"ᑖᓐᓇ ᑕᐅᑐᖅᑰᖅᑕᐅᔪᖅ ᐃᓱᒪᒃᓴᖅᓯᐅᕈᑎᖃᐃᓐᓇᐅᔭᕐᓂᖅ 7-ᓂᒃ ᑭᖑᕚᕇᓂᒃ ᐅᕙᓐᓄᑦ ᓅᑉᐸᓪᓕᐊᕗᖅ ᓲᖃᐃᒻᒪ ᓱᓕᓪᓗᓂ ᑐᑭᒋᖕᒪᒍ ᑲᔪᓰᓐᓇᕈᓐᓇᕐᓂᕐᒧᑦ." ᔭᐃᒥᓯ ᕼᐋᐸ ᑯᕇᔅ ᐊᖑᑎᐅᔪᖅ ᓄᓗᕋᖅᑎᐅᓪᓗᓂ ᐊᑐᒃᑲᓐᓂᕈᓐᓇᖅᑐᓂᒃ, ᓯᕗᓕᕆᓚᐅᖅᑕᖏᓐᓄᑦ ᐊᒻᒪᓗ ᐃᓱᒪᓪᓗᓂ ᐃᓅᓱᒃᑐᓂᒃ ᖃᐅᑉᐸᒧᑦ.  

ᔭᐃᒥᓯ ᕼᐋᐸᐅᑉ ᑯᕇ ᐊᑎᖓ, ᒥᑲᑲᑲᕙᓐ, ᑐᑭᖃᖅᑐᖅ "ᐊᐅᐸᖅᑐᖅ cloud", ᑐᓂᔭᐅᓪᓗᓂᓗ ᐊᓈᓇᖓᑕ ᐱᕈᖅᓴᓚᐅᖅᑕᖓᓄᑦ ᓇᔭᒥᓄᑦ. ᐊᓂᒍᐃᓚᐅᖅᑐᖅ ᒪᓕᒐᓕᕆᓂᕐᒧᑦ ᐃᓕᓐᓂᐊᖅᑕᒥᓂᒃ ᕿᑐᕐᖓᒥᓂᒃ ᐱᕈᖅᓴᐃᓪᓗᓂ, ᓴᙲᓕᑎᖦᖢᓂᒋᑦ, ᐃᓂᖅᑎᕆᓪᓗᑎᒃ ᐊᒻᒪ ᑲᔪᖏᖅᓴᐃᓪᓗᑎᒃ.

ᐊᓈᓇᖓᑎᑐᑦ, ᕼᐋᐸ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᓚᐅᖅᓯᒪᕗᖅ, ᐱᔭᕇᖅᓯᓪᓗᓂ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᖃᐅᔨᓴᖅᑐᓕᕆᓂᕐᒥᒃ ᐊᐅᓚᐅᓯᕆᓂᕐᒥᒃ ᓯᓚᑦᑐᖅᓴᕐᕕᒡᔪᐊᖓᓂ ᒫᓂᑑᐸᒥ 2017−ᖑᑎᓪᓗᒍ. ᒫᓐᓇ ᐱᓕᕆᐊᖃᖅᐳᖅ Masters Degree−ᒥᒃ ᐊᓯᔾᔨᒋᐊᒐᒃᓴᐅᔪᒥᒃ ᐆᒻᒪᖅᑯᑎᒥᒃ. ᖃᐅᔨᓴᖅᑐᓂ ᒪᑭᒪᒍᓐᓇᓂᕐᒥᒃ, ᐊᐅᓪᓚᕈᓐᓇᖅᓯᒪᔪᖅ ᒪᑯᓄᖓ ᔅᑖᒃᕼᐅᓪᒻ, ᐹᔅᓗᓇ, ᐊᒻᒪᓗ ᐱᐅᕆᔅ. ᑕᐅᑐᖅᑰᖅᑕᖓ ᐃᓚᓕᐅᔾᔨᔪᒪᕗᖅ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓂᒃ ᐊᒻᒪ ᓴᓗᒪᔪᓂᒃ ᐱᓕᕆᔾᔪᑎᓂᒃ ᐆᒻᒪᖅᑯᑎᓕᕆᔾᔪᑎᑦᑎᓐᓄᑦ ᖃᐅᒃᐸᑦ.

Hᐋᐳ ᐅᐱᒍᓱᒃᑐᖅ ᓄᓇᖃᕐᓂᖓᓂᒃ Sturgeon Lake Cree Nation−ᒥ 8−ᒥ ᐅᑭᐅᖅᑕᖅᑐᒥ; ᐃᓅᓚᐅᖅᓯᒪᔪᖅ ᐃᐊᑦᒪᓐᑕᓐᒥ ᐊᒻᒪᓗ ᐱᕈᖅᓴᓪᓗᓂ ᐅᐊᓂᐸᐃᒻᒥ, ᐊᖏᕐᕋᕆᓂᕋᓕᖅᑐᓂᐅᒃ. "ᑕᒪᕐᒥᑦᑎᐊᖅ ᐊᑐᖅᓯᒪᔭᕋ Cree−ᖑᓪᓗᖓ ᐊᖑᑎᐅᓪᓗᓂ urban−ᖑᓪᓗᐊᑕᖃᑦᑕᖅᓯᒪᕗᖅ. ᐱᕈᖅᓴᓚᐅᖅᓯᒪᙱᑦᑎᐊᖅᑐᖓ ᓄᓇᓕᖕᓂ ᐅᕝᕙᓘᓐᓃᑦ ᐃᓕᑦᑎᓗᐊᓚᐅᖅᓯᒪᙱᑦᑐᖓ ᐃᓄᐃᑦ ᐱᐅᓯᖏᑦᑕ ᐱᓕᕆᖃᑎᒌᒍᓯᖏᓐᓂᒃ ᓄᓇᒥ," ᐅᖃᓚᐅᖅᐳᖅ. urban-raised-ᖑᒐᓗᐊᖅᖢᓂ, ᐅᖃᖅᖢᓂ ᐃᓚᒥᓂᒃ ᐱᓕᕆᖃᑎᖃᑦᑎᐊᖃᑦᑕᕐᓂᖓᓂᒃ, ᐱᓗᐊᖅᑐᒥᒃ ᐊᓈᓇᑦᑎᐊᒥᓂᒃ ᐅᕝᕙᓘᓐᓃᑦ ᐊᓈᓇᑦᑎᐊᒥᓂᒃ, ᐅᓄᖅᑐᓂᒃ ᐃᓕᓴᐃᖃᑦᑕᖅᓯᒪᖕᒪᑦ ᖃᓄᖅ ᑐᑭᖃᕐᒪᖔᑦ ᓂHᐃᐋ (Cree).

ᖃᐅᔨᓇᓱᒃᑎᓪᓗᒋᑦ ᐊᒃᓱᕉᑕᐅᓲᓂᒃ ᑭᖑᕚᕇᓄᑦ ᓄᓇᑐᖃᕆᙱᑕᒥᓄᑦ ᓄᓇᑖᖃᑕᐅᓯᒪᔪᑦ, Hᐋᐳ ᕿᓂᖅᐳᖅ ᐱᔪᓐᓇᕐᓂᖅᑖᖅᑎᑦᑎᔪᒪᓪᓗᓂ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᑲᓇᑕᓕᒫᒥ. ᒫᓐᓇᒧᑦ ᑎᑭᖦᖢᒍ, 7-ᖑᖅᑰᔨᔪᑦ, ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐆᒻᒪᖅᑯᑎᓕᕆᓂᕐᒧᑦ ᑲᑎᒪᕐᔪᐊᖅᑎᓪᓗᒋᑦ ᐋᖅᑭᒃᓯᓚᐅᖅᑐᖅ ᐋᖅᑭᒃᓱᐃᓪᓗᓂᓗ ᐃᓚᓕᐅᔾᔭᐅᖁᓪᓗᒍ 300 ᐅᖓᑖᓂ ᑲᓇᑕᒥ ᐃᓕᓐᓂᐊᖅᑎᑦ.

ᐅᔾᔨᕈᓱᓕᖅᑎᑦᓯᒍᒪᓚᐅᖅᑐᒍᑦ ᐱᔪᓐᓇᕐᓂᖏᓐᓂᒃ ᒪᒃᑯᑦᑐᐃᑦ ᑐᑭᓯᒍᓐᓇᕐᓂᖏᓐᓂᒃ ᐃᓗᒥᒍᑦ ᓴᓐᖏᓂᖏᓐᓂᒃ ᐊᒻᒪᓗ ᓴᓐᖏᓕᖅᐹᓪᓕᖁᓪᓗᒋᑦ ᐅᑉᐱᕈᓱᓪᓗᑎᒃ ᐊᓯᔾᔩᒍᓐᓇᕋᕕᑦ ᓄᓇᑦᓯᓐᓂᒃ ᐊᓪᓛᑦ ᐊᖏᓂᖅᓴᒻᒪᕆᒻᒥ. ᐊᒻᒪᓗ ᐊᑕᐅᓯᑐᐃᓐᓇᐅᓪᓗᓂ ᐃᓄᒃ.

ᑲᑎᒪᓂᖅ ᐃᓚᖃᓚᐅᖅᐳᖅ ᐆᒻᒪᖅᑯᑎᑐᕈᓯᕐᓂᒃ ᐅᖃᖅᑎᓂᒃ, ᓄᓇᖃᖅᑳᖅᓯᒪᔪᑦ ᓯᕗᓕᖅᑎᖏᓐᓂᒃ, ᓴᓗᒪᔪᓂᒃ ᐱᓕᕆᔾᔪᑎᓕᕆᔨᒻᒪᕆᖕᓂᒃ, ᐊᒻᒪ ᓇᖕᒥᓂᖃᖅᑎᓂᒃ, ᑐᕌᒐᖃᖅᑐᐃᓐᓇᐅᓪᓗᑎᒃ ᑐᐊᕕᕐᓇᖅᑐᓂᒃ ᑐᓴᖅᑎᑦᑎᔪᒪᓪᓗᑎᒃ, ᐱᒻᒪᕆᐅᓂᖓᓂᒃ ᐊᒻᒪ ᑐᕌᒐᖏᓐᓂᒃ ᓄᓇᒥᙶᖅᑐᓂᒃ ᐆᒻᒪᖅᑯᑎᓂᒃ ᐊᒻᒪ ᖃᓄᖅ ᐊᒃᑐᐃᕙᖕᒪᖔᑦ ᓄᓇᕐᔪᐊᕐᒥ ᓯᓚᖓᓄᑦ.

Hᐋᐳᒧᑦ, ᖃᓄᐃᓕᐅᖃᑦᑕᖅᓯᒪᓂᖓ ᐊᒃᑐᐊᓂᖃᖅᑐᖅ ᓄᓇᖃᖅᑳᖅᓯᒪᔫᓪᓗᓂ ᐊᒻᒪᓗ ᖃᑕᙳᑎᖏᓐᓄᑦ. ᑕᐃᒫᒃ ᐃᓱᒪᓚᐅᖅᑐᖅ 7-ᓄᑦ ᐃᓚᐅᔪᓄᑦ ᐊᒻᒪᓗ ᖃᐅᑕᒫᑦ ᐃᖅᑲᓇᐃᔭᕆᐊᖃᑦᑕᖅᑐᓂ.

ᑐᑭᓯᒃᑲᓐᓂᓚᐅᖅᑐᖓ ᑐᙵᕕᓪᓗᐊᑕᓐᓂᒃ ᑯᕇᖑᓪᓗᖓ ᐊᒻᒪᓗ ᓇᑭᙶᖅᓯᒪᓪᓗᖓ ᐊᒻᒪᓗ ᑐᑭᓯᓪᓗᖓ ᓯᕗᓕᕕᓂᒃᑲ ᐱᔪᒪᔭᖏᓐᓂᒃ ᐅᕝᕙᓘᓐᓃᑦ ᑕᐅᑐᙳᐊᖅᑕᖏᓐᓂᒃ ᕿᑐᕐᖓᖏᑦ ᖃᓄᐃᓕᐅᖁᓪᓗᓂᒋᑦ ᐊᒻᒪᓗ ᑕᑯᒃᓴᐅᑎᑦᑎᓗᑎᒃᑕᐅᖅ, ᐊᒃᓱᕈᒻᒪᕆᓚᐅᕐᒪᑕᑕᐅᖅ, ᓴᐳᔾᔨᓇᓱᐊᖅᑐᑎᒃ ᓄᓇᑦᑎᓐᓂᒃ ᓱᕈᓯᑦᑎᓐᓄᑦ ᖃᐅᑉᐸᒧᑦ.

ᑖᒃᑯᐊ ᑐᕌᕋᓱᐊᖅᑕᕗᑦ ᐱᐅᕆᔅᒥ ᐊᖏᖃᑎᒌᒍᑕᐅᓚᐅᖅᑐᑦ ᑐᑭᖃᑦᓯᐊᖅᑐᒥᒃ Hᐋᐳᒧᑦ, ᓇᓗᓇᐃᖅᓯᓚᐅᖅᑐᖅ, "ᐱᕈᖅᓯᒪᓪᓗᖓ ᑖᒃᑯᓂᖓ ᑐᓐᖓᕕᐅᔪᓂᒃ ᑲᒪᑦᑎᐊᕐᓂᕐᒧᑦ ᓄᓇᒥᒃ ᐊᒻᒪᓗ ᓇᓪᓕᒋᓪᓗᒋᑦ ᕿᑐᕐᖓᕗᑦ, ᑕᐃᒃᑯᐊ ᐃᓅᓚᐅᖅᓯᒪᙱᑦᑐᑦ ᓯᕗᓂᐊᓃᑦᑐᑦ ᐊᑕᓂᖃᑦᑐᑦ ᒫᓐᓇᐅᔪᖅ ᓯᓚᐅᑉ ᖃᓄᐃᓐᓂᖓᓄᑦ ᐊᒃᓱᕈᓐᓇᑐᒃᑰᖅᑎᓪᓗᑕ ᑕᒪᒃᑯᓄᖓᓕᒫᖅ ᐱᓕᕆᐊᖑᓇᓱᐊᖅᑐᓄᑦ, ᐃᓘᓇᑎᒃ ᑖᒃᑯᐊ ᐅᓂᒃᑳᑦ ᐊᒻᒪᓗ ᑕᒪᒃᑯᐊᓕᒫᑦ ᖃᐅᔨᔭᐅᔪᑦ ᑎᓕᐅᕆᔪᑦ ᐃᓘᓇᖏᓐᓂᒃ ᐱᓕᕆᖁᓪᓗᒋᑦ ᒫᓐᓇᐅᔪᖅ."

ᐃᓕᓐᓂᐊᖅᓯᒪᑎᓪᓗᒍ, Hᐋᐳ ᐱᒻᒪᕆᐅᒍᓱᒃᑐᖅ ᐃᓕᓐᓂᐊᕐᓂᓕᕆᓂᖅ, ᑲᔪᖏᖅᓴᐃᓂᖅ ᐊᒻᒪ ᐱᓕᕆᖃᑎᖃᕐᓂᖅ ᓴᖅᑭᑕᐅᓯᒪᔪᓂᑦ ᓯᕗᓕᖅᑎᓂᑦ ᐊᒻᒪ ᐃᓐᓇᕐᓂᑦ. ᓯᓚᑐᔫᓪᓗᓂ ᐃᓕᓐᓂᐊᓪᓚᑦᑖᕐᓂᕐᒥᒃ, ᑭᓯᐊᓂᑦᑕᐅᖅ ᓄᓇᒥ, ᐅᖃᖅᑐᓂ, "ᐱᔪᓐᓇᖅᑕᓕᒫᓐᓂᒃ, ᓄᓇᒨᕐᓂᐊᖅᑯᖓ ᐱᐅᓂᖅᐹᖑᒻᒪᑦ ᐃᓪᓗᕈᓯᖅ. ᐃᓕᓴᐃᔨᑦᑎᐊᕙᐅᓛᖑᕗᖅ."

ᐊᒥᓱᓂᒃ ᐱᕕᒃᓴᖃᓚᐅᖅᑐᖅ ᐃᓕᑦᑎᓂᕐᒥᒃ, ᑭᓯᐊᓂ Hᐋᐸ ᓱᓕ ᐊᒃᓱᕈᖃᑦᑕᖅᑐᖅ ᖀᖅᓱᕐᓂᕐᒧᑦ, ᐃᓱᒪᓪᓗᓂ ᓈᒻᒪᖅᑰᔨᙱᖦᖢᓂ ᐊᒻᒪᓗ ᓯᓚᑐᙱᓗᐊᖅᖢᓂ. ᑕᐅᑐᒐᖃᕋᓱᐊᖅᑐᖅ ᓱᓇᓂᒃ ᓵᒨᖅᓯᖃᑦᑕᕐᒪᖔᖅ, ᓇᓗᓇᐃᔭᐃᑦᓱᓂ, "ᓄᓇᕐᔪᐊᖅ ᐱᐅᓂᖅᓴᐅᒐᔭᖅᑐᖅ ᐃᓘᓐᓇᑎᒃ ᑕᐃᑲᓃᑉᐸᑕ ᐊᒻᒪᓗ ᐅᓂᒃᑳᖅᓯᒪᑉᐸᑕ ᓂᐱᖏᓪᓗ ᑐᓴᖅᑕᐅᑉᐸᑕ."

ᐃᓱᒪᓕᕌᖓᒥ ᒪᒃᑯᒃᑐᑦ ᐊᖏᕐᕋᐅᓕᖕᓂᖏᓐᓂᑦ ᓇᖕᒥᓂᖅ ᐃᖏᕐᕋᓂᐊᓕᕐᓗᑎᒃ, ᑐᓴᖁᕙᖏᑦ ᐅᖃᐅᔾᔪᐃᓂᖕᒥᓂᒃ, "ᐊᔭᐃᕐᓗᑎᑦ ᐊᓂᕐᓵᕐᑐᕐᓗᑎᒃ, ᓴᐃᓕᓗᑎᒃ. ᐅᐊᑲᓪᓚᒻᒪᕆᐊᓘᖕᒪᑦ ᖃᓄᐃᙱᖦᖢᓂᓗ ᐊᒃᓱᕈᓗᐊᕐᓗᓂ ᓯᕘᕋᓗᓂᓗ. ᖃᓄᐃᖏᑦᑐᖅ ᐃᑲᔪᖅᑕᐅᔪᒪᒍᕕᑦ." ᑎᓕᐅᕆᖕᒥᔪᖅ ᒪᒃᑯᒃᑐᓂᒃ ᐃᓚᐅᖃᑕᐅᖏᓐᓇᖁᔨᓪᓗᑎᒃ ᒫᓐᓇᐅᔪᒃᑯᑦ ᑲᓲᑎᖃᑎᒌᒃᓗᑎᒃᓗ.

ᕼᐋᐸᐅᑉ ᐊᓈᓇᑦᑎᐊᖓᑕ ᐃᓕᓐᓂᐊᖅᑎᓚᐅᖅᐹᖓ, "ᓇᓂᑭᐊᖅ ᓄᓇᕐᔪᐊᕐᒦᑐᐊᕈᕕᑦ, ᐅᕙᑦᑎᓐᓄᓕᒫᖅ ᐊᒃᑐᐊᒐᕕᑦ." Hᐋᐳᒧᑦ, ᑖᓐᓇ ᑐᑭᓕᐅᖅᑕᐅᓯᒪᔪᖅ ᐱᖃᑎᒌᑐᐃᓐᓇᖏᓪᓗᓂ ᐃᓄᓐᓄᑦ ᑭᓯᐊᓂᑦᑕᐅᖅ ᓄᓇᕐᔪᐊᕐᒧᑦ, "ᖃᓄᑐᐃᓐᓇᖅ ᓇᒥᑐᐃᓐᓈᕋᓗᐊᕈᕕᑦ, ᐊᑦᑐᐊᓂᖃᕋᕕᑦ ᓄᓇᒧᑦ."

ᓇᖕᒥᓂᖅ ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᖁᐊᖅᓵᕐᓇᖅᑐᓂᒃ ᐊᑐᖃᑦᑕᕈᒪᓂᐅᕗᖅ ᐃᓱᒫᓗᒍᓐᓃᕐᓗᓂᓗ ᐊᔪᓕᕐᓂᕐᒥᒃ, ᕿᒪᐃᓪᓗᓂ "ᐃᒪᓐᓇᐅᒃᐸᑦ". ᐅᖃᖅᑐᓂ, "ᐃᓱᐊᓂ, ᐊᔪᓕᕈᑕᐅᙱᑦᑎᐊᖅᑐᖅ. ᐱᒋᐊᕈᑎᒃᑲᓐᓂᐅᕗᖅ ᐱᕈᖅᐸᓪᓕᐊᓂᐊᖅᑎᓪᓗᑎᑦ ᐃᓄᑦᑎᐊᕙᐅᓕᕐᓗᑎᑦ."

ᐋᓪᓚᐅᕗᖅ ᖁᐊᖅᓵᕐᓇᖅᑐᒦᓕᕆᐊᒃᓴᖅ ᐃᓱᒪᒃᓴᖅᓯᐅᑦᑎᐊᖅᓯᒪᓂᕐᒥᒡᓗ ᓴᖅᑭᑎᑦᑎᔪᓐᓇᖅᖢᓂ. ᐃᑲᔪᓚᐅᖅᑐᖅ ᓴᓇᓪᓗᓂ ᖃᐅᔨᓴᕈᑎᒥᒃ ᓄᓇᓯᐅᑎᒥᒃ ᓵᓚᖃᕋᓱᒃᓗᓂ ᐊᓯᖏᓐᓂᒃ ᐃᓕᒌᓂᒃ, ᐃᓕᓯᓪᓗᓂ 17−ᖓᓂ 22−ᖑᑎᖦᖢᒍ. ᓵᓚᖃᓚᐅᙱᒃᑲᓗᐊᖅᑎᓪᓗᒋᑦ, ᑖᓐᓇ ᐱᓕᕆᖃᑎᒋᔭᖏᓪᓗ ᐱᓚᐅᖅᐳᑦ ᐳᐃᒍᖅᓴᕋᐃᓐᓇᙱᑦᑐᒥᒃ ᐱᓕᕆᖃᑦᑕᖅᓯᒪᓂᕐᒥᒃ, ᐊᑕᐅᑦᑎᒃᑰᖅᑎᑦᑎᕙᖕᓂᕐᒥᒃ, ᐱᒻᒪᕆᐊᓗᖕᓂᒡᓗ ᐊᔪᙱᓐᓂᕆᔭᐅᔪᓂᒃ ᑕᒪᓐᓇᓗ ᐱᒻᒪᕆᐊᓘᓇᔭᖅᖢᓂ ᐃᖅᑲᓇᐃᔮᕆᔭᒥᓂ.

ᐃᓱᒪᖓ ᖃᓄᐃᙱᑦᑎᐊᖏᓐᓇᖁᓪᓗᒍ, ᕼᐋᐸ ᐊᒃᓱᕈᐃᓐᓇᖁᓪᓗᒍ ᓇᖕᒥᓂᖅ ᐃᓱᒪᒃᓴᖅᓯᐅᑦᑎᐊᕐᓂᒃᑯᑦ, ᐃᓱᒪᑐᓂᒃᑯᑦ, ᐆᒻᒪᕆᒃᓗᓂ, ᐃᓚᐅᖃᑕᐅᕙᒃᓗᓂ ᓇᖕᒥᓂᖅ ᑐᑭᒧᐊᒃᑎᑉᐸᓪᓕᐊᖏᓐᓇᕐᓗᒍ ᐃᓕᑦᑎᕙᓪᓕᐊᓂᖅ, ᑲᑎᖃᑎᖃᕐᓂᖅ ᐃᓄᖕᓂᒃ ᓇᓂᓯᓗᓂᓗ ᖁᕕᐊᓱᖕᓂᕐᒥᒃ, ᑕᒪᕐᒥᒃ ᑐᕌᒐᖃᕐᖢᑎᒃ ᐅᒃᐱᕐᓂᓕᕆᓂᕐᒥᒃ, ᐃᒃᐱᖕᓂᐊᓂᒃᑯᑦ, ᑎᒥᒃᑯᑦ, ᐃᓱᒪᒃᑯᓪᓗ ᓇᓕᒧᒌᒃᑎᑦᑎᓂᕐᒥᒃ.

ᑕᐅᑐᓪᓗᐊᑕᕐᖢᓂ ᓯᕗᓂᒃᓴᒧᑦ ᐊᑐᒃᑲᓐᓂᕈᓐᓇᖅᑐᒥᒃ ᐆᒻᒪᖅᑯᑎᒥᒃ, Hᐋᐳ ᐱᔪᒃᓯᑎᑕᐅᔪᖅ ᑭᖑᓂᑦᑎᓐᓂ. ᐃᓱᒪᔪᖅ ᐊᒃᓱᕈᕐᓇᕐᓂᖓᓂᒃ ᐊᒻᒪ ᑐᓂᒪᓂᖓᓂᒃ ᓯᕗᓕᕕᓂᖏᑕ, ᓯᕗᒻᒧᐊᒃᑎᑦᑎᓪᓗᓂ ᐅᐱᒋᓗᒋᑦ ᐱᓕᕆᑦᑎᐊᕐᓂᒃᑯᑦ ᓄᓇᒥᓂ ᐱᓇᔪᒃᓗᓂᓗ ᐱᔪᒪᔭᖏᓐᓂ.

ᐃᓅᓯᖓᒍᑦ ᖃᐅᔨᓴᖃᑦᑕᖅᑐᖅ ᐊᒻᒪ ᐱᕙᓪᓕᐊᑎᑦᑎᓪᓗᓂ ᐊᑐᒃᑲᓐᓂᕈᓐᓇᖅᑐᓂᑦ ᐆᒻᒪᖅᑯᑎᓂᑦ, ᕼᐋᐸ ᐃᓅᓯᖃᕈᒪᔪᖅ ᖁᕕᐊᓱᑐᐃᓐᓇᖏᓪᓗᓂ ᑭᓯᐊᓂ ᐱᐅᕐᓱᐊᕐᓗᒍ ᖁᕕᐊᓱᓐᓂᐅᔪᖅ ᑭᖑᕚᕆᓂᐊᖅᑕᑎᓐᓄᑦ ᓴᐳᔾᔨᓂᒃᑯᑦ ᓯᓚᕐᔪᐊᒥᑦ.

ᑕᐃᒪᓕ, ᕼᐊᐸ ᑎᓕᐅᕆᕗᖅ ᐃᓄᓐᓂᒃ ᐅᐱᒍᓱᖁᓪᓗᒋᑦ ᓇᑭᙶᖅᓯᒪᓂᕐᒥᓂᒃ, ᐊᒻᒪᓗ ᓇᒻᒥᓂᖅ ᐊᑐᖅᓯᒪᔭᒥᓂᒃ ᐅᖃᐅᓯᖃᖅᑐᓂ. "ᐊᒃᓱᐊᓗᒃ, ᐅᖓᓯᒃᑑᓚᐅᖅᑐᖅ ᖃᐅᔨᓪᓗᓂ ᑭᓱᑦ ᐱᒻᒪᕆᐅᖕᒪᖔᑕ, ᓇᑭᙶᕐᓂᓐᓂ ᐊᒻᒪ ᐊᖏᕐᕋᓐᓂ ᖃᑕᙳᑎᒃᑲᓗ ᐅᕙᓐᓂᒃ ᓇᒃᓴᓚᐅᖅᑐᑦ ᓯᕗᓪᓕᕐᒥ."

ᔭᐃᒥᓯ ᕼᐋᐸᐅᑉ ᐱᓕᕆᐊᖓ ᐱᓕᕆᐊᖃᖅᐳᖅ ᐊᓯᔾᔨᒋᐊᒐᒃᓴᐅᔪᒥᒃ ᐆᒻᒪᖅᑯᑎᒥᒃ ᖃᐅᔨᓴᖅᑐᓕᕆᓂᕐᒧᑦ ᑭᓯᐊᓂ ᖃᐅᔨᓇᓱᒃᖢᓂ ᐊᒻᒪ ᑲᑎᖃᑎᖃᖅᖢᓂ ᑲᓇᑕᓕᒫᒥ, ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᒥᒃ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓄᑦ. ᖁᕕᐊᒋᔭᖃᕐᓂᖅ ᐅᔾᔨᕈᓱᓐᓂᕐᓗ ᑕᒪᒃᑯᓇᙶᖅᑐᑦ ᐱᓕᕆᖃᑎᒌᓐᓂᕐᓂᑦ ᐱᔪᓐᓇᕐᓂᖃᖅᑎᑦᓯᑲᓐᓂᖅᑐᖅ ᓂᕆᐅᒋᔭᖃᕐᓂᕐᒥᑦ ᓯᕗᓂᑦᓴᕐᒥᑦ ᓄᓇᖃᖅᑳᖅᓯᒪᔪᓄᓪᓗ ᐃᓄᓐᓄᑦ ᓇᒥᑐᐃᓐᓇᖅ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᒪᑦ ᑕᒪᑐᒥᖓ.