"ᐆᒻᒪᑎᒐ ᐱᓕᕆᓚᐅᖅᑕᕋ ᓇᓃᓕᕐᒪᖔᕐᒪ. ᓄᓇᓯᐅᑎᒐ ᐱᖅᑰᓚᐅᖅᑕᕋ rodeo−ᒥᙶᖅᖢᓂ," ᓇᓗᓇᐃᖅᓯᕗᖅ ᑳᑕ ᖁᖅᓱᖅᑕᒥᒃ ᑎᖕᒥᐊᒥᒃ. ᐃᓚᒋᔭᐅᔪᖅ ᓵᒻᓴᓐ ᑯᕇ Nation-ᑯᓐᓄᑦ ᒫᔅᑳᓯᒥ, ᐋᓪᕘᑕᒥ, ᐃᑦᒪᓐᑕᓐ ᓂᒋᐊᓂ ᐊᒻᒪᓗ ᐱᓕᕆᖃᑎᖃᖅᐸᒃᑭᓪᓗᓂ ᑲᑐᔾᔨᖃᑎᒌᓂᒃ, ᒐᕙᒪᒃᑯᓐᓂᒃ, ᐊᒻᒪᓗ ᓄᓇᖃᖅᑳᖅᓯᒪᔪᓂᒃ ᕿᓂᕋᓱᐊᖅᑐᓂ ᐱᕕᒃᓴᖃᕝᕕᐅᔪᓐᓇᖅᑐᓂᒃ ᐊᖏᓪᓕᒋᐊᕆᒐᓱᐊᖅᑐᑎᒃ ᐱᔪᓐᓇᕐᓂᖏᓐᓂᒃ. ᐱᖓᓱᓂᒃ ᕿᑐᕐᖓᓕᒃ, ᐊᐅᓪᓚᖃᑦᑕᖅᑐᒻᒪᕆᐅᓪᓗᓂ ᐃᖅᑲᓇᐃᔭᕆᐊᖅᑐᓂ ᐊᒻᒪ ᐱᓕᕆᔪᒻᒪᕆᐅᓪᓗᓂ ᓴᖅᑮᓇᓱᐊᖅᑐᓂ, ᐊᔅᓱᕈᖅᑐᓂ ᐱᓕᕆᐊᖃᖅᐳᖅ ᒪᒥᓴᕋᓱᐊᖅᑐᓂ ᑳᓐᓱᒥᑦ.

MBA−ᖃᕐᓗᓂ Athabasca ᓯᓚᑦᑐᖅᓴᕐᕕᒡᔪᐊᕐᒥ, Bachelor of Arts in Native Studie Studies and a Bachelor of Commerce degree, ᐃᓱᒪᔪᖃᑐᐃᓐᓇᕆᐊᓕᒃ ᖁᖅᓱᖅᑕᓂᒃ ᑎᖕᒥᐊᓂᒃ ᓯᓚᑦᑐᖅᓴᕐᕕᖕᒧᐊᑲᐅᑎᒋᓗᑎᒃ −− ᑭᓯᐊᓂ ᑕᐃᒪᐃᙱᖦᖢᓂ. ᐱᓕᕆᔪᒻᒪᕆᐅᓚᐅᖅᐳᖅ, ᑕᕐᕆᔮᔅᓴᓕᐅᖅᑐᓂ, ᐱᐅᕆᔅᒥ, ᕙᕙᓗ ᕕᐅᓪ ᐅᐊᔅᑦ-ᒥ ᓴᖅᑭᔮᖅᑎᑦᑎᑎᓪᓗᒋᑦ ᐊᒻᒪ ᐊᒥᓱᑦ ᐊᓯᖏᑦ ᖃᓄᐃᓕᐅᕈᓘᔭᕐᓃᑦ ᐅᑎᓚᐅᖅᑎᓐᓇᒍ ᐃᓕᓐᓂᐊᕐᕕᒻᒧᑦ. ᓯᕗᓪᓕᖅᐹᑦᑎᐊᖑᓪᓗᓂ ᑯᕋᕝ-ᐊᒃᕉᑉ ᑳᓪᒍᕆ ᔅᑖᒻᐱᑦᒥ. ᓄᖅᑲᓚᐅᖅᑐᖅ ᒍᕋᐃᑦ 8-ᒥ ᑭᓯᐊᓂ ᑭᖑᓂᐊᒍᑦ ᐅᑎᓕᓚᐅᖅᑐᖅ GED-ᒧᑦ, ᑕᐃᒪᓕ MBA-ᒥᒃ. 

"ᖃᐅᔨᒪᓚᐅᖅᑐᖓ ᐃᓕᓐᓂᐊᕆᐊᖃᕐᓂᓐᓂᒃ ᓲᖃᐃᒻᒪ rodeo ᑕᒫᓃᔾᔮᙱᓐᓇᒪ ᐃᓅᓯᓕᒫᓐᓄᑦ." 

ᖁᖅᓱᖅᑕᖅ ᑎᖕᒥᐊᖅ ᑕᑯᓪᓗᓂ ᐃᓕᓐᓂᐊᕐᓂᖓᓂᒃ ᓇᓪᓕᐅᒃᑯᒫᒧᑦ ᐊᑐᐊᒐᐅᓪᓗᓂ ᓴᐳᒻᒥᓗᒍ ᑎᒥᖓ ᐊᓂᕙᓪᓕᐊᓕᖅᑎᓪᓗᒍ. ᕉᑑ ᐃᖅᑲᓇᐃᔮᓕᒫᖑᓂᐊᓚᐅᓐᖏᓚᖅ ᐊᒻᒪ ᐃᓕᓐᓂᐊᖅᓯᒪᓗᓂ ᐅᑎᕐᓗᓂ ᐃᓕᓐᓂᐊᖅᑕᖓ ᐃᓱᓕᑉᐸᑦ ᐱᒻᒪᕆᐅᓂᐊᓚᐅᕐᒪᑦ. ᖃᐅᔨᒪᓚᐅᕆᕗᕐᓗ MBA−ᖓ ᓱᓕᔪᕆᔭᐅᑦᑎᐊᕈᓐᓇᕐᓂᖓᓂᒃ, ᐃᓄᐃᑦ ᐱᒻᒪᕆᐅᑎᑦᑎᓇᔭᕐᓂᖏᓐᓂᒃ ᐊᒻᒪ ᐹᖏᑦ ᒪᒃᐱᖅᓯᒪᓇᔭᕐᓂᖏᓐᓂᒃ ᐱᓯᒪᓕᕈᓂᒋᑦ. 

rodeo-ᑯᑦ ᐃᖏᕐᕋᑎᓪᓗᒋᑦ, ᖁᖅᓱᖅᑕᖅ ᑎᒻᒥᐊᖅ ᑲᑉᐱᐊᓱᓕᓚᐅᖅᑐᖅ ᐊᒻᒪᓗ ᑕᒪᓐᓇ ᐊᑐᖅᑕᐅᓚᐅᖅᑐᖅ ᐊᑐᐃᓐᓇᐅᓕᓚᐅᖅᑐᖅ ᐃᓯᕋᒥ ᓄᓇᓕᖓᑕ ᓯᓚᑦᑐᕐᓴᖅᕕᖓᓄᑦ ᐸᐃᑉᐹᖃᑦᑐᓂ ᐊᒻᒪᓗ ᑎᑎᕋᐅᑎᒥᒃ ᐃᓕᓐᓂᐊᖅᑎᑕᐅᓪᓗᓂ ᐅᓪᓗᖓᓂ. ᑕᒪᓐᓇ ᐊᔾᔨᒋᓚᐅᙱᒻᒪᒍ ᑲᑉᐱᐊᓇᕐᓂᖓ ᑭᓯᐊᓂ ᖃᐅᔨᒪᑦᑎᐊᖅᑐᓂ ᐃᖅᑲᐅᒪᔪᓐᓇᓚᐅᖅᑐᖅ ᐃᓕᑕᒥᓂᒃ 8-ᓂᒃ ᖁᑦᑎᓐᓂᓕᓐᓂᒃ. ᐅᑭᐅᖕᓄᑦ ᒪᕐᕉᖕᓄᑦ ᓄᖅᑲᐃᓐᓇᓚᐅᖅᑐᖅ ᐃᓕᑕᕆᔭᐅᔾᔪᑎᑖᕋᓱᒃᖢᓂ. 

ᐃᓚᖓᑦ ᐃᒻᒥᓂᒃ ᐱᔪᒃᓯᔾᔪᑎᒋᓚᐅᖅᐹ ᐊᓯᒥᓄᑦ ᐅᖃᐅᓯᖃᖅᖢᓂ ᑐᕌᕆᔭᒥᓄᑦ ᑐᕌᕆᔭᖏᓐᓄᓪᓗ. ᑎᑭᐅᑎᒍᒪᒐᔭᕐᑐᖅ ᑐᕌᒐᖏᓐᓄᑦ ᐃᒻᒥᓄᑐᐃᓐᓇᐅᖏᑦᑐᖅ. ᐅᓪᓗᒥᐅᓕᖅᑐᖅ, ᐱᓕᕆᕙᓕᕋᒥ ᐅᖃᓪᓚᒃᑎᓪᓗᒍ, ᑕᖅᑲᐅᖓᕈᓐᓇᖅᖢᓂ ᐊᒻᒪᓗ ᐱᔭᕇᖅᓯᓪᓗᓂ ᑭᓱᑐᐃᓐᓇᓂᒃ ᓂᑲᒍᓱᑐᐃᓐᓇᙱᖦᖢᓂ MBA-ᒥᒃ. ᐃᓕᑦᑎᓚᐅᖅᑐᖅ ᑭᓱᒥᑭᐊᖅ ᒪᕐᕉᖕᓂᒃᓘᓐᓃᑦ ᐊᓂᒍᐃᓂᕐᒥᒃ ᐊᒃᓱᕈᕐᓇᖅᑐᒥᒃ, ᐊᓐᓄᕋᐃᖦᖢᓂ ᕼᐋᑭᕐᓂᕐᒥᒃ ᐊᔭᒃᓯᓪᓗᓂ ᐊᒻᒪ ᐃᓅᔪᓐᓃᖅᑎᓪᓗᒍ ᖀᖅᓱᓚᐅᖅᑎᓪᓗᒍ. ᑕᐃᒫᒃ ᐅᖃᖅᑯ ᑭᓱᓕᒫᑦ ᐱᔾᔪᑎᖃᖅᑯᑦ. 

ᒫᓐᓇ ᐃᓛᒃᑰᖅᖢᓂ ᐅᖃᐅᔾᔪᐃᔨᐅᓪᓗᓂ, ᖁᖅᓱᖅᑕᖅ ᑎᖕᒥᐊᖅ ᓇᖕᒥᓂᖅ ᐊᖓᔪᖅᑳᕆᖕᒪᒍ ᐱᔪᒃᓯᑎᑦᑎᓂᕐᓗ ᐱᒻᒪᕆᐊᓘᕗᖅ ᑕᒪᓐᓇ ᐱᓕᕆᐊᒃᓴᖅ ᓄᖅᑲᕐᕕᐅᕙᙱᓐᓂᖓᓄᑦ. ᐃᖅᑯᒻᒪᕋᔪᑦᑐᖅ ᐅᓐᓄᐊᒃᑯᑦ ᐃᓱᒪᑦᓴᖅᓯᐅᕈᑎᖃᖅᓱᓂ ᐃᕐᖐᓐᓇᑦᑕᐅᑎᒃᑯᑦ ᑎᑎᕋᕆᐊᖃᕐᓂᕐᒥᓂᒃ ᐊᒻᒪᓗ ᑎᑎᕋᖅᓱᓂ ᓯᓂᓕᓚᐅᖏᓐᓂᕐᒥᓂ ᐅᓪᓛᒃᑯᑦ. "ᐃᓱᒪᐃᑦ ᓄᖅᑲᕈᓐᓇᙱᑦᑐᖅ ᖃᐅᔨᒃᑲᐃᔨᐅᓗᓂ. ᑭᒃᑯᓕᒫᓄᑦ ᑐᕌᖓᙱᒻᒪᑦ. ᐱᔭᕆᐊᑐᔪᕈᓘᒻᒪᑦ ᐃᖅᑲᓇᐃᔮᖅ, ᑭᓯᐊᓂ ᓂᕈᐊᓚᐅᖅᑕᕋ ᑖᓐᓇ ᐃᖅᑲᓇᐃᔮᖅ ᐅᕙᓐᓄᑦ ᐊᑑᑎᖃᖅᓱᓂ. ᐱᐅᒋᔭᕋ ᓇᓃᓕᕐᒪᖔᕐᒪ ᒫᓐᓇ," ᕿᑦᓵᔪᖅ.

ᐃᓱᒪᒋᓪᓗᒍ ᐅᖃᐅᔾᔨᒋᐊᕈᑎᒋᓯᒪᔭᖓ ᓇᓪᓕᐊᓐᓄᑐᐃᓐᓇᖅ ᒪᒃᑯᑦᑐᓄᑦ ᐃᓱᒪᑐᐃᓐᓇᕆᐊᓕᓐᓄᑦ ᐊᐅᓪᓚᕈᒪᓂᕐᒥᑦ ᓄᓇᓕᖏᓐᓂᑦ ᐃᓕᓐᓂᐊᕆᐊᕐᓗᑎᒃ ᐊᖏᓪᓕᒋᐊᕆᓂᕐᒥᓪᓗ ᓴᓂᒧᑦ, ᐅᖃᕈᓐᓇᖅᑐᖅ ᓯᓚᑐᓂᕐᒥᑦ ᐅᖃᐅᓯᖃᕐᓂᕐᒥᑦ. "ᐃᓕᖅᑯᓯᖅ ᑕᐃᑲᓃᖏᓐᓇᕐᓂᐊᖅᑐᖅ. ᖃᓄᐃᓕᐅᕋᓗᐊᕈᕕᑦ, ᓇᒧᙵᐅᒐᓗᐊᕈᕕᑦ, ᐃᓄᖁᑎᑎᑦ ᑕᐃᑲᓃᖏᓐᓇᕐᓂᐊᕐᒪᑕ. ᐅᓐᓄᐊᖏᓐᓇᖅ ᐃᖏᕐᕋᔾᔮᓐᖏᑦᑐᑦ. ᑕᐃᒪᓐᓇ ᐱᕕᖃᕆᐊᖃᕋᕕᑦ," ᑎᓕᐅᕆᕗᖅ. "ᐃᓱᒪᒋᔭᕋ ᐊᖏᓛᖑᔪᖅ ᓵᑦᑎᐊᕐᒥᐅᑕᕆᓕᖅᑕᕗᑦ ᑲᑉᐱᐊᓱᖕᓂᖅ ᐊᓯᔾᔨᕐᓂᕐᒥᒃ... ᐅᖃᐅᑎᑐᐃᓐᓇᖅᑕᒃᑲ ᐃᓄᐃᑦ ᑕᐅᕗᙵᖃᑦᑕᖁᓪᓗᒋᑦ ᐊᒻᒪᓗ ᐊᒃᓱᕈᐃᓐᓇᖁᓪᓗᒋᑦ, ᑕᑯᓇᓱᐃᓐᓇᖃᑦᑕᕆᑦ ᑭᓱᑕᖃᕐᒪᖔᖅ," ᑲᔪᓯᓪᓗᓂ. 

"ᐃᓚᖓ ᐱᐅᓛᑦ ᐱᓯᒪᔭᑦᑕ ᐃᓕᖅᑯᓯᕗᑦ... ᐃᓕᖅᑯᓯᕗᑦ ᐱᐅᓯᕆᔭᐅᕙᖕᒪᑦ ᐃᓄᖁᑎᑦᑎᓐᓄᑦ." 

ᐃᒻᒥᓂᒃ ᑲᒪᒋᑦᑎᐊᕋᓱᒃᖢᓂ, ᖁᖅᓱᖅᑕᓂᒃ ᑎᖕᒥᐊᓂᒃ ᐃᓚᐅᕙᒃᐳᖅ ᖁᕕᐊᓱᖃᑎᒌᖕᓂᕐᒥᒃ ᑕᐅᑐᒃᖢᓂᓗ ᐃᓕᖅᑯᓯᑐᖃᕐᒥᓂᒃ. ᐱᔭᕇᖅᑎᓪᓗᒍ ᐅᓗᐊᒃᑯᑦ ᐃᖏᕐᕋᓂᕆᔭᖓ, ᓂᕆᐅᖕᓂᖃᕐᔪᐊᖅᑐᖅ. "ᑕᕝᕙᓃᓐᓂᓐᓂ ᐃᓅᓂᓕᒫᓐᓂᓗ, ᐱᔾᔪᑎᖃᕋᒪ ᑕᕝᕙᓂ ᑲᔪᓰᓐᓇᕐᓂᐊᕐᓗᖓᓗ. ᐱᓇᔪᐃᓐᓇᖅᑐᑎᑦ, ᖃᓄᑐᐃᓐᓇᖅ," ᒪᓂᒪᑎᑕᖓ. ᑳᓐᓱᑖᖅᓯᒪᔪᖅ ᐊᒻᒪᓗ ᐅᓪᓗᐃᓐᓇᒃᑯᑦ ᐃᓕᓐᓂᐊᖅᑐᓂ, ᐊᒃᓱᐊᓗᒃ ᐊᖅᑯᓵᖅᓯᒪᔪᖅ ᐊᒻᒪᓗ ᐱᓇᓱᐊᖏᓐᓇᖅᑐᓂ. ᐃᓕᓐᓂᐊᖁᔨᒐᓗᐊᖅᐳᖅ ᐊᑖᑕᖓᑕ ᐃᙱᐅᓯᖏᓐᓂᒃ ᑭᓯᐊᓂ ᓂᕆᐅᐃᓐᓇᖅᐳᖅ ᖃᐃᓂᐊᕋᓱᒋᓪᓗᓂᒋᑦ.

ᑕᐃᒪᓕ, ᐃᓕᑕᖓ ᐃᓕᑕᐅᔪᖅ ᓈᒻᒪᑦᑎᐊᖏᓐᓂᕐᒥᑦ ᐊᒻᒪ ᐊᒃᓱᕈᕐᓂᕐᒥᑦ. "ᑐᑭᓯᐅᒪᔭᕆᐊᖃᖅᑐᑎᑦ ᑭᓱᒥᑭᐊᖅ ᐱᐅᑦᑎᐊᙱᑦᑐᒥᒃ ᐊᒃᓱᕈᕐᓇᖅᑐᖃᕐᖢᓂᓗ ᑕᖅᑳᓂ ᓇᓂᓯᔪᓐᓇᕈᕕᓪᓗ ᐊᑐᒐᒃᓴᒥᒃ ᐊᐅᓚᑦᑕᕆᐊᓕᖏᓐᓂ ᐊᕙᑎᖏᓐᓂ, ᐱᓕᕆᐊᕆᓗᒋᓪᓘᓐᓃᑦ, ᓇᑉᐸᖓᓃᓕᖅᐳᑎᑦ." ᑲᐅᑐ ᖁᖅᓱᖅᑕᖅ ᑎᒻᒥᐊᖅ ᐆᒻᒪᑎᒥᓂᒃ ᐱᓕᕆᓚᐅᖅᑐᖅ ᓇᒧᓐᖓᐸᓪᓕᐊᓪᓗᓂ, ᓄᓇᓯᐅᑎᖓ ᑎᑭᑦᑐᓂᐅᒃ. ᑕᒪᓐᓇ ᓴᐱᓕᖅᑕᐃᓕᓂᐅᔪᖅ ᐃᓕᓐᓂᐊᕐᕕᒃᑰᓚᐅᖅᐳᖅ, ᐅᓗᐊᒃᑯᑦ ᐊᒻᒪ ᐊᖅᑯᑎᒃᑯᑦ ᓄᑖᓂᒃ ᕿᓂᖅᑐᓂ ᐊᒻᒪ ᑭᖑᒧᑦ ᑕᑯᓐᓇᓕᑕᐃᓐᓇᖅᑐᓂ ᓯᓚᑐᓂᖓᓂᒃ ᐃᓕᖅᑯᓯᑐᖃᖓᑕ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.