"ᐊᒃᓱᕈᒃᑲᓐᓂᕐᓗᑎᑦ ᐊᒻᒪ ᑲᒪᓇᖅᑐᓂᒃ ᐱᓕᕆᓗᑎᑦ ᑎᑭᐅᑎᓂᐊᖅᐳᑎᑦ. 5%-ᑲᓐᓂᕐᒥᑦ ᐊᑦᓱᕈᕐᓂᕆᔭᐃᑦ ᐊᓯᔾᔨᕐᓂᖃᓪᓚᕆᑦᑐᖅ," ᐅᖃᖅᑐᖅ ᔭᐃᑯᑉ ᒍᓘᑯᐊᑦ. ᓄᓇᖃᖅᑐᖅ ᓚᓐᑕᓐᒥ, ᐋᓐᑎᐅᕆᐅᒥ ᓄᓕᐊᖓᓗ ᐊᒻᒪ ᓄᑕᕋᓛᖅᑖᓵᖓ. ᐱᔭᕇᕋᑖᓚᐅᖅᑐᖅ ᕕᓃᔅᕼᐊᐅ ᓯᓚᑦᑐᓴᕐᕕᖓᓂ ᒪᕐᕉᓐᓂᒃ ᐊᕐᕌᒎᓐᓂᒃ ᐃᓕᓐᓂᐊᖅᑐᓂ ᕿᔪᓕᕆᓂᕐᒥᑦ ᐊᒻᒪᓗ ᓴᓇᒋᐊᖅᓯᓂᕐᒥᑦ.

Bluecoat−ᑯᑦ ᐊᔪᙱᑦᑎᐊᖅᑐᑦ ᐆᒻᒪᖅᑯᑎᓄᑦ ᓴᓇᕐᕈᑎᓂᒃ, ᐆᒃᑐᕋᐅᑎᓂᒃ ᐊᒻᒪ ᖃᐅᔨᒪᑦᑎᐊᖅᖢᑎᒃ ᐃᒡᓗᐃᑦ ᓄᑖᙳᕆᐊᖅᑕᐅᓂᖏᓐᓂᒃ. ᑕᐃᒪᓐᓇ ᐱᓕᕆᓚᐅᖅᑐᖅ ᑭᓯᐊᓂ ᑭᓇᒥᑭᐊᖅ TakingITGlobal-ᒥᑦ ᖃᐅᔨᒋᐊᕐᕕᐅᓚᐅᖅᑎᓪᓗᒍ, ᖃᐅᔨᒪᓪᓗᓂ ᐃᓕᓴᐃᔨᐅᑉ ᐃᑲᔪᖅᑎᒋᓚᐅᖅᖢᓂᐅᒃ ᕗᐊᑦ ᓯᕙᓐᒥ ᐊᕐᕌᒍᓄᑦ ᑎᓴᒪᓄᑦ. ᑐᙵᕕᒋᓪᓗᒍ ᐊᔪᙱᓐᓂᖓ, ᖃᐃᖁᔭᐅᓚᐅᖅᑐᖅ ᐱᓕᕆᖃᑎᖃᖁᔭᐅᓪᓗᓂ Connected North-ᒥᒃ ᐃᓕᓐᓂᐊᕐᓂᕐᒧᑦ ᐃᑲᔪᖅᓱᐃᔨᐅᓪᓗᓂ, ᐃᑲᔪᖅᖢᓂ ᐃᓕᓐᓂᐊᕐᕕᖕᒥ ᓯᕗᓕᖅᑎᐅᓂᕐᒥᒃ ᐊᔪᙱᓐᓂᓕᒫᖓᒍᑦ.

ᓯᕗᓪᓕᕐᒥ, ᕿᔪᓕᕆᓂᕐᒥᑦ ᐱᓇᓱᐊᓚᐅᖅᑐᖅ ᐊᑖᑕᖓ ᕿᔪᓕᕆᔨᐅᓚᐅᕐᒪᑦ. ᐊᑖᑕᒥᓂᒃ ᑕᑯᕙᓚᐅᖅᑐᖅ ᐃᒡᓘᑉ ᖄᖓᓂᒃ ᓴᓇᑎᓪᓗᒍ ᐊᒻᒪᓗ ᓴᓇᓪᓗᓂ ᐃᓄᐃᑦ ᐃᒡᓗᖏᓐᓂᒃ ᐊᒻᒪᓗ ᐃᑲᔪᐃᓐᓇᖃᑦᑕᓚᐅᖅᑐᓂᐅᒃ. ᐃᒪᓐᓇᐅᖅᑰᔨᓚᐅᖅᑐᖅ, ᐊᔪᕈᓐᓃᕐᓇᖅᑰᔨᓪᓗᓂ ᐃᓕᑦᑎᓗᓂ, ᕿᔪᓕᕆᓗᓂ, ᖃᓄᖅ ᐆᒃᑐᕋᕈᓐᓇᕐᒪᖔᑦ ᓴᓇᓗᓂᓗ ᐱᖁᑎᓂᒃ ᕿᔪᖕᓄᑦ, ᖃᓄᖅ ᐸᓂᖅᓰᓂᖅ, ᒪᕐᕋᖅ, ᓂᐱᐅᑎ ᐊᒻᒪ ᒥᖑᐊᕐᓂᖅ. ᐱᔪᓐᓇᕐᓂᑐᐊᕆᙱᑕᖓ, ᑭᓯᐊᓂ. ᐃᓕᓐᓂᐊᓚᐅᖅᑐᖅ ᐃᒡᓗᓕᐅᕆᐅᖅᓴᓂᕐᒥᑦ ᑐᙵᕕᓕᐅᕆᐅᖅᓴᓂᕐᒧᓪᓗ ᐃᓕᓐᓂᐊᕐᓂᕐᒧᑦ.

ᑲᒪᒋᔭᖃᖅᐸᖕᓂᖅ ᐃᑲᔪᕐᓂᕐᓗ ᐃᓕᓐᓂᐊᖅᑎᓂᒃ ᐃᓕᓐᓂᐊᑦᑎᐊᖅᓯᒪᓂᕐᒧᑦ ᐱᓕᕆᐊᕆᔭᒥᓄᑦ ᐃᓕᓚᐅᖅᑕᒥᓂᒃ ᐱᓕᕆᐊᕆᓪᓗᒍ ᐃᓕᓴᐃᔨᐅᑉ ᐃᑲᔪᖅᑎᒋᓪᓗᓂᐅᒃ. ᑕᐅᑐᓚᐅᖅᑐᖅ ᐃᓕᓴᐃᔨᓂᒃ ᑎᒍᓯᔪᓂᒃ ᓯᔅᑯ ᐃᒡᓗᖓᓂ ᑐᖅᑯᖅᓯᓯᒪᕝᕕᖕᒥᑦ ᐃᓕᓐᓂᐊᕐᕕᐊᕈᓯᖏᑦ ᑲᓲᑎᔪᓐᓇᕐᓂᐊᕐᒪᑕ ᑲᓲᑎᓯᒪᓂᕐᒧᑦ ᐅᑭᐅᖅᑕᖅᑐᒥ ᐱᓕᕆᐊᒃᓴᓕᕆᓂᕐᓂ. ᒫᓐᓇᓕ ᑭᓱᓕᒫᑦ ᐊᑕᖐᑦᑎᐊᓕᖅᑐᑦ ᐱᓕᕆᑎᓪᓗᒍ ᐊᒃᑐᐊᖃᑦᑕᐅᑎᔪᓄᑦ ᐅᑭᐅᖅᑕᖅᑐᒥ ᐱᓕᕆᐊᒧᑦ.

ᐅᖃᐅᔾᔨᒋᐊᕈᓐᓇᕈᓂ ᒪᒃᑯᑦᑐᓂᒃ ᐃᓱᒪᑐᐃᓐᓇᕆᐊᓕᓐᓂᒃ ᐊᐅᓪᓚᕈᒪᓪᓗᑎᒃ ᓄᓇᒥᓐᓂᒃ ᐃᓕᓐᓂᐊᕆᐊᕐᓗᑎᒃ ᑲᓇᑕᐅᑉ ᓯᓚᑖᓄᑦ, ᐅᖃᖅᑐᓂ, "ᐱᒻᒪᕆᐅᓱᒋᒐᒃᑯ ᖃᐅᔨᒪᑉᐸᑕ ᐊᖏᔪᐊᓘᒋᐊᖓᓂᒃ ᐃᓱᒪᓕᐅᕐᓂᖅ ᕿᒪᐃᒍᒪᓂᕐᒥᒃ ᐊᖏᕐᕋᒥᓂᒃ. ᐊᐅᓪᓚᖅᓯᒪᓂᐊᖅᑐᑦ ᐊᓯᖏᓐᓂᑦ ᐃᓚᒌᓂᑦ ᐱᖃᓐᓇᕆᔭᓂᓪᓗ ᑕᑯᒐᔪᑦᑕᖏᓐᓂᑦ ᖃᐅᑕᒫᑦ. ᐄ, ᑕᒪᓐᓇ ᐊᖏᔪᒻᒪᕆᐅᒻᒪᑦ ᐊᖏᕐᕋᒥᓂᒃ ᕿᒪᐃᒍᒪᓕᕋᐃᒻᒪᑕ ᐃᓕᓐᓂᐊᕆᐊᕈᒪᓕᕋᐃᒻᒪᑕᓗ. ᐃᓱᒪᒥᒎᕆᐊᖃᖅᑰᖅᑐᑦ, ᐃᒃᐱᒋᔭᒃᑯᑦ ᐊᒻᒪ ᐅᒃᐱᕐᓂᒃᑯᑦ."

ᐃᓕᓐᓂᐊᕐᕕᐊᓗᒻᒥ, ᕗᓘᑲᑦ ᓄᓇᒥᓂᒃ ᐊᐅᓪᓚᕆᐊᖃᓚᐅᖅᑐᖅ ᐊᒻᒪᓗ ᐃᓕᑦᑐᓂ ᖃᓄᐃᒻᒪᖔᖅ ᐊᖏᕐᕋᒥᓂᒃ ᕿᒪᐃᓯᒪᓪᓗᓂ, ᐊᖏᕐᕋᓂᒃ ᐊᒻᒪᓗ ᖃᐅᔨᒪᓐᖏᑕᒥᓂᒃ. ᑕᒪᒃᑯᐊ ᐊᒃᓱᕈᕐᓇᖅᑐᒻᒪᕆᐅᑎᓪᓗᒋᑦ, ᖃᐅᔨᖃᑦᑕᖅᓯᒪᒋᕗᖅ ᕿᓂᖅᑎᐅᓂᕐᒥᒃ, ᑕᑯᓪᓗᓂ ᓄᑖᒥᒃ ᓄᓇᕐᔪᐊᕐᒥᒃ ᐃᓛᒃᑰᕈᓐᓇᖅᓯᕙᓪᓕᐊᓪᓗᓂᓗ ᐃᓛᒃᑰᕐᓗᓂ ᐱᓕᕆᔪᓐᓇᕐᓂᕐᒥᒃ, ᑕᐃᒪᐃᓕᐅᕐᓂᕐᒥᓂᓗ ᖃᐅᔨᕙᓪᓕᐊᓪᓗᓂ ᐊᓂᒍᖅᑎᑦᑎᕙᓪᓕᐊᓂᕐᒥᒃ. ᒪᒃᑯᒃᑐᓂᒃ ᐱᕙᒌᔭᖅᓯᒪᖁᔨᕗᖅ ᐊᐃᓯᒪᓗᑎᒃ ᐊᐅᓪᓚᖅᓯᒪᖁᓪᓗᓂᒋᑦ, ᐃᑲᔪᖅᑕᐅᔪᒪᓗᓂ ᐃᑲᔪᖅᑕᐅᔭᕆᐊᖃᓕᕌᖓᑕ ᐅᖃᓪᓚᒡᕕᒋᓗᒋᓪᓗ ᐃᒃᐱᒋᔭᖏᑦ ᐊᐃᓯᒪᓗᑎᒃ. "ᐱᒻᒪᕆᐅᓇᓱᒋᔭᕋ ᐅᖃᖃᑎᖃᕐᓗᑎᑦ ᐃᓄᖕᓂᒃ ᖃᓄᖅ ᐃᒃᐱᒋᖕᒪᖔᖅᐱᑦ ᓲᖃᐃᒻᒪ ᑖᒃᑯᓂᖓ ᐃᒃᐱᖕᓂᐊᓂᕐᓂ ᐱᓯᒪᔪᒪᙱᓐᓇᕕᑦ ᐃᓗᖕᓂ ᐊᒻᒪ ᑎᒃᑕᐅᓗᓂ ᓯᕗᓂᑦᑎᓐᓂ," ᐱᑎᑕᖅ.

ᓇᖕᒥᓂᖅ ᐃᓱᒪᒃᑯᑦ ᖃᓄᐃᙱᑦᑎᐊᖏᓐᓇᕈᒪᓗᓂ, Bluecoat−ᑯᑦ ᐃᖃᐃᓕᓴᕐᓗᑎᒃ ᐃᖃᐃᓕᓴᕐᕕᖕᒧᐊᖅᐸᒡᓗᑎᒡᓗ. ᑐᖁᖓᓪᓗᓂ ᑭᕕᒃᓯᔾᔪᑎᓂ, ᖀᖅᓱᖅᑐᓂ, ᓇᕿᑦᑎᓪᓗᓂ, ᑭᓱᑐᐃᓐᓇᖅ ᐃᖃᐃᓕᓴᕐᓂᖅ, ᑕᐃᒪᐃᓚᐅᕐᒪᑦ ᐃᓕᓐᓂᐊᕐᕕᐊᓗᒻᒥ. ᐃᖃᐃᓕᓴᕐᓂᖅ ᐱᔭᒃᓴᖃᐃᓐᓇᖅᑎᑦᑎᕙᒃᐳᖅ ᐃᓱᒪᓪᓗᓂᓗ ᐱᔪᒃᓯᓂᖃᕐᓂᖅ ᐃᑲᔪᕐᓂᖃᕈᓐᓇᑦᑎᐊᕐᓂᖓᓂᒃ ᒪᒃᑯᒃᑐᓄᑦ, ᐃᒃᑭᒃᑯᑦ ᐱᙳᐊᕐᓂᒃᑯᓪᓘᓐᓃᑦ, ᖃᓄᑐᐃᓐᓇᖅ ᐱᔪᒃᓯᒐᓗᐊᕈᑎᒃ.

ᐱᔪᒃᓯᑎᑦᑎᓂᐊᕐᓗᓂ, Bluecoat−ᑯᑦ ᐱᔪᒃᓯᑎᑦᑎᕙᒃᐳᑦ ᐊᒃᓱᕈᖅᖢᑎᒃ ᐱᓕᕆᕙᒃᑐᓂᒃ ᐃᓄᖕᓂᒃ ᑕᑯᕙᒃᑕᒥᓂᒃ ᑭᒃᑯᑐᐃᓐᓇᓄᑦ ᑕᑯᔭᐅᔪᓐᓇᖅᐸᒃᑐᓂᒃ. ᐊᒃᑲᖓ ᑎᒧᑎ ᓇᒻᒥᓂᖃᖅᑎᐅᓪᓗᓂ ᑲᔪᖏᖅᓴᐃᔪᖅ ᖃᓄᐃᓕᐅᕐᓂᕆᓚᐅᖅᑕᖓᓂᑦ, ᓴᓇᓪᓗᓂ ᓴᓇᕕᒻᒥᑦ ᓄᓇᒥᑦ. ᖃᐅᑕᒫᑦ, ᑕᑯᕙᓚᐅᖅᑐᖅ ᐊᒃᑲᒥᓂᒃ ᑲᒪᑎᓪᓗᒍ ᓇᒻᒥᓂᖁᑎᒥᓂᒃ ᓲᕐᓗ ᐱᐊᕋᖓᑎᑐᑦ, ᐱᓕᕆᔪᒪᓂᖃᑦᑎᐊᖅᑐᓂ. ᓇᒻᒥᓂᖃᖅᑎᐅᔪᑦ ᑲᔪᖏᖅᓴᐃᔪᑦ ᑖᔅᓱᒥᖓ, ᑕᑯᓪᓗᓂ ᐱᓇᓱᐊᕐᓂᓕᒫᒥᓂᒃ ᐊᒻᒪᓗ ᐊᒃᓱᕈᖅᑐᑎᒃ ᐱᓕᕆᓂᖏᓐᓄᑦ ᓇᒻᒥᓂᖃᑦᑎᐅᔪᑦ ᑲᔪᓯᑦᑎᐊᖁᓪᓗᒋᑦ, ᐅᑉᐱᕈᓱᓐᓂᖃᑦᑐᑎᒃ ᐊᒻᒪᓗ ᐊᑐᖅᑐᐊᖅᑐᑎᒃ ᑮᓇᐅᔭᖃᑦᑎᑦᑎᓪᓗᑎᒃ ᐱᔪᒪᔭᒥᓂᒃ.

ᑐᓴᖅᑎᑦᑎᒍᓐᓇᕈᓂ ᓄᑲᖅᑎᐅᓂᖅᓴᒧᑦ ᓇᒻᒥᓂᖅ ᐃᓕᓐᓂᐊᖅᑕᖓᓃᖏᓐᓇᕋᔭᕐᑐᖅ ᐱᙳᐊᕐᕕᓕᐊᖅᓯᒪᑎᓪᓗᒍ. "ᐃᓕᓐᓂᐊᕐᓂᕆᔭᐃᑦ ᐱᒻᒪᕆᐊᓘᕗᖅ ᐱᓕᕆᐊᒃᓴᓕᒫᑎᓪᓗ ᑭᖑᕙᙱᓪᓗᑎᒃ ᑐᐊᕕᙱᓪᓗᑎᓪᓗ," ᑎᓕᐅᕆᓇᔭᖅᐳᖅ, ᑕᑯᑎᑦᑎᔪᓐᓇᕐᓂᐊᕐᓂᖓᓂᒃ ᐱᓕᕆᐊᖃᓪᓚᕆᒍᒪᕙᖕᓂᖓᓂᒃ ᐱᓕᕆᐊᖃᓪᓚᕆᒍᒪᓂᕐᒥᒃ ᑐᓂᐅᖅᑲᐃᓗᓂ ᐱᓕᕆᐊᒃᓴᓂᒃ ᐃᓕᓴᐃᔨᒥᓄᑦ. ᑐᖑᔪᖅᑕᖅ ᐊᒃᓱᕈᒃᑲᓐᓂᖁᔨᕗᖅ ᐃᓕᓐᓂᐊᑦᑎᐊᕐᓂᕐᒥᑦ.  ᐱᔭᕇᕈᑎᒋᓗᒍ, ᑎᓕᐅᕆᔪᖅ ᒪᒃᑯᑦᑐᓂᑦ ᐊᑦᓱᕈᖁᔨᑦᓱᓂ ᖃᓄᐃᓕᐅᕈᒪᔭᒥᓂᑦ, ᐃᓕᓐᓂᐊᕐᕕᒻᒥᑦ, ᐱᙳᐊᕐᕕᒻᒥᑦ, ᓇᒻᒥᓂᖁᑎᖏᓐᓂᓪᓘᓐᓃᑦ.

ᔭᐃᑯᑉ ᕗᓘᓵᑦ ᐃᓕᑦᑎᓯᒪᔪᖅ ᐊᒃᓱᕈᒃᑲᓐᓂᖅᖢᓂ, ᑲᒪᓇᖅᑐᑦ ᐃᓕᖕᓅᕐᓂᐊᖅᑐᑦ. ᖃᐅᔨᒪᔪᖅ 5%-ᑲᓐᓂᕐᓂᒃ ᐊᒃᓱᕈᖅᑐᑎᒃ ᐃᖅᑲᓇᐃᔭᕐᓂᕆᓚᐅᖅᑕᓯ ᐊᒃᓱᐊᓗᒃ ᐃᑲᔪᕐᓂᖃᕐᒪᑦ ᐊᒻᒪᓗ ᑕᒪᓐᓇ ᓄᑖᒧᑦ ᐃᖅᑲᓇᐃᔮᒧᑦ ᖁᕕᐊᒋᒻᒪᕆᑦᑕᖓ. ᓴᓇᓚᐅᖅᓯᒪᒋᓪᓗᓂ ᐊᒻᒪ ᐃᒡᓗᓕᐅᖅᑐᓂ ᐊᒻᒪ ᒫᓐᓇ ᑐᙵᕕᓕᐅᖅᐸᓪᓕᐊᓕᖅᑐᖅ ᐃᓕᓐᓂᐊᕐᓂᕐᒧᑦ ᐅᑭᐅᖅᑕᖅᑐᒥ ᐊᒻᒪ ᐅᖓᓯᒃᑐᒥ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ, ᐃᓕᓐᓂᐊᖅᖢᓂ ᐊᒻᒪ ᐃᑲᔪᖅᖢᓂ ᐱᓕᕆᑎᓪᓗᒍ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.