"ᑕᐃᒪᓕ ᐱᓕᕆᑐᐃᓐᓇᖅᑐᖓ ᓲᖃᐃᒻᒪ ᑕᐅᑐᙳᐊᕋᒪ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖓᑦ ᓇᒃᓴᕐᓗᒍ ᓄᓇᕐᔪᐊᓕᒫᒧᑦ ᐊᑐᖅᑐᓄᑦ," ᔨᐅᓪ ᓴᓚ ᐊᒥᖅᑳᖃᑎᖃᖅᑐᖅ, ᐅᖃᓪᓚᒃᖢᓂ ᐱᔪᒃᓯᑎᑦᑎᓂᕐᒥ ᐃᖅᑲᓇᐃᔮᖓᓂ ᐊᓐᓄᕌᓕᐅᖅᑎᐅᓗᓂ. ᓴᑕ ᔪᓃᔅ ᒐᕙᒪᒦᙶᖅᑐᖅ ᓄᓇᖃᖅᖢᓂᓗ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ Westbank First Nation−ᑯᓐᓂ. ᑖᓐᓇ ᕿᑎᐊᓃᑦᑐᖅ ᕿᑐᕐᖓᕆᔭᐅᔪᖅ 6-ᓂᑦ ᖃᑕᙳᑎᓂᑦ ᐊᒻᒪᓗ ᕿᑐᕐᖓᖏᑦ ᐱᔪᒃᓯᑎᖦᖢᓂᒋᑦ ᐱᓕᕆᐊᕆᔭᒥᓂᒃ ᑎᑎᕋᐅᔭᖅᑎᐅᓪᓗᓂ. 

ᓯᐊᑲ ᐱᕈᖅᓴᓚᐅᖅᑐᖅ ᐃᒡᓕᓂᕐᒦᑦᑐᓂ, ᖃᐅᔨᒪᓪᓗᓂ ᖁᕕᐊᓱᖕᓂᖓᓂᒃ ᐅᐱᒍᓱᖕᓂᕐᒥᒃ ᑭᓇᐅᓂᕐᒥᓂᒃ, ᒧᒥᕐᓂᕐᒥᒃ ᐊᒻᒪ ᖃᐅᔨᒪᓕᕐᓂᕐᒥᒃ ᐃᓄᖕᓂᒃ ᐃᓚᒋᔭᐅᓪᓗᓂ ᖁᕕᐊᓲᑎᖃᕐᓂᕐᒧᑦ ᐃᓕᖅᑯᓯᒥᒃ. ᐃᕐᓂᖓ ᓄᑖᒥᒃ ᐱᔭᕆᐊᖃᓕᓚᐅᖅᑐᖅ ᐱᕈᖅᓴᑎᓪᓗᒍ ᒥᑭᑦᑐᑯᓗᖕᒥᑦ ᐊᓐᓄᕋᔮᓂᑦ ᐊᓱᐃᓛᒃ ᐋᖅᑭᒃᓯᓪᓗᓂ ᓄᑲᖅᖡᑦ ᓄᑲᑉᐱᐊᑦ ᒧᒥᖅᑎᖦᖢᓂᔾᔪᒃ, ᒥᖅᓱᖅᑕᐅᓪᓗᓂ ᐊᒡᒐᒧᑦ ᐃᖅᑲᐅᒪᔭᐅᓪᓗᓂᓗ ᐊᓗᒐᕐᓄᑦ. ᑕᒪᓐᓇ ᓯᕗᓪᓕᖅᐹᖑᓚᐅᖅᐳᖅ ᐊᒥᓱᓄᑦ ᓄᑖᑦᑎᐊᒻᒪᕆᐊᓗᒻᒧᑦ ᐃᓅᓯᕐᒧᑦ. 

ᐊᓈᓇᐅᓪᓗᓂ ᑎᓴᒪᓄᑦ, ᐅᓪᓗᑯᑖᖑᖕᒪᑦ, ᐃᖅᑲᓇᐃᔭᖅᖢᓂ ᐃᓚᒥᓂᒡᓗ ᑲᒪᒋᔭᒃᓴᖃᖅᖢᓂ. ᑲᑎᖅᓱᐃᕙᒃᐳᖅ, ᐊᖑᓇᓱᒃᐸᒃᖢᓂ ᐃᖃᓗᒐᓱᒃᐸᒃᖢᓂᓗ ᐅᐃᒥᓂᒃ ᕿᒥᕐᕈᕙᒃᖢᓂᓗ ᐃᓕᖅᑯᓯᑐᖃᕐᒥᓂᒃ. ᑕᐃᒪᓐᓇ ᐅᖃᓚᐅᖅᓯᒪᒻᒪᑦ, ᐅᐃᖓ ᒥᖅᓲᑎᒥᒃ ᒥᖅᓲᑎᒥᒃ ᐱᔭᕆᐊᑭᓐᓂᖅᓴᐅᒐᔭᕐᖓᑦ. ᖃᐅᔨᒪᓚᐅᓐᖏᓚᖅ ᖃᓄᖅ ᐊᑐᕆᐊᔅᓴᖅ ᐊᒻᒪᓗ ᑕᑯᑎᑦᑐᓂᐅᒃ. ᐊᓐᓄᕋᔾᔨᐅᒃᑲᓐᓂᓚᐅᖅᑐᖅ ᐊᒻᒪᓗ ᐃᖅᑲᓇᐃᔭᖅᑎᓪᓗᒍ ᑭᓘᓇ ᐱᖃᓐᓇᕆᔭᖃᕐᕕᖓᓂ, ᐊᓐᓄᕋᔾᔨᐅᕈᒪᑦᑎᐊᓚᐅᖅᑐᖅ. 

ᐅᖃᖃᑎᖃᓚᐅᖅᑐᖅ ᓂᕿᓕᐅᖅᑎᒥᑦ ᑕᐃᑲᓂ, ᐅᓪᓗᕆᐊᕐᒥᑦ ᕚᓐᑰᕗᒧᑦ ᓅᓐᓂᐊᕐᓂᕋᖅᖢᓂ ᐱᔪᒪᔭᒥᓂᒃ. ᒪᓕᒐᓕᐅᖅᑎᐅᖃᑎᖓ ᐅᖃᓚᐅᖅᓯᒪᔪᖅ ᖃᐅᔨᒋᐊᖁᔨᓪᓗᓂ ᓄᓇᓕᓐᓂ ᐱᓕᕆᐊᖑᔪᒥᒃ ᐊᒻᒪᓗ ᐳᓚᕋᓚᐅᖅᓱᓂ, ᐊᒃᓱᐊᓗᒃ ᐅᐸᒍᒪᓚᐅᖅᑐᖅ, ᑭᓯᐊᓂᓕ ᐃᓱᒫᓗᒃᑐᖅ ᕿᓚᒥᕈᓗᒃ ᖃᐅᔨᒃᑲᖅᑕᐅᓂᐊᕆᐊᒃᓴᖅ ᑎᑕᒃᑎᒧᑦ ᐃᑲᔪᖅᑕᐅᔭᕆᐊᒃᓴᖅ. ᑎᑭᑉᐸᓪᓕᐊᓕᓚᐅᖅᑐᖅ ᐊᒻᒪᓗ ᒫᓐᓇ ᐊᓐᓄᕌᓂᒃ ᓴᓇᖑᐊᖅᑎᐅᓕᖅᑐᖅ. 

"ᓴᖅᑭᑦᑎᑐᐃᓐᓇᓲᖑᔪᖓ ᐅᕙᓐᓄᑦ ᓲᖃᐃᒻᒪ ᐱᐅᒋᒐᒃᑭᑦ ᓴᖅᑭᖃᑦᑕᖅᑕᒃᑲ." 

"ᐱᐅᒋᓂᖅᐹᕋᓕ ᐃᓅᓯᓐᓄᑦ ᓇᒃᓴᕈᓐᓇᕋᒃᑯ," ᓇᓗᓇᐃᖅᓯᖕᒪᑦ ᖃᓄᖅ ᑲᑎᖅᓱᐃᓲᖑᖕᒪᖔᑦ ᖃᓪᓗᓈᖅᑕᓂᒃ ᐊᒻᒪ ᑲᖐᒋᔭᐅᔪᓂᒃ, ᖃᐅᔨᒪᙱᖦᖢᓂ ᑭᓱᓂᒃ ᓴᖅᑭᑦᑎᓂᐊᕐᒪᖔᑦ ᑭᓯᐊᓂ ᖃᓪᓗᓈᖅᑕᓂᒃ ᓇᑲᑎᕆᓕᖅᐸᑦ ᑕᐅᑐᖅᑰᖅᑕᖏᓪᓗ ᑲᑎᑉᐸᓪᓕᐊᓕᖅᑎᓪᓗᒋᑦ. ᐊᒥᓱᑦ ᓴᓇᓯᒪᔪᓕᐅᖅᑏᑦ ᑎᑎᕋᐅᔭᓲᑦ ᓯᕗᓂᑲᓪᓚᖓᒍᑦ ᑭᓯᐊᓂ ᓯᐊᑦᓴ ᓈᒻᒪᖕᓂᖅᓴᒥᑦ ᐊᑐᓲᑦ. ᑭᓱᓕᒫᑦ ᓴᓇᖃᑦᑕᖅᑕᖏᑦ ᐊᑕᐅᓯᐅᓪᓗᓂ, ᐱᔪᓐᓇᕐᓂᖃᙱᖦᖢᓂ ᓴᓇᔭᕆᐊᒃᓴᖅ ᐊᖏᓂᖓᓂᒃ. 

ᐃᓱᒪᓕᕌᖓᑦ ᐱᐅᒋᓛᒥᓂᒃ ᓴᓇᓯᒪᔭᖓᓂᒃ, ᓯᐊ ᓂᕈᐊᕈᓐᓇᙱᑦᑐᖅ. "ᑕᒪᕐᒥᑦᑎᐊᖅ ᐱᐅᒋᓛᕆᖅᑰᖅᑕᒃᑲ ᐅᓂᒃᑳᖅᑐᐃᓐᓇᐅᖕᒪᑕ. ᐃᓚᓕᐅᔾᔨᔪᒪᖅᑲᐅᒐᒪ ᐅᓂᒃᑳᑦᑎᓐᓂ ᓲᕐᓗ ᐊᕐᓇᐃᑦ ᐅᕕᓂᕈᖏᓐᓄᑦ, ᑐᓕᒫᙳᐊᖏᓐᓄᑦ, ᐅᓂᒃᑳᖅᑐᐊᕗᑦ ᐆᒪᑏᓐᓇᕐᓂᐊᕋᑦᑎᒍᑦ ᐊᒻᒪ ᐃᓕᖅᑯᓯᑦᑎᓐᓂ. ᑭᓱᓕᒫᑦ ᓴᓇᔭᒃᑲ ᐱᐅᒋᓛᕆᒐᒃᑭᑦ ᓲᖃᐃᒻᒪ ᐅᕙᖓ ᑕᐅᑐᙳᐊᖅᑕᖏᓐᓃᙶᖅᑐᐃᓐᓇᐅᖕᒪᑕ," ᖁᖓᖦᖢᓂ. 

ᐅᖃᐅᔾᔨᔪᖅ ᐃᓄᓐᓂᒃ ᐊᐱᕆᖃᑦᑕᖅᑐᓂᒃ ᖃᓄᐃᓕᐅᖃᑦᑕᕐᒪᖔᖅ ᓄᓇᕐᔪᐊᕐᒥ ᓄᓇᖃᖅᑳᖅᓯᒪᔪᑦ ᑎᑎᖅᑐᒐᖅᑎᖓᑦ ᑕᑯᑦᓴᐅᑎᑕᐅᒻᒪᑦ ᓄᓇᕐᔪᐊᕐᒥ ᐊᓐᓄᕌᓄᑦ ᐊᑭᑐᔫᑎᓄᑦ, ᕚᓐᑰᕙᒥ, LA, ᓂᐅ ᔪᐊᒃ, ᐱᐅᕆᔅ, ᐊᒻᒪᓗ ᒫᓐᓇᕋᑖᖅ ᓚᓐᑕᓐ, ᐃᖕᓚᓐ. ᓇᓂᓯᓪᓗᓂ ᐃᑲᔪᖅᓱᐃᓂᕐᒥᑦ ᐃᖅᑲᓇᐃᔮᖓᓄᑦ ᑕᐃᑰᓇ ᓯᕗᓪᓕᑦ ᐃᓄᐃᑦ ᐃᓕᖅᑯᓯᓕᕆᓂᕐᒧᑦ ᑲᑎᒪᔨᖏᑦ ᑮᓇᐅᔭᖃᖅᑎᑦᑎᓗᑎᒃ ᑖᒃᑯᓂᖓ ᐱᓯᓂᓯᓂᑦ, ᐃᓚᐅᓪᓗᓂ ᑮᓇᐅᔭᓕᐅᕋᓱᐊᕐᓂᖅ, ᑮᓇᐅᔭᒃᑯᑦ ᐃᑲᔪᕐᓂᖅ, ᐊᒻᒪ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᓄᑦ ᑐᒃᓯᕋᖅᑕᑦ ᓇᖕᒥᓂᖅ ᐱᓗᑎᒃ ᑖᒃᑯᓂᖓ ᓄᓇᕐᔪᐊᒥ ᐊᑐᖅᑐᓂᑦ.  

ᐊᐅᓪᓚᖃᑦᑕᖅᓯᒪᓂᖓ ᖁᕕᐊᓇᖅᑐᒻᒪᕆᐅᓯᒪᕗᖅ ᑭᓯᐊᓂ ᐃᓱᒪᑐᔫᓪᓗᓂ ᓄᓇᓕᖅᐸᐅᔭᓂᑦ ᓲᕐᓗ ᐱᐅᕆᔅᒥ ᐊᒻᒪ ᐊᕐᓇᐅᓪᓗᓂ. ᐃᔨᒋᖃᑦᑕᖅᑕᖓ ᓂᕆᑎᓪᓗᒍ ᐃᓄᒋᐊᒃᑐᒃᑯᕕᖕᓂ ᑭᓯᐊᓂ ᐅᐱᒋᔭᖃᑦᑎᐊᖅᑐᖅ ᑕᐃᔅᓱᒪᓂ. "ᐅᕙᖓᐅᔪᖓ ᐅᐱᒍᓱᑦᑎᐊᖅᐳᖓᓗ," ᕿᒃᓵᒃᑐᖅ. 

ᐱᔭᕇᓚᐅᖏᓐᓂᖓᓄᑦ ᐃᓕᓐᓂᐊᕐᕕᐊᓗᒻᒥᑦ ᓄᖅᑲᓚᐅᓐᖏᓚᖅ ᐱᔪᒪᔭᖏᓐᓂᑦ ᐱᔭᕇᖅᓯᒐᓱᐊᖅᑐᓂ. ᑎᓕᐅᕆᔪᖅ ᕿᑐᕐᖓᒥᓂᒃ ᐱᓇᓱᐊᖁᓪᓗᒋᑦ ᐃᓕᓐᓂᐊᕐᓂᖏᓐᓂᒃ ᐊᒻᒪᓗ ᓇᓂᓯᓪᓗᓂ ᐊᓐᓄᕋᔾᔨᐅᕐᓂᕐᒧᑦ ᑎᑎᕋᐅᔭᕐᓂᕐᒧᑦ ᐊᒻᒪᓗ ᒥᕐᓱᐃᓂᕐᒧᑦ ᐃᓕᓐᓂᐊᕐᕕᒻᒥ ᐊᒃᓱᕈᕈᑎᐅᔪᓂᒃ. ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓱᒪᔪᓄᑦ ᐊᓐᓄᕌᖅᑐᕐᓂᕐᒥᒃ, "ᐃᓕᓐᓂᐊᕐᓗᓂ ᓄᖅᑲᖓᓚᐅᑲᖕᓂᕐᒥᒃ ᓴᐱᓕᖅᑕᐃᓕᓗᓂᓗ. ᐊᒥᓱᐊᖅᑎᖅᑐᑕ ᐊᓐᓄᕌᓕᐅᕐᓂᕐᒧᑦ ᐃᓕᓐᓂᐊᕐᕕᐅᖃᑦᑕᓚᐅᕐᒪᑦ ᓴᐱᓕᕈᒪᔪᓐᓃᖅᑐᖓ. ᓲᖃᐃᒻᒪ ᐃᓕᑦᑕᕆᐊᒃᓴᖅ ᐃᓐᓯᔅ, 4 ᐃᓐᓯᔅ, 3/4 ᐃᓐᓯᔅᒥᑦ, ᐊᒃᓱᕈᖕᓇᒻᒪᕆᓚᐅᖅᑐᖅ ᐊᒃᓱᕈᖕᓇᖅᖢᓂᓗ. ᐃᖅᑲᐅᒪᔪᖓ ᐊᕝᕙᖓᓂ ᐅᑭᐅᒃ ᒪᕐᕉᒃ, ᕿᐊᓚᐅᖅᓯᒪᒐᒪ ᐅᐃᒐᓗ ᐅᖃᐅᑎᓪᓗᒍ, 'ᓴᐱᔪᒪᔪᓐᓃᖅᑐᖓ, ᑕᐃᒪᐃᓕᐅᕈᒪᔪᓐᓃᖅᑐᖓ," ᐃᖅᑲᐅᒪᔪᖅ. 

ᑕᒻᒪᓚᐅᕐᒪᑦ ᔭᐃᑲᖓᓂ ᐊᒻᒪᓗ ᓂᐅᕕᒃᑲᓐᓂᕆᐊᖃᖅᑐᓂ ᐊᑭᑐᓂᖅᓴᒥᒃ ᓴᓇᔾᔪᑎᔅᓴᒥᒃ. ᓯᐊ ᓴᐱᓕᕈᒪᑐᐃᓐᓇᕋᑖᕐᒪᑦ. ᑕᐃᑲᓂᓗ ᐊᑲᐅᒃᓴᕈᓐᓃᖅᑎᓪᓗᒍ, ᐅᐃᖓ ᓂᐅᕕᕐᖢᓂ ᐱᖁᑎᒥᒃ ᐃᑲᔪᕈᒪᓪᓗᓂᓗ. "ᐃᑲᔪᖅᑐᐃᔪᒻᒪᕆᐅᓚᐅᖅᑐᖅ ᓱᓕᓗ ᐅᓪᓗᒥᒧᑦ ᑎᑭᖦᖢᒍ," ᐅᖃᖅᖢᓂ. ᕿᑐᕐᖓᖏᑦ ᐃᓱᒪᖁᙱᖦᖢᓂᒋᑦ ᓯᓚᑦᑐᖅᓴᕐᕕᖕᒥ ᐊᓂᒍᐃᔪᒪᔪᓐᓃᕐᓗᑎᒃ ᖃᓄᐃᙱᖦᖢᓂ. ᐊᒻᒪᓗᑦᑕᐅᖅ ᐊᓐᓄᕌᓕᐅᖕᓂᖕᒧᑦ ᐱᓕᕆᐊᓂᑦ, ᐱᐊᓂᒃᓯᓯᒪᔪᖅ ᓄᓇᖃᖅᑳᖅᓯᒪᔪᓂᑦ ᓄᓇᓕᖕᓂᑦ ᐃᑲᔪᖅᑎᐅᓂᕐᒧᑦ ᓇᓗᓇᐃᒃᑯᑕᒥᑦ ᐱᓕᒻᒪᒃᓴᖅᓯᒪᓪᓗᓂᓗ ᓄᓇᖃᖅᑳᖅᓯᒪᔪᓄᑦ.

‍

"ᑭᓱᑐᐃᓐᓇᑦᑎᐊᑦ ᐃᓅᓯᕐᓂ ᐊᔪᕐᓇᖅᑐᖅ. ᑭᓱᑐᐃᓐᓇᑦᑎᐊᑦ ᐊᔪᕐᓇᙱᑦᑐᑯᓘᕗᑦ. ᑭᓯᐊᓂ ᐊᑑᑎᖃᖅᑐᐃᓐᓇᐅᕗᖅ ᐃᓱᐊᓂ."

ᓯᕗᓂᒃᓴᖅ ᐃᓱᒪᒋᓪᓗᒍ, ᓯᐊ ᓂᕆᐅᖕᓂᖃᑦᑎᐊᖅᐳᖅ. ᐅᖃᐅᓯᖃᖅᑐᖅ ᑭᓱᓂᒃ ᐱᔪᒪᓛᖑᖕᒪᖔᑦ, "ᑕᑯᓗᒋᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᑲᔪᓯᑦᑎᐊᖅᑎᓪᓗᒋᑦ. ᓄᓇᕐᔪᐊᕐᒥᐅᑎᒍᑦ ᑐᑭᓯᖁᕙᕋ ᐅᕙᒍᑦ, ᓄᓇᖃᖅᑳᖅᓯᒪᓪᓗᑕ, ᐊᒃᓱᐊᓗᒃ ᐊᖅᑯᓵᖅᓯᒪᒐᑦᑕ. ᒪᒥᓴᖅᐸᓪᓕᐊᖁᒐᒃᑭᑦ, ᐊᓪᓗᕆᐊᕌᕐᔪᒃᑲᓗᐊᕈᑦᑕ, ᑲᔪᓯᑦᑎᐊᕐᓂᐊᕋᑦᑕ." ᒪᒥᓴᕐᓂᕐᒥ, ᓄᑖᒥᒃ ᓯᕗᒻᒧᐊᒃᐸᓪᓕᐊᔪᖅ. "ᐃᓱᒪᒋᔭᕋᓕ ᓴᙱᔫᔪᓐᓇᕐᓂᑦᑎᓐᓂᒃ ᓄᓇᓕᒡᔪᐊᖑᓗᑕ," ᓯᓐᓇᑦᑑᒪᓪᓗᓂ ᓂᐱᖃᕐᓗᓂ. ᓂᕆᐅᒋᔭᖃᖅᐳᖅ ᓄᓇᖃᖅᑳᖅᓯᒪᙱᑦᑐᑦ ᐃᓄᐃᑦ ᐃᓕᑦᑎᓂᐊᕐᓂᖏᓐᓂᒃ ᓱᓕᓪᓚᕆᒃᑐᒥᒃ ᖃᓄᐃᓕᐅᖅᑕᐅᕙᓚᐅᖅᑐᓂᒃ ᑲᓇᑕᒥ ᖃᓄᐃᒻᒪᓪᓗ ᐋᓐᓂᐊᕐᔪᐊᕐᒪᖔᑕ ᑐᑭᓯᐅᒪᓂᖅᓴᐅᓂᐊᕐᒪᑕ.  

ᐱᕈᖅᐸᓪᓕᐊᓂᖅ, ᐱᕈᖅᓴᓪᓗᓂ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ, ᐊᒃᓱᕈᖃᑦᑕᖅᑐᑦ ᐊᒻᒪ ᐊᔪᖅᓴᕐᓂᖅ ᓇᓪᓕᐅᑎᖃᑦᑕᓚᐅᙱᑦᑐᑦ. ᐃᓐᓇᐅᓪᓗᓂ, ᐊᖏᕐᕋᒥᓂ ᐋᓐᓂᖅᓯᕆᖃᑦᑕᓚᐅᖅᐳᖅ ᐊᒻᒪ ᒪᕐᕉᒃ ᐊᖓᔪᒃᖠᖅᐹᒃ ᕿᑐᕐᖓᖏᑦ ᐃᓅᔪᓐᓃᖅᖢᑎᒃ ᐃᒻᒥᓃᖅᖢᑎᒃ ᐅᑭᐅᖃᖅᖢᑎᒃ 19−ᓂᒃ. ᕿᑐᕐᖓᒥᓂᒃ ᐱᕈᖅᓴᓚᐅᖅᐳᖅ ᐊᒻᒪ ᐃᓄᑑᖅᑰᔨᓪᓗᓂ ᓄᑕᕋᐅᓪᓗᓂ. 

"ᐅᖃᐅᓯᕆᓚᐅᙱᑕᕗᑦ, ᐊᒻᒪ ᕿᐊᖦᖤᓚᐅᖅᖢᑎᑦ, ᐱᓱᑲᑕᑐᐃᓐᓇᓕᓚᐅᖅᖢᑎᓪᓗ," ᐃᖅᑲᐅᒪᔪᖅ. ᖃᐅᔨᒪᖁᔨᔪᖅ ᐃᓄᓐᓂᒃ ᐊᓐᓄᕌᖏᑦ ᓴᖅᑭᔮᕐᒪᑕ ᒥᑦᑕᕕᓐᓂ ᓄᓇᕐᔪᐊᕐᒥ, ᑐᑭᖃᙱᑦᑐᖅ ᐱᓱᑦᓯᒪᔪᖅ ᐱᔭᕆᐊᑭᑦᑐᒥᒃ ᐊᑐᕆᐊᒥᒃ.  "ᐊᒃᓱᕈᖅᖢᖓ ᐱᓕᕆᓯᒪᕗᖓ ᒫᓐᓇ ᐱᓯᒪᔭᓕᒫᓐᓄᑦ," ᓇᓗᓇᐃᖅᓯᓪᓗᓂ, ᐃᓱᒪᓪᓗᓂ ᖃᓄᖅ ᑲᔪᓯᑎᑦᑎᕙᖕᒪᖔᑦ ᐃᓂᒥᒃ ᐃᓄᖕᓄᑦ ᐃᓂᒋᔭᐅᕙᒃᑐᒥᒃ ᓴᓂᕐᕙᒃᑕᐅᓯᒪᔫᑉ ᐃᓂᒋᕙᒃᑕᖓᓂ. "ᐃᓅᓱᓐᓂᖅᓴᐃᑦ ᖃᐅᔨᒪᖁᑐᐃᓐᓇᖅᑕᒃᑲ: ᓴᐱᓕᖅᑕᐃᓕᒋᑦ. ᐊᖅᑯᑎ ᐊᔪᕐᓇᖅᓯᒃᐸᑦ, ᑕᖃᐃᖅᓯᕆᐅᖅᓴᓗᓂ ᑲᔪᓯᓗᓂᓗ, ᓲᖃᐃᒻᒪ ᐊᔪᕐᓇᙱᑦᑐᑯᓘᙱᒻᒪᑦ, ᑭᓯᐊᓂ ᐊᑑᑎᖃᒻᒪᕆᖕᒪᑦ," ᐅᖃᐅᔾᔨᓪᓗᓂ. 

ᔨᐅᓪ ᓴᑕ ᑕᐅᑐᙳᐊᖅᑐᖅ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖓᓐᓂᒃ ᓇᒃᓴᕐᓂᕐᒥᒃ ᓄᓇᕐᔪᐊᕐᒥᐅᓄᑦ ᐊᔾᔨᐅᙱᑦᑐᓂᒃ ᐋᖅᑭᒃᓯᒪᓂᖃᖅᑐᓄᑦ, ᐊᑕᐅᓯᐅᓈᖅᑎᕐᓗᒋᑦ. ᐊᒃᓱᕈᕐᓂᖓ ᐊᑐᖅᓯᒪᔭᖓ ᐃᑉᐱᓐᓂᐊᓂᖃᖅᓯᒪᔪᖅ, ᑭᓯᐊᓂ ᐊᓐᓄᕌᑦᑎᐊᕙᓕᐅᖃᑦᑕᖅᑐᖅ ᐊᒻᒪ ᐆᑦᑑᑎᓕᐅᖅᑐᓂ ᕿᑐᕐᖓᖏᓐᓄᑦ ᐊᔅᓱᕈᖅᑐᓂ ᐃᖅᑲᓇᐃᔭᖅᑐᓂ, ᐱᔪᒪᓂᖃᖅᑐᓂ ᐊᒻᒪ ᐅᐱᒍᓲᑎᖃᓪᓚᕆᑦᑐᓂ ᑭᓇᐅᒻᒪᖔᖅ ᐊᒻᒪ ᖃᓄᑎᒋ ᑎᑭᒻᒪᖔᖅ. ᐃᒻᒥᓂᒃ ᓴᓇᖃᑦᑕᖅᑐᖅ ᑭᓯᐊᓂ ᑕᐅᑐᑦᑕᒥᓂᒃ ᐅᖃᐅᓯᖃᖅᑐᓂ, ᐃᓂᓕᐅᖅᑐᖅ ᐊᓯᖏᓐᓄᑦ ᒥᕝᕕᓐᓂ ᓴᖅᑭᔮᖅᑎᑦᑎᓪᓗᓂ ᓄᓇᖃᖅᑳᖅᓯᒪᔪᑦ ᐊᓐᓄᕌᖏᓐᓂᒃ. ᐆᒻᒪᑎᖓ ᓄᓇᓕᓐᓃᒻᒪᑦ, ᑭᓯᐊᓂ ᓯᓐᓇᑦᑑᒪᖏᑦ ᓄᓇᕐᔪᐊᕐᒦᒻᒪᑕ, ᐊᒻᒪᓗ ᓱᓕᓕᖅᓱᑎᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.