᒃᑐᐊᓂᖃᕐᓂᖓᓂᒃ ᐊᓈᓇᒧᑦ ᓄᓇᕐᔪᐊᕐᒧᑦ.

ᕼᐄᓕ ᔪᐃᓕ ᒑᑦᓄ ᓅᓚᐅᖅᓯᒪᔪᖅ Prairies-ᒥᑦ ᑕᕆᐅᕐᒧᑦ ᐊᒻᒪᓗ ᒫᓐᓇ ᑕᑯᓐᓇᓕᖅᑐᖅ ᓯᓐᓇᑦᑑᒪᒥᓂᒃ ᖃᖓᑕᓗᓂ ᐃᓕᓐᓂᐊᕐᕕᔾᔪᐊᒥ. ᓴᙱᔪᒥᑦ ᐱᔪᒪᓂᖃᖅᖢᓂ ᐊᖅᓴᒥᑦ, ᖁᑦᑎᖕᓂᖅᓴᒧᐊᖅᑐᖅ ᐃᓕᓐᓂᐊᖅᑕᒥᓄᑦ ᓄᑖᒥᒡᓗ ᐊᖏᕐᕋᐅᔾᔨᔨᑖᖅᖢᓂ ᐱᒋᔭᐅᔪᒥᑦ. ᐊᒃᓱᕈᖅᖢᓂ ᐊᓈᓇᖓᑕ ᐱᕕᒃᓴᖃᕐᕕᒋᓚᐅᖅᓯᒪᙱᑕᖓ, ᐊᖅᑯᑎᖃᖅᑐᖅ ᐊᓯᐊᓄᑦ ᐃᓂᒧᑦ ᐆᒻᒪᑎᖓ ᑎᒡᓕᒃᑕᐅᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.

ᔪᓚᐃ 2024−ᒥ ᓄᑖᙳᕆᐊᖅᓯᒪᔪᑦ: ᕼᐄᓕ ᒫᓐᓇ ᐃᓗᐊᖅᓴᐃᔨᓄᑦ ᐃᑲᔪᖅᑎᐅᓕᖅᑐᖅ ᐅᓇᑕᖅᑐᒃᓴᓄᑦ ᓴᓂᕐᕙᒃᑕᐅᓯᒪᔪᓄᑦ 11−ᓂᒃ ᑐᐊᕕᕐᓇᖅᑐᓕᕆᔪᓂᒃ ᕕᒃᑑᕆᐊᒥ. ᐃᑲᔪᖅᓯᒪᖕᒥᔪᖅ ᓴᖅᑭᑦᑎᓪᓗᓂ podcast−ᒥᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᓄᑦ ᕿᓂᖅᑎᓪᓗᒋᑦ ᓯᓚᑦᑐᖅᓴᕐᕕᖕᒥ. ᑕᐃᔭᐅᔪᖅ "ᓄᓇᖃᖅᑳᖅᑐᕕᓂᐅᑉ ᓴᙱᓂᖓ" ᐱᖃᓐᓇᕆᔭᖓ ᐊᒻᒪ ᐅᖃᖅᑎᐅᖃᑕᐅᔪᖅ ᑎᕙᓂ ᕗᕇᓴᓐ. ᓄᓇᓕᖕᓂ ᓯᕗᓕᖅᑎᓂᒃ ᓇᒃᓴᖃᑦᑕᖅᐳᑦ ᐊᒻᒪ ᖁᑦᑎᖕᓂᖅᓴᓂᒃ ᐃᓕᓐᓂᐊᖅᑎᓂᒃ ᓴᖅᑭᔮᖅᑎᑦᑎᖁᓪᓗᒋᑦ ᐊᒻᒪ ᐅᓂᒃᑳᖃᑦᑕᖁᓪᓗᒋᑦ. ᖃᓪᓗᓈᑑᖅᑐᑦ ᐃᓕᓴᐃᔨᖏᑦ ᑎᓕᐅᕆᓚᐅᖅᐳᑦ 2024-ᒥ ᐃᓄᐃᑦ ᓵᓚᒃᓴᕋᓱᖃᑕᐅᖁᓪᓗᒋᑦ, ᓵᓚᒃᓴᓚᐅᖅᑐᑦ ᐃᓱᒪᒃᓴᖅᓯᐅᑦᑎᐊᒃᑲᐅᓂᖏᓐᓄᑦ ᐊᒻᒪ ᓈᓚᒃᑎᑦ ᐱᐅᒋᓛᖏᓐᓂᒃ ᑐᓐᓂᖅᑯᓯᐊᖅᑐᓂᒃ!

ᐊᑦᑕᑕᕐᕕᒃᓴᖅ ᓈᓚᒍᓐᓇᕐᓂᕐᒧᑦ podcast−ᒧᑦ: https://open.spotify.com/show/5L3Ux6InOxmYS9f0TzwQWs?si=fa09730753134c75

ᐊᑦᑕᑕᕐᕕᒃ podcast's Instagram−ᒧᑦ: https://www.instagram.com/thepowerofindigenouskinship/

‍