"ᐱᕈᓚᐅᖅᑐᖓ ᖃᐅᔨᒪᓪᓗᖓ ᒪᕐᕉᖕᓂᒃ ᐊᔾᔨᒌᙱᑦᑑᖕᓂᒃ ᐃᓅᔾᔪᓯᕐᓂᒃ. ᐃᓕᓚᐅᖅᑐᖓ ᐃᓕᖅᑯᓯᑐᖃᕐᓂᒃ ᐃᓕᖅᑯᓯᑐᖃᕐᓂᒃ ᑕᒫᓂ. ᑭᓯᐊᓂ ᖃᐅᔨᒪᓚᐅᕐᒥᔪᖓ ᐊᖏᔪᒥᒃ ᓄᓇᕐᔪᐊᖅᑕᖃᕐᓂᖓᓂᒃ ᑕᒫᓂ," ᐊᒃᑐᐊᓂᖃᖅᑐᖅ ᑳᑦᓖᓐ ᒪᑦᕆ, ᖃᐅᔨᒪᔭᐅᓂᖅᓴᐅᓪᓗᓂ ᑲᐃᑦ ᐊᐳᑎᒥᒃ ᓄᓇᓕᖓᑕ ᐊᕕᒃᑐᖅᓯᒪᓂᖓᓂ. ᐃᖅᑲᓇᐃᔮᖓ ᖃᐅᔨᓴᖅᑎᐅᓪᓗᓂ ᑐᑭᓯᕚᓪᓕᕈᑎᒋᓚᐅᖅᐸᐅᒃ. 

ᐊᕐᕌᒍᓄᑦ 8-ᓄᑦ ᐃᖅᑲᓇᐃᔭᖅᓯᒪᓪᓗᓂ, ᐊᒃᓱᕉᑎᖃᖅᐳᖅ ᖃᐅᔨᓴᖅᑎᓂᒃ ᖃᐅᔨᒪᓕᕐᓂᕐᒥᒃ ᐊᒻᒪ ᐃᓄᐃᑦ ᖃᐅᔨᒪᓂᑐᖃᖏᓐᓂᒃ ᒪᕐᕉᖕᓂᒃ ᐊᔾᔨᒌᙱᑦᑑᖕᓂᒃ ᐊᒻᒪ ᐊᔾᔨᒌᓂᒃ ᖃᐅᔨᒪᔭᒥᓂᒃ. "ᒪᕐᕈᐃᓕᖓᔫᒃ ᖃᐅᔨᒪᓂᐅᔪᑦ. ᖃᐅᔨᒪᔨᒻᒪᕆᖃᕈᑦᑕ ᖃᐅᔨᓴᖅᑎᓂᑦ, ᐱᓕᕆᖃᑎᖃᕐᓗᑕ ᖃᐅᔨᒪᔨᒻᒪᕆᓐᓂᑦ ᖃᐅᔨᓴᓚᐅᖅᑐᓂᑦ ᓄᓇᒥᑦ ᐃᒫᓂᑦ ᐃᓅᕋᑖᖅᑎᓪᓗᒋᑦ ᒫᓐᓇᒧᑦ, ᖃᐅᔨᓴᖅᑕᐅᑦᑎᐊᓛᖅᑐᑎᑦ," ᓇᓗᓇᐃᖅᓯᒻᒪᑦ. 

ᓄᓇᒥᓂ ᓄᓇᖃᖅᑐᖅ ᐃᓅᕕᖕᒥ, ᓄᓇᑦᓯᐊᒥ, ᐊᒻᒪ ᐃᖅᑲᓇᐃᔭᖅᖢᓂ ᑲᓇᑕᒥ ᐃᒪᕐᒥᐅᑕᓕᕆᔨᒃᑯᓐᓂ ᐱᓕᕆᔨᐅᓪᓗᓂ. ᐊᑖᑕᖓ ᓄᓇᖏᓐᓅᓚᐅᖅᑐᖅ ᖃᐅᔨᓴᖅᑎᒻᒪᕆᐅᓪᓗᓂ ᐊᒻᒪᓗ ᑲᑎᑎᑕᐅᓯᒪᓪᓗᓂ ᐊᓈᓇᒥᓂᒃ ᓄᓇᖃᓚᐅᖅᑐᖅ ᖃᓂᑦᑐᒥ ᓄᓇᓕᓐᓂ.

ᐱᕈᖅᐸᓪᓕᐊᓪᓗᓂ, ᐊᖓᔪᖅᑳᖏᑦ ᐅᖃᓚᐅᖅᐳᑦ ᐊᓂᖓᓗ ᓯᓚᑦᑐᖅᓴᕐᕕᒡᔪᐊᕐᒧᐊᖁᔨᓪᓗᓂ; ᓄᖅᑲᕐᓂᖅ ᐃᓕᓐᓂᐊᕐᕕᐊᓗᒻᒥ ᐱᔭᕇᖅᑐᓄᑦ ᓇᓖᕌᕋᔅᓴᐅᓚᐅᖏᑦᑐᖅ. ᑕᒪᓐᓇ ᐃᖅᑲᓇᐃᔭᓚᐅᖅᑐᖅ ᒫᑦᕆᒧᑦ ᐱᔾᔪᑎᒋᓪᓗᒍ ᐃᓕᑕᕆᔭᐅᔾᔪᑎᑖᕈᒪᓚᐅᕐᒪᑦ. ᖃᐅᔨᒪᓚᐅᖅᑐᖅ ᑭᐱᔭᐅᙱᖦᖢᓂ ᓴᓇᔨᓪᓚᕆᐅᓂᕐᒧᑦ, ᑎᑎᕋᕐᕕᖕᒥᓗ ᐱᓕᕆᓂᖓ ᖁᕕᐊᒋᙱᖦᖢᓂᐅᒃ. ᐃᓕᓐᓂᐊᕋᓱᓚᐅᖅᑐᖅ ᐃᖢᐊᖅᓴᐃᔨᐅᓂᕐᒥᑦ ᐃᓕᓐᓂᐊᕐᓇᒧᑦ ᐃᓱᒪᓕᐅᓚᐅᕋᓂ ᐊᐅᓚᑦᑎᔪᓐᓇᔾᔮᖏᓐᓂᖓᓂ ᐊᓯᖓᑕ ᐃᓅᓯᖓᓂ. 

ᖃᐅᔨᓴᕐᓂᖅ ᐆᒪᔪᓂᒃ ᖃᐅᔨᓴᕐᓂᕐᒥᒃ ᐃᓕᑦᑎᓂᕐᓗ ᐸᐃᒃᑕᓂᒃ ᕗᓗᐊᕆᑕᒥ ᑭᖑᓪᓕᕐᒥ ᖃᓄᐃᓕᐅᕐᕕᐅᓚᐅᖅᑐᖅ.  ᐱᕈᖅᓯᒪᐃᓐᓇᓕᕐᖢᓂ ᐊᐅᓪᓚᕆᐊᒃᓴᖅ ᑭᓯᐊᓂ ᐊᖏᕐᕋᖅᓯᒪᕐᔪᐊᓕᕐᖢᓂ, ᐅᖃᓗᒃᓗᓂ ᐊᓈᓇᒥᓄᑦ ᖃᐅᑕᒫᑦ. ᒫᑦᕆ ᓇᒥᑭᐊᖅ ᓄᓇᖃᓚᐅᖅᓯᒪᙱᑦᑐᖅ ᖃᐅᔨᒪᙱᖦᖢᓂ ᑭᒃᑯᓕᒫᓂᑦ ᓄᖅᑲᕋᓱᑐᐃᓐᓇᕐᖢᓂᓗ. ᐊᖏᕐᕋᒧᑦ ᐋᓐᓂᐊᕈᒪᙱᖦᖢᓂ ᓄᖅᑲᕈᑎᒋᔪᒪᙱᖦᖢᓂᐅᒃ, ᐊᓱᐃᓛᒃ ᐱᖃᓐᓇᕆᔭᖅᑖᕐᖢᓂ ᐊᓯᖏᓐᓂᒃ ᐃᓕᓐᓂᐊᖅᑎᓂᒃ ᐅᖓᓯᒋᔭᖃᖅᑐᓂᒃ ᐊᖏᕐᕋᒥᓂᒃ.

ᐱᔭᕇᖅᑎᓪᓗᒍ, ᖁᕕᐊᒋᑦᑎᐊᕐᖢᓂᐅᒃ ᐊᓂᔭᕆᐊᒃᓴᖅ ᐊᔪᕐᓇᓚᐅᖅᑐᖅ.  ᐃᓕᓚᐅᖅᑐᖅ ᐃᓄᐃᑦ ᒥᒃᓵᓄᑦ "ᐃᓛᑎᒍᑦ ᐊᔾᔨᒌᙱᑦᑐᑎᒍᑦ ᓄᓇᓕᕐᔪᐊᓃᙶᖅᓯᒪᔪᒍᑦ ᐊᒻᒪᓗ ᑕᐃᒪᐃᑦᑐᒐᓚᓐᓂᒃ, ᑭᓯᐊᓂ ᐊᔾᔨᒌᓐᓂᖅᓴᐅᔪᖁᑎᖃᖅᑐᑎᑦ ᐃᓱᒪᒋᔭᕐᓂᒃ." ᖁᕕᐊᒋᔭᖃᓚᐅᖅᑐᖅ ᑲᑎᖃᑎᖃᕆᐊᔅᓴᖅ ᐃᓄᓐᓂᑦ ᓇᑭᑐᐃᓐᓇᖅ ᓄᓇᕐᔪᐊᕐᒥ ᐊᒻᒪᓗ ᐃᓕᓐᓂᐊᑎᑦᑎᓪᓗᓂ ᐊᓯᖏᓐᓂᑦ ᐱᖅᑯᓯᖏᑕ ᒥᔅᓵᓄᑦ ᐊᒻᒪᓗ ᓇᑭᙶᕐᒪᖔᖅ. 

ᒫᑦᕆ ᐊᓂᒍᐃᓚᐅᖅᐳᖅ Bachelors of Science−ᒥ ᓄᓇᒥᙶᖅᑐᓂᒃ ᖃᐅᔨᓴᖅᑐᓕᕆᓂᕐᒥᒃ, ᐱᔾᔪᑎᖃᓪᓗᐊᑕᖅᖢᓂ ᐆᒪᔪᓂᒃ ᖃᐅᔨᓴᖅᑐᓕᕆᓂᕐᒥᒃ, ᐱᓕᕆᓯᒋᐊᓚᐅᙱᓐᓂᖏᓐᓂᒃ ᐃᒪᕐᒥᐅᑕᓂᒃ ᖃᐅᔨᓴᖅᑐᓕᕆᓂᕐᒥᒃ. ᐃᓱᓕᖦᖢᓂ ᐊᔪᕐᓇᙱᓐᓂᓕᒫᖓᓄᑦ ᑮᓇᐅᔭᑎᒍᑦ ᐱᓕᕆᔨᒻᒪᕆᐅᓂᕐᒧᓪᓗ ᖃᐅᔨᓴᖅᑎᓄᑦ ᐃᑲᔪᖅᑎᐅᓪᓗᓂ ᖃᐅᔨᒪᓪᓗᓂᓗ ᐃᓕᓐᓂᐊᒃᑲᓐᓂᕆᐊᖃᕐᓂᕐᒥᓂᒃ. 

ᒫᑦᕆ ᖁᑦᑎᓂᖅᐹᒥᑦ ᐊᐅᓚᑦᑎᔨᙳᓚᐅᖅᑐᖅ ᐊᒻᒪ ᓯᕗᓕᖅᑎᐅᓪᓗᓂ. ᓅᓚᐅᙱᑦᑐᖅ, ᐃᓕᓐᓂᐊᖔᕐᖢᓂ ᖃᕆᑕᐅᔭᒃᑯᑦ. ᖃᐅᔨᓪᓗᓂ ᐊᔪᕐᓇᙱᑦᑐᑯᓘᓂᖓᓂᒃ ᐅᓚᕕᓴᖅᑕᐅᔭᕆᐊᒃᓴᖅ ᐊᖏᕐᕋᒥ, ᐃᑲᔪᖅᑕᐅᒃᑲᓐᓂᕆᐊᖃᕐᖢᓂᓗ. ᐃᑲᔪᖅᑕᐅᓚᐅᖅᖢᓂ ᐊᕈᐊᕋ ᓯᓚᑦᑐᖅᓴᕐᕕᖕᒥ, ᐃᓕᓐᓂᐊᓚᐅᖅᑐᖅ ᐅᖃᓕᒫᒐᖃᕐᕕᖕᒥᑦ ᐅᖓᓯᒃᑐᒥᑦ ᐃᓕᓐᓂᐊᖅᖢᓂ ᐃᓅᓯᓕᒫᒥᓂᒡᓗ. 

ᒫᑦᕆ ᐊᒃᓱᕈᖅᖢᓂ ᐱᓕᕆᓚᐅᖅᐳᖅ ᐊᓂᒍᐃᓪᓗᓂᓗ. ᑐᔅᓯᐅᔾᔨᓚᐅᖅᑐᖅ ᖃᓄᐃᓕᐅᕆᐊᖃᕐᒪᖔᖅ ᑖᒃᑯᐊ ᐊᔪᙱᔾᔪᑎᐅᔪᑦ. ᒫᓐᓇ ᐃᖅᑲᓇᐃᔮᖓᓂ ᓇᓂᓯᓚᐅᖅᐳᖅ, ᐱᒻᒪᕆᐊᓗᖕᒥᒃ ᐱᓕᕆᐊᒃᓴᖃᖅᖢᓂ ᐊᔪᕈᓐᓃᖅᓴᖅᓯᒪᔭᒥᓂᒃ ᐊᑐᖅᐸᒃᖢᓂ ᐊᒻᒪ ᐃᓕᑦᑎᕚᓪᓕᕈᑎᒋᕙᒃᖢᓂᒋᑦ ᐃᓅᓯᓕᒫᒥᓂᒃ ᓄᓇᒥ ᐃᒪᕐᒥᓗ.  

ᒫᓐᓇ ᐱᓕᕆᐊᕆᔭᒥᓂᒃ, ᒫᑦᕆ ᖁᕕᐊᒋᔭᖃᖅᐳᖅ ᑐᑭᓕᐅᕆᓂᕐᒥᒃ ᖃᐅᔨᓴᖅᑐᓕᕆᓂᕐᒥᒃ ᓄᓇᓕᖕᒥᐅᓂᒡᓗ ᓄᓇᓕᖕᓂᒃ. ᑲᑎᒪᖃᑎᖃᕐᓂᖅ ᓄᓇᓕᖕᒥᐅᑕᓂᒃ ᐃᓄᖕᓂᒃ ᐱᔭᕆᐊᖃᒻᒪᕆᒃᑐᖅ ᐱᓕᕆᐊᖃᕐᓗᓂ ᖃᐅᔨᓴᕐᓂᕐᒥᒃ ᐃᑲᔪᕐᓗᓂᓗ ᖃᓄᑐᐃᓐᓇᖅ, ᒫᑦᕆ ᐃᓕᑦᑎᓗᓂ ᐊᖏᓂᖓᓂᒃ ᖃᐅᔨᓴᖅᑎᑦ ᐃᖅᑲᓇᐃᔮᖏᓐᓂ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ, ᓇᓗᓇᐃᔭᕈᓐᓇᖅᑕᖓ ᑐᑭᓯᓇᖅᑐᒃᑯᑦ ᐅᖃᐅᓯᖅᑕᒃᑯᑦ ᓄᓇᓕᖓᓄᑦ. ᐊᔾᔨᐸᓗᐊᑦᑕᐅᖅ, ᐅᑎᖅᑎᑦᑎᔪᓐᓇᕆᓪᓗᓂ ᓯᓚᑐᓂᖏᓐᓂᒃ ᓄᓇᓖᑦ ᖃᐅᔨᓴᖅᑎᓄᑦ ᑐᓴᖅᑎᑉᐸᒡᓗᓂᐅᒡᓗ ᑐᑭᓯᔪᓐᓇᖅᑕᖏᓐᓂᒃ. 

ᐱᓕᕆᖃᑎᒌᒡᓗᑎᒃ, ᓄᓇᓖᑦ ᖃᐅᔨᓴᖅᑎᓪᓗ ᓄᐊᑦᑎᕙᒃᐳᑦ ᑐᓴᐅᒪᔭᒃᓴᓂᑦ ᐃᖃᓗᐃᑦ ᒥᒃᓵᓄᑦ ᑕᐅᕙᓂ, ᐱᓕᕆᖃᑎᒌᒃᖢᑎᒃ ᑎᑭᓐᓇᓱᐊᖅᖢᑎᒃ ᓇᖕᒥᓂᖅ ᑐᕌᒐᕆᔭᖏᓐᓄᑦ. "ᐱᐅᒋᔭᒻᒪᕆᐊᓗᒐ ᐱᓕᕆᙱᓐᓇᑦᑕ," ᖁᖓᖦᖢᓂ, ᑭᓯᐊᓂᑦᑕᐅᖅ, ᐃᓕᓴᖅᓯᕗᖅ ᑕᒪᓐᓇ ᐊᑐᖅᑕᐅᓇᔭᖅᑐᖅ ᐱᓕᕆᐊᖑᒃᑲᓐᓂᕐᓂᖓᓂᒃ ᐱᐅᓂᖅᓴᒃᑯᓪᓗ ᐱᕚᓪᓕᕈᑕᐅᔪᓐᓇᖅᖢᓂ ᐃᓄᖕᓄᑦ ᐊᑐᖅᐸᒃᑐᓄᑦ ᐃᖃᓗᖕᓂᒃ ᖃᐅᑕᒫᑦ. ᑐᓴᐅᒪᖃᑎᒌᑦᑎᐊᓂᖅᓴᐅᖃᑦᑕᓕᖅᑎᓪᓗᒋᑦ, ᑕᒪᒃᑯᐊ ᑳᓐᑐᕌᓪᓗ, ᐃᓚᐅᓂᖅᓴᐅᒻᒪᑕ, ᑭᓯᐊᓂ ᑕᑯᓐᓇᓐᖑᐊᕐᓂᖅᓴᐅᒻᒪᑕ ᖃᓄᐃᓕᐅᕐᒪᖔᑕ ᑭᒃᑯᓕᒫᑦ ᓵᓚᖃᖁᓪᓗᒋᑦ. 

ᐃᖅᑲᓇᐃᔭᙱᒃᑳᖓᒥ, ᐅᒥᐊᖅᑐᖅᐸᒃᖢᓂ ᐊᐅᓪᓛᖅᓯᒪᕙᒃᖢᓂᓗ ᐊᐅᔭᒃᑯᑦ ᐱᓱᒋᐊᖅᑐᖅᐸᒃᖢᓂᓗ ᐅᑭᐅᒃᑯᑦ. ᖃᐅᔨᓵᓕᓚᐅᖅᑐᖅ ᐃᖅᑲᓇᐃᔭᑦᑎᐊᖃᑦᑕᕆᐊᖃᕐᓂᕐᒥᓂᒃ ᐃᖅᑲᓇᐃᔮᒥᓄᑦ ᐅᑎᕐᓂᐊᕐᓗᓂ. ᐅᓪᓗᒐᓵᓗᖕᓄᑦ ᓯᓚᒧᑦ ᓯᓚᒧᓪᓗ, ᐃᒻᒥᓂᒃ ᑲᒪᒋᑦᑎᐊᕈᓐᓇᓚᐅᙱᑦᑐᖅ. ᖃᑕᙳᑎᖏᑦ ᐆᒻᒪᖅᑎᑦᑎᒃᑲᓐᓂᕐᖢᑎᒃ ᓄᓇᓯᐅᑎᒃᑯᑦ ᐊᐅᓪᓛᕐᕕᒋᕙᒃᑕᖏᓐᓂ ᓄᓇᓕᐅᑉ ᓯᓚᑎᑦᑎᐊᖓᓂ, ᐅᖃᓘᑎᕋᓛᖃᙱᖦᖢᑎᒃ, ᐆᒻᒪᖅᑯᑎᖃᙱᖦᖢᑎᒃ ᐅᕝᕙᓘᓐᓃᑦ ᐃᒪᖃᖅᑎᑦᑎᙱᖦᖢᑎᒃ, ᓇᑲᑕᐅᑎᖦᖢᒍ ᒪᒥᓴᖅᑎᖦᖢᒍᓗ. ᐃᒡᓗᒌᑦᑎᐊᓕᓚᐅᖅᑐᖅ ᓯᓚᒥ ᐱᓕᕆᙱᓐᓂᖅᓴᐅᓪᓗᓂ ᐊᒻᒪ ᐊᐅᓪᓛᖅᓯᒪᔭᕆᐊᖃᙱᖦᖢᓂ ᖃᓄᐃᑦᑐᓐᓃᖅᐸᓪᓕᐊᓇᓱᑐᐃᓐᓇᖅᖢᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.