"ᐃᒻᒥᓂᒃ ᐅᒃᐱᕆᑦᑎᐊᕆᐊᖃᖅᑐᑎᑦ ᐊᒻᒪ ᐱᓱᒡᓗᑎᑦ ᑐᓐᓂᖅᑯᓯᐊᑎᑦ ᓇᒃᓴᕈᓐᓇᖅᑕᑎᑦ ᐅᐱᒋᓗᒍ ᑭᓇᐅᓂᕐᓂᒃ," ᐅᖃᖅᑐᖅ ᔨᓕᐊᓐ ᒧᐊᕆᔅ. ᒧᕼᐊᒃ ᐊᒻᒪᓗ ᐃᓚᒋᔭᐅᔪᖅ ᑎᐊᑐᓪ ᒃᓚᓐᒧᑦ 6-ᓂᑦ ᓄᓇᖃᖅᑳᖅᓯᒪᔪᓂᑦ. ᐊᖓᔪᖅᑳᖏᒃ ᓅᓚᐅᕐᒪᑕ ᓴᓂᕐᕙᒃᑕᐅᓯᒪᔪᒥᑦ ᐊᒻᒪᓗ ᓇᒥᑐᐃᓐᓈᖅᑐᑎᒃ ᓄᓇᖃᖅᑐᑎᒃ. ᐃᓅᓚᐅᖅᓯᒪᔪᖅ ᑳᓪᒍᕆᒥ ᐊᒻᒪᓗ ᐃᓚᖏᑦ ᓅᓚᐅᖅᑐᑦ ᐋᓐᑎᐅᕆᐅᒧᑦ ᐊᑖᑕᖓ ᐃᖅᑲᓇᐃᔭᖅᑐᓂ ᐋᓐᑎᐅᕆᔪᒥ ᐸᓖᓯᓄᑦ. ᐅᑎᓚᐅᖅᑐᑦ ᓴᓂᕐᕙᒃᑕᐅᓯᒪᔪᒧᑦ 12-ᖑᑎᓪᓗᖑ ᑕᐃᑲᓃᖏᓐᓇᖅᖢᓂᓗ ᐱᔭᕇᕋᓱᖕᓂᖓᓂ. ᑳᓕᖕᕗᑦ, ᐋᓐᑎᐅᕆᐅᒥ ᓄᓇᖃᓕᖅᑐᖅ. 

ᒨᕆᔅ ᐸᓂᖃᓚᐅᖅᑐᖅ 19-ᓂᒃ ᐅᑭᐅᖃᓕᖅᖢᓂ ᐊᓱᐃᓛᒃ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᒃᑲᓐᓂᕈᒪᓕᓚᐅᖅᑐᖅ ᕿᑐᕐᖓᒥᓂᒃ ᐃᑲᔪᖅᑐᐃᔪᒪᓪᓗᓂ. ᐊᕐᕌᒍᓄᑦ ᒪᕐᕉᖕᓄᑦ ᓇᖕᒥᓂᖃᕐᓂᕐᒧᑦ ᐃᓕᑕᕆᔭᐅᔾᔪᑎᑖᓚᐅᖅᑐᖅ ᐃᖅᑲᓇᐃᔭᓚᐅᖅᓯᒪᓪᓗᓂᓗ ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ ᐅᑭᐅᓄᑦ 13-ᓄᑦ. ᑭᖑᓂᐊᒍᑦ ᓄᑖᙳᕆᐊᖅᑎᑦᑎᓚᐅᖅᐳᖅ ᐊᕐᕌᒍᓄᑦ ᑎᓴᒪᓄᑦ ᐃᓕᓴᕆᔭᐅᔾᔪᑎᒥᒃ ᐱᓕᕆᖃᑎᒌᒃᖢᑎᒃ ᓄᓇᖃᖅᑳᖅᓯᒪᔪᑦ ᐱᓕᕆᔾᔪᑎᓄᑦ ᐱᓕᕆᕝᕕᖕᒥ ᐊᒻᒪ ᕋᐃᔪᓴᓐ ᓯᓚᑦᑐᖅᓴᕐᕕᒡᔪᐊᖓᓂ, ᐃᓕᓐᓂᐊᖅᖢᓂ ᑭᒃᑯᑐᐃᓐᓇᓂᒃ ᐊᐅᓚᑦᑎᓂᕐᒥᒃ ᐊᒻᒪ ᓄᓇᖃᖅᑳᖅᓯᒪᔪᑦ ᐊᐅᓚᑦᑎᓂᖏᓐᓂᒃ. ᐱᕈᓚᐅᖅᑐᖅ ᑐᑭᓯᓪᓗᓂ ᐊᒃᑐᐃᓂᓪᓚᑦᑖᓂᑦ ᓄᓇᑐᖃᕆᙱᑕᒥᓄᑦ ᓄᓇᑖᖅᑎᑕᐅᓯᒪᔪᑦ ᑎᑎᕋᐅᔭᒐᕐᒧᐊᕐᖢᓂᐅᒡᓗ. 2019−ᒥ, ᐱᓕᕆᕝᕕᖕᒥ ᕿᒪᐃᓚᐅᖅᐳᖅ ᓴᓇᙳᐊᖅᑕᐅᕙᒃᑐᑦ ᐅᓪᓗᓕᒫᖅ. ᓄᓇᖃᖅᑳᖅᓯᒪᔪᑦ ᐱᓕᕆᔾᔪᑎᓕᕆᔨᖏᑦ ᖃᓄᐃᓕᐅᕐᓂᖏᑦ ᐱᐅᔪᐊᓘᓚᐅᖅᐳᖅ, ᓈᓚᒃᖢᓂ ᓯᕗᓕᖅᑎᐅᓂᕐᒥᒃ ᓄᓇᖃᖅᑳᖅᓯᒪᔪᑦ ᑕᐅᑐᖅᑰᖅᑕᖓᒍᑦ.

ᐅᖃᐅᑎᒋᐊᕐᓂᖓ ᐃᓕᓐᓂᐊᖅᑎᓄᑦ ᐊᖏᕐᕋᒥᓂᒃ ᐊᐅᓪᓚᖅᑐᓄᑦ ᐃᓕᓐᓂᐊᕆᐊᕐᓗᑎᒃ ᖃᐅᔨᓴᖁᓪᓗᒋᑦ ᖃᓄᐃᑦᑐᓂᒃ ᐃᑲᔫᑎᑕᖃᕐᒪᖔᖅ ᓇᒧᙵᐅᓂᐊᕐᒪᖔᑕ, ᐱᖃᓐᓂᕆᔭᖃᖅᐸᑕ ᐅᕝᕙᓘᓐᓃᑦ ᐊᓯᖏᓐᓂᑦ ᓄᓇᓕᓐᓂᑦ ᐊᑐᖅᑕᐅᔪᓐᓇᖅᑐᓂᒃ. "ᐱᕈᖅᓴᐃᓂᖅ ᐃᑲᔪᖅᑐᐃᔾᔪᑎᒥᑦ ᑕᐃᑯᙵᓚᐅᙱᓐᓂᕐᓂᑦ, ᐃᓱᒪᕗᖓ, ᐃᑲᔪᖕᓂᐊᖕᒪᑦ ᑲᔪᓯᑦᑎᐊᒃᑲᓐᓂᖁᔨᓗᓂ, ᓲᖃᐃᒻᒪ ᐊᔪᕐᓇᖕᒪᑦ ᐃᓚᑎᑦ ᕿᒪᒃᓗᒋᑦ ᐃᓄᓕᒫᓪᓗ ᖃᐅᔨᒪᔪᑦ ᐃᓕᖕᓂᑦ ᑐᑭᓯᐊᓗᑎᒡᓗ ᐱᔪᒪᔭᖕᓂᑦ ᑕᒪᒃᑯᓂᖓᒐᓚᒡᓗ, ᖃᐅᔨᒪᔭᐅᙱᑦᑐᒧᐊᖕᓃᓪᓗ ᑲᑉᐱᐊᓇᐃᓐᓇᐅᔭᖕᒪᑦ," ᒧᐊᕆᔅ ᑎᓕᐅᕆᕗᖅ. ᓂᐅᖏᑦ ᐱᓕᕆᖃᑦᑕᖁᓪᓗᓂᒋᑦ ᐋᖅᑭᒃᓯᓂᐊᕐᓗᓂ ᐃᑲᔪᖅᑐᐃᔾᔪᑎᓂᒃ ᓅᓗᐊᓚᐅᙱᓐᓂᖓᓂ. 

"ᐅᒃᐱᕈᓱᒃᓗᓂ Creator ᖃᐅᔨᒪᓚᐅᖅᑐᖅ ᑭᓱᓂᒃ ᒪᓂᒪᑎᑦᑎᔭᕆᐊᖃᕐᓂᕐᓂᒃ"

ᐊᐳᖅᑕᕈᑕᐅᓕᖃᑦᑕᖅᑎᓪᓗᒍ, ᒧᐊᕆᔅ ᐅᖃᓚᐅᖅᑐᖅ, "ᑕᕝᕙᓂ ᐱᔪᓐᓇᑦᑎᐊᖅᑰᖅᑐᒍᑦ, ᐱᓗᐊᖅᑐᒥᒃ ᐅᕙᒍᑦ ᐊᑐᐃᓐᓇᖃᖅᓯᒪᔪᒍᑦ ᐱᖅᑯᓯᑐᖃᑦᑎᓐᓂᒃ ᐅᓂᒃᑳᑦᑎᓐᓂᒃ. ᐱᕈᖅᐸᓪᓕᐊᓂᖅ, ᓯᓚᑐᓂᖅ ᐅᓂᒃᑳᖅᑐᐊᑦᑎᓐᓂ ᑲᒪᓇᖅᑐᒻᒪᕆᐅᕗᖅ..... ᑕᐃᒃᑯᐊ ᐅᓂᒃᑳᕆᔭᓯ ᐅᖃᐅᓯᕆᒍᕕᒋᑦ ᐊᐅᓪᓚᑲᑕᒃᑎᓪᓗᑎᑦ ᖃᓄᐃᔾᔮᖅᑰᙱᑦᑐᓯ." ᐊᑐᓕᖁᔨᔪᖅ ᓱᕈᐃᔭᐃᓂᕐᒥᒃ ᐃᓱᒪᓕᐅᕐᓂᕐᒥᒃ ᐅᓂᒃᑳᑎᒍᑦ ᐊᒻᒪᓗ ᐊᑐᕐᓗᓂᐅᒃ ᐊᔪᕆᖅᓯᐅᔾᔨᓂᕐᒧᑦ ᐃᓄᑑᓗᐊᕐᓂᒃᑯᑦ ᑲᑉᐱᐊᓱᖕᓂᒃᑯᓪᓗ. "ᑭᓇᑐᐃᓐᓇᖅ ᐅᓂᒃᑳᕈᓐᓇᙱᑦᑐᖅ ᐃᓕᖕᓂᑦ," ᐅᖃᖅᐳᖅ. ᐃᓚᖓᑦ ᑐᓴᓚᐅᖅᑕᖓ ᐃᓐᓇᑐᖃᕐᒥᑦ ᐊᕝᕕᐊᕈᑎᐅᔪᓂᑦ ᐊᐳᖅᑕᕈᑎᖃᓚᐅᕐᒪᑦ ᐊᒻᒪ ᐊᑐᖅᑕᐃᓕᑎᑕᐅᑐᐃᓐᓇᖅᑐᓂ ᐊᒻᒪ ᑭᖑᓂᑦᑎᓐᓂᑦ ᑕᐃᒪᐃᖏᓐᓇᖃᑦᑕᕈᓐᓃᖅᑐᓂ.

ᒧᐊᕆᔅ ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᓄᑦ ᐃᒪᐃᒃᑲᔭᖅᑐᖅ, "ᓄᓇᕐᔪᐊᒧᐊᕆᐊᖃᕋᕕᑦ ᐱᔪᒪᔭᕐᓂᒃ ᓄᓇᕐᔪᐊᕐᒥᙶᖅᑐᓂᒃ." ᐊᑕᐅᑦᑎᒃᑯᓪᓗ, ᐃᓕᓴᖅᓯᓚᐅᖅᑐᖅ ᐃᓅᓵᕐᓂᕐᒥᓂᒃ ᐅᖃᐅᔾᔭᐅᔪᒃᓴᐅᓪᓗᓂᓗ ᑭᓱᓂᒃ ᑐᓴᕆᐊᖃᕐᒪᖔᕐᒥ ᑭᓯᐊᓂ ᐱᑐᐃᓐᓇᕆᐊᖃᓚᐅᙱᒻᒪᑦ ᐊᑐᓕᖅᑎᑦᑎᔪᓐᓇᙱᖦᖢᓂᓘᓐᓃᑦ ᑖᒃᑯᓂᖓ ᐃᓕᓐᓂᐊᒐᒃᓴᓂᒃ ᓱᓕ.

ᐃᓱᒪᒥᓂᒃ ᖃᓄᐃᙱᑦᑎᐊᖏᓐᓇᕋᓱᒃᑎᓪᓗᒍ, ᒧᐊᕆᔅ ᐊᑐᖅᐸᒃᐳᖅ ᓴᓇᙳᐊᖅᑕᒥᓂᒃ ᐊᒻᒪ ᐊᓐᓄᕋᔾᔨᐅᖅᖢᓂ ᐃᓱᒪᒋᔭᒥᓂᒃ ᐃᒃᐱᒋᔭᒥᓂᒡᓗ ᐊᓂᑎᑦᑎᓇᓱᒃᖢᓂ. ᑕᑯᖃᑦᑕᖅᑐᖅ ᐅᓂᒃᑳᖅᑐᐊᓂᒃ ᓴᖅᑭᑦᑎᓂᕐᒧᑦ ᐆᒻᒪᖅᑯᑎᒥᒃ ᐊᒻᒪᓗ ᑖᖅᑐᒥᒃ ᐃᓱᒪᒥᒃ ᐸᑦᑕᐃᑦᑐᑎᑐᑦ ᐅᕝᕙᓘᓐᓃᑦ ᐱᓯᑎᐅᓂᖓᓂᒃ. "ᑕᒪᕐᒥᑦᑎᐊᖅ ᑕᒪᒃᑯᓂᖓ ᐱᓯᒪᔪᐃᓐᓇᐅᒐᑦᑕ ᐃᓗᑦᑎᓐᓃᑦᑐᓂᒃ ᖃᓄᐃᙱᓚᖅ," ᑕᐃᒪᓐᓇ ᐅᖃᖅᖢᓂ. ᑎᒥᒃᑯᑦ ᐆᒻᒪᕆᖕᓂᖅ ᐊᑐᖅᑕᐅᔪᓐᓇᕆᕗᖅ ᐃᓱᒪᒃᑯᑦ ᖃᓄᐃᙱᑦᑎᐊᖏᓐᓇᖅᐸᖕᓂᖓᓂᒃ, ᑕᐃᒪᙵᓂᑦ ᐱᕈᓚᐅᖅᑎᓪᓗᒍ ᐱᙳᐊᕐᓂᕐᒥᒃ. "ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖅ ᐊᖏᔪᒻᒪᕆᐊᓘᖕᒪᑦ, ᐊᖏᓂᖅᓴᐅᓪᓗᓂᓗ, ᐃᓱᒪᔪᖓ, ᑎᒥᒃᑯᑦ," ᐅᖃᐅᓯᕆᕙᐅᒃ. ᓯᓚᒦᓪᓗᓂ ᐊᓯᒋᒻᒥᔭᖓ ᐃᑲᔫᑎᖃᖅᑐᖅ ᐊᒻᒪᓗᑦᑕᐅᖅ ᐃᓅᖃᑎᖃᕈᓐᓇᕐᓂᕐᒥᑦ ᐊᓯᖏᓐᓂᑦ ᐃᓄᓐᓂᑦ. "ᖃᐅᔨᒪᔪᒍᑦ ᐅᕙᒍᑦ ᐃᓄᑑᓪᓗᑕ ᐱᓕᕆᙱᑦᑐᒍᑦ, ᑕᒻᒪᙱᖦᖢᑕ? ᐃᖅᑲᐅᒪᔭᕆᐊᖃᕐᒥᔭᕗᑦᑕᐅᖅ," ᐅᖃᑦᑎᐊᓲᖅ.

ᒨᕆᔅ ᐃᒻᒥᓂᒃ−ᓴᖅᑭᑦᑎᓚᐅᖅᑐᖅ ᐅᖃᓕᒫᒐᕐᒥᑦ, ᐱᓕᕆᔾᔪᓯᐅᔪᖅ ᓇᓗᓇᐃᖅᑕᖓ "ᖁᕕᐊᓱᒃᑐᖅ" ᑭᓯᐊᓂ ᐊᑑᑎᖃᑦᑎᐊᓚᐅᖅᑐᖅ ᐃᓱᐊᓂᑦ ᖁᕕᐊᓇᖅᑐᒻᒪᕆᐅᓪᓗᓂᓗ. ᐱᓕᕆᔪᒻᒪᕆᐅᓚᐅᕆᕗᒍᑦ. ᓇᒻᒥᓂᖅ ᐅᖃᓕᒫᖅᑕᓂᓪᓕ, ᖁᕕᐊᒋᔭᖃᖅᑐᖅ ᕆᑦᓱᑦ ᐅᐊᒐᒦᔅ ᐱᓕᕆᐊᖓᓂᒃ ᐊᒻᒪᓗ ᐃ. ᐹᓖᓐ ᔮᓐᓴᓐ. ᔮᓐᓴᓐ ᐊᔪᙱᑦᑑᓂᖓᑕ ᐅᖓᑖᓄᑦ, ᐅᖃᖅᑐᖅ, "ᑭᒡᒐᖅᑐᑐᐃᓐᓇᖅᑰᓚᐅᖅᑐᖅ ᐱᔪᓐᓇᕐᓂᑦᑎᓐᓂᑦ ᓴᐱᓕᖅᓴᕋᐃᙱᓐᓂᑦᑎᓐᓂᓪᓗ ᓄᓇᖃᖅᑳᖅᓯᒪᔪᑦ ᐃᓄᐃᑦ ᖃᓄᑐᐃᓐᓇᖅ ᐊᒃᓱᕈᕐᓇᖅᑐᒃᑰᖅᑎᖦᖢᒋᑦ, ᐊᒃᓱᕈᕐᓇᖅᑐᒃᑯᑦ."

ᑐᑭᓯᐅᒪᓂᖅ ᖃᓪᓗᓈᖑᖃᑎᒌᙱᑦᑐᓂᒃ ᐱᐅᓂᖅᓴᒃᑯᑦ ᑎᑎᕋᐅᔭᓚᐅᖅᑐᖅ ᔨᓕᐊᓐ ᒧᐊᕆᔅ ᓴᓇᙳᐊᕐᓂᕐᒧᑦ ᕿᒪᐃᓯᒪᓪᓗᓂᓗ ᐃᖅᑲᓇᐃᔮᖓᓂᒃ ᑲᓇᑕᓕᒫᒥ ᓴᐳᓐᓂᐊᖅᑎᐅᓂᕐᒧᑦ. ᐊᒃᑐᖅᑕᐅᕐᔪᐊᖅᓯᒪᔪᖅ ᓂᐱᖏᓐᓄᑦ ᓄᓇᖃᖅᑳᖅᓯᒪᔪᑦ ᓯᕗᓕᖅᑎᑦ ᖃᐅᔨᖃᑦᑕᖅᑕᖏᑦ ᐃᓕᓐᓂᐊᕌᓂᒍᓯᐊᕐᒥ ᐱᓕᕆᐊᒃᓴᒥ, ᐃᓅᓯᖓ ᐊᔾᔨᒋᙱᑕᖓᓂᒃ ᐊᖅᑯᑎᖃᕐᖢᓂ. ᖃᐅᔨᒪᓪᓗᓂ ᑭᓱᓂᒃ ᐱᔪᒪᖕᒪᖔᕐᒥᓂᒃ ᓄᓇᕐᔪᐊᕐᒥ, ᐱᓕᕆᑦᑎᐊᕈᓐᓇᕐᓂᓕᒫᒥᓂᒃ ᑐᓂᓯᔪᖅ ᐊᒻᒪᓗ ᐱᔪᒪᔭᒥᓂᒃ ᒪᓕᒃᖢᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.