"ᓴᓇᙳᐊᕐᓂᖅ ᐃᓚᓐᓃᖏᓐᓇᐅᔭᖅᑐᖅ, ᓄᓇᕐᔪᐊᒥ. ᐱᕈᖅᓴᓚᐅᖅᑐᖓ ᓴᓇᑐᓂᕐᒥᒃ ᓯᕗᓂᒃᓴᕋ ᐋᖅᑭᓚᐅᖅᑐᖅ," ᔨᐅᕆᒥ ᐋᒻᐳᔅ ᐅᓂᒃᑳᖅᑐᖅ. Kwakwa−ᒥᙶᖅᖢᓂ ̱ka.−ᒥᙶᖅᖢᓂ; ᖃᑕᙳᑎᖏᑦ ᓄᓇᓕᕋᓛᕐᒥᐅᑕᑦ. ᐱᕈᖅᓴᓚᐅᖅᑐᖅ ᐊᓘᑦ ᐸᐃᒥ, ᐱᕈᖅᓴᓪᓗᓂ ᐊᖓᔪᖅᑳᓂᑦ ᓴᓇᙳᐊᖅᑎᓂᑦ. ᐊᑖᑕᖓ ᓴᓇᙳᐊᖅᑎᐅᓚᐅᖅᐳᖅ ᐊᓈᓇᖓᓗ ᓄᓇᖃᖅᑳᖅᓯᒪᔪᓄᑦ ᓴᓇᙳᐊᖅᑎᐅᓪᓗᓂ ᐃᓕᑕᕆᔭᐅᔾᔪᑎᑖᓚᐅᖅᑐᖅ ᓴᓇᙳᐊᕐᓂᕐᒧᑦ ᓯᓚᑦᑐᖅᓴᕐᕕᒡᔪᐊᕐᒥ ᕕᒃᑑᕆᐊᒥ. 

ᐋᒻᐳᔅ ᓂᔾᔭᐅᓯᔭᓚᐅᖅᑐᖅ ᒪᒃᑯᒃᑐᓂ, ᑲᒨᓴᓐ ᓯᓚᑦᑐᖅᓴᕐᕕᖕᒧᐊᖅᖢᓂ 20-ᖏᓐᓂ ᐊᒻᒪᓗ ᐊᑐᖅᖢᓂ ᑐᓴᒐᒃᓴᓕᕆᓂᕐᒧᑦ ᐃᓕᓐᓂᐊᒐᒃᓴᒥᑦ. ᐃᓕᓐᓂᐊᓚᐅᖅᑐᖅ ᐅᖃᓕᒫᒐᓕᐅᕐᓂᕐᒥᑦ, ᑕᕐᕆᔮᒃᓴᓂᑦ, ᐊᔾᔨᓕᐅᕆᓂᕐᒥᑦ, ᓈᓚᐅᑎᒃᑯᑦ ᐊᒻᒪ ᑎᑎᖅᑐᒐᐅᔭᕐᓂᕐᒥᑦ. ᑲᔪᓯᓚᐅᖅᑐᖅ Pacific Design Academy-ᒥ, ᑐᕌᒐᖃᖅᖢᓂ ᑎᑎᕋᐅᔭᖅᓯᒪᔪᓂᒃ. ᐃᓕᑦᑎᓚᐅᖅᑐᖅ ᐱᔭᕆᐊᖃᖅᑐᓂᒃ Adobe Suite, Affinity Designer ᐊᒻᒪ ᐊᓯᖏᑦ ᑐᓴᒐᒃᓴᓕᕆᓂᕐᒧᑦ ᐋᖅᑭᒃᓯᒪᓂᒃᓴᖏᓐᓂᒃ. 

ᓴᓇᙳᐊᖅᑕᒥᓂᒃ ᐋᖅᑭᒋᐊᖅᓯᑎᓪᓗᒍ, ᓴᓇᙳᐊᖃᑦᑕᓚᐅᖅᐳᖅ, ᑎᑎᕋᐅᔭᖅᖢᓂ ᐃᓕᓴᐃᔾᔪᑎᒋᓚᐅᖅᑕᒥᓂᒃ ᐱᕈᖅᐸᓪᓕᐊᓪᓗᓂ. ᑕᐃᒫᒃ ᖁᕕᐊᒋᔭᖃᖅᑎᓪᓗᒍ, ᑭᓇᐅᓂᕐᒥᓂᒃ ᓇᓗᓇᐃᒃᑯᑕᓕᐅᓲᖑᒻᒥᔪᖅ, ᑎᑎᖅᑐᒐᐅᔭᖅᓯᒪᓪᓗᓂ ᐊᒻᒪ ᑎᑎᖅᑐᒐᐅᔭᖅᑐᓂ. ᐃᓱᒪᖅᓱᖅᑐᖅ ᑲᒻᐸᓂᒧᑦ ᑕᐃᔭᐅᔪᒥᒃ ᐃᓗᒥᓇᖅᑐᒥᒃ ᓴᓇᑎᓪᓗᒍ ᓇᒻᒥᓂᖅ ᓂᐅᕕᖅᕕᖁᑎᒥᓂᒃ ᐊᒻᒪᓗ ᓴᓇᓪᓗᓂ ᓴᓇᒻᒪᐅᓯᖓᓂᒃ ᓴᓂᕌᒍᑦ. ᐋᒻᐳᕐᔅ ᓂᕈᐊᓕᕌᖓᑦ ᐱᓕᕆᐊᒃᓴᓂᑦ, ᐱᓕᕆᖔᕈᒪᓲᖅ ᐅᒃᐱᕈᓱᖕᓂᖕᒥᓂᒃ ᐃᓄᖕᓂᑦ ᐃᓅᖃᑎᒥᓂᒡᓗ. 

ᑕᒃ ᑯᕌᓐᒧ, ᐊᖓᔪᖅᑳᖏᑦ ᐱᖃᓐᓇᕆᔭᖏᓪᓗ ᓴᓇᙳᐊᖅᑎᐅᔪᑦ. ᖁᕕᐊᒋᔭᖃᖅᑐᖅ ᐱᐅᓯᕆᔭᐅᕙᓚᐅᖅᑐᓂᑦ ᓴᓇᒻᒪᖏᓐᓂᑦ ᐊᒻᒪᓗ ᖃᓗᕋᕐᓂᕐᒥᑦ ᐱᓕᕆᐊᕆᔭᐅᖃᑦᑕᖅᓯᒪᔪᓂᑦ ᐅᐊᑦᑎᐊᕈᕐᓂᓴᕐᓂᑦ ᓴᓇᓯᒪᔪᓕᐅᖅᑎᓂᑦ. "ᐃᒪᓐᓇ ᐅᖃᖅᓯᒪᖕᒪᑦ 'ᐊᓂᒍᐃᔪᑦ 'ᐊᓂᒍᐃᔪᑦ'. ᑕᑯᒍᕕᒋᑦ ᑭᖑᓂᑦᑎᓐᓂ ᐃᓄᐃᑦ ᐱᓕᕆᓯᒪᔪᑦ ᓯᕗᓂᐊᒍᑦ, ᓇᓂᓯᔪᓐᓇᖅᑐᑎᑦ ᖃᐅᔨᒪᓂᕐᓂ," ᐅᖃᑦᑎᐊᓲᖅ. 

ᖃᑕᙳᑎᖏᑦ ᒪᓕᒃᖢᒋᑦ, ᓴᓇᙳᐊᖅᑕᐅᕙᒃᑐᓄᑦ ᓅᑉᐸᒃᑐᑦ ᓂᕈᐊᕆᔭᐅᑦᑎᐊᓚᐅᖅᑐᖅ. "ᐃᓱᒪᒋᔭᕋᓕ ᓈᒻᒪᖕᓂᖅᓴᐅᓇᓱᒋᓪᓗᒍ ᐊᔪᕐᓇᙱᓐᓂᖅᓴᐅᓪᓗᓂ. ᑕᐃᒫᒃ ᐅᖃᑦᑎᐊᕈᓐᓇᓂᖅᓴᐅᒐᔭᖅᐸᓪᓚᐃᔪᑦ. ᐊᑖᑕᒐ ᑕᒡ ᑯᕋᓐᒧ, ᐊᑖᑕᓐᓂᒃ ᐃᓕᓐᓂᐊᖅᑎᑦᑎᓚᐅᖅᑐᖅ ᐊᒻᒪᓗ ᐊᓈᓇᓐᓂᒃ. ᐱᕈᖅᐸᓪᓕᐊᑎᓪᓗᖓ ᐊᓘᑦ ᐸᐃᒥ, ᐊᕙᓗᔭᐅᑐᐃᓐᓇᓚᐅᖅᓯᒪᒐᒪ ᑕᐃᒪᐃᑦᑐᒧᑦ. ᖃᐅᔨᒪᐃᓐᓇᐅᔭᓚᐅᖅᑕᕋ ᖃᐅᔨᒪᓪᓗᒍᓗ," ᓇᓗᓇᐃᖅᓯᓪᓗᓂ. ᐋᒻᐳᔅ ᐱᕈᓚᐅᖅᐳᖅ ᐱᖓᓱᓂᒃ ᓇᔭᖃᖅᖢᑎᒃ ᐊᒻᒪ ᐊᓂᖃᖅᖢᑎᒃ ᐊᓂᒍᐃᓪᓗᑎᒡᓗ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᕕᒃᑑᕆᐊᒥ.

ᐃᓱᒪᓂᖅ ᒪᒃᑯᒃᑐᓂᑦ ᓄᓇᒥᓂᒃ ᕿᒪᐃᔪᒪᓂᕐᒥᒃ ᐃᖅᑲᓇᐃᔭᕆᐊᕐᓗᑎᒃ ᐃᓕᓐᓂᐊᕐᕕᖕᒧᓪᓗ, Ambers−ᑯᑦ ᐅᖃᐅᔾᔪᖅᑐᐃᕙᒃᐳᑦ ᖃᐅᔨᔪᓐᓇᖅᖢᑎᒡᓗ. "ᐊᒃᓱᕈᕐᓇᕐᒪᑦ ᐱᓕᕆᐊᕆᔭᕆᐊᒃᓴᖅ. ᒪᑐᐃᙶᕐᓗᑎᑦ ᐃᓕᑦᑎᕙᓪᓕᐊᓂᕐᒧᑦ. ᐃᓕᑦᑎᔪᓐᓇᕐᓂᓕᒫᕐᓂᒃ ᐃᓕᑦᑎᓗᑎᑦ ᓇᑭᙶᕈᓘᔭᖅᑐᓂᒃ ᐃᓄᖕᓂᒃ ᐊᔪᙱᓐᓂᓕᒫᕐᓂᒃ. ᒪᑐᐃᙶᕐᓂᖅ ᐱᓕᕆᖃᑎᒌᖕᓂᕐᒧᑦ. ᐅᐸᒃᓯᒪᑐᐃᓐᓇᕐᖢᓂ," ᐃᓅᓯᓕᕆᔨ. 

ᑕᒪᒃᑯᐊ ᐊᐅᓚᓂᖃᑦᑎᐊᖁᓪᓗᒋᑦ ᐃᓱᒪᖅᓱᖅᑐᓂ, ᐅᓪᓘᑉ ᐃᓚᐃᓐᓇᖓᓂ ᐃᖅᑲᓇᐃᔭᖃᑦᑕᕐᒪᑦ ᐃᑲᔪᕋᓱᐊᖅᑐᓂ ᐊᐅᓚᑦᑎᓇᓱᐊᖅᑐᓂ ᐱᔪᓐᓇᖏᓐᓂᕐᒥᑦ. "ᐃᓛᓐᓂᒃᑯᑦ ᐅᓄᙱᓗᐊᖃᑦᑕᕐᒪᑕ ᐃᓯᖅᑐᑦ ᐊᒥᓲᙱᖦᖢᑎᒃ," ᐋᒻᐳᔅ ᓇᓗᓇᐃᖅᐳᖅ. ᐅᐱᒍᓱᓗᐊᙱᑦᑐᖅ ᐃᖅᑲᓇᐃᔭᕆᐊᒃᓴᖅ ᓂᕿᓕᐅᕐᕕᖕᒥ ᐊᓯᖏᓐᓂᒃᓘᓐᓃᑦ ᐃᖅᑲᓇᐃᔮᓂᒃ ᓇᖕᒥᓂᖅ ᒪᑭᑕᐃᓐᓇᕋᓱᒃᓗᓂ.  "ᖁᕝᕙᓯᒃᑐᒃᑰᖅᓯᒪᕗᖓ ᐊᑦᑎᖕᓂᒃᑯᓪᓗ. ᐃᓕᑦᑎᓯᒪᕐᔪᐊᖅᑐᖓ, ᑲᔪᓯᙱᖦᖢᖓ. ᑲᔪᓯᓂᖃᑦᑎᐊᖅᓯᒪᕗᖓ. ᑲᔪᓰᓐᓇᕆᐊᖃᖅᑐᑎᑦ, ᑕᐃᒪᐃᓕᐅᕋᓱᖃᑦᑕᖅᑐᖓ, ᑭᓯᐊᓂ," ᑲᔪᓯᓪᓗᓂ. 

ᑭᓱᑐᐃᓐᓇᑦ ᓈᒻᒪᖏᑦᑑᔪᓐᓇᕋᓗᐊᖅᑎᓪᓗᒋᑦ, ᓂᕆᐅᖕᓂᖃᑦᑎᐊᖅᐳᖅ. "ᑖᓐᓇ ᐱᐅᓛᖑᓇᓱᒋᔭᕋ ᓄᓇᖃᖅᑳᖅᓯᒪᔪᑦ ᐱᓕᕆᔨᒻᒪᕆᐅᓗᑎᒃ ᐊᒻᒪ ᐱᓕᕆᑎᓪᓗᒋᑦ. ᒪᒃᑯᓐᓂᖅᓴᐅᑎᓪᓗᖓ, ᐱᕕᒃᓴᖃᓗᐊᓚᐅᙱᓐᓇᒪ ᐅᓪᓗᒥᓗ, ᐱᐅᓯᕚᓪᓕᖅᐸᓪᓕᐊᖅᑰᔨᓕᖕᒪᑕ," Ambers asserts, ᓇᓗᓇᐃᖅᓯᓪᓗᑎᒃ ᖃᓄᖅ ᐊᔪᕐᓇᙱᓐᓂᖅᓴᒃᑯᑦ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᑦ ᐊᑎᓯ ᑕᖅᑲᐅᖓᖅᑕᐅᔪᓐᓇᕐᒪᖔᑕ ᖃᓄᕐᓗ ᐱᔪᒪᖕᒪᖔᑕ ᓴᓇᐅᒐᕐᓂᒃ ᐊᒻᒪ ᐅᓂᒃᑳᖅᑐᐊᓂᒃ ᓄᓇᖃᖅᑳᖅᓯᒪᔪᑦ ᐃᓄᖁᑎᖏᓐᓂᒃ. 

ᐃᓱᒪᖅᓱᖅᖢᓂ, ᐋᒻᐳᔅ ᐋᖅᑭᒃᓯᒪᐃᓐᓇᖅᑎᑦᑎᓲᖅ ᑎᑎᕋᕐᕕᒃᓴᒥᒃ ᐃᖃᐃᓕᓴᕐᖢᓂᓗ ᐊᔪᙱᓐᓂᓕᒫᖓᒍᑦ. ᖁᕕᐊᒋᔭᖃᖅᑐᖅ ᐅᖃᓕᒫᕐᓂᕐᒥᑦ, ᐊᓐᓄᕌᓂᑦ ᐊᒻᒪ ᓯᓚᒦᒋᐊᔅᓴᖅ. ᑐᓴᕐᓂᕈᓱᒃᑐᖅ ᑐᓴᕐᓈᕐᓂᕐᒥᒃ, ᑲᑎᖅᓱᐃᓂᕐᒥᒃ ᑎᑎᖅᑲᓂᒃ, ᐃᓕᓐᓂᐊᖅᖢᓂ ᐋᖅᑭᒃᓯᒪᓂᕐᒥᒃ ᐊᒻᒪ ᑕᕐᕆᔭᖅᑐᓂᒃ ᑲᑎᖅᓱᐃᕙᒃᖢᓂ.  ᖁᕕᐊᒋᔭᖃᖅᑐᖅ ᓇᒻᒥᓂᖅ ᐃᓂᖃᕆᐊᖓᓂᑦ ᐆᒻᒪᑎᑦᓯᑲᓐᓂᕐᓂᕐᒥᑦ ᐱᕕᖃᖅᑎᑦᓯᓂᕐᒥᓪᓗ ᐃᓄᓐᓂᑦ. 

"ᐅᒃᐱᕈᓱᙱᓐᓇᒪ ᑭᓱᒥᑭᐊᖅ ᐱᓕᕆᓂᐊᕐᓗᓂ. ᐃᓕᑦᑎᒃᑲᓐᓂᕈᓐᓇᖅᑰᔨᔪᖓ."

ᐅᖃᐅᔾᔪᐃᓂᖓ ᐃᓄᖕᓄᑦ ᐃᓱᒪᒋᔭᖃᖅᑐᓄᑦ ᐃᖅᑲᓇᐃᔮᖃᕐᓂᕐᒥᒃ ᐋᖅᑭᒃᓱᐃᓂᐊᕐᓗᓂ ᖃᐅᔨᓴᖅᓯᔪᒪᓂᐅᕗᖅ ᓇᓂᓯᔪᒪᓂᐅᕗᖅ ᐊᔪᕈᓐᓃᖅᓴᒐᒃᓴᒥᒃ ᐊᑐᖅᑕᐅᒃᑲᓐᓂᕈᓐᓇᖅᑐᒥᒃ. "ᐃᓕᑉᐸᓪᓕᐊᓗᒋᑦ ᐱᓪᓗᐊᑕᐃᑦ. ᑕᒪᓐᓇ ᐅᖓᓯᑦᑐᒻᒪᕆᒻᒥᑦ ᑎᑎᕋᐅᔭᖅᓯᒪᑎᑦᑎᓂᐊᖅᐳᖅ, ᐱᓗᐊᖅᑐᒥ ᐃᓕᓐᓂᐊᕐᓗᓂ ᓇᕿᑦᑕᑲᒻᒪᔅᓯᒪᓂᖏᓐᓂᑦ, ᓴᓇᒻᒪᐅᓯᖏᓐᓂᑦ, ᐊᒥᐊᖏᓐᓂᑦ, ᑕᒪᒃᑯᓂᖓᓕᒫᖅ. ᐅᖃᕈᕕᑦ ᖃᓄᐃᓕᐅᕈᓐᓇᕈᕕᑦ ᓴᓇᒪᓂᖓᑕ ᐃᓗᐊᓂ," ᐅᖃᑦᑎᐊᓲᖅ. "ᓴᓇᙳᐊᕐᓂᖅ ᒪᓕᒡᓗᒍ, ᓴᓇᙳᐊᕈᓘᔭᑐᐃᓐᓇᕐᓗᑎᑦ ᐊᒻᒪ ᑕᐃᒪᐃᓕᐅᖏᓐᓇᕐᓗᑎᑦ. ᑕᐃᒪᓐᓇ ᐅᖃᕈᓐᓇᑐᐃᓐᓇᖅᑐᖓ, ᐄ, ᑕᒪᓐᓇ ᐊᑐᖅᑕᐅᑐᐃᓐᓇᖅᑐᖅ. ᐃᒃᐱᒍᓱᒃᑲᓗᐊᕈᕕᑦ ᖃᓄᑐᐃᓐᓇᖅ ᓯᕗᒻᒧᐊᒃᐸᓪᓕᐊᓇᓱᒋᙱᒃᑲᓗᐊᕈᕕᑦ ᑭᓱᑐᐃᓐᓇᒥᒡᓘᓐᓃᑦ, ᖃᐃᓂᐊᖅᑐᖅ," ᐅᖃᖅᐳᖅ, ᐅᖃᖅᖢᓂ ᐊᕕᒃᑐᐃᓗᓂ ᐃᓕᑕᕐᓂᑦ, ᓇᓂᓯᓕᕈᓐᓇᖅᑐᑎᑦ ᐅᔪᕈᖕᓂᑦ. 

ᓴᓇᐅᒐᐃᑦ ᐃᓚᒥᓃᖏᓐᓇᐅᔭᖅᑐᑦ ᓄᓇᕐᔪᐊᒥᓗ. ᔨᐅᕆᒥ ᐋᒻᐳᔅ ᐱᕈᖅᓴᓚᐅᖅᐳᖅ ᓴᓇᑐᔪᒻᒪᕆᐅᓪᓗᓂ ᓯᕗᓂᒃᓴᓕᐅᓚᐅᖅᑐᓂᓗ. ᓴᓇᙳᐊᖅᑎᐅᓪᓗᓂ ᐱᔪᒃᓯᑎᑕᐅᓪᓗᓂ ᐊᔪᙱᑦᑐᓄᑦ ᐃᓄᖕᓄᑦ ᓄᓇᕐᔪᐊᕐᒥ, ᐃᒻᒥᓂᒃ ᓴᓇᔪᖅ ᑎᑎᕋᐅᔭᖅᓯᒪᓂᒃᑯᑦ (ᑎᑎᕋᐅᔭᖅᓯᒪᑦᑎᐊᖅᖢᓂᓗ,) ᑕᑯᓐᓇᖃᑦᑕᖅᑐᖅ ᑲᔪᓯᑦᑎᐊᖅᑐᓂᑦ ᐊᒻᒪ ᐃᓕᓐᓂᐊᖅᑐᓂ ᐱᓕᕆᔨᒻᒪᕆᓐᓂᑦ ᖃᐃᔪᓂᑦ ᓇᒻᒥᓂᖅ ᓯᕗᒧᑦ ᐃᖏᕐᕋᓇᓱᐊᖅᑐᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.