"ᓴᓇᙳᐊᖅᑎᐅᔪᒪᒍᕕᑦ ᐅᕝᕙᓘᓐᓃᑦ ᐃᙱᖅᑎᐅᔪᒪᒍᕕᑦ ᑕᖅᑳᓂ ᐱᓕᕆᔪᖃᐃᓐᓇᐅᔭᖅᐳᖅ. ᐊᒥᓲᕗᑦ ᐃᓄᐃᑦ ᐅᖃᖃᑦᑕᖅᑐᑦ ᓴᓇᓐᖑᐊᖅᑎᐅᔪᓐᓇᖏᓐᓂᕋᖅᑐᑦ, ᑭᓯᐊᓂ ᑕᒪᓐᓇ ᓱᓕᖅᑰᖏᒻᒪᑦ. ᕿᓂᕐᓂᑐᐃᓐᓇᐅᒻᒪᑦ ᓂᖀᑦ ᓂᐅᕕᐊᔅᓴᕆᕙᑦᑕᕐᓂᒃ ᐊᒻᒪᓗ ᓇᓂᓯᑐᐃᓐᓇᕐᓗᑎᑦ, ᐃᓛᒃ, ᑭᓱᒥᒃ ᐱᐅᓂᖃᕐᒪᖔᖅᐱᑦ, ᑭᓱᒥᒃ ᐊᒃᓱᕉᑎᖃᕐᒪᖔᖅᐱᑦ. ᐱᕕᒃᓴᓕᒻᒪᕆᐊᓘᖕᒪᑦ ᐃᓕᖕᓄᑦ," ᐅᖃᖅᑐᖅ ᔮᓱᐊ ᐹᕕᔅ−ᓯᑕᒃᓕ. ᐅᖃᐅᔾᔭᐅᔾᔪᑎᐅᒐᔪᙱᑦᑐᖅ ᑐᓴᒐᔪᒃᑕᕐᓂᒃ ᐃᓄᐃᑦ ᐅᖃᐅᓯᖃᖅᑎᓪᓗᒋᑦ "ᓴᓇᙳᐊᖅᑎᓂᒃ", ᑭᓯᐊᓂ ᓴᓇᙳᐊᖅᑎᑦᑎᐊᕙᐅᓪᓗᓂ, ᐹᕕᔅ−ᓯᑕᒃᓕ ᖃᐅᔨᒪᔪᖅ ᑭᓱᒥᒃ ᐅᖃᐅᓯᖃᕐᒪᖔᑦ.

ᒫᓐᓇ ᕚᓐᑰᕙᒥᐅᑕᖅ ᑭᓯᐊᓂ ᐃᓅᓂᑯ ᐹᕆ, ᐋᓐᑎᐅᕆᐅᒥ, ᐹᔅ−ᓯᑕᒃᓕ ᐃᓚᒋᔭᐅᔪᖅ ᐅᐊᓴᐃᑯᓯᖕ ᓄᓇᖃᖅᑳᖅᓯᒪᔪᓂᑦ. ᑎᑎᖅᑐᒐᖅᑎᐅᓪᓗᓂ ᐊᒻᒪᓗ ᐊᒥᐊᕆᔨᐅᓯᒪᓪᓗᓂ. ᓴᖅᑭᔮᖅᑎᑦᑎᖃᑦᑕᓚᐅᕐᒪᑦ ᓱᕈᓰᑦ ᐅᖃᓕᒫᒐᖏᓐᓂᑦ ᒫᓐᓇᕋᑖᖅ ᐊᒻᒪᓗ ᐃᓕᓐᓂᐊᖅᑐᓂ ᖃᓄᖅ ᓇᓗᓇᐃᒃᑯᑎᑖᕈᓐᓇᓂᕐᒥᑦ. ᐃᖅᑲᓇᐃᔭᖃᑦᑕᖅᑐᖅ ᕗᑦᓚᓐᒥ ᓴᓇᐅᒐᕐᓂᒃ, ᐃᓄᐃᑦ ᐱᖅᑯᓯᑐᖃᖏᓐᓂᒃ ᐊᑐᖅᑐᓂ ᐊᒻᒪᓗ ᐅᓪᓗᒥᒨᓕᖅᑐᐃᓪᓗᓂ, ᑲᑎᑎᖅᑐᓂ ᓇᒻᒥᓂᖅ ᐊᑦᔨᐅᖏᑦᑐᒥᒃ.

ᐹᐅᔅ-ᓯᑕᒃᓕ ᓴᓇᙳᐊᖅᑎᐅᖏᓐᓇᐅᔭᖅᑐᖅ ᐊᒻᒪᓗ ᑖᓐᓇᐅᖏᓐᓇᐅᔭᖅᖢᓂ, ᑎᑎᕋᐅᔭᐃᓐᓇᐅᔭᖅᖢᓂ ᐅᕝᕙᓘᓐᓃᑦ ᑎᑎᕋᐅᔭᑲᑕᒃᖢᓂ ᐃᓕᓐᓂᐊᕐᕕᐊᕈᓯᕐᒥ. ᐃᓱᒪᓚᐅᙱᑦᑐᖅ ᐃᖅᑲᓇᐃᔭᕈᓐᓇᕋᓱᒋᙱᖦᖢᓂ ᐊᑯᓂᐅᓛᖑᓗᓂ; ᑕᒪᓐᓇ ᐅᐊᑦᑎᐊᕈ ᓴᖅᑭᓚᐅᖅᑐᖅ ᐃᓅᓯᖓᓂ. ᐱᔭᕇᓚᐅᖅᓯᒪᔪᖅ 2007-ᒥ ᐊᒻᒪᓗ ᓂᐱᓕᐅᕆᓂᕐᒧᑦ ᐃᓕᓐᓂᐊᓚᐅᖅᑐᖅ ᑐᕌᓐᑐᒥ ᐊᑭᑐᔪᐊᓗᒻᒥ. ᓄᓇᓕᓐᓂ ᓯᓚᑦᑐᓴᕐᕕᒻᒨᖁᔨᕗᖅ ᓄᖅᑲᓚᐅᕐᒪᑦ ᑕᖅᑮᑦ 6 ᐊᓂᒍᖅᑎᓪᓗᒋᑦ ᐊᑐᐃᓐᓇᐅᓚᐅᓐᖏᒻᒪᑦ. 

ᐊᕐᕌᒎᒃ ᒪᕐᕉᒃ ᐃᓕᓐᓂᐊᕈᓐᓃᓚᐅᖅᖢᓂ ᓅᕙ ᔅᑰᓯᐊᒧᑦ ᓅᖦᖢᓂ, ᑎᑎᕋᐅᔭᒐᕐᒥᒃ ᐃᓕᓐᓂᐊᓚᐅᖅᑐᖅ, ᑎᑎᕋᐅᔭᕐᕕᖕᒥ ᐱᓕᕆᓪᓗᓂ ᐊᒻᒪ ᐃᓱᒪᖅᓱᖅᖢᓂ ᑎᑎᕋᐅᔭᖅᖢᓂ ᑭᓯᐊᓂ ᐅᓪᓗᓕᒫᖅ ᑎᑎᕋᐅᔭᕈᓐᓇᖅᓯᓪᓗᓂ. ᐋᓐᑎᐅᕆᔪᒨᕈᒪᓕᓚᐅᖅᑐᖅ ᑐᕌᓐᑐᒧᑦ ᓅᖦᖢᓂ, ᑭᓯᐊᓂ ᐅᑭᐅᒃᑯᑦ ᕿᑲᕆᐊᓚᐅᖅᑐᖅ ᕚᓐᑰᕗᒥ ᓄᓇᓕᖕᒦᖦᖢᓂᓗ ᐊᓕᐊᓇᐃᒍᓱᖕᓂᖅᓴᐅᓚᐅᕐᒪᑦ ᐅᑭᐅᖑᑎᓪᓗᒍ. 

ᐅᓪᓗᒥᐅᓕᖅᑐᖅ, ᐹᔅ-ᓯᑕᒃᓕ ᐃᓕᓐᓂᐊᖅᑎᑦᑎᕙᖕᒪᑦ ᑎᑎᕋᐅᔭᖅᓯᒪᔪᓂᒃ ᐅᑭᐅᖅᑕᖅᑐᒧᑦ ᐊᑕᖃᑦᑕᐅᑎᓂᒃᑯᑦ ᐊᒃᓱᕈᕐᓇᕋᓗᐊᖅᑎᓪᓗᒍᓗ ᓯᕗᓪᓕᕐᒥ ᓯᕘᕋᓂᖓᓄᑦ, ᒫᓐᓇ ᖁᕕᐊᒋᑦᑎᐊᓕᖅᐸᐅᒃ ᑕᐃᒪᐃᓕᐅᖅᐸᓕᖅᖢᓂᓗ ᓄᑕᖅᑲᑦ. ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ ᓄᑕᖅᑲᑦ ᐅᖓᓯᒋᔭᐅᔪᒦᑎᓪᓗᒋᑦ, ᑕᑯᔪᓐᓇᖅᓯᓚᐅᙱᖦᖢᓂᒋᑦ ᐊᔾᔨᓕᐅᕈᑎᒃᑯᑦ ᐊᒃᓱᕈᖅᖢᓂ, ᓲᖃᐃᒻᒪ ᓴᓇᙳᐊᖅᑎᐅᓪᓗᓂ ᑕᑯᒃᓴᐅᔪᓂᒃ ᑕᑯᔪᓐᓇᖅᓯᖃᑦᑕᕐᒪᑦ. 

ᐱᓕᕆᔪᖅ ᐊᒃᓱᕈᖅᖢᓂ ᐃᖢᕐᕆᓂᖅᓴᐅᓪᓗᓂ ᐅᕕᓂᖕᒥᒍᑦ ᐊᒻᒪᓗ ᐊᔪᕈᓐᓃᖅᐸᓪᓕᐊᓪᓗᓂ ᐊᒻᒪᓗ ᐊᔪᖖᒋᖦᖢᓂ ᐱᓂᖅᓴᐅᓗᓂ ᐊᒻᒪᓗ ᐱᕈᖅᐸᓪᓕᐊᓗᓂ ᐃᓅᓪᓗᓂ. ᐃᓚᖓᑦᑕᐅᖅ ᐱᕈᖅᐸᓪᓕᐊᔪᖅ ᐹᔅ-ᓯᑕᒃᓕ ᐅᖃᐅᓯᕐᒥᒃ ᐆᒻᒪᖅᑎᑦᑎᒃᑲᓐᓂᕋᓱᖕᓂᖅ ᐊᒻᒪᓗ ᐃᓕᑦᑎᓇᓱᐊᖅᖢᓂ ᐅᖃᐅᓯᕐᒥᓂᒃ. ᖃᐅᔨᒐᒥ ᐊᒃᓱᕈᕐᓇᕐᓂᖓᓂᒃ ᐃᓅᓇᓱᒋᐊᒃᓴᖅ ᐅᐊᓕᓂᖅᐸᓯᖕᒥ ᐊᒻᒪᓗ ᑭᓇᑐᐃᓐᓇᑦᑎᐊᒥᒃ ᐅᖃᓪᓚᒍᓐᓇᖅᑐᒥᒃ ᐅᖃᐅᓯᕐᒥᓂᒃ ᐃᓕᓐᓂᐊᖅᑎᓪᓗᒍ. 

ᐅᖃᐅᓯᓕᕆᓂᕐᒥ ᐃᓕᓐᓂᐊᕐᓂᖅ ᐱᓇᓱᐊᖅᑕᖓ ᑐᙵᕕᓕᐅᕋᓱᒃᓗᓂ ᓴᓇᙳᐊᖅᐸᒃᑕᖏᓐᓂ ᖃᕆᑕᐅᔭᕋᓛᒃᑯᑦ ᓴᓇᔭᖓᒍᑦ. ᐹᕕᔅ ᔅᑖᒃᓕ ᑎᑎᕋᐅᔭᓚᐅᖅᑐᖅ ᑐᙵᕕᖃᖅᖢᓂ Anishnaabe−ᑯᑦ ᐅᖃᐅᓯᖏᓐᓂᒃ ᐊᑐᓛᕈᒪᓪᓗᓂᒋᓪᓗ app−ᒥ ᖃᐅᔨᓴᕈᑎᒧᑦ app−ᒧᑦ ᐊᔾᔨᖃᕆᐊᖃᖅᖢᑎᑦ ᑎᑎᕋᐅᔭᖅᓯᒪᔪᒥᒃ ᑕᒻᒪᙱᓪᓗᓂ ᐅᖃᐅᓯᕐᒧᑦ. ᓴᖅᑭᑦᑎᓛᕈᒪᔪᖅ ᑎᑎᕋᐅᔭᖅᓯᒪᔪᓂᒃ Instagram−ᑯᑦ ᐅᖃᐅᓯᖅᑕᖏᓐᓂᒃ ᐊᑖᓂ. 

"ᓴᖅᑭᑦᑎᔪᒪᑐᐃᓐᓇᖅᐳᖓ ᑎᑎᕋᐅᔭᖅᓯᒪᔪᓂᒃ ᐆᒻᒪᑎᓐᓃᙶᖅᑐᓂᒃ ᐊᒻᒪ ᐅᕙᓐᓄᑦ ᑐᑭᖃᑦᑎᐊᖅᑐᒥᒃ ᐊᒻᒪ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᓂᒃ ᑕᒪᓐᓇ ᐱᑕᖃᕈᓐᓃᕈᑕᐅᔪᓐᓇᕐᒪᑦ."

ᐹᐅᔅ−ᓯᑕᒃᓕ ᐱᓕᕆᖃᑎᖃᑦᑎᐊᓲᖅ ᐃᓐᔅᑕᒍᐊᒻᒥᑦ ᐱᐅᒋᙱᒻᒪᒍ, ᑭᓯᐊᓂ ᖃᐅᔨᒪᔪᖅ ᐃᖅᑲᓇᐃᔮᖓᓄᑦ ᐱᔭᕆᐊᖃᕋᒥᐅᒃ. ᐊᔪᕐᓇᕈᓱᒃᑐᖅ ᒪᓕᑦᑎᐊᕆᐊᒃᓴᖅ ᓴᖅᑭᑎᑦᑎᓂᕐᒧᑦ ᐃᓗᓕᖏᓐᓂᒃ ᐊᑐᒐᔪᒃᑕᖓᒍᑦ ᐱᔪᒪᙱᖦᖢᓂ ᓴᖅᑭᑎᑦᑎᓂᕐᒥᒃ ᐃᓄᖕᓄᑦ ᑐᓴᒐᒃᓴᓕᕆᓂᕐᒥᑦ ᐱᓗᐊᕐᖢᓂ. ᒪᓕᒍᓐᓃᕐᓂᐊᖅᑐᖅ ᐃᓗᓕᖃᑦᑎᐊᙱᓐᓂᖓᓄᑦ ᐊᒻᒪᓗ ᐱᔪᒪᓕᕈᑎᒋᓂᐊᖅᖢᓂᐅᒃ ᓴᖅᑭᑦᑎᒃᑲᓐᓂᕆᐊᒃᓴᖅ, ᑭᓯᐊᓂ ᓴᖅᑭᑦᑎᔪᒪᙱᑦᑐᖅ ᓴᓇᐅᒐᕐᓂᒃ ᐃᓄᖕᓄᑦ ᑐᓴᒐᒃᓴᓄᑦ ᑕᐅᑐᒃᑕᐅᔪᓄᑦ. 

ᐊᐱᕆᔭᐅᒐᒥ ᐅᖃᐅᔾᔨᒋᐊᕈᑎᒥᓂᒃ ᓅᒍᒪᔪᒧᑦ, ᐅᖃᖅᑐᓂ ᓅᓐᓂᖅ ᐱᔭᕆᐊᑭᓐᓂᖅᓴᐅᒻᒪᑦ ᑲᓲᒪᖃᑎᖃᕈᕕᑦ ᑭᓇᒥᑭᐊᖅ ᓄᓇᓕᐸᐅᔭᒥ. ᕚᓐᑰᕗᒧᑦ ᓅᒻᒪᑦ, ᓇᔭᖓ ᑕᑯᑎᓚᐅᖅᐸᐅᒃ ᐊᒻᒪ ᐱᖃᑎᒋᓪᓗᒍ ᐱᖃᓐᓇᕆᔭᒥᓂᒃ ᓴᓇᑎᓪᓗᒍ.

"ᓅᑉᐸᓪᓕᐊᓕᖅᑎᓪᓗᑎᑦ ᓇᓂᑭᐊᖅ ᓄᑖᒥᒃ, ᐱᒻᒪᕆᐅᔪᖅ ᓇᓂᓗᒍ ᓄᓇᓕᒃ ᓯᕗᓂᐊᒍᑦ ᐱᑐᐊᕈᕕᓪᓘᓐᓃᑦ ᐃᓄᑑᓗᐊᕐᓂᐊᖏᓐᓇᕕᑦ."

ᐹᐅᔅ−ᓯᑕᒃᓕ ᓄᓇᖃᓚᐅᖅᑐᖅ Skwachàys Lodge−ᒥ ᐊᓯᖏᓐᓂᒃ ᓴᓇᙳᐊᖅᑎᓂᒃ ᑲᑎᖃᑎᖃᖅᖢᓂ ᐊᖏᕐᕋᖅᓯᒪᓪᓗᓂᓗ.

ᓯᕗᓂᒃᓴᕗᑦ ᑕᐅᑐᓪᓗᒍ, ᐹᔅ-ᓯᑕᒃᓕ ᐱᕈᖅᓴᐃᔪᒪᖕᒪᑦ ᕿᑐᕐᖓᖏᑕ ᐅᖃᓕᒫᒐᖏᓐᓂᒃ ᑎᑎᕋᐅᔭᖅᓯᒪᔭᖏᓐᓂᒃ ᐊᒻᒪ ᐃᖅᑲᓇᐃᔮᒃᓴᓕᐅᕐᓗᓂ ᑕᒪᓐᓇ ᒪᓕᒡᓗᒍ. ᓄᑕᕋᓛᖃᖅᑐᖅ ᑕᐅᕗᙵᖅᐸᓪᓕᐊᓪᓗᓂ ᐅᐃᔾᔮᖅᖢᓂᓗ ᐃᑲᔪᐃᓐᓇᕋᓱᒃᖢᓂ ᐃᓕᖅᑯᓯᒧᑦ ᐆᒻᒪᖅᑎᑦᑎᒃᑲᓐᓂᖕᓂᖕᒥᑦ. ᓴᖅᑭᔮᖅᑎᑦᑎᔪᖅ ᐅᖃᓕᒫᒐᕐᓂᑦ ᐃᓚᓕᐅᔾᔨᔪᓂᑦ ᐋᓐᓴᓇᐱᐅᑉ ᐅᖃᐅᓯᖓᓂᑦ ᐊᔾᔨᒌᙱᑦᑐᓄᑦ ᐅᖃᓕᒫᒐᓕᐅᖅᑎᓄᑦ ᑕᐃᒪᐃᖏᓐᓇᕈᒪᓪᓗᓂᓗ. 

ᐅᖃᐅᔾᔪᐃᕙᓪᓕᐊᓂᖅ ᓴᓇᙳᐊᖅᑎᓄᑦ, ᐹᔅ−ᓯᑕᒃᓕ ᐃᓱᒪᒋᔭᖃᖅᐳᖅ ᑕᐅᑐᒐᖃᓪᓗᐊᑕᕐᓂᕐᒥᒃ ᐊᔪᙱᓐᓂᕐᒥᒡᓗ ᐃᓕᑦᑎᕙᓪᓕᐊᓂᕐᒥᒃ ᐋᖅᑭᒃᓱᐃᕙᓪᓕᐊᓂᕐᒥᒃ ᓴᓇᙳᐊᕐᓂᕐᒥᒃ. "ᐊᑐᓕᖁᔨᓇᔭᕐᒥᔪᖓᑦᑕᐅᖅ ᖃᕆᑕᐅᔭᒃᑯᑦ ᓴᓇᙳᐊᖅᑕᐅᕙᒃᑐᓄᑦᑕᐅᖅ ᓲᖃᐃᒻᒪ ᑭᓱᓕᒫᑦ ᑕᐃᑯᙵᖅᐸᓪᓕᐊᖕᒪᑕ. ᐊᒥᓲᕗᑦ 3d-ᓂᒃ ᓴᓇᙳᐊᒐᕐᓂᒃ ᐊᑐᕈᓐᓇᕐᒥᔭᓯ ᐊᒻᒪᓗ ᐊᒥᓱᓂᒃ ᐊᑐᕈᓐᓇᖅᑐᑎᒃ. ᑕᐃᒪᓕ ᐃᓕᓐᓂᐊᕈᓐᓇᕋᕕᑦ ᑕᕝᕙᓂ ᐊᒃᓱᐊᓗᒃ ᐃᑲᔪᕐᓂᖃᕐᒪᑦ. ᐊᔪᕐᓇᖅᑐᒻᒪᕆᐊᓘᖕᒪᑦ ᐊᒥᐊᕆᔨᐅᑐᐃᓐᓇᖅᖢᓂ ᐅᕝᕙᓘᓐᓃᑦ ᑎᑎᖅᑐᒐᖅᑎᐅᓪᓗᓂ ᓇᖕᒥᓂᖅ," ᐅᖃᖅᖢᓂ.

ᐱᓕᕆᔨᒻᒪᕆᐅᓂᖕᒧᑦ ᐊᔪᙱᓐᓃᑦ, ᐹᔅ−ᓯᑕᒃᓕ ᐃᓱᒪᔪᑦ ᓴᓇᙳᐊᖅᑎᑦ ᐱᓕᕆᓪᓗᐊᖕᓂᖏᓐᓂᑦ ᐱᕈᖅᐸᓪᓕᐊᓂᖕᒧᑦ ᐃᓱᒪᒥᓂᒃ.

"ᐃᓕᖕᓂᒃ ᐊᔭᐅᖅᑐᐃᖏᓐᓇᕐᓗᑎᑦ. ᐊᐳᖅᑕᕈᑎᖃᒐᓛᖕᓂᐊᖅᐳᑎᑦ ᐊᖅᑯᑎᒃᑯᑦ. ᐊᔪᓕᒐᓚᓐᓂᐊᑐᔅᓴᐅᕗᑎᑦ. ᐃᓕᖃᑦᑕᖅᓯᒪᒐᕕᑦ ᐊᔪᓕᖅᓯᒪᓂᕐᒥᒃ ᐊᒻᒪᓗ ᐱᙲᓐᓇᕐᓂᕐᒥᒃ ᐊᒻᒪᓗ ᐃᓕᑉᐸᓪᓕᐊᓂᕐᒥᒃ ᐃᒻᒥᓂᒃ ᐊᐃᒃᓯᑐᐃᓐᓇᕐᓂᕐᒥᒃ ᐊᒻᒪᓗ ᑲᔪᓯᑐᐃᓐᓇᕐᓗᑎᑦ. ᑕᐃᒪᓕ ᑎᑭᐅᑎᓂᐊᖅᑐᑎᑦ ᐃᖅᑲᓇᐃᔮᕐᓄᑦ."

ᐃᖅᑲᓇᐃᔮᖃᖅᖢᓂ ᓯᒡᔭᒥᑦ ᓯᒡᔭᒧᑦ, ᓴᓇᓂᖅ ᐊᑐᒐᒃᓴᓂᑦ ᐃᓕᖅᑯᓯᒧᑦ ᐆᒻᒪᕆᐊᖅᑎᑦᑎᒃᑲᓐᓂᖕᓂᖕᒧᑦ ᓇᓕᒧᓪᓗᓂ ᐱᒻᒪᕆᐅᒋᔭᖏᓐᓂᑦ ᐊᔪᙱᓐᓂᖏᓪᓗ ᐃᑲᔪᕐᓂᐊᕐᓗᑎᒃ ᐊᓯᒥᑕ ᐃᓕᑦᑎᓂᖏᓐᓂᑦ, ᔮᓱᐊ ᐸᐃᐅᓪ−ᓯᑕᒃᓕ ᐋᖅᑭᒃᓱᐃᔪᖅ ᓯᕗᓂᒃᓴᒥᑦ ᐃᒻᒥᓄᑦ ᓄᓇᓕᖏᓐᓄᓪᓗ ᐃᓕᑦᑎᓂᐊᕐᓗᓂ ᐱᕈᖅᐸᓪᓕᐊᓗᓂᓗ. ᐃᓕᓴᐃᓪᓗᓂ ᐅᑭᐅᖅᑕᖅᑐᒦᖃᑕᐅᔪᒥᒃ, ᑭᖑᕚᒃᓴᑦᑎᓐᓂ ᓴᓇᙳᐊᖅᑎᓂᒃ ᑲᔪᖏᖅᓴᐃᕗᖅ ᖁᕕᐊᓱᖃᑕᐅᓪᓗᓂᓗ ᐊᑕᐅᑦᑎᒃᑯᑦ. ᐃᓱᒪᒋᒍᑦᑎᒍᑦ "ᓴᓇᙳᐊᖅᑎ", ᐹᕕᔅ−ᓯᑕᒃᓕ ᓂᑲᒋᔭᐅᕗᖅ ᐱᓕᕆᐊᖓᓄᑦ ᐊᒻᒪ ᐊᓯᒥᓄᑦ ᓂᕆᒃᑲᐃᑦᑎᐊᖃᑦᑕᖅᖢᓂ ᓯᓐᓇᑦᑑᒪᒋᔭᖏᓐᓂᒃ ᐊᒻᒪ ᐃᓅᓯᕐᒥᓂ ᑕᑯᖅᑯᔾᔨᓪᓗᓂ ᓯᕗᒻᒧᐊᒃᐸᓪᓕᐊᑎᓪᓗᒋᑦ. 

ᖁᔭᓐᓇᒦᑦᑎᐊᕐᒥᔭᕋ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.