"ᐋᓪᐴᑕ ᓯᓚᑦᑐᖅᓴᕐᕕᒡᔪᐊᖓᓄᐊᕈᒪᐃᓐᓇᐅᔭᖅᑐᖓ; ᓯᓐᓇᑦᑑᒪᒋᓚᐅᖅᓯᒪᔭᕋ ᑕᐃᒪᙵᓂᒃ 16-ᖑᓚᐅᖅᓯᒪᒐᒪᓂᑦ. ᐃᖅᑲᓇᐃᔭᓚᐅᖅᓯᒪᕗᖓ ᐋᓪᐴᑕᒥ ᓯᓚᑦᑐᖅᓴᕐᕕᔾᔪᐊᕐᒥ ᐊᐅᔭᒃᑯᑦ ᐃᓕᓐᓂᐊᖅᑎᐅᓪᓗᖓ," ᑲᓵᓐᑐᕋ ᒥᒋᕗᐃ ᐃᖅᑲᐅᒪᔪᖅ. ᒥᒋᐅᐃ ᐲᑦᓴᒃ ̀, ᓄᓇᑦᓯᐊᕐᒥᐅᑕᖅ, 11-ᓂᒃ ᓄᓇᓂᒃ ᓄᓇᖃᓕᖅᑐᖅ ᐊᒻᒪᓗ ᒫᓐᓇ ᓄᓇᖃᓕᖅᑐᖅ 6-ᓂᒃ ᐅᑭᐅᖅᑕᖅᑐᒥ ᐃᐊᑦᒪᓐᑕᓐᒥ, ᐋᓪᐴᑕᒥ, ᑕᐃᑲᓂᓗ ᐱᖓᔪᒋᓕᖅᑕᖓᓂ ᐊᕐᕌᒍᒥ ᓯᓚᑦᑐᓴᕐᕕᔾᔪᐊᒥ. ᒥᒋᐅᐃ ᐊᓈᓇᒋᔭᐅᔪᖅ ᐱᖓᓱᓄᑦ ᐊᒻᒪᓗ ᓇᒻᒥᓂᖃᖅᑎᐅᓪᓗᓂ ᐊᒻᒪᓗ ᐅᓪᓗᓕᒫᖅ ᐃᓕᓐᓂᐊᖅᑎᐅᔪᖅ ᓯᓐᓇᑦᑑᒪᒋᔭᖓᓂ ᐃᓕᓐᓂᐊᕐᕕᒻᒥ. 

ᐱᓕᕆᐊᖃᖅᐳᖅ ᑲᑎᓯᒪᔪᓂᒃ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᕐᓂᕐᒥᒃ ᐊᒻᒪ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᓂᕐᒥᒃ. ᒪᕐᕈᑲᓐᓃᓐᓂᒃ ᐸᐃᑉᐹᖃᕐᖓᑦ, ᒪᕐᕈᑲᓐᓃᓐᓂᒃ ᐊᕐᕌᒎᓐᓂᒃ ᓱᓕ. 11-ᓂᒃ ᐊᕐᕌᒍᓂᒃ ᑕᐅᕗᙵᕋᓱᐊᓚᐅᖅᑐᖅ, ᑭᓯᐊᓂ ᑭᖑᓪᓕᖅᐹᒥ ᓴᖅᑭᓚᐅᖅᑕᖓ. ᒫᓐᓇ ᓯᓐᓇᑦᑑᒪᒥᓂᒃ ᐃᓅᓕᖅᑐᖅ ᐊᒻᒪᓗ ᑎᑭᐅᑎᓪᓗᓂ ᑐᕌᒐᕆᔭᒥᓄᑦ. ᐱᖓᓱᓂᒃ ᕿᑐᕐᖓᖃᕐᖢᓂ ᑐᖔᓂ 12, ᐊᖓᔪᖅᑳᖑᓂᖅ ᐱᔭᒃᓴᖃᕐᔪᐊᖅᑐᖅ. ᓴᓂᑦᑎᐊᖓᓂ ᓄᓇᖃᖅᑐᖅ ᓄᑲᖅᖡᑦ ᐃᓕᓐᓂᐊᕐᕕᖓᑕ ᓴᓂᑦᑎᐊᖓᓂ ᐊᔪᕐᓇᙱᓐᓂᖅᓴᐅᑎᑦᑎᓪᓗᓂ ᑭᒃᑯᓕᒫᓄᑦ. ᐊᔪᕐᓇᖏᓐᓇᓱᒋᐊᖃᖅᑐᖅ ᑭᓱᓕᒫᓄᑦ ᐱᐊᓂᒋᐊᖃᖅᑕᖏᓐᓄᑦ.

ᐃᓕᓐᓂᐊᕐᕕᖕᒥ ᓇᒡᓕᒍᓱᒃᑐᖅ ᑭᓯᐊᓂ ᐊᒃᓱᕈᕐᓇᕆᖕᒥᔭᖓ. ᐃᓱᒪᑦᑎᐊᕐᓂᕐᒥᑦ, ᐃᓕᓐᓂᐊᖅᖢᓂ ᖃᐅᔨᒪᙱᑕᒥᓂᒃ, ᐱᔪᒪᓂᖃᑦᑎᐊᖅᖢᓂᓗ ᐱᔪᒃᓯᑎᑦᑎᓪᓗᓂᓗ ᐊᖓᔪᖅᑳᖑᓪᓗᓂ ᓇᖕᒥᓂᖃᖅᖢᓂᓗ ᓄᓇᓕᐸᐅᔭᒧᐊᖁᓪᓗᒍ. "ᑕᐃᒪᓕ ᐃᓱᒪᓕᓲᖑᕗᖓ ᑐᕌᒐᕆᔭᕋ ᐃᓱᓕᑉᐸᓪᓕᐊᓕᖅᑎᓪᓗᒍ. ᐃᓕᑕᕆᔭᐅᔾᔪᑎᑖᕐᓂᐊᕋᒪ. ᐊᖏᕐᕋᒧᑦ ᐅᑎᑲᐃᓐᓇᕐᓂᐊᕋᒪ ᐃᓕᓴᐃᓗᖓᓗ. ᑕᐃᒪᓐᓇ ᑕᕝᕙ ᐅᕙᓐᓂᒃ ᐊᖁᖏᓐᓇᐅᔭᖅᐳᖅ," ᓯᓐᓇᑦᑑᒪᓪᓗᓂ ᓂᐱᖃᖅᖢᓂ. ᐃᓕᓴᐃᔪᒪᒐᓗᐊᖅᐳᖅ ᖃᓄᐃᓕᐅᖅᐸᓚᐅᕈᓯᖏᓐᓂᒃ ᐃᓕᓐᓂᐊᖅᑕᒥᓂᒃ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥ. 

ᓯᓚᑦᑐᓴᕐᕕᕐᔪᐊᒦᒋᐅᖅᑐᓂ ᓯᕗᓪᓕᖅᐹᒥ ᐅᕕᒃᑲᐅᓪᓗᓂ ᐅᐸᖃᑕᐅᓚᐅᖅᐳᖅ ᐊᕐᓇᓄᑦ ᐊᐅᓚᐅᓯᕆᓂᕐᒧᑦ. ᑕᐃᑲᓂ ᐃᖅᑲᓇᐃᔭᓚᐅᖅᑐᖅ ᐱᓇᓱᐊᕈᓯᕐᓄᑦ 6-ᓄᑦ ᐊᒻᒪᓗ ᖁᕕᐊᒋᓪᓗᒍ. "ᖃᐅᔨᓚᐅᖅᑕᕋ ᐃᓅᓯᕐᒧᑦ ᐊᓯᔾᔨᕈᑎᐅᔪᖅ ᓲᖃᐃᒻᒪ ᓄᓇᓕᓐᓃᙶᓚᐅᕋᒪ ᐊᐅᔭᒃᑯᑦ," ᐃᖅᑲᐅᒪᔪᖅ. 

ᐊᐃᑉᐸᖓ ᓂᕈᐊᕆᓯᒪᔭᖓ ᑕᐃᔅᓱᒪᓂ ᓄᓇᑐᐃᓐᓇᕐᒥ ᖃᐅᔨᓴᕐᓂᕐᒧᑦ ᐊᐅᓪᓛᖅᓯᒪᓂᖅ ᒪᕐᕉᓐᓄᑦ ᐱᖓᓱᓄᓪᓘᓐᓃᑦ ᐱᓇᓱᐊᕈᓰᓐᓄᑦ, ᐊᒻᒪ ᒥᒋ ᐃᓱᒪᓪᓗᓂ ᓂᕈᐊᑦᑎᐊᓚᐅᕆᐊᖓ, ᐃᓚᒋᔭᐅᓚᐅᕋᓗᐊᖅᑎᓪᓗᒍ ᒪᕐᕈᐃᓐᓈᓐᓄᑦ ᐅᑭᐅᖅᑕᖅᑐᒥ ᐃᓕᓐᓂᐊᖅᑎᓄᑦ ᐊᒻᒪ ᐃᓚᖃᕋᓂ ᖃᓂᒋᔭᖏᓐᓂᑦ. ᐃᓕᓐᓂᐊᖅᑎᓄᑦ ᓇᔪᒐᖅ ᓯᓚᑦᑐᓴᕐᕕᒻᒥ ᐃᓂᐅᕗᖅ ᓇᓂᓚᐅᖅᑕᖓ ᓄᓇᓕᖓᓐᓂᑦ ᐊᒻᒪ ᐊᑦᑐᐊᓂᖃᖅᑐᓂ 12-ᓄᑦ ᐅᖓᑖᓄᓪᓘᓐᓃᑦ ᐃᓕᓐᓂᐊᖅᑎᓄᑦ ᓇᔪᕐᕕᒋᔭᖓᓄᑦ. ᐱᖃᓐᓇᕆᔭᐅᖏᓐᓇᕐᒪᑕ ᐊᒻᒪ ᑐᓴᐅᒪᑎᑦᑏᓐᓇᖅᖢᑎᒃ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᒃᑯᑦ ᐅᓪᓗᒥᒧᑦ ᑎᑭᖦᖢᒍ. 

ᐅᑎᕐᒪᑦ, ᐃᓕᑦᑎᓪᓗᓂ ᖃᓄᖅ ᓴᐸᖓᓕᕆᐊᒃᓴᖅ ᐃᓕᓴᐃᔨᒻᒪᕆᖕᒧᑦ ᓯᕗᓪᓕᕐᒥ ᐅᓪᓗᕐᒥ ᐊᒻᒪ ᒫᓐᓇ ᐃᓕᓴᐃᓕᕐᖢᓂ ᓴᐸᖓᓂᕐᒥᒃ. "ᑕᐃᒪᓕ ᐱᓕᕆᐊᕆᔪᒪᓂᐊᖅᑕᕋ ᓯᕗᓂᑦᑎᓐᓂ ᐃᓄᐃᑦ ᖃᐅᔨᒪᓂᑐᖃᖏᑦ ᐊᓂᒍᖅᑎᓐᓇᓱᒃᓗᒋᑦ," ᓇᓗᓇᐃᖅᓯᓪᓗᓂ. ᓴᐸᖓᕐᓂᒃ ᓯᐅᒻᒥᒑᓕᐅᓲᖅ, ᐃᒥᒐᕐᓂᒃ ᕿᔾᔮᖅᓯᓪᓗᓂ, ᓴᐸᖓᕐᓂᒃ, ᐃᓕᓐᓂᐊᖅᑎᑦᑎᕙᒃᖢᓂ ᓴᐸᖓᕐᓂᒃ ᓄᓇᓕᖕᓂ ᐊᒻᒪ ᖃᕆᓴᐅᔭᒃᑯᑦ ᐅᑭᐅᖅᑕᖅᑐᒥ. ᐊᒻᒪᓗᑦᑕᐅᖅ ᓴᐸᖓᓪᓗᓂ ᓯᓚᑐᓂᕐᒥ, ᐅᖃᐅᓯᖃᖅᐸᒃᑭᕗᖅ ᐅᖃᐅᓯᕐᒥᓂᒃ ᑎᑎᕋᖅᓯᒪᓕᖅᑎᖦᖢᒋᑦ ᓇᓴᐃᑦ ᐅᕕᓂᕈᐃᓪᓗ ᐊᒥᖅᑳᕈᑎᖃᖅᖢᑎᒃ ᐅᖃᐅᓯᕐᓂᒃ ᐅᑎᖅᑎᑕᒥᓂᒃ ᐃᓕᑦᑎᕙᓪᓕᐊᓂᕐᒥᓂ. 

ᐃᓕᓐᓂᐊᕐᕕᖕᒥ ᐱᓕᕆᓗᐊᙱᒃᑳᖓᒥ ᐊᒻᒪ ᓇᖕᒥᓂᖃᕐᓂᕐᒥᒃ ᕿᑐᕐᖓᒥᓂᒃ ᐱᖃᑎᖃᖃᑦᑕᖅᐳᖅ. ᕚᓕᐹᖅᑐᖅ ᐊᒻᒪᓗ ᐊᖏᕐᕋᒥᓃᒍᓐᓇᖅᑐᓂ ᖁᕕᐊᒋᓪᓗᒍ. ᓇᖕᒥᓂᕆᔭᖓ ᐃᓅᓪᓗᓂ ᐊᖏᕐᕋᖅᓯᒪᔪᒪᓂᖓᓄᑦ ᐅᓪᓗᓕᒫᖅ ᕿᑐᕐᖓᒥᓂᒃ ᐃᓕᓐᓂᐊᖅᑎᓪᓗᒍ. ᕿᑐᕐᖓᖏᑦ ᓄᓇᒥᓂᒃ ᑭᖑᓂᖃᓈᖅᓯᔪᑦ, ᖃᑕᙳᑎᖏᑦ ᐱᖃᓐᓇᕆᔭᖏᓪᓗ ᐊᐅᓪᓚᖅᓯᒪᑎᓪᓗᒋᑦ ᐃᓕᓐᓂᐊᕆᐊᖅᓯᒪᑎᓪᓗᒍ. ᐱᕈᖅᓴᓯᒪᔭᖏᑦ ᓄᓇᒥ, ᐊᒻᒪᓗ ᖃᐅᔨᑎᓪᓗᒋᑦ ᐃᓄᐃᑦ ᓂᕿᑐᖃᖏᓐᓄᑦ ᐊᒻᒪᓗ ᐃᓕᖅᑯᓯᖏᓐᓄᑦ ᓴᓐᖏᔫᖁᓪᓗᒋᑦ ᐃᓕᖅᑯᓯᖏᑎᒍᑦ ᐃᓕᓴᕐᓇᐅᑎᖏᑎᒍᑦ. 

"ᐊᒃᓱᕉᑎᒋᓇᓱᖃᑦᑕᖅᑕᕋ ᓇᖕᒥᓂᖅ ᐃᓕᓐᓂᐊᕐᓂᓕᕆᓂᕐᒧᑦ ᐊᖅᑯᑎᒋᓂᐊᖅᑕᕋ ᐱᓕᕆᑐᐃᓐᓇᕐᓗᖓ ᑐᕌᕆᔭᐅᔪᒧᑦ ᐅᕝᕙᓘᓐᓃᑦ ᓯᓐᓇᒃᑑᒪᔭᓐᓄᑦ. ᓄᓇᓕᖕᓃᙶᕋᓗᐊᖅᖢᓂ, ᐃᔩᒃᑭᒃ ᐅᒃᑯᐃᖓᑦᑎᐊᓲᑦ," ᐅᖃᖅᖢᓂ. ᐊᖏᕐᕋᖅᖢᓂ 16−ᒥᑦ ᐃᖅᑲᓇᐃᔭᕆᐊᖅᑐᖅᖢᓂ ᓯᓚᑦᑐᖅᓴᕐᕕᒡᔪᐊᒥᑦ ᖃᐅᔨᓚᐅᖅᐳᖅ ᑭᓱᑦ ᐊᔪᕐᓇᙱᒻᒪᖔᑕ ᑐᓴᖅᑎᑦᑎᓪᓗᓂᓗ ᐅᖃᐅᔾᔪᐃᔾᔪᑎᖏᓐᓂᑦ ᐃᓕᓐᓂᐊᕐᑎᓄᑦ. "ᐅᖃᐅᔾᔨᖏᓐᓇᐅᔭᖅᑐᖓ ᐃᓕᓐᓂᐊᖅᑎᓂᒃ ᓄᓇᓕᖕᓂ 'ᐊᖏᕐᕋᐅᔪᓐᓃᖅᑐᑦ, ᐊᑭᓖᓗᑎᒃ ᐱᓕᕆᐊᒃᓴᓄᑦ ᓅᓐᓂᕐᒧᓪᓗ. ᑕᑯᑐᐃᓐᓇᕐᓗᒍ ᑭᓱᑕᖃᒃᑲᓐᓂᕐᒪᖔᑦ," ᑲᔪᓯᔪᖅ. 

ᓇᒻᒥᓂᖅ ᕿᑐᕐᖓᒥᓄᑦ, ᐅᖃᐅᑎᕙᖏᑦ ᑕᒪᓐᓇ ᐃᓕᑉᐸᓪᓕᐊᓂᐅᒻᒪᑦ, ᐊᒻᒪᓗ ᐱᐅᒋᓐᖏᑉᐸᒍ, ᖃᓄᐃᓐᖏᑦᑐᖅ. "ᖃᐅᔨᒪᑐᐊᕈᕕᑦ ᐊᖏᕐᕋᖅᑕᖃᕐᓂᖅᓴᐅᓂᖓᓂᒃ, ᐊᖏᕐᕋᐅᖏᓐᓇᕈᓐᓇᐃᓐᓇᐅᔭᕐᓗᑎᓪᓗ," ᐃᓅᓯᓕᕆᔨᐅᔪᖅ. ᐊᖏᕐᕋᕈᓂ, ᑲᑎᑎᑦᑎᔪᒪᕙᒃᐳᖅ ᓄᓇᖃᓕᖅᑕᒥᓄᑦ ᐃᓕᖅᑯᓯᑐᖃᕐᒥᒍᑦ ᐃᓅᓯᕆᕙᒃᑕᒥᓄᑦ, ᐃᓕᓐᓂᐊᖅᓯᒪᔭᒥᓂᒃ ᖃᐅᔨᒪᔭᒥᓂᒃ ᓇᒃᓴᖅᖢᓂ ᐱᐅᓯᒋᐊᖅᑎᑦᑎᔪᒪᓪᓗᓂ ᐃᓕᓐᓂᐊᕐᓂᓕᕆᓂᕐᒧᑦ ᐊᑐᖅᑕᐅᕙᒃᑐᒥᒃ ᓄᓇᒋᔭᒥᓂ. 

ᐱᒻᒪᕆᐅᓛᖑᔪᖅ ᐃᓄᐃᑦ ᐱᔪᒪᓂᖃᕐᓗᑎᒃ. "ᓯᓐᓇᑦᑑᒪᑦᑎᐊᖅᑐᑎᑦ ᑕᒪᑐᒥᖓᓗ ᐱᓕᕆᐊᖃᓪᓚᕆᒡᓗᓂ. ᐃᓕᓐᓂᐊᖅᓯᒪᔭᕆᐊᖃᖏᑦᑐᖅ. ᐊᐅᓪᓚᕈᓐᓇᕐᑐᖅ. ᑕᒪᓐᓇ ᑕᐅᖅᓰᓂᐅᔪᓐᓇᖅᑐᖅ, ᐱᓕᕆᓂᑐᐃᓐᓇᐅᔪᓐᓇᖅᑐᖅ ᓯᓐᓇᑦᑑᒪᒋᔭᕐᓄᑦ ᐊᒻᒪᓗ ᑭᓱᑐᐃᓐᓇᕐᒥᑦ ᓴᖅᑮᔪᓐᓇᖅᑐᑎᑦ ᐃᓅᓯᕐᓂᑦ. ᑭᖑᕙᕐᕕᖃᙱᑦᑐᖅ ᐃᓕᓐᓂᐊᕆᐊᒃᓴᖅ ᐅᕝᕙᓘᓐᓃᑦ ᑭᖑᕙᓗᐊᓚᐅᖅᓯᒪᙱᖦᖢᓂ ᐱᓕᕆᔭᕆᐊᒃᓴᖅ ᐱᔪᒪᔭᕐᓄᑦ ᑐᕌᒐᕆᔭᕐᓄᓪᓘᓐᓃᑦ ᐃᓅᓯᕐᓂ," ᒥᒡᕗᐃ ᑎᓕᐅᕆᔪᖅ. ᐅᑎᕐᓗᓂ ᐃᓕᓐᓂᐊᕐᕕᖕᒧᑦ 33-ᒥ ᐱᖓᓱᓂᒃ ᕿᑐᕐᖓᓕᒃ ᐃᓕᓴᐃᓯᒪᔪᖅ ᑕᒪᑐᒥᖓ ᐊᒻᒪᓗ ᐊᓯᒥᓄᑦ ᖃᐅᔨᒪᔭᐅᖁᔨᔪᖅ. 

ᓴᐸᖓᓪᓗᓂ ᓴᐸᖓ ᑲᓵᓐᑐᕋ ᒥᒋᕗᐃ ᓴᓇᖃᑦᑕᖅᑐᖅ ᐱᐅᓴᐅᑎᓂᒃ ᓂᐅᕕᐊᒃᓴᖃᕐᓂᕐᒧᑦ, ᐊᒻᒪᓗ ᑕᐃᒪᓐᓇ ᐃᓕᑦᑎᕙᓪᓕᐊᔪᖅ, ᐊᑕᐅᓯᐊᖅᖢᓂ ᐃᓅᓯᖓ ᐱᐅᔪᐊᓘᑎᖦᖢᒍ... ᕿᑐᕐᖓᖏᑦ ᓴᓂᓕᕇᒃᖢᑎᒃ. ᐋᓪᕘᑕᒥ ᓯᓚᑦᑐᓴᕐᕕᕐᔪᐊᕐᒨᕈᒪᐃᓐᓇᖅᐸᓚᐅᖅᐳᖅ ᐊᒻᒪ ᐊᑯᓂᐅᓪᓗᓂ, ᑕᐃᑯᙵᓯᑦᑕᓯᓐᓇᓕᓚᐅᕐᒪᑦ. ᒫᓐᓇᓕ, ᓯᐅᓯᕆᔨᐅᖃᑕᐅᓕᖅᑐᖅ ᐊᒻᒪ ᐃᓕᓐᓂᐊᖅᖢᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.