ᐊᐃᕕ ᕆᑦᓱᑦᓴᓐ ᓄᓇᖃᖅᑳᖅᓯᒪᔪᖅ ᐊᕐᓇᖅ ᓅᑎᓪᓗᒍ. ᕿᑐᑦᑐᒐᐅᔭᕋᓗᐊᕈᓂ, ᐅᕿᙱᓐᓂᖅᓯᐅᕋᓗᐊᕈᓂ, ᐅᓪᓚᒃᑲᓗᐊᕈᓂ, ᔫᒐ, ᐅᕝᕙᓘᓐᓃᑦ ᒧᐃᑎᐊ, ᕆᑦᓱᑦᓴᓐ ᖁᕕᐊᒋᔭᖃᖅᑐᖅ ᖃᓄᑐᐃᓐᓇᖅ ᐊᐅᓚᓂᕆᓲᖏᓐᓂᒃ. ᐱᙳᐊᖅᑎᓄᑦ ᑲᒪᔨ, ᓇᖕᒥᓂᖃᖅᑎ ᐊᒻᒪ ᓄᓇᓕᖕᓂ ᐃᒡᓗᓕᐅᖅᑎ, ᕆᑦᓱᑦᓴᓐ ᖁᕝᕙᕆᐊᕈᑎᑦ ᐊᐅᓚᔾᔭᒃᐸᓪᓕᐊᓂᖓᓄᑦ ᐊᒃᓱᕈᕐᓇᖅᑐᒃᑰᖅᑎᓪᓗᒍ. ᐊᒻᒧᑦ ᐊᒻᒪᓗ ᑕᕝᕘᓈᖅᑐᓂ, ᐅᓇᑕᖅᑎᐅᔪᖅ. 

ᓄᒃᓯᒃ ᐊᒻᒪ ᒐᔅᒋᒧᒃ ᐊᓈᓇᖓᑕ ᓴᓂᐊᓃᖦᖢᓂ, ᐊᐃᕋᔅ, ᖃᓪᓗᓈᑎᑐᑦ ᐊᒻᒪ ᓯᑳᑎ ᐊᑖᑕᖓᑕ ᓴᓂᐊᓃᖦᖢᓂ, ᐊᑎᑐᖃᖓ ᓯᑭᑑᖅ. ᐃᓚᒌᑦ ᐱᒻᒪᕆᐅᕗᑦ ᕆᑦᓱᑦᓴᓐᒧᑦ, ᐱᕈᖅᓴᓚᐅᖅᑐᖅ ᐳᐊᑦ ᕼᐋᑎᒥᑦ ᑎᓴᒪᓂᒃ ᖃᑕᙳᑎᖃᖅᖢᓂ. 

"ᐊᓈᓇᒐ ᐊᖏᓛᖑᔪᒃᓴᐅᔪᖅ ᐊᒃᑐᐃᔾᔪᑎᒋᓪᓗᒍ. ᐱᕈᖅᓴᐃᓚᐅᖅᑐᖅ ᑕᓪᓕᒪᓂᒃ ᕿᑐᕐᖓᒥᓂᒃ, ᐱᓗᐊᖅᑐᒥᒃ ᓇᒻᒥᓂᖅ, ᐊᒻᒪᓗ ᐊᒥᓱᓂᒃ ᐃᖅᑲᓇᐃᔮᖃᐃᓐᓇᖅᑐᓂ. ᑕᒪᐅᖓ ᓅᓚᐅᕐᒪᑦ ᐃᓕᓐᓂᐊᕐᓂᕐᒥᓂᒃ ᐱᔭᕇᕆᐊᖅᑐᖅᑐᓂ. ᐊᓈᓇᒪ ᐱᔪᒪᓂᖅᐹᕆᓂᖅᐹᕆᖃᑦᑕᖅᑕᖓ, ᐱᔪᒃᓯᔾᔪᑎᒋᓂᖅᐹᕋ. ᐅᖃᐃᓐᓇᓲᖑᔪᖓ ᐊᒃᓱᕈᓛᖑᓪᓗᓂ ᐃᖅᑲᓇᐃᔭᖅᑎᒐ ᖃᐅᔨᒪᔭᕋ. ᐊᒻᒪ ᐱᔭᕆᐊᑐᓂᖅᓴᐅᓪᓗᓂ ᐊᓕᐊᓇᐃᒋᑦᑎᐊᖅᑕᖓ." 

ᐊᓈᓇᖓ ᐃᓕᓐᓂᐊᕆᐊᒃᑲᓐᓂᕐᖢᓂ ᐊᖓᔪᒃᖠᖅᐹᖅ ᐃᕐᓂᖓ, ᐊᓱᐃᓛᒃ ᓯᓚᑦᑐᖅᓴᕐᕕᒡᔪᐊᓕᐊᕐᖢᓂ ᐸᓂᖏᑦ ᐱᖃᑎᒋᓪᓗᓂᒋᑦ. ᑕᒪᓐᓇ ᓴᓐᖏᓂᐅᔪᖅ ᐃᓚᒌᓄᑦ. "ᐊᓈᓇᒐ ᐅᖃᐃᓐᓇᐅᔭᖅᑐᖅ ᐅᕙᓐᓂᒃ ᓴᙱᔪᓂᒃ ᐊᕐᓇᓂᙶᕐᓂᑦᑎᓐᓂᒃ. ᐊᕐᓇᐃᑦ, ᐱᕈᖅᓴᐃᓚᐅᖅᑐᑦ ᕿᑐᕐᖓᒥᓂᒃ, ᑕᐃᑲᓃᖏᓐᓇᓚᐅᖅᑐᑦ ᕿᑐᕐᖓᒥᓄᑦ ᐊᒃᓱᕈᖅᖢᑎᒡᓗ ᑭᖑᕚᒃᓴᕗᑦ ᖃᐃᖁᓪᓗᒋᑦ ᓇᖏᕐᓗᑎᒡᓗ," ᐃᖅᑲᐅᒪᔪᖅ. 

ᐱᕈᖅᓴᓪᓗᓂ ᐊᖅᓴᕐᓂᖅ ᒥᑭᑦᑐᒥ ᓄᓇᓕᖕᒥ, ᕆᑦᓱᑦᓴᓐ ᕿᒥᕐᕈᓂᖅᓴᐅᓪᓗᓂ ᐱᙳᐊᕐᓂᕐᓂ ᖃᑕᙳᑎᖏᑦ ᓅᑎᓪᓗᒋᑦ ᓇᓇᐃᒨᒧᑦ. ᕿᑐᑦᑐᒐᐅᔭᕋᓱᐃᓐᓇᖅᐸᓚᐅᖅᑐᖅ ᐊᒻᒪᓗ ᐊᖅᓴᙳᐊᕋᓱᐃᓐᓇᖅᑐᓂ. ᐊᖅᓴᕐᒥᒃ ᐃᓯᒐᐅᔭᕐᒥᒃ ᐊᑐᖅᖢᓂ ᓂᐅᕕᕐᕕᖕᒥᑦ, ᐊᐱᕆᔭᐅᓚᐅᖅᑐᖅ ᒧᒥᖅᑎᐅᖕᒪᖔᑦ. ᓂᐊᖁᓂ 20-ᖏᓐᓂ ᐅᑭᐅᖃᓕᕐᓂᕋᖅᖢᓂᐅᒃ. 

"ᐃᓛᓐᓂᒃᑯᑦ ᐱᓕᕆᔾᔪᑎᖕᓄᑦ ᐃᓯᕆᐊᖃᖃᑦᑕᕋᕕᐅᒃ ᐊᑐᖃᑦᑕᖅᑕᕐᓄᑦ ᐲᕋᓱᒃᓗᒍ. ᑭᖑᓂᐊᒍᑦ ᐆᑦᑐᕆᐊᖃᓐᖏᓚᑎᑦ," ᐊᕐᓇᖅ ᓂᐅᕕᕐᕕᒻᒦᑦᑐᑦ ᐅᖃᖅᑐᓂ. ᕆᑦᓱᑦᓴᓐ ᐅᖃᐅᔾᔪᐃᒋᐊᓚᐅᖅᑐᖅ ᐆᒻᒪᑎᒧᑦ, ᕿᑐᑦᑐᒐᐅᔭᓕᕆᓪᓗᓂ 23−ᓂᑦ ᐅᑭᐅᖃᖅᖢᓂ. ᐊᔪᙱᓕᕋᔭᖅᑐᖅ ᐃᓕᒌᓄᑦ ᐳᕆᑎᔅ ᑲᓚᒻᐱᐊᒥ ᐊᕐᕌᒎᒃ ᒪᕐᕉᒃ ᐃᓗᐊᓂ. 

"ᐊᒃᓱᕈᖅᖢᖓ ᐱᓕᕆᓚᐅᖅᑐᖓ ᐃᓅᓯᓐᓂᓪᓗ ᐱᐅᓕᑦᑎᓪᓗᖓ. ᑕᐃᒃᓱᒪᓂ ᐊᒃᓱᕈᖅᑐᒻᒪᕆᐅᓚᐅᖅᐳᖓ. ᑕᒪᓐᓇ ᐅᕙᓐᓄᑦ ᐃᑲᔪᓚᐅᖅᑐᖅ."

ᖁᕕᐊᓱᒡᕕᒃ ᓇᓂᓯᓪᓗᓂ ᓄᓇᓕᖕᒥ ᐊᒃᓱᕈᕐᓇᖅᑐᒃᑯᑦ ᐊᒃᓱᕉᑎᖃᕐᖢᓂ ᐃᓚᒋᔭᐅᙱᖦᖢᓂ. "ᐊᖏᕐᕋᒥᐅᑕᐅᑎᓪᓗᑕ, ᐊᔾᔨᒋᙱᓚᐅᒃ ᓲᖃᐃᒻᒪ ᐱᓱᒍᓐᓇᓚᐅᕋᒪ ᓴᓂᕐᕙᒃᓯᒪᔭᓐᓂ ᐊᒻᒪ ᑭᒃᑯᓕᒫᑦ ᖃᐅᔨᒪᓪᓗᑎᒃ ᑭᓇᐅᓂᓐᓂᒃ. ᖃᐅᔨᒪᔭᐃᓐᓇᕆᓚᐅᖅᑕᒃᑲ ᐊᒻᒪᓗ ᐅᕙᓐᓂᒃ ᐊᖏᖅᑐᐃᓐᓇᐅᓪᓗᑎᒃ. ᐅᕙᓐᓂᒃ ᐱᐅᒃᓴᓚᐅᖅᐳᑦ ᑕᒪᐅᙵᓕᖅᖢᑎᒡᓗ, ᓇᑲᑕᐅᑦᑎᐊᖅᑰᔨᓚᐅᖅᑐᖓ," ᐅᓂᒃᑳᒃᑲᓐᓂᖅᖢᓂ. 

ᖃᐅᔨᒃᑲᓐᓂᕐᖢᓂ ᐊᒃᑐᐊᓂᖓᓂᒃ ᓇᒡᒍᐊᕐᒥᕐᒥ. "ᕿᑐᑦᑐᒐᐅᔭᕐᓂᖅ, ᐅᕙᓐᓂᒃ ᐊᖏᑐᐃᓐᓇᓚᐅᖅᑐᑦ ᐊᐱᖅᑯᑎᒃᓴᖃᙱᖦᖢᑎᒃ. ᐊᖏᕐᕋᑲᐅᑎᒋᓚᐅᖅᑐᖓ. ᓇᓪᓕᒋᔭᕋᓕ ᓇᒡᒍᐊᕐᒥᕐᒦᓕᕋᕕᑦ, ᑕᒪᓐᓇ ᐅᐱᒋᔭᒻᒪᕆᒋᒐᕕᐅᒃ. ᓇᑭᙶᕋᓗᐊᕈᕕᑦ ᓱᖁᑕᐅᙱᑦᑐᖅ, ᑭᓱᒥᒃ ᐱᓯᒪᒐᓗᐊᕈᕕᑦ, ᖃᓄᐃᓕᐅᖅᓯᒪᒐᓗᐊᕈᕕᑦ. ᑕᐃᑲᓂ ᐃᖅᑲᓇᐃᔭᓚᐅᖅᐳᑎᑦ ᐊᒻᒪ ᐊᒃᓱᕈᖅᑐᑎᑦ ᐃᖅᑲᓇᐃᔭᖅᑐᑎᑦ ᐊᖏᖅᑕᐅᓪᓗᑎᓪᓗ. ᑕᒪᓐᓇ ᐱᐅᒋᔭᕋ," ᕆᑦᓱᑦᓴᓐ ᐅᖃᖅᖢᓂ. 

ᐊᒃᓱᕈᐊᓪᓚᓚᐅᖅᖢᑎᒃ ᑕᒪᐃᓐᓂᒃ ᐃᓅᖃᑎᒌᓂᒃ ᐊᒻᒪ ᐃᓕᓐᓂᐊᑦᑎᐊᕐᓇᖅᑐᓂᒃ, ᕆᑦᓱᑦᓴᓐ ᑲᑎᙵᖃᑎᖃᓕᓚᐅᖅᐳᑦ ᐱᙳᐊᕐᓂᒃᑯᑦ. ᓯᓚᑦᑐᓴᕐᕕᕐᔪᐊᕐᒨᓚᐅᖅᑐᖅ ᓯᓚᑦᑐᓴᕐᕕᕐᔪᐊᕐᒨᖅᑐᓂ ᐃᓕᑕᕆᔭᐅᔾᔪᑎᑖᖅᑐᓂ. "ᐅᓪᓗᖅ ᐊᑕᐅᓯᖅ ᐳᐃᒍᕋᒃᑯ ᖃᓄᑎᒋ ᐊᒃᓱᕈᕐᓇᖅᑎᒋᓚᐅᕐᒪᖔᑦ, ᐱᓪᓚᕆᙳᐊᕆᐊᖅᑐᕐᓂᐊᕋᒪ," ᖁᖓᖦᖢᓂ. ᐃᓕᓐᓂᐊᓚᐅᖅᑐᖅ ᑮᓇᐅᔭᓕᐅᖅᑎᐅᙱᖦᖢᓂ ᑭᓯᐊᓂ ᑕᐃᑲᓃᖏᓐᓇᓚᐅᙱᑦᑐᖅ.

ᑭᓱᓕᒫᑦ ᐊᓯᔾᔨᓚᐅᖅᑐᑦ ᐱᒋᐊᕋᒥ ᓇᖕᒥᓂᖁᑎᒥᓂᒃ. "ᖃᐅᔨᒪᙱᑦᑐᖓ ᐅᑎᕈᓐᓇᖅᓯᓚᐅᖅᓯᒪᓂᐊᕐᒪᖔᕐᒪ ᐊᓯᓐᓄᑦ ᐃᖅᑲᓇᐃᔭᕆᐊᕐᓗᖓ. ᐊᖓᔪᖅᑳᕋ ᓂᒡᓚᖅᑐᐊᓘᓲᖅ ᐃᓛᓐᓂᒃᑯᑦ," ᐃᒡᓚᖅᖢᓂ. ᖁᕕᐊᒋᔭᖃᖅᑐᖅ ᐃᓅᓂᕐᒥᑦ ᖁᕕᐊᒋᔭᒥᓂᑦ, ᖁᕕᐊᒋᔭᖃᕐᓂᕐᒥᑦ ᖁᕕᐊᒋᔭᖃᕐᓂᕐᒥᑦ ᐃᓚᒋᔭᐅᓕᕐᓂᕐᒥᓪᓗ ᓄᓇᓕᓐᓂᑦ. 

"ᑭᓱᒥᒃ ᐊᒃᓱᕉᑎᖃᕐᒪᖔᖅᐱᑦ ᓴᓇᓗᑎᓪᓗ."

ᐊᐳᖅᑕᕈᑕᐅᕙᒃᑐᓂᑦ ᑮᓇᐅᔾᔭᒃᓴᕋᓱᐊᖅᑎᐅᙱᑦᑐᓄᑦ, ᕆᑦᓱᑦᓴᓐ ᐃᓱᒪᖅᓱᖅᑐᖅ ᓴᖅᑭᑦᑎᔭᕆᐊᒃᓴᖅ ᑐᓗᖅᑕᕈᑎᖃᙱᓪᓗᓂ, ᐃᒡᓗᕐᔪᐊᑉ ᐋᖅᑭᐅᒪᓂᖓᓂᑦ. ᖃᐅᑕᒫᑦ ᐊᔾᔨᒌᖃᑦᑕᖏᒻᒪᑕ, ᑎᑎᕋᕋᓗᐊᕈᓂ, ᐅᐸᓗᖓᐃᔭᕋᓗᐊᕈᓂ ᐅᕝᕙᓘᓐᓃᑦ ᐃᓕᓐᓂᐊᖅᑎᑦᑎᒐᓗᐊᕈᓂ. ᑲᒪᔨᐅᓪᓗᓂ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐱᒡᒍᓴᐅᔾᔪᐊᖅᑎᓪᓗᒋᑦ ᐅᕝᕙᓘᓐᓃᑦ ᓇᖕᒥᓂᖅ ᐱᓕᒻᒪᒃᓴᖅᑎᓪᓗᒋᑦ, ᒪᓕᑦᑎᐊᕐᓂᖓ ᓴᖅᑭᓪᓗᓂ ᓇᒡᒍᐊᕐᒥᕐᒥ ᐃᓅᓯᖓᓂ.

"ᐱᓕᕆᐊᒃᓴᓕᒻᒪᕆᐊᓘᔪᖓ, ᑭᓯᐊᓂ ᐊᓕᐊᓇᐃᒋᑦᑎᐊᖅᑕᕋ ᐱᓕᕆᐊᕋ. ᐊᑑᑎᖃᖅᑐᖅ. ᐃᖅᑯᒻᒪᖅᑐᖓ ᖁᕕᐊᓱᒃᖢᖓ. ᓯᓂᒋᐊᖅᑐᖅᖢᖓ ᑭᓱᓕᒫᓂᒡᓗ ᐱᓕᕆᓐᓇᖅᖢᓂ," ᐊᓕᐊᓇᖅᐳᖅ. ᐊᐱᕆᔭᐅᖕᒪᑦ ᐅᖃᐅᔾᔪᐃᖁᔭᐅᓪᓗᓂ ᒪᒃᑯᒃᑐᒧᑦ ᓄᓇᖃᖅᑳᖅᓯᒪᔪᒧᑦ ᐱᒋᐊᖅᑎᑦᑎᔪᒪᔪᒧᑦ ᓇᖕᒥᓂᖃᖕᓂᖕᒥᑦ ᕿᑎᖕᓂᓕᕆᓂᖕᒥᑦ ᑭᐱᙳᐃᔭᖕᓂᖕᒥᓪᓗ ᓯᓚᑐᓂᖃᓚᐅᖅᑐᖅ ᑐᓴᖅᑎᑦᑎᔭᕆᐊᒃᓴᖅ. 

"ᐱᓇᓱᐊᕐᓂᕆᔭᑎᑦ ᐅᖃᐅᓯᕆᒃᑭᑦ ᐊᒻᒪ ᓴᖅᑭᑦᑎᓗᑎᑦ ᑭᓱᒥᑭᐊᖅ., ᐱᕕᒃᓴᖅᑕᖃᐅᖅᑐᒻᒪᕆᐅᕗᖅ ᑕᖅᑳᓂ ᐊᒻᒪ ᐊᓕᐊᓇᐃᒋᒍᕕᐅᒃ ᐱᓕᕆᐊᕆᔭᐃᑦ, ᐃᓕᒃᑲᓐᓂᕐᓂᐊᕐᒥᔭᑦ. ᐱᔪᒪᓂᖃᑦᑎᐊᕈᕕᑦ, ᐊᒃᓱᕈᒃᑲᓐᓂᕐᓂᐊᖅᑐᑎᑦ ᐊᒻᒪᓗ ᐱᓕᕆᐊᖑᓂᐊᖅᑐᓂ ᓇᓪᓕᒋᔭᕐᓄᑦ ᖁᕕᐊᒋᒐᕕᐅᒃ ᖃᓄᐃᓕᐅᕐᓂᓯ. ᑕᒪᓐᓇ ᐱᒻᒪᕆᐊᓘᕗᖅ ᓇᒡᓕᖕᓂᖃᕐᓗᓂ, ᓇᒡᓕᖕᓂᖃᐃᓐᓇᐅᔭᕐᓗᓂ." 

ᖁᕕᐊᒋᔭᖃᕐᓂᖅ ᐅᖃᐅᓯᕆᕙᖏᑦ ᐅᓪᓗᑦᑎᐊᕙᓕᐅᕐᓂᐊᕐᓗᓂ, ᑭᓯᐊᓂ ᐅᖃᐅᔾᔪᐃᖃᑦᑕᓚᐅᕐᒥᔪᖅ ᐊᒃᓱᕈᕐᓇᖅᑐᓄᑦ ᐅᓪᓗᓄᑦ. "ᓴᐱᖅᑕᐃᓕᒋᑦ. ᑲᑉᐱᐊᓱᖕᓂᐊᖅᐳᑎᑦ. ᐊᒥᓲᕗᑦ ᖃᐅᔨᒪᔭᐅᙱᑦᑐᑦ. ᐃᓕᑦᑎᕚᓪᓕᕐᓇᖅᑐᒻᒪᕆᐅᖕᒪᑦ. ᐊᔪᓕᕐᓂᐊᖅᑰᕋᕕᑦ. ᑕᑯᙱᓐᓇᒪ ᐊᔪᓕᖅᑐᓂᒃ. ᑕᑯᒐᒃᑯ ᐃᓕᔾᔪᑕᐅᓂᖓᓂᒃ. ᐊᔪᓕᕐᓂᑐᐊᕋᓕ ᓄᖅᑲᕐᓂᖅ. ᑲᔪᓯᓗᑎᑦ, ᐃᒃᐱᒋᓗᒍ ᑲᑉᐱᐊᓱᖕᓂᖅ ᑲᔪᓯᓗᑎᓪᓗ. ᓴᐱᖅᑕᐃᓕᒋᑦ ᖃᓄᐃᓕᐅᕐᓂᐊᖅᑕᓕᒫᕐᓂᒃ," ᑎᓕᐅᕆᔪᖅ. 

ᑖᓐᓇ ᐅᖃᐅᔾᔪᖅᓱᖅᑕᐅᓂᖓ ᐊᔾᔨᒋᓐᖏᒻᒪᒍ, "ᓴᖅᑭᖃᑦᑕᑐᐃᓐᓇᕆᐊᖃᕋᕕᑦ. ᐊᔾᔨᒌᑎᑦᑎᓂᑐᐃᓐᓇᐅᒻᒪᑦ ᐊᒻᒪᓗ ᑕᒪᓐᓇ ᐱᓕᕆᐊᖑᑐᐃᓐᓇᖅᑐᓂ. ᐃᓂᒋᓂᐊᖅᑕᐃᑦ ᐱᓗᒍ ᓇᒡᒍᐊᕐᒥᖕᒥ ᐊᒃᓱᕈᕐᓗᑎᑦ ᐱᓕᕆᓗᑎᑦ. ᐋᖅᑭᒃᓯᒪᔪᒥᒃ ᐱᑕᖃᓐᖏᑦᑐᖅ. ᑭᓇᑐᐃᓐᓇᕐᒧᑦ ᐊᑐᖅᑕᐅᔾᔮᖏᓚᖅ. ᐱᓕᕆᒋᐊᖃᕋᕕᑦ. ᓴᖅᑭᑐᐃᓐᓇᕐᓂᕐᒧᐊᖓᑐᐃᓐᓇᖅᑐᖅ."

ᐊᐃᕕ ᕆᓵᑦᓴᓐ ᐅᓇᑕᖅᑎᐅᔪᖅ ᓇᓪᓕᒋᔭᖃᓚᐅᖅᑐᖅ ᓄᓇᓕᓐᓂ ᐱᓐᖑᐊᓂᕐᒥᑦ ᐊᒻᒪᓗ ᑐᕌᖅᐸᓪᓕᐊᓪᓗᓂ ᑐᕌᒐᖏᓐᓄᑦ ᑕᐃᒫᒃᓴᐃᓐᓇᖅ ᓅᑉᐸᒻᒪᑦ ᐱᙳᐊᖅᑎᐅᓪᓗᓂ - ᐊᔾᔨᒌᑎᑦᑎᓪᓗᓂ, ᖁᔭᓕᓪᓗᓂ ᐊᔅᓱᕈᖅᑐᓂ ᐃᖅᑲᓇᐃᔭᖃᑦᑕᕐᓂᖓᓄᑦ, ᐊᒻᒪᓗ ᑲᔪᖏᖅᓴᐃᓪᓗᓂ ᓴᓐᖏᔪᓂᑦ ᐊᕐᓇᓂᑦ ᐃᓚᖏᓐᓂ. ᐃᖏᕐᕋᓂᕆᔭᖓ ᐊᒃᓱᕈᕐᓇᖅᑐᒃᑰᕈᑎᒋᖃᑦᑕᓚᐅᖅᑕᖓ ᑭᖑᓂᑦᑎᓐᓂ ᓯᕗᓂᒃᓴᖓ ᐱᕈᖅᑎᖦᖢᓂᐅᒡᓗ... ᐊᒻᒪᓗ ᓯᕗᓂᒃᓴᖅ ᖃᐅᒪᓪᓗᓂ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.