"ᐊᓯᔾᔨᖅᓯᔪᒪᒍᕕᑦ, ᐃᓅᕝᕕᒋᔭᕐᓂᓘᓐᓃᑦ, ᐃᓱᒪᒃᑯᑦ, ᑕᕐᓂᒃᑯᑦ, ᐃᓕᖕᓂᒃ ᐊᒃᓱᕈᕐᓇᖅᑎᑦᑎᙱᒃᑯᕕᑦ, ᐊᓯᔾᔨᖅᐸᓪᓕᐊᙱᑦᑐᑎᑦ. ᐱᒻᒪᕆᐊᓘᔪᖅ ᐊᔭᐅᖅᑐᕐᓗᒍ ᐊᒃᓱᕈᕐᓇᖅᑐᒃᑰᖅᑎᓪᓗᑕ ᐊᓂᒍᖅᑎᓪᓗᒍᓗ ᓲᖃᐃᒻᒪ ᐱᐅᖕᒪᑦ ᐱᖃᑖᒍᑦ ᐃᓱᐊᒍᑦ," ᐊᒥᖅᑳᖃᑎᖃᖅᑐᖅ ᒪᒃᑯᒃᑐᒥᒃ ᐃᖅᑲᓇᐃᔭᖅᑎᒥᒃ ᑎᑕᒃᑎᒥᒃᓗ ᕼᐊᐃᓕ ᐅᐊᓪᔅ. ᑭᑕᓲᖅ Xais'Xais Nation-ᒥᙶᖅᑐᖅ ᐊᓈᓇᖓᑕ ᓴᓂᑦᑎᐊᖓᓃᖦᖢᓂ, ᐊᑖᑕᖓᑕ ᓴᓂᑦᑎᐊᖓᓃᖦᖢᓂ. ᒪᒃᑯᒃᑐᓄᑦ ᐊᐅᓚᑦᑎᔨ ᑲᓚᒻᑑᒥ, ᓄᓇᓕᖕᓂ ᐱᓕᕆᑎᑦᑎᖃᑦᑕᓚᐅᖅᐳᖅ ᓴᖅᑭᑦᑎᓇᓱᒃᖢᓂᓗ ᑲᑎᙵᖃᑎᖃᕐᓂᕐᒥᒃ ᒪᒃᑯᒃᑐᓂᒃ, ᐃᓐᓇᕐᓂᒃ ᐊᒻᒪ ᓄᓇᓕᖕᓂ ᐃᓚᓕᐅᔾᔨᔪᒪᓪᓗᑎᒃ.

ᒫᓐᓇ ᓄᓇᖃᓕᖅᑐᖅ ᓄᓇᕗᒻᒥ Tsleil Waututh, Musqueam ᐊᒻᒪ Squamish Nations, ᐃᖅᑲᓇᐃᔭᖅᑐᖅ urban Native Youth Association−ᑯᓐᓄᑦ ᒪᒃᑯᒃᑐᓄᑦ ᐃᓅᓯᓕᕆᔨᐅᓪᓗᓂ ᐃᓕᓐᓂᐊᕐᕕᐊᕈᓯᕐᒥ. ᐃᑲᔪᖃᑦᑕᖅᑐᖅ ᒪᒃᑯᑦᑐᓂᑦ ᓄᓇᓕᖏᓐᓂᑦ ᓂᔾᔭᐅᓯᔭᕐᓂᕐᒥᓪᓗ ᓴᓂᕌᒍᑦ. "ᓯᕗᓪᓕᖅᐹᑦᑎᐊᒥᖃᐃ ᓂᔾᔭᐅᓯᔭᕐᓂᕐᒧᑦ ᐃᖅᑲᓇᐃᔮᕋ ᐱᒻᒪᕆᐅᒋᑦᑎᐊᖅᖢᒍ ᐊᒻᒪ ᑲᒪᓇᖅᑐᒻᒪᕆᐅᓪᓗᓂ," ᐃᙱᖅᖢᓂ. ᐊᓈᓇᒋᔭᐅᔪᖅ ᒪᕐᕉᖕᓄᑦ ᑎᑕᒃᑎᓄᑦ ᐊᔪᙱᑦᑐᓄᑦ ᓄᑕᖅᑲᓄᑦ 10 ᑐᖔᓂ ᐅᑭᐅᓖᑦ, ᐅᓪᓗᖏᑦ ᑕᑖᖅᑐᑦ. ᓄᓇᓕᐸᐅᔭᕐᒧᑦ ᓅᖦᖢᓂ ᐊᒻᒪ ᑕᒪᓐᓇ ᐱᓕᕆᐊᕆᓪᓗᒍ ᐱᕚᓪᓕᕈᑕᐅᑦᑎᐊᓵᖅᐳᖅ, ᑭᓯᐊᓂ ᐊᒃᓱᕈᕐᓇᖅᑐᖃᙱᖦᖢᓂ.

"ᐃᓱᒪᒋᔭᕋ ᐃᓚᖓ ᐊᓯᐅᔨᕐᔪᐊᓚᐅᖅᑕᕋ ᓅᑎᓪᓗᖓ ᕚᓐᑰᕗᒧᑦ ᐊᓯᐅᔨᓪᓗᓂ ᓄᓇᓕᒐᓂᒃ"

ᓴᓂᕋᕐᒥᐅᑕᖅ ᐊᒃᓱᕉᑎᖃᓚᐅᖅᐳᖅ ᐋᖅᑭᒋᐊᖅᑕᐅᑎᓪᓗᒍ ᓄᓇᓕᖅᐸᐅᓂᖅᓴᒧᑦ, ᐱᓱᑲᑕᙱᖦᖢᑎᒃ ᐃᓄᖕᓄᑦ ᐊᖅᑯᑎᒃᑯᑦ ᐳᓛᕆᐊᕋᔪᒃᖢᑎᒡᓗ. ᓴᖅᑭᑦᑎᓇᓱᖃᑦᑕᖅᑐᖅ ᐃᒃᐱᒍᓱᖕᓂᕐᒥᓂᒃ ᐃᖅᑲᓇᐃᔮᖓᓂ, ᓇᓗᓇᐃᖅᓯᓪᓗᓂ, "ᐃᖅᑲᓇᐃᔭᖅᑰᔨᔪᖓ ᑲᑐᔾᔨᖃᑎᒌᒧᑦ ᓴᖅᑭᑦᑎᓲᒧᑦ ᓄᓇᓕᖕᓂ ᓄᓇᖃᖅᑳᖅᓯᒪᔪᑦ ᖃᑕᙳᑎᒌᓄᑦ ᑕᒫᓂ ᕚᓐᑰᕙᒥ." ᐃᓕᖅᑯᓯᑐᖃᖅ ᖁᐊᖅᓵᕐᓇᖅᑐᖅ ᓅᓐᓂᕐᒧᑦ ᓄᓇᓕᐸᐅᔭᕐᒧᑦ ᐱᒻᒪᕆᐅᓚᐅᖅᑐᖅ.

"ᑕᐅᑐᙳᐊᕈᓐᓇᙱᑦᑐᖓ ᖃᓄᐃᑦᑑᖕᒪᖔᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖁᑎᖏᑦ ᓲᕐᓗ ᓄᓇᒦᙶᖅᑐᑦ, ᓯᓚᑦᑐᖅᓴᕐᕕᓕᐊᕐᓗᑎᒃ ᓯᓚᑦᑐᖅᓴᕐᕕᒡᔪᐊᒧᓪᓘᓐᓃᑦ ᓄᓇᓕᐸᐅᔭᒥᑦ. ᐊᖏᔪᒻᒪᕆᐊᓘᖕᒪᑦ, ᐋᖅᑭᒋᐊᖅᑕᐅᕐᔪᐊᖅᑐᖅ."

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᓅᓐᓂᕐᒧᑦ ᓄᓇᓕᐸᐅᔭᕐᒧᑦ ᓈᒻᒪᒃᐳᖅ. "ᐅᖃᕋᔭᖅᑐᖓ ᐃᑲᔪᖅᑕᐅᔪᒪᓗᖓ, ᐃᓕᑦᑎᓗᖓ ᐊᑐᒐᒃᓴᕐᓂᒃ. ᐊᒥᓲᕗᑦ ᐊᑐᖅᑕᐅᔪᓐᓇᖅᑐᑦ ᑕᖅᑳᓂ... ᐃᓄᑑᓚᐅᖅᓯᒪᙱᑦᑎᐊᖅᑐᑎᑦ. ᐃᒪᓐᓇᐅᖅᑰᔨᒐᓗᐊᖅᑎᓪᓗᒍ, ᐃᑲᔪᖅᑕᐅᔪᒪᑐᐃᓐᓇᖅᖢᓂ," ᐅᖃᖅᐳᖅ. ᓯᓚᑦᑐᓴᕐᕕᕐᔪᐊᕐᒨᖅᓯᒪᖏᑦᑐᖅ, ᐃᓕᓐᓂᐊᖅᓯᒪᖏᑦᑐᖅ ᐱᓕᕆᓯᒪᓂᑯᒥᓂᒃ. ᐃᓅᓯᕐᒥ ᐊᑐᕐᓂᑯᖓ ᐃᓕᑦᑎᓪᓗᓂ ᓂᔾᔭᐅᑎᒥᒃ.

" ᐃᙱᑲᑕᐃᓐᓇᕋᒪ ᐅᖃᓪᓚᒍᓐᓇᓚᐅᕋᒪ, ᐊᑖᑕᒐ ᐅᖃᖅᐳᖅ. ᑭᓯᐊᓂ ᐱᕈᖅᓴᓚᐅᖅᑐᖓ ᓂᔾᔭᐅᓯᔭᕐᔪᐊᖅᖢᖓ," ᐃᖅᑲᐅᒪᔪᖅ. ᓄᑲᖅᑎᖅᐹᖅ ᓱᕈᓯᖅ, ᐊᕐᓇᑐᐊᑦᑎᐊᖅ ᑕᓪᓕᒪᓂᒃ ᓄᑲᓕᒃ ᐊᑐᓂ ᐱᙳᐊᓚᐅᖅᑐᑦ, ᐱᕈᖅᓴᓚᐅᖅᑐᖅ ᓂᔾᔭᐅᑎᒧᑦ ᑐᓂᔭᐅᔪᒧᑦ ᐊᑖᑕᒧᑦ. ᑭᖑᓂᐊᒍᑦ, ᔨᓇᓐRecords ᑎᑭᑉᐸᓚᐅᖅᑐᖅ ᐊᒻᒪᓗ ᓄᓇᖃᖃᑎᖃᖅᑐᓂ ᐃᓅᓱᒃᑐᓂᒃ ᐊᒻᒪᓗ ᐊᑎᓕᐅᖃᑎᒋᓕᖅᑐᓂᒋᑦ. ᓂᔾᔭᐅᑎᒥᒃ ᓂᔾᔭᐅᑎᖃᕐᓂᐊᖅᑐᖅ ᐅᐱᕐᖔᒃᑯᑦ.  

"ᖁᕕᐊᒋᑦᑎᐊᖅᑕᕋ ᓴᖅᑭᑎᑦᑎᔭᕆᐊᒃᓴᖅ ᖁᕕᐊᓱᒃᑎᓪᓗᖓ, ᓄᒫᓱᓕᕌᖓᒪ ᓂᙵᐅᒪᓕᕌᖓᒪ, ᓲᖃᐃᒻᒪᓕ ᓴᖅᑭᑦᑎᖅᑰᔨᓲᖑᒐᒪ ᐃᓕᖕᓅᖓᖅᑰᔨᒐᒪ ᑭᓱᓂᒡᓗ ᓴᖅᑭᑦᑎᔪᒪᖕᒪᖔᖅᐱᑦ ᓄᓇᕐᔪᐊᕐᒥ."

ᐊᑭᓐᓇᕐᒥᐅᑕᖅ ᐅᒃᐱᕈᓱᒃᑐᖅ ᐊᒥᖅᑳᖃᑎᖃᕐᓂᕐᒥᒃ ᑕᒪᒃᑭᖅᑐᓂᒃ ᐃᒃᐱᖕᓂᐊᓂᕐᓂ. "ᑕᑯᒃᓴᐅᑎᑦᑎᑐᐃᓐᓇᔾᔮᙱᑦᑐᖓ ᐃᒃᐱᒋᔭᒃᑯᑦ, ᐅᓂᒃᑳᕈᓐᓇᕈᒪᒐᒪ," ᓇᓗᓇᐃᖅᓯᓪᓗᓂ. ᓂᔾᔭᐅᑎᓂᒃ ᐊᑐᓲᖑᖕᒥᔪᖅ ᐊᖏᕐᕋᒧᑦ ᖃᓂᒻᒪᒃᓴᕋᐃᓐᓂᕐᒧᑦ. "ᓂᔾᔭᐅᓯᔭᕐᓂᖅ ᐃᓄᖕᓄᑦ ᑲᑎᔾᔪᑕᐅᓲᖑᓂᖓᓂᒃ. ᓴᖅᑮᕙᒻᒪᑦ ᓄᓇᓕᓐᓂᑦ. 1 ᒥᓕᐊᓐ ᒪᐃᓕᓂᒃ ᐅᖓᓯᒃᑎᒋᔪᓐᓇᖅᑐᑎᑦ ᑭᓯᐊᓂ ᐃᙱᐅᓯᕐᒥᒃ ᑐᓴᕈᕕᑦ, ᑲᑎᙵᖅᑰᔨᓕᕐᓇᕐᒪᑦ," ᑕᑯᒃᓴᐅᕗᖅ.

ᖃᐅᔨᒐᒥ ᓅᖦᖢᓂ ᕿᑐᕐᖓᒥᓂᒃ ᓅᖦᖢᓂᒋᑦ ᖃᐅᔨᒪᔭᓕᒫᖏᓐᓂ ᐊᒃᓱᕈᕐᖢᑎᒃ, ᐃᒃᐱᒍᓱᒃᑐᖅ ᐊᑑᑎᖃᕐᓂᖓᓂᒃ ᐱᕙᒌᔭᖅᓯᒪᓪᓗᓂᓗ ᐅᑎᕆᐊᒃᓴᖅ ᐊᔪᖅᐸᑦ. ᐃᒻᒥᓂᒃ ᐅᒃᐱᕆᓪᓗᓂ. "ᓅᑉᐸᓪᓕᐊᓂᖅ ᖁᕕᐊᓇᓚᐅᙱᑦᑐᖅ, ᑭᓯᐊᓂ ᐅᕙᓐᓂᒃ ᐅᒃᐱᕈᓱᒋᐊᖃᑐᐃᓐᓇᓚᐅᖅᑐᖓ ᑭᓱᓕᒫᑦ ᖃᓄᐃᔾᔮᙱᓐᓂᖏᓐᓂᒃ. ᑭᓱᑐᐃᓐᓇᐃᑦ ᐊᑐᑦᑎᐊᕐᓂᐊᖅᑐᑦ. ᐊᒃᓱᕈᐃᓐᓇᕈᕕᑦ ᐱᓇᓱᐊᑦᑎᐊᕐᓗᑎᓪᓗ, ᐆᒻᒪᑎᑦᑎᐊᕆᒡᓗᑎᑦ, ᐅᒃᐱᕈᓱᑦᑎᐊᖅᐳᖓ ᑭᓱᓕᒫᑦ ᑲᔪᓯᑦᑎᐊᖏᓐᓇᕐᓂᐊᕐᓂᖏᓐᓂᒃ," ᓈᓴᐃᒃᑲᓐᓂᖅᐳᖅ.

ᖁᕕᐊᓱᒃᑐᖅ ᖃᓄᖅ ᐅᓂᒃᑳᖓ ᓴᖅᑭᓐᓂᕐᒪᖔᑦ. "ᖁᔭᓐᓇᒦᒃ, ᒥᑦᑎᐊᓚᐅᖅᑐᖓ ᐱᓕᕆᑦᑎᐊᖅᖢᖓ ᐃᑲᔪᕈᒪᑦᑎᐊᓚᐅᖅᐸᒃᑲᓗ ᐃᓚᓐᓂᒃ, ᐊᓕᐊᓇᐃᖦᖢᓂᓗ. ᓂᔾᔭᐅᓯᔭᑦᑎᐊᓕᖅᑐᖓ ᒫᓐᓇ. EP−ᒐ ᐲᕐᓂᐊᖅᑕᕋ, ᐃᙱᐅᑎᓂᒃ ᐱᑐᐃᓐᓇᕆᐊᖃᓕᖅᑐᖓ ᑭᓯᐊᓂ ᑎᑎᕋᒃᑲᓐᓂᕈᓐᓇᖅᓯᔪᖓ. ᓂᔾᔭᐅᓯᔭᕐᓂᖅ ᒫᓐᓇ ᐃᓅᓯᓐᓂ ᐊᖏᔪᒻᒪᕆᐅᒻᒪᑦ ᐊᒻᒪᓗ ᑲᔪᓯᓂᐊᖅᑐᖓ ᐱᓕᕆᓗᖓ UNYA-ᒥ ᐊᒻᒪᓗ ᐃᓅᓱᒃᑐᓕᒫᑦ ᖁᕕᐊᓱᓕᖅᑎᓐᓇᓱᓪᓗᒋᑦ ᓴᓇᐅᒐᕐᓂᒃ ᐊᒻᒪᓗ ᓴᓇᓂᕐᒥᒃ," ᖁᖓᑦᑐᓂ.

ᕼᐊᐃᓕ ᐅᐊᓕᔅ ᐊᖏᕐᕋᒥᓂᒃ ᐅᖓᓯᑐᐃᓐᓇᕆᐊᓕᒃ ᑭᓯᐊᓂ ᓄᓇᓕᖕᓂ ᓴᖅᑭᑦᑎᔪᖅ ᑎᑕᖕᓂᒃᑯᑦ ᐊᒻᒪ ᑲᑎᙵᓂᒃᑯᑦ. ᕿᑐᕐᖓᖏᑦ ᒪᒃᑯᒃᑐᓪᓗ ᐱᔪᓐᓇᕐᓂᖅᑖᖅᑎᖦᖢᓂᒋᑦ UNYA−ᒥ, ᓄᓇᕐᔪᐊᕐᒥ ᐃᑲᔪᖅᓱᐃᓂᖅᓴᐅᕗᖅ, ᑎᑕᒡᕕᑦᑎᐊᕙᐅᓪᓗᓂ, ᑎᑎᕋᖅᐸᒃᖢᓂ ᐱᔪᒃᓯᓕᕐᓇᕐᓂᖓᓂᒃ ᑭᖑᕚᒃᓴᑦᑎᓐᓄᑦ ᐊᒡᒋᖅᑐᓄᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.