ᐊᑦᑕᕐᓇᖅᑐᒦᖅᑰᔨᙱᖦᖢᓂ ᐃᓕᓐᓂᐊᕐᕕᖕᒥ ᐱᕈᖅᐸᓪᓕᐊᑎᓪᓗᒍ, ᒫᓐᓇ ᐃᑲᔪᓕᖅᑐᖅ ᓴᖅᑭᑎᑦᑎᓂᕐᒥᒃ ᐊᑦᑕᕐᓇᖅᑕᐃᓕᒪᓂᕐᒥᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᖏᓐᓄᑦ ᐃᓕᓐᓂᐊᕐᕕᐊᕈᓯᕐᒥ. ᔮᑭᓖᓐ ᕘᓯᐊᐃ ᐊᓪᓚᑎᔅ ᐊᓂᓰᓇᐱ ᐊᕐᓇᖅ ᓯᐅᑰᒃ, ᒫᓂᑑᕙᒥᐅᑕᖅ ᖃᑕᙳᑎᖏᓪᓗ ᐊᒃᑐᐊᓂᖃᖅᖢᑎᒃ ᐱᒍᐃᔅ ᓄᓇᖃᖅᑳᖅᓯᒪᔪᓄᑦ, ᐃᓚᒋᔭᐅᔪᖅ ᐊᒪᕈᐃᑦ ᓄᓇᖓᓄᑦ. ᐃᓕᓐᓂᐊᕐᕕᕐᔪᐊᕐᒨᓚᐅᖅᑐᖅ ᐊᖏᕐᕋᖓᓂ ᐊᒻᒪᓗ ᐃᓕᓐᓂᐊᖅᑐᓕᕆᔨᓄᑦ ᐃᑲᔪᖅᑎᐅᓪᓗᓂ ᐊᕐᕌᒍᓄᑦ ᐱᖓᓱᓄᑦ ᐃᓱᒪᓕᐅᓚᐅᕋᓂ ᐃᓕᓴᐃᔨᕈᕈᒪᓕᕋᒥ ᐊᓯᐊᑎᒍᑦ. ᐱᔪᒃᓯᑎᑕᐅᓚᐅᖅᐳᖅ ᐃᖅᑲᓇᐃᔮᕆᓛᕈᒪᔭᖃᕐᓂᕐᒧᑦ ᑕᑯᓪᓗᓂ ᖃᔅᓯᐅᖕᒪᖔᑕ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐊᓯᐊᒍᖔᖅ ᐱᓕᕆᐊᒃᓴᓂᒃ ᐊᒻᒪ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᑖᒃᑲᓐᓂᕆᐊᖃᕋᓱᒋᓪᓗᑎᒃ.

ᕘᓯᐊᐃ ᐱᓇᔪᓚᐅᖅᐳᖅ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᙳᕆᐅᖅᓴᔪᑦ ᑉᕌᓐᑕᓐ ᓯᓚᑦᑐᖅᓴᕐᕕᒡᔪᐊᕐᒥ ᐊᒻᒪ ᐃᓕᓐᓂᐊᕐᕕᖏᓐᓂᒃ ᐃᑲᔪᖅᑐᐃᓚᐅᖅᐳᑦ ᐱᓕᕇᓐᓇᖁᓪᓗᒍ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐃᑲᔪᖅᑎᐅᓪᓗᓂ, ᐃᓕᓐᓂᐊᖅᑕᐅᔭᕆᐊᖃᓚᐅᖅᑐᖅ ᐃᓕᓐᓂᐊᖅᑕᐅᔪᒃᓴᓄᑦ. ᓱᒃᑲᒃᑎᒋᐊᖅᑎᑦᑎᓪᓗᓂ ᐊᐅᔭᒃᑯᑦ ᐃᓕᓐᓂᐊᒐᒃᓴᓂᒃ, ᐱᕐᔪᐊᓂᒃ ᓈᓴᐅᓯᕆᓂᕐᓂ ᑭᒃᓕᓯᓂᐊᕈᑎᓂᒃᓗ, ᐱᕐᔪᐊᖑᙱᓐᓂᖅᓴᓂᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑎᖏᓐᓂ, ᐱᔭᕇᖅᓯᓪᓗᓂ ᐃᓕᓐᓂᐊᕌᓂᒍᓯᐊᕐᒥᒃ ᐊᕐᕌᒍᓄᑦ ᐊᕐᕕᓂᓕᑦ (6) ᐅᖓᑖᓄᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᒫᓂᑑᐸᒥ ᐱᑎᖦᖢᒍ ᐃᓕᓐᓂᐊᖅᑎᑦ ᐃᓕᓴᐃᓂᕐᒥᒃ ᐊᑐᕐᓂᑯᖏᓐᓂ. ᐃᑲᔪᖅᓱᖅᑕᐅᓚᐅᖅᑐᖅ ᐃᓕᓴᐃᓂᕐᒥᒃ ᐊᒻᒪ ᐃᓕᖅᑯᓯᕐᒧᑦ ᐃᑲᔪᖅᓱᐃᓂᕐᒥᒃ ᐊᒻᒪ ᐊᓂᒍᐃᓪᓗᓂ 3.98 GPA−ᒥᒃ, ᒎᓗᑖᖅᖢᓂ ᖁᑦᑎᓛᒧᑦ GPA−ᒧᑦ ᐊᒻᒪ ᕿᓪᓕᖅᑐᒥᒃ ᐅᔭᒥᒃᑖᖅᖢᓂ ᐊᒻᒪ ᐃᓕᓴᐃᑎᓪᓗᒍ. ᐃᑲᔪᖅᓱᖅᑕᐅᔪᒻᒪᕆᐅᓪᓗᓂ ᓱᒻᒪᑦ ᐅᖃᐅᔾᔨᒋᐊᕈᑎᓕᐅᖅᐸᒻᒪᖔᖅ ᐃᓕᑕᕆᔭᐅᔾᔪᑎᑖᕐᓂᕐᒧᑦ ᐱᓕᕆᐊᕐᒥᑦ.

ᐅᖃᐅᔾᔪᐃᓂᖓ ᑭᓇᒧᒃᑭᐊᖅ ᐊᐅᓪᓚᕈᒪᔪᒧᑦ ᓄᓇᒥᓂᒃ ᐃᓕᓐᓂᐊᕆᐊᕐᓗᓂ ᐃᓱᒪᓗᓂ ᐱᕚᓪᓕᕈᑎᒃᓴᓂᒃ ᐅᑎᕆᐊᕈᑎᓂᒃᓗ ᑕᐃᒪᐃᓕᐅᕐᓗᓂ ᐊᒻᒪ ᖃᑕᙳᑎᖏᓐᓄᑦ ᐃᓕᓐᓂᐊᕐᕕᖕᒥᓗ ᐃᖅᑲᓇᐃᔭᕐᕕᖓᓄᑦ ᐃᑲᔪᖅᓱᐃᓗᑎᒃ ᑕᐃᒪᐃᓪᓗᑎᒃ. ᐊᖏᕐᕋᖅᓯᓂᖅ ᐊᒃᓱᕈᕐᓇᕈᓐᓇᖅᑐᖅ. ᐱᒻᒪᕆᐅᒋᕗᖅᑕᐅᖅ ᐃᓱᒪᒋᓂᐊᕐᓗᒋᑦ ᐊᒃᑐᖅᓯᓂᕆᕙᒃᑕᖏᑦ ᓄᑕᖅᑲᑎᑦ ᓅᑉᐸᓪᓕᐊᓂᐊᕐᓗᑎᒃ ᐃᓱᒪᓗᑎᒡᓗ ᖃᓄᖅ ᐊᔪᕐᓇᖅᑎᒋᔪᒥᒃ ᐱᓕᕆᐊᖃᕈᒪᓇᔭᕐᒪᖔᖅᐱᑦ ᐱᕕᒃᓴᖃᑦᑎᐊᙱᖦᖢᑎᑦ ᐊᓂᒍᖅᑎᑦᑐᒪᓪᓗᒋᑦ ᐃᓱᒪᒋᓯᒪᔭᑎᑦ. ᐊᔪᕐᓇᕋᓗᐊᖅᑎᓪᓗᒍ, ᕘᓯᐊ ᐅᒃᐱᕈᓱᒃᑐᖅ ᐊᑑᑎᖃᕐᓂᖓᓂᒃ.

ᐅᓪᓗᒥ, ᕘᓯᐊᐃ ᐃᓕᖅᑯᓯᓕᕆᔨᐅᕗᖅ ᐃᓕᓴᐃᔨᐅᓪᓗᓂ ᓗᐊᑦ ᓯᐅᑰᒃ ᐃᓕᓐᓂᐊᕐᕕᖓᓂ, ᐊᕐᕌᒍᓄᑦ 7-ᓄᑦ ᐃᓕᓴᐃᔨᐅᓯᒪᓕᖅᑐᖅ. ᐃᓕᓴᐃᔨᓂᒃ ᐃᑲᔪᖃᑦᑕᖅᐳᖅ, ᐃᖅᑲᓇᐃᔭᖅᑎᓂᒃ ᐊᒻᒪ ᐊᒡᓚᕝᕕᓕᕆᔨᓂᒃ ᐊᑐᓕᖅᑎᑦᑎᓪᓗᓂ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑎᖏᓐᓂᒃ, ᓇᓗᓇᐃᖅᓯᕙᒡᓗᓂ ᓈᒻᒪᒃᑲᓗᐊᕐᒪᖔᑦ ᐊᒻᒪ ᓱᓕᑦᑎᐊᕐᓂᖓᓂᒃ ᐅᓂᒃᑳᖅᑎᓪᓗᒋᑦ. ᐃᑲᔪᖃᑦᑕᖅᑐᖅ ᐊᕕᑦᑎᑦᓯᓂᕐᒥᑦ ᑎᑎᕋᖅᓯᒪᔪᓂᑦ ᒫᓂᑑᕙᒥᑦ ᐃᓕᓐᓂᐊᕐᓂᕐᒧᑦ ᓄᓇᖃᖅᑳᖅᓯᒪᔪᓄᓪᓗ ᐃᓕᓐᓂᐊᑎᑦᓯᑦᓯᐊᕐᓂᕐᒧᑦ ᐃᓕᓐᓂᐊᑎᑦᓯᖃᑎᒌᓐᓂᕐᒥᓪᓗ, ᐃᓕᓐᓂᐊᑎᑦᓯᖃᑦᑕᖅᑐᓂᑦ ᐊᑐᖅᑕᐅᔪᓐᓇᖅᑐᓂᓪᓗ ᐃᓕᓐᓂᐊᑎᑦᓯᔨᓄᑦ, ᐊᒻᒪ ᐊᑐᐃᓐᓇᐅᑎᑦᓯᓂᕐᒥᑦ ᐱᓕᕆᔨᒻᒪᕆᕈᖅᓴᓂᕐᒧᑦ. ᐱᑎᑦᑎᕙᒃᐳᖅ ᑲᒪᒋᔭᖃᕈᓐᓇᕐᓂᕐᒥᒃ ᐃᓕᖅᑯᓯᑐᖃᕐᓄᓪᓗ ᖁᐊᖅᓵᕐᓇᖅᑕᐃᓕᒪᓂᕐᒧᑦ ᐊᔪᕈᓐᓃᖅᓴᕐᓂᕐᒥᒃ ᐃᑲᔪᖅᑐᐃᕙᒃᖢᓂᓗ ᖁᑦᑎᒃᑐᒦᓐᓂᖅᓴᓄᑦ ᐃᓕᓐᓂᐊᕐᕕᖕᒥ ᓄᓇᖃᖅᑳᖅᑐᑦ ᐃᓕᓐᓂᐊᖅᑏᑦ ᐃᓂᖓᓄᑦ. ᐱᓕᕆᕝᕕᐅᑉ ᓄᓇᖃᖅᑳᖅᓯᒪᔪᑐᐊᑦᑎᐊᓄᑦ ᐃᓕᓐᓂᐊᖅᑎᓄᑦ ᐅᐸᒐᖅ, ᐱᑎᑦᑎᓪᓗᓂ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᒐᒃᓴᓂᒃ ᐊᒻᒪᓗᑦᑕᐅᖅ ᐅᐃᕖᑎᑐᑦ, ᐅᐃᕖᑎᑐᑦ ᐃᓚᐅᓂᕐᓂ ᐃᑲᔪᕈᑎᑦ, ESL, Ukrainian ᒪᕐᕉᖕᓂᒃ ᐅᖃᐅᓯᖃᕐᓂᖅ, LGBTQ2S+ ᓄᓇᓖᑦ ᐊᒻᒪᓗᑦᑕᐅᖅ ᐃᑲᔪᖅᓱᕐᓂᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᓕᕆᓂᕐᒥᒃ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ.

ᐱᔪᒃᓯᑎᑦᑎᓂᐊᕐᓗᓂ, ᕘᓯᐊ ᐱᔪᒃᓯᑎᑕᐅᕙᒃᐳᖅ ᖃᓄᖅ ᐱᐅᓂᖅᓴᓂᒃ ᐱᑕᖃᕐᒪᖔᑦ ᓄᓇᖃᖅᑳᖅᑐᓄᑦ ᐃᓕᓐᓂᐊᖅᑎᓄᑦ ᖃᓄᕐᓗ ᐃᔨᖅᓯᒪᕙᓚᐅᕐᒪᖔᑦ ᖃᐅᔨᒪᔭᒥᓂᒃ ᓄᓇᖃᖅᑳᖅᑐᑦ ᐃᓕᓐᓂᐊᖅᑏᑦ ᓲᖑᓴᒃᑕᐅᒐᔪᒃᐸᓚᐅᕐᓂᖏᓐᓂᒃ ᑭᓇᐅᓂᖏᓐᓄᑦ. "ᑕᑯᑎᑦᑎᔪᒪᓚᐅᖅᑐᖓ ᐃᓄᖕᓂᒃ ᐱᑕᖃᕐᓂᖅᓴᐅᓂᖓᓂᒃ ᐅᖃᐅᓯᐅᔪᒥᒃ ᑕᖅᑳᓂ ᓄᓇᖃᖅᑳᖅᑐᑦ ᐃᓄᖏᓐᓂᒃ. ᑕᐃᒪᐃᓚᐅᕋᓗᐊᖅᖢᖓ," ᐃᖅᑲᐅᒪᔪᖅ, ᐃᓱᒪᓪᓗᓂ ᖃᓄᖅ ᑕᑯᑎᔪᒪᖕᒪᖔᒋᑦ ᖃᓄᑎᒋ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᐊᓂᒃᓯᔪᓐᓇᖕᒪᖔᖏᑦ.

ᐊᓯᐊᒍᓪᓕ, ᕘᓯᐊᐃ ᐊᓈᓇᒥᓄᑦ ᐱᔪᒃᓯᑎᑕᐅᕗᖅ, ᐃᓕᓐᓂᐊᕐᓂᓕᕆᓂᕐᒧᑦ ᐃᑲᔪᖅᑎ ᐊᕐᕌᒍᓄᑦ 40-ᑲᓴᖕᓄᑦ. ᐊᓪᓗᖅᑕᖓᑕ ᑐᓂᓯᒪᑦᑎᐊᕐᓂᖓ ᐃᓕᖅᑯᓯᖓᓄᑦ ᐊᓪᓚᖓᓪᓗᓂ ᐊᖑᑦ ᐃᑲᔪᕐᖢᓂ ᑐᑭᓯᓂᕐᒥᒃ ᐱᒻᒪᕆᐅᓂᖓᓂᒃ ᐃᓕᑦᑎᕙᓪᓕᐊᓂᖅ ᖁᕕᐊᓲᑎᖃᕐᓂᕐᓗ ᐃᓕᖅᑯᓯᖓᓂᒃ. ᒪᒃᑯᑦᑐᐃᑦ ᐃᖅᑲᓇᐃᔭᖅᐸᑦᑐᑦ ᑲᔪᖏᖅᓴᖅᑕᐅᓪᓗᓂᑦᑕᐅᖅ, ᐅᐱᓐᓇᕋᓂ ᐃᓕᑉᐸᓪᓕᐊᒻᒪᑕ ᐊᔾᔨᒌᙱᕈᓘᔭᖅᑐᑦ ᓇᓪᓕᐅᓂᖅᓯᐅᖅᑕᐅᑎᓪᓗᒋᑦ. ᐃᒻᒥᓂᒃ ᐱᐅᒋᖁᕙᖏᑦ ᓇᒡᓕᒍᓱᒃᓗᓂᓗ ᐃᒻᒥᓂᒃ ᑕᐅᑐᖕᓂᕐᒥᓂ ᓱᓕᑦᑎᐊᕐᓂᒃᑯᑦ, ᐊᑐᕐᓂᒃᑯᑦ ᐃᓕᖅᑯᓯᖏᓐᓂ.  "ᒪᒃᑯᒃᑐᑦ ᐃᖢᕐᕆᖁᕙᒃᑲ ᑭᓇᐅᓂᕐᒥᓂᒃ. ᐱᔪᒃᓯᑎᑦᑎᓲᖅ ᐅᕙᓐᓂᒃ," ᐱᙳᐊᖅᑐᖅ.

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒥᓄᑦ ᓇᖕᒥᓂᖅ ᓯᕗᓕᖅᑎᑦᑎᐊᕙᐅᓇᔭᖅᑐᖅ, ᑭᓱᑐᐃᓐᓇᑦ ᐱᐅᓯᕙᓪᓕᐊᑐᐃᓐᓇᕐᓗᑎᒃ ᓂᙵᒃᓴᕋᐃᙱᓪᓗᑎᒡᓗ ᑕᐃᒪᙵᓕᒫᖅ. ᕘᓯᐊᐃ ᑎᓕᐅᕆᒐᔭᕐᒥᔪᖅ ᐃᒻᒥᓂᒃ ᐅᐱᒋᖁᔨᓗᓂ ᐊᒻᒪᓗ ᒥᑎᐅᑉ ᐃᓕᓴᕐᓇᐅᑎᖓᓂᒃ.

"ᖃᓄᐃᙱᑦᑐᖅ ᐊᓪᓚᖓᓗᓂ. ᖃᓄᐃᖏᑦᑐᖅ ᐃᓕᖕᓂᒃ ᖃᓄᐃᙱᑦᑐᖅ. ᐃᓕᖕᓂᒃ ᐅᐱᒋᓗᑎᑦ. ᓯᕗᓕᖅᑎᑦᑎᐊᕙᐅᔪᑎᑦ ᒪᒃᑯᒃᑑᓪᓗᑎᑦ. ᖁᕕᐊᓲᑎᒋᓗᒍ," ᐅᖃᐅᓯᕆᕙᐅᒃ.

ᐅᖃᐅᓯᕆᔭᖓ ᑭᓇᑐᐃᓐᓇᕐᒧᑦ ᐊᒃᓱᕈᖅᑐᒧᑦ ᑭᓇᐅᓂᕐᒧᑦ ᐊᐱᕆᓗᓂ ᖃᓄᐃᒻᒪᑦ, ᓇᓗᓇᐃᖅᓯᓇᓱᓪᓗᓂ ᐱᔾᔪᑎᐅᔪᒥᒃ. "ᐃᓛᓐᓂᒃᑯᑦ ᑕᒪᒃᑯᐊ ᐅᕙᑦᑎᓐᓂᒃ ᐊᒃᑐᐃᓲᑦ ᓇᓗᓇᐃᖅᓯᕙᙱᒻᒪᑕ ᐊᒻᒪ ᐃᓕᑦᑎᒡᒐᕐᓇᖅᖢᓂ, ᐱᓗᐊᖅᑐᒥᒃ ᒪᒃᑯᒃᑎᓪᓗᑎᑦ, ᓲᖃᐃᒻᒪ ᐱᖃᓐᓇᕆᔭᕐᓄᑦ ᐃᓚᖕᓄᓪᓗ ᐊᒃᑐᖅᑕᐅᓯᒪᓗᐊᕋᕕᑦ, ᑕᒻᒪᙱᖦᖢᑎᑦ? ᐊᒻᒪᓗ ᑕᒪᓐᓇ ᐃᓚᒋᔭᖓ ᑭᓇᐅᓂᕕᑦ. ᑭᓯᐊᓂ ᑕᒪᒃᑯᐊ ᐱᐅᙱᑦᑐᑦ ᑐᓴᖅᑕᑎᑦ ᓇᓗᓇᐃᕆᐊᖃᙱᑕᑎᑦ. ᑕᑯᓇᓱᒡᓗᒋᑦ ᐊᓯᖏᑦ ᓇᑭᙶᕐᒪᖔᑕ, ᑖᒃᑯᐊ ᐊᓯᖏᑦ ᑐᓴᕈᒥᓇᖅᑐᑦ ᐃᓕᖕᓄᑦ ᖃᐃᓂᐊᖅᑐᑦ," ᐊᑐᐃᓐᓇᕈᖅᑎᑕᖏᑦ.

ᒪᒃᑯᒃᑐᓄᑦ ᐃᓕᓴᐃᔨᐅᓂᓐᓄᑦ ᑐᓴᖅᑕᐅᖁᔭᖓ, "ᐃᓕᓐᓂᐊᕈᑎᓕᒫᒃᑲ ᐲᖃᑦᑕᕈᕕᒋᑦ ᐃᓄᑦᑎᐊᕙᐅᓗᑎᑦ ᐊᒻᒪ ᐃᓕᖕᓄᑦ ᐱᐅᓗᓂ ᐊᒻᒪ ᐃᓕᖕᓂᒃ ᐅᐱᒋᓗᑎᑦ ᐊᒻᒪ ᐱᐊᓂᒃᓯᓯᒪᓂᓕᒫᑎᑦ ᓱᓕ ᐃᓕᓴᐃᔨᐅᓪᓗᖓ ᐱᓕᕆᓯᒪᕗᖓ."

ᑐᓴᖅᑕᐅᔪᒃᓴᖅ ᐱᐅᕐᓯᐊ ᓂᕆᐅᖕᓂᐅᕗᖅ ᐃᑲᔪᖅᐳᖅ ᓴᐃᓕᓂᕐᒥᒃ ᑭᓇᐅᓂᕐᒥᓂᒃ. ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ, ᕘᓯᐊ ᒪᒥᓴᐃᔪᖅ, ᐱᒋᐊᕐᖢᓂ ᓇᓂᓯᔪᓐᓇᙱᖦᖢᓂ ᓇᓕᒧᒌᒃᑐᒥᒃ ᐃᑲᔪᖅᑕᐅᒃᑲᓐᓂᕆᐊᖃᕐᖢᓂᓗ. ᑎᓕᐅᕆᔪᖅ ᒪᒃᑯᑦᑐᓂᑦ ᓇᓂᓯᖁᔨᑦᓱᓂ ᐊᑲᐅᒋᔭᒥᓐᓂᑦ ᑐᑭᓯᐅᒪᑦᓱᑎᓪᓗ ᐃᓅᒋᐊᖓᓂᑦ ᐃᓂᑦᓴᖃᖏᓪᓗᓂᓗ ᓯᕗᓪᓕᖅᐹᒧᑦ ᐃᓄᒻᒧᑦ ᖃᐃᔪᒧᑦ. ᕘᓯᐊᐃ ᐅᐸᖃᑦᑕᖅᑐᖅ ᖁᕕᐊᓲᑎᖃᕐᓂᕐᒧᑦ, ᐃᙱᕋᔪᑦᑐᖅ ᐃᓚᒥᓄᑦ, ᓴᓇᐅᒐᓕᐅᖃᑦᑕᖅᑐᖅ ᑎᑎᕋᖅᓱᓂᓗ. ᐃᓕᑕᖅᓯᓂᕐᒥᑦ ᓇᓕᒧᒌᖏᓐᓂᕐᒥᑦ ᐱᒻᒪᕆᐅᓯᒪᔪᖅ ᑐᑭᓯᐅᒪᓂᕐᒥᓪᓗ ᐱᓕᕆᐊᓕᒫᑦ ᐱᕙᓪᓕᐊᓯᒪᔪᑦ.

ᑭᓇᒧᒃᑭᐊᖅ ᐃᓄᑑᖅᑰᔨᔪᒧᑦ ᐊᒃᓱᕈᖅᑐᒧᓪᓗ ᐊᖅᑯᑎᖓᒍᑦ, ᕘᕐᓯᐊ ᐊᐱᕆᓇᔭᖅᑐᖅ ᑭᓇᒥᑭᐊᖅ ᐊᑲᐅᒋᔭᖃᕐᒪᖔᑕ ᐅᖃᖃᑎᖃᕆᐊᒃᓴᖅ. ᑎᓕᐅᕋᔭᖅᑕᖏᑦ ᓇᓂᓯᓗᑎᒃ ᐃᓄᖕᓂᒃ ᐊᑦᑕᕐᓇᖅᑐᒦᙱᓐᓂᕐᒥᒃ ᐃᑲᔪᖅᓱᐃᔪᓂᒃᓗ ᐃᒃᓯᕚᖃᑎᒋᓗᒋᑦ, ᑎᑎᕋᕐᓗᑎᒃ ᐅᖃᖃᑎᖃᕐᓗᑎᒃᓘᓐᓃᑦ ᐱᒋᐊᕐᓗᑎᒃ ᐊᖅᑯᑎᒥᒃ ᓇᓕᒧᒌᒃᑎᓐᓇᓱᒃᓗᒍ.

ᒪᒃᑯᖕᓂᖅᓴᐅᑎᓪᓗᒍ, ᐃᖕᒥᓂᒃ ᐊᑦᑕᕐᓇᖅᑐᒦᖅᑰᔨᙱᖦᖢᓂ ᐃᓕᓐᓂᐊᕐᕕᖕᒥ ᒫᓐᓇᓗ ᔮᑭ ᐱᑦᓯᐅ ᐃᑲᔪᕐᖢᓂ ᐋᖅᑭᒃᓯᓂᕐᒥᒃ ᐊᑦᑕᕐᓇᖅᑕᐃᓕᒪᓂᕐᒥᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᕐᕕᐊᕈᓯᕐᒥ. ᓇᓗᓇᐃᖅᓯᓪᓚᕆᒍᒪᓕᓚᐅᖅᑐᖅ ᖃᓅᓇᓱᒋᔭᐅᔪᓂᒃ ᓄᓇᖃᖅᑳᖅᑐᑦ ᐃᓄᖏᓐᓂᒃ ᑕᒻᒪᕐᓂᖏᓐᓂᒃ, ᑲᔪᓯᓂᖃᑦᑎᐊᓚᐅᖅᐳᖅ ᑕᐃᒪᐃᒃᑲᓗᐊᖅᖢᓂ. ᐃᓕᓐᓂᐊᕐᓂᓕᕆᓂᕐᒧᑦ ᐃᑲᔪᖅᑎᒥᑦ ᓅᖦᖢᓂ ᐃᓕᓴᐃᔨᒧᑦ ᐱᕕᖃᓚᐅᖅᐳᖅ ᐱᓇᔪᒃᖢᓂᓗ ᑭᓯᐊᓂ ᑲᔪᓯᑎᑦᑎᔪᓐᓇᓚᐅᖅᐳᖅ ᑕᐅᑐᖅᑰᖅᑕᒥᓂᒃ ᐃᑲᔪᖅᑐᖅᑕᐅᓪᓗᓂ ᐃᓕᓐᓂᐊᕐᕕᖕᒥᓂᒃ ᐃᓚᒥᓂᒡᓗ... ᐊᒻᒪᓗ ᐊᑑᑎᖃᖅᑐᐃᓐᓇᐅᓚᐅᖅᑐᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑎᑎᕋᕋᕕᑦ ᑖᔅᓱᒥᖓ.