"ᐃᓚᖓ ᐊᖏᓛᖑᔪᖅ ᖃᐃᖁᔨᔾᔪᑎᒪ ᐃᓕᖕᓂᒃ ᐱᒻᒪᕆᐅᑎᑦᑎᓗᐊᖁᙱᖦᖢᒍ. ᐃᓱᒫᓗᒃᑕᐃᓕᒋᑦ ᖃᓄᖅ ᐃᓄᒃ ᑕᐅᑦᑐᖃᕐᒪᖔᑦ. ᐃᓱᒫᓗᒃᑕᐃᓕᒋᑦ ᖃᓄᖅ ᑕᐅᑦᑐᖃᕐᒪᖔᕐᒪ," ᒪᒃᑯᒃᑐᖅ ᔫᒐ ᐃᓕᓴᐃᔨ ᕼᐃᐊᑐ ᑯᕇᔅ−ᑰᑎᔅ ᐅᖃᐅᓯᖃᖅᑐᖅ ᒪᑐᐃᖅᓯᑎᓪᓗᒍ ᐃᓕᓐᓂᐊᖅᑎᓄᑦ ᓄᑖᓄᑦ ᒪᒃᑯᒃᑐᓄᑦ. ᓄᓇᖃᖅᑐᖅ ᐅᐃᓕᐊᒻ ᑕᓯᕐᒥ ᓅᓚᐅᖅᑎᓪᓗᒍ ᑲᒧᓘᑉᔅᒥᑦ. ᐱᔨᑦᑎᕋᕈᒪᓚᐅᖅᑐᖅ ᓄᓇᓕᒡᔪᐊᖑᙱᓐᓂᖅᓴᓂᒃ ᐊᒻᒪ ᐅᖓᓯᒋᔭᐅᔪᓂᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᐊᖏᓂᖅᓴᓂᒃ ᐃᓕᓐᓂᐊᕐᕕᖃᙱᓐᓂᖅᓴᓂᒃ ᐱᓕᕆᖃᑎᖃᖃᑦᑕᖅᓯᒪᓪᓗᓂᓗ ᓄᓇᓕᖕᓂ ᐃᓕᓐᓂᐊᕐᕕᖏᓐᓂᒃ ᖁᕕᐊᓇᖅᑐᓂᒃ ᐱᓕᕆᐊᒃᓴᓂᒃ.

ᖃᐅᔨᓪᓗᓂ ᐱᔾᔪᑎᖓᓂᒃ ᐊᖓᔪᖅᑳᙳᓚᐅᖅᑎᓪᓗᒍ ᑭᖑᕙᕆᐊᖅᑎᑦᑎᓪᓗᓂ ᓇᖕᒥᓂᕆᔭᖓᑕ ᐱᔪᒪᔭᖏᓐᓂ. "ᔫᒐᓕᐊᓚᐅᖅᓯᒪᕗᖓ 2016−ᒥ ᐊᒻᒪ ᐱᓕᕆᐊᒃᓴᖃᕐᔪᐊᖅᖢᖓ ᐊᓈᓇᐅᓪᓗᖓ ᒪᕐᕉᖕᓄᑦ, ᐃᒃᓯᕚᖅᑎᓪᓗᖓ ᐊᓗᒐᒧᑦ, ᐊᒻᒪ ᓂᐸᐃᑦᑐᒧᐊᕈᓐᓇᖅᖢᖓ ᓱᓕ, ᖃᒥᖦᖢᒍ ᐃᓱᒪᒐ ᐊᒻᒪ ᐱᓕᕆᐊᕆᑐᐃᓐᓇᖅᖢᒍ ᐊᔪᕈᓐᓃᖅᓴᖅᑕᕋ, ᐃᓗᓐᓂ ᖃᐅᒪᑎᑦᑎᑲᓴᓚᐅᖅᑐᖅ. ᐃᒪᓐᓇᐅᓚᐅᖅᑐᖅ, 'ᑖᓐᓇ ᐃᑳᕐᕕᒃ ᖃᓄᖅ ᐱᓕᕆᖃᑎᖃᖅᐸᖕᒪᖔᖅᐱᑦ ᒪᒃᑯᒃᑐᓂᒃ'."

ᓇᒻᒥᓂᖃᖅᑎᐅᓪᓗᓂ ᑮᓇᐅᔭᑎᒍᑦ ᒪᑭᑕᑦᑎᐊᖏᓐᓂᕐᒥᑦ ᑭᓯᐊᓂ ᖃᐅᔨᒪᓪᓗᓂ ᒪᒃᑯᑦᑐᓄᑦ ᐱᓕᕆᔾᔪᑎᓂᑦ ᑐᓂᓯᒻᒪᑦ ᐃᓅᓯᓕᒫᒧᑦ ᐊᑑᑎᖃᕐᓂᖅᓴᐅᔪᖅ ᑮᓇᐅᔾᔭᔅᓵᖏᓐᓂᑦ. ᔫᒐ ᒪᓂᒪᑎᒍᓐᓇᓚᐅᖅᑕᖓ ᐃᖅᑲᓇᐃᔭᖅᑎᖃᙱᓪᓗᓂ ᐊᒻᒪᓗ ᑕᑯᓪᓗᓂ ᐱᔭᕆᐊᖃᓪᓚᕆᑦᑐᒥᒃ ᐱᓕᕆᓐᓇᖅᑐᒻᒪᕆᐅᑎᓪᓗᒍ ᓄᓇᕐᔪᐊᕐᒥ, ᐱᓗᐊᖅᑐᒥᒃ ᐃᓅᓱᒃᑐᓄᑦ. "ᒪᒃᑯᒃᑐᖁᑎᕗᑦ ᑕᐸᓱᒃᑕᐅᕗᑦ. ᐱᕈᕐᐸᓪᓕᐊᒻᒪᑕ ᐱᑐᖃᕈᑉᐸᓪᓕᐊᓪᓗᑎᒃ ᐊᒻᒪᓗ... ᐃᓕᓐᓂᐊᓕᕋᐃᒐᒪ, ᓇᔅᓴᕋᐃᒐᒃᑭᑦ ᓂᐱᑭᑦᑐᒧᑦ ᐅᕝᕙᓘᓐᓃᑦ ᓱᓕ, ᐊᔅᓱᕈᕈᑎᖃᓪᓚᕆᑉᐸᒻᒪᑕ, ᐅᐱᓐᓇᕋᓂ ᐊᑐᖅᑕᐅᕙᖏᒻᒪᑕ ᐅᕝᕙᓘᓐᓃᑦ ᐱᔭᒥᓂᖏᓐᓂ," ᓇᓗᓇᐃᖅᓯᓪᓗᓂ.

ᓄᓇᓕᖕᓂ ᐃᓕᓐᓂᐊᕐᕕᓕᕆᔩᑦ ᑐᙵᓱᒃᑎᑦᑎᓚᐅᖅᐳᑦ ᐃᓕᓐᓂᐊᖅᑎᑦᑎᖃᑦᑕᖁᔨᓪᓗᓂ ᐱᓇᓱᐊᕈᓯᑕᒫᑦ ᔫᒐᒥ ᐃᓕᓐᓂᐊᖅᑎᑦᑎᑲᑕᖁᔨᓪᓗᓂ ᐊᒻᒪ ᐃᓕᓴᐃᔨᓄᑦ ᐱᕚᓪᓕᕈᑎᒃᓴᓄᑦ ᐅᓪᓗᒃᑯᑦ ᐱᓕᒻᒪᒃᓴᖅᑐᓂᒃ. ᐃᑲᔪᖅᑕᐅᔪᒪᓂᖅ ᓄᓇᓕᖕᓄᑦ, ᐃᓚᖏᑦ ᐱᔪᒃᓯᑦᑎᐊᖅᑐᑦ, ᐃᓚᖏᓪᓗ ᓇᓗᓪᓗᑎᒃ. ᑕᒪᓐᓇ ᐋᓐᓂᐊᓇᐅᔪᖅ ᓱᒃᑲᐃᓪᓕᕚᓪᓕᕈᑕᐅᓚᐅᕐᒪᑦ ᐊᒻᒪᓗ ᓄᓇᓕᓐᓂ ᐱᓕᕆᒃᑲᓐᓂᕈᒪᓪᓗᓂ ᑕᒪᒃᑯᐊ ᒪᑐᐃᖅᐸᓪᓕᐊᑎᓪᓗᒋᑦ.

‍

‍

ᐱᓕᕆᖃᑎᖃᖅᖢᓂ ᐊᑕᖃᑕᐅᔪᒥᒃ ᐅᑭᐅᖅᑕᖅᑐᒥᒃ ᑲᔪᓯᑎᑦᑎᔪᒪᓪᓗᓂ ᖃᕆᑕᐅᔭᒃᑯᑦ ᐱᓕᕆᖃᑎᒌᖕᓂᕐᓂᒃ ᑐᕌᕆᔭᖃᖅᓯᒪᕗᖅ ᓇᒃᓴᕐᓂᕐᒥᒃ ᔫᒐᒥᒃ ᓄᑕᖅᑲᓄᑦ ᐊᔪᕐᓇᙱᓐᓂᖅᓴᒃᑯᑦ ᐊᑐᕈᓐᓇᕋᔭᙱᑦᑐᓄᑦ ᑕᐃᒪᐃᔾᔪᑎᖃᖅᖢᑎᒃ ᑕᒪᕐᒥᑦᑎᐊᖅ ᐱᓕᕆᔾᔪᑎᓄᑦ ᐃᑲᔪᖅᑐᖅᑕᐅᓂᕐᒧᑦ.

"ᐃᓱᒪᒋᔭᕋ ᐊᑑᑎᖃᕐᔪᐊᕐᓂᖓᓂᒃ ᐃᓕᑦᑎᓂᖅ ᕿᓚᒥᑯᓗᒃ ᖃᐅᔨᓗᒋᑦ ᐃᒃᐱᒋᔭᑎᑦ ᑕᖃᐃᖅᓯᓚᐅᑲᖕᓂᕐᓗ."

ᔫᒐ ᑦᓯᕇᔅ-ᑰᑎᔅ ᐸᕐᓇᐅᑎᒋᒋᐊᙵᖅᓯᒪᙱᑕᖓ. ᖃᐅᔨᒪᓚᐅᙱᑦᑐᖅ ᖃᓄᐃᓕᐅᕆᐊᒃᓴᖅ ᐃᓱᓕᑦᑎᑎᓪᓗᒍ ᖁᑦᑎᖕᓂᖅᓴᒥᑦ ᐃᓕᓐᓂᐊᕐᕕᖕᒥᑦ, ᐃᓱᓕᑦᑎᓪᓗᓂᓗ ᖁᑦᑎᖕᓂᖅᐹᒥᑦ ᓇᓗᓇᐃᒃᑯᑕᒥᑦ ᓇᖕᒥᓂᖃᖕᓂᖕᒥᑦ. ᐃᖅᑲᓇᐃᔭᓚᐅᖅᑐᖅ ᑐᙵᓇᕐᓂᕐᒧᑦ, ᐱᔨᑦᑎᓂᕐᒧᑦ, ᑐᑦᓯᕋᐅᑎᓂᑦ ᑎᑎᕋᕐᓂᕐᒥᑦ ᐅᖃᖃᑎᖃᕐᓂᕐᒥᓪᓗ ᐱᕙᓪᓕᐊᔪᓕᕆᓂᕐᒥᓪᓗ. ᑲᓇᑕᒥ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑎᒪᔨᖏᑦ ᑮᓇᐅᔭᖃᖅᑎᑦᑎᓚᐅᖅᐳᑦ 200-ᓂᒃ ᐃᑲᕐᕋᓂᒃ ᔫᒐ ᐃᓕᓴᐃᔨᙳᕆᐅᖅᓴᔪᓂᒃ ᑐᕌᒐᖃᖔᓕᖅᖢᓂ. ᑭᖑᓪᓕᕐᒥ, ᕕᓇᔭᓴ ᔫᒐᒥᑦ ᒪᒃᑯᒃᑐᓄᑦ ᐃᓕᓴᐃᔨᙳᕆᐅᖅᓴᑎᑦᑎᓚᐅᖅᐳᖅ ᐊᒻᒪ ᑮᓇᐅᔭᓕᐅᙱᖦᖢᓂ ᐱᓕᕆᖃᑦᑕᖅᓯᒪᓪᓗᓂ, ᔫᒐᒥᑦ ᐃᓕᓐᓂᐊᕐᕕᖕᓂ ᐊᒻᒪ ᒪᒃᑯᒃᑐᓂᒃ ᐱᓕᕆᖃᑎᖃᖅᖢᓂ. ᐱᓕᕆᐊᖃᖅᐳᖅ 25-ᓂᒃ ᐃᑲᕐᕋᓂᒃ ᔫᒐᕐᒥᒃ ᒪᒃᑯᑦᑐᓄᑦ ᐃᓕᓴᐃᔨᕈᖅᓴᓂᕐᒧᑦ ᑕᐅᕙᓂ ᐃᓕᓴᐃᔨᑖᒃᑲᓐᓂᕈᒪᓪᓗᓂ.  ᐊᑐᕐᓂᑯᖓ ᐊᓈᓇᐅᓪᓗᓂ ᐃᑲᔪᓲᖅ ᐱᙳᐊᕐᓂᕐᒥᒃ ᓱᖏᐅᑎᓂᕐᒥᒃᓗ ᓄᑕᖅᑲᑦ ᐃᓚᐅᖃᑕᐅᙱᒃᑳᖓᑕ ᐱᕙᒌᔭᖅᓯᒪᔭᖏᓐᓂ ᑭᖑᓕᕇᓂᑦ.

"ᐃᖅᑲᓇᐃᔮᕋ ᑕᕝᕙᓂ ᓇᒡᓕᒋᑦᑎᐊᓕᖅᑎᓐᓇᓱᒃᓗᒍ ᔫᒐ. ᔫᒐᓕᐅᕋᓱᒋᐊᖃᙱᑦᑐᑎᑦ ᑖᒃᑯᓇᓂ. ᑐᕌᕆᔭᕋᓕ ᓴᓇᕐᕈᑎᓂᒃ ᑐᓂᓯᔪᒪᓪᓗᖓ, ᖁᕕᐊᓱᖃᑎᒌᒡᓗᑕ, ᐱᙳᐊᑦᑎᐊᕐᓂᐊᕋᑦᑕ."

Cherisse-Curtis−ᑯᑦ ᐃᓕᓐᓂᐊᖅᑎᓂᒃ ᖁᔭᓕᔪᒪᑦᑎᐊᖅᐳᑦ ᐃᒻᒥᖕᓄᑦ ᐊᓯᒥᓄᓪᓗ. ᐱᔪᒪᔪᖅ ᐱᕈᖅᓴᑎᓪᓗᒍ ᐊᓈᓇᑦᑎᐊᒃᑯᒥᓂᒃ ᐱᕈᖅᓰᕝᕕᖏᓐᓂ, ᑭᓯᐊᓂ ᐊᖏᕐᕋᐅᔾᔨᓪᓗᓂ ᓇᖕᒥᓂᖅ ᑐᓐᓂᖅᑯᓯᐊᒥᓂᒃ. "ᐃᓱᒪᒋᔭᕋ ᐱᐅᓛᖑᖃᑕᐅᓚᐅᖅᑐᖅ ᐱᓕᕆᐊᕆᓚᐅᖅᑕᕋ ᐊᖏᒃᓕᒋᐊᕐᓗᒋᑦ ᑕᐃᒃᑯᐊ ᓴᓂᒧᑦ," ᖁᖓᖦᖢᓂ. ᖃᓪᓗᓈᑦ ᓄᓇᖓᓐᓄᐊᖅᖢᓂ, ᐊᖏᓂᖅᓴᒥ ᓄᓇᖃᖅᖢᓂ, ᒪᑐᐃᖅᓯᓚᐅᖅᐳᖅ ᑭᓇᐅᓂᕐᒥᓂᒃ ᐃᓅᓪᓗᓂ ᐊᒻᒪ ᐃᒻᒥᓂᒃ ᖁᓱᔪᓐᓃᖅᖢᓂ. ᓇᖕᒥᓂᖅ−ᐃᖅᑲᐅᒪᔪᓐᓃᖅᑎᓪᓗᒍ ᐃᖅᑲᐅᒪᔪᖅ, "ᑕᐃᒪᓕ ᑖᒃᑯᐊ ᐃᓱᒪᒋᒐᒃᑭᑦ ᑐᑭᖃᙱᑦᑐᖅ ᐅᕙᖓᐅᓂᖏᓐᓂᒃ ᓱᓕᙱᖦᖢᑎᒡᓗ." ᐅᖃᖅᖢᓂ ᓇᓂᓯᓗᓂ ᐃᑲᔪᖅᓱᐃᔾᔪᑎᓂᒃ ᐊᑐᖃᑦᑕᖅᑐᓂ ᐃᓄᖕᓄᓪᓗ ᐊᒥᖅᑳᕈᑎᖃᖅᑐᓄᑦ ᐊᔾᔨᕐᓚᖏᓐᓂᒃ ᑐᕌᒐᒃᓴᓂᑦ ᐱᐅᙱᑦᑐᒥᒃ ᐃᖕᒥᓂᒃ−ᓇᕿᑕᐅᙱᓪᓗᑎᒃ.  

ᐱᕈᖅᐸᓪᓕᐊᓪᓗᓂ, ᑲᙳᓱᓕᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᒥᒃᓵᓄᑦ. "ᐅᐱᒍᓱᖅᑰᔨᙱᑦᑐᖓ ᓄᓇᖃᖅᑳᖅᓯᒪᔪᓂᒃ ᐊᕐᓇᐅᑎᓪᓗᖓ. ᐱᕈᖅᓴᓪᓗᖓ ᐅᖓᓯᑦᑐᒥ ᓄᓇᓕᓐᓂ, 80%-ᖏᑦ ᐃᓄᐃᑦ ᐃᓕᓐᓂᐊᕆᐊᖅᐸᓚᐅᖅᑐᑦ, ᑕᒪᓐᓇ ᑲᓐᖑᓇᖅᑐᒻᒪᕆᐅᓚᐅᖅᐳᖅ ᑭᓇᐅᓂᓐᓄᑦ. ᖃᐅᔨᒪᓚᐅᙱᑦᑐᖓᓘᓐᓃᑦ ᑎᒍᒥᐊᕐᓂᓐᓂᒃ ᑭᓯᐊᓂ ᐃᓐᓇᐅᓂᖅᓴᐅᓕᖅᑎᓪᓗᖓ, ᐊᒻᒪᓗ ᐃᓚᖏᓐᓂᒃ ᑎᒍᓯᕙᓪᓕᐊᓕᓚᐅᖅᑐᖓ," ᐃᖅᑲᐅᒪᔪᖅ.

ᑕᒪᒃᑯᐊ ᐅᖃᐅᓯᐅᕙᙱᑦᑐᑦ ᓄᑕᕋᐅᑎᓪᓗᒋᑦ ᐃᒻᒥᓂᒃ ᖁᓱᔪᓐᓃᕈᑕᐅᕙᓚᐅᖅᑐᑦ ᐃᓐᓇᕈᖅᓯᒪᓕᖅᑎᓪᓗᒋᑦ. ᐱᔪᒪᓂᖃᑦᑎᐊᓚᐅᖅᑐᖅ ᐃᓕᓐᓂᐊᕐᓗᓂ ᐃᖕᒥᓂᒃ ᑲᒪᒋᔪᓐᓇᕐᓗᓂ, ᑕᐅᑐᒃᓗᓂ ᐊᖓᔪᖅᑳᒥᓂᒃ ᐊᒃᓱᕈᖅᑐᓂᒃ ᐃᒥᐊᓗᓗᐊᖃᑦᑕᕐᓂᕐᒥᒃ. ᕿᒃᓵᖕᓂᖅ ᐃᓚᒥᓂᒃ ᐊᓯᐅᔨᓪᓗᓂ ᐊᒃᓱᕈᕐᓇᓚᐅᕐᒥᔪᖅ ᐊᓂᒍᐃᓪᓗᓂᓗ ᐱᔾᔪᑎᒋᔭᒥᓂᒃ ᓇᓂᓯᓪᓗᓂ. ᐅᓪᓗᓕᒫᖅ ᐃᖅᑲᓇᐃᔭᖅᖢᓂ ᓯᓚᑦᑐᖅᓴᕐᕕᒡᔪᐊᑎᒍᑦ, ᑕᖃᓯᒪᓚᐅᖅᑐᖅ ᒫᓐᓇᐅᙱᖦᖢᓂᓗ ᐱᔪᒪᓚᐅᖅᑕᒥᓂᒃ, ᑭᓯᐊᓂ ᑲᔪᓯᑦᑎᐊᖁᔭᐅᓚᐅᖅᐳᖅ ᐊᒻᒪ ᓇᖕᒥᓂᖅ ᑮᓇᐅᔭᓕᐅᕈᓐᓇᖅᓯᓪᓗᓂ ᐃᒻᒥᓂᒃ ᐅᐱᒋᔪᓐᓇᖅᓯᓪᓗᓂ. ᐅᑎᕈᓐᓇᕈᓂ ᐅᖃᕐᓗᓂᓗ ᖃᓄᑐᐃᓐᓇᖅ ᒪᒃᑯᖕᓂᖅᓴᒧᑦ ᐃᖕᒥᓄᑦ ᐃᒪᓐᓇᐅᓇᔭᖅᑐᖅ, "ᓇᒡᓕᒋᑦᑎᐊᖅᑐᑎᑦ," ᐃᓕᑦᑎᔾᔪᑎ ᓇᖕᒥᓂᖅ ᐃᓕᓴᐃᓐᓇᖅᑕᖓ.

"ᐃᓕᓯᒪᓪᓚᕆᒃᑲᒪ ᓂᑲᒍᓱᒍᓐᓇᕐᓂᕐᒥᒃ ᒪᒃᑯᒃᑎᓪᓗᖓ ᐊᓈᓇᒧᑦ ᓲᖃᐃᒻᒪ ᑕᐃᑲᓃᖏᓐᓇᕐᓂᐊᕐᒪᑦ. ᓇᓂᑐᐃᓐᓇᑦᑎᐊᖅ ᓄᓇᕐᔪᐊᕐᒥ, ᐊᓈᓇᒋᔭᐃᑦ ᓄᓇᕐᔪᐊᖅ ᐊᑐᕈᓐᓇᖅᑕᑦ."

ᐱᕈᖅᓴᓪᓗᓂ, ᐃᓕᑦᑎᓗᐊᓚᐅᙱᑦᑐᖅ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒥᒃ ᑭᓯᐊᓂ ᐃᓕᑦᑎᓪᓗᓂ ᕿᓄᐃᓵᕐᓂᕐᒥᒃ ᐊᒃᓱᕈᕐᓇᖅᑐᒃᑯᑦ ᑲᓲᑎᓂᒃᑯᑦ ᓯᓚᒧᑦ. ᖃᔭᕆᐊᖅᑐᕆᐊᒃᓴᖅ ᖁᕕᐊᒋᔭᖃᖅᑐᖅ, ᐸᑎᐅᔭᙳᐊᓂᒃ, ᑰᒃᑰᖅᖢᓂ ᐊᒻᒪ ᐃᕕᒃᓱᒐᕐᒥ ᐃᒃᓯᕚᑐᐃᓐᓇᖅᖢᓂ. Cherisse-Curtis−ᑯᑦ ᕿᓂᖅᓯᕙᒃᐳᑦ ᐃᓕᖅᑯᓯᑐᖃᒃᑯᑦ ᒪᒥᓴᕐᓂᕐᒧᑦ ᐊᑐᖅᑕᐅᕙᒃᑐᓂᒃ, ᐃᓱᒪᖓ ᐆᒻᒪᕆᒃᑎᖦᖢᒍ ᐱᐅᔪᓂᒃ ᐱᔪᓂᒃ ᐅᑎᖅᐸᒃᖢᑎᒡᓗ ᓄᓇᒧᑦ. "ᑭᓱᑭᐊᖅ ᒪᒪᖅᑐᖅ ᐊᒻᒪ ᐱᐅᔪᐊᓘᓪᓗᓂ ᓯᓚᒥ ᐃᒃᓯᕚᖅᖢᓂ ᐅᓪᓛᒃᑯᑦ ᐊᒻᒪ ᑐᓵᓪᓗᓂ ᑎᖕᒥᐊᓂᒃ ᓂᐸᓱᒃᑐᓂᒃ," ᑕᑯᒃᓴᐅᑎᖦᖢᓂᒋᑦ, ᐃᓱᒪᓪᓗᓂ ᖃᓄᖅ ᓂᐱᖓ ᐃᖅᑲᐃᓯᔾᔪᑎᒋᖕᒪᖔᒍ ᐃᕐᖑᑕᒥᓄᑦ.

ᐅᓪᓗᒥᐅᓕᖅᑐᖅ ᐱᒋᐊᕈᒪᖃᑦᑕᓕᖅᑐᖅ ᐅᓪᓗᐃᓐᓇᕐᒧᑦ ᐃᓕᓴᐃᓪᓗᓂ ᔫᒐᒥᑦ ᓄᑕᖅᑲᓄᑦ ᐊᑕᔪᓄᑦ ᐅᑭᐅᖅᑕᖅᑐᒥ ᓲᖃᐃᒻᒪ ᐃᓱᒪᑦᑎᐊᕈᑎᒋᕙᒃᐸᐅᒃ ᐱᔭᕇᖅᓯᓂᕐᒧᑦ. ᐃᑲᔪᕐᓂᖅ ᓄᑕᖅᑲᓂᒃ ᓱᒃᑲᐃᒡᓕᒋᐊᖅᑎᖦᖢᒍ ᖁᔭᓕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓕᕆᐊᕆᕙᒃᐸᐅᒃ, ᐅᖓᕙᕆᐊᖅᑎᑦᑎᓪᓗᓂ ᖃᐃᖁᔨᓂᕐᒥᒃ ᑕᓯᓯᓂᕐᒥᒃ ᐱᙳᐊᕐᓂᕐᒥᒡᓗ, ᓇᖕᒥᓂᖅ ᐱᒻᒪᕆᐅᑎᑦᑎᓗᐊᙱᓪᓗᓂ. ᒪᓕᓚᐅᖅᑐᖅ ᐃᑯᒪᒥᒃ ᑲᓱᒃᑕᐅᑎᙳᐊᒥᒃ ᐃᓗᐊᓂ ᑕᐃᑲᓂ ᐅᓪᓗᕐᒥ ᒪᕐᕋᕐᒥ ᒫᓐᓇᓗ ᖁᕕᐊᓱᓕᕐᖢᓂ ᐃᑳᕐᕕᖕᒥ ᓇᓂᓯᓪᓗᓂ ᐱᓕᕆᖃᑎᖃᕐᓂᕐᒥᒃ ᒪᒃᑯᒃᑐᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.